ʻAISEA
1 Ko e vīsone naʻe sio ki ai ʻa ʻAisea*+ ko e foha ʻo ʻĀmosí ʻo fekauʻaki mo Siuta mo Selusalema ʻi he ngaahi ʻaho ʻo ʻŪsaia,+ Siotame,+ ʻĀhasi,+ mo Hesekaia,+ ko e ngaahi tuʻi ʻo Siutá:+
2 Fanongo mai, ʻa langi, pea tokanga mai, ʻa māmani,+
He kuo folofola ʻa Sihova:
3 ʻOku ʻiloʻi lelei ʻe ha pulu ʻa e tokotaha naʻá ne fakatau iá,
Mo ha ʻasi ʻa e ʻaiʻanga kai ʻa e tokotaha ʻoku ʻoʻona iá;
Ka ko ʻIsileli ʻoku ʻikai te ne ʻiloʻi au,*+
Ko hoku kakaí tonu ʻoku ʻikai ke nau tōʻongaʻaki ʻa e mahinó.”
4 ʻOiauē ʻa e puleʻanga angahalaʻia,+
ʻA e kakai kuo nau mafasia ʻi he faihalá,
Ko ha hako ʻo e kau tangata fulikivanu, ko e fānau faikovi!
Kuo nau liʻaki ʻa Sihova;+
Kuo nau taʻefakaʻapaʻapaʻi ʻa e Tokotaha Māʻoniʻoni ʻo ʻIsilelí;
Kuo nau sītuʻa meiate ia.
5 ʻI he fakalalahi ʻa hoʻomou angatuʻú, ko fē ʻe taaʻi hono hoko ai kimoutolú?+
Ko e koto mahaki ʻa e foʻi ʻulú kotoa,
Pea ko e koto mahaki ʻa e lotó kotoa.+
6 ʻOku ʻikai ha kupu ʻe moʻui lelei mei he ʻaofivaʻé ki he foʻi ʻulú.
ʻOku ʻi ai ʻa e ngaahi lavea mo e ngaahi takatakaʻuli mo e ngaahi mataʻi pala
7 ʻOku maomaonganoa homou fonuá.
Kuo tutu ʻaki ʻa e afi homou ngaahi koló.
ʻOku keina ʻe ha kau muli homou fonuá ʻi homou ʻaó.+
ʻOku hangē ia ha fonua liʻaki kuo fakaʻauha ʻe ha kau mulí.+
8 Ko e ʻofefine ʻo Saioné kuo liʻaki ʻo hangē ha palepale ʻi ha ngoue kālepí,
Hangē ha kiʻi fale ʻoku tuʻu ʻi ha ngoue kiukamipaá,
Hangē ha kolo kuo ʻākoloʻí.+
9 Ka ne ʻikai ke fakatoe ʻe Sihova ʻo e ngaahi kau taú ha tokosiʻi pē ʻo kitautolu ke hao,
Naʻa tau mei hangē tofu pē ko Sōtomá,
Pea naʻa tau mei tatau pē mo Komola.+
10 Fanongo ki he folofola ʻa Sihová, ʻa kimoutolu kau pule kakaha* ʻo Sōtomá.+
Tokanga ki he lao* ʻa hotau ʻOtuá, ʻa kimoutolu kakai ʻo Komolá.+
11 “Ko e hā hono ʻaonga kiate au ʻa e lahi ʻo hoʻomou ngaahi feilaulaú?”+ Ko e folofola ia ʻa Sihová.
“Kuó u pāhia ʻi hoʻomou ngaahi feilaulau tutu ʻo e fanga sipi tangatá+ mo e ngako ʻo e fanga manu sisinó,+
Pea ʻoku ʻikai haʻaku hōhōʻia ʻi he toto+ ʻo e fanga kiʻi pulu tangatá+ mo e fanga lamí pea mo e fanga kosí.+
12 ʻI hoʻomou omi ke hā ʻi hoku ʻaó,+
Ko hai naʻá ne kounaʻi eni meiate kimoutolú,
ʻA hoʻomou tāmalaki ko eni ʻa hoku ongo lotoʻaá?+
13 Tuku hono toe ʻomi ʻa e ngaahi feilaulau meʻakai* ʻa ia ko e koto taʻeʻaongá.
Ko hoʻomou ʻinisēnisí ʻoku fakalielia ia kiate au.+
ʻOku mou tauhi ʻa e ngaahi māhina foʻou,+ ngaahi Sāpate,*+ pea mou fanongonongo mo e ngaahi fakataha-lahi+
—ʻOku ʻikai ke u makātakiʻi ʻa hono ngāueʻaki ʻo e mālohi fakafaimaná+ fakataha mo hoʻomou fuʻu fakataha makehé.
14 Kuó u fehiʻa ʻi hoʻomou tauhi ʻa e ngaahi māhina foʻoú mo hoʻomou ngaahi kātoangá.
Kuo nau hoko ko ha kavenga kiate au;
ʻOku ou fiu ʻi hono fua kinautolú.
15 Pea ʻi haʻamou fola nima hake,
Te u fufū hoku matá meiate kimoutolu.+
Neongo hoʻomou fai hake ha ngaahi lotu lahi,+
Heʻikai te u fanongo atu;+
Ko homou nimá na ʻoku totoʻia.+
16 Fufulu kimoutolu, ʻai kimoutolu ke mou maʻa;+
ʻAve ʻa hoʻomou ngaahi ngāue koví mei hoku ʻaó;
Tuku ʻa e faikoví.+
17 Ako ke failelei, kumi ki he fakamaau totonú,+
Fakatonutonu ʻa e tokotaha fakafeʻātungiá,
Taukapoʻi ʻa e ngaahi totonu ʻa e kiʻi tama tamai-maté,*
Pea taukapoʻi mo e uitoú.”+
18 “Mou omi ke tau fakamahino ʻa e ngaahi meʻá,” ko e folofola ia ʻa Sihová.+
“Neongo ʻoku hangē hoʻomou angahalá ko ha tupenu kula ʻahoʻahó,
ʻE ʻai ia ke hinehina ʻo hangē ko e sinoú;+
Neongo ʻene kulokula ʻo hangē ko e tupenu kulokula mālohí,
ʻE hoko ia ʻo hangē ko e fulufuluʻisipí.
19 Kapau te mou loto-lelei ke fanongo,
Te mou kai ʻa e ngaahi meʻa lelei ʻo e fonuá.+
20 Ka ʻo kapau te mou fakafisi ʻo mou angatuʻu,
ʻE keina kimoutolu ʻe he heletaá,+
He kuo folofolaʻaki ia ʻe Sihova.”
21 He hoko moʻoni ē ʻa e kolo faitōnungá+ ko ha fefine feʻauaki!+
Naʻe fonu ʻiate ia ʻa e fakamaau totonú;+
Naʻe faʻa nofo ʻiate ia ʻa e māʻoniʻoní,+
Ka ko eni ʻoku ʻi ai ʻa e kau fakapoó.+
23 Ko hoʻo kau houʻeikí ʻoku nau loto-fefeka pea ʻoku nau ngāue fakataha mo e kau kaihaʻá.+
Ko e tokotaha taki taha ʻo kinautolú ʻoku nau manako ki ha totongi fufū pea ʻoku nau tuli ke maʻu mai ha ngaahi meʻaʻofa.+
ʻOku ʻikai te nau fakahoko ʻa e fakamaau totonú ki he tamai-maté,*
Pea ʻoku ʻikai ʻaupito ke aʻu atu kiate kinautolu ʻa e lāunga ʻa e uitoú.+
24 Ko ia ai, ko e ʻEiki moʻoní, ʻa Sihova ʻo e ngaahi kau taú,
ʻA e Tokotaha Mālohi ʻo ʻIsilelí, ʻokú ne fakahā:
“Vakai! Te u tafiʻi meiate au ʻa hoku kau fakafepakí,
Pea te u faisāuni ki hoku ngaahi filí.+
25 Te u ala atu kiate koe,
Te u fakamaʻa* ʻa e ʻuli ʻiate koé ʻo hangē hano fakamaʻa ʻaki ʻa e koá,
Pea te u toʻo ʻa hoʻo ngaahi taʻemaʻá kotoa.+
26 Te u fakafoki kiate koe ʻa hoʻo kau fakamāú ʻo hangē ko ia ʻi he kamataʻangá
Mo hoʻo kau faleʻí ʻo hangē ko ia ki muʻá.+
ʻI he hili ení ʻe ui leva koe ko e Kolo Māʻoniʻoni, ko e Kolo Faitōnunga.+
27 ʻE huhuʻi ʻa Saione ʻaki ʻa e fakamaau totonú,+
Mo hono kakai ʻe toe fokí, ʻaki ʻa e māʻoniʻoní.
28 Ko e kau angatuʻú mo e kau angahalá ʻe laiki fakataha,+
Pea ko e faʻahinga ʻoku nau mavahe meia Sihová te nau ʻauha.+
29 He te nau mā ʻi he ʻuluʻakau lalahi naʻa mou holi ki aí,+
Pea te mou ngalivale koeʻuhí ko e ngaahi ngoue* naʻa mou filí.+
30 He te mou hoko ʻo hangē ha fuʻu ʻakau ʻoku mae hono laú,+
Pea hangē ha ngoue ʻoku ʻikai hano vaí.
31 Ko e tangata mālohí te ne hoko ko ha foʻi afo falakesi,*
Pea ko ʻene ngāué ko ha mofisiʻi afi;
Te na fakatou puho,
ʻO ʻikai ha taha ke ne tāmateʻi ia.”
2 Ko e meʻa eni naʻe sio ki ai ʻa ʻAisea ko e foha ʻo ʻĀmosí ʻo fekauʻaki mo Siuta mo Selusalemá:+
2 ʻI he fakaʻosiʻosi ʻo e ngaahi ʻahó,*
Ko e moʻunga ʻo e fale ʻo Sihová
ʻE fokotuʻu maʻu ia ʻi ʻolunga ʻi he tumutumu ʻo e ngaahi moʻungá,+
Pea ʻe mahiki hake ia ʻi he ngaahi foʻi māʻolungá,
Pea ʻe tafe ki ai ʻa e ngaahi puleʻanga kotoa pē.+
3 Pea ʻe ʻalu atu ʻa e ngaahi kakai lahi mo nau pehē:
“Mou haʻu ke tau ʻalu hake ki he moʻunga ʻo Sihová,
Ki he fale ʻo e ʻOtua ʻo Sēkopé.+
Te ne fakahinohino kiate kitautolu ʻo fekauʻaki mo ʻene ngaahi foungá,
Pea te tau ʻaʻeva ʻi hono ngaahi halá.”+
4 Te ne fai ha fakamaau ʻi he lotolotonga ʻo e ngaahi puleʻangá
Mo fakatonutonu ʻa e ngaahi meʻa fekauʻaki mo e ngaahi kakai lahi.
Te nau tuki ʻenau ngaahi heletaá ke hoko ko e ngaahi mataʻi-palau
Pea mo ʻenau ngaahi taó ke hoko ko e ngaahi hele ʻauhani.+
ʻE ʻikai hiki ʻe ha puleʻanga ha heletā ki ha puleʻanga,
Pea ʻe ʻikai te nau toe ako tau.+
5 ʻA e fale ʻo Sēkope, mou haʻu,
Ke tau ʻaʻeva ʻi he maama ʻa Sihová.+
6 ʻE ʻOtua, kuó ke liʻaki ho kakaí, ʻa e fale ʻo Sēkopé,+
Koeʻuhí kuo nau ohi ʻa e ngaahi meʻa lahi mei he Hahaké;
ʻOku nau fai ʻa e faimana+ hangē ko e kau Filisitiá,
Pea ʻoku lahi fau ʻiate kinautolu ʻa e fānau ʻa e kau mulí.
7 ʻOku fonu honau fonuá ʻi he siliva mo e koula,
Pea ʻoku ʻikai ha fakangatangata ki heʻenau ngaahi koloá.
ʻOku fonu honau fonuá ʻi he fanga hoosi,
Pea ʻoku ʻikai ha fakangatangata ki heʻenau ngaahi salioté.+
8 ʻOku fonu honau fonuá ʻi he ngaahi ʻotua taʻeʻaonga.+
ʻOku nau punou ki he ngāue pē ʻa honau nimá,
Ki he meʻa pē kuo ngaohi ʻe honau louhiʻinimá.
9 ʻOku fakamāʻulaloʻi ai ʻa e tangatá, ʻo ne hoko ai ʻo māʻulalo,
Pea heʻikai lava ke ke fakamolemoleʻi kinautolu.
10 Hū ki he makatuʻú peá ke toi ʻi he efú
Koeʻuhí ko e fakamanavahē ʻa e houhau ʻa Sihová
Mo e lahi ʻa hono lāngilangí.+
11 Ko e mata fakamāhiki ʻa e tangatá ʻe fakamāʻulaloʻi,
Pea ko e ʻafungi ʻa e kau tangatá ʻe peluki hifo.*
Ko Sihova toko taha pē ʻe fakahīkihikiʻi ʻi he ʻaho ko iá.
12 He ko e ʻaho ia ʻo Sihova ʻo e ngaahi kau tau.+
ʻE hoko mai ia ki he tokotaha kotoa ʻoku hīkisia mo fiemāʻolungá,
Ki he tokotaha kotoa, ʻo tatau ai pē pe ʻoku māʻolunga pe māʻulalo,+
13 Ki he kotoa ʻo e ʻulu sita ʻo Lepanoni ʻoku māʻolunga mo lalahí
Pea ki he kotoa ʻo e ʻulu ʻoke ʻo Pēsaní,
14 Ki he kotoa ʻo e ngaahi moʻunga māʻolungá
Pea ki he kotoa ʻo e ngaahi tafungofunga māʻolungá,
15 Ki he taua māʻolunga kotoa pē mo e ngaahi ʻā fakakolotau kotoa pē,
16 Ki he ngaahi vaka kotoa pē ʻo Tāsisí+
Pea ki he fanga kiʻi vaka fakaʻofoʻofa kotoa pē.
17 Ko e hīkisia ʻa e tangatá ʻe fakamāʻulaloʻi,
Pea ko e ʻafungi ʻa e kau tangatá ʻe peluki hifo.*
Ko Sihova toko taha pē ʻe fakahīkihikiʻi ʻi he ʻaho ko iá.
18 Ko e ngaahi ʻotua taʻeʻaongá ʻe puli fakaʻaufuli atu ia.+
19 Pea ʻe hū ʻa e kakaí ki he ngaahi ʻana ʻo e ngaahi maká
Pea ki he ngaahi luo ʻi he kelekelé,+
Koeʻuhí ko e fakamanavahē ʻa e houhau ʻa Sihová
Mo e lahi ʻa hono lāngilangí,+
ʻI he taimi ʻokú ne mālanga hake ai ke ʻai ʻa e māmaní ke tete ʻi he manavahē.
20 ʻI he ʻaho ko iá ʻe toʻo ʻe he tangatá ʻenau ngaahi ʻotua siliva mo koula taʻeʻaongá
ʻA ia naʻa nau ngaohi maʻanautolu ke nau punou ki aí
Pea laku ia ki he fanga kumaá* mo e fanga peká,+
21 Ka nau hū ki he fanga kiʻi ʻana ʻi he ngaahi maká
Pea ki he ngaahi ava ʻi he ngaahi makatuʻú,
Koeʻuhí ko e fakamanavahē ʻa e houhau ʻa Sihová
Mo e lahi ʻa hono lāngilangí,
ʻI he taimi ʻokú ne mālanga hake ai ke ʻai ʻa e māmaní ke tete ʻi he manavahē.
22 Ki ha lelei pē maʻamoutolu, tuku hoʻomou falala ki he tangata ko e meʻa noa peé,
ʻA ia ko ʻene mānavá ʻoku ʻi hono muʻa ihú pē.
Ko e hā ha lelei ʻe maʻu meiate ia?
3 He vakai, ko e ʻEiki moʻoní, ʻa Sihova ʻo e ngaahi kau tau,
ʻOkú ne toʻo mei Selusalema mo Siuta ʻa e faʻahinga tokoni mo e tokonaki kotoa pē,
ʻA e kotoa ʻo e tokoni maá mo e vaí,+
2 ʻA e tangata toʻa mo e pāteʻi tau,
ʻA e fakamaau mo e palōfita,+ ʻa e tokotaha vavalo mo e tokotaha mātuʻa,
3 ʻA e ʻeiki ʻo e toko 50,+ ʻa e tokotaha taki, mo e tokotaha faleʻi,
ʻA e tokotaha faimana mataotao mo e tokotaha pōtoʻi faifakalouʻakau.+
4 Te u fakanofo ha tamaiki tangata ko honau kau houʻeiki,
Pea ʻe pule kiate kinautolu ʻa e tokotaha anga-feliuliuaki.
5 ʻE tauʻaki fakamālohi ʻa e kakaí,
ʻA e tokotaha ko ē ki he tokotaha ko ē.+
ʻE ʻohofi ʻe he tamasiʻí ʻa e tangata taʻumotuʻá,
Pea ko e tokotaha ʻoku ʻikai loko mahuʻingá te ne angatuʻu ki he tokotaha ʻoku fakaʻapaʻapaʻí.+
6 Ko e tokotaha taki taha te ne puke ʻa hono tokouá ʻi he fale ʻo ʻene tamaí ʻo ne pehē ange:
“Ko koe ʻoku ʻi ai ho pulupulú—te ke hoko koe ko homau taki.
Pule koe ki he fuʻu fokotuʻunga maumau ko ení.”
7 Ka te ne talituʻu mai ʻi he ʻaho ko iá ʻo pehē:
“Heʻikai te u hoko ko homou tokotaha haʻi lavea;*
ʻOku ʻikai ke ʻi ai ha meʻakai pe ha vala ʻi hoku falé.
ʻOua te mou fakanofo au ko ha taki ki he kakaí.”
8 He kuo tūkia ʻa Selusalema,
Pea kuo tō ʻa Siuta,
Koeʻuhí ʻoku nau fakafepaki kia Sihova ʻi he lea mo e ngāue;
9 Ko e fakafōtunga ʻo honau matá ʻokú ne fakamoʻoniʻi mai ʻenau angahalá,
Pea ʻoku nau talaki ʻenau angahalá ʻo hangē ko Sōtomá;+
ʻOku ʻikai te nau feinga ke fufū ia.
ʻOiauē ka ko kinautolu, he ʻoku nau ʻomi ha fakatamaki kiate kinautolu pē!
10 Tala ki he māʻoniʻoní te nau lelei pē kinautolu;
11 He ʻoiauē ki he tokotaha fulikivanú!
ʻE tō kiate ia ha fakatamaki,
He ko e meʻa kuo fai ʻe hono nimá ʻe fai ia kiate ia!
12 ʻI he fekauʻaki mo hoku kakaí, ko honau kau taki ngāué ʻoku nau anga-fakamamahi,
Pea ʻoku pule kiate kinautolu ha kau fefine.
ʻE hoku kakai, ʻoku ʻai koe ʻe ho kau takí ke ke hē,
Pea ʻoku nau fakapuputuʻuʻi ʻa ho ngaahi halá.+
13 ʻOku hoko mai ʻa Sihova ki hono tuʻungá ke fai ha talatalaakiʻi;
ʻOkú ne tuʻu hake ke hilifaki ha tautea ki he ngaahi kakaí.
14 ʻE fakamāuʻi ʻe Sihova ʻa e kau mātuʻa mo e kau houʻeiki ʻi hono kakaí.
“Kuo mou tutu ʻa e ngoue kālepí,
Pea ko e meʻa kuo mou kaihaʻasi mei he masivá ʻoku ʻi homou ngaahi falé.+
15 ʻOku anga-fēfē hoʻomou laiki hoku kakaí
Mo olo ʻa e mata ʻo e masivá ʻi he kelekelé?”+ Ko e folofola ia ʻa e ʻEiki Haú, ʻa Sihova ʻo e ngaahi kau tau.
16 ʻOku folofola mai ʻa Sihova: “Koeʻuhi ko e hīkisia ʻa e ngaahi ʻofefine ʻo Saioné,
ʻOku nau ʻalu mo fakamāhiki honau ʻulú,*
Mo fakatauele ʻaki honau matá, pea ʻi heʻenau laká,
ʻOku nau ʻai ke ongo mai ʻa e pakihikihi ʻa e fanga kiʻi vesa ʻo honau vaʻé,
17 ʻE taaʻi foki ʻe Sihova ʻa e ʻulu ʻo e ngaahi ʻofefine ʻo Saioné ʻaki ʻa e pala fakamongumangu,
Pea ʻe ʻai ʻe Sihova ke tula ʻa honau ʻulú.+
18 ʻI he ʻaho ko iá ʻe toʻo ai ʻe Sihova ʻa honau teuteu fakaʻofoʻofá, ʻa honau ngaahi vesa vaʻé,
ʻA e ngaahi meʻa-haʻi teuteu ki he laʻé mo e ngaahi meʻa-teuteu fuo hangē ha māhina-kalipá,+
19 ʻA e ngaahi haú,* ʻa e ngaahi vesá, pea mo e ngaahi pūloú,
20 ʻA e ngaahi tatā faʻufaʻú, ʻa e ngaahi sēini vaʻé, mo e ngaahi noʻo teuteu ki he fatafatá,*
ʻA e ngaahi ʻaiʻanga meʻa fakanamuleleí mo e fanga kiʻi meʻa-teuteu ʻomi monuú,*
21 ʻA e ngaahi mama-nimá mo e ngaahi mama-ihú,
22 ʻA e ngaahi kofu tōtōlofa ki he kātoangá, ʻa e ngaahi kofu tuʻá, ʻa e ngaahi pulupulú, mo e ngaahi pēsí,
23 ʻA e ngaahi sioʻata teuteú+ mo e ngaahi kofu līnení,*
ʻA e ngaahi faʻufaʻu ki he ʻulú mo e ngaahi pūloú.
24 ʻI he ʻikai ke nanamu mai ko ha lolo paʻamé,*+ ʻe haʻu ʻa e namukū meiate kinautolu;
ʻI he ʻikai ko ha letá, te nau noʻo ha maea;
ʻI he ʻikai fakaʻofoʻofa honau ʻulú, te nau hoko ʻo tula;+
ʻI he ʻikai kofu tuʻumālié, te nau ʻai ha teunga tauangaʻa;+
Pea te nau maʻu ha fakaʻilonga pōpula* kae ʻikai ko e hoihoifua.
25 ʻE tō ʻa hoʻo kau tangatá ʻi he heletaá,
Mo hoʻo kau tangata toʻá ʻi he taú.+
26 ʻE fai ʻa e ngaahi tengihia mo e mamahi ʻi hono ngaahi hūʻangá,+
Pea te ne nofo ʻi he kelekele kuo lala.”+
4 Pea ʻe puke ʻe he kau fefine ʻe toko fitu ʻa e tangata ʻe taha ʻi he ʻaho ko iá,+ ʻo nau pehē:
“Te mau kai ʻemau mā pē ʻamautolu
Mo tui homau vala pē ʻo mautolu;
Kehe pē ke uiʻaki kimautolu ho hingoá
2 ʻI he ʻaho ko iá ko e meʻa ʻe ʻai ʻe Sihova ke tupú ʻe matamatalelei mo lāngilangiʻia, pea ko e fua ʻo e fonuá ʻe hoko ko e pōlepoleʻanga mo e meʻa fakaʻofoʻofa ki he kau hao ʻo ʻIsilelí.+ 3 ʻIlonga ʻa ia ʻoku toe ʻi Saioné mo ha toenga ʻi Selusalema ʻe ui kinautolu ʻoku nau māʻoniʻoni, ʻa e faʻahinga kotoa ʻi Selusalema kuo tohi ke nau moʻuí.+
4 ʻI he taimi ʻe fufulu ai ʻe Sihova ʻa e ʻuli* ʻa e ngaahi ʻofefine ʻo Saioné+ pea fakamaʻa ʻa e lingitoto ʻa Selusalemá mei hono lotolotongá ʻaki ʻa e laumālie ʻo e fakamaau pea ʻaki ha laumālie ʻoku vela,*+ 5 ʻe ʻai foki ʻe Sihova mei ʻolunga ki he nofoʻanga kotoa ʻo Moʻunga Saioné pea ki hono feituʻu faiʻanga fakataha-lahí ha ʻao mo ha kohu ʻi he ʻahó pea mo ha afi ʻoku ulo kakaha ʻi he poʻulí;+ he ʻe ʻi ai ha fakamalumalu ki he meʻa kotoa ʻoku lāngilangiʻiá. 6 Pea ʻe ʻi ai ha palepale ke fakamalumalu ai ʻi he ʻahó mei he velá,+ pea ko ha hūfangaʻanga mo ha maluʻanga ia mei he afaá mo e ʻuhá.+
Ko hoku ʻofaʻangá naʻe ʻi ai ʻene ngoue kālepi ʻi ha tafa moʻunga kelekele lelei.
2 Naʻá ne keli ia pea toʻo mei ai ʻa e makamaká.
Naʻá ne tō ai ʻa e kālepi kulokula lelei tahá,
Naʻá ne langa ha taua ʻi loto ai,
Peá ne foa ʻi ai mei he maká ha tataʻoʻanga uaine.+
Peá ne nofo ʻamanaki leva ke fua mai ko ha kālepi lelei,
Ka ko e kālepi vao pē ia naʻá ne fua mai ʻakí.+
3 “Pea ko eni, ʻa kimoutolu kau nofo ʻi Selusalemá mo e kau tangata ʻo Siutá,
Fakamāuʻi ange muʻa au mo ʻeku ngoue kālepí.+
4 Ko e hā ha toe meʻa naʻe mei lava ke u fai ki heʻeku ngoue kālepí
ʻA ia kuo teʻeki ai ke u fai?+
Ko e hā naʻe fua mai ai pē ko ha kālepi vao,
Lolotonga ia naʻá ku ʻamanaki atu ki ha kālepi leleí?
5 Ko eni, tuku muʻa ke u tala atu
ʻA e meʻa te u fai ki heʻeku ngoue kālepí:
Te u toʻo ʻa e ʻakau ʻoku tō ke ʻaaʻi ʻakí,
Pea ʻe tutu ia.+
Te u holoki ʻa hono ʻā maká,
Pea ʻe tāmalaki ia.
6 Te u ngaohi ia ke hoko ko ha feituʻu liʻaki;+
ʻE ʻikai ke ʻauhani pe huo ia.
ʻE kāpui ia ʻe he talatalaʻāmoá pea mo e vaó,+
Pea te u fekau ki he ngaahi ʻaó ke ʻoua naʻa nau tuku hifo ha ʻuha ki ai.+
7 He ko e ngoue kālepi ʻa Sihova ʻo e ngaahi kau taú ko e fale ʻo ʻIsilelí;+
Ko e kau tangata ʻo Siutá ʻa e ngoueʻanga* naʻá ne ʻofa aí.
Naʻá ne hanganaki ʻamanaki ki he fakamaau totonú,+
Kae vakai, ko e fakamaau taʻetotonu pē;
Ki he māʻoniʻoní,
Kae vakai, ko ha tangi pē ʻo e mamahi.”+
8 ʻOiauē ʻa kinautolu ʻoku nau fakahoko ʻa e fale ʻe taha ki he fale ʻe tahá+
Pea fakapipiki ʻa e ngoue ʻe taha ki he ngoue ʻe tahá+
Kae ʻoua kuo ʻikai kei ʻi ai ha ʻataʻatā
Pea mou nofo fakaekimoutolu pē ʻi he fonuá!
9 Naʻá ku fanongo ki he fuakava ʻa Sihova ʻo e ngaahi kau taú
ʻO pehē ko e ngaahi fale lahi, neongo ʻene lalahi mo fakaʻofoʻofá,
ʻE hoko ia ko ha meʻa ke fai ai ha fakalilifuʻia,
ʻO ʻikai ha taha ʻe nofo ai.+
10 He ko e ngoue kālepi ʻeka ʻe hongofulú ʻe maʻu pē mei ai ha fua pate* ʻe taha ʻo e uainé,
Pea ko ha homa* ʻe taha ʻo e tengaʻi ʻakaú ʻe maʻu pē mei ai ha efa* ʻe taha.+
11 ʻOiauē ʻa kinautolu ʻoku ʻā pongipongia ke inu ʻolokaholó,+
ʻA ia ʻoku nau nofo ʻo aʻu ki he poʻulí kae ʻoua kuo nau konā ʻi he uainé!
12 ʻOku nau maʻu ʻa e haʻape mo e meʻalea filo,
Nafa, fuluta, pea mo e uaine ʻi heʻenau ngaahi kātoangá;
Ka ʻoku ʻikai te nau fakakaukau ki he ngāue ʻa Sihová,
Pea ʻoku ʻikai te nau sio ki he ngāue ʻa hono nimá.
