AKAMBO W’OHOMBA W’OMA L’ƆTƐKƐTA WA NZAMBI | OSAMBU 119
‘Tɔkɛndɛkɛndɛ lo Ɛlɛmbɛ wa Jehowa’
Nkɛndakɛnda lo ɛlɛmbɛ wa Jehowa nembetshiyaka nɛmbɛ la lolango laso ɛlɔmbwɛlɔ ka Nzambi. Bible kekɔ la bɛnyɛlɔ efula di’ɛlɔlɔ dia wanɛ wakayele ɛlɛmbɛ wa Jehowa ndo wakayaɛkɛ le nde, ɛnyɛlɔ omembi w’esambo.
Ɔngɛnɔngɛnɔ wa mɛtɛ nemanɛka la ɔkɛndɛkɛndɛlɔ aso lo ɛlɛmbɛ wa Nzambi
Jashua akɛnya dia nde akayaɛkɛka efula lo ɛlɔmbwɛlɔ ka Jehowa. Nde akeyaka ɔnɛ dia monga l’ɔngɛnɔngɛnɔ ndo dia ntondoya, nde akahombe ndjaɛkɛ le Jehowa l’otema ande tshɛ
Ɔtɛkɛta wa Nzambi toshaka dihonga diahombama dia sho ndɔshana la ekakatanu wa lo lɔsɛnɔ
Jɛrɛmiya akɛnya dihonga ndo wɛkamu le Jehowa l’atei w’ekakatanu. Nde akatetemala monga la lɔsɛnɔ l’ɔsɛlɛngɛ ndo akakotshaka ɔkɛndɛ ande
Ewo k’oshika k’Ɔtɛkɛta wa Nzambi toshaka eshikikelo ka nsambisha
Pɔɔlɔ komonga la wɔma dia nsambisha onto tshɛ losango laki Nzambi. Nde aki la wɛkamu w’efula lo ekimanyielo ka Jehowa etena kakandasambisha nguvɛrnɛrɛ Feliksɛ la dihonga tshɛ
Lo ahole akɔna wakokami ndeka mɛnya wɛkamu ami etena kasambishami anto akina?
La kalasa
L’olimu
Lo nkumbo
Lo ahole akina