Ekongelo Ka Losanganya Layaye La Lânde La Lushi Ɔtɔi
“Tosalake Akambo Tshɛ nɛ dia Lokumu l’Ɔlɔlɔ,” ɔsɔ mbayonga ɔtɛ a dui wa losanganya la lânde la lushi ɔtɔi layomɛ salema lo Ngɔndɔ ka Divwa. (1 Kor. 9:23) Lokumu l’ɔlɔlɔ la Diolelo mbele lokumu loleki ohomba lokaso ɛlɔ kɛnɛ. Losanganya lakɔ layotokimanyiya dia sho ngɛnangɛna tshɔi yakɔ ya diɛsɛ diele laso dia monga amɛmbi a lokumu lɔsɔ la dimɛna efula. Lɔ layotokeketsha nto dia tetemala la pandjola lokumu l’ɔlɔlɔ aha la mpekɔ.—Etsha 5:42.
Losanganya lakɔ layotɛnya woho wa kamba la kɛnɛ kakateke lo teokrasi l’ɔlɔlɔ tshɛ dia sho sambisha efula. Tayolonga Akristo amɔtshi wakasale etshikitanu dia vɔ fudia olimu awɔ, ɛnyɛlɔ oko ɛlɔngɔlɔngɔ wakayakimɔ tshɛ dia dianganya lokumu l’ɔlɔlɔ.—Enda lo Filipi 2:22.
Nyango dako, diayoshama oma le ɔtɛkɛtshi w’ɔngɛndangɛnda, diayoka epole ɔsɛkɛ l’ohomba wa sho mongaka ‘anto wasungana dia mɛmba lokumu l’ɔlɔlɔ.’ (1 Tes. 2:4) Tayɛna ɔnɛ dia sho nama diɛsɛ diele laso dia mbewoyaka lokumu l’ɔlɔlɔ, sho la dia tetemala la kitanyiyaka ɛlɛmbɛ ndo adjango wa Nzambi oyadi lo tokanyi taso kana l’etsha aso. Wayoka epole ɔsɛkɛ nto l’ɛtshɔkɔ wakondjaso oma lo dionga dia ngasɔ.
Tatohandjake losanganya l’ohomba lɔsɔ. Wanɛ weke ka ndjakimɔ le Jehowa ndo walanga batizama lo losanganya lɔsɔ pombaka tewoyisha omendji-walɔmbɔla oma ko kakianɛ. Katele wanɛ tshɛ weka la so Bible. Totshike Jehowa atokeketsha woho wa sho sala akambo tshɛ l’ɔkɔkɔ wa lokumu l’ɔlɔlɔ ndo shidiya olimu wa woke ɔsɔ la ntondo k’Armagɛdɔ.