13 Ko ia ʻe ʻave fakamālohi ʻa hoku kakaí
Ko e ʻikai te nau maʻu ʻa e ʻiló;+
Ko ʻenau kau tangata lāngilangiʻiá te nau fiekaia,+
Pea ko honau kakaí kotoa te nau mate he fieinuá.
14 Ko ia kuo fakalahi ai ʻe he Faʻitoká* ʻa ia tonu
Pea kuó ne fakamanga lahi ʻa hono ngutú ʻo ʻikai hano ngataʻanga;+
Pea ko hono lāngilangiʻiá,* ko hono kakai longoaʻá, mo ʻene kau fakafiefia uataú
Te nau mātuʻaki ʻalu hifo ki ai.
15 Pea ko e tangatá ʻe peluki hifo ia,
Ko e tangatá ʻe fakamāʻulaloʻi,
Pea ko e mata ʻo e hīkisiá ʻe fakamāʻulaloʻi.
16 Ko Sihova ʻo e ngaahi kau taú ʻe hakeakiʻi ia ʻe heʻene faifakamāú;*
Ko e ʻOtua moʻoní, ʻa e Tokotaha Māʻoniʻoní,+ te ne fakamāʻoniʻoniʻi ʻa ia tonu fakafou ʻi he māʻoniʻoni.+
17 Pea ko e fanga lamí te nau kaikai ʻo hangē ʻoku nau ʻi honau kaikaiʻangá;
Ko e kau mulí te nau kai ʻi he ngaahi potu lala ʻa ia naʻe faʻa kai ai ʻa e fanga manu sisinó.
18 ʻOiauē ʻa kinautolu ʻoku nau toho ʻa ʻenau halaiá ʻaki ʻa e ngaahi maea ʻo e kākaá
Mo ʻenau angahalá ʻaki ʻa e maea ʻo e salioté;
19 ʻA kinautolu ʻoku nau pehē: “Tuku ke Ne fakavaveʻi ʻa ʻene ngāué;
Tuku ke hoko vave mai ia ke tau sio ki ai.
20 ʻOiauē ʻa kinautolu ʻoku nau pehē ko e leleí ʻoku kovi pea ko e koví ʻoku lelei,+
ʻA kinautolu ʻoku nau fetongi ʻa e fakapoʻulí ʻaki ʻa e māmá mo e māmá ʻaki ʻa e fakapoʻulí,
ʻA kinautolu ʻoku nau ʻai ʻa e koná ko e melie mo e melié ko e kona!
21 ʻOiauē ʻa kinautolu ʻoku poto ʻi heʻenau vakai pē ʻanautolú
Pea fakapotopoto ʻi he sio pē ʻanautolú!+
22 ʻOiauē ʻa kinautolu ʻoku nau mālohi ʻi he inu uainé
Pea ki he kau tangata ʻoku nau mataotao ʻi hono huʻi ʻa e ngaahi inu ʻolokaholó,+
23 ʻA kinautolu ʻoku nau fakaʻatā ʻa e fulikivanú koeʻuhi ko ha totongi fufū+
Pea ʻoku nau fakafisi mei hono fai ʻa e fakamaau totonu ki he māʻoniʻoní!+
24 Ko ia ai, hangē ko e keina ʻe he afí ʻa e tukeʻi uité
Pea mingi ʻa e mohuku mōmoá ʻi he uloʻi afí,
Ko honau aká tonu ʻe popo,
Pea ʻe movete ʻa honau fisí ʻo hangē ha efuefú,
Koeʻuhí naʻa nau talitekeʻi ʻa e lao* ʻa Sihova ʻo e ngaahi kau taú
Pea nau taʻetokaʻi ʻa e folofola ʻa e Tokotaha Māʻoniʻoni ʻo ʻIsilelí.+
25 Ko e ʻuhinga ia ʻoku kakaha ai ʻa e houhau ʻa Sihová ki hono kakaí,
Pea ʻe mafao atu ʻa hono nimá kiate kinautolu ʻo ne taaʻi kinautolu.+
ʻE ngalulu ʻa e ngaahi moʻungá,
Pea ʻe hangē honau ʻangaʻangá ko ha kinohaʻa ʻi he ngaahi halá.+
ʻI he vakai atu ki he meʻá ni kotoa, kuo ʻikai ke foki ʻa ʻene houhaú,
Ka ʻoku kei mafao atu pē ʻa hono nimá ke taaʻi kinautolu.
26 Kuó ne fokotuʻu ha fakaʻilonga* ki ha puleʻanga mamaʻo;+
Kuó ne mapuʻi kinautolu ke nau haʻu mei he ngaahi ngataʻanga ʻo e māmaní;+
Pea vakai, ʻoku vave ʻaupito ʻenau haʻú.+
27 ʻOku ʻikai ha taha ʻi honau lotolotongá ʻe helaʻia pe humu.
ʻOku ʻikai ha taha ʻe tulemohe pe mohe.
ʻOku ʻikai ke ngatōtō ʻa e leta ʻoku takai ʻi honau kongalotó,
Pe motu ʻa e meʻa-haʻi ʻo honau senitoló.
28 ʻOku māsila ʻenau ngaahi ngahaú kotoa,
Pea ʻoku fusiʻi* ʻenau kaufaná kotoa.
Ko e topuvaʻe ʻo ʻenau fanga hōsí ʻoku hangē ha maka-afí,
Pea ko ʻenau ngaahi veʻeteká ʻoku hangē ha matangi mālohí.+
29 Ko ʻenau ngungulú ʻoku hangē ko ha laioné;
ʻOku nau ngungulu ʻo hangē ha fanga laione muí.+
Te nau ngungulu pea pō ʻa e meʻa ke nau kaí
Pea ʻave ia ʻo ʻikai ha taha ke ne fakahaofi ia.
30 ʻI he ʻaho ko iá te nau ngungulu ki ai
Hangē ko e ʻuʻulu ʻa e tahí.+
Ko ha taha pē ʻe sio fakamamaʻu ki he fonuá te ne sio ki ha fakapoʻuli fakatupu loto-hohaʻa;
Naʻa mo e māmá kuo hoko ia ʻo fakapoʻuli koeʻuhi ko e ngaahi ʻaó.+
6 ʻI he taʻu naʻe mate ai ʻa Tuʻi ʻŪsaiá,+ naʻá ku mamata ai kia Sihova ʻokú ne ʻafio ʻi ha taloni māʻolunga mo mahiki hake,+ pea naʻe fonu ʻa e temipalé ʻi he ngaahi kapa ʻo hono kofú. 2 Naʻe tuʻu ʻi ʻolunga ʻiate ia ha kau selāfimi; naʻe kapakau ʻe ono ʻa e tokotaha taki taha. Naʻe ʻufiʻufi ʻe he tokotaha taki taha* hono matá ʻaki ʻa e kapakau ʻe ua pea ʻufiʻufi hono vaʻé ʻaki ʻa e kapakau ʻe ua, pea ko kinautolu taki taha naʻa nau puna ʻaki ʻa e kapakau ʻe ua.
3 Pea naʻe kaila ʻa e tokotaha ko eé ki he tokotaha ko eé:
“ʻOku māʻoniʻoni, ʻoku māʻoniʻoni, ʻoku māʻoniʻoni ʻa Sihova ʻo e ngaahi kau tau.+
ʻOku fonu ʻa e māmaní kotoa ʻi hono lāngilangí.”
4 Pea naʻe ngalulu ʻa e ngaahi kaumatapaá ʻi he ongo mai ʻa e kailá,* pea naʻe fonu ʻa e falé ʻi he kohu.+
5 Pea naʻá ku pehē: “ʻOiauē ka ko au!
Kuó u mate,*
He ko ha tangata loungutu taʻemaʻa au,
Pea ʻoku ou nofo ʻi he lotolotonga ʻo ha kakai loungutu taʻemaʻa;+
He kuo sio ʻa hoku matá ni ki he Tuʻí, ʻa Sihova ʻo e ngaahi kau tau!”
6 Ko ia naʻe puna mai ai ʻa e taha ʻo e kau selāfimí kiate au, pea naʻe ʻi hono nimá ha foʻi malala uloulo+ naʻá ne toʻo ʻaki ʻa e tongi mei he ʻōlitá.+ 7 Naʻá ne ʻai ia ki hoku ngutú peá ne pehē:
“Vakai, kuo pā eni ki ho loungutú.
Kuo toʻo hoʻo hiá,
Pea kuo ʻufiʻufi hoʻo angahalá.”
8 Pea naʻá ku fanongo ki he leʻo ʻo Sihová ʻoku folofola mai: “Ko hai te u fekauʻi atú, pea ko hai ia ʻe ʻalu maʻamautolú?”*+ Pea naʻá ku pehē ange: “Ko au eni! Fekauʻi au!”+
9 Pea naʻá ne tali mai, “ʻAlu, peá ke pehē ki he kakaí ni:
‘Te mou toutou fanongo,
Ka heʻikai te mou maʻu ha mahino,
Te mou toutou sio,
Ka heʻikai te mou maʻu ha ʻilo.’+
10 ʻAi ʻa e loto ʻo e kakaí ni ke ongonoa,+
ʻAi honau telingá ke taʻefiefanongo,+
Pea tāpuni honau matá,
Koeʻuhí ke ʻoua naʻa nau sio ʻaki honau matá
Pea fanongo ʻaki honau telingá,
Koeʻuhí ke ʻoua naʻa mahinoʻi ʻe honau lotó
Pea ke ʻoua naʻa nau tafoki pea fakamoʻui ai kinautolu.”+
11 ʻI he meʻá ni naʻá ku pehē ange: “Ko e hā hono fuoloá, ʻe Sihova?” Pea naʻá ne folofola mai:
“Kae ʻoua kuo haveki ʻo maumauʻi ʻa e ngaahi koló ʻo ʻikai ha taha ʻe nofo ai
Pea ʻikai ha kakai ʻi he ngaahi falé
Pea maumauʻi mo fakalala ʻa e fonuá;+
12 Kae ʻoua kuo ʻave ʻe Sihova ke mamaʻo ʻa e kau tangatá+
Pea hoko ʻo lahi ʻaupito ʻa e tuʻunga maomaonganoa ʻo e fonuá.
13 “Ka ʻe kei ʻi ai ha vahe hongofulu ʻi ai, pea ʻe tutu foki mo ia, hangē ha fuʻu ʻakaú pea hangē ha fuʻu ʻoké, ʻa ia ʻi he hili hono tā hifó ʻoku toe pē hano tefito; ko ha hako māʻoniʻoni ʻe hoko ko hono tefitó.”
7 Pea ʻi he ngaahi ʻaho ʻo ʻĀhasi+ ko e foha ʻo Siotame ko e foha ʻo ʻŪsaia, ko e tuʻi ʻo Siutá, naʻe ʻalu hake ai ʻa Tuʻi Lesini ʻo Sīliá mo Peka+ ko e foha ʻo Lemalaia, ko e tuʻi ʻo ʻIsilelí, ke tauʻi ʻa Selusalema, ka naʻe ʻikai lava ke ne* hamu ia.+ 2 Naʻe ʻomi ha fakamatala ki he fale ʻo Tēvitá: “Kuo kau ʻa Sīlia mo ʻIfalemi.”
Pea naʻe kamata ke tete ʻa e loto ʻo ʻĀhasí mo e loto ʻo hono kakaí, ʻo hangē ko e ngaungaue ʻa e ʻuluʻakau ʻo e vaotaá ʻi he matangí.
3 Naʻe folofola leva ʻa Sihova kia ʻAisea: “ʻAlu atu muʻa ʻo fakafetaulaki kia ʻĀhasi, ʻa koe mo ho foha ko Sea-sesupí,*+ ʻi he ngataʻanga ʻo e fakatafenga vai* ʻo e kiʻi vai ʻi ʻolungá+ ʻi he veʻe hala lahi ʻo e konga kelekele ʻo e tangata foó. 4 Kuo pau ke ke pehē kiate ia, ‘Tokanga ke ke nofoʻaki nonga. ʻOua naʻá ke ilifia, pea ʻoua naʻa vaivai ho lotó koeʻuhí ko e ongo tukeʻi ʻakau kohu ko ení, koeʻuhí ko e ʻita lahi ʻa Lesini mo Sīliá pea mo e foha ʻo Lemalaiá.+ 5 He ko Sīlia mo ʻIfalemi pea mo e foha ʻo Lemalaiá kuo nau faʻufaʻu ha kovi kiate koe, ʻo nau pehē: 6 “Tau ʻalu hake ki Siuta ʻo haveki* ia pea ikunaʻi* ia maʻatautolu, pea ke tau fakanofo ʻa e foha ʻo Tapeelí ke hoko ko hono tuʻi.”+
7 “‘Ko e folofola eni ʻa e ʻEiki Hau ko Sihová:
“ʻE ʻikai ke lavameʻa ia,
Pea ʻe ʻikai ke hoko ia.
8 He ko e ʻulu ʻo Sīliá ko Tāmasikusi,
Pea ko e ʻulu ʻo Tāmasikusí ko Lesini.
ʻI loto ʻi he taʻu pē ʻe 65
ʻE haveki fakaʻaufuli ai ʻa ʻIfalemi pea ʻe ngata ai ʻene hoko ko ha kakaí.+
Ka ʻikai ke tuʻu maʻu hoʻomou tuí,
ʻE ʻikai ke fokotuʻu maʻu kimoutolu.”’”
10 Naʻe hoko atu ʻa e folofola ʻa Sihova kia ʻĀhasí: 11 “Kole ki ha fakaʻilonga meia Sihova ko ho ʻOtuá;+ ʻe loloto nai ia ʻo hangē ko e Faʻitoká* pe māʻolunga ʻo hangē ko e langí.” 12 Ka naʻe pehē ʻe ʻĀhasi: “Heʻikai te u kole, pea heʻikai te u ʻahiʻahiʻi ʻa Sihova.”
13 Naʻe pehē ange leva ʻe ʻAisea: “Fanongo mai muʻa, ʻe fale ʻo Tēvita. ʻIkai kuo feʻunga ʻa hoʻomou ʻahiʻahiʻi ʻa e kātaki ʻa e tangatá? Te mou toe ʻahiʻahiʻi koā ʻa e kātaki ʻa e ʻOtuá?+ 14 Ko ia ai, ko Sihova tonu te ne ʻoatu kiate kimoutolu ha fakaʻilonga: Vakai! ʻE feitama ʻa e finemuí* pea te ne fāʻeleʻi ha tama tangata,+ pea te ne fakahingoa ia ko ʻImānuela.*+ 15 Te ne kai pata mo e hone ʻo aʻu ki he taimi te ne ʻiloʻi ai ʻa e founga ke talitekeʻi ai ʻa e koví pea fili ʻa e leleí. 16 He ki muʻa ke ʻiloʻi ʻe he tamasiʻí ʻa e founga ke talitekeʻi ai ʻa e koví pea fili ʻa e leleí, ko e fonua ʻo e ongo tuʻi ʻa ia ʻokú ke ilifia ki aí ʻe liʻaki fakaʻaufuli.+ 17 ʻE ʻomai ʻe Sihova kiate koe mo ho kakaí mo e fale ʻo hoʻo tamaí ha taimi kuo teʻeki ke hoko ha taimi pehē talu mei he ʻaho naʻe mavahe ai ʻa ʻIfalemi mei Siutá,+ he te Ne ʻomai ʻa e tuʻi ʻo ʻAsīliá.+
18 “ʻI he ʻaho ko iá ʻe mapuʻi ʻe Sihova ʻa e fanga langó ke nau haʻu mei he vaitafe ʻo Naila ʻo ʻIsipité ʻi he mamaʻó pea mo e fanga hone ʻi he fonua ko ʻAsīliá, 19 pea te nau haʻu kotoa ʻo nofo ʻi he ngaahi teleʻa* ngungutú, ʻi he ngaahi avaʻi maká, ʻi he ʻakau talatalá kotoa, pea ʻi he ngaahi feituʻu vaiʻiá kotoa.
20 “ʻI he ʻaho ko iá fakafou ʻi ha mataʻi-tele ʻe totongiʻi mai mei he vahefonua ʻo e Vaitafé,* fakafou ʻi he tuʻi ʻo ʻAsīliá,+ ʻe tele ʻe Sihova ʻa e ʻulú mo e fulufulu ʻo e vaʻé, pea ʻe toʻo ʻosi foki mo e kavá.
21 “ʻI he ʻaho ko iá ʻe tauhi moʻui ʻe ha tangata ha kiʻi pulu mei he tākangá mo ha sipi ʻe ua. 22 Pea koeʻuhi ko e lahi ʻa e huʻakaú, te ne kai pata, he ko e tokotaha kotoa ʻe toe ʻi he fonuá te ne kai pata mo e hone.
23 “ʻI he ʻaho ko iá ko ha feituʻu pē naʻe ʻi ai ha fuʻu kālepi ʻe 1,000 ʻa ia naʻe konga siliva ʻe 1,000 ʻa hono mahuʻingá, ko e ʻakau talatala pē mo e vao ʻe ʻi aí. 24 ʻE ʻalu ki ai ʻa e kau tangatá mo e kaufana mo e ngahau, koeʻuhí he ko e fonuá kotoa ʻe hoko ko e ʻakau talatala pē mo e vao. 25 Pea ko e ngaahi moʻunga kotoa naʻe faʻa fakaʻataʻatā ʻaki ha huó, ʻe ʻikai te ke ʻalu ʻo ofi ki ai koeʻuhi ko e manavahē ʻi he ʻakau talatalá mo e vaó; te nau hoko ko ha feituʻu kaikaiʻanga ki he fanga pulú mo ha kelekele ʻoku tāmalaki ʻe he fanga sipí.”
8 Naʻe folofola mai ʻa Sihova kiate au: “Toʻo ha lauʻipapa lahi+ pea tohi ki ai ʻaki ha peni ʻa e ‘Meha-sala-hase-pase.’* 2 Pea tuku kiate au ke u fakapapauʻi ia ʻi ha tohi fakafou ʻi ha* ongo fakamoʻoni falalaʻanga, ko ʻŪlaia+ ko e taulaʻeikí mo Sākalaia ko e foha ʻo Sipelikaiá.”
3 Pea naʻá ku mohe mo e* palōfita fefiné,* peá ne feitama pea ʻi he faai atu ʻa e taimí naʻá ne fāʻeleʻi ha tama tangata.+ Naʻe folofola mai leva ʻa Sihova kiate au: “Fakahingoa ia ko Meha-sala-hase-pase, 4 koeʻuhí ki muʻa ke poto ʻa e tamasiʻí ʻi he ui, ‘ʻA ʻeku tamai,’ mo ‘ʻEku faʻeé,’ ko e koloa ʻo Tāmasikusí mo e koloa vete* ʻo Samēliá ʻe ʻave ia ki he ʻao ʻo e tuʻi ʻo ʻAsīliá.”+
5 Naʻe toe folofola mai ʻa Sihova kiate au:
6 “Koeʻuhí kuo liʻaki ʻe he kakaí ni ʻa e vai tafetafe mālie ʻo Siloahá*+
Pea nau fiefia ʻia Lesini mo e foha ʻo Lemalaiá,+
7 Ko ia ai, vakai, ʻe ʻomi ʻe Sihova kiate kinautolu
ʻA e ngaahi vai mālohi mo lahi ʻo e Vaitafé,*
ʻA e tuʻi ʻo ʻAsīliá+ mo e kotoa ʻo hono lāngilangí.
Te ne ʻalu atu ki he kotoa ʻo ʻene tafengavaí
Pea ʻai ke fonu mahuohua ʻa e kotoa ʻo hono ngaahi kauvaí
8 Pea te ne tafe atu ki Siuta.
Te ne hangē ha tāfeá peá ne tafe atu ʻo aʻu hake ki he kiá;+
Ko e mafola atu hono ongo kapakaú ʻe kāpui ai ʻa e māukupu ʻo ho fonuá,
9 Mou fai ha maumau, ʻa kimoutolu ngaahi kakai, ka ʻe haveki kimoutolu ke mou lailai.
Fanongo, ʻa kimoutolu kotoa mei he ngaahi feituʻu mamaʻo ʻo e māmaní!
Mou teuteu ki he tau,* ka ʻe haveki kimoutolu ke mou lailai!+
Mou teuteu ki he tau, ka ʻe haveki kimoutolu ke mou lailai!
10 Faʻufaʻu ha palani, ka ʻe fakafehālaakiʻi ia!
Leaʻaki ʻa e meʻa ʻokú ke saiʻia aí, ka ʻe ʻikai ke lavameʻa ia,
11 ʻI he ʻiate au ʻa e nima mālohi ʻo Sihová, ko e meʻa eni naʻá ne folofolaʻaki kiate au ko ha fakatokanga ke u fakaʻehiʻehi mei he muimui ʻi he ʻalunga ʻo e kakaí ni:
12 “ʻOku ʻikai totonu ke mou lau ko ha faʻufaʻufono ʻa e meʻa ʻoku lau ʻe he kakaí ni ko e faʻufaʻufonó!
ʻOua naʻa mou manavahē ki he meʻa ʻoku nau manavahē ki aí;
ʻOua naʻa mou tetetete ai.
13 Ko Sihova ʻo e ngaahi kau taú—ko ia ʻa e Tokotaha ʻoku totonu ke mou lau ʻoku māʻoniʻoní,+
Ko e Tokotaha ia ʻoku totonu ke mou manavahē ki aí,
Pea ko e Tokotaha ia ʻoku totonu ke ne ʻai kimoutolu ke mou teteteté.”+
14 Te ne hoko ko ha feituʻu toputapu,
Ka ko ha maka ke tūkia ai
Mo ha maka ke humu ai+
ʻA e fale fakatouʻosi ʻo ʻIsilelí,
Ko ha luo mo e tauhele
Ki he kakai ʻo Selusalemá.
15 Ko e tokolahi ʻiate kinautolu te nau humu pea te nau tō ʻo fasi;
ʻE fakataueleʻi kinautolu pea te nau fihia ai.
16 Takatakaiʻi ʻa e fakamoʻoni kuo hikí;
Silaʻi ʻa e laó* ʻi he lotolotonga ʻo ʻeku kau ākongá!
17 Te u nofo ʻo ʻamanaki* kia Sihova,+ ʻa ia ʻokú ne fufū ʻa hono fofongá mei he fale ʻo Sēkopé,+ pea ʻe tuʻu ʻeku ʻamanakí ʻiate ia.
18 Vakai, ko au mo e fānau ʻa ia kuo foaki mai ʻe Sihová+ ʻoku mau hoko ko ha fakaʻilonga+ mo ha mana ʻi ʻIsileli meia Sihova ʻo e ngaahi kau taú, ʻa ia ʻokú ne ʻafio ʻi Moʻunga Saioné.
19 Pea kapau te nau pehē kiate kimoutolu: “Kumi ki ha tataki mei he kau taula faʻahikehé pe ko e kau tala meʻa ki he kahaʻú ʻa ia ʻoku nau valevalelau mo muhumuhú,” ʻikai ko honau ʻOtuá ʻoku totonu ke kumi ki ai ʻe he kakaí ha tatakí? ʻOku totonu ke nau kumi ha tataki ki he kau maté koeʻuhí ko e kau moʻuí?+ 20 ʻI hono kehé, ʻoku totonu ke nau kumi ki he laó mo e fakamoʻoni kuo hikí!
ʻI he taimi ʻoku ʻikai te nau lea ai ʻo fakatatau ki he leá ni, ʻoku ʻikai ha maama* ʻiate kinautolu.+ 21 Pea ko e tokotaha taki taha te ne ʻalu atu ʻi he fonuá ʻokú ne faingataʻaʻia mo fiekaia;+ pea koeʻuhi ko ʻene fiekaiá mo ʻene ʻitá, te ne talatukiʻi ai ʻa hono tuʻí mo hono ʻOtuá ʻi heʻene hanga hake ki ʻolungá. 22 Pea te ne sio leva ki he fonuá pea vakai ko e mamahi pē mo e fakapoʻuli, ko e fakapōpōʻuli mo e ngaahi taimi faingataʻa, ko e kaupōʻuli pea ʻikai ha maama.
9 Kae kehe, heʻikai ke hangē ʻa e kaupōʻuli ia ko ení ko e taimi naʻe tō ai ʻa e mamahi ki he fonuá, ʻo hangē ko ia naʻe hoko ki muʻa ʻi he taimi naʻe taʻetokaʻi ai ʻa e fonua ʻo Sepuloní mo e fonua ʻo Nafitalaí.+ Ka ʻi ha taimi ki mui ai te Ne ʻai ia ke fakaʻapaʻapaʻi—ʻa e hala ʻi he matātahí, ʻi he vahefonua Sioataní, ʻa Kāleli ʻo e ngaahi puleʻangá.
2 Ko e kakai naʻe ʻaʻeva ʻi he fakapoʻulí
Kuo nau mamata ki ha maama lahi.
Ko e faʻahinga ʻoku nofo ʻi he fonua ʻo e fakapoʻuli matolú,
Kuo ulo atu ha maama kiate kinautolu.+
3 Kuó ke ʻai ke tokolahi ʻa e puleʻangá;
Kuó ke ʻai ia ke lahi ʻene fiefiá.
ʻOku nau fiefia ʻi ho ʻaó
ʻO hangē ko e fiefia ʻa e kakaí ʻi he taimi utu-taʻú,
ʻO hangē ko e faʻahinga ʻoku nau vahevahe fiefia ʻa e koloa veté.
4 He kuó ke haveki ʻo movete ʻa e ʻioke ʻo ʻenau kavengá,
ʻA e vaʻakau naʻe ʻi honau umá, ʻa e tokotoko ʻo e tokotaha taki ngāué,
ʻO hangē ko ia ʻi he ʻaho ʻo Mitianí.+
5 Ko e sū kotoa pē ʻokú ne luluʻi ʻa e kelekelé ʻi heʻene laká
Mo e kofu kotoa pē kuo unu ʻi he totó
ʻE hoko ia ko e fefie ki he afí.
ʻE ui ʻa hono hingoá ko Faleʻi Fakaofo,+ ʻOtua Māfimafi,*+ Tamai Taʻengata, mo e ʻEiki ʻo e Melino.
Mo e melinó, ʻe ʻikai hano ngataʻanga,+
ʻI he taloni ʻo Tēvitá+ mo hono puleʻangá
Koeʻuhí ke fokotuʻu maʻu ia+ pea ke pouaki ia
Fakafou ʻi he fakamaau totonu+ mo e māʻoniʻoni,+
Mei he taimí ni ʻo taʻengata,
Ko e faivelenga ʻa Sihova ʻo e ngaahi kau taú te ne fai ai ení.
8 Naʻe tuku atu ʻe Sihova ha pōpoaki kia Sēkope,
Pea kuo hoko ia ki ʻIsileli.+
9 Pea ʻe ʻilo ia ʻe he kakaí kotoa
—ʻE ʻIfalemi mo e kakai ʻo Samēliá—
ʻA ia ʻi heʻenau hīkisiá mo e ʻafungi ʻa honau lotó ʻoku nau pehē ai:
10 “Kuo holo ʻa e pilikí,
Ka te mau langaʻaki ʻa e maka kuo tā.+
Kuo tā ʻa e ʻulu sukaminó,
Ka te mau fetongiʻaki ia ʻa e sita.”
11 ʻE fokotuʻu ʻe Sihova ʻa e ngaahi fili ʻo Lesiní ke nau fakafepakiʻi ia
Pea te ne ueʻi ʻa hono ngaahi filí ke nau fai ha meʻa,
12 Ko Sīlia mei he hahaké pea ko e kau Filisitiá mei he hihifó,*+
Te nau fakamanga honau ngutú ʻo keina ʻa ʻIsileli.+
ʻI he vakai atu ki he meʻá ni kotoa, kuo ʻikai ke foki ʻa ʻene houhaú,
Ka ʻoku kei mafao atu pē ʻa hono nimá ke taaʻi kinautolu.+
13 He ko e kakaí kuo ʻikai te nau foki ki he Tokotaha ʻokú ne taaʻi kinautolú;
Kuo ʻikai te nau kumi kia Sihova ʻo e ngaahi kau tau.+
14 ʻE tuʻusi ʻe Sihova mei ʻIsileli
ʻA e ʻulú mo e hikú, ʻa e hulí mo e kutá,* ʻi he ʻaho pē ʻe taha.+
15 Ko e tokotaha taʻumotuʻa mo fakaʻapaʻapaʻi lahí ko e ʻulú ia,
Pea ko e palōfita ʻokú ne ʻoatu ha fakahinohino kākaá ko e hikú ia.+
16 Ko e faʻahinga ʻoku nau taki ʻa e kakai ko ení ʻoku nau fakatupunga kinautolu ke nau hē,
Pea ko e faʻahinga kuo taki atú ʻoku nau puputuʻu.
