ETENYI 3

Oma lo lotshungɔ l’Edjibito polo ndo le nkumekanga ka ntondo k’Isariyɛlɛ

Mɔsɛ akalɔmbɔla Ase Isariyɛlɛ oma lo lɔhɔmbɔ l’Edjibito oya lo Dikona dia Sinai, lɛkɔ Nzambi akawasha ɛlɛmbɛ ande. L’ɔkɔngɔ diko, Mɔsɛ akatome apami dikumi l’ahende diatokemba kɛtɛ ya Kanana. Koko dikumi dia l’atei awɔ wakayosha alapɔlɔ wa kɔlɔ. Vɔ wakatshutshuya anto dia vɔ kalola l’Edjibito. Nɛ dia Ase Isariyɛlɛ kondjâla la mbetawɔ, Nzambi akawasha dilanya dia vɔ mbekekɔ ɛnɔnyi 40 l’oswe wa shɛnga.

L’ɔkɔngɔ diko, Jashua akayɔsɔnamaka dia nɔmbɔla Ase Isariyɛlɛ tshalo kɛtɛ ya Kanana. Jehowa akasale ahindo dia mbakimanyiya dia vɔ mbɔsa kɛtɛ. Nde akasale di’ɔkɛdi wa Jɔrɔdana atɔkɛlake, pele dia Jeriko dianyukɔ, ndo wonya wemale suu lushi l’otondo. L’ɔkɔngɔ w’ɛnɔnyi esamalo, Ase Kanana wakakɔswama kɛtɛ.

Tatɛ la Jashua, Isariyɛlɛ akalamema ɛnɔnyi 356 oma le tushushi. Tayeya akambo wa tushushi tɔmɔtshi oko; Baraka, Ngidiyɔna, Jɛfɛta, Samisɔna ndo Samuɛlɛ. Tayeya nto akambo wa amato amɔtshi oko; Rahaba, Dɛbɔra, Jaɛlɛ, Ruta, Naɔmi la Delila. Akambo w’Etenyi ka SATO kɛnɛ tshɛ wakasalema lo yɛdikɔ y’ɛnɔnyi 396.