Okonde wayowoka naka sho hatokalola dia towaenda na?
1 “Ukundi eyawo mbuka, lam’ahawo la usambisha?” (Romo 10:14) Eelo, okonde wayowoshihodia mɛtɛ naka sho hatosale waembwelo w’eshika na? Onto tshɛ lakatatɛ dikambo dia Diolelo sunganaka dia sho kalola dia towenda. Lo ngɔndɔ kɛnɛ, ondo ayokoka sho nyomɔtɛkɛta dia sawo dia mbala kakete, ko kotsha lɔkɔ tokanyi t’oma lo Bible tɔsami malo biukubuku yakatotshikɛ; dikambo sɔ diayotokimanyiyaka tena efula dia sho tatɛ wekelo wa Bible.
2 Naka takatshike biukubuku “Un avenir assuré — Vous pouvez le connaître”, ondo ayokoka tatɛ sawo dimɔtshi diayokoka ndjokoma lo wekelo wa Bible. Sho kokaka mumbola, lam’ɛnyaso lohoso ɔnɛ:
◼ “Onde wɛ hakombola mbidjasɛ l’andja wayoyâshikikɛ wɛ la nkumbo kayɛ dia ndjâla l’ɔngɛnɔngɛnɔ lo nshi yayaye oka? [Tshikɛ onto akɔ dihole akadimole, l’ɔkɔngɔ diko, ɔtɔ lo palagalafɛ 2.] Sho tshɛ tekɔ la posa kɛsɔ, kânga mbadja anto efula tamu ɔnɛ dikambo sɔ hadiosalemaki ndoko lushi. Le Nzambi ɔnɛ lakalake dia kadimola dɔ sɔ oya lo dikambo dia mɛtɛ, dui sɔ kokaka salema.” Tale Isaya 32:17, 18 lo palagalafɛ 2, kana lo Bible kaso. L’ɔkɔngɔ diko, tolembetshiya ɔnɛ: l’andja w’otondo, anto wambotôngaka l’ɔngɛnɔngɛnɔ ndo la wɔladi wa lo nyuma washa dikongelo dia nshi yayaye ya shikaa. Tɔkɛtshanya l’onto akɔ dia tokanyi t’oma lo Bible tofundami lo palagalafɛ 3, l’ɔkɔngɔ diko tɛnya ɔtɛkɛtshi aso ɔnɛ wekelo wa biukubuku kokaka mbokimanyiya dia nde nyomeya akambo akina efula. Naka nde ekɔ lo mɛnya saki, tɔ̂shi tɛdikɔ dia kalola esadi dia ndjotetemala la sawo.
3 Lamawendaso onto akɔ nto, l’ɔkɔngɔ a sho tshika biukubuku “Y a-t-il un Dieu qui se soucie de nous?”, ondo ayonga ohomba dia sho mbuta ɔnɛ:
◼ “Lo diembwelo diami dia mbala k’etshi, takatondja dimbola nɛ: Onde Nzambi kɛmɔtshi katokanɛ ekɔ ondo? Onde wɛ kanaka dia Nzambi ndjashaka efula le so dia nde shidiya paa ndo ɔsɔkishelɔ oka? [Tshikɛ onto akɔ dihole akadimole, l’ɔkɔngɔ diko, sha waɔmbwɛlɔ lo palagalafɛ 32.] Nzambi akalake dia mbidja andja w’oyoyo, wele l’anto w’ɔlɔlɔ wayɔsɛnaka lo wɔladi, lo dihole di’andja ɔnɛ wa kɔlɔ. [Ala Osambu 37:11.] Ndo sho lawɔ kokaka mbidjasɛ l’andja ɔsɔ w’oyoyo naka sho mbetawɔ Bible ndo naka sho ndjela alako atɔ.” Tolembetshiya tɛdikɔ tɔsami oma le Ɛmɛnyi dia kimanyiya anto dia vɔ mbeka Bible.
4 Lamawembolaso onto ɔmɔtshi lakalongola biukubuku “Voici, je fais toutes choses nouvelles”, sho kokaka tawɛnyisha ntondo osato wele lo lohoso, ko l’ɔkɔngɔ ndjombola dimbola nɛ:
◼ “Woho akɔna afɔnyayɛ lɔsɛnɔ l’andja wa kokele na? [Tshika onto akɔ ɛnya lokanyi lande.] Kɛnɛ kɛnayɛ l’osato ɔnɛ kema dikambo dia lokanyiya; koko kɛnɛ kɛnayɛ lanɛ tomba oma lo alaka wa mɛtɛ w’oma lo Bible. [Ala Enyelo 21:4 la Osambu 37:11, 29.] Dimi nangaka kolembetshiya woho akɔna wokokiyɛ wɛ la nkumbo kayɛ, ndjâla l’ɛngɛnɔngɛnɔ wa nganɛ.” Naka ɔtɛkɛtshi aso ekɔ lo mɛnya saki, totetemale la sawo ndo tokane lande dia mbeka ande Bible.
5 Lam’ahomanaso l’anto w’etema ɛlɔlɔ wayanga mɛtɛ, sho mɛnyaka ngandji kaso ka mɛtɛ lam’akalolaso dia takimanyiya dia vɔ kamba la kɛnɛ kakawoke olimu. Tayokamba olimu la mɛtɛ y’ekila yakawatosha ɔkɛndɛ di’ɔlɔlɔ aso wa pondjo ndo di’ɔlɔlɔ wa wanɛ watolonga.—1 Tim. 4:16.