17 Ko e ʻuhinga ia ʻe ʻikai ke fiefia ai ʻa Sihova ʻi heʻenau kau talavoú,
Pea ʻe ʻikai te ne faimeesi ki heʻenau fānau tamai-maté* mo ʻenau kau uitoú
Koeʻuhí ko kinautolu kotoa ko e kau tafoki ʻo fakafepaki ki he moʻoní mo e kau faikovi+
Pea ʻoku fai ʻe he ngutu kotoa pē ha lea taʻefakapotopoto.
ʻI he vakai atu ki he meʻá ni kotoa, kuo ʻikai ke foki ʻa ʻene houhaú,
Ka ʻoku kei mafao atu pē ʻa hono nimá ke taaʻi kinautolu.+
18 He ko e fulikivanú ʻoku vela ʻo hangē ha afí,
ʻO ne keina ʻa e ʻakau talatalá mo e vaó.
Te ne tutu ʻa e vaotā fihifihí,
Pea ʻe kohutuʻu hake ia.
19 ʻI he houhau ʻa Sihova ʻo e ngaahi kau taú
Kuo tutu ai ʻa e fonuá,
Pea ko e kakaí te nau hoko ko e fefie ki he afí.
ʻE ʻikai ha taha te ne fakahaofi naʻa mo hano tokoua.
20 ʻE tuʻusi hifo ʻe ha tokotaha ʻa e meʻa ʻi hono toʻomataʻú
Ka te ne kei fiekaia pē;
Pea ʻe kai ʻe he tokotaha ʻa e meʻa ʻi hono toʻohemá
Ka heʻikai te ne mākona.
ʻE keina ʻe he tokotaha taki taha ʻa e kakano ʻo hono nima pē ʻoʻoná,
21 ʻE keina ʻe Manase ʻa ʻIfalemi,
Pea ʻe keina ʻe ʻIfalemi ʻa Manase.
Te na kau fakataha ʻo fakafepaki ki Siuta.+
ʻI he vakai atu ki he meʻá ni kotoa, kuo ʻikai ke foki ʻa ʻene houhaú,
Ka ʻoku kei mafao atu pē ʻa hono nimá ke taaʻi kinautolu.+
10 ʻOiauē ʻa e faʻahinga ʻoku nau faʻu ʻa e ngaahi lao fakatupu maumaú,+
ʻOku nau fokotuʻutuʻu maʻu pē ʻa e ngaahi tuʻutuʻuni fakafeʻātungiá,
2 Ke taʻofi ʻa e masivá mei heʻene totonu fakalaó,
Ke fakamasivaʻi ʻa e fakamaau totonú mei he faʻahinga māʻulalo ʻi hoku kakaí,+
Pea ʻai ʻa e kau uitoú ko ʻenau koloa vete
4 Heʻikai ha toe meʻa ke fai ka ko e tulolo hifo ʻi he lotolotonga ʻo e kau pōpulá
Pe ko e tō atu ki he lotolotonga ʻo e faʻahinga kuo tāmateʻí.
ʻI he vakai atu ki he meʻá ni kotoa, kuo ʻikai ke foki ʻa ʻene houhaú,
Ka ʻoku kei mafao atu pē ʻa hono nimá ke taaʻi kinautolu.+
5 “Vakai, ko e ʻAsīliá,+
ʻA e tokotoko te u fakahaaʻi atu ai ʻeku ʻitá+
Pea ko e vaʻakau ʻi honau nimá te u faiʻaki ʻeku fakahalaiá!
6 Te u fekau atu ia ki he puleʻanga ʻoku tafoki ʻo fakafepaki ki he moʻoní,+
Ki he kakai ʻoku nau fakahouhauʻi lahi aú;
Te u fekau ia ke ne ʻave ha fuʻu koloa vete mo ha fuʻu koloa faʻao fakamālohi
Pea ke tāmalaki kinautolu ʻo hangē ha pelepela ʻi he halá.+
7 Ka heʻikai ke ne hehema ke fai pehē
Pea ʻe ʻikai ke pehē ʻa e faʻufaʻu ʻa hono lotó;
He ʻoku ʻi hono lotó ke fakaʻauha ʻosiʻosingamālie,
Ke tuʻusi ha ngaahi puleʻanga lahi, ʻo ʻikai ko ha siʻi pē.
8 He ʻokú ne pehē,
‘ʻIkai ko e ngaahi tuʻi kotoa ʻa ʻeku kau houʻeikí?+
9 ʻIkai ʻoku hangē ʻa Kalino+ ko Kalikimisí?+
ʻIkai ʻoku hangē ʻa Hēmati+ ko ʻĀpatí?+
ʻIkai ʻoku hangē ʻa Samēlia+ ko Tāmasikusí?+
10 Kuo puke ʻe hoku nimá ʻa e ngaahi puleʻanga ʻa ia ʻoku ʻi ai honau ngaahi ʻotua taʻeʻaongá,
ʻA ia ko ʻenau ngaahi ʻīmisi kuo tongí naʻe lahi ange ia ʻi he ngaahi ʻīmisi ʻi Selusalema mo Samēliá!+
11 ʻIkai te u toe fai pehē foki ki Selusalema mo hono ngaahi ʻaitolí
ʻO hangē pē ko e meʻa naʻá ku fai ki Samēlia mo hono ngaahi ʻotua taʻeʻaongá?’+
12 “ʻI he ʻosi ʻa e ngāue kotoa ʻa Sihova ʻi Moʻunga Saione mo Selusalemá, te Ne* tautea ʻa e tuʻi ʻo ʻAsīliá koeʻuhí ko ʻene loto-ʻafungí mo ʻene mata fakamāhiki mo hīkisiá.+ 13 He ʻokú ne pehē,
‘Te u fai ʻa e meʻá ni ʻaki ʻa e mālohi ʻo hoku nimá
Pea ʻaki ʻa hoku potó, he ʻoku ou poto.
Te u ʻunuaki ʻa e ngaahi kauʻā fakangatangata ʻo e ngaahi kakaí+
Pea puke ʻenau ngaahi koloá,+
Pea te u ikunaʻi ʻa e kakaí ʻo hangē ha tokotaha mālohí.+
14 Hangē ha tangata ʻokú ne ala ki ha punungá,
ʻE puke ʻe hoku nimá ʻa e koloa ʻa e ngaahi kakaí;
Pea hangē ko hono tānaki ʻe ha taha ʻa e ngaahi fua kuo liʻakí,
Te u fakatahatahaʻi ʻa e māmaní kotoa!
ʻE ʻikai ha taha ʻe kapakapatā pe fakamanga pe ʻe kiokio mai.’”
15 ʻE ʻai ʻe he tokí ia ke ne māʻolunga ange ʻi he tokotaha ʻokú ne fahi ʻaki ia ha meʻá?
ʻE ʻai ʻe he kilí ia ke ne māʻolunga ange ʻi he tokotaha ʻokú ne kili ʻaki ia ha meʻá?
ʻE lava ʻe he tokotokó+ ke ne tākalo holo ʻa e tokotaha ʻokú ne toʻo iá?
Pe ʻe lava ʻe he vaʻakaú ke ne hiki hake ʻa e tokotaha ʻoku ʻikai ngaohi mei he ʻakaú?
16 Ko ia ai, ko e ʻEiki moʻoní, ʻa Sihova ʻo e ngaahi kau tau,
Te ne taaʻi ʻaki ʻa e tutué ʻa ʻene* kau tangata sisinó,+
Pea ʻe ʻikai ke toe ʻi ai ha lāngilangi ʻo ʻAsīlia. ʻE hangē ia ne tutu fakaʻaufuli ʻe ha afí.+
17 ʻE hoko ʻa e Maama ʻa ʻIsilelí+ ko ha afi,+
Pea ko hono Tokotaha Māʻoniʻoní ko ha uloʻi afi;
Te ne tutu mo keina ʻa ʻene vaó* mo ʻene ʻakau talatalá ʻi he ʻaho pē taha.
18 Te ne fakaʻauha fakaʻaufuli ʻa e lāngilangi ʻo ʻene vaotaá mo ʻene ngoue fuaʻiʻakaú;
ʻE hangē ia ko e taimi ʻoku fakaʻauʻausino ai ha tangata ʻoku puke.+
19 Ko e toenga ʻo e ʻuluʻakau ʻo ʻene vaotaá
ʻE siʻisiʻi ʻaupito pea ʻe lava pē ʻe ha kiʻi tamasiʻi ke ne hiki ʻa hono lahí.
20 ʻI he ʻaho ko iá ko e toenga ʻo ʻIsilelí
Pea mo e kau hao ʻi he fale ʻo Sēkopé
ʻE ʻikai te nau kei falala ki he tokotaha naʻá ne taaʻi kinautolú;+
Ka te nau falala faitōnunga kia Sihova,
ʻA e Tokotaha Māʻoniʻoni ʻo ʻIsilelí.
22 He neongo ko ho kakaí, ʻe ʻIsileli,
ʻOku hangē ko e ʻoneʻone ʻo e tahí,
Ko ha toenga pē ʻo kinautolu ʻe fokí.+
23 ʻIo, ko e fuʻu fakaʻauha naʻe ʻosi fakapapauʻi ʻe he ʻEiki Haú, ʻe Sihova ʻo e ngaahi kau taú,
ʻE fakahoko ia ʻi he fonuá fakakātoa.+
24 Ko ia ai, ko e folofola eni ʻa e ʻEiki Haú, ʻa Sihova ʻo e ngaahi kau taú: “ʻOua ʻe ilifia, ʻa hoku kakai ʻoku nofo ʻi Saioné, koeʻuhi ko e ʻAsīliá, ʻa ia naʻá ne faʻa taaʻi koe ʻaki ʻa e vaʻakaú+ pea hiki hono tokotokó kiate koe ʻo hangē ko ia naʻe fai atu ʻe ʻIsipité.+ 25 He ʻoku toe siʻi ʻaupito pea ʻe ngata ʻa e fakahalaiá; ʻe fakahanga ʻa ʻeku ʻitá kiate kinautolu ke fakaʻauha kinautolu.+ 26 ʻE tākalo ʻe Sihova ʻo e ngaahi kau taú ha uipi kiate ia,+ ʻo hangē ko ia ko ʻene ikunaʻi ʻa Mitiani ʻi he veʻe maka ʻo ʻŌlepí.+ Pea ʻe aʻu atu ʻa hono tokotokó ki he fukahi tahí, pea te ne hiki hake ia ʻo hangē ko ia naʻá ne fai ki ʻIsipité.+
27 ʻI he ʻaho ko iá ʻe mavahe ʻa ʻene kavengá mei ho umá,+
Mo ʻene ʻioké mei ho kiá,+
Pea ʻe motu ʻa e ʻioké+ koeʻuhi ko e loló.”
29 Kuo nau fakalaka mai ʻi he ʻāhangá;
ʻOku nau mohe ʻi Kepā;+
ʻOku manavahē ʻa Lama, pea kuo hola+ ʻa e kakai ʻo Kīpea+ ʻa ia ko e kolo ʻo Saulá.
30 Tangi mo kaikaila, siʻi ʻofefine ʻo Kālimi!
Tokanga, ʻe Leisi!
He fakaʻofa ē ko ʻAnatoti!+
31 Kuo hola ʻa Matemena.
Ko e kakai ʻo Kēpimí kuo nau kumi ki ha maluʻanga.
32 ʻI he ʻaho pē ko ení te ne afe ʻi Nopi.+
ʻOkú ne fakaene atu hono tuké ki he moʻunga ʻo e ʻofefine ʻo Saioné,
ʻA e foʻi māʻolunga ʻo Selusalemá.
33 Vakai, ko e ʻEiki moʻoní, ʻa Sihova ʻo e ngaahi kau taú,
ʻOkú ne tā hifo ʻa e ngaahi vaʻá ʻaki ha fuʻu ʻuʻulu fakamanavahē;+
ʻOku tuʻusi hifo ʻa e ʻuluʻakau māʻolunga tahá,
Pea ʻoku tuku hifo ke māʻulalo ʻa ia ʻoku māʻolungá.
34 ʻOkú ne taaʻi hifo ʻa e vaotā fihifihí ʻaki ha meʻangāue ukamea,*
Pea ʻe tō ʻa Lepanoni ʻi ha tokotaha mālohi.
11 ʻE tupu hake ha kiʻi vaʻa+ mei he tefito ʻo Sesé,+
Pea ko ha huli+ mei hono ngaahi aká ʻe laku fua mai.
2 Pea ʻe nofo ʻiate ia ʻa e laumālie ʻo Sihová,+
ʻA e laumālie ʻo e potó+ mo e mahinó,
ʻA e laumālie ʻo e akonakí mo e mālohí,+
ʻA e laumālie ʻo e ʻiló mo e manavahē kia Sihová.
3 Pea te ne fiefia ʻi he manavahē kia Sihová.+
Heʻikai te ne faifakamaau ʻaki ʻa e meʻa ʻoku hā mai ki hono matá,
Pe valoki ʻo fakatatau pē ki he meʻa ʻoku fanongo ki ai ʻa hono telingá.+
4 Te ne fakamāuʻi ʻa e māʻulaló ʻaki ʻa e totonu,*
Pea te ne fai ha valoki ʻi he anga-tonu koeʻuhi ko e faʻahinga anga-vaivai ʻo e māmaní.
Te ne taaʻi ʻa e māmaní ʻaki ʻa e tokotoko mei hono ngutú+
Pea tāmateʻi ʻa e fulikivanú ʻaki ʻa e mānava* ʻo hono loungutú.+
5 ʻE hoko ʻa e māʻoniʻoní ko e noʻo ʻoku takai ʻi hono kongalotó,
Pea mo e faitōnungá ko e noʻo mo ia ki hono kongalotó.+
6 ʻE nofo fakataha* ʻa e ulofí mo e lamí,+
Pea ʻe tākoto fakataha ʻa e kiʻi kosí mo e lēpatí,
Pea ko e ʻuhikiʻi pulú mo e laioné pea mo e manu sisinó te nau fakatahataha kotoa;*+
Pea ʻe taki kinautolu ʻe ha kiʻi tamasiʻi.
7 ʻE kai fakataha ʻa e pulú mo e peá,
Pea ʻe tākoto fakataha ʻa hona ʻuhikí.
ʻE kai kauʻi uite ʻa e laioné ʻo hangē ko e pulú.+
8 Ko e kiʻi tama kei huhú te ne vaʻinga ʻi he ngutuluo ʻo ha ngata,
Pea ko ha kiʻi tama kuo ʻosi mavae te ne ʻai atu hono nimá ki he ʻana ʻo ha ngata huhu kona.
9 ʻE ʻikai te nau fai ha faʻahinga maumau+
Pe ko ha faʻahinga fakaʻauha ʻi he kotoa ʻo hoku moʻunga tapú,+
Koeʻuhí ʻe fonu moʻoni ʻa e māmaní ʻi he ʻiloʻi ʻo Sihová
ʻO hangē ko hono ʻufiʻufi ʻe he vaí ʻa e tahí.+
10 ʻI he ʻaho ko iá ʻe tuʻu hake ʻa e aka ʻo Sesé+ ko ha fakaʻilonga* ki he ngaahi kakaí.+
ʻE hanga kiate ia ʻa e ngaahi puleʻangá ki ha tataki,*+
Pea ʻe hoko ʻa hono nofoʻangá ʻo lāngilangiʻia.
11 ʻI he ʻaho ko iá ʻe toe mafao atu ʻe Sihova hono nimá, ko hono tuʻo uá ia, ke toe fakafoki mai ʻa e toenga ʻo hono kakaí ʻoku toé mei ʻAsīlia,+ ʻIsipite,+ Patalosi,+ Kusa,+ ʻĪlami,+ Saina,* Hēmati, pea mei he ngaahi motu ʻo e tahí.+ 12 Te ne fokotuʻu ha fakaʻilonga* maʻá e ngaahi puleʻangá pea fakatahatahaʻi fakataha mai ʻa e faʻahinga ʻo ʻIsileli ne mafola atú,+ pea te ne tānaki fakataha ʻa e faʻahinga ʻo Siuta ne movete atú mei he ngaahi tuliki ʻe fā ʻo e māmaní.+
13 Ko e meheka ʻa ʻIfalemí ʻe mole atu,+
Pea ko e faʻahinga ʻoku fakafili ki Siutá ʻe fakaʻauha.
ʻE ʻikai meheka ʻa ʻIfalemi ki Siuta,
Pea ʻe ʻikai fakafili ʻa Siuta ki ʻIfalemi.+
14 Pea te nau matua hifo ʻi he ngaahi tahifo ʻo e kau Filisitiá ki he hihifó;
Te nau fakatahataha ʻo ʻave fakamālohi ʻa e kakai ʻo e Hahaké.
ʻE ala atu honau nimá* ki ʻĪtomi+ mo Mōape,+
Pea ʻe hoko ʻa e kau ʻĀmoní ʻo moʻulaloa kiate kinautolu.+
Te ne taaʻi ia ʻi hono* ngaahi mangaʻivai ʻe fitú ʻaki ʻene mānava* velá,
Pea te ne ʻai ʻa e kakaí ke nau kolosi atu ai ʻaki honau senitoló.
16 Pea ʻe ʻi ai ha hala lahi+ mei ʻAsīlia ki he toenga ʻo hono kakaí ʻoku toé,+
ʻO hangē ko ia naʻe maʻu ʻe ʻIsileli ʻi he ʻaho naʻa nau ʻalu atu ai mei he fonua ko ʻIsipité.
12 ʻI he ʻaho ko iá ko e moʻoni te ke pehē:
“ʻOku ou fakamālō atu, ʻe Sihova,
He neongo ʻa hoʻo houhau kiate aú,
Naʻe faai atu pē ʻo lolou hoʻo houhaú, peá ke fakafiemālieʻi au.+
2 Vakai, ko e ʻOtuá ʻa hoku fakamoʻuí.+
Te u falala kiate ia pea ʻikai te u ongoʻi manavahē;+
He ko Iā* Sihova ʻa hoku mālohí mo hoku ungaʻangá,
Pea kuó ne hoko ko hoku fakamoʻui.”+
3 Te mou ʻutu vai ʻi he fiefia
Mei he ngaahi matavai ʻo e fakamoʻuí.+
4 Pea ʻi he ʻaho ko iá te mou pehē:
“Fakamālō kia Sihova, ui ki hono huafá,
ʻAi ke ʻiloa ʻa ʻene ngaahi ngāué ʻi he lotolotonga ʻo e ngaahi kakaí!+
Mou talaki kuo hakeakiʻi ʻa hono huafá.+
5 Hiva fakahīkihiki* kia Sihova,+ he kuó ne fai ʻa e ngaahi meʻa fisifisimuʻa.+
ʻAi ke ʻiloa ʻa e meʻá ni ʻi he kotoa ʻo e māmaní.
6 Kalanga mo kaila ʻi he fiefia, ʻa koe ʻoku nofo* ʻi Saioné,
He ko e Tokotaha Māʻoniʻoni ʻo ʻIsilelí ʻoku lahi ʻi ho lotolotongá.”
13 Ko ha fanongonongo ki Pāpilone+ naʻe mamata ki ai ʻa ʻAisea+ ko e foha ʻo ʻĀmosí ʻi ha vīsone:
2 “Fokotuʻu hake ha fakaʻilonga*+ ʻi ha moʻunga ʻoku tekelei.
Ui kiate kinautolu, taʻalo atu homou nimá,
Koeʻuhí ke nau omi ki he ngaahi matapā hūʻanga ʻo e kau houʻeikí.
3 Kuó u ʻoatu ʻa e fekau ki he faʻahinga ʻa ia kuó u fakanofó.*+
Kuó u ui ʻa ʻeku kau taú ke fakahaaʻi atu ai ʻa ʻeku houhaú,
ʻA ʻeku faʻahinga ʻoku nau fiefia loto-pōlepolé.
4 Fanongo! Ko ha fuʻu kakai ʻoku ʻi he ngaahi moʻungá;
ʻOku ongo mai ʻo hangē ha fuʻu kakai tokolahí!
Fanongo! Ko e uatau ʻa e ngaahi puleʻangá,
ʻA e ngaahi puleʻanga ʻoku fakatahatahá!+
Ko Sihova ʻo e ngaahi kau taú ʻokú ne fakatahatahaʻi ʻa e kau taú ki he tau.+
5 ʻOku nau omi mei ha fonua mamaʻo,+
Mei he ngatangataʻanga ʻo e langí,
ʻA Sihova mo e meʻatau ʻo ʻene houhaú,
Ke fakaʻauha ʻa e māmaní kotoa.+
6 Mou fākafoa, he ʻoku ofi ʻa e ʻaho ʻo Sihová!
ʻE hoko mai ia ko ha fakaʻauha mei he Māfimafi-Aoniú.+
7 Ko e ʻuhinga ia ʻe vaivai ai ʻa e nima kotoa pē,
Pea ʻe vai ʻa e loto ʻo e tangata kotoa pē ʻi he ilifiá.+
8 ʻOku tailiili lahi ʻa e kakaí.+
ʻOku maʻu kinautolu ʻe he hamú mo e langá,
ʻO hangē ha fefine ʻoku langaá.
ʻOku nau fesiofaki ʻi he manavahē lahi,
Pea ʻoku kula honau matá ʻi he mamahí.
9 Vakai! ʻOku haʻu ʻa e ʻaho ʻo Sihová,
ʻA e fakamamahi mo e ʻita mo e houhau kakaha,
Ke ʻai ʻa e fonuá ke hoko ko e meʻa ke fai ai ha fakalilifuʻia,+
Pea ke fakaʻauha ʻosi mei ai ʻa e kau faiangahala ʻo e fonuá.
10 He ko e ngaahi fetuʻu ʻo e ngaahi langí mo honau ngaahi pupunga fetuʻú*+
ʻE ʻikai te nau toe ulo mai;
ʻE fakapoʻuli ʻa e laʻaá ʻi heʻene hopo haké,
Pea ko e māhiná ʻe ʻikai huhulu mai ʻa hono māmá.
11 Te u ui ʻa e māmani kuo nofoʻí ke ne fai ha fakamatala ki heʻene koví,+
Mo e kau fulikivanú ki heʻenau faihalá.
Te u fakangata ʻa e pōlepole ʻa e kau ʻafungí,
Pea te u fakavaivaiʻi ʻa e hīkisia ʻa e kau pule kakahá.+
12 Te u ʻai ʻa e tangata ko e meʻa noa peé ke faingataʻa ange hono maʻú ʻi he koula kuo siví,+
Mo e faʻahinga ʻo e tangatá ke faingataʻa ange hono maʻú ʻi he koula ʻo ʻŌfelí.+
13 Ko e ʻuhinga ia te u ʻai ai ke ngalulu ʻa e langí,
Pea ko e māmaní ʻe tupeʻi mei hono tuʻuʻangá+
ʻI he tuputāmaki ʻa Sihova ʻo e ngaahi kau taú ʻi he ʻaho ʻo ʻene houhau kakahá.
14 ʻI he hangē ha kāseli ʻoku tuli ke tāmateʻí pea hangē ha tākanga ʻoku ʻikai ha taha ke ne fakatahatahaʻi kinautolú,
ʻE taki taha foki ki hono kakai;
ʻE taki taha hola ki hono fonua.+
15 ʻIlonga ʻa ia ʻe maʻú ʻe hokaʻi ia,
Pea ʻilonga ʻa ia ʻe puke maí ʻe tō ʻi he heletaá.+
16 Ko ʻenau fānaú ʻe haveki ke lailai ʻi honau ʻaó,+
ʻE kaihaʻasi ʻa e koloa ʻo honau falé,
Pea ko honau ngaahi uaifí ʻe tohotohoʻi.
17 Vakai, ʻoku ou fokotuʻu ʻa e kau Mītiá ke nau tauʻi kinautolu,+
ʻA ia ʻoku ʻikai te nau tokanga ki he silivá
Pea ʻoku ʻikai te nau manako ki he koulá.
18 Ko ʻenau kaufaná te ne laiki ʻa e kau talavoú;+
ʻE ʻikai te nau fakaʻofaʻia ʻi he fua ʻo e manavá
Pe meesi ki he fānaú.
19 Pea ko Pāpilone, ʻa e lāngilangiʻia taha* ʻo e ngaahi puleʻangá,+
ʻA e fakaʻofoʻofa mo e pōlepoleʻanga ʻo e kau Kalitiá,+
ʻE hangē ia ko Sōtoma mo Komolá ʻi he taimi naʻe ikunaʻi ai kinautolu ʻe he ʻOtuá.+
20 ʻE ʻikai ʻaupito ke toe nofoʻi ia,
Pea ʻe ʻikai te ne hoko ko ha feituʻu ke fai ai ha nofo ʻi he ngaahi toʻutangatá kotoa.+
Heʻikai ha ʻAlepea te ne fokotuʻu ai hono tēnití,
Pea ʻe ʻikai ha kau tauhi-sipi te nau tuku ke mālōlō ai ʻa ʻenau tākangá.
21 Ko e ngaahi meʻamoʻui ʻo e toafá te nau tākoto ai;
Ko honau ngaahi falé ʻe fonu ai ʻa e fanga lulú.
22 Ko e ngaahi meʻamoʻui ʻoku nau fetāngihí te nau tangi ʻi hono ngaahi tauá,
Mo e fanga siakalí ʻi hono ngaahi palasi fakaʻofoʻofá.
ʻOku ofi ʻa hono taimí, pea ʻe ʻikai ke fakalōloa ʻa hono ngaahi ʻahó.”+
14 He ʻe fakahā ʻe Sihova ʻa e meesi kia Sēkope,+ pea te ne toe fili ʻa ʻIsileli.+ Te ne fakanofonofo kinautolu* ʻi honau fonuá,+ pea ʻe kau mo kinautolu ʻa e kau mulí pea te nau pipiki ki he fale ʻo Sēkopé.+ 2 Pea ʻe ʻave kinautolu ʻe he ngaahi kakaí ʻo ʻomi ki honau feituʻú, pea ʻe maʻu kinautolu ʻe he fale ʻo ʻIsilelí ko ʻenau kau tamaioʻeiki mo e kau kaunanga+ ʻi he fonua ʻo Sihová; pea te nau hoko ko e kau fakapōpula ʻo e faʻahinga naʻa nau puke pōpula kinautolú, pea te nau pule ki he faʻahinga naʻa nau fakamālohiʻi kinautolu ke ngāué.*
3 ʻI he ʻaho ʻe foaki atu ai kiate koe ʻe Sihova ʻa e mālōlō mei hoʻo mamahí pea mei hoʻo hohaʻatuʻú pea mei he ngāue mamafa naʻe hilifaki kiate koé,+ 4 te ke leaʻaki ai ʻa e palōveepi* ko ení ki he tuʻi ʻo Pāpiloné:
“He hokosia moʻoni ē ʻe he tokotaha* naʻá ne fakamālohiʻi ʻa e niʻihi kehé ke nau ngāué ʻa hono ngataʻangá!
He ngata moʻoni ē ko e fakafeʻātungiá!+
5 Kuo fesiʻi ʻe Sihova ʻa e vaʻakau ʻa e kau fulikivanú,
ʻA e tokotoko ʻo e kau pulé,+
6 ʻA e tokotaha ʻokú ne taaʻi ʻi he tōlili ʻa e ngaahi kakaí ʻaki ha ngaahi tā hokohoko,+
ʻA e tokotaha ʻokú ne fakavaivaiʻi ʻi he ʻita ʻa e ngaahi puleʻangá ʻaki ʻa e fakatanga taʻetuku.+
7 Ko eni ʻoku mālōlō ʻa e māmaní kotoa, ʻo ʻatā mei he fakahohaʻá.
ʻOku kalanga ʻa e kakaí ʻi he fiefia.+
8 Naʻa mo e ʻulu siunipá ʻoku nau fiefia koeʻuhí ko koe,
Fakataha mo e ʻulu sita ʻo Lepanoní.
ʻOku nau pehē, ‘Talu mei hoʻo toó,
Mo e ʻikai ke haʻu ha tokotaha tā ʻakau ke tā kimautolu.’
9 Naʻa mo e ʻi he Faʻitoká* ʻi lalo ʻoku ngaue ia
Ke fakafetaulaki kiate koe ʻi hoʻo ʻalu hifó.
Koeʻuhí ko koe, ʻokú ne fafangu ʻa kinautolu kuo mole honau mālohí ʻi he maté,
ʻA e kau taki* fakafeʻātungia kotoa ʻo e māmaní.
ʻOkú ne ʻai ʻa e ngaahi tuʻi kotoa ʻo e ngaahi puleʻangá ke nau tuʻu hake mei honau ngaahi taloní.
10 Ko kinautolu kotoa te nau lea ʻo pehē atu kiate koe,
‘Kuó ke hoko koā mo koe ʻo vaivai hangē ko kimautolú?
