Losanganya la Distrikɛ Tokeketshaka dia Kɛndakɛnda la Nzambi
Losanganya la distrikɛ laki l’ɔtɛ a dui ɔnɛ: “Tɔkɛndɛkɛndɛ la Nzambi” lakakɛnɛmɔla dako diaki Jehowa diɛnama hwe diata ɔnɛ: ‘Mboka tɔ kɛnɛ, nyɔkɛndɛkɛndɛ lɔkɔ.’ (Is. 30:21) Kamba la wetshelo wakatalongola ayotokimanyiya dia ‘menda ɔlɔlɔ oko wakɛndakɛndaso.’ (Ef. 5:15) Kana yimba la kɛnɛ kakateke ayotokimanyiya etena ‘kakɛndakɛndaso lo akambo wa mɛtɛ.’—3 Joa. 3.
Kamba la wembola wayela ɛnɛ ndo la waa nɔtɛ yakayɔshi dia ndjalɔngɔsɔla dia ndjosha kɔmatɛrɛ lo ovuswelo w’ekongelo ka losanganya la woke l’ɔnɔnyi ɔnɛ. Ovuswelo ɔsɔ wayosalema lo Losanganya l’Olimu la lomingu la Ngɔndɔ ka Dikumi 1 8.
1. Ngande wakakoke Ɛnɔka kɛndakɛnda la Nzambi kânga mbakandasɛnaka lo tena di’ofukutanu? (Heb. 11:1, 5, 6; Jude 14, 15; “Tɔkɛndɛkɛndɛ la Nzambi lo Tena di’Ofukutanu”)
2. L’awui akɔna wa lo lɔsɛnɔ wakokaso kamba la tɔndɔ diele lo Luka 16:10? (“Onde Wɛ Ekɔ la ‘Kɔlamelo lo Kɛnɛ Koleki Tshitshɛ’?”)
3. (a) Shila wetshelo ɛnɛi watanaso lo Hosea tshapita 6 polo 9 wayotokimanyiya dia kɛndakɛnda la Nzambi. (Hos. 6:6, 7; 7:14; 8:7) (b) Na awui akina w’oma lo Hosea tshapita 10 polo 14 watokimanyiya dia kɛndakɛnda la Nzambi? (Dako dia Tenyi Sato: “Prɔfɛsiya ka Hɔsea Tokimanyiyaka dia Kɛndakɛnda la Nzambi”—Dako dia Tenyi Sato)
4. Awui akɔna w’eshika wakoka waomi ndo wâdi w’Akristo sala di’awala awɔ mongaka nshi tshɛ nge? (Tuk. 12:4; Ef. 5:29; “Tatokakitolake ‘Kɛnɛ Kakamamanya Nzambi’ ”)
5. Ngande wɛnyaso dilɛmiɛlɔ lo nsanganya yaso y’ekila? (Und. 5:1; Is. 66:23; “Tɔshi Nsanganya Yaso y’Ekila la Nɛmɔ”)
6. (a) Awui akɔna asato w’ohomba wendana l’olimu aso w’esambishelo wahombaso sɛdingola dia ndjashikikɛ dia tekɔ lo ndjasha tshɛ lɔkɔ? (Is. 52:7; Zek. 8:23; Mako 6:34) (b) Akambo akɔna amɔtshi wa lo biukubuku Lokumu l’Ɔlɔlɔ le Anto wa lo Wedja Tshɛ wele ohomba le yɛ? (“Lokumu l’Ɔlɔlɔ le Anto wa lo Wedja Tshɛ”; “Dia Kimanyiya Wanɛ Watɛkɛta Ɔtɛkɛta Okina”)
7. Ngande wakokaso kimanyiya eyoyo dia vɔ monga l’eshikikelo etena kasambishawɔ losango la Diolelo? (Emb. 7:17; “Dia Kimanyiya Anto Efula dia Kamba Olimu Kâmɛ la So”)
8. Ngande wɛnyaso dietawɔ diaso di’ɔnɛ “lushi la [Jehowa] laya suki”? (Zef. 1:14; “Tɔkɛndɛkɛndɛ la Mbetawɔ, Koko Aha la Lɛɛnɔ”)
9. (a) Takanya anto kana takanyema ekɔ dikambo dia woke oka? (Mako 9:42-48) (b) Ngande wakokaso mbewɔ di’aha takanyema? (Osam. 119:165) (c) Ngande wakokaso mbewɔ dia takanya akina? (1 Kor. 10:24; “Tewɔ ‘Kiɔkɔ Tshɛ y’Otakanya’ ”)
10. Ngande wakokaso nama wɛdimo aso l’awui w’okanda, lam’atatayange olonganyi, kana lam’ayangaso dia monga la yônge ya demba ya dimɛna? (Osam. 26:4; Mat. 6:25; 1 Tim. 6:9; “Tokambe l’Akoka Aso Tshɛ”)
11. (a) Kakɔna kahombaso kimɛ lo kɛnɛ kendana la waaso wakalongɔma Yeso oma le anto akina? (Luka 10:42; 24:32) (b) Ngande wahombaso ngɛnangɛna la tena dia tɔkɛnyɔ lo yoho yatokeketsha ndo yakeketsha akina? (1 Kor. 10:31-33; “Elimu w’Ɔlɔlɔ Wakeketsha”)
12. Lo ndjela Osambu 23, ɛtshɔkɔ akɔna walongolaso oko weso ɛkɔkɔ wa Jehowa, ndo ɛkɛndɛ akɔna wele laso? (1 Kor. 10:21; “Jehowa Ekɔ Olami Aso”)
13. Ngande wakitanyiya Akristo dako diakasambiyama oma le Nzambi diata dia ‘ndjatshungwɛ etena k’ɔlɔlɔ’? (Ef. 5:16; ‘Toyatshungwe Etena k’Ɔlɔlɔ’)
14. (a) Kakɔna kalembetshiya nto ‘wonya w’elombwelo’ wofundami l’Enyelo 14:7? (b) Ngande wɛnyaso dia mɛtɛ tambokakitɔna la Babilɔna ka Woke? (“ ‘Nyotetemale Sungukala’ nɛ dia Wonya w’Elombwelo Wambokoka”) (c) Awui akɔna wakayangɛnangɛna efula w’oma lo biukubuku Nyotetemale Sungukala!?
15. Shila waonga asato wele ohomba dia sho mbewɔ dia ‘takɔ mboka kosembwe.’ (2 Pet. 2:15; “Tewɔ di’Aha ‘Takɔ Mboka Kosembwe’ ”)
16. Ngande wakoka ɛlɔngɔlɔngɔ l’esekaseka mbewɔ “mbuka k’akanga a kolo”? (Tuk. 4:14; “Ɛlɔngɔlɔngɔ l’Esekaseka—Nyɔkɛndɛkɛndɛ lo Mboka k’Akambo w’Ɔlɔlɔ”)
17. (a) Lo weho akɔna waki Paulo ɛnyɛlɔ k’ɔlɔlɔ k’ekikelo? (Etsha 14:19, 20; 16:25-33) (b) Bonde kahatahombe mboka atunyi w’ɔtɛmwɛlɔ wa mɛtɛ wɔma? (Dramɛ ndo sawo diele l’ɔtɛ a dui ɔnɛ: “Tosambisha Dimɛna Dimɛna Ɛlɔ Kɛnɛ Kânga l’Atei w’Ɔlɔshamelo”)
18. Ɛtshɔkɔ akɔna wakondja wanɛ wakɛndakɛnda la Nzambi? (“Kɛndakɛnda la Nzambi Mbelaka Ɛtshɔkɔ Kakianɛ ndo lo Pondjo Pondjo”)
Nyɛsɔ toyashikikɛ dia kitanyiya dui ‘di’oma l’ɔkɔngɔ aso’ dia sho kɛndakɛnda la Shɛso lele l’olongo pondjo pondjo.—Is. 30:21; Joa. 3:36.