Ɔnɛ ekɔ numɛlɔ ka wekelo

Tambotshikitanya ɛnamelo ka Tshoto y’Etangelo ya wekelo dia yɔ ndeka nkotola yambalo yayɛ ndo kokimanyiya dia mbeka awui w’oshinga wolo waki Jehowa wele l’Ɔtɛkɛta ande.—Osam. 1:2; 119:97.

Ambeta ɛnɔnyi ɛnɛi watomba numɛlɔ hiende ya Tshoto y’Etangelo, kɛmɔtshi lo dikambo di’anto tshɛ ndo kekina lo dikambo di’Ɛmɛnyi wa Jehowa l’ambeki wa Bible watahame.

Lo kɛnɛ kendana la numɛlɔ ka wekelo, Ɔmɛnyi wa Jehowa ɔmɔtshi wambôkambɛ l’edja k’ɛnɔnyi efula akate ate: “Etena kakamalongola numɛlɔ ka ntondo ka Tshoto y’Etangelo ya wekelo, lakambe efula ndo lakakiadia la yambalo tshɛ. Yɔ nembetshiyaka awui w’amɛna wa lo Bible lo yoho ya wɔdu ndo munandaka otema ami. Dimi kaloyaka okongamelo losaka l’efula lo ehomɔ k’oyoyo kɛnɛ.” Ɔnangɛso okina akate ate: “Dimi nomɔlomɔka dia mbadia Tshoto y’Etangelo ya wekelo lo dihole diemi dimɛ l’ekimanyielo ka Bible.” Tekɔ l’elongamelo dia ndo wɛ mbayaoka ngasɔ.

Oko wadieyayɛ, Tshoto y’Etangelo yakatatɛ tondjama lo 1879 ndo dui sɔ diakasalema l’ekimanyielo ka nyuma kaki Jehowa. (Zek. 4:6) Aya ɛnɔnyi 133 wambotondjama Tshoto y’Etangelo ndo etshikitanu efula wambosalema lo lohoso layɔ. Lo 2012, numɛlɔ tshɛ ka Tshoto y’Etangelo ya wekelo kayongaka la sango dimɔtshi dia dimɛna efula lâdiko diɛnya woho wasambisha Ɛmɛnyi wa Jehowa ndo dui sɔ diayotôholaka ɔkɛndɛ wakandatosha wa nsambisha Diolelo diande. (Etsha 28:23) L‘etei ka Tshoto y’Etangelo, mbuta ate lo lɛkɛ 2, wɛ ayotana foto k’osato wele lâdiko ndo yema y’elembetshiyelo wa dui diasalema ndo lɛnɛ asalemadiɔ. Dui sɔ diayotoholaka ɔnɛ Ɛmɛnyi wa Jehowa wekɔ lo nsambisha lokumu l’ɔlɔlɔ “lu kete tshe.”—Mat. 24:14.

Naa etshikitanu ekina wambosalema lo Tshoto y’Etangelo ya wekelo? Kiombo y’ovuswelo yaya l’etatelo ka sawo dia wekelo tshɛ. Dui sɔ diayokokimanyiyaka dia wɛ nyanga awui woleki ohomba etena katayadia ndo katayeke sawo. Koko, ɛnɔmbɔdi wa Wekelo wa Tshoto y’Etangelo wayotetemalaka mboka ambola wa lo kiombo y’ovuswelo l’ekomelo dia mbohola kɛnɛ kekiwɔ. Wɛ ayɛna nto dia ehembo ndo toshifidi tɛnya edingɔ tambonunyama yema.

Oko wadiɛnya numɛlɔ ka Tshoto y’Etangelo kɛnɛ, tambokotsha sawo di’oyoyo diele l’ɔtɛ a dui ɔnɛ: “Awui wambetaka” dia mɛnya woho watahame Ɛmɛnyi wa Jehowa wa nshi nyɛ. Ndo nto, ɛkɔndɔ wa kɛnɛ kakomɛ Ɛmɛnyi wa Jehowa wayotombaka mbala mɔtshi lo sawo diata ɔnɛ: “Vɔ wakayakimɔ la lolango.” Sawo sɔ diayɛnyaka lo yoho ya shikaa ɔngɛnɔngɛnɔ wele l’anangɛso ndo l’akadiyɛso waketawɔ dia tokambɛ Jehowa lɛnɛ ewɔ l’ohomba w’efula w’apandjudi wa Diolelo.

Tekɔ l’elongamelo dia wɛ ayongaka l’ɔngɛnɔngɛnɔ etena tshɛ kayoyetshaka dia mbeka Ɔtɛkɛta waki Nzambi l’ekimanyielo ka periodikɛ kɛnɛ.

Afundji

[Osato wa lo lɛkɛ 3]

1879

[Osato wa lo lɛkɛ 3]

1895

[Osato wa lo lɛkɛ 3]

1931

[Osato wa lo lɛkɛ 3]

1950

[Osato wa lo lɛkɛ 3]

1974

[Osato wa lo lɛkɛ 3]

2008