Kuó ke hoko koā mo koe ʻo hangē ko kimautolú?
ʻOku fola ʻi lalo ʻiate koe ʻa e ʻuangá ko hao mohenga,
Pea ko ho kafú ʻa e fanga kelemutú.’
12 He tō moʻoni ē ko koe mei he langí,
ʻA koe foʻi fetuʻu ʻoku uló, ʻa e foha ʻo e mafoa ʻa e atá!
He tuʻusi hifo ē ko koe ki he māmaní,
ʻA koe naʻá ke ikunaʻi ʻa e ngaahi puleʻangá!+
13 Naʻá ke pehē ʻi ho lotó, ‘Te u ʻalu hake ki he langí.+
Te u hiki hake hoku taloní ke māʻolunga ange ia ʻi he ngaahi foʻi fetuʻu ʻa e ʻOtuá,+
Pea te u nofo ʻi he moʻunga faiʻanga fakatahá,
ʻI he ngaahi feituʻu mamaʻo taha ʻo e tokelaú.+
14 Te u ʻalu hake ke māʻolunga ʻi he funga ʻaó;
Te u ʻai au ke u tatau mo e Fungani Māʻolungá.’
15 ʻI hono kehé, ʻe ʻohifo koe ki he Faʻitoká,*
Ki he feituʻu loloto taha ʻo e luó.
16 Ko e faʻahinga ʻoku nau vakai atú te nau sio fakamamaʻu atu kiate koe;
Te nau mātuʻaki vakavakaiʻi koe, ʻo nau pehē,
‘Ko e tangata koā eni naʻá ne luluʻi ʻa e māmaní,
ʻA ia naʻá ne ʻai ke tete ʻa e ngaahi puleʻangá,+
17 ʻA ia naʻá ne ʻai ʻa e māmani ʻoku nofoʻí ke hangē ko e toafá
Pea liua ʻa hono ngaahi koló,+
ʻA ia naʻá ne fakafisi ke tuku ange ke foki ki ʻapi ʻa ʻene kau pōpulá?’+
18 Ko e ngaahi tuʻi kehe kotoa ʻo e ngaahi puleʻangá,
ʻIo, ʻa kinautolu kotoa, ʻoku nau tākoto ʻi he lāngilangi,
ʻA e tokotaha taki taha ʻi hono fonualoto* ʻoʻona.
19 Ka ʻoku liʻaki koe ʻo ʻikai hao faʻitoka,
Hangē ha huli* kuo fehiʻanekinaʻí,
Kuo ʻufiʻufi ʻe he kau mate naʻe hokaʻi ʻaki ʻa e heletaá,
ʻA ia ʻoku nau ʻalu hifo ki he faʻitoka makamaká,
Hangē ha ʻangaʻanga kuo tāmalakí.
20 ʻE ʻikai ke tanu fakataha koe mo kinautolu ʻi ha faʻitoka,
He naʻá ke fakaʻauha ho fonuá,
Naʻá ke tāmateʻi ho kakaí tonu.
Ko e hako ʻo e kau faikoví ʻe ʻikai ʻaupito toe fai ha lave ki honau hingoá.
21 Teuteu ha feituʻu ke tāmateʻi ai hono ngaahi fohá
Koeʻuhi ko e halaia ʻa ʻenau fanga kuí,
Koeʻuhí ke ʻoua naʻa nau tuʻu hake ʻo puleʻi ʻa e māmaní
Pea fakafonu ʻa e fonuá ʻaki honau ngaahi koló.”
22 “Te u tuʻu hake kiate kinautolu,”+ ko e fanongonongo ia ʻa Sihova ʻo e ngaahi kau taú.
“Pea te u tafiʻi mei Pāpilone ʻa e hingoa mo e toenga mo e hako mo ha toʻutangata ʻi he kahaʻú,”+ ko e fanongonongo ia ʻa Sihová.
23 “Pea te u ʻai ke ne hoko ko e koloa ʻa e fanga pōkiupainé pea ko ha feituʻu ano, pea te u tafiʻi ia ʻaki ʻa e taufale ʻo e fakaʻauhá,”+ ko e fanongonongo ia ʻa Sihova ʻo e ngaahi kau taú.
24 Kuo fuakava ʻa Sihova ʻo e ngaahi kau taú:
“Hangē pē ko ia kuó u taumuʻa ki aí, ʻe pehē ʻene hokó,
Pea hangē pē ko ia kuó u fakapapauʻí, ko e meʻa ia ʻe hokó.
25 Te u laiki ʻa e ʻAsīliá ʻi hoku fonuá,
Pea te u tāmalaki ia ʻi hoku ngaahi moʻungá.+
ʻE toʻo ʻa ʻene ʻioké meiate kinautolu,
Pea ko ʻene kavengá ʻe toʻo ia mei honau umá.”+
26 Ko e meʻa eni kuo fakapapauʻi* ki he māmaní kotoa,
Pea ko e nima eni ʻa ia kuo mafao atu ki he* ngaahi puleʻangá kotoa.
27 He kuo fakapapauʻi ia ʻe Sihova ʻo e ngaahi kau tau,
Pea ko hai ʻe lava ke ne fakafehālaakiʻi iá?+
Kuo mafao atu hono nimá,
Pea ko hai ʻe lava ke ne fakafoki iá?+
28 ʻI he taʻu ko ia naʻe mate ai ʻa Tuʻi ʻĀhasí,+ naʻe fai ai ʻa e fanongonongo ko ení:
29 “ʻE Filisitia, ʻoua naʻá ke fiefia, ha taha pē ʻiate koe,
Koeʻuhí pē ko e mofesi ʻa e tokotoko ʻo e tokotaha ʻokú ne taaʻi koé.
He ʻe haʻu mei he aka ʻo e ngatá+ ha ngata huhu kona,+
Pea ʻe hoko hono hakó ko ha ngata huhu vela ʻoku puna.*
30 Lolotonga ʻoku fafanga ʻa e ʻuluaki foha ʻo e māʻulaló
Pea ʻoku tokoto ʻi he malu ʻa e masivá,
Te u tuku atu ho aká ke mate ʻi ha honge,
Pea ko e toenga meiate koé ʻe tāmateʻi.+
31 Fākafoa, ʻa koe matapā! Kalanga, ʻa koe kolo!
Ko kimoutolu kotoa ʻe vaivai homou lotó, ʻa koe Filisitia!
He ʻoku haʻu ha kohu mei he tokelaú,
Pea ʻoku ʻikai ha faʻahinga ʻe ʻalu kehe mei heʻene kau taú.”
32 ʻE fēfē haʻanau tali ki he kau talafekau ʻo e puleʻangá?
Kuo fakatoka ʻe Sihova ʻa e fakavaʻe ʻo Saioné,+
Pea ko e faʻahinga māʻulalo ʻi hono kakaí te nau hūfanga ai.
15 Ko ha fanongonongo ki Mōape:+
Koeʻuhí kuo fakaʻauha ia ʻi ha pō ʻe taha,
Kuo fakasīlongoʻi ai ʻa ʻAle+ ʻo Mōapé.
Koeʻuhí kuo fakaʻauha ia ʻi ha pō ʻe taha,
Kuo fakasīlongoʻi ai ʻa Kili+ ʻo Mōapé.
ʻOku fākafoa ʻa Mōape koeʻuhí ko Nipo+ pea koeʻuhí ko Metepa.+
Kuo tele ʻo poko ʻa e foʻi ʻulu kotoa,+ kuo tele ʻa e kava kotoa.+
3 Kuo nau ʻai tauangaʻa ʻi hono ngaahi halá.
ʻOku nau fākafoa kotoa ʻi honau ngaahi funga falé pea ʻi honau ngaahi malaʻe fakakoló;*
ʻOku nau ʻalu hifo tangi pē.+
Ko e ʻuhinga ia ʻoku hanganaki kaikaila ai ʻa e kau tangata tau ʻa Mōapé.
ʻOku nau tetetete.
5 ʻOku tangi ʻa hoku lotó koeʻuhi ko Mōape.
Ko ʻene faʻahinga kuo holá kuo nau hola ʻo aʻu ki Soa+ mo ʻEkilati-selaisia.+
ʻOku nau tangi mo ʻalu hake ʻi he tahake ʻo Lūhití;
ʻOku nau tangi koeʻuhi ko e meʻa fakamamahí ʻi he hala ki Holonaimí.+
6 He ko e ngaahi vai ʻo Nimilimí kuo pakukā;
Ko e mohuku lanu matá kuo mōmoa,
Kuo mole ʻa e mohukú pea ʻoku ʻikai ke toe ha mohuku lanu mata.
7 Ko e ʻuhinga ia ʻoku nau ʻave ai ʻa e meʻa ʻoku toe ʻi honau ngaahi tukuʻanga koloá mo ʻenau ngaahi koloá;
8 He ʻoku ongo atu ʻa e kalangá ki he vahefonua kotoa ʻo Mōapé.+
ʻOku aʻu atu ʻa e fākafoá ki ʻEkelaimi;
ʻOku aʻu atu ʻa e fākafoá ki Pea-ʻēlimi.
9 He ko e ngaahi vai ʻo Tīmoní ʻoku fonu ʻi he toto,
Pea ʻoku ou tuku tauhi ʻa e meʻa lahi ange ki Tīmoni:
Ko ha laione ki he faʻahinga ʻo Mōape ʻoku holá
Pea ki he faʻahinga ʻoku toe ʻi he fonuá.+
16 ʻOatu ha sipi tangata ki he pule ʻo e fonuá,
Mei Saila ʻo fou atu ʻi he toafá
Ki he moʻunga ʻo e ʻofefine ʻo Saioné.
2 ʻI he hangē ha manupuna kuo tuli mei hono punungá,+
ʻE pehē ʻa e ngaahi ʻofefine ʻo Mōapé ʻi he ngaahi ʻāhanga ʻo ʻAlanoní.+
3 “ʻOatu ha faleʻi, fakahoko ʻa e tuʻutuʻuní.
ʻAi ke ke hoko ko e fakamalumalu ʻi he hoʻatā mālié ʻo hangē ko e poʻulí.
Fufū ʻa e faʻahinga kuo moveté pea ʻoua ʻe lavakiʻi ʻa e faʻahinga kuo holá.
4 ʻOfa ke nofo ʻa ʻeku faʻahinga kuo moveté ʻiate koe, ʻe Mōape.
Ke ke hoko ko ha feituʻu toitoiʻanga kiate kinautolu koeʻuhi ko e tokotaha fakaʻauhá.+
ʻE aʻu ʻa e tokotaha fakafeʻātungiá ki hono ngataʻangá,
ʻE ngata ʻa e fakaʻauhá,
Pea ko e faʻahinga ʻoku nau tāmalaki ʻa e niʻihi kehé te nau ʻauha mei he māmaní.
5 ʻE fokotuʻu maʻu leva ha taloni ʻi he ʻofa mateaki.
Ko e tokotaha ʻoku ʻafio ai ʻi he tēniti ʻo Tēvitá ʻe faitōnunga;+
Te ne fakamaau totonu pea ʻe vave ʻa ʻene fakahoko ʻa e māʻoniʻoní.”+
6 Kuo mau fanongo fekauʻaki mo e pōlepole ʻa Mōapé—ʻokú ne pōlepole ʻaupito+—
ʻA ʻene hīkisiá mo ʻene pōlepolé mo ʻene ʻitá;+
Ka ko ʻene lea koto ngeʻesí ʻe hoko pē ko e meʻa noa.
7 Ko ia ʻe fākafoa ʻa Mōape koeʻuhí ko Mōape;
Te nau fākafoa hono kotoa.+
Ko e faʻahinga kuo tāʻí te nau toʻe ke maʻu mai ʻa e takaonga fuamelie* ʻo Kili-halesetí.+
8 He ko e ngaahi ngoue ʻo Hesiponí+ kuo mae,
ʻA e kālepi ʻo Sipimá,+
Ko e kau taki ʻo e ngaahi puleʻangá kuo nau tāmalaki ʻa hono ngaahi vaʻa lanu kulokula māmá;*
Kuo aʻu atu hono ngaahi vaʻá ki Siasea;+
Kuo aʻu atu ia ki he toafá.
Ko hono ngaahi hulí kuo mafola atu ʻo aʻu ki he tahí.
9 Ko e ʻuhinga ia te u tangi ai koeʻuhi ko e kālepi ʻo Sipimá ʻo hangē ko ʻeku tangi koeʻuhi ko Siaseá.
Te u fakaviviku kimoua ʻaki hoku loʻimatá, ʻe Hesiponi mo ʻEleale,+
Koeʻuhí kuo ngata ʻa e kaikaila koeʻuhí ko hoʻomo fuaʻiʻakau ʻi he faʻahitaʻu māfaná mo hoʻomo utu-taʻú.*
10 Kuo ʻave ʻa e fiefiá mo e mavavá mei he ngoue fuaʻiʻakaú,
Pea ʻoku ʻikai ha ngaahi hiva fiefia pe kaikaila ʻi he ngaahi ngoue kālepí.+
Ko e tokotaha malakí ʻoku ʻikai te ne kei malamalaki ʻa e uaine ʻi he ngaahi tataʻoʻangá,
He kuó u ʻai ke ngata ʻa e kaikailá.+
11 Ko e ʻuhinga ia ʻoku ou tetetete ai ʻi loto koeʻuhi ko Mōapé,+
ʻO hangē ha tā ʻa ha haʻapé,
Pea mo hoku tangata ʻi lotó koeʻuhi ko Kili-haleseti.+
12 Naʻa mo e taimi ʻoku ongosia ai ʻa Mōape ʻi he potu māʻolungá pea ʻalu atu ke lotu ʻi hono feituʻu toputapú, ʻe ʻikai te ne lavaʻi ha meʻa ʻe taha.+
13 Ko e folofola eni naʻe folofolaʻaki ʻe Sihova ki muʻa ʻo fekauʻaki mo Mōapé. 14 Pea ko eni ʻoku folofola ʻa Sihova: “ʻI loto ʻi he taʻu ʻe tolu, hangē ko e ngaahi taʻu ʻo ha tokotaha ngāue totongi,* ko e lāngilangi ʻo Mōapé ʻe fakamaaʻi ʻaki ha faʻahinga maveuveu kehekehe, pea ko e faʻahinga ʻe toé te nau mātuʻaki tokosiʻi mo ʻikai hanau mahuʻinga.”+
17 Ko ha fanongonongo ki Tāmasikusi:+
“Vakai! ʻE ʻikai ke toe hoko ʻa Tāmasikusi ko ha kolo,
Pea ʻe hoko ia ko ha fokotuʻunga maumau.+
2 ʻE liʻaki ʻa e ongo kolo ʻo ʻAloelí;+
Te na hoko ko e feituʻu ke tākoto ai ʻa e tākangá
ʻO ʻikai ha taha te ne ʻai kinautolu ke nau ilifia.
3 ʻE mole mei ʻIfalemi ʻa e ngaahi kolo fakakolotaú,+
Pea mo e puleʻangá mei Tāmasikusi;+
Pea ko e faʻahinga ʻe toe ʻi Sīliá
Te nau hangē ko e lāngilangi ʻo e kau ʻIsilelí,”* ko e fanongonongo ia ʻa Sihova ʻo e ngaahi kau tau.
4 “ʻI he ʻaho ko iá ʻe hōloa ʻa e lāngilangi ʻo Sēkopé,
Pea ko hono sino moʻui leleí* ʻe tutue.
5 ʻE hangē ia ko e taimi ʻoku fakatahaʻi mai ai ʻe he tokotaha tuʻusí ʻa e uite ʻoku teʻeki tuʻusí
Pea tuʻusi ʻe hono nimá ʻa e ngaahi vaʻa uité,
ʻOku hangē ia ko e taimi ʻoku tufi ai ʻe ha taha ʻa e uité ʻi he Teleʻa* ʻo Lifaimí.+
6 Ko ha toetoenga pē ʻe toé,
ʻO hangē ko e taimi ʻoku tā hifo ai ʻa e fua ʻo ha fuʻu ʻōlivé:
Ko e foʻi ʻōlive motuʻa pē ʻe ua pe tolu ʻoku toe ʻi he vaʻa māʻolunga tahá,
Pea ko e foʻi ʻōlive pē ʻe fā pe nima ʻoku ʻi hono ngaahi vaʻa ʻoku fuá,”+ ko e fanongonongo ia ʻa Sihova ko e ʻOtua ʻo ʻIsilelí.
7 ʻI he ʻaho ko iá ʻe hanga hake ai ha tangata ki hono Tokotaha-Ngaohí, pea ʻe sio fakamamaʻu ʻa hono matá ki he Tokotaha Māʻoniʻoni ʻo ʻIsilelí. 8 ʻE ʻikai te ne hanga ki he ngaahi ʻōlitá,+ ʻa e ngāue ʻa hono nimá;+ pea ʻe ʻikai te ne sio fakamamaʻu ki he meʻa naʻe ngaohi ʻe hono louhiʻinimá, ʻa e ngaahi pou ʻakau toputapú* pe ko e ngaahi tuʻuʻanga ʻinisēnisí.
9 ʻI he ʻaho ko iá ko hono ngaahi kolo fakakolotaú ʻe hoko ia ʻo hangē ko ha feituʻu liʻaki ʻi he vaotaá,+
Hangē ha vaʻa naʻe liʻaki ʻi he ʻao ʻo e kau ʻIsilelí;
ʻE hoko ia ko ha feituʻu lala.
10 He kuo ngalo ʻiate koe ʻa e ʻOtua+ ko ho fakamoʻuiʻangá;
Kuo ʻikai te ke manatuʻi ʻa e Makatuʻu+ ko ho kolotaú.
Ko e ʻuhinga ia ʻokú ke tō ai ha ngaahi ngoue fakaʻofoʻofá*
Pea fokotuʻu ki ai ʻa e huli ʻo ha sola.*
11 ʻI he ʻahó te ke ʻaaʻi fakalelei ai ʻa hoʻo ngoué,
ʻI he pongipongí te ke ʻai ai ke tupu ʻa hoʻo tengá,
Ka ʻe mole ʻa e utu-taʻú ʻi he ʻaho ʻo hoʻo puké mo e langa ʻoku ʻikai ala faitoʻó.+
12 Fanongo! ʻOku ʻi ai ha vālautuʻu ʻa ha ngaahi kakai tokolahi,
ʻA ia ʻoku nau longoaʻa ʻo hangē ko e tahí!
ʻOku uatau ʻa e ngaahi puleʻangá,
ʻA ia ko ʻene ongo maí ʻoku hangē ko e ʻuʻulu ʻa ha ngaahi vai mālohí!
13 ʻE ongo mai mei he ngaahi puleʻangá ha leʻo ʻo hangē ko e ʻuʻulu ʻa ha ngaahi vai lahí.
Te ne valokiʻi kinautolu, pea te nau hola ki he mamaʻó,
ʻE tuli kinautolu ʻo hangē ko e vilingia ʻi he matangí ʻa e kafukafu ʻi he ngaahi moʻungá,
Hangē ha takainga talatalaʻāmoa ʻoku puhiʻi ʻe ha matangi mālohí.
14 ʻI he efiafí ʻoku ʻi ai ha manavahē.
Ki muʻa ke pongipongí ʻe ʻikai te nau toe ʻi ai.
Ko e ʻinasi eni ʻo e faʻahinga ʻoku nau fai ha faʻao fakamālohi meiate kitautolú
Pea ko e tufakanga ia ʻo e faʻahinga ʻoku nau fai ha kaihaʻa fakamālohi meiate kitautolú.
18 ʻOiauē ki he fonua ʻoku mumuhu ai ʻa e fanga ʻinisēkite kapakaú
ʻI he vahefonua ʻo e ngaahi vaitafe ʻo ʻItiopeá!+
2 ʻOkú ne fekauʻi atu ha kau talafekau ʻi tahi,
ʻO nau kolosi ʻi he ngaahi vaí ʻi ha ngaahi vaka pepailo, ʻo ne pehē:
“Mou ō, ʻa kimoutolu kau talafekau veʻe-vave,
Ki ha puleʻanga lōloa mo kili hamolemole,*
Ki ha kakai ʻoku ilifiaʻi ʻi he feituʻu kotoa pē,+
Ki ha puleʻanga mālohi mo ikuna,*
ʻA ia ko hono fonuá kuo tafiʻi atu ʻe he ngaahi vaitafé.”
3 Ko kimoutolu kotoa ʻa e kakai ʻo e fonuá mo kimoutolu ʻa e kau nofo ʻi he māmaní,
Ko e meʻa ʻoku mou sio ki aí ʻe hangē ia ha fakaʻilonga* kuo fokotuʻu ʻi he ngaahi moʻungá,
Pea te mou fanongo ki ha leʻo hangē ko e ifi ʻo ha meʻaifí.
4 He ko e meʻa eni naʻe folofola mai ʻaki ʻe Sihova kiate aú:
“Te u nonga ai pē pea sio atu ki* hoku feituʻu kuo fokotuʻu maʻú,
ʻO hangē ko e vela ʻa e huhulu mai ʻa e laʻaá,
Hangē ko e konga ʻao hahau ʻi he taimi vela ʻo e utu-taʻú.
5 He ki muʻa ʻi he utu-taʻú,
ʻI he taimi ʻoku ʻosi atu ai ʻa e fisí pea hoko ai ʻo motuʻa ʻa e kālepí,
ʻE tuʻusi atu ʻa e ngaahi hulí ʻaki ʻa e ngaahi hele ʻauhani
Pea ʻe tuʻutuʻu ʻo toʻo ʻa e fanga kiʻi vaʻavaʻá.
6 ʻE tuku kotoa kinautolu ki he fanga manupuna fekai ʻo e ngaahi moʻungá
Pea ki he fanga manu ʻo e māmaní.
ʻE kai mei ai ʻa e fanga manupuna fekaí ʻi he faʻahitaʻu māfaná,
Pea ko e kotoa ʻo e fanga manu ʻo e māmaní te nau kai mei ai ʻi he taimi utu-taʻú.
7 ʻI he taimi ko iá ʻe ʻoatu ha meʻaʻofa kia Sihova ʻo e ngaahi kau taú,
Mei ha puleʻanga lōloa mo kili hamolemole,*
Mei ha kakai ʻoku ilifiaʻi ʻi he feituʻu kotoa pē,
Mei ha puleʻanga mālohi mo ikuna,*
ʻA ia ko hono fonuá kuo tafiʻi atu ʻe he ngaahi vaitafé
Ki he feituʻu ʻoku uiʻaki ʻa e huafa ʻo Sihova ʻo e ngaahi kau taú, ʻa Moʻunga Saione.”+
19 Ko ha fanongonongo ki ʻIsipite:+
Vakai! ʻOku heka ʻa Sihova ʻi ha konga ʻao ʻoku vave ʻene ʻalú pea ʻokú ne hāʻele atu ki ʻIsipite.
Ko e ngaahi ʻotua taʻeʻaonga ʻo ʻIsipité te nau tete ʻi hono ʻaó,+
Pea ʻe vai ʻa e loto ʻo e kau ʻIsipité.
2 “Te u fakaʻaiʻai ʻa e kau ʻIsipité ke nau tuʻu pē ki he kau ʻIsipité,
Pea te nau fetauʻaki,
ʻA e tokotaha taki taha mo hono tokoua pea mo hono kaungāʻapi,
ʻA e kolo mo e kolo, ʻa e puleʻanga mo e puleʻanga.
3 Pea ʻe hoko ʻo puputuʻu ʻa ʻIsipite,
Pea te u fakafehālaakiʻi ʻa ʻene ngaahi palaní.+
Te nau hanga ki he ngaahi ʻotua taʻeʻaongá,
Ki he kau faifakalouʻakaú pea ki he kau taula faʻahikehé pea ki he kau tala meʻa ki he kahaʻú.+
4 Te u tuku atu ʻa ʻIsipite ki ha tokotaha pule fefeka,
Pea ʻe pule kiate kinautolu ha tuʻi anga-kakaha,”+ ko e fanongonongo ia ʻa e ʻEiki moʻoní, ʻa Sihova ʻo e ngaahi kau tau.
5 Ko e vai ʻo e vaitafé ʻe maha,
Pea ʻe hoko ʻa e vaitafé ʻo pakukā mo mātuʻu.+
6 Pea ʻe nanamu ʻa e ngaahi vaitafé;
Ko e ngaahi mangaʻivai ʻo Naila ʻo ʻIsipité ʻe maha hifo pea pakukā.
Ko e ʻulu kahó mo e kutá ʻe palapalangia.+
7 Ko e fanga kiʻi ʻakau ʻi he veʻe Vaitafe Nailá, ʻi he ngutu vai ʻo Nailá,
Mo e kelekele kotoa kuo tūtuuʻi ai ʻa e tenga ʻi he veʻe Nailá+ ʻe mōmoa.+
ʻE puhiʻi ia, pea ʻe ʻikai ke toe ʻi ai.
8 Pea ʻe mamahi ʻa e kau tangata toutaí,
Ko kinautolu ʻoku lī ʻenau mātaʻú ki Nailá te nau tangilāulau,
Pea ʻe holo ʻo tokosiʻi ʻa kinautolu ʻoku lī ʻenau kupengá ki he vaí.
9 Ko kinautolu ʻoku nau ngāueʻaki ʻa e falakesi kuo haʻaló+
Pea mo kinautolu ʻoku nau ngaohi ʻa e tupenu hina ʻi he meʻa lalangá ʻe fakamaaʻi.
10 ʻE ongoʻi lōmekina ʻa ʻene kau lalangá;
ʻE mamahi ʻa e kau ngāue totongí kotoa.
11 Ko e kau houʻeiki ʻo Soaní+ ko e kau vale.
Ko e kau faleʻi poto taha ʻa Feló ʻoku nau ʻomi ha faleʻi taʻeʻuhinga.+
ʻE lava fēfē ke mou pehē kia Felo:
“Ko ha hako au ʻo e faʻahinga ʻoku poto,
Ko ha hako ʻo e ngaahi tuʻi ʻo e kuonga muʻá”?
12 Ko feʻia leva hoʻo kau tangata potó?+
Tuku ke nau tala atu pe ʻoku nau ʻiloʻi ʻa e meʻa kuo fakapapauʻi ʻe Sihova ʻo e ngaahi kau taú ke fai ki ʻIsipité.
13 Ko e kau houʻeiki ʻo Soaní kuo nau fai ʻa e tōʻonga fakavalevale;
Ko e kau houʻeiki ʻo Nofí*+ kuo kākaaʻi;
Ko e ngaahi ʻeiki ʻo e ngaahi matakali ʻo ʻIsipité kuo nau takiheeʻi ʻa ʻIsipite.
14 Kuo ʻai ia ʻe Sihova ke ne puputuʻu;+
Pea kuo nau takiheeʻi ʻa ʻIsipite ʻi ha meʻa pē ʻokú ne fai,
ʻO hangē ha tokotaha konā ʻoku sīfā holo ʻi heʻene luá.
15 Pea ʻe ʻikai ke ʻi ai ha ngāue ʻa ʻIsipite ke fai,
Pe ko e ʻulú pe ko e hikú, ʻa e hulí pe ko e kutá.*
16 ʻI he ʻaho ko iá ʻe hoko ai ʻa ʻIsipite ʻo hangē ha kau fefiné, ʻo tetetete mo manavahē koeʻuhí ko e hiki ʻe Sihova ʻo e ngaahi kau taú ʻa hono nima fakamanamaná kiate iá.+ 17 Pea ko e fonua ʻo Siutá ʻe hoko ko e manavahēʻanga ʻo ʻIsipite. Te nau ongoʻi tailiili ʻi he fai ha lave ki ai koeʻuhí ko e tuʻutuʻuni kuo fai kiate kinautolu ʻe Sihova ʻo e ngaahi kau taú.+
18 ʻI he ʻaho ko iá ʻe ʻi ai ʻa e kolo ʻe nima ʻi he fonua ko ʻIsipité te nau leaʻaki ʻa e lea ʻa Kēnaní+ pea nau fai ha fakapapau ke nau mateaki kia Sihova ʻo e ngaahi kau tau. Ko e kolo ʻe taha ʻe ui ia Ko e Kolo ʻo e Holoki Hifo.
