Ekongelo Ka Losanganya L’otshimbedi Layaye
“Olamake Ɛlɛmbɛ a Nzambi ko Wɛ Ayɔsɛna,” ɔsɔ kele ɔtɛ a dui wa losanganya l’otshimbedi layaye, layotatɛ salema lo Ngɔndɔ ka Divwa. (Tuk. 4:4) Losanganya lɔsɔ layotolembetshiya Lande na kele kitanyiya ɛlɛmbɛ wa Nzambi kema wotsho. Lɔ layotɛnya ndo woho wakondjaso ekeketshelo ndo ɔngɛnɔngɛnɔ wa mɛtɛ kâmɛ ndo elongamelo ka lo nshi yayaye oma lo ntsha lolango la Nzambi.—Mat. 11:28-30; Joa. 13:17.
Anto walanga batizama lo losanganya lɔsɔ dia kitanyiya didjango dia Kristo, wayohomba mbewoya omendji-walɔmbɔla dia nde mbɔsa tɛdikɔ tahombama.—Mat. 28:19, 20.
Lo dako dimɔtshi dia tenyi tenyi, tayɛna akambo amɔtshi w’eshika wayototsha dia mɛnya ngandji kokaso Nzambi la anangɛso. (Joa. 13:34, 35; 1 Joa. 5:3) Tayɔsɛdingola ndo alako amɔtshi wasalanganya asolo oma l’Osambu 19 la 119. Kânga mbakafundama alako akɔ aya ɛnɔnyi nunu ko nunu, tayɛna dia wekɔ ohomba le so ɛlɔ kɛnɛ.
Dako dia lo sɛkɛ diayosha omendji wa distrikɛ diayonga l’ɔtɛ a dui w’ɔnɛ: “Oka Nzambi Wɔma ndo Lamaka Ɛlɛmbɛ Ande.” (Und. 12:13) Omendji w’otshimbedi ayɛnya akɛnda lo dako diande dia ndjihelo ɔnɛ vɔ kokaka kondja ɔlɔlɔ efula lo lɔsɛnɔ lawɔ oma ko kakianɛ ndo monga l’elongamelo ka nshi yayaye ya pondjo. Dia ndihiya losanganya, omendji wa distrikɛ ayoshila lokema l’ɛlɔlɔ wokokiso kondja naka sho ndjela ‘ɔlɛmbɛ [wa ngandji] woleki ekina woke.’ (Jak. 2:8) He tatohandjake losanganya la woke lɔsɔ!