Ekadimwelo lo ambola anyu

◼ Onde sho pombaka nsala dɔmbɛlɔ naka tekɔ lo mbeka l’onto Bible lo tshena pe?

Naka sho ntatɛ ndo nkomiya wekelo wa Bible la dɔmbɛlɔ, kete tayokondja wahɔ efula. Oma lo tshimbo ya dɔmbɛlɔ, sho nɔmbaka Jehowa nyuma kande k’ekila dia nɔmbɔla ɔkɛtshanyelo aso. (Luka 11:13) Dɔmbɛlɔ kimanyiyaka ombeki dia nde mbɔsa wekelo wa Bible la nɛmɔ ndo mbêtshaka woho wa nde nɔmba. (Luka 6:40) Diakɔ diele, ekɔ dimɛna sho ntatɛ la dɔmbɛlɔ aha la nkonga dia paka tambeka la nde mbala efula. Koko lam’ele akambo tshikitanaka, ɔnɛ lalɔmbɔla pombaka monga la shɛnɔdi dia nshikikɛ kana kokaka nsala dɔmbɛlɔ kana bu.

Dui dimɔtshi di’ohomba diahombaso mbidja yimba lɔkɔ ele dihole diasalema wekelo. Naka aha lo dihole dia tshɛnɛkɔ kana di’eteta anto mbekaso l’onto, kete sho kokaka nsala dɔmbɛlɔ dia lo tshena pe l’etatelo ndo l’ekomelo ka wekelo. Koko, naka nsala dikambo sɔ ayokotola yambalo y’anto ndo ombeki hatoyaoka dimɛna, kete sho pombaka nkonga edja ndo etena kayotoyɔlɔmbɔla wekelo ɔsɔ lo dihole dia dimɛna. Oyadi dihole diakɔna diasalema wekelo, sho pombaka monga l’ekanelo k’ɔlɔlɔ dia nshikikɛ etena kakokaso ntatɛ la dɔmbɛlɔ.—Enda Olimu aso wa Diolelo wa Ngɔndɔ ka sato 2005, lɛkɛ 6.