19 ʻI he ʻaho ko iá ʻe ʻi ai ha ʻōlita kia Sihova ʻi he lotolotonga ʻo e fonua ko ʻIsipité mo ha fuʻu pou kia Sihova ʻi hono kauʻaá. 20 ʻE hoko ia ko ha fakaʻilonga mo ha fakamoʻoni kia Sihova ʻo e ngaahi kau taú ʻi he fonua ko ʻIsipité; he te nau tangi kia Sihova koeʻuhí ko e kau fakafeʻātungiá, pea te ne tuku mai kiate kinautolu ha faifakahaofi, ko ha tokotaha lahi, ʻa ia te ne fakahaofi kinautolu. 21 Pea ʻe hoko ʻa Sihova ʻo ʻiloa ki he kau ʻIsipité, pea ʻe ʻiloʻi ʻe he kau ʻIsipité ʻa Sihova ʻi he ʻaho ko iá, pea te nau ʻoatu ha ngaahi feilaulau mo ha ngaahi meʻaʻofa pea fai mo ha fuakava kia Sihova pea fakahoko ia. 22 ʻE taaʻi ʻe Sihova ʻa ʻIsipite,+ ʻo ne taaʻi pea fakamoʻui ia; pea te nau foki kia Sihova, pea te ne fai ha tali ki heʻenau ngaahi kolé ʻo ne fakamoʻui kinautolu.
23 ʻI he ʻaho ko iá ʻe ʻi ai ha hala lahi+ mei ʻIsipite ki ʻAsīlia. Pea ʻe hū atu ʻa ʻAsīlia ki ʻIsipite, pea mo ʻIsipite ki ʻAsīlia, pea ʻe tauhi ʻa ʻIsipite ki he ʻOtuá fakataha mo ʻAsīlia. 24 ʻI he ʻaho ko iá ʻe hoko ʻa ʻIsileli ʻo toko tolu ʻaki ʻa ʻIsipite mo ʻAsīlia,+ ko ha tāpuaki ʻi he lotolotonga ʻo e māmaní, 25 he ʻe tāpuakiʻi ia ʻe Sihova ʻo e ngaahi kau tau, ʻo ne pehē: “Ke faitāpuekina ʻa hoku kakaí, ʻa ʻIsipite, pea mo e ngāue ʻa hoku nimá, ʻa ʻAsīlia, pea mo hoku tofiʻá, ʻa ʻIsileli.”+
20 ʻI he taʻu naʻe fekauʻi atu ai ʻe Tuʻi Sākoni ʻo ʻAsīliá ʻa e Tātaní* ki ʻAsitotí,+ naʻá ne tauʻi ʻa ʻAsitoti ʻo ne hamu ia.+ 2 ʻI he taimi ko iá naʻe folofola ʻa Sihova fakafou ʻia ʻAisea+ ko e foha ʻo ʻĀmosí, ʻo pehē: “ʻAlu pea toʻo ʻa e tauangaʻá mei ho kongalotó, pea toʻo mo e senitoló mei ho vaʻé.” Pea naʻá ne fai pehē, ʻo ne ʻalu telefua* holo mo laʻivaʻe pē.
3 Naʻe folofola leva ʻa Sihova: “Hangē pē ko e ʻalu telefua holo mo laʻivaʻe pē ʻa ʻeku sevāniti ko ʻAiseá ʻi he taʻu ʻe tolu ko ha fakaʻilonga+ mo ha fakatokanga ʻo e meʻa ʻe hoko ki ʻIsipite+ mo ʻItiopeá,+ 4 ʻe pehē pē ʻa e taki ʻe he tuʻi ʻo ʻAsīliá ʻa e kau pōpula ʻo ʻIsipité+ mo e kau ʻave fakamālohi ʻo ʻItiopeá, ʻa e tamaiki tangata mo e kau tangata taʻumotuʻa, ʻo nau telefua mo laʻivaʻe mo fakahāhā atu ʻa honau foʻi moluú, ʻa e telefua* ʻo ʻIsipité. 5 Pea te nau manavahē mo mā koeʻuhí ko ʻItiopea ko honau ʻamanakiʻangá pea mo ʻIsipite ko honau pōlepoleʻangá.* 6 Ko e kakai ʻo e matāfonua ko ení te nau pehē ʻi he ʻaho ko iá, ‘Vakai ki he meʻa kuo hoko ki hotau ʻamanakiʻangá, ʻa ia naʻa tau hola ki ai ki ha tokoni mo ha fakahaofi mei he tuʻi ʻo ʻAsīliá! ʻE anga-fēfē haʻatau hao ʻi he taimí ni?’”
21 Ko ha fanongonongo ki he toafa ʻo e tahí:*+
Ko ha fakatamaki ʻoku haʻu ʻo hangē ha matangi afaá ʻokú ne ngaʻunu mai ʻi he tongá,
Mei he toafá, mei ha fonua fakailifia.+
2 Kuo fakahā mai kiate au ha vīsone fakamamahi:
Ko e tokotaha kākaá ʻokú ne faikākā,
Pea ko e tokotaha faifakaʻauhá ʻokú ne faifakaʻauha.
ʻAlu hake, ʻe ʻĪlami! Fai ha ʻākoloʻi, ʻe Mītia!+
Te u fakangata ʻa e māpuhoi kotoa kuó ne fakatupungá.+
3 Ko e ʻuhinga ia ʻoku ou toʻe lahi aí.*+
Kuo maʻu au ʻe he langá,
ʻO hangē ko ia ko e langā ʻa ha fefine fāʻelé.
ʻOku ou fuʻu loto-mafasia ʻo ʻikai lava ke u fanongo;
ʻOku ou fuʻu loto-hohaʻa ʻo ʻikai lava ke u sio.
4 ʻOku tatū ʻa hoku mafú; ʻoku ou tete ʻi he ilifiá.
Ko e mamalu ʻa e poʻulí ʻa ia naʻá ku fakaʻamu ki aí ʻokú ne ʻai au ke u tetetete.
5 Teuteu ʻa e tēpilé pea fokotuʻutuʻu ʻa e ngaahi nofoʻangá!
Mou kai mo inu!+
Mou tuʻu hake, ʻa kimoutolu kau houʻeiki ʻo tākai lolo ʻa e paá!
6 He ko e meʻa eni naʻe folofolaʻaki ʻe Sihova kiate aú:
“ʻAlu ʻo fokotuʻu ha tokotaha leʻo pea fekau ke ne fakahā mai ʻa e meʻa ʻokú ne sio ki aí.”
7 Pea naʻá ne sio ki ha saliote tau ʻoku toho ʻe ha ongo hoosi,
Ko ha saliote tau ʻoku toho ʻe ha fanga ʻasi,
Mo ha saliote tau ʻoku toho ʻe ha fanga kāmeli.
Naʻá ne siofi fakalelei, ʻo ne mātuʻaki tokanga ki ai.
8 Pea naʻá ne kalanga ʻo hangē ha laioné:
“ʻE Sihova, ʻoku ou tuʻu maʻu pē ʻi he ʻahó ʻi he taua leʻó,
Pea ʻoku ou tuʻu ʻi hoku feituʻu leʻó ʻi he pō kotoa.+
9 Vakai atu ki he meʻa ʻoku haʻú:
Ko ha kau tangata ʻoku nau haʻu ʻi ha saliote tau ʻoku toho mai ʻe ha ongo hoosi!”+
Pea naʻá ne lea ʻo ne pehē:
“Kuó ne tō! Kuo tō ʻa Pāpilone!+
Ko e ngaahi ʻīmisi kotoa pē kuo tongi ʻo hono ngaahi ʻotuá kuó Ne laiki ʻi he kelekelé!”+
10 ʻE hoku kakai ʻa ia kuo ʻauʻau ʻo hangē ha uité,
Ko e fua ʻoku maʻu* mei heʻeku ʻauʻauʻanga uité,+
Kuó u fakahā atu kiate kimoutolu ʻa e meʻa kuó u fanongo ki ai meia Sihova ʻo e ngaahi kau tau, ko e ʻOtua ʻo ʻIsilelí.
11 Ko ha fanongonongo ki Tuma:*
ʻOku ui mai ha taha kiate au mei Seia:+
“Tangata leʻo, kuo mei pongipongi?
Tangata leʻo, kuo mei pongipongi?”
12 Naʻe pehē ange ʻe he tangata leʻó:
“ʻOku haʻu ʻa e pongipongí, pea pehē ki he poʻulí.
Kapau te mou fai ha fehuʻi, mou fehuʻi.
Mou toe haʻu pē!”
13 Ko ha fanongonongo ki he toafa tokaleleí:
Te mou mohe ʻi he vaotā ʻi he toafa tokaleleí,
ʻA e siʻi kau fononga kāmeli ʻo Titaní.+
14 ʻOmi ha vai ke inu ʻa e tokotaha fieinuá,
ʻA kimoutolu kakai ʻo e fonua ko Teimá,+
Pea ʻomi mo ha mā ki he tokotaha ʻoku holá.
15 He kuo nau hola mei he heletaá, mei he heletā kuo unuhí,
Mei he kaufana kuo fusiʻí, pea mei he anga-fakamamahi ʻo e taú.
16 He ko e meʻa eni naʻe folofolaʻaki ʻe Sihova kiate aú: “ʻI loto ʻi he taʻu pē ʻe taha, hangē ko e ngaahi taʻu ʻo ha tokotaha ngāue totongi,* ʻe ngata ai ʻa e lāngilangi kotoa ʻo Ketá.+ 17 Ko e toenga ʻo e kau fana ngahau ʻi he kau tau ʻa Ketá ʻe tokosiʻi, he kuo folofolaʻaki ia ʻe Sihova ko e ʻOtua ʻo ʻIsilelí.”
22 Ko ha fanongonongo fekauʻaki mo e Teleʻa ʻo e Vīsoné:*+
Ko e hā ʻa e meʻa ʻoku hoko kiate koe kuo mou ʻalu hake kotoa ai ki he ngaahi funga falé?
2 Naʻá ke fonu ʻi he moveuveu,
Ko ha kolo uatau, ko ha kolo fiefia ʻi he hīkisia.
Ko hoʻo kau maté naʻe ʻikai ke tāmateʻi ʻaki ʻa e heletaá,
Pea naʻe ʻikai ke nau mate ʻi ha tau.+
3 Ko e kotoa ʻo hoʻo kau pule fakaaoaó kuo nau hola fakataha.+
Naʻe taki pōpula kinautolu ʻo ʻikai fiemaʻu ki ai ha kaufana.
Ko e kotoa ʻo e faʻahinga naʻe maʻú naʻe taki pōpula,+
Neongo naʻa nau hola ʻo mamaʻo ʻaupito.
4 Ko e ʻuhinga ia naʻá ku pehē ai: “Mou hanga kehe meiate au,
Pea te u tangi mamahi.+
5 He ko ha ʻaho ia ʻo e puputuʻu mo e foʻi pea mo e tailiili,+
Meia Sihova ʻo e ngaahi kau tau, ko e ʻEiki Haú,
ʻI he Teleʻa ʻo e Vīsoné.
ʻOku holoki ʻa e ʻaá+
Pea ʻoku fai ha tangi ki he moʻungá.
6 ʻOku toʻo hake ʻe ʻĪlami+ ʻa e faʻoʻanga ngahaú
Pea ʻoku ʻi ai ʻa e kau tangata ʻoku heka he ngaahi saliote pea mo e fanga hoosi,*
7 Ko hoʻo ngaahi teleʻa* lelei tahá
ʻE fonu ʻi he ngaahi saliote tau,
Pea ʻe tuʻu ʻa e fanga hōsí* ʻi he matapaá,
8 Pea ʻe toʻo ʻa e ʻā maluʻi* ʻo Siutá.
“ʻI he ʻaho ko iá te ke hanga ai ki he meʻatau ʻo e Fale ʻo e Vaotaá,+ 9 pea te mou sio ki he ngaahi ava ʻi he ʻā ʻo e Kolo-ʻo-Tēvitá.+ Pea te mou tānaki ʻa e ngaahi vai ʻi he kiʻi vai ʻi laló.+ 10 Te mou lau ʻa e ngaahi fale ʻo Selusalemá, pea te mou holoki hifo ʻa e ngaahi falé ke fakafefekaʻi ʻaki ʻa e ʻaá. 11 Pea te mou ngaohi ha tānakiʻanga vai ʻi he vahaʻa ʻo e ongo ʻaá ki he vai ʻo e kiʻi vai motuʻá, ka heʻikai te mou hanga ki hono Tokotaha-Ngaohi Maʻongoʻongá, pea heʻikai te mou sio ki he Tokotaha naʻá ne fokotuʻu ia ʻi he kuohilí.
12 ʻI he ʻaho ko iá ko e ʻEiki Haú, ʻa Sihova ʻo e ngaahi kau taú,
Te ne tuʻutuʻuni ke fai ha tengihia mo ha fakamamahi,+
Ke tele ʻa e ʻulú mo ʻai tauangaʻa.
13 Ka ʻi hono kehé, ʻoku ʻi ai ha kātoanga mo ha fakafiefia,
Ko e tāmate pulu mo e tāmate sipi,
Ko e kai kakanoʻi-manu mo e inu uaine.+
‘Tuku ke tau kai ā mo inu, he ko ʻapongipongí te tau mate.’”+
14 Naʻe fakahaaʻi mai leva ʻe Sihova ʻo e ngaahi kau taú ki hoku telingá: “‘ʻE ʻikai fakamolemoleʻi ʻa hoʻomou faihala ko ení kae ʻoua kuo mou mate,’+ ko e folofola ia ʻa e ʻEiki Haú, ʻa Sihova ʻo e ngaahi kau tau.”
15 Ko e folofola eni ʻa e ʻEiki Haú, ʻa Sihova ʻo e ngaahi kau tau: “Mou ō ki he tauhi ko ení, kia Sepinā,+ ʻa ia ʻokú ne tokangaʻi ʻa e falé,* ʻo mou pehē, 16 ‘Ko e hā ʻa hoʻo meʻa ʻoku ʻi hení, pea ko hai heni ʻoku ʻaʻaú, naʻá ke foa ai ha tanuʻanga maʻau ʻi hení?’ ʻOkú ne foa hono tanuʻangá ʻi ha potu māʻolunga; ʻokú ne tā ha mālōlōʻanga* maʻana ʻi ha makatuʻu. 17 ‘Vakai! ʻE fakapuna hifo koe ʻe Sihova, ʻe tangata, pea puke fakamālohiʻi mai koe. 18 Ko e moʻoni te ne takatakaiʻi maʻu koe pea tolongi koe hangē ha foʻi pulú ki ha fonua ʻatāloa. Te ke mate ʻi ai, pea ʻe ʻi ai ʻa hoʻo ngaahi saliote nāunauʻiá, ko ha meʻa fakamā ki he fale ʻo ho pulé. 19 Pea te u fakahifo koe mei ho tuʻungá pea lī koe ki tuʻa mei ho lakangá.
20 “‘ʻI he ʻaho ko iá te u ui ai ʻeku sevāniti ko ʻIlaiakimi+ ko e foha ʻo Hilikaiá, 21 pea te u fakakofuʻaki ia ho kofú pea haʻi maʻu ʻiate ia ho noʻó,+ pea te u foaki ho mafaí* ki hono nimá. Pea te ne hoko ko ha tamai ʻa e kakai ʻo Selusalemá pea mo e fale ʻo Siutá. 22 Pea te u tuku ʻa e kī ʻo e fale ʻo Tēvitá+ ki hono umá. Te ne fakaava pea heʻikai ke tāpuni ʻe ha taha; pea te ne tāpuni pea heʻikai ke fakaava ʻe ha taha. 23 Te u fakamaʻu ia hangē ha faʻó ʻi ha feituʻu tuʻuloa, pea te ne hoko ko ha taloni lāngilangiʻia ki he fale ʻo ʻene tamaí. 24 Pea te nau tautau ʻiate ia ʻa e lāngilangi* kotoa ʻo e fale ʻo ʻene tamaí, ʻa e hako mo e fānau,* ʻa e fanga kiʻi ʻaiʻanga meʻa iiki kotoa pē, mo e ngaahi ʻaiʻanga meʻa fuo hangē ha poulú, pea pehē ki he ngaahi siā lalahi kotoa pē.
25 “‘ʻI he ʻaho ko iá,’ ko e fanongonongo ia ʻa Sihova ʻo e ngaahi kau tau, ‘ko e faʻo ko ia naʻe fakamaʻu ʻi ha feituʻu tuʻuloá ʻe taʻaki ia,+ pea ʻe tuʻusi hifo ia pea ʻe tō, pea ko e kavenga naʻá ne fatakí ʻe tō hifo ʻo maumau, he kuo folofolaʻaki ia ʻe Sihova tonu.’”
23 Ko ha fanongonongo ʻo fekauʻaki mo Tāia:+
Fākafoa, ʻa kimoutolu ngaahi vaka ʻo Tāsisí!+
He kuo fakaʻauha ʻa e taulangá; ʻe ʻikai lava ke fai ha hū ki ai.
Kuo fakahaaʻi ia kiate kinautolu ʻi he fonua ko Kītimí.+
2 Fakalongolongo, ʻa kimoutolu kakai ʻo e matāfonuá.
Kuo fakafonu koe ʻaki ʻa e koloa ʻe he kau mēsianiti mei Saitoni+ ʻa ia ʻoku nau kolosi atu ʻi he tahí.
3 Kuo ʻoatu ʻi he ngaahi vai lahi ʻa e uite* ʻa Sehoá,*+
ʻA e utu-taʻu ʻo Nailá, ʻoku maʻu ai hoʻo paʻanga hū maí,
ʻO maʻu ai ʻa e tupu ʻa e ngaahi puleʻangá.+
4 Ke ke mā, ʻe Saitoni, ʻa koe ko e kolo malu ʻo e tahí,
Koeʻuhí kuo pehē ʻe he tahí:
“Kuo ʻikai te u langā, pea kuo ʻikai te u fāʻele,
Pea kuo ʻikai te u ʻohake ha kau talavou pe tauhi hake ha kau finemui.”*+
5 Hangē ko ia ko ʻenau fanongo ʻi he ongoongo ʻo fekauʻaki mo ʻIsipité,+
ʻE mamahi ʻa e kakaí ʻi he ongoongo ʻo fekauʻaki mo Tāiá.+
6 Kolosi atu ki Tāsisi!
Fākafoa, ʻa kimoutolu kakai ʻo e matāfonuá!
7 Ko homou kolo eni ʻa ia naʻe fiefia ʻi he kuohilí, ʻi hono ngaahi ʻaho ki muʻá?
Naʻe faʻa ʻave ia ʻe hono vaʻé ki he ngaahi fonua mamaʻo ke ne nofo ai.
8 Ko hai kuó ne tuʻutuʻuni ke fai ʻa e meʻá ni ki Tāiá,
ʻA ia naʻá ne hilifaki ha ngaahi kalauní,
ʻA ia ko ʻene kau mēsianití ko e kau houʻeiki,
ʻA ia ko ʻene kau tangata fefakatauʻakí naʻe fakalāngilangiʻi ʻi he kotoa ʻo e māmaní?+
9 Ko Sihova tonu ʻo e ngaahi kau taú kuó ne fai ʻa e tuʻutuʻuni ko ení,
Ke fakataʻeʻaongaʻi ʻa ʻene pōlepole ʻi he kotoa ʻo hono fakaʻofoʻofá,
Ke fakamaaʻi ʻa e faʻahinga kotoa naʻe fakalāngilangiʻi ʻi he kotoa ʻo e māmaní.+
10 Kolosi atu ʻi ho fonuá ʻo hangē ko e Vaitafe Nailá, ʻe ʻofefine ʻo Tāsisi.
ʻOku ʻikai ke kei ʻi ai ha feituʻu ngaohiʻanga vaka* ia.+
11 Kuó ne mafao atu hono nimá ki he tahí;
Kuó ne luluʻi ʻa e ngaahi puleʻangá.
Kuo tuʻutuʻuni ʻe Sihova ke fakaʻauha ʻosi ʻa e ngaahi kolo malu ʻo Finisiá.+
12 Peá ne folofola: “ʻE ʻikai te ke toe fiefia,+
ʻA koe tokotaha kuo lōmekiná, ʻa e ʻofefine kei nofo anga-maʻa ʻo Saitoní.
Tuʻu hake, ʻo kolosi atu ki Kītimi.+
Naʻa mo e feituʻu ko iá ʻe ʻikai te ke maʻu ai ha mālōlō.”
13 Vakai! Ko e fonua ena ʻo e kau Kalitiá.+
Ko e kakai eni—ʻo ʻikai ko ʻAsīlia+—
Naʻa nau ngaohi ia* ko ha feituʻu ke nofo ai ʻa e faʻahinga ʻoku nofo holo ʻi he toafá.
Kuo nau fokotuʻu ʻenau ngaahi taua ki he taú;
Kuo nau fakatekelei ʻa hono ngaahi taua fakakolotaú,+
ʻO holoki ia ke hoko ko ha fokotuʻunga maumau.
14 Fākafoa, ʻa kimoutolu ngaahi vaka ʻo Tāsisí,
He kuo fakaʻauha homou kolo malú.+
15 ʻI he ʻaho ko iá ʻe ngalo ai ʻa Tāia ʻi he taʻu ʻe 70,+ ʻo tatau mo e lōloa ʻo e moʻui ʻa ha* tuʻi. ʻI he ʻosi ʻa e taʻu ʻe 70, ʻe hoko ki Tāia ʻo hangē ko ia ʻi he hiva fekauʻaki mo ha fefine feʻauakí:
16 “Toʻo ha haʻape, ʻalu takai ʻi he koló, siʻi fefine feʻauaki kuo ngalo.
Tā pōtoʻi ʻa hoʻo haʻapé;
Fai ha ngaahi hiva lahi,
Koeʻuhí ke nau manatuʻi koe.”
17 ʻI he ʻosi ʻa e taʻu ʻe 70, ʻe fakahanga ʻe Sihova ʻa ʻene tokangá ki Tāia, pea ʻe toe foki ia ki heʻene faifeʻauaki totongí ʻo ne faifeʻauaki mo e kotoa ʻo e ngaahi puleʻanga ʻoku ʻi he funga ʻo e māmaní. 18 Ka ko ʻene tupú mo e totongi ʻokú ne maʻú ʻe hoko ia ko e meʻa toputapu kia Sihova. ʻE ʻikai ke tānaki ia pe tauhi, koeʻuhí ko e totongi ʻokú ne maʻú ʻe ʻave ia maʻá e faʻahinga ʻoku nofo ʻi he ʻao ʻo Sihová, koeʻuhi ke nau kai ʻo mākona mo tui ha vala ʻoku masani.+
24 Vakai! ʻOku fakamaha ʻe Sihova ʻa e fonuá* pea ʻai ia ke lala.+
ʻOkú ne fulihi ia*+ pea fakamovetevete ʻa hono kakaí.+
2 ʻE tatau ki he tokotaha kotoa pē:
ʻA e kakai pea pehē ki he taulaʻeiki,
ʻA e sevāniti mo hono pule,
ʻA e kaunanga mo hono pule fefine,
ʻA e tokotaha fakatau maí mo e tokotaha fakatau atú,
ʻA e tokotaha tali nō mo e tokotaha kole nō,
ʻA e tokotaha tali fakamoʻua mo e tokotaha fakamoʻua.+
3 Ko e fonuá ʻe mātuʻaki fakamaha;
ʻE mātuʻaki faʻao fakamālohi ia,+
He kuo folofola ʻaki eni ʻe Sihova.
4 ʻOku fakamamahi* ʻa e fonuá;+ ʻoku ʻauʻauha atu ia.
ʻOku mae ʻa e fonua mahú; ʻoku mōlia atu ia.
Ko e kakai tuʻu-ki-muʻa ʻo e fonuá ʻoku fakaʻau ke mole atu.
5 Kuo ʻuliʻi ʻa e fonuá ʻe hono kakaí,+
He kuo nau talangataʻa ki he laó,+
Pea liliu ʻa e tuʻutuʻuní,+
6 Ko e ʻuhinga ia ʻoku keina ai ʻe he malá ʻa e fonuá,+
Pea fakahalaiaʻi ai ʻa e faʻahinga ʻoku nofo aí.
Ko e ʻuhinga ia ʻoku fakaʻau ai ke tokosiʻi ʻa e kakai ʻo e fonuá,
Pea tokosiʻi ʻaupito ʻa e kau tangata ʻoku toé.+
7 ʻOku fakamamahi* ʻa e uaine foʻoú, pea ʻoku mae ʻa e kālepí,+
Pea ʻoku māpuhoi ʻa kinautolu kotoa ʻoku fiefia honau lotó.+
8 Ko e ongo fakafiefia mai ʻa e ngaahi nafá kuo ngata;
Ko e longoaʻa ʻa e kau fakafiefiá kuo ʻosi atu ia;
Ko e ongo fakafiefia mai ʻa e haʻapé kuo ngata.+
9 ʻOku nau inu uaine ʻo ʻikai ha hiva,
Pea ʻoku ifo tamala ʻa e ʻolokaholó ki he faʻahinga ʻoku nau inu iá.
10 Ko e kolo kuo liʻakí kuo maumauʻi;+
ʻOku tāpuni ʻa e fale kotoa ke ʻoua naʻa toe lava ha taha ke hū ki ai.
11 ʻOku nau fakatangi atu ʻi he ngaahi halá ki ha uaine.
Kuo mole atu ʻa e fiefia kotoa pē;
Kuo mole ʻa e fiefia ʻa e fonuá.+
12 ʻOku tuku ʻauha pē ʻa e koló;
Kuo laiki ʻa e matapā ʻo e koló ʻo hoko ko ha fokotuʻunga veve.+
13 He ko e anga eni ʻo e meʻa ʻe hoko ʻi he fonuá, ʻi he lotolotonga ʻo e ngaahi kakaí:
Hangē ko e taimi ʻoku tā hifo ai ʻa e fua ʻo e fuʻu ʻōlivé,+
Hangē ko e tufi ʻo e toetoengá ʻi he taimi ʻoku ʻosi ai ʻa e toʻu kālepí.+
14 Te nau hiki hake honau leʻó,
Te nau kaikaila fiefia.
Mei he tahí* te nau talaki ʻa e ngeia ʻo Sihová.+
15 Ko e ʻuhinga ia te nau fakalāngilangiʻi ai ʻa Sihova ʻi he feituʻu ʻo e māmá;*+
ʻI he ngaahi motu ʻo e tahí te nau fakalāngilangiʻi ai ʻa e huafa ʻo Sihova ko e ʻOtua ʻo ʻIsilelí.+
16 Mei he ngatangataʻanga ʻo e māmaní ʻoku tau fanongo ki ha ngaahi hiva:
“Ke lāngilangiʻia* ʻa e Tokotaha Māʻoniʻoni!”+
Ka ʻoku ou pehē: “ʻOku ou fakaʻauʻausino, ʻoku ou fakaʻauʻausino!
ʻOiauē ka ko kita! Ko e kau kākaá kuo nau faikākā;
ʻI he kākā ʻa e kau kākaá kuo nau faikākā ai.”+
17 ʻOku tatali kiate koe ʻa e manavahē mo e luo mo e tauhele, ʻa kimoutolu ʻoku nofo ʻi he fonuá.+
18 Ko ha taha pē ʻe hola mei he ongo mai ʻa e meʻa fakamanavaheé ʻe tō ia ki he luó,
Pea ko ha taha pē ʻe ʻalu hake mei he luó ʻe fihia ia ʻi he tauhelé.+
He ʻe ava mai ʻa e matapā ʻo e ngaahi vai ʻi ʻolungá,
Pea ko e ngaahi makatuʻunga ʻo e fonuá ʻe ngalulu.
20 ʻOku tāsipa ʻa e fonuá ʻo hangē ha tangata konaá,
Pea ʻokú ne sēlue takai ʻo hangē ha kiʻi fale ʻi he matangí.
ʻOku tō mamafa ʻa ʻene faihalá kiate ia,+
Pea te ne tō, ʻo ʻikai lava ke ne toe mālanga hake.
21 ʻI he ʻaho ko iá ʻe fakahanga ʻe Sihova ʻene tokangá ki he kau tau ʻo e ngaahi feituʻu ʻi ʻolungá
Pea ki he ngaahi tuʻi ʻo e māmaní ʻi he fonuá.
22 Pea ʻe fakatahatahaʻi fakataha kinautolu
Hangē ha kau pōpula ʻoku fakatahatahaʻi ki ha luó,
Pea ʻe tāpuniʻi kinautolu ʻi he pilīsone ʻi lolofonuá;
Hili ha ngaahi ʻaho lahi ʻe fai leva ha tokanga kiate kinautolu.
23 Ko e māhina kātoá ʻe mā,
Pea ko e laʻā ulo ngingilá ʻe mā,+
He ko Sihova ʻo e ngaahi kau taú kuó ne hoko ko e Tuʻi+ ʻi Moʻunga Saione+ pea ʻi Selusalema,
ʻO ne lāngilangiʻia ʻi he ʻao ʻo e kau mātuʻa ʻo hono kakaí.*+
25 ʻE Sihova, ko koe ʻa hoku ʻOtuá.
ʻOku ou hakeakiʻi koe, ʻoku ou fakahīkihikiʻi ho huafá,
He kuó ke fai ʻa e ngaahi meʻa fakaofo,+
ʻA e ngaahi meʻa naʻe fakataumuʻa* ki ai talu mei muʻa,+
ʻI he koto moʻoni,+ mo e koto falalaʻanga.
