LƆSƐNƆ L’OKRISTO
Etena kakɔna kayomokoka nkamba oko ombatshi mboka wa tshanda mbala kayaye?
Tɛmpɛlɔ kakɛnyi Ɛzɛkiyɛlɛ lo ɛnɛlɔ mɛnyaka dia ekambi wa Jehowa wayokimɔ weshasha wa la lolango. Ngande wakokaso sho tshɛ onto l’onto ndjasha lo nkimɔ weshasha wa lotombo?—Hɛb 13:15, 16.
Yoho mɔtshi yoleki dimɛna ele nkamba oko ombatshi mboka wa tshanda. Ɔnɔnyi w’olimu 2018 wayonga la ngɔndɔ efula yele ngɔndɔ mɔtshi yayonga la nshi ya samalo tshanu ndo nshi ya lomingu tshanu. Kɛsɔ ayonga la wahɔ efula djekoleko le wanɛ wakamba elimu wa l’emunyi wawaɔsɛ wenya efula ndo waleka nsambisha paka lo waa wikɛndɛ. Laadiko dia laasɔ, apandjudi koka nsɔna dia nsambisha wenya 30 kana 50 walɔmbama lo Ngɔndɔ ka sato la ka nɛi ndo lo ngɔndɔ kembola omendji wotshimbedi etshumanelo.
Ko kayotota naka awui wele la so hawotosha diaaso dia nkamba oko ombatshi mboka wa tshanda? Sho koka nsala la wolo dia ndowanya akoka aso w’olimu w’esambishelo ndo ondo mfudia olimu akɔ. Oyadi awui akɔna wele la so, nyɛsɔ totshutshuyame oma lo ngandji kokaso Jehowa dia mbosha kɛnɛ koleki dimɛna kele la so lo ɔnɔnyi w’olimu wa 2018!—Hɔs 14:2.
Ngande wakokami mbokoya ohetoheto waki Sabina Hernández?
NYENDE VIDƐO YELE L’ƆTƐ A DUI ƆNƐ: DIƐSƐ L’EKIMANYIELO KA JEHOWA DIMI KOKA NSALA SUKE LA DUI TSHƐ, NDO OMA LAASƆ NYOKADIMOLE LO AMBOLA WAYELA ANƐ:
Kakɔna kakatshutshuya Sabina dia nde ndeka ndjasha l’olimu wa Jehowa?
Ngande wakokeketsha ɛnyɛlɔ kaki Sabina?
Lo ɔnɔnyi w’olimu wa 2018, ngɔndɔ kakɔna (yakɔna) kakokayɛ nkamba oko ombatshi mboka wa tshanda?