Tokindjakindja Mbilo Kaso K’otondo
1 Lo wa kartie yadjasɛ anto, tena dimɔtshi tovuduvudu t’ekanda tongaka, oko ta diangɔ dia ndɛ, rɛstora kana butikɛ. Naka mvudu shɔ yekɔ lo mbilo kaso, kete sho pombaka sawola la wanɛ wakamba lɔkɔ oko asawolaso l’ase kartie kakɔ.
2 Sho koka sala sawo diaha okakatanu ndo dia hiembola, lo mbuta oko ɛnyɛlɔ ɔnɛ: “Lekɔ lo nanga kɛnya dui dimɔtshi.” Naka mɛnamaka oko kanga diangɔ diakɔ eke la wosanu, kete sho koka mbɔlɛkɛ kiatshikatshi tsho ko mbotɛ ɔnɛ: “Layodjɛ etena kayoyâsɔ yema. Lekɔ lo nanga mbeya kɛnɛ kakanayɛ dia kiatshikatshi nyɛ.”
3 Olimu ɔsɔ atotôkiyake wɔma. Opandjudi ɔmɔtshi aketawɔ ate: “Lakafɔ nyaka nte nde ayotona. Koko, lam’akamatɛkɛta dia Diolelo, mɛnyi ko dui diakimi kɔfɔnya diambosalema. Anto waki mɛtɛ la loshilambo, la lɔngɛnyi; suke la vɔ tshɛ wakɔshi wa periodikɛ.”
4 Omoto ɔmɔtshi lakamba lo tshunda dia wanɛ wayanganɛ mvudu akelɛ Ɛmɛnyi wa Jehowa lo bilɔ kande. Nde akɔshi wa periodikɛ ndo akoke saki ka mbeka Bible. Vɔ wakawɛnya dibuku Ewo, ko kem’edja wekelo wakamɛ ko bilɔ kande!
5 Tekɔ l’ɔkɛndɛ wa kindjakindja mbilo kaso k’otondo, kɛsɔ mɛnyaka ɔnɛ tɛnane la wa kɔmɛlɛsa ya lo mbilo kaso. (Etsha 10:42) Tɔshi yɛdikɔ dia towaenda oko endaso anto k’anto. Omalɔkɔ, aha paka ɔnɛ tayokindjakindja mbilo kaso dimɛna, koko sho mbeyaka ndo kondja etombelo w’ɛngɛnɔngɛnɔ wayonga oko difuto dia weolo aso.