2 He kuó ke fulihi ha kolo ʻo hoko ko ha fokotuʻunga maka,
Ha kolo fakakolotau ʻo hoko ko ha fokotuʻunga maumau.
Ko e taua ʻo e mulí ʻoku ʻikai kei hoko ia ko ha kolo;
ʻE ʻikai ʻaupito ke toe langa ia.
3 Ko e ʻuhinga ia ʻe fakalāngilangiʻi ai koe ʻe ha kakai mālohí;
Ko e kolo ʻo e ngaahi puleʻanga pule kakahá te nau manavahē kiate koe.+
4 He kuó ke hoko ko ha maluʻanga ki he māʻulaló,
Ko ha maluʻanga ki he masivá ʻi heʻene mamahí,+
Ko ha hūfangaʻanga mei he ʻuha lōvaí,
Mo ha fakamalumalu mei he velá.+
ʻI he taimi ʻoku hoko ai ʻa e ʻita tōtōlili ʻa e kau pule kakahá ʻo hangē ha ʻuha lōvai ʻoku faʻafaʻaki ki ha ʻaá,
5 ʻOku hangē ko e ʻea vela ʻi ha fonua pakukaá,
ʻA hoʻo ʻai ke mole ʻa e uatau ʻa e kau solá.
ʻOku hangē ko hono ʻai ʻe ha malumalu ʻo ha konga ʻao ke mole atu ʻa e ʻea velá,
ʻOku pehē ʻa hono fakasīlongoʻi ʻa e hiva ʻa e kau pule kakahá.
6 ʻI he moʻungá ni+ ʻe teuteu ai ʻe Sihova ʻo e ngaahi kau taú ki he ngaahi kakai kotoa pē
Ha kātoanga ʻo e ngaahi meʻakai vovo,+
Ha kātoanga ʻo e uaine lelei,*
ʻO e meʻakai vovo ʻoku fonu ʻi he ngako ʻo e huí,
ʻO e uaine lelei kuo sivi.
7 ʻI he moʻungá ni te ne toʻo atu* ai ʻa e ʻufiʻufi ʻokú ne fakapūlouʻi ʻa e ngaahi kakaí kotoa
Pea mo e ʻufiʻufi* ʻoku tāvani ʻi he ngaahi puleʻangá kotoa.
8 Te ne folofua* ʻa mate ʻo taʻengata,+
Pea ʻe holoholo ʻe he ʻEiki Hau ko Sihová ʻa e loʻimatá mei he mata kotoa pē.+
Te ne ʻave ʻa e lumaʻanga ʻo hono kakaí mei he kotoa ʻo e māmaní,
He kuo folofolaʻaki ia ʻe Sihova tonu.
9 ʻI he ʻaho ko iá te nau pehē:
“Vakai! Ko eni hotau ʻOtuá!+
Ko Sihova eni!
Kuo tuʻu ʻetau ʻamanakí ʻiate ia.
Tau fiefia mo mavava ʻi heʻene faifakamoʻuí.”+
10 He ʻe nofo ʻa e nima ʻo Sihová ʻi he moʻungá ni,+
Pea ʻe tāmalaki ʻa Mōape ʻi hono feituʻú+
ʻO hangē ha kauʻi uite kuo tāmalaki ʻo hoko ko ha fokotuʻunga kinohaʻá.
11 Te ne mafao atu hono nimá ki ai
ʻO hangē ko e mafao atu ʻe ha tokotaha kakau ʻa hono nimá ke kakaú,
Pea te Ne fakavaivaiʻi ʻa ʻene hīkisiá+
ʻAki ʻa e ngaue pōtoʻi ʻa Hono nimá.
12 Pea ko e kolo fakakolotaú, mo ho ngaahi ʻā māʻolunga mo malú,
Te ne holoki;
Te ne holoki ia ki he kelekelé, ʻio ki he efú.
26 ʻI he ʻaho ko iá ʻe hivaʻi ai ʻa e foʻi hiva ko ení+ ʻi he fonua ʻo Siutá:+
“ʻOku mau maʻu ha kolo mālohi.+
ʻOkú Ne ʻai ʻa e fakamoʻuí ko ha ʻā mo ha fakatafunga kelekele.+
2 Fakaava ʻa e ngaahi matapā ʻo e koló+ kae hū atu ʻa e puleʻanga māʻoniʻoní,
Ko ha puleʻanga ʻokú ne tauhi ʻa e ʻulungaanga faitōnungá.
3 Te ke maluʻi ʻa e faʻahinga ʻoku nau falala kakato atu kiate koé;*
Te ke ʻoange kiate kinautolu ha melino hokohoko,+
Koeʻuhi ko koe ʻoku nau falala atu ki aí.+
5 He kuó ne ʻai ke māʻulalo ʻa e faʻahinga ʻoku nofo mei he taukakapá, ʻa e kolo māʻolungá.
ʻOkú ne ʻohifo ia ki lalo,
ʻOkú ne ʻohifo ia ki lalo ki he māmaní;
ʻOkú ne lī ia ki lalo ki he efú.
6 ʻE tāmalaki ia ʻaki ʻa e vaʻé,
ʻA e vaʻe ʻo e tokotaha ʻoku faingataʻaʻiá, ʻa e laka ʻa e faʻahinga ʻoku māʻulaló.”
7 Ko e hala ʻo e māʻoniʻoní ʻoku anga-tonu.*
Koeʻuhi ʻokú ke anga-tonu,
Te ke fakatokalelei ʻa e ʻalunga ʻo e māʻoniʻoní.
8 ʻI heʻemau muimui ʻi he ʻalunga ʻo hoʻo ngaahi fakamāú, ʻe Sihova,
ʻOku tuʻu ʻiate koe ʻemau ʻamanakí.
ʻOku mau holi ki ho huafá pea ki he fakamanatu ʻoʻoú.*
9 ʻI he poʻulí ʻoku ou holi atu kiate koe ʻaki ʻeku moʻuí kotoa,
ʻIo, ʻoku hanganaki kumi atu kiate koe ʻa hoku laumālié;+
He ʻi hoʻo fakamāuʻi ʻa e māmaní,
ʻOku ako ai ʻa e kau nofo ʻi he fonuá ʻo fekauʻaki mo e māʻoniʻoní.+
Naʻa mo e ʻi he fonua ʻo e anga-tonú* te ne kei tōʻonga fulikivanu pē,+
Pea heʻikai te ne sio ki he lāngilangi ʻo Sihová.+
11 ʻE Sihova, kuo hiki hake ho nimá, ka ʻoku ʻikai te nau sio ki ai.+
Te nau sio ki hoʻo mamahiʻi ho kakaí pea te nau hoko ai ʻo mā.
ʻIo, ko hoʻo afí te ne keina ho ngaahi filí.
12 ʻE Sihova, te ke ʻomi kiate kimautolu ha melino,+
Koeʻuhi ko e meʻa kotoa kuo mau faí
Kuó ke fakahoko ia maʻamautolu.
13 ʻE Sihova ko homau ʻOtua, ko e kau pule kehé tuku kehe koe kuo nau puleʻi kimautolu,+
Ka ko ho huafá pē taha ʻoku mau leaʻakí.+
14 ʻOku nau mate; heʻikai te nau moʻui.
Kuo mole honau mālohí ʻi he maté, heʻikai te nau tuʻu hake.+
He kuó ke fakahanga hoʻo tokangá kiate kinautolu
Ke fakaʻauha ʻosi kinautolu pea ke ʻoua ʻe toe ʻi ai ha lave kiate kinautolu.
15 Kuó ke fakalahi ʻa e puleʻangá, ʻe Sihova,
Kuó ke fakalahi ʻa e puleʻangá;
Kuó ke fakalāngilangiʻi ʻa koe tonu.+
Kuó ke mātuʻaki fakalahi atu ʻa e kotoa ʻo e ngaahi kauʻā ʻo e fonuá.+
16 ʻE Sihova, ʻi he lolotonga ʻa e faingataʻá naʻa nau hanga atu kiate koe:
Naʻa nau lilingi atu ʻenau lotú ʻi he fanafana ʻi he taimi naʻá ke akonekina ai kinautolú.+
17 Hangē pē ko e teu ke fāʻele ha fefine feitama
ʻOkú ne langā mo tangi ʻi he mamahi,
Kuo mau pehē pē mo kimautolu, ʻe Sihova, koeʻuhi ko koe.
18 Naʻa mau hoko ʻo feitama, naʻa mau langā,
Ka naʻe hangē ia ne mau fāʻeleʻi ha matangí.
Kuo ʻikai te mau ʻomi ha fakamoʻui ki he fonuá,
Pea ʻoku ʻikai fanauʻi mai ha taha ke nofo ʻi he fonuá.
19 “ʻE moʻui ʻa hoʻo kau maté.
Ko e ngaahi ʻangaʻanga ʻo hoku kakaí te nau* tuʻu hake.+
ʻĀ hake ʻo kaila fiefia,
ʻA kimoutolu kau nofo ʻi he efú!+
He ko ho hahaú ʻoku hangē ko e hahau ʻo e pongipongí,*
Pea ko e kelekelé te ne tuku mai ʻa e faʻahinga kuo mole honau mālohi ʻi he maté ke nau moʻui.*
21 He vakai, ʻoku hāʻele mai ʻa Sihova mei hono ʻafioʻangá
Ke ui ʻa e kau nofo ʻi he fonuá ke nau fai ha fakamatala ki heʻenau faihalá,
Pea ʻe fakaeʻa ʻe he fonuá ʻa ʻene lingitotó
Pea heʻikai te ne kei ʻufiʻufi ʻa ʻene faʻahinga kuo tāmateʻí.”
27 ʻI he ʻaho ko iá, ko Sihova mo ʻene heletā fefeka mo lahi pea mo mālohí,+
ʻE fakahanga ʻene tokangá kia Levaiatani,* ko e ngata ngaoló,
Kia Levaiatani, ko e ngata ʻalu pikopikó,
Pea te ne tāmateʻi ʻa e fuʻu manu ʻa ia ʻoku ʻi he tahí.
2 ʻI he ʻaho ko iá mou hiva kiate ia:*
“Ko ha ngoue kālepi ʻo e uaine kuo fakatoka!+
3 Ko au Sihova, ʻoku ou maluʻi iá.+
ʻOku ou fuʻifuʻi ia he mōmeniti kotoa pē.+
ʻOku ou maluʻi ia ʻi he pō mo e ʻaho,
Ke ʻoua naʻa fai ʻe ha taha ha maumau kiate ia.+
Ko hai ʻe tuʻu mai kiate au mo e ʻakau talatala mo e vao ʻi he taú?
Te u tāmalaki ia pea tutu kinautolu kotoa.
5 Ko ia ai, tuku ke ne piki maʻu ki hoku kolo malú.
Tuku ke ne fakamelino mo au;
Ko e fakamelinó tuku ke ne fai ia mo au.”
6 ʻI he ngaahi ʻaho ka hoko maí ʻe faiaka ai ʻa Sēkope,
ʻE matala mo talamuka ʻa ʻIsileli,+
Pea te nau fakafonu ʻa e fonuá ʻaki ʻa e fua.+
7 Kuo pau koā ke taaʻi ia ʻaki ʻa e tā ʻa e tokotaha ʻokú ne taaʻi iá?
Pe kuo pau koā ke tāmateʻi ia ʻo hangē ko hono tāmateʻi ʻa e faʻahinga ʻoku ʻaʻaná?
8 ʻI ha kaila fakailifia te ke fakakikihi mo ia ʻi hono tuku atu ia ke ne mavahé.
Te ne kapusi ia ʻaki ha fuʻu matangi mālohi ʻi he ʻaho ʻo e matangi hahaké.+
9 Ko ia ʻe peheni ʻa hono fakamolemoleʻi ʻa e faihala ʻa Sēkopé,+
Pea ko e ola kakato eni ʻe hoko ʻi hono ʻave ʻa ʻene angahalá:
Te ne ngaohi ʻa e maka kotoa ʻo e ʻōlitá
Ke movete ʻo hangē ha momomomoʻi sioká,
Pea ʻe ʻikai ke fakatoe ai ha ngaahi pou ʻakau toputapu* pe tuʻuʻanga ʻinisēnisi.+
10 He ko e kolo fakakolotaú ʻe liʻaki;
ʻE tuku ange pea liʻaki ʻa e ngaahi kaikaiʻangá ʻo hangē ha toafá.+
ʻE kaikai mo tokoto ai ʻa e ʻuhikiʻi pulú
Pea te ne keina ʻa hono ngaahi vaʻá.+
11 ʻI he mōmoa ʻa hono ngaahi vaʻá,
ʻE haʻu ʻa e kau fefiné ʻo fesi ia,
ʻO tafu ʻaki ʻa e afí.
He ko e kakaí ni ʻoku ʻikai te nau maʻu ha mahino.+
Ko e ʻuhinga ia heʻikai ke fakahāhā ai kiate kinautolu ʻe honau Tokotaha-Ngaohí ha mēsí,
Pea ko e Tokotaha naʻá ne fokotuʻu kinautolú ʻe ʻikai te ne fakahāhā ha hōifua kiate kinautolu.+
12 ʻI he ʻaho ko iá ʻe tā hifo ʻe Sihova ʻa e fua mei he matavai ʻo e Vaitafe* ʻoku tafé ki he Teleʻa* ʻo ʻIsipité,+ pea ʻe tānaki taha taha kimoutolu, ʻe kakai ʻo ʻIsileli.+ 13 ʻI he ʻaho ko iá ʻe ifiʻi ai ha fuʻu meʻaifi,+ pea ko e faʻahinga kuo meimei ʻauha ʻi he fonua ko ʻAsīliá+ mo e faʻahinga kuo movete ʻi he fonua ko ʻIsipité+ te nau haʻu ʻo punou kia Sihova ʻi he moʻunga tapú ʻi Selusalema.+
28 ʻOiauē ʻa e kalauni* ʻoku fiehā* ʻaki ʻe he kau konā ʻo ʻIfalemí+
Pea mo e matala kuo mae ʻo hono teuteu lāngilangiʻiá,
ʻA ia ʻoku ʻi he ʻulu ʻo e teleʻa kelekele lelei ʻo e faʻahinga ʻoku uaineʻiá!
2 Vakai! ʻOku maʻu ʻe Sihova ha tokotaha mālohi mo toʻa.
ʻI he hangē ko ha mana mo ha ʻuha-ʻaisí,* hangē ha fuʻu matangi fakaʻauhá,
ʻI he hangē ko ha afā ʻoku mana mo ʻuhila mo ha fuʻu lōmaki vai mālohí,
Te ne lī mālohi hifo ʻa e kalauní ki he māmaní.
4 Pea ko e matala kuo mae ʻo hono teuteu lāngilangiʻiá,
ʻA ia ʻoku ʻi he ʻulu ʻo e teleʻa kelekele leleí,
ʻE hoko ia ʻo hangē ko e fiki tokamuʻa ki muʻa ʻi he faʻahitaʻu māfaná.
ʻI he sio ki ai ha tokotaha, te ne folofua ia ʻi he taimi pē ʻe aʻu ai ki hono nimá.
5 ʻI he ʻaho ko iá ko Sihova ʻo e ngaahi kau taú te ne hoko ko ha kalauni lāngilangiʻia mo ha pale-ʻulu fakaʻofoʻofa ki he faʻahinga ʻoku toe ʻi hono kakaí.+ 6 Pea te ne foaki ha laumālie ʻo e fakamaau totonu ki he tokotaha ʻoku nofo ʻo faifakamāú pea ko ha matavai ʻo e mālohi ki he faʻahinga ʻoku nau fakafepakiʻi ʻa e ʻohofi ʻoku fai ʻi he matapā ʻo e koló.+
7 Pea ko e faʻahingá ni foki ʻoku nau ʻalu hē koeʻuhi ko e uainé;
Ko ʻenau ngaahi inu ʻolokaholó ʻokú ne ʻai kinautolu ke nau tāsipa.
ʻOku ʻalu hē ʻa e taulaʻeikí mo e palōfitá koeʻuhí ko e ʻolokaholó;
ʻOku ʻai kinautolu ʻe he uainé ke nau puputuʻu,
Pea ʻoku nau tāsipa tupu mei heʻenau ʻolokaholó;
Ko ʻenau vīsoné ʻokú ne ʻai kinautolu ke nau ʻalu hē,
Pea ʻoku nau veiveiua ʻi heʻenau fai ʻa e fakamāú.+
8 He ko ʻenau tēpilé ʻoku fonu ʻi he lua palakuú
—ʻOku ʻikai ha feituʻu ʻe taʻeʻiai.
9 Ko hai te ne ʻoatu ki ai ʻa e ʻiló,
Pea ko hai te ne fakamatalaʻi ki ai ʻa e pōpoakí?
Ki he faʻahinga kuo toki mavaeʻí,
ʻA e faʻahinga kuo toki mavahe mei he huhú?
10 He “ʻoku ʻosi atu ʻa e fekau, haʻu e fekau, ʻosi atu ʻa e fekau, haʻu e fekau,
ʻOsi atu ʻa e tuʻutuʻuni, haʻu e tuʻutuʻuni, ʻosi atu ʻa e tuʻutuʻuni, haʻu e tuʻutuʻuni,*+
ʻA e kiʻi meʻa ʻi hē, mo ha kiʻi meʻa ʻi hē.”
11 Ko ia fakafou ʻi ha faʻahinga ʻoku nenu ʻenau leá* mo ha lea muli, te ne lea ai ki he kakaí ni.+ 12 Naʻá ne folofola ki muʻa kiate kinautolu: “Ko eni ʻa e feituʻu mālōlōʻangá. Tuku ʻa e tokotaha ongosiá ke ne mālōlō; ko eni ʻa e feituʻu fakaivifoʻoú,” ka naʻa nau fakafisi ke fanongo.+ 13 Ko ia ʻe toe folofola ʻa Sihova kiate kinautolu:
“Ko e fekau mo ha fekau, ʻa e fekau mo e fekau,
ʻA e tuʻutuʻuni mo e tuʻutuʻuni,+ ʻa e tuʻutuʻuni mo e tuʻutuʻuni,*
ʻA e kiʻi tuʻutuʻuni ʻi hē, mo ha kiʻi tuʻutuʻuni ʻi hē,”
14 Ko ia fanongo ki he folofola ʻa Sihová, ʻa kimoutolu kau pōlepole,
ʻA kimoutolu ʻa e kau pule ʻo e kakai ko eni ʻi Selusalemá,
15 He ʻoku pehē ʻe kimoutolu kau tangata:
ʻI he hoko fakafokifā mai ʻa e tāfea mālohí,
ʻE ʻikai ke aʻu mai ia kiate kimautolu,
He kuo mau ʻai ʻa e loí ko homau hūfangaʻanga
Pea kuo mau toitoi ʻi he kākaá.”+
16 Ko ia ai, ko e folofola eni ʻa e ʻEiki Hau ko Sihová:
“Ko eni ʻoku ou fakatoka ke hoko ko ha fakavaʻe ʻi Saione ha maka kuo sivi,+
ʻOku ʻikai ha taha ʻokú ne ngāueʻi ʻa e tui ki aí ʻe ilifia.+
ʻE tafiʻi atu ʻe he ʻuha-ʻaisí ʻa e hūfangaʻanga ko e loí,
Pea ʻe tāfea ʻa e feituʻu toitoiʻangá.
18 Ko hoʻomou fuakava mo Maté ʻe fakataʻeʻaongaʻi,
ʻI he hoko fakafokifā mai ʻa e tāfea mālohí,
Te ne laiki kimoutolu.
19 Hangē ko ʻene faʻa hoko maí,
Te ne tafiʻi atu kimoutolu;+
He ʻe hoko mai ia ʻi he pongipongi ki he pongipongi,
ʻI he lolotonga ʻa e ʻahó pea ʻi he lolotonga ʻa e poʻulí.
Ko e manavaheé pē te ne ʻai ke mahino kiate kinautolu ʻa e meʻa naʻe fanongoá.”*
20 He ko e mohengá ʻoku fuʻu nounou ke fai ai ha fakaloloa,
Pea ko e tupenu kuo lalangá ʻoku fuʻu fāsiʻi ke faiʻaki ha kafu.
21 He ʻe tuʻu hake ʻa Sihova ʻo hangē ko ia naʻá ne fai ʻi Moʻunga Pilasimí;
Te ne tuʻu hake ʻo hangē ko ia naʻá ne fai ʻi he teleʻa* ofi ki Kipioné,+
Koeʻuhi ke ne fai ʻene ngāué—ʻa ʻene ngāue anga-kehé—
Pea koeʻuhi ke ne fakahoko ʻene ngāué—ʻa ʻene ngāue ʻoku taha kehe atú.+
22 Ko ia ʻoua ʻe manuki,+
Koeʻuhi ke ʻoua ʻe toe manoʻo ange ai homou ngaahi haʻí,
He kuó u fanongo mei he ʻEiki Haú, ʻa Sihova ʻo e ngaahi kau taú,
Kuo ʻosi fakapapauʻi ha fuʻu fakaʻauha ki he kotoa ʻo e fonuá.*+
23 Fokotuʻu telinga mai pea fanongo ki hoku leʻó;
Tokanga pea fanongo ki he meʻa ʻoku ou leaʻakí.
24 ʻOku fakamoleki ʻe he tokotaha palaú ʻa hono taimí kotoa ʻi he palaú ʻo ʻikai ʻaupito tūtuuʻi ha tenga ia?
ʻOku hokohoko atu pē ʻene fahi mo fakamolū ʻa ʻene konga kelekelé?+
25 ʻI he ʻosi ʻene fakatokalelei ʻa e funga kelekelé,
ʻIkai ʻokú ne fakamovete atu leva ʻa e kūmini ʻuliʻulí pea tūtuuʻi ʻa e kūminí,
Pea ʻikai ʻokú ne tō ʻa e uité, mīletí pea mo e paʻalé ʻi honau feituʻú
Pea tō takatakai ha kalasi uite kehe*+ ʻi hono ngatangataʻangá?
27 He ʻoku ʻikai ke laiki ʻa e kūmini ʻuliʻulí ʻaki ha papa ʻauʻau uite,+
Pea ʻoku ʻikai ke toho ʻa e veʻeteka ʻo ha saliote ʻi he kūminí.
Ka ʻoku haha ʻaki ha vaʻakau ʻa e kūmini ʻuliʻulí,
Pea mo e kūminí ʻaki ha tokotoko.
28 ʻOku laiki ʻe ha tokotaha ʻa e uité ke ngaohiʻaki ha mā?
ʻIkai, ʻoku ʻikai te ne haha taʻetuku ia;+
Pea ʻi heʻene toho ʻi ai ʻa e veʻeteka ʻo ʻene salioté mo ʻene fanga hōsí,
ʻOku ʻikai ke ne laiki ai ia.+
29 ʻOku haʻu mo eni foki meia Sihova ʻo e ngaahi kau taú,
ʻA ia ʻoku fakaofo ʻa ʻene akonakí*
29 “ʻOiauē ʻa ʻAlieli,* ʻa ʻAlieli, ko e kolo naʻe ʻapitanga ai ʻa Tēvitá!+
Ke hokohoko atu ʻi he taʻu ki he taʻu;
Tuku ke hokohoko atu ʻa hono fai ʻa hoʻo ngaahi kātoanga fakataʻú.+
2 Ka te u ʻomi ha mamahi ki ʻAlieli,+
Pea ʻe ʻi ai ʻa e tengihia mo e tangilāulau,+
Pea te ne hoko kiate au ʻo hangē ko e tafuʻanga afi ʻo e ʻōlita ʻo e ʻOtuá.+
3 Te u ʻapitanga mei he tafaʻaki kotoa ke tauʻi koe,
Pea te u tō ha ngaahi pou ʻakau mata māsila ke ʻākoloʻi ʻaki koe
Pea fokotuʻu ha ʻākolo fakakolotau kiate koe.+
4 ʻE fakamāʻulaloʻi koe;
Te ke lea hake mei he kelekelé,
Pea ko e meʻa te ke leaʻakí ʻe ʻikai ke mei ongo hake koeʻuhi ko e efú.
ʻE haʻu ho leʻó mei he kelekelé+
Hangē ko e leʻo ʻo ha taula faʻahikehé,
Pea ko hoʻo ngaahi leá ʻe kiokio mai mei he efú.
5 Ko e fuʻu kakai ko ho ngaahi filí* te nau hangē ha efuefu momo īkí,+
Ko e fuʻu kakai pule kakahá te nau hangē tofu pē ko e kafukafu ʻoku vilingia atú.+
Pea ʻe hoko vave ia, ʻo fakafokifā.+
6 ʻE fakahanga atu ʻe Sihova ʻo e ngaahi kau taú ʻa ʻene tokangá kiate koe
ʻAki ʻa e mana mo e mofuike mo ha fuʻu longoaʻa lahi,
ʻAki ʻa e matangi mālohi mo e taufa pea mo e ngaahi uloʻi afi ʻo ha afi faifakaʻauha.”+
7 Pea ko e fuʻu kakai ʻo e ngaahi puleʻangá kotoa ʻoku nau faitau mo ʻAlielí+
—ʻA e faʻahinga kotoa ʻoku nau faitau mo iá,
ʻA e ngaahi taua ki he taú kuo fokotuʻu ke ʻākoloʻi ʻaki iá,
Pea mo e faʻahinga ʻoku nau ʻomi ha mamahi kiate iá—
Te nau hoko ʻo hangē ha misí, ha vīsone ʻi he poʻulí.
8 ʻIo, ʻe hangē tofu pē ko ha tokotaha fiekaia ʻokú ne misi ʻoku kai,
Ka ʻi heʻene ʻā haké ʻokú ne fiekaia pē,
Pea hangē ko ha tokotaha fieinua ʻokú ne misi ʻoku inu,
Ka ʻi heʻene ʻā haké ʻokú ne ongosia pē mo fieinua.
ʻE pehē ʻa ʻene hoko ki he fuʻu kakai ʻo e ngaahi puleʻanga kotoa
ʻOku faitau ki Moʻunga Saioné.+
ʻOku nau konā, ka ʻoku ʻikai tupu mei he uainé;
ʻOku nau tāsipa, ka ʻoku ʻikai tupu mei he ʻolokaholó.
10 He kuo ʻai kimoutolu ʻe Sihova ke mou mohe maʻu fakalaumālie;+
Kuó ne tāpuni homou matá, ʻa e kau palōfitá,+
Pea kuó ne fakapūlouʻi homou ʻulú, ʻa e kau mata vīsoné.+
11 Ko e vīsone kotoa pē ʻoku hoko ia ʻo hangē kiate kimoutolu ko e ngaahi lea ʻo ha tohi kuo silaʻí.+ ʻI heʻenau ʻoange ia ki ha taha ʻoku lava ke lautohí, ʻo nau pehē ange: “Lau leʻo-lahi ange muʻa eni,” te ne pehē mai: “Heʻikai te u lava, he kuo silaʻi ia.” 12 Pea ʻi heʻenau ʻoange ʻa e tohí ki ha taha ʻoku ʻikai lava ke ne lautohí, ʻo nau pehē ange: “Lau ange muʻa eni,” te ne pehē mai: “ʻOku ʻikai ʻaupito ke u poto au he lautohí.”
13 ʻOku folofola ʻa Sihova: “ʻOku ʻunuʻunu mai ʻa e kakaí ni ʻaki honau ngutú
Pea ʻoku nau fakaʻapaʻapa kiate au ʻaki honau loungutú,+
Ka kuo hiki mamaʻo honau lotó meiate au;
Pea ko ʻenau manavahē kiate aú ʻoku makatuʻunga ʻi he ngaahi tuʻutuʻuni ʻa e tangatá ʻa ia kuo akoʻi kiate kinautolú.+
14 Ko ia ai, ko au ʻa e Tokotaha ʻa ia te u toe fai ha ngaahi meʻa fakaofo ki he kakaí ni,+
ʻA e meʻa fakaofo ʻi he funga ʻo e meʻa fakaofo;
Pea ko e poto ʻo ʻenau kau tangata potó ʻe ʻauha,
Pea ko e mahino ʻa ʻenau kau tangata fakapotopotó ʻe fufū ia.”+
15 ʻOiauē ʻa e faʻahinga ʻoku nau feinga lahi ke fūfuuʻi ʻenau ngaahi palaní* meia Sihová.+
Ko ʻenau ngaahi ngāué ʻoku fai ia ʻi ha potu fakapoʻuli,
Lolotonga ia ʻoku nau pehē: “Ko hai ʻoku sio maí?
