Ekadimwelo lo wembola anyu

◼ Kakɔna kahombama salema naka onto omɔtshi ambɔtɛtɛ efula ate: handjolanga Ɛmɛnyi waki Jehowa ndja lakami na?

Naka afundelo amɔtshi amboshimba di’aha anto mbɔtɔ l’asawo w’endana l’akambo w’ɔtɛmwɛlɔ kana wambodimola Ɛmɛnyi waki Jehowa la lokombo, kete ayonga dimɛna kitanyia lolango l’anto akɔ ndo di’aha kɔkɔla l’asoko awɔ.

Mbala mɔtshi sho tɛnaka afundelo washimba di’aha wanɛ wayanga anto w’akimanyia kana watahɔhɛ anto akina mbɔtɔ lo lokombo lɔmɔtshi. Afundelo asɔ hatende ne dia sho tekɔ lo kamba olimu a lolango w’endana l’akambo w’ɔtɛmwɛlɔ. Ayonga dimɛna minya lomba lo afundelo asɔ ndo kɔkɔla lo lokuke lakɔ. Naka ɔtɛkɛtshi aso ambongunganguna di’okomelo aso, kete tayohomba mbolembetshita la loshilambo lande na kakanaso ɔnɛ afundelo akɔ hawotênde. Tayohomba nɛnya lolango lande naka nde amboyotukiya ɔnɛ osekelo akɔ mendanaka ndo l’Ɛmɛnyi waki Jehowa.

Tshamaka mbala mɔtshi di’ɔtɛkɛtshi aso momala ndo totɛ mbala kakɔ ɔtɔi ate handjolanga nyolongola nto. Sho pombaka mbowetawɔ. Naka ɔsɔku, kete tayohomba mbidja kiatshi mɔtshi ya mukanda yofundami nshi ya ngɔndɔ lɔkɔ lo divɔlɔpɛ di’endana l’akambo wa mbilo woho w’apandjudi wayoyokindola mbilo kakɔ l’ɔkɔngɔ watɔkɔkɔlake lo soko di’onto akɔ

Koko, tatohɛke dia hatokoke mbewɔ weho a mvudu yakɔ shɔ pondjo pondjo. Anto wadjasɛ lo wa mvudu yakɔ kokaka monɔ. Kokaka tshama nto di’onto ɔmɔtshi la lo nkumbo kakɔ ndjokoma lo nongola lukumu l’ɔlɔlɔ l’otema ɔtɔi. Otema w’onto lakasawola laso kokaka tshikitana ndo mbosokoya dia nde nongamɛ diewoyelo diaso. Diɔ diakɔ diele, l’ɔkɔngɔ wa tena dimɔtshi, sho pombaka kalola atenda nkumbo kakɔ kɛsɔ dia ntêya kana mɛtɛ nkumbo kakɔ ambotshikitanya lɔkɛwɔ latɔ.

Pombaka menda mpata k’ombama ekanda wa mbilo mbala ɔtɔi lo ngɔndɔ ndo funda nkombo ya mvudu y’eso hatokoke membola lo dikatshi. La tshina di’ɛlɔmbwamelo k’omendji w’olimu, apandjudi wambekesanɛ efula l’olimu ndo wele la loshilambo kana l’ɔkɔmi wayokoka sɔnwama dia ntshɔ atembola mvudu y’anto a woho wa ngasɔ. Akoka wa mbutela anto akɔ asɔ ɔnɛ tamboya andjenda kana wanɛ wodjashi lo luudu lako wambonɔ hohandɔ. Pombaka apandjudi mpotɔ tokanyi tele lo dibuku Comment raisonner, ndjɛkɛ 15 polo 24, lo mbɔtwɛlɔ “Comment surmonter les objections.” Naka ɔtɛkɛtshi ekɔ la dionga di’ɔlɔlɔ, kete akoka wa mbowembola mbala kekina lo ndjela woho watotosalaka wayonga. Naka nde akatone oko oma l’etatelo, kete hatokoke kalola andjowenda la ntondo k’ɔnɔnyi shila. Olui wa dinondo ayokoka pomɛ ntolo dia, ondo, eko dui dia tshundju ntsha woho okina lo ndjela kɛnɛ k’eta.