Nsanganya y’olimu ya ngɔndɔ ka divwa
Lomingu la ngɔndɔ ka divwa 6
Osambu 190
Taahe 10: Waewoyelo. Waewoyelo w’oma l’Olimu Aso wa Diolelo.
Taahe 17: “Onde Wɛ Kambaka l’Oyango Ɔmɔtshi?” Sala mbɔtwɛlɔ kahakoke kânga yaahe ɔtɔi, ko wɛ ndjeta lo wembola l’ekadimwelo. Sha ndo kɔmatɛrɛ ya lo dibuku Notre ministère, lɛkɛ 88-89. Keketsha anto tshɛ dia vɔ monga la tshete l’olimu awɔ.
Taahe 18: “Ambutshi: Nyosha Ananyu Ɛnyɛlɔ k’Ɔlɔlɔ.” Ekumanyi kɛmɔtshi ayosha mbɔtwɛlɔ ka lo tshena pe, ko l’ɔkɔngɔ diko nde ndjosawola nde l’anangɛso ahende wele ambutshi. Vɔ wekɔ lo mɛnya woho wayakiyanyawɔ dia kokɛ anawɔ oma lo ditshelo ndo waonga wa kɔlɔ wa la kalasa, wɛnyawɔ lo televiziɔ, wɛnya ewotɔ awɔ wele bu Ɛmɛnyi wa Jehowa kana anto akina. Anangɛso wayɔtɛkɛta dikambo dia waonga wa lɔsɛndji, ɛtɛkɛta wa kɔlɔ watondja ase andja ɔnɛ, yoho ya kɔlɔ yalɔtawɔ ndo dia tɔkɛnyɔ tawɔ ta kɔlɔ. L’ɔkɔngɔ wa vɔ mɛnya ohomba wa mbisha ana ɛnyɛlɔ k’ɔlɔlɔ, vɔ wayota toho tahombawɔ pɛtshahɛtshaka wekelo wa lo nkumbo, nsanganya ya l’etshumanelo ndo sambishaka la wangasanu.—Enda lo Tshoto y’Etangelo ya Ngɔndɔ k’Esambele 1, lɛkɛ 18-32, (OT) la Réveillez-vous ! wa Ngɔndɔ ka Divwa 22, 1991, lɛkɛ 8-9.
Osambu 101 ndo dɔmbɛlɔ dia ndjihelo.
Lomingu la ngɔndɔ ka divwa 13
Osambu 171
Taahe 10: Waewoyelo. Alapɔlɔ wa falanga.
Taahe 15: Kakɔna Kakatatshe Ɔnɔnyi Wetshi? Dako oma le omendji w’olimu. Vusola awui w’ohomba w’oma l’alapɔlɔ w’etshumanelo w’ɔnɔnyi w’olimu wa 1999. Sha etshumanelo losaka l’olimu w’ɔlɔlɔ wakawakambe. Ta lɛnɛ ahomba ase etshumanelo ndjalowanya yema. Tɛtɛ lo kɛnɛ kakatshe etshumanelo lo kɛnɛ kendana la wɔtwɛlɔ wa nsanganya ndo woho wakaweke l’anto Bible. Ta eyango w’ohomba wambɔsama lo kɛnɛ kendana l’ɔnɔnyi w’olimu wayaye.
Taahe 20: “Ayoyotɛ Ose Hindu Na?” Wembola ndo ekadimwelo. Tɛtɛ lo ohomba wa nyanga dia monga kanyi yâmɛ la waa Hindu, ndo ɛnya akambo wakokaso monga la wɔ kanyi yâmɛ esadi eto. Ɛnya woho wakokaso tshikitanyaka mbɔtwɛlɔ y’asawo nyɛ lam’asambishaso anto wa l’ɛtɛmwɛlɔ tshɛ. Sha ɛnyɛlɔ ka dimɛna efula ka woho wa sambisha Ose Hindu. Dia nyu mbeya awui efula wendana la waa Hindu, enda lo dikatshi di’okotsha di’Olimu Aso wa Diolelo; dibuku Comment raisonner, lɛkɛ 22; ndo lo dibuku L’humanité à la recherche de Dieu, tshapita 5.
Osambu 140 ndo dɔmbɛlɔ dia ndjihelo.
Lomingu la ngɔndɔ ka divwa 20
Osambu 193
Taahe 12: Waewoyelo la awui weta l’olimu w’esambishelo.
Taahe 15: Ehomba wa l’etshumanelo.
Taahe 18: Kamba Dimɛna la Dibuku Créateur. Dako ndo waɛnyɛlɔ. Olimu Aso wa Diolelo wa Ngɔndɔ ka Nɛi 1999 akatɛnya dia sho kokaka mbisha anto dibuku Créateur wonya tshɛ wahomanaso l’onto (1) lahetawɔ ɔnɛ Nzambi ekɔ kana (2) letawɔ ɔnɛ Nzambi ekɔ koko heye dimɛna ênde ndo naa waonga ande kana asangwelo ande. Sho kokaka kamba la wembola watshutshuya onto dia nde kana yimba ndo l’esato wele lo lohoso dia mbisha onto saki ka diada. Wɛ kokaka kamba dimɛna la lɛkɛ 152 la dibuku sɔ. Opandjudi kokaka mimbola ɔtɛkɛtshi ande ɔnɛ: “Lende okokiso tana alako woleki amɛna wendana la woho wakokaso kandola ekakatanu woleki wolo wahomana l’anto na?” Nde koka mɛ̂nya woho wakangɛnangɛna ewandji wa weke wa wedja Dako diakasha Yeso l’Okongo. Tɛnde asɔnɛ dikambo dimɔtshi dialeka mbɔngɛnyangɛnya efula l’atei w’akambo esambele wofundami lo dibuku diakɔ. Oma lâsɔ ko wɛ mbadia avɛsa amɔtshi l’atei a wanɛ woshilami. Ɛnya toho tohende totolakanyishawɔ ta mbisha onto dibuku Créateur, ndo mbuta losha lalɔmbama. Keketsha anto tshɛ di’aha vɔ tshikaka dibuku sɔ otsha l’esambishelo ndo kawongake wonya tshɛ suke dia disha anto naka kokaka.
Osambu 175 ndo dɔmbɛlɔ dia ndjihelo.
Lomingu la ngɔndɔ ka divwa 27
Taahe 15: Waewoyelo. Ohola apandjudi dia vɔ kimɔ alapɔlɔ w’olimu wa Ngɔndɔ ka Divwa. Keketsha anto tshɛ dia vɔ tayalɔngɔsɔdi dikambo di’okahanyelo wa periodikɛ wayosalema Ngɔndɔ ka Dikumi. Vusola alako amɔtshi woshami l’Olimu Aso wa Diolelo wa Ngɔndɔ ka Dikumi, lɛkɛ 8, wendana la woho wa nɔngɔsɔla asawo. Kamba la periodikɛ y’eyoyo dia wɛ shila akambo amɔtshi w’amɛna wakokaso sawola l’anto ndo lɔngɔsɔla ɛnyɛlɔ ɔtɔi kana bɛnyɛlɔ pende dia tomondo. Ɛnya woho wa mbutɛ ɔtɛkɛtshi yema ya woshasha yalɔmbaso.
Taahe 15: Ekadimwelo lo Wembola Anyu. Dako oma l’ekumanyi kɛmɔtshi.
Taahe 15: “Ɔtɛmwɛlɔ wa Mɛtɛ Wekɔ lo Tahame l’Erɔpɛ wa l’Ɛsta.” Ayɔlɔmbwama la wembola ndo ekadimwelo oma l’ekumanyi kɛmɔtshi. Shila awui wɛnya ehamelo ka lo wedja watɛkɛtama lanɛ, oko wɔkɔndwamidiɔ lo Annuaire w’eyoyo.
Osambu 87 ndo dɔmbɛlɔ dia ndjihelo.