EKADIMWELO LO AMBOLA ANYU

◼ Onde kartɛ ka ɛtshi ka nkɛtɛ ka etshumanelo pombaka panema lo Mbalasa ka Diolelo?

Eelo, pombaka mbidja kartɛ ka ɛtshi ka nkɛtɛ ka etshumanelo lo kadra ko kihanɛ lo ehele kɛmɔtshi ka lo Mbalasa ka Diolelo. Kartɛ kɛsɔ hakoke panema lo dibaya diamatawɔ waewoyelo. Tɔ pombaka mɛnya elelo tshɛ wa ɛtshi ka nkɛtɛ ka etshumanelo ndo wa ɛtshi ka nkɛtɛ k’opandjudi la opandjudi la numɛlɔ ka ɛtshi kande ka nkɛtɛ. Elelo wa bɛtshi dia nkɛtɛ tshɛ dia tshumanelo diakamba la Mbalasa ɔtɔi ka Diolelo pombaka mɛnyama. Kɛsɔ ayokimanyiya apandjudi ndo eyoyo ekina wayasha lo akambo wa mɛtɛ dia vɔ mbeya lo ɛtshi ka nkɛtɛ ka etshumanelo kakɔna kodjashiwɔ. Mɛnya nto ahole wa lɛnɛ asalema Wekelo wa dibuku wa l’etshumanelo lo kartɛ kɛsɔ ayokimanyiya onto tshɛ dia mbeya olui wa wekelo wa dibuku wahombande mbɔtɔka. Kartɛ kɛsɔ pombaka mongaka la awui w’eyoyo.

Panɛ kartɛ kɛsɔ mboholaka apandjudi tshɛ, dia naka kokaka ekɔ ɔlɔlɔ di’onto l’onto monga la ɛtshi kande ka nkɛtɛ. Kartɛ kekɔ ohomba efula le wanɛ walanga monga la ɛtshi ka nkɛtɛ suke la ngelo yawɔ. Tɔ mbeyaka nto kimanyiya diaha shisha wenya efula lo nsanganya y’otsha l’esambishelo, nɛ dia wanɛ walɔmbɔla nsanganya shɔ kokaka toma olui tshɛ wa apandjudi lo ahole wahombawɔ tosambisha.

Kartɛ kɛsɔ mɛnyaka nto dia etshumanelo kongɛma lo yoho ya dimɛna dia sambisha losango la Diolelo lo ɛtshi kawɔ ka nkɛtɛ k’otondo.​—⁠Luka 9:⁠6.