Vidɛo yele l’ɔtɛ a dui ɔnɛ: Les jeunes s’interrogent... Que vais-je faire de ma vie ? (Etenyi 2)
Kam’adjayɛ DVD, ko wɛ mbɔtɔ lo menu principal ka vidɛo kele l’ɔtɛ a dui ɔnɛ: Les jeunes s’interrogent... Que vais-je faire de ma vie ? Oma lâsɔ, ko wɛ nsɔna Interviews, ko wɛ nsɔna nto Sections. L’ɔkɔngɔ wa menda tenyi diakɔ sato, nkamba la ambola wele l’odingɔ 2 dia mvusola. Oma lo menu principal ko wɛ nsɔna Suppléments ndo l’ɔkɔngɔ wa menda ɛkɔnya akɔ etanu, nkamba la ambola wele l’odingɔ 3 dia mvusola.
Sections—Ndjakimɔ l’eyango w’anyanya kana le Nzambi: 1) Eyango akɔna wasɛngiyama ɛlɔngɔlɔngɔ la esekaseka dia mbesa? 2) Ngande wakoka 1 Joani 2:17 nkimanyiya ɛlɔngɔlɔngɔ la esekaseka dia vɔ mbɔsa yɛdikɔ lo kɛnɛ kendana la kalasa yalangawɔ mbɔtɔ? 3) Lande na kahatahombe mbetawɔ dia wɔma toshimba dia sho batizama? 4) Naa akambo amɔtshi wayotokimanyiya dia nkotsha kɛnɛ kalɔmbama dia batizama? Nyɔngɛnɛngɛnɛ olimu anyu w’esambishelo: 5) Lande na kahangɛnangɛna anto amɔtshi olimu w’esambishelo? 6) Naa akambo amɔtshi wakoka tokimanyiya? 7) Kakɔna kokiya anto amɔtshi wɔma woleki ndo wa nsambisha anto wahaweye, ndo lande na? 8) Ngande wakokaso minya wɔma ndo monga la dihonga dia nsambisha? 9) Lande na kele ekɔ ohomba nto dia mpamia diewo diaso dia nsambisha? Diaaso dia nkamba olimu diekɔ la ntondo kayɛ: 10) Ngande wele monga ombatshi mboka mbishaka onto waaso wa nde mpama lo nyuma? (Flpɛ. 3:16) 11) Lande na kêngenga anto amɔtshi dia monga ambatshi mboka? 12) Atɔndɔ akɔna wa l’Afundelo wakoka tokimanyiya dia ntondoya ekiyanu wendana l’ekondjelo? 13) Kakɔna kakasale anto amɔtshi dia ndjakotshɛka ehomba awɔ etena kewɔ ambatshi mboka? 14) Kakɔna kakoka onto nsala naka akambo wele lande hawosha diaaso dia nkamba olimu wa lo tena tshɛ?
Suppléments—Ohomba wa wekelo w’onto ndamɛ: 15) Lande na kele ekɔ ohomba dia salaka wekelo w’onto ndamɛ mbala la mbala? Weho ekina w’esambishelo (elamɛ nshi nyɛ ɔnɛ esambishelo ka lo sɛkɛ): 16) Ngande wele ndjasha lo toho totshikitanyi t’olimu w’esambishelo fudiaka ɔngɛnɔngɛnɔ aso? Olimu wa lo Bɛtɛlɛ: 17) Ɛlɔlɔ akɔna waya lo nkamba olimu wa lo Bɛtɛlɛ? Kalasa k’olowanyelo w’ekambi: 18) Ɛlɔlɔ akɔna wakakondja wanɛ wakɔtɔ lo kalasa kɛnɛ (elamɛ nshi nyɛ ɔnɛ Kalasa ka Bible k’anangɛso w’enyemba)? Kalasa ka Ngiliyadɛ dikambo di’olowanyelo wa waa misiɔnɛrɛ: 19) Ngande wakayalɔngɔsɔla Peter nde la Fiona dikambo di’olimu wa misiɔnɛrɛ, ndo ɛtshɔkɔ akɔna wakawakondja lo Ngiliyadɛ?