“Tosha anto periodikɛ y’edjedja kana biukubuku tshɛ yele l’awui wângɛnyangɛnya”

Lo ngɔndɔ yashaso anto dibuku Bible etshatɔ ndo kasalaso la wolo dia ntatɛ mbeka l’onto ɔmɔtshi Bible mbala ka ntondo kosambishaso, sho keketshamaka dia mbasha “periodikɛ y’edjedja kana biukubuku tshɛ yele l’awui wângɛnyangɛnya,” naka vɔ wakashile la nongola dibuku, koko hawetawɔ wekelo wa Bible. Lande na?

Tobukubuku ndo periodikɛ y’edjedja yekɔ l’akambo efula wahashile nɛmɔ. Dikambo dimɔtshi diele l’ekanda ɛsɔ kokaka minanda otema w’ompokami aso. Oma lɔkɔ, etena kalɔngaso ekanda lo tapa diaso di’esambishelo, todje tobukubuku ndo periodikɛ y’edjedja. Naka wɛ bu la periodikɛ y’edjedja, kete wɛ mbeyaka nkondja mɔtshi oma le ɔnɛ lendana l’awui wa periodikɛ. Naka ompokami aso amboshilaka nongola dibuku Bible etshatɔ koko hetawɔ dia mbeka Bible, sho kokaka mbɛnya periodikɛ kana tobukubuku tɔmɔtshi tele laso ko sho mbɔlɔmba dia nde mbɔsa tɔnɛ talangande. L’ekomelo, yalɔngɔsɔla dia towembola nto dia nomialomia nsaki kande. Ondo nyu mbeyaka totatɛ mbeka Bible.