Ko hai ia ʻokú ne ʻilo ha meʻa fekauʻaki mo kitautolu?”+
16 He mioʻi ē ʻe kimoutolu ʻa e ngaahi meʻá!*
ʻE lau koā ʻoku tatau pē ʻa e tokotaha tufunga-ʻumeá mo e ʻumeá?+
ʻE pehē koā ʻe he meʻa kuo ngaohí ʻo fekauʻaki mo e tokotaha naʻá ne ngaohi iá:
“Naʻe ʻikai te ne ngaohi au”?+
Pea ʻoku pehē koā ʻe he meʻa kuo faʻú ʻo fekauʻaki mo e tokotaha naʻá ne faʻu iá:
“ʻOku ʻikai te ne mahinoʻi ha meʻa”?+
17 ʻOku toe siʻi pē pea ʻe hoko ʻa Lepanoni ko ha ngoue fuaʻiʻakau,+
Pea ʻe lau ʻa e ngoue fuaʻiʻakaú ko ha vaotā.+
18 ʻI he ʻaho ko iá ʻe fanongo ʻa e tulí ki he ngaahi lea ʻo e tohí,
Pea ʻe sio ʻa e mata ʻo e kuí ʻi he fakapoʻulí mo e kaupōʻulí.+
19 Ko e kau anga-vaivaí te nau fiefia lahi ʻia Sihova,
Pea ko e kau masiva ʻi he lotolotonga ʻo e tangatá te nau mavava ʻi he Tokotaha Māʻoniʻoni ʻo ʻIsilelí.+
20 He ko e tokotaha pule kakahá ʻe ʻikai ke toe ʻi ai,
Ko e tokotaha pōlepolé ʻe mole atu ia,
Pea ko e faʻahinga kotoa ʻoku nau hanganaki lama ke fai ha koví ʻe fakaʻauha,+
21 ʻA e faʻahinga ʻoku nau ʻai ke halaia ʻa e niʻihi kehé ʻaki ha lea loí,
ʻOku nau fakatoka ha tauhele ki he tokotaha taukapó* ʻi he matapā ʻo e koló,+
Pea ʻi heʻenau fai ʻa e ngaahi fakaʻuhinga halá ʻoku nau taʻofi ai ʻa hono fai ʻa e fakamaau totonú ki he tokotaha māʻoniʻoní.+
22 Ko ia ko e folofola eni ʻa Sihova, ʻa ia naʻá ne huhuʻi ʻa ʻĒpalahamé,+ ki he fale ʻo Sēkopé:
23 He ʻi heʻene sio ki heʻene fānaú,
ʻA ia ko e ngāue ʻa hoku nimá, ʻi hono lotolotongá,+
Te nau fakamāʻoniʻoniʻi ʻa hoku huafá;
ʻIo, te nau fakamāʻoniʻoniʻi ʻa e Tokotaha Māʻoniʻoni ʻo Sēkopé,
Pea te nau manavahē ki he ʻOtua ʻo ʻIsilelí.+
24 Ko e faʻahinga ʻoku nau maʻu ha laumālie talangataʻá te nau maʻu ʻa e mahinó,
Pea ko e faʻahinga ʻoku lāungá te nau tali ʻa e fakahinohinó.”
30 “ʻOiauē ʻa e ngaahi foha anga-fefeká,”+ ko e fanongonongo ia ʻa Sihová,
“ʻA ia ʻoku nau fakahoko ʻa e ngaahi palani ʻoku ʻikai ʻaʻaku,+
ʻA ia ʻoku nau fai ʻa e ngaahi aleapau,* kae ʻikai ʻi hoku laumālié,
Koeʻuhi ke tānaki atu ʻa e angahala ki he funga ʻo e angahala.
2 ʻOku nau ʻalu hifo ki ʻIsipite+ ʻo ʻikai te nau fakahā mai kiate au,*+
Ke fakamalumalu ʻi he maluʻi ʻa* Feló
Pea ke kumi hūfanga ki he malu ʻo ʻIsipité!
3 Ka ko e maluʻi ʻa Feló ʻe hoko ia ko homou māʻanga,
Pea ko e hūfanga ʻi he malu ʻo ʻIsipité ʻe hoko ai ha ngalivale.+
4 He ko ʻene kau houʻeikí ʻoku nau ʻi Soani,+
Pea ko ʻene kau talafekaú kuo nau aʻu ki Hānesi.
5 ʻE fakamaaʻi kotoa kinautolu
ʻE ha kakai ʻa ia ʻoku ʻikai te nau ʻaonga kiate kinautolu,
ʻA ia ʻoku ʻikai te nau fai ha tokoni pea ʻikai hanau ʻaonga,
Ko e fakamā pē mo e ngalivale.”+
6 Ko ha fanongonongo ki he fanga manu ʻo e tongá:
ʻI he fou atu ʻi he fonua ʻo e mamahi mo e faingataʻa,
ʻO e laione, ʻa e laione ngungulu,
ʻO e ngata huhu kona mo e ngata huhu vela ʻoku puna,*
ʻOku ʻave atu ai ʻe he kau talafekaú ʻenau koloá ʻi he tuʻa ʻo e fanga ʻasí
Pea mo ʻenau ngaʻotoʻotá ʻi he tuʻa ʻo e fanga kāmelí.
Ka ʻe ʻikai ʻaonga ʻa e ngaahi meʻá ni ki he kakaí.
7 He ko e tokoni ʻa ʻIsipité ʻoku taʻeʻaonga fakaʻaufuli.+
Ko ia kuó u ui ai ia: “Ko Lēhapi,+ ʻokú ne tangutu maʻu.”
8 “Ko ia, ʻalu ʻo tohi ia ʻi ha lauʻimaka ke nau sio ki ai,
Pea hiki ia ʻi ha tohi,+
Koeʻuhi ke tauhi ia ki ha ʻaho ʻi he kahaʻú
Ko ha fakamoʻoni tuʻuloa.+
9 He ko ha kakai angatuʻu kinautolu,+ ko e ngaahi foha kākā,+
Ko e ngaahi foha ʻoku ʻikai te nau loto-lelei ke fanongo ki he lao* ʻa Sihová.+
10 ʻOku nau pehē ki he kau matalōloá, ‘ʻOua te mou sio,’
Pea ki he kau mata vīsoné, ‘ʻOua ʻe tala mai kiate kimautolu ha ngaahi vīsone moʻoni.+
Fai mai kiate kimautolu ha ngaahi talanoa fakahekeheke;* vīsone mai ʻaki ha ngaahi ʻataʻi meʻa kākā.+
11 Tafoki mei he hala totonú; afe mei he ʻalungá.
ʻAi ke ʻoua te mau toe fanongo ki he Tokotaha Māʻoniʻoni ʻo ʻIsilelí.’”+
12 Ko ia ko e meʻa eni ʻoku folofolaʻaki ʻe he Tokotaha Māʻoniʻoni ʻo ʻIsilelí:
“Koeʻuhi ko hoʻomou talitekeʻi ʻa e leá ni+
Pea mou falala ki he kākaá pea mo e loí
ʻO mou falala ki he ongo meʻá ni,+
13 Ko ia ʻe hoko ʻa e faihalá ni kiate kimoutolu ʻo hangē ha ʻā maumaú,
Hangē ha konga ʻā māʻolunga mafaʻaua ʻoku meimei holó.
ʻE holofa fakafokifā ia, ʻi ha foʻi kemo pē.
14 ʻE maumau ia hangē ha fuʻu siā ʻa ha tokotaha tufunga-ʻumeá,
ʻOku mātuʻaki mafahifahi ʻo ʻikai hano konga ʻe toe
Ke heu ʻaki ʻa e afi mei he tafuʻanga afí
Pe ke ohu ʻaki ha vai mei ha ano.”*
15 He ko e folofola eni ʻa e ʻEiki Hau ko Sihová, ʻa e Tokotaha Māʻoniʻoni ʻo ʻIsilelí:
“ʻI hoʻomou foki mai kiate au ʻo maʻu ha mālōloó, ʻe fakahaofi ai kimoutolu;
Ko hoʻomou mālohí ʻe hoko ia ʻi hoʻomou hanganaki nonga mo fakahāhā ʻa e falalá.”+
Ka naʻe ʻikai te mou loto ki ai.+
16 ʻI hono kehé, naʻa mou pehē: “ʻIkai, te mau hola kimautolu ʻi ha fanga hoosi!”
Ko ia te mou hola.
“Pea te mau heka ʻi ha fanga hoosi veʻe-vave!”+
Ko ia ʻe veʻe-vave mo e faʻahinga te nau tuli kiate kimoutolú.+
17 ʻE tetetete ha toko taha afe ʻi he fakamanamana ʻa ha toko taha;+
ʻI he fakamanamana ʻa ha toko nima te mou hola
Kae ʻoua kuo hangē ʻa e toe ʻiate kimoutolú ko ha foʻi pou ʻoku tuʻu ʻi he tumutumu ʻo ha moʻungá,
Hangē ha fuʻu pou fakaʻilonga ʻi ha foʻi māʻolungá.+
18 Ka ʻoku tatali anga-kātaki* ʻa Sihova ke fakahaaʻi atu kiate kimoutolu ʻa e hōifuá,+
Pea te ne tuʻu hake ke fakahaaʻi atu kiate kimoutolu ʻa e mēsí.+
He ko Sihová ko ha ʻOtua ʻo e fakamaau totonu.+
He fiefia ē ka ko e faʻahinga kotoa ʻoku hanganaki ʻamanaki* kiate iá.+
19 ʻI he taimi ʻe nofo ai ʻa e kakaí ʻi Saione, ʻi Selusalemá,+ heʻikai ʻaupito te ke tangi.+ Te ne fakahaaʻi moʻoni atu kiate koe ʻa e hōifuá ʻi he ongo mai ʻa hoʻo tangi ki ha tokoní; te ne fai atu ha tali kiate koe ʻi heʻene fanongo pē ki aí.+ 20 Neongo ʻe ʻoatu ʻe Sihova kiate kimoutolu ʻa e mā ko e mamahí mo e vai ko e faingataʻá,+ ʻe ʻikai ke kei fufū ʻe ho Faiako Maʻongoʻongá ʻa ia tonu, pea te ke sio ki hoʻo Faiako Maʻongoʻongá+ ʻaki ho matá tonu. 21 Pea ʻe fanongo ʻa ho telingá tonu ki ha lea mei mui ʻiate koe ʻo pehē, “Ko eni ʻa e halá.+ ʻAlu ai,” kapau te mou ʻalu ki he toʻomataʻú pe te mou ʻalu ki he toʻohemá.+
22 Pea te mou ʻuliʻi ʻa e siliva kuo kofuʻaki ʻa hoʻo ngaahi ʻīmisi kuo tongí pea mo e koula kuo kofuʻaki ʻa hoʻo ngaahi ʻīmisi mētalé.*+ Te ke laku kinautolu ʻo hangē ha tupenu ʻoku tau ai ha puke fakamāhiná peá ke pehē kiate kinautolu, “Mou mole atu!”*+ 23 Pea te ne ʻomi ʻa e ʻuha ki he tengaʻi ʻakau ʻokú ke tūtuuʻi ʻi he kelekelé,+ pea ko e mā ʻe fakatupu mai ʻe he kelekelé ʻe lahi fau mo fakatupu ivi.*+ ʻI he ʻaho ko iá ʻe kai mohuku ʻa hoʻo fanga manú ʻi ha ngaahi kaikaiʻanga ʻatāloa.+ 24 Pea ko e fanga pulu mo e fanga ʻasi ʻa ia ʻoku nau ngāueʻi ʻa e kelekelé te nau kai ʻa e meʻakai lelei kuo fio, ʻa ia naʻe ʻauʻau ʻaki ʻa e sāvolo mo e ngaahi fuʻu huhu. 25 Pea ʻi he moʻunga māʻolunga kotoa pē mo e ngaahi foʻi māʻolunga kotoa pē ʻe ʻi ai ʻa e ngaahi vai mo e ngaahi tafengavai,+ ʻi he ʻaho ʻo e tāmate lahi ʻi he holo ʻa e ngaahi tauá. 26 Pea ko e maama ʻo e māhina kātoá ʻe hangē ko e maama ʻo e laʻaá; pea ko e maama ʻo e laʻaá ʻe liunga fitu ʻa hono mālohí,+ ʻo hangē ko e maama ʻo e ʻaho ʻe fitu, ʻi he ʻaho ʻe haʻihaʻi ai ʻe Sihova ʻa e kafo* ʻo hono kakaí+ pea faitoʻo ʻa e lavea lahi ʻoku hoko mei he tā naʻá ne faí.+
27 Vakai! Ko e huafa ʻo Sihová ʻoku haʻu mei he mamaʻó,
ʻOku kakaha ʻa ʻene houhaú fakataha mo ha ngaahi konga ʻao mamafa.
Ko hono loungutú ʻoku fonu ʻi he tuputāmakí,
Pea ko hono ʻeleló ʻoku hangē ha afi faifakaʻauhá.+
28 Ko hono laumālié* ʻoku hangē ha vai ʻoku tafe mālohi mai ʻo aʻu hake ki he kiá,
Ke luluʻi ʻa e ngaahi puleʻangá ʻi ha meʻa-sivi ʻo e fakaʻauhá;*
Pea ko e ngaahi kakaí ʻe fakapiti honau kaungaó+ ʻa ia ʻe takiheeʻi ai kinautolu.
29 Ka ko hoʻomou hivá ʻe hangē ko e hiva ʻoku fai ʻi he poʻulí
ʻI hoʻo teuteu* ki ha kātoanga,+
Pea ʻe fiefia ho lotó ʻo hangē ko ha taha
ʻOku ʻalu atu ki he ifi* ʻo ha fuluta
ʻI heʻene fononga ki he moʻunga ʻo Sihová, ki he Makatuʻu ʻo ʻIsilelí.+
30 ʻE ʻai ʻe Sihova ke fanongoa ʻa hono leʻo fakangeingeiá+
Pea fakaeʻa atu ʻa e ʻalu hifo ʻa hono nimá+ ʻi he kakaha ʻo ʻene houhaú,+
Fakataha mo e uloʻi afi ʻo ha afi faifakaʻauha,+
Mo e haʻulu fakafokifā ʻa ha fuʻu lōvai+ mo ha afā ʻoku mana mo ʻuhila pea mo e ʻuha-ʻaisi.+
31 He koeʻuhi ko e leʻo ʻo Sihová, ʻe taaʻi ai ʻa ʻAsīlia ʻaki ʻa e manavahē;+
Te ne taaʻi ia ʻaki ha tokotoko.+
32 Pea ko e foʻi hapo kotoa pē ʻa hono tokotoko faitauteá
ʻA ia ʻe fakahoko hifo ʻe Sihova ki ʻAsīliá
ʻE haʻu fakataha ia mo e tā nafa mo e tā haʻape+
ʻI heʻene ofa atu hono nimá kiate kinautolu ʻi he taú.+
Kuó ne ʻai ʻa e fokotuʻunga fefié ke loloto mo fālahi,
Fakataha mo ha afi mo ha fefie lahi fau.
Ko e mānava ʻa Sihová, ʻi he hangē ko e matua mai ʻa ha sūlifá,
Te ne tutuʻi ia.
31 ʻOiauē ʻa kinautolu ʻoku ʻalu hifo ki ʻIsipite ki ha tokoní,+
ʻA ia ʻoku nau falala ki he fanga hōsí,+
ʻA ia ʻoku nau falala ki he ngaahi saliote taú koeʻuhi ko ʻene lahí,
Pea ki he fanga hoosi ki he taú* koeʻuhi ko ʻenau mālohí.
Ka ʻoku ʻikai te nau hanga ki he Tokotaha Māʻoniʻoni ʻo ʻIsilelí,
Pea ʻoku ʻikai te nau kumi kia Sihova.
2 Ka ʻokú ne poto foki pea te ne ʻomai ʻa e fakatamaki,
Pea ʻe ʻikai te ne fakafoki ʻa ʻene leá.
Te ne tuʻu hake ki he fale ʻo e kau faikoví
Pea ki he faʻahinga ʻoku nau tokoniʻi ʻa e kau faihalá.+
3 Kae kehe, ko e kau ʻIsipité ko e kau tangata pē ʻo ʻikai ko e ʻOtua;
Ko ʻenau fanga hōsí ko e kakano pē ʻo ʻikai ko e laumālie.+
ʻI he mafao atu ʻe Sihova ʻa hono nimá,
ʻIlonga ʻa ia ʻokú ne fai ha tokoní te ne humu
Pea ʻilonga ʻa ia ʻoku tokoniʻí te ne tō;
Te nau ʻauha kotoa ʻi he taimi tatau.
4 He ko e meʻa eni kuo folofolaʻaki ʻe Sihova kiate aú:
“Hangē ko e ngungulu ʻa e laioné, ha laione mui ʻa ia ʻoku mālohi, koeʻuhi ko e manu ʻokú ne poó,
ʻI hono ui ke fakatahataha mai ha kau tauhi-sipi ke nau tuli ia,
Pea ʻikai te ne manavahē ʻi honau leʻó
Pe teteki ʻi heʻenau longoaʻá,
ʻE pehē pē ʻa e hāʻele hifo ʻa Sihova ʻo e ngaahi kau tau ke faitau
Koeʻuhi ko Moʻunga Saione pea koeʻuhi ko hono tumutumú.
5 ʻI he hangē ha fanga manupuna ʻoku nau tūʻulu vave hifó, ʻe pehē hono maluʻi ʻa Selusalema ʻe Sihova ʻo e ngaahi kau tau.+
Te ne maluʻi ia pea fakamoʻui ia.
Te ne haofakiʻi ia pea fakahaofi ia.”
6 “Mou foki ki he Tokotaha kuo mataʻāʻā hoʻomou angatuʻu ki aí, ʻe kakai ʻo ʻIsileli.+ 7 He ʻi he ʻaho ko iá ʻe siʻaki ʻe he tokotaha taki taha ʻa hono ngaahi ʻotua siliva taʻeʻaongá mo hono ngaahi ʻotua koula taʻemahuʻingá, ʻa ē naʻe ngaohi ʻe homou nimá, ʻa ia ko ha angahala ia.
8 Pea ʻe tō ʻa e ʻAsīliá ʻi he heletaá, ʻo ʻikai ʻi he heletā ʻa ha tangata;
Pea ko ha heletā, ʻo ʻikai ko ha heletā ʻa ha tangata, te ne keina iá.+
Te ne hola koeʻuhi ko e heletaá,
Pea ko ʻene kau talavoú ʻe tuku kinautolu ki ha ngāue fakapōpula.
9 ʻE ʻauha ʻa ʻene makatuʻú koeʻuhi ko e mātuʻaki ilifia,
Pea ʻe manavahē ʻa ʻene kau houʻeikí koeʻuhi ko e fuʻu pou fakaʻilongá,” ko e fanongonongo ia ʻa Sihová,
ʻA ia ko ʻene māmá* ʻoku ʻi Saione pea ko ʻene fōnisé ʻoku ʻi Selusalema.
32 Vakai! ʻE pule ha tuʻi+ ʻo fakatatau ki he māʻoniʻoní,+
Pea ko hono kau houʻeikí te nau pule ʻo fakatatau ki he fakamaau totonú.
2 Pea ko e tokotaha taki taha te ne hangē ko ha feituʻu toitoiʻanga* mei he matangí,
Ko ha feituʻu maluʻanga* mei he ʻuha lōvaí,
Hangē ha ngaahi tafengavai ʻi ha fonua ʻoku ʻikai ʻi ai ha vaí,+
Hangē ko e malumalu ʻo ha fuʻu maka ʻi ha fonua pakukā.
3 Pea ko e mata ʻo e faʻahinga ʻoku sió ʻe ʻikai ke mapuni,
Pea ko e telinga ʻo e faʻahinga ʻoku fanongó ʻe tokanga.
4 Ko e loto ʻo e faʻahinga ʻoku loto-ʻohó ʻe fakalaulauloto ki he ʻiló,
Pea ko e ʻelelo nenú ʻe pōtoʻi lea mo lea mahino.+
5 Ko e tokotaha taʻeʻatamaí ʻe ʻikai ke toe ui ia ʻokú ne nima-homo,
Pea ko e tangata ʻoku ʻikai ke ne moʻuiʻaki ʻa e tuʻunga tāú ʻe ʻikai ke ui ia ko e ʻeiki;
6 He ko e tokotaha taʻeʻatamaí te ne lea launoa,
Pea te ne faʻufaʻu ʻi hono lotó ha ngaahi meʻa fakatupu maumau,+
Ke pouaki ʻa e tafoki ʻo fakafepaki ki he moʻoní* pea mo leaʻaki ʻa e meʻa ʻoku loi ʻo fekauʻaki mo Sihova,
Ke ʻai ʻa e tokotaha fiekaiá ke ne ʻalu taʻekai
Pea ʻoua ʻe ʻoange ki he tokotaha fieinuá ha meʻa ke ne inu.
7 Ko e ngaahi faʻufaʻu ʻa e tangata ʻoku ʻikai te ne moʻuiʻaki ʻa e tuʻunga tāú ʻoku kovi;+
ʻOkú ne pouaki ʻa e tōʻonga fakamā
Ke fakaʻauha ʻa e tokotaha faingataʻaʻiá ʻaki ʻa e ngaahi loi,+
Neongo hono leaʻaki ʻe he tokotaha masivá ʻa e meʻa ʻoku totonú.
8 Ka ko e tokotaha nima-homó ʻokú ne ngāue ʻi he ngaahi taumuʻa loto-fiefoaki,
Pea ʻokú ne kītaki ʻi heʻene ngaahi ngāue nima-homó.*
9 “ʻA kimoutolu kau fefine fakafiefiemālie, tuʻu hake pea fanongo mai ki hoku leʻó!
ʻA kimoutolu ngaahi ʻofefine fakataʻetaʻetokanga,+ tokanga mai ki he meʻa ʻoku ou leaʻakí!
10 Laka siʻi hake ʻi he taʻu ʻe taha, ʻe teteki ʻa kimoutolu ʻoku fakataʻetaʻetokangá,
Koeʻuhí kuo ʻikai ha fua ʻe tānaki ʻi he ʻosi ʻa e faʻahitaʻu toli kālepí.+
11 Ke tetetete ʻa kimoutolu kau fefine fakafiefiemālie!
Ke teteki ʻa kimoutolu ʻoku fakataʻetaʻetokangá!
Vete homou kofú,
Pea ʻai tauangaʻa takatakai ʻi homou kongalotó.+
12 Tuki homou fatafatá ʻi he tangilāulau
Koeʻuhi ko e ngaahi ngoue lelei mo e kālepi fua lahí.
13 He ko e kelekele ʻo hoku kakaí ʻe kāpui ia ʻe he ʻakau talatala mo e talatalaʻāmoa;
Te nau kāpui ʻa e ngaahi fale kotoa naʻe fiefiá,
ʻIo, ʻa e kolo naʻe hākailangitaú.+
14 He ko e taua fakakolotaú kuo liʻaki;
Ko e kolo longoaʻá kuo siʻaki.+
Ko ʻŌfili+ mo e taua leʻó kuó na hoko ko ha feituʻu lala tuʻuloa,
Ko ha fiefiaʻanga ki he fanga ʻasi kaivaó,
Ko ha kaikaiʻanga ki he tākangá,+
15 Kae ʻoua ke huaʻi hifo mei ʻolunga kiate kitautolu ʻa e laumālié,+
Pea ko e toafá ʻe hoko ko ha ngoue fuaʻiʻakau,
Pea ko e ngoue fuaʻiʻakaú ʻe lau ia ko ha vaotā.+
16 ʻE nofo leva ʻa e fakamaau totonú ʻi he toafá,
Pea ʻe nofo ʻa e māʻoniʻoní ʻi he ngoue fuaʻiʻakaú.+
17 Ko e ola ʻo e māʻoniʻoni moʻoní ko e melino,+
Pea ko e fua ʻo e māʻoniʻoni moʻoní ko e nonga mo e malu tuʻuloa.+
18 Ko hoku kakaí te nau nofo ʻi ha feituʻu melino,
ʻI ha ngaahi nofoʻanga malu pea ʻi ha feituʻu mālōlōʻanga ʻoku nonga.+
19 Ka ko e ʻuha-ʻaisí te ne haveki ʻa e vaotaá,
Pea ko e koló ʻe holofa fakaʻaufuli.
20 Fiefia ē ko kimoutolu ʻoku mou tūtuuʻi ʻa e tengá ʻi he veʻe vai kotoa pē,
33 ʻOiauē ʻa koe, ʻa koe tokotaha faifakaʻauha kuo teʻeki ke fakaʻauhá;+
ʻA koe tokotaha kākā kuo teʻeki ke fai ha kākā kiate koé!
ʻI he ʻosi hoʻo faifakaʻauhá, ʻe fakaʻauha koe.+
ʻI he ʻosi ʻa hoʻo faikākaá, ʻe kākaaʻi koe.
2 ʻE Sihova, ke ke hōifua mai kiate kimautolu.+
ʻOku ʻiate koe ʻemau ʻamanakí.
Ke ke hoko ko homau nima*+ ʻi he pongipongi kotoa pē,
ʻIo, ko homau fakamoʻui ʻi he taimi ʻo e mamahí.+
3 ʻI he ongo mai ʻa e longoaʻá ʻoku feholaki ʻa e ngaahi kakaí.
ʻI hoʻo mālanga haké, ʻoku movetevete ʻa e ngaahi puleʻangá.+
4 ʻI he hangē ko e tānaki ʻoku fai ʻe he fanga heʻe maumaú, ʻe pehē ʻa hono tānaki ʻa hoʻomou koloa veté;
ʻE fakavave ki ai ʻa e kakaí ʻo hangē ha ngaahi pupunga heʻé.
5 ʻE hakeakiʻi ʻa Sihova,
He ʻokú ne ʻafio ʻi he taukakapá.
Te ne fakafonu ʻa Saione ʻaki ʻa e fakamaau totonu mo e māʻoniʻoni.
6 Ko ia ʻa e maʻumaʻulutaʻanga ʻi ho taimí;
ʻOku lahi ʻa e fakamoʻuí,+ potó, ʻiló, pea mo e manavahē kia Sihová+
—Ko eni ʻa ʻene koloá.
7 Vakai! Ko ʻenau kau toʻá ʻoku nau kalanga ʻi he halá;
Ko e kau talafekau ʻo e melinó ʻoku nau tangi mamahi.
8 Kuo liʻaki ʻa e ngaahi hala lahí;
ʻOku ʻikai ha taha ʻe fononga ʻi he ngaahi ʻaluʻangá.
Kuó ne* maumauʻi ʻa e fuakavá;
Kuó ne liʻaki ʻa e ngaahi koló;
ʻOku ʻikai te ne tokaʻi ʻa e tangata ko e meʻa noa peé.+
9 ʻOku mamahi* mo mae ʻa e fonuá.
ʻOku mā ʻa Lepanoni;+ kuo ʻauʻaunga ia.
Ko Sāloni kuó ne hangē ko e toafá,
Pea ko Pēsani mo Kāmeli ʻokú na lulu ke ngangana ʻa hona laú.+
10 “Ko eni te u mālanga hake,” ko e folofola ia ʻa Sihová,
“Ko eni te u hakeakiʻi au;+
Ko eni te u ʻai au ke u hoko ʻo lahi.
11 ʻOku mou feitamaʻi ʻa e musie mōmoá pea mou fanauʻi ʻa e tukeʻi uité.
Ko hoʻomou hehema fakaefakakaukaú te ne keina kimoutolu ʻo hangē ha afí.+
12 Pea ko e ngaahi kakaí te nau hangē ha lahe kuo tutú.
Hangē ko hono tutuʻu ʻa e ʻakau talatalá, ʻe tutu kinautolu ʻaki ʻa e afi.+
13 Ko kimoutolu ʻoku ʻi he mamaʻó, fanongo ki he meʻa te u faí!
Pea ko kimoutolu ʻoku ofi maí, ʻai ke mou ʻilo ʻa hoku mālohí!
14 Ko e kau angahala ʻi Saioné ʻoku nau tailiili;+
Kuo maʻu ʻe he teté ʻa e kau tafoki ʻo fakafepaki ki he moʻoní:
‘Ko hai ʻiate kitautolu ʻe lava ke nofo ʻi he feituʻu ʻoku ʻi ai ha afi fakaʻauhá?+
Ko hai ʻiate kitautolu ʻe lava ke nofo fakataha mo e ngaahi uloʻi afi ʻoku taʻealatāmateʻí?’
