Ekongelo ka losanganya l’olimu

Lomingu la Ngɔndɔ ka sato 10

Osambo 131

Min. 10: Waewoyelo. Kamba la alako wele lo lɛkɛ 6 kana la mbɔtwɛlɔ nkina yɔtɔnɛ la ɛtshi kanyu ka nkɛtɛ dia mɛnya woho wa mbisha anto Tshoto y’Etangelo ya Ngɔndɔ ka sato 1 ndo Réveillez-vous ! wa Ngɔndɔ ka sato kâmɛ la akatshi wa leeta wendana la Eohwelo.

Min. 20: Lande na kahombaso mbɔtɔka lo nsanganya y’Akristo? Sawo ndo ɔkɛtshanyelo la ampokami. Sawo diakɔ mbɔsama oma lo Tshoto y’Etangelo ya Ngɔndɔ ka tanu 15, 2007, lɛkɛ 11-13, lo Falase. Lɔmba ampokami dia vɔ mbuta wahɔ wakawakondja lo mbɔtɔka lo nsanganya ya lo etshumanelo ndo woho wakawatondoya wekamu dia mbɔtɔka lo nsanganya mbala la mbala.

Min. 15: “Sho kokaka mbisha Jehowa ɛngɔ kɛmɔtshi.”a Naka wonya wekekɔ, kete lɔmba ampokami dia vɔ mbisha kɔmatɛrɛ lo avɛsa woshilami.

Osambo 8

Lomingu la Ngɔndɔ ka sato 17

Osambo 144

Min. 10: Waewoyelo. Ohola ampokami dia vɔ mbela Tshoto y’Etangelo ya Ngɔndɔ ka nɛi 1 ndo Réveillez-vous ! wa Ngɔndɔ ka nɛi lo Losanganya l’olimu la lomingu layaye ndo dia vɔ ndjalɔngɔsɔla dia ndjɔkɛtshanya mbɔtwɛlɔ yɔtɔnɛ la ɛtshi kanyu ka nkɛtɛ. Waewoyelo w’oma lo Olimu aso wa Diolelo.

Min. 15: Ekadimwelo lo ambola anyu. Ayoshama oma le ekumanyi kɛmɔtshi. Adia ndo nyɔkɛtshanya sawo di’otondo.

Min. 20: “Ngande wakokaso kimanyiya wanɛ wɔtɔ lo Eohwelo?”b Etena kasɛdingolanyu odingɔ 5, sala wɛnyɛlɔ wa lo tshena pe wa woho wakokaso tatɛ wekelo wa Bible la onto ɔmɔtshi lakɔtɔ lo Eohwelo.

Osambo 214

Lomingu la Ngɔndɔ ka sato 24

Osambo 111

Min. 10: Waewoyelo. Adia alapɔlɔ wa kɔntɛ ndo mikanda wa eokelo ka losaka.

Min. 15: Toyalɔngɔsɔlɛ dia mbisha anto periodikɛ yeke ka tomba. Ɔkɛtshanyelo la ampokami. L’ɔkɔngɔ wa wɛ mbisha kanyi ya lo tshena pe y’awui wele lo Tshoto y’Etangelo ya Ngɔndɔ ka nɛi 1 ndo Réveillez-vous ! wa Ngɔndɔ ka nɛi, lɔmba ampokami dia vɔ mbuta asawo akɔna wakoka ngɛnyangɛnya anto wa l’ɛtshi kanyu ka nkɛtɛ ndo lande na. Lɔmba ampokami dia vɔ mbisha tokanyi lo woho wa kamba la asawo amɔtshi wambowokongɛ dia tosha anto. Dimbola diakɔna diakoka onto kamba la diɔ dia tatɛ sawo l’onto? Oma lâsɔ, divɛsa diakɔna diele l’etei ka sawo diakoka mbadiema? Lo kamba la alako woshami dikambo dia ɛtshi kanyu ka nkɛtɛ, ɛnya woho wakokaso mbisha anto Tshoto y’Etangelo ya Ngɔndɔ ka nɛi 1 ndo Réveillez-vous ! wa Ngɔndɔ ka nɛi.

Min. 20: Tekɔ lo tɛmbɛ lokumu l’ɔlɔlɔ la dui dimɔ di’ɔlɔlɔ efula. L’ɔkɔngɔ wa nde sala mbɔtwɛlɔ kahakoke kânga minitɛ ɔtɔi, ekumanyi kɛmɔtshi ayosha sawo diɔsami oma lo Tshoto y’Etangelo ya Ngɔndɔ k’esambele 1, 2005, lɛkɛ 24-25, odingɔ 10-14. Lɔmba ampokami dia vɔ mbuta woho wakawasha losango la Diolelo ekeketshelo ndo elongamelo etena kakawalioke mbala ka ntondo.

Osambo 29

Lomingu la Ngɔndɔ ka sato 31

Osambo 37

Min. 10: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka sato.

Min. 20: Tokambe dimɛna la Annuaire 2008. Sawo ndo ɔkɛtshanyelo la ampokami. Nyɔsɛdingole “Mukanda w’oma le Olui-walɔmbɔla,” wele lo lɛkɛ 3-4. Anto ahende kana asato wate dui dimɔtshi di’oma lo Annuaire diakakeketsha lo yoho ya lânde. Lɔngɔsɔla la ntondo di’opandjudi ɔtɔi kana ahende mbuta ekongelo kawɔ ka wadielo wa Annuaire. Komiya lo keketsha anto tshɛ dia vɔ mbadia Annuaire w’otondo. Naka nyatakondja Annuaire 2008, kete nyu mbeyaka kamba la wa 2007.

Min. 15: “Tokeketshanake etena keso l’esambishelo.”c

Osambo 122

Lomingu la Ngɔndɔ ka nɛi 7

Osambo 186

Min. 10: Waewoyelo.

Min. 20: Bonde katshimbatshimbayɛ dia batizama? Sawo diayoshama oma le ekumanyi kɛmɔtshi. Sawo diakɔ mbɔsama oma lo Tshoto y’Etangelo ya Ngɔndɔ k’esambele 1, 2006, lɛkɛ 31-32, odingɔ 14-17. Kɔnya lo tshena pe opandjudi ɔtɔi kana ahende wakabatizama weke l’ɛnɔnyi dikumi l’ɛmɔtshi. Kakɔna kakatshutshuya dia vɔ takola nna di’ohomba sɔ etena kakiwɔ weke akɛnda? Ngande wakakimanyiya batismu kawɔ dia vɔ monga Akristo wambotshunda lo nyuma, dui diele tshondo y’ekokelo?

Min. 15: Onde wɛ ambohembaka dia nɔmba onto dia mbeka la nde Bible mbala kakɔ ɔtɔi? Sawo ndo ɔkɛtshanyelo la ampokami. Sawo diakɔ mbɔsama oma lo dikatshi di’okotsha dia Olimu aso wa Diolelo wa Ngɔndɔ ka ntondo 2002, lɛkɛ 4. Nyɔsɛdingole bɛnyɛlɔ dia mbɔtwɛlɔ ndo woho wakokayɔ tshikitanyema dia tatɛ wekelo wa Bible lo dibuku Bible etshatɔ. Oma lâsɔ, nyosale wɛnyɛlɔ ɔtɔi kana ehende. Keketsha ampokami dia vɔ pemba kânga mbɔtwɛlɔ ɔtɔi lomingu layaye dia tatɛ mbala kakɔ ɔtɔi wekelo wa Bible lo dibuku Bible etshatɔ.

Osambo 225

[Nɔte ka l’ɛse ka dikatshi]