He Tohandjake!

PANDJA na? Losanganya la distrikɛ l’Ɛmɛnyi wa Jehowa laya ka suke, lɔ lekɔ l’ɔtɛ a dui ɔnɛ: “Akɛndji wa Wɔladi a Nzambi”! Lo ahole efula, losanganya lɔsɔ layotatɛ Lushi la Tanu la mishiki lo eshidi divwa la taahe 30. L’ɔkɔngɔ a wɛ mpokamɛ ɛkɔnya wakeketsha mbetawɔ lo dako diele l’ɔtɛ a dui ɔnɛ: “Tolonge Awui w’Oma le Apandjudi wa Wɔladi Wele l’Ohetoheto,” wɛ ayɔngɛnangɛna dako di’ekeketshelo diele l’ɔtɛ a dui ɔnɛ: “Kakɔna Katɔlɔmba Nzambi?”

Nyango dako diele l’ɔtɛ a dui ɔnɛ: “Ɔkɛndɛ Aso Sho Akɛndji wa Wɔladi a Nzambi” ayonga djembi ya lo Lushi la Tanu l’ɔkɔngɔ a midi. Oma lâsɔ ko dako diele l’ɔtɛ a dui ɔnɛ: “Tokimanyiya Akina dia Vɔ Mbeya Kɛnɛ Kalɔmba Nzambi” ndjotosha tokanyi tɔmɔtshi lo woho wakokaso ndakanya eyoyo. Dako sɔ diayoyelama la dako dia tenyi tenyi diayoshama lo wonya wasungana diele l’ɔtɛ a dui ɔnɛ: “Tênde Ɔlɔlɔ Tatokoyotala lo Tolonga Toshami ta Diendenda.” Lushi la Tanu, losanganya layokomɛ la dako diele l’ɔtɛ a dui ɔnɛ: “Tɔlɔshane la Diabolo​—⁠Aha Sho Mbetawɔ Vɔ Sɛmanɛ la Jehowa” la nɛ diata ɔnɛ: “Tosuke Pudipudi ka Dui dia Nzambi la Kɔlamelo Tshɛ.”

Lushi la Samalo la pindju, losanganya layɛnya ohomba w’olimu wa mbetɛ anto ambeki lo dako dia tenyi sato diele l’ɔtɛ a dui ɔnɛ: “Akɛndji Wewoya Lokumu l’Ɔlɔlɔ la Wɔladi.” Etenyi ka la pindju kayokomɛ la alako anɛ: “Weshasha Wakimɔma l’Ɔngɛnɔngɛnɔ l’Atei w’Ɔlɔngɔswamelo wa Jehowa,” la “Lɔsɛnɔ la Wɔladi lo Ndjakimɔ ndo lo Nongola Batismu,” oma lâsɔ ko vɔ ndjosha ambeki w’eyoyo diaaso dia vɔ batizama.

Dako diayoshama Lushi la Samalo l’ɔkɔngɔ a midi diele l’ɔtɛ a dui ɔnɛ: “Têndake Tokanyi ta Jehowa lo Akambo Tshɛ Watokomɛ,” diayokadimola wembola wele oko wɛnɛ: ‘Onde Akristo wekɔ lo kamba olimu wakakitola anto ɛlɔ kɛnɛ?’ la ‘Ngande wɔsa Bible dilanya dia nyɔi?’ Wɛ ayɔngɛnangɛna ndo dako dia tenyi pende diasalanganya otema diele l’ɔtɛ a dui ɔnɛ: “Nzambi ka Wɔladi Ekɔ lo Kolama,” djekoleko dako dia ndjihelo diele l’ɔtɛ a dui ɔnɛ: “Toyange Wɔladi a Nzambi lo Lɔsɛnɔ la Nkumbo.”

Lushi la Lomingu la pindju, ayonga ndo dako dimɔtshi dia tenyi sato diele l’ɔtɛ a dui ɔnɛ: “Woho Wakokaso Mbeya Akɛndji wa Mɛtɛ Mɛtɛ” la “Tohokame ndo Tokitanyiya Dui dia Nzambi.” Etenyi ka la pindju kayokomɛ la kɛnyɔ ya wetshelo yayowɔkɛnya l’ɔlɔtɔ wa lo nshi ya ntondo, lo kɛnyɔ yakɔ wayotosha wetshelo w’ohomba efula oma l’ɔkɔndɔ wa Bible watɛkɛta dikambo di’Ombadi Ngidiyɔna.

Lushi la Lomingu layokomɛ losanganya, etenyi ka komelo ka l’ɔkɔngɔ a midi kayonga la dako dia lo sɛkɛ diele l’ɔtɛ a dui ɔnɛ: “Wɔladi Akɔ wa Mɛtɛ v’Ɔnɛ!​—⁠Oma Lende Oyewɔ?” L’ɔkɔngɔ diko, losanganya la distrikɛ layokomɛ la dako diahɛtshahɛtsha asolo diele l’ɔtɛ a dui ɔnɛ: “Akɛndji wa Wɔladi a Nzambi: Nyɛsɔ Totshu Otsha la Ntondo.”

Yâlɔngɔsɔla kakianɛ dia wɛ mbɔtɔ lo losanganya lɔsɔ. Dia wɛ mbeya dihole dioleki sukana la yɛ diayosalema losanganya lakɔ, tshɔka lo Mbalasa ka Diolelo k’Ɛmɛnyi wa Jehowa kana fundɛ afundji wa jurunalɛ nyɛ mukanda. Tshoto y’Etangelo ya Asase a Ndjoko 1, 1996 yakɛnya ahole wayosalema losanganya la distrikɛ lo Zaïre la lo wedja ekina.

[Caption on page 32]

[Box on page 32]

Onde Wɛ Nangaka Onto Ndja dia Ndjokenda Oka?

Kânga l’atei w’andja ɔnɛ wambofukutana, wɛ kokaka monga l’ɔngɛnɔngɛnɔ oma l’ewo k’oshika ka Bible k’endana la Nzambi, la Diolelo diande, ndo la sangwelo diande di’ɔlɔlɔ di’endana l’anto. Naka wɛ nangaka mbeya awui akina kana onto ɔmɔtshi ndja dia ndjokêtsha Bible lakayɛ aha la kɔlɔmba falanga, mbola Ɛmɛnyi wa Jehowa wa lo ngelo kodjashiyɛ kana tomɛ Association “Les Témoins de Jéhovah” mukanda lo B.P. 634 Limete, Kinshasa, Zaïre.