Hemba mbɔtwɛlɔ kakoka tshikitanyema — BIBLIƆTƐKƐ WA LO ƐTƐRNƐTƐ wa Watchtower

Hemba mbɔtwɛlɔ kakoka tshikitanyema

Woho wayakiyanyaso l’otema ɔtɔi dikambo dia anto ayototshutshuya dia sho sɛdingola ehomba awɔ ndo mbaɛnya woho wayoshidiya Diolelo ekakatanu awɔ tshɛ lo pondjo. (Fil. 2:⁠4) Mbɔtwɛlɔ kakoka tshikitanyema kambokondja apandjudi efula etombelo w’amɛna oma lɔkɔ ele kɛnɛ ka nɔmba ompokami aso dia nde mbisha kɔmatɛrɛ lo esato wele lo ekanda aso wɛnya woho wayonga Paradiso, oko wɛnɛ woshilami lo lonya l’omi la dikatshi nɛ. Wɛ mbeyaka sala ngasɔ lo kamba la mbɔtwɛlɔ kɛmɔtshi l’atei wa nyɛ yayela:

◼ “Onde wɛ fɔnyaka dia lushi lɔmɔtshi tokɛna anto wangɛnangɛna la akambo wɛnyishami lo osato ɔnɛ?”

◼ “Sho tshɛ kombolaka dia anaso ngɛnangɛna la woho w’andja wɛnyishami lo osato ɔnɛ. Ko kakɔna kafɔnyayɛ kakoka salema dia akambo anɛ kotshama na?”

◼ “Ɔnɛ ekɔ osato ɔmɔtshi wɛnya woho wayonga nkɛtɛ etena kayosalema lolango laki Nzambi la nkɛtɛ oko wasalemalɔ l’olongo. Onde wɛ ambɛna dikambo dimɔtshi diele lo osato ɔnɛ diotshikitanyi la lɔsɛnɔ la nshi nyɛ?”

◼ “Onde wɛ ayɔngɛnangɛna nsɛna lo woho wa dihole wɛnyishami lo osato ɔnɛ? [Tshikande akadimole.] Onde wɛ fɔnyaka dia dikambo nɛ diokosalema etena kekeso la lɔsɛnɔ?”

Hokamɛ la yambalo tshɛ okadimwelo waki onto ndo la ɔlɔlɔ tshɛ mbolande wombola okina ɔtɔi kana ehende dia mbeya kanyi yande. Naka anto amɔtshi wambokadimola dia hawɔngɛnangɛna monga la woho wa lɔsɛnɔ lɛnyishami lo osato ko kana vɔ hawetawɔ dia dikambo dia woho akɔ diokosalema, kete totake esadi eto dia vɔ hawɛnyisha nsaki. La yewo tshɛ mbolande lande na kakanyiyande ngasɔ. Kɔmatɛrɛ yawɔ mbeyaka mɛnya woho wayakiyanyawɔ di’ekakatanu wele la anto wɛnama oko hawokandɔmaki.—⁠Ezek. 9:⁠4.

Naka wɛ amboshihodia ekiyanu wele la ompokami ayɛ, kete ɔtɔnganyiya mbɔtwɛlɔ kayɛ la ekiyanu akɔ. Ka epole ɔsɛkɛ lo losango la Diolelo laleka mbɔtɔnɛ mbala kakɔ ɔtɔi la ehomba ande. Ɛnyande divɛsa ɔtɔi kana ahende watɛkɛta dikambo dia ekiyanu ande. (Enda alako wele lo lonya l’omi.) Tshikande ênde ndamɛ kɛnɛ kata Ɔtɛkɛta wa Nzambi. Naka nde ambɛnya nsaki, kete shande okanda ndo yalɔngɔsɔla dia nyomokalola dia ndjowenda. Leka nomialomia nsaki kande lo sawo diayɛ dia mbala ka ntondo.

[Kiombo ya lo lɛkɛ 6]

Bɛnyɛlɔ diɛnya woho wayonga Paradiso

Dibuku Création: lɛkɛ 237, 243 ndo 251

Dibuku Etshama: lɛkɛ 251-254

Dibuku Ewo: lɛkɛ 4-5 ndo 188-189

Biukubuku Katɔlɔmba: lɛkɛ 11ndo 13

Dibuku Paix véritable: lɛkɛ 98

Dibuku Tɛmɔla Nzambi: lɛkɛ 92-93

[Kiombo ya lo lɛkɛ 6]

Awui wayakiyanya anto

Ata ndo awui wa terɔrismɛ

Osambu 46:8, 9;