15 Ko e tokotaha ʻoku ʻaʻeva maʻu pē ʻi he māʻoniʻoní,+
ʻOkú ne leaʻaki ʻa e meʻa ʻoku totonú,+
ʻOku ʻikai te ne tali ʻa e koloa ʻoku maʻu ʻi he taʻefaitotonu mo e kākaá,
ʻOku talitekeʻi ʻe hono nimá ha totongi fufū ʻo ʻikai ala ki ai,+
ʻOkú ne tāpuni ʻa hono telingá ʻi ha talanoa ki he lingitotó,
Pea ʻoku kuikui ʻa hono matá ke ʻoua te ne sio ki he meʻa ʻoku koví
16 —Te ne nofo ʻi he ngaahi feituʻu māʻolunga;
Ko hono hūfangaʻanga malú* ʻe ʻi he ngaahi makatuʻú,
ʻE tokonaki ange pē ʻa ʻene maá,
Pea ko ʻene maʻuʻanga vaí ʻe ʻikai ke ʻosi.”+
17 ʻE sio ho matá ki ha tuʻi ʻi hono lāngilangí;
ʻE sio ia ki ha fonua mamaʻo.
18 Te ke manatu* ʻi ho lotó ki he taimi fakamanavaheé:
“Ko fē ʻa e sekelitalí?
Ko fē ʻa e tokotaha naʻá ne fua ke ʻilo ʻa e mamafa ʻo e tukuhaú?+
Ko fē ʻa e tokotaha naʻá ne lau ʻa e ngaahi tauá?”
19 ʻE ʻikai te ke toe sio ki he kakai anga-taʻetokaʻí,
Ko ha kakai ʻa ia ko ʻenau leá ʻoku fuʻu faingataʻa* ke mahinoʻi,
ʻA ia ko honau ʻelelo nenú ʻe ʻikai lava ke ke mahinoʻi.+
20 Vakai atu ki Saione, ʻa e kolo ʻoku fai ai ʻetau ngaahi kātoangá!+
ʻE sio ho matá ki Selusalema ko ha feituʻu nofoʻanga nonga,
Ko ha tēniti ʻa ia ʻe ʻikai hiki.+
ʻE ʻikai ʻaupito ke taʻaki ʻa hono ngaahi piné,
Pea ʻe ʻikai hano maea ʻe motuhi.
21 Ka ʻoku ʻi ai ʻa e Tokotaha Lāngilangiʻiá, ʻa Sihova,
Te ne hoko kiate kitautolu ko ha feituʻu ʻo e ngaahi vaitafe, ʻo e ngaahi mangaʻivai lalahi,
ʻA ia ʻe ʻikai ʻalu atu ai ha ngaahi vaka ʻaʻalo
Pea ʻe ʻikai fou ai ha ngaahi vaka lalahi.
22 He ko Sihova ʻa hotau Fakamāú,+
Ko Sihova ʻa hotau Tokotaha Foaki-Laó,+
Ko Sihova ʻa hotau Tuʻí;+
Ko ia ʻa e Tokotaha te ne fakahaofi kitautolú.+
23 Ko e ngaahi maea ʻa e filí ʻe homohomo;
ʻE ʻikai lava ke ne pukepuke ʻa e fanaá pe ʻai ke mafola atu ʻa e laá.
ʻI he taimi ko iá ʻe vahevahe ai ha koloa vete lahi;
Naʻa mo e tokotaha heké te ne ʻave ha koloa vete lahi.+
24 Pea ʻe ʻikai ha taha ʻoku nofo ai te ne pehē: “ʻOku ou puke.”+
Ko e kakai ʻoku nofo ʻi he fonuá ʻe fakamolemoleʻi ʻa ʻenau faihalá.+
34 Mou haʻu ke ofi ʻo fanongo, ʻa kimoutolu ngaahi puleʻanga,
Pea mou tokanga, ʻa kimoutolu ngaahi kakai.
Tuku ke fanongo ʻa e māmaní mo e meʻa ʻokú ne fakafonu iá,
ʻA e fonuá mo e kotoa ʻo hono fuá.
2 He ko e tuputāmaki ʻa Sihová ʻoku tō ki he kotoa ʻo e ngaahi puleʻangá,+
Pea ko ʻene houhaú ʻoku tō ki he kotoa ʻo ʻenau kau taú.+
Te ne tuku atu kinautolu ki he fakaʻauha;
Te ne ʻoatu kinautolu ke tāmateʻi.+
3 Ko ʻenau kau maté ʻe laku ki tuʻa,
Pea ʻe ʻalu hake ʻa e nanamu ʻo honau ngaahi ʻangaʻangá;+
4 Ko e kotoa ʻo e kau tau ʻo e ngaahi langí te nau ʻauʻaunga,
Pea ʻe takatakaiʻi ʻa e ngaahi langí hangē ha takainga tohí.
Ko e kotoa ʻo ʻenau kau taú te nau mae,
Hangē ko e ngangana ʻa e lau ʻoku maé mei he fuʻu kālepí
Pea mo e ngangana ʻa ha foʻi fiki fuo-mate mei he fuʻu fikí.
5 “He ʻi he ngaahi langí ʻe ngaunu ai ʻa ʻeku heletaá ʻi he toto.+
ʻE ʻalu hifo ia ki ʻĪtomi ʻi he fakamāú,+
Ki he kakai ʻa ia kuó u tuku atu ki he fakaʻauhá.
6 ʻOku ʻi ai ha heletā ʻa Sihova; ʻe ʻufiʻufi ia ʻe he totó.
ʻE ʻufiʻufi ia ʻe he ngakó,+
ʻI he toto ʻo e fanga kiʻi sipi tangata mo e fanga kosi,
ʻI he ngako ʻo e kofuua ʻo e fanga sipi tangatá.
He ʻoku ʻi ai ha feilaulau ʻa Sihova ʻi Pōsila,
Ko ha tāmate lahi ʻi he fonua ko ʻĪtomí.+
7 ʻE ʻalu hifo fakataha mo kinautolu ʻa e fanga pulu kaivaó ke tāmateʻi,
ʻA e fanga pulu mui mo e fanga pulu mālohi.
ʻE ngaunu honau fonuá ʻi he totó,
Pea ʻe fonu ngako ʻa e efu ʻo honau fonuá.”
9 Ko hono* ngaahi vaitafé ʻe liliu ʻo hoko ko e valitā,
Pea ko hono efú ʻe hoko ko e sūlifa,
Pea ko hono fonuá ʻe hoko ʻo hangē ha valitā velá.
10 ʻE ʻikai ke mate ia ʻi he poʻulí pe ʻi he ʻahó;
ʻE ʻalu hake maʻu ai pē ʻa hono kohú ʻo taʻengata.
Te ne hoko ai pē ko e koto ʻauha mei he toʻutangata ki he toʻutangata;
ʻE ʻikai ke fou ai ha taha ʻo taʻengata pea taʻengata.+
11 ʻE maʻu ia ʻe he pelikaní mo e pōkiupainé,
Pea ko e fanga lulu telinga lōloá mo e fanga lēvení te nau nofo ai.
Te ne fua ʻa e fonuá ni ʻaki ha afo fua mo ha palamu* ke fakahaaʻi,
ʻE hoko ia ʻo kaʻanga mo ʻauha.
12 Heʻikai ha taha ʻo ʻene kau māʻolungá ʻe ui ke hoko ko e tuʻi,
Pea ko e kotoa ʻo ʻene kau houʻeikí ʻe ʻikai te nau toe ʻi ai.
13 ʻE tupu ʻa e ʻakau talatalá ʻi hono ngaahi taua fakakolotaú,
Mo e talatalaʻāmoá mo e vao talatalá ʻi hono ngaahi feituʻu fakakolotaú.
Te ne hoko ko ha nofoʻanga ʻo e fanga siakalí,+
Mo ha lotoʻā ki he fanga ʻositalesí.
14 ʻE toki fetaulaki ʻa e ngaahi meʻamoʻui ʻo e toafá mo e fanga manu ʻoku kāloú,
Pea ʻe ui ʻa e kosi kaivaó* ki hono takangá.
ʻIo, ʻe nofo ai ʻa e manupuna ʻo e poʻulí* pea maʻu ai hano feituʻu mālōlōʻanga.
15 ʻE faʻu ai ʻe he ngatá ʻa hono nofoʻangá pea fakatō fua ai,
Pea te ne fofoaʻi kinautolu ʻo tānaki fakataha mai ki hono malumalú.
ʻIo, ʻe fakatahataha ai ʻa e fanga lofá, ʻa e lofa taki taha mo hono hoa.
16 Kumi ʻi he tohi ʻa Sihová pea lau leʻo-lahi ia:
ʻE ʻikai tō hanau toko taha;
ʻE ʻikai ha taha ʻo kinautolu ʻe taʻeʻiai hano hoa,
He ko e fofonga ʻo Sihová kuo haʻu mei ai ʻa e tuʻutuʻuní,
Pea ko hono laumālié kuó ne fakatahatahaʻi kinautolú.
17 Ko ia ʻa e Tokotaha kuó ne fai ʻa e lulu maʻanautolú,
Pea ko hono nimá tonu kuó ne fua ʻa e feituʻu kuo vaheʻi kiate kinautolú.*
Te nau maʻu ia ʻo taʻengata;
Te nau nofo ai ʻi he ngaahi toʻutangatá kotoa.
35 ʻE fiefia ʻa e toafá mo e fonua pakukaá,+
Pea ʻe mavava ʻa e toafa tokaleleí pea matala ʻo hangē ko e lilé.+
Te nau sio ki he lāngilangi ʻo Sihová, ʻa e ngeia ʻa hotau ʻOtuá.
4 Lea ki he faʻahinga ʻoku loto-hohaʻá:
“Ke mou mālohi. ʻOua ʻe ilifia.
Vakai! ʻE hāʻele mai homou ʻOtuá fakataha mo e sāuni,
ʻE hāʻele mai ʻa e ʻOtuá mo e tautea.+
Te ne hāʻele mai ʻo fakahaofi kimoutolu.”+
6 ʻI he taimi ko iá ʻe hopo ʻa e heké ʻo hangē ko e tiá,+
Pea ʻe kaila ʻi he fiefia ʻa e ʻelelo ʻo e noá.+
He ʻe pā mai ʻa e ngaahi vai ʻi he toafá,
Mo e ngaahi vaitafe ʻi he toafa tokaleleí.
7 ʻE hoko ʻa e kelekele kuo pakukā ʻi he velá ko ha vai kahoʻia,
Mo e kelekele fieinuá ko e ngaahi matavai.+
Ko e feituʻu ʻoku mālōlō ai ʻa e fanga siakalí,+
ʻE ʻi ai ʻa e musie lanu mata mo e kaho pea mo e pepailo.
ʻE ʻikai ke fononga ai ʻa e tokotaha taʻemaʻá.+
ʻOku tuku tauhi pē ia ki he tokotaha ʻoku ʻaʻeva ʻi he halá;
ʻE ʻikai ke afe ki ai ha tokotaha vale.
9 ʻE ʻikai ke ʻi ai ha laione,
Pea ʻe ʻikai ke haʻu ki ai ha fanga manu fekai.
10 Ko kinautolu kuo huhuʻi ʻe Sihová te nau foki mai+ ʻo haʻu ki Saione fakataha mo ha kaila fiefia.+
ʻE fakakalauni honau ʻulú ʻaki ʻa e fiefia taʻengata.+
ʻE ʻanautolu ʻa e mavava mo e nēkeneka,
Pea ʻe hola meiate kinautolu ʻa e mamahí mo e māpuhoí.+
36 ʻI he taʻu hono 14 ʻo e pule ʻa Tuʻi Hesekaiá, naʻe ʻalu hake ai ʻa Senakalipe ko e tuʻi ʻo ʻAsīliá+ ke tauʻi ʻa e ngaahi kolo fakakolotau kotoa pē ʻo Siutá pea hamu ia.+ 2 Naʻe fekauʻi atu leva ʻe he tuʻi ʻo ʻAsīliá ʻa e Lapisaké*+ fakataha mo ha fuʻu kau tau mei Lākisi+ ki Selusalema kia Tuʻi Hesekaia. Naʻa nau tuʻu ʻi he veʻe fakatafenga vai ʻo e kiʻi vai ʻi ʻolungá,+ ʻa ia ʻoku ʻi he hala lahi ʻo e konga kelekele ʻo e tangata foó.+ 3 Pea ko ʻIlaiakimi+ ko e foha ʻo Hilikaiá, ʻa ia naʻá ne tokangaʻi ʻa e falé,* mo Sepinā+ ko e sekelitalí, pea mo Sioa ko e foha ʻo ʻĒsafe ko e tokotaha hiki fakamatalá naʻa nau ʻalu atu kiate ia.
4 Ko ia naʻe pehē ange ʻe he Lapisaké kiate kinautolu: “Kātaki ʻo tala kia Hesekaia, ‘Ko eni ʻa e folofola ʻa e tuʻi lahí, ʻa e tuʻi ʻo ʻAsīliá: “ʻOku makatuʻunga ʻi he hā ʻa hoʻo falalá?+ 5 ʻOkú ke pehē, ‘ʻOku ou maʻu ʻa e poto mo e mālohi ke faitau,’ ka ko e ngaahi lea launoa ia. Ko hai ʻokú ke falala ki aí, ʻo ke fakatoʻotoʻa ai ke angatuʻu mai kiate aú?+ 6 Vakai! ʻOkú ke falala ki he tokoni ʻa e kaho kuo laiki ko ena ko ʻIsipité, ʻa ia ka faʻaki atu ki ai ha tangata ʻe matuʻu ia ʻi hono lauʻinimá ʻo ne lavea ai. ʻOku pehē pē ʻa Felo ko e tuʻi ʻo ʻIsipité ki he faʻahinga kotoa ʻoku falala kiate iá.+ 7 Pea kapau te ke pehē mai kiate au, ‘ʻOku mau falala kia Sihova ko homau ʻOtuá,’ ʻikai ko e tokotaha ia ʻa ia ko hono ngaahi potu māʻolungá ē mo e ngaahi ʻōlitá kuo toʻo ʻe Hesekaiá,+ lolotonga ia ʻokú ne pehē ki Siuta mo Selusalema, ‘ʻOku totonu ke mou punou ʻi he ʻao ʻo e ʻōlita ko ení’?”’+ 8 Ko ia ke ke fai muʻa ʻa e aleapau ko ení mo hoku ʻeiki ko e tuʻi ʻo ʻAsīliá:+ Te u ʻoatu kiate koe ʻa e hoosi ʻe 2,000 kapau ʻe lava ke ke maʻu ha faʻahinga ʻoku tokolahi feʻunga ke nau heka ai. 9 ʻE lava fēfē leva ke ke talitekeʻi naʻa mo ha kōvana ʻe taha ko e siʻi taha ia ʻi he kau sevāniti ʻa hoku ʻeikí, lolotonga ia ʻokú ke fakafalala ki ʻIsipite ki ha ngaahi saliote pea mo ha kau tangata heka hōsí? 10 Pea naʻe ʻikai koā ke fakamafaiʻi ʻe Sihova ʻa ʻeku ʻalu hake ki he fonuá ni ke fakaʻauha iá? Naʻe folofola tonu mai ʻa Sihova kiate au, ‘ʻAlu hake ki he fonuá ni ʻo fakaʻauha ia.’”
11 ʻI he meʻá ni naʻe pehē ange ʻe ʻIlaiakimi, mo Sepinā,+ pea mo Sioa ki he Lapisaké:+ “Lea mai muʻa ki hoʻo kau sevānití ʻi he lea faka-Alameá,*+ he ʻoku lava ke mau mahinoʻi ia; ʻoua te ke lea mai kiate kimautolu ʻi he lea ʻa e kau Siú ke fanongo ki ai ʻa e kakai ʻoku ʻi he ʻaá.”+ 12 Ka naʻe pehē ange ʻe he Lapisaké: “Ko ho ʻeikí pē koā pea mo koe naʻe fekauʻi mai au ʻe hoku ʻeikí ke u leaʻaki ki ai ʻa e ngaahi leá ni? ʻIkai ʻoku toe kau foki ki ai mo e kau tangata ʻoku nau tangutu ʻi he ʻaá, ʻa e faʻahinga te nau kai honau kinohaʻa ʻonautolú mo inu ʻenau tuʻuofi ʻanautolú fakataha mo kimoutolú?”
13 Pea naʻe tuʻu ʻa e Lapisaké ʻo ne kalanga leʻo-lahi atu ʻi he lea ʻa e kau Siú,+ ʻo pehē: “Fanongo ki he folofola ʻa e tuʻi lahí, ʻa e tuʻi ʻo ʻAsīliá.+ 14 Ko eni ʻa e folofola ʻa e tuʻí, ‘ʻOua naʻa tuku ʻa Hesekaia ke ne kākaaʻi kimoutolu, he ʻoku ʻikai malava ke ne fakahaofi kimoutolu.+ 15 Pea ʻoua naʻa tuku ʻa Hesekaia ke ne ʻai kimoutolu ke mou falala kia Sihova+ ʻi heʻene pehē: “ʻE fakahaofi moʻoni kitautolu ʻe Sihova, pea ko e koló ni ʻe ʻikai tuku ia ki he nima ʻo e tuʻi ʻo ʻAsīliá.” 16 ʻOua ʻe fanongo kia Hesekaia, he ko eni ʻa e folofola ʻa e tuʻi ʻo ʻAsīliá: “Fai ha fakamelino mo au pea tukulolo,* pea ko e tokotaha taki taha ʻo kimoutolu te ne kai mei hono fuʻu kālepi pē ʻoʻona pea mei hono fuʻu fiki pē ʻoʻona pea te ne inu ʻa e vai mei hono lepa pē ʻoʻona, 17 kae ʻoua ke u ʻalu atu ʻo ʻave kimoutolu ki ha fonua ʻoku hangē ko homou fonuá tonu,+ ko ha fonua ʻo e uite mo e uaine foʻou, ko ha fonua ʻo e mā mo e ngaahi ngoue kālepi. 18 ʻOua naʻa tuku ke takihalaʻi kimoutolu ʻe Hesekaia, ʻi heʻene pehē, ‘ʻE fakahaofi kitautolu ʻe Sihova.’ Kuo fakahaofi koā ʻe ha taha ʻo e ngaahi ʻotua ʻo e ngaahi puleʻangá honau fonuá mei he nima ʻo e tuʻi ʻo ʻAsīliá?+ 19 Ko fē ʻa e ngaahi ʻotua ʻo Hēmati mo ʻĀpatí?+ Ko fē ʻa e ngaahi ʻotua ʻo Sipalavaimí?+ Pea kuo nau fakahaofi koā ʻa Samēlia mei hoku nimá?+ 20 Ko hai ʻi he ngaahi ʻotua kotoa ʻo e ngaahi fonuá ni kuó ne fakahaofi honau fonuá mei hoku nimá, ke pehē ai ʻe fakahaofi ʻe Sihova ʻa Selusalema mei hoku nimá?”’”+
21 Ka naʻa nau hanganaki fakalongolongo pē pea ʻikai te nau puʻaki ha foʻi lea ʻe taha ʻo fai ha tali kiate ia, he naʻe tuʻutuʻuni ʻe he tuʻí, “Kuo pau ke ʻoua naʻa mou fai ha tali kiate ia.”+ 22 Ka naʻe haʻu kia Hesekaia ʻa ʻIlaiakimi ko e foha ʻo Hilikaiá, ʻa ia naʻá ne tokangaʻi ʻa e falé,* mo Sepinā+ ko e sekelitalí, pea mo Sioa ko e foha ʻo ʻĒsafe ko e tokotaha hiki fakamatalá kuo hae honau ngaahi kofú pea nau fakahā kiate ia ʻa e ngaahi lea ʻa e Lapisaké.
37 ʻI he fanongo pē ki he meʻá ni ʻa Tuʻi Hesekaiá, naʻá ne hae ʻa hono ngaahi kofú pea ʻai tauangaʻa peá ne hū ki he fale ʻo Sihová.+ 2 Naʻá ne fekauʻi atu leva ʻa ʻIlaiakimi, ʻa ia naʻá ne tokangaʻi ʻa e falé,* mo Sepinā ko e sekelitalí, pea mo e kau tangata taʻumotuʻa ʻi he kau taulaʻeikí, ʻa ia kuo nau ʻai tauangaʻá, ki he palōfita ko ʻAiseá,+ ʻa e foha ʻo ʻĀmosí. 3 Naʻa nau pehē ange kiate ia: “Ko eni ʻa e folofola ʻa Hesekaiá, ‘Ko e ʻaho ní ko ha ʻaho ia ʻo e mamahi, ʻo e valoki,* pea mo e ngalivale; he kuo teu ke fanauʻi* ʻa e fānaú, ka ʻoku ʻikai ha mālohi ke fanauʻi kinautolu.+ 4 Mahalo pē ʻe fanongo mai ʻa Sihova ko ho ʻOtuá ki he ngaahi lea ʻa e Lapisaké, ʻa ē naʻe fekauʻi mai ʻe heʻene ʻeiki ko e tuʻi ʻo ʻAsīliá ke ne lumaʻaki ki he ʻOtua moʻuí,+ pea te ne ʻekeʻi kiate ia ʻa e ngaahi lea kuo fanongo ki ai ʻa Sihova ko ho ʻOtuá. Ko ia ke ke fai ha lotu+ maʻá e toenga ko ia kuo nau haó.’”+
5 Ko ia naʻe ʻalu atu ʻa e kau sevāniti ʻa Tuʻi Hesekaiá kia ʻAisea,+ 6 pea naʻe pehē ange ʻe ʻAisea kiate kinautolu: “Ko e meʻa eni te mou leaʻaki ki homou ʻeikí, ‘Ko e folofola eni ʻa Sihová: “ʻOua naʻá ke ilifia+ koeʻuhí ko e ngaahi lea naʻá ke fanongoá, ʻa e ngaahi lea ʻa ia naʻe laukovi ʻaki kiate au ʻe he kau tamaioʻeiki ʻa e tuʻi ʻo ʻAsīliá.+ 7 Ko eni ʻoku ou ʻai ha fakakaukau ki hono ʻatamaí,* pea te ne fanongo ki ha ongoongo pea foki ki hono fonua ʻoʻoná;+ pea te u ʻai ia ke ne tō ʻi he heletā ʻi hono fonua pē ʻoʻoná.”’”+
8 ʻI he hili ʻa e fanongo ʻa e Lapisaké kuo mavahe ʻa e tuʻi ʻo ʻAsīliá mei Lākisí, naʻá ne foki kiate ia ʻo ne maʻu atu ʻokú ne tauʻi ʻa Līpina.+ 9 Pea naʻe fanongo ʻa e tuʻí ki he lau ʻo fekauʻaki mo Tuʻi Tilaka ʻo ʻItiopeá: “Kuó ne haʻu ke tauʻi koe.” ʻI heʻene fanongo ʻi he meʻá ni, naʻá ne toe fekauʻi atu ai ha kau talafekau kia Hesekaia,+ ʻo pehē: 10 “Ko e meʻa eni te mou leaʻaki kia Tuʻi Hesekaia ʻo Siutá, ‘ʻOua naʻa tuku ke kākaaʻi koe ʻe ho ʻOtua ʻa ia ʻokú ke falala ki aí ʻaki ʻa e pehē: “ʻE ʻikai ke tuku ʻa Selusalema ki he nima ʻo e tuʻi ʻo ʻAsīliá.”+ 11 Vakai! Kuó ke fanongo ʻi he meʻa naʻe fai ʻe he ngaahi tuʻi ʻo ʻAsīliá ki he ngaahi fonuá kotoa ʻaki hono tuku atu kinautolu ki he fakaʻauhá.+ ʻE fakahaofi toko taha koā koe? 12 Naʻe fakahaofi koā kinautolu ʻe he ngaahi ʻotua ʻo e ngaahi puleʻangá ʻa ia naʻe fakaʻauha ʻe heʻeku fanga kuí?+ Ko fē ai ʻa Kōsani, Hālani,+ Lesafi, pea mo e kakai ʻo ʻĪteni ʻa ia naʻa nau ʻi Tela-lasá? 13 Ko fē ai ʻa e tuʻi ʻo Hēmatí, ko e tuʻi ʻo ʻĀpatí, pea mo e tuʻi ʻo e kolo ko Sipalavaimi,+ ʻo Hena, pea mo ʻIvá?’”
14 Naʻe toʻo ʻe Hesekaia ʻa e ngaahi tohí mei he nima ʻo e kau talafekaú peá ne lau ia. Naʻe ʻalu hake leva ʻa Hesekaia ki he fale ʻo Sihová ʻo ne folahi kinautolu* ʻi he ʻao ʻo Sihová.+ 15 Pea naʻe kamata ke lotu ʻa Hesekaia kia Sihova+ ʻo pehē: 16 “ʻE Sihova ʻo e ngaahi kau tau,+ ko e ʻOtua ʻo ʻIsilelí, ʻokú ke ʻafio ʻi he taloni ʻi ʻolunga ʻi he* ongo selupimí, ko koe pē toko taha ʻa e ʻOtua moʻoni ʻo e ngaahi puleʻanga kotoa ʻo e māmaní. Naʻá ke ngaohi ʻa e langí pea mo e māmaní. 17 Fokotuʻu telinga mai muʻa, ʻe Sihova, peá ke fanongo!+ Hāngaifofonga mai, ʻe Sihova, peá ke ʻafio mai!+ Fanongo ki he ngaahi lea kotoa kuo ʻomi ʻe Senakalipe ke lumaʻi ʻaki ʻa e ʻOtua moʻuí.+ 18 Ko e moʻoni, ʻe Sihova, kuo fakaʻauha ʻe he ngaahi tuʻi ʻo ʻAsīliá ʻa e ngaahi fonuá kotoa,+ pea pehē ki he fonua ʻonautolú. 19 Pea kuo nau laku honau ngaahi ʻotuá ki he afí,+ koeʻuhí naʻe ʻikai ko e ngaahi ʻotua kinautolu ka ko e ngāue ʻa e nima ʻo e tangatá,+ ko e ʻakau pea mo e maka. Ko e ʻuhinga ia naʻe lava ai ke nau fakaʻauha kinautolú. 20 Ka ko eni, ʻe Sihova ko homau ʻOtua, fakahaofi kimautolu mei hono nimá, koeʻuhí ke ʻiloʻi ai ʻe he ngaahi puleʻanga kotoa pē ʻo e māmaní ko koe toko taha pē ʻa e ʻOtuá, ʻe Sihova.”+
21 Naʻe ʻoatu leva ʻe ʻAisea ko e foha ʻo ʻĀmosí ʻa e pōpoakí ni kia Hesekaia: “Ko e meʻa eni ʻoku folofolaʻaki ʻe Sihova ko e ʻOtua ʻo ʻIsilelí, ‘Koeʻuhí naʻá ke lotu mai kiate au ʻo fekauʻaki mo Tuʻi Senakalipe ʻo ʻAsīliá,+ 22 ko e meʻa eni kuo folofolaʻaki ʻe Sihova kiate iá:
“Ko e ʻofefine kei nofo anga-maʻa ʻo Saioné ʻokú ne taʻetokaʻi koe, ʻokú ne katakataʻi koe.
Ko e ʻofefine ʻo Selusalemá ʻokú ne kalokalo ʻa hono ʻulú kiate koe.
23 Ko hai ia kuó ke lumaʻi+ mo laukovi ki aí?
Ko hai ia kuó ke hiki hake ho leʻó ki aí+
Pea fakamāhiki ki ai ho matá ʻi he hīkisiá?
Ko e Tokotaha Māʻoniʻoni ia ʻo ʻIsilelí!+
24 Fakafou ʻi hoʻo kau sevānití kuó ke lumaʻi ai ʻa Sihova+ mo pehē,
‘ʻI heʻeku ngaahi fuʻu saliote taú
Te u ʻalu hake ai ki he tumutumu ʻo e ngaahi moʻungá,+
ʻA e ngaahi feituʻu mamaʻo taha ʻo Lepanoní.
Te u tā hifo ʻa hono ʻulu sita māʻolungá, ʻa hono ʻulu siunipa lelei tahá.
Te u hū ki hono ngaahi feituʻu mālōlōʻanga māʻolunga tahá, ki hono ngaahi vaotā fihi tahá.
25 Te u keli ha ngaahi vaitupu pea inu ʻa e vai;
Te u fakamātuʻu ʻa e ngaahi vaitafe* ʻo ʻIsipité ʻaki ʻa hoku ʻaofivaʻé.’
26 Kuo ʻikai koā te ke fanongo ai? Talu mei muʻa mo hono fakapapauʻi ia.*
Mei he ngaahi ʻaho kuo mahili atú kuó u teuteu* ia.+
Ko eni te u fakahoko ia.+
Te ke fulihi ʻa e ngaahi kolo fakakolotaú ke hoko ko e ngaahi fokotuʻunga maumau ʻa ia kuo liʻaki.+
27 Ko honau kakaí ʻe ʻikai hanau tokoni;
Te nau manavahē pea ʻe fakamaaʻi.
Te nau hoko ʻo hangē ko e mohuku ʻo e vaó mo e musie lanu matá,
Hangē ko e musie ