Losanganya La Distrikɛ 1996

“AKƐNDJI WA WƆLADI A NZAMBI”

LO NSHI y’edjedja, anto wa Jehowa wakasalaka afɛstɔ asato wa weke ɔnɔnyi l’ɔnɔnyi. Woho akɔ wâmɛ mbatshumana Ɛmɛnyi wa Jehowa nshi nyɛ mbala shato l’ɔnɔnyi lo tena di’ɔngɛnɔngɛnɔ. Vɔ ngɛnangɛnaka mbɔtɔ lo losanganya lotshikitanyi la lushi ɔtɔi, lo losanganya l’otshimbedi la nshi hiende ndo lo losanganya la distrikɛ la nshi shato kana nyɛi. Ɔnɔnyi ɔnɛ, losanganya la distrikɛ lekɔ l’ɔtɛ a dui w’ɔnɛ: “Akɛndji wa Wɔladi a Nzambi.”

Ɔtɛ a dui ɔsɔ mɛtɛ sunganaka! Jehowa, Nzambi kaso, ekɔ “[Nzambi ka Wɔladi, NW],” eelo, “[Nzambi kasha wɔladi, NW].” Ɔnɔmbɔdi aso, Yeso Kristo, ekɔ “[Owandji wa wɔladi, NW],” ndo losango latɛmbɛ ekambi wa Jehowa lekɔ losango la wɔladi a Nzambi. (Filipi 4:9; Romo 15:33; Isaya 9:6; Nahuma 1:15) Ekongelo ka dimɛna efula ka losanganya la distrikɛ kakalɔngɔswama woho wa kimanyiya anto tshɛ dia vɔ nyomoleka shihodia ohomba wa wɔladi a Nzambi.

Ɔnɔnyi ɔnɛ, lo wodja w’États-Unis oto, ayonga nsanganya ya distrikɛ 198. Ondo losanganya lɔmɔtshi layosalema suke la dihole diodjashiyɛ. Lande na kahayambola Ɛmɛnyi wa Jehowa wodjashi suke la yɛ dia vɔ kotɛ wonya la dihole shikaa diayosalema losanganya lɔsɔ ko wɛ ndjâlɔngɔsɔla dia mbɔtɔ lɔkɔ na? Wanɛ tshɛ wele la mposa ka wɔladi wa mɛtɛ ndo wa pondjo wayolongwama l’ɔngɛnɔngɛnɔ tshɛ.

[Caption on page 32]

[Box on page 32]

Onde Wɛ Nangaka Onto Ndja dia Ndjokenda Oka?

Kânga l’atei w’andja ɔnɛ wambofukutana, wɛ kokaka monga l’ɔngɛnɔngɛnɔ oma l’ewo k’oshika ka Bible k’endana la Nzambi, la Diolelo diande, ndo la sangwelo diande di’ɔlɔlɔ di’endana l’anto. Naka wɛ nangaka mbeya awui akina wa lâdiko kana onto ɔmɔtshi ndja dia ndjokêtsha Bible lakayɛ aha la kɔlɔmba falanga, fundɛ Association “Les Témoins de Jéhovah” mukanda lo dihole diɛnayɛ ɔlɔlɔ lo lɛkɛ 2.