Toyale la Periodikɛ Yakashimoya Anto lo Ngɔndɔ ka Mɔmbi
1 Tshoto y’Etangelo la Réveillez-vous! wekɔ la losango lasha ekeketshelo l’endana la lokumu l’ɔlɔlɔ la pondjo. Dia ndjâla la periodikɛ yakashimoya anto, sho pombaka mbɔsa ndo etena ka ndjiala l’ɔlɔlɔ tshɛ, takanyiya woho wayokoka asawo wele lɔkɔ nomialomia saki y’anto wele lo mbilo.
2 Ntondotondo, sho pombaka mbekesanɛ l’asawo wɔsɔtɔdiwɔ lâdiko dia lohoso. Tena efula, asango wele lo lɛkɛ la dikatshi dia ntondo mbatokomiaka onto lo nde mbɔsa periodikɛ. Tɔsɔnɛ asawo wɛnaso ɔnɛ wayokoka kotola yambalo y’anto wahomana laso lo mbilo kaso. Onde anto efula wekɔ la dietawɔ diamɛ? L’akambo akɔna walekawɔ ndjasha na? Naka sho tekɔ la tokanyi tɔsɔ lo yimba, kete tayokoka nɔngɔsɔla wɛnyanyelo ɔmɔtshi w’oshika. Tosɛdingole wɛnɛ wakawatɛnya lanɛ l’ɛse.
3 Naka “Tshoto y’Etangelo” ya Kɔlɛkɔlɛ 1, 1994 (lo Falase) mbɛnyanyaso, sho kokaka sɔtɔla sawo diele l’ɔtɛ a dui: “La Bible: quelle est sa véritable valeur?” [naka sho bu layɔ, tɔshi biukubuku “Voici,” palagalafɛ 8 la 9] ndo tote ɔnɛ:
◼ “Bible kokaka tanema lo suke l’oseka luudu tshɛ lele l’ɛtshi kaso ka kɛtɛ. Anto efula wele la kɛmɔtshi kanaka ɔnɛ ɛngɔ kɛmɔtshi k’ohomba wa lânde kekɔ lɔkɔ.” Lâsɔ sho kokaka mumbola dimbola dimɔtshi mbala kakɔ ɔtɔi ɔnɛ: “Oko le yɛ, ɛngɔ kakɔna ketsha Bible dibuku dia lânde na?” kânga ɔnɛ: “Oko akanayɛ, ɛngɔ kakɔna kokoki nyomoleka kimanyiya anto dia vɔ kondja ɛlɔlɔ tshɛ watomba oma lo Bible na?” L’ɔkɔngɔ w’okadimwelo w’ɔtɛkɛtshi aso, kokaka sho tetemala l’ɔkɛtshanyelo l’elembetshiyelo wasungana oko wa nganɛ: “Tolembetelo t’eshika tekɔ tɛnya ɔnɛ Bible akasambiyama oma le Nzambi ndo ɔnɛ tɔ kekɔ ɔlɔmbɔdi wakokaso mbahɛ otema. Ewo kakoka tosha lɔsɛnɔ la pondjo kekɔ lɔkɔ. [Ala Joani 17:3.] Anto efula kilɛmiyaka koko haweye woho wa kamba latɔ olimu. Sawo nɛ diele lo Tshoto y’Etangelo kana lo biukubuku Voici nembetshiyaka woho akɔna wokokiyɛ kamba olimu la Bible wɛmɛmɛ dia kondja ekadimwelo lo wembola wayambolayɛ w’endana la nshi yayaye. Dimi nangaka kotshikɛ numɛlɔ kɛnɛ kana biukubuku nyɛ. Naka wɛ ngɛnangɛnaka ndjiala, kete layoyokolembetshiya mbala kekina, woho wakokayɛ nongolaka Tshoto y’Etangelo tena la tena lakayɛ.”
4 Lam’ɛnyanyaso “Tshoto y’Etangelo” ya Kɔlɛkɔlɛ 15, 1994 (lo Falase), [kana biukubuku “Nyuma ya wavo”], ondo tayoleka mɛna dimɛna dia kamba olimu la wɛnyanyelo wa wɔdu wele oko wɔnɛ:
◼ “Ondo sho tshɛ tambovushaka onto l’ohomba efula. Sawo nɛ diekɔ lo mumbola dimbola nɛ: ‘Wanɛ wakavu ngande wewɔ na?’ Oko akanayɛ, kakɔna keta lam’avɔ onto na? [Tshikɛ onto akɔ dihole akadimole.] Naka wɛ kombolaka mbeya okadimwelo w’oma lo Bible lo dimbola sɔ, kete layonga l’ɔngɛnɔngɛnɔ dia kotshikɛ periodikɛ kɛnɛ.” Katɔlɔngɔsɔlɛ dia mbotshikɛ kiatshikatshi Dikongelo diakona diele la wakiso wa ngandji wakavu na? naka ɔtɛkɛtshi aso ndeka nanga mbala yangɔ mɔtshi ya tshena pe.
5 Numɛlɔ ka Kɔlɛkɔlɛ 22, 1994 ka “Réveillez-vous!” kekɔ lo sɛdingola dikambo dimɔtshi dia l’atei w’akambo efula wɛnya ɔkwɛlɔ w’ɛtɛmwɛlɔ. Lam’akambaso olimu l’asawo wele l’ɔtɛ a dui: “Quand la religion prend parti dans les guerres” [kana ɔtɛ a dui: “Qui conduira les nations à la paix?” wa lo biukubuku “Connaîtrons-nous un jour un monde sans guerre?”], sho kokaka mumbola dimbola nɛ:
◼ “Otondonga Yeso aki la kɛtɛ lo nshi yaso nyɛ, oko akanayɛ, otondokana dia akambo wa ngala tshɛ wotodingi anɛ na? [Tshikɛ onto akɔ dihole akadimole.] Yeso akatolakanya dia sho pombaka mboka anto tshɛ ngandji, oyadi kânga atunyi aso. Koko, ɛtɛmwɛlɔ efula wayafuna ɔnɛ Akristo mbewɔ wekɔ lo mbɔtɔ l’ata w’awui wa pɔlitikɛ. Wɛ kanaka dia dikambo sɔ kokaka monga la shɛngiya yakɔna le anto walanga sɛna lo ndjela wetshelo waki Yeso lo na? [Tshikɛ onto akɔ dihole akadimole.] Numɛlɔ kɛnɛ ka Réveillez-vous! (kana biukubuku Un monde sans guerre) tɛkɛtaka dikambo sɔ ndo mɛnyaka nganɛ wayodikandola Diolelo diaki Nzambi.”
6 Toyatshutshuya dia mbisha anto periodikɛ l’oseka soko tshɛ, oyadi kânga hatokoke tatɛ sawo di’oma lo Bible. Naka periodikɛ bu, sho mbeyaka kamba olimu la tobukubuku tele laso ndo mbɔtɔnganyiya wɛnyanyelo aso latɔ.