Divɛsa dia lushi la lushi hadiohombe sɛdingwama nto lo nsanganya y’otsha l’esambishelo

Ntondo, tambosalaka ɔkɛtshanyelo wa lo tshena pe wa divɛsa dia lushi la lushi lo nsanganya y’otsha l’esambishelo naka diɔ mendanaka l’olimu w’esambishelo. Etshikitanu wambosalema lo dikambo sɔ. Hatohombe nkamba nto la Tɔsɛdingolake Afundelo lushi la lushi dia nsala ɔkɛtshanyelo lo nsanganya y’otsha l’esambishelo. Oko wakadiasalemaka ntondo, ɛnɔmbɔdi mbeyaka nkamba la Bible, la Olimu aso wa Diolelo, la dibuku Kalasa k’olimu, la dibuku Comment raisonner ndo la dihomɔ dikina diatɛkɛta akambo wendana l’esambishelo. Wanɛ wele l’ɔkɛndɛ wa nɔmbɔla nsanganya y’otsha l’esambishelo pombaka ndjalɔngɔsɔla dia nkɛtshanya dui dimɔtshi di’ohomba kâmɛ la wanɛ wayosambisha lushi lakɔ. Oko wakadiasalemaka ntondo, losanganya l’otsha l’esambishelo hahombe ndekana minitɛ 10 kana 15 ndo lɔ pombaka susama naka anto waki oma lo losanganya lɔmɔtshi la l’etshumanelo.