Woho wa Mbisha Anto Periodikɛ

(Numɛlɔ kele bu l’ɔtɛkɛta anyu, ko nyu menda lo Falase)

Tshoto y’Etangelo Ngɔ. ka 1, 15

MBEWOYAKA DIOLELO DIAKI JEHOWA

“Anto efula kambaka la dikishi l’ɛtɛmwɛlɔ awɔ. Onde wɛ fɔnyaka dia diangɔ sɔ diekɔ la wolo wa shimbɛ onto? [Tshikande akadimole.] Lam’alangayɛ enda kɛnɛ kayotosalɛ Nzambi ka mɛtɛ. [Adia Enyelo 21:​3, 4.] Paka Nzambi ka mɛtɛ mbakoka kotsha awui asɔ. Periodikɛ kɛnɛ mɛnyaka ênde ndo ɛlɔlɔ wakokaso kondja lam’ayaɛkɛso le nde.”

Réveillez-vous! Ngɔ. ka 1, 22

“Mbala mɔtshi sho mbohɛka dia monga la ngelo kaso hita ekɔ dimɛna. Kele miliyɔ y’anto yatakɔ ngelo yawɔ l’andja w’otondo wekɔ lo tekekɔ aha l’ekimanyielo, ndo aha la vɔ tana ekokelo katawayange. Réveillez-vous! ɔnɛ mɛnyaka kiɔkɔ ya dikambo sɔ ndo daka diatanaso lo Bible di’ɔnɛ lushi lɔmɔtshi onto tshɛ ayonga la luudu lande hita.”

Tshoto y’Etangelo Ngɔ. ka 2, 1

MBEWOYAKA DIOLELO DIAKI JEHOWA

“Anto wekɔ lo ndjakiyanya efula dikambo di’olanyelo w’ahole wadjasɛwɔ. Ko onde wɛ ambokanyiyaka lushi lɔmɔtshi dikambo di’olanyelo wa yimba? [Tshikande akadimole.] Bible mbikaka epole ɔsɛkɛ l’ohomba wa monga pudipudi lo demba ndo lo nyuma. [Adia 2 Koreto 7:⁠1.] Dimi shikikɛka dia wɛ ayɛna di’awui anɛ wekɔ ohomba efula ndo wayokokimanyiya.”

Réveillez-vous! Ngɔ. ka 2, 8

“Aha la tâmu wɛ ambɛnaka dia kânga mbatatɛ awala mbala efula l’ɔngɛnɔngɛnɔ, efula kawɔ ndjohandjɔka. Dimi nangaka kotshikɛ Réveillez-vous! ɔnɛ, wɛnya kanyi yasha Bible dia kenga diwala diele la lolombe ndo l’ɔngɛnɔngɛnɔ.”