Bɛnyɛlɔ dia mbɔtwɛlɔ (Numɛlɔ kele bu l’Ɔtɛtɛla ko nyu menda lo Falase)

Woho wa ntatɛ mbeka l’anto Bible Lushi la samalo la ntondo la Ngɔndɔ ka samalo

“Tekɔ lo tasawola l’anto lo tshena pe dia nkɛtshanya la wɔ dimbola di’ohomba nɛ. [Ɛnyande dimbola dia ntondo diele lo lɛkɛ l’ekomelo la Tshoto y’Etangelo ya Ngɔndɔ ka samalo 1.] Naa kanyi yayɛ lo dikambo sɔ?” Tshikande akadimole. Nyɔsɛdingole kaamɛ awui wele l’ɛse ka dimbola dia ntondo ndo nyadia kaanga divɛsa ɔtɔi dioshilami laawɔ. Shande periodikɛ, ndo okana la nde dia nyu ndjɔsɛdingola dimbola dikina mbala kayaye.

Tshoto y’Etangelo Ngɔndɔ ka samalo 1

“Ɔnwɛlɔ wa mfɔka ndjakaka anto oko 6 000 000 ɔnɔnyi tshɛ. Onde wɛ fɔnyaka dia dui dimɔtshi koka salema dia nshidiya hemɔ kɛsɔ? [Tshikande akadimole.] Anto efula wakakimanyiyama dia ntshika ɔnwɛlɔ wa mfɔka lo nsɛdingola kanyi yaki Nzambi lo dikambo sɔ. Ɛnyɛlɔ, divɛsa dia lo Bible nɛ diakakimanyiya anto amɔtshi dia nkana yimba lo shɛngiya yonga l’ɔnwɛlɔ wa mfɔka le anto akina. [Adia 1 Kɔrɛtɔ 10:24.] Periodikɛ kɛnɛ nembetshiyaka woho wele nsɛdingola kanyi ya Nzambi lo dikambo di’ɔnwɛlɔ wa mfɔka, koka kimanyiya onto dia ntshika nnɔ mfɔka.”

Réveillez-vous ! Ngɔndɔ ka samalo

“Réseaux sociaux ambokonya anto dia monga l’anto efula wɔsawɔ oko angɛnyi ndeka woho wakiwɔ ntondo. Oko le yɛ, naa dionga dioleki ohomba diahomba ɔngɛnyi wa mɛtɛ nkɛnɛmɔla? [Tshikande akadimole.] Ɔnɛ ekɔ ɛnyɛlɔ ka dako dimɔtshi di’ohomba diendana la lɔngɛnyi diele lo Bible. [Adia Jakɔba 1:19.] Periodikɛ kɛnɛ mɛnyaka atɔndɔ anɛi w’ɛlɔmbwɛlɔ, wakoka tokimanyiya dia monga woho w’onto wakombola anto akina dia mbɔtɔ la wɔ lɔngɛnyi.”