Tokimanyiya akina dia vɔ mbeya mɛtɛ
1 Yeso akaye la kɛtɛ dia ndjewoya akambo wa mɛtɛ. Nde akalowanya ambeki ande l’olimu w’embetsha dia vɔ sambisha mɛtɛ le akina. Nde akayashikikɛ dia vɔ wayokotsha ɔkɛndɛ awɔ dimɛna mbakandawaelɛ ate: ‘embetsha wa lo sɛkɛ.’ (Mat. 13:52) Nde akɛdinya onto l’onto la l’atei awɔ l’ombeyi w’okanda layônga l’okundji w’efula wokokinde tɛkɔlaka oma lɔkɔ. Ɛlɔ kɛnɛ, ambeki wa Yeso wekɔ lo kamba olimu l’ekanda dia kɛndjakɛndja esambishelo ka Diolelo. Oko ɛnyɛlɔ, tshumanelo efula diekɔ la tubukubuku totshikitanyi dia kimanyiya akina dia vɔ ndjela Yeso. Woho akɔna okokiso kamba olimu la dihomɔ di’oshinga a wolo sɔ na?
2 Dia tatɛ sawo diayotokimanyiya dia mɛnya biukubuku “Un avenir assuré — Vous pouvez le connaître”, sho kokaka mumbola dimbola nɛ:
◼ “Onde wɛ atayambolaka lande na kahatayodja kanyi ɔnɛ: lo nshi yayaye tokônga ki, kânga mbadja anto weolo lo dikambo sɔ na? [Tshikɛ onto akɔ dihole akadimole.] Bible ekɔ lo nembetshiya lande na kele weolo ɛsɔ wekɔ anyanya.” Ala Osambu 146:3, 4. L’ɔkɔngɔ a kana lomba kâmɛ l’onto akɔ lo palagalafɛ 6, sho kokaka mumbola ɔnɛ: “Onto akɔna okoki mɛtɛ tosha wɔladi wayoviya na?” Lo ndjela okadimwelo w’ɔtɛkɛtshi aso, sho kokaka tɛkɛta tokanyi tɔmɔtshi tasungana tele lo palagalafɛ 7, kana mbɔsa tɛdikɔ dia ndjoditɛkɛta lo diembwelo dia mbala kekina.
3 Woho ɔmɔtshi ɔnɛ wa kamba olimu la biukubuku “Y a-t-il un Dieu qui se soucie de nous?”:
◼ “Anto efula wakayambola dimbola diatanema la tshina di’esato ehende ɛnɛ. [Ala dimbola diakɔ la tshina dia lɛkɛ 6 la 7, kele tshikɛ onto akɔ dihole akadimole.] Nɛ dia Nzambi ka ngandji hakoke ndjâla mbala kakɔ ɔtɔi otongi wa ɔlɔlɔ la otongi wa kɔlɔ, akanayɛ dia daka diande diofundami lo Isaya 65:21-24 na?” Naka waɔmbwɛlɔ w’onto akɔ mɛnyaka saki kɛmɔtshi, kete l’ɔkɔngɔ sho mbeyaka mbɔtɔ lo palagalafɛ 37 dia nembetshiya kɛnɛ kayokotsha Diolelo dia Nzambi.
4 Naka tekɔ lo mɛnyanya biukubuku “On peut espérer mieux que cette vie”, sho mbeyaka mbuta ɔnɛ:
◼ “Anto efula kanaka ɔnɛ: lɔsɛnɔ ekɔ paka ɔnɔngɔ w’elimu la wesanu wa woho akɔ wamɛ nshi tshɛ. Oko le yɛ, akahombama salema dia lɔ nyomoleka ndjâla la kitshimudi na? [Tshikɛ onto akɔ dihole asha lokanyi lande.] Bible mɛnyaka dia Nzambi ekɔ lo tômbɛ diangɔ di’amɛna efula. Ohenda kɛnɛ katande lo Enyelo 21:4, 5.” Naka sunganaka, tosha waɔmbwɛlɔ wa tokanyi tɔmɔtshi tele lo palagalafɛ 42 ka biukubuku.
5 Opandjudi ɔmɔtshi wa kiɛndakiɛnda kokaka mumbola lam’ɛnyande biukubuku “Nyudjase pundju l’ongenongeno la kete!” ate:
◼ “Onde wɛ kombolaka sɛna la kɛtɛ kambokadimɔ paradiso oko kɛnɛ oka? [Ɛnyande lohoso la lɛkɛ 32, kele tshikɛ onto akɔ dihole akadimole.] Dimi la nkumbo kami nongamɛka ndjâla lo dihole dia nganɛ, l’ɔkɔkɔ wa kɛnɛ kata Bible lo Joani 17:3.” Naka l’ɔkɔngɔ a walelo wa divɛsa diakɔ, onto akɔ mɛnyaka di’oko nde ndjashaka, katoyange woho wa mbotshikɛ biukubuku dia nde ndjiâla.
6 Naka tekɔ lo kamba olimu la tubukubuku tokina l’olimu a ngɔndɔ kɛnɛ, kete sho kokaka nɔngɔsɔla mbɔtwɛlɔ yaso la wɛnyayelo aso lo ndjela alako womiso la mɛna. Tatohɛke dia tɛkɛta lo tshena pe ndo dia sala waɔmbwɛlɔ wasungana ndo washa ekeketshelo, dia nomialomia saki k’ɔtɛkɛtshi aso.
7 Jehowa akatosholɛ mɛtɛ. Sho pombaka kamba olimu la waaso tshɛ wakandatosha dia dianganya mɛtɛ kakɔ, l’ekimanyielo k’ekanda ndo lo sawola l’anto wahomana laso. Ɔsɔku mbayotɛnya ɔnɛ tekɔ embetsha wa lo sɛkɛ dikambo di’ɔlɔlɔ wa pondjo waki anyaso.—Mat. 28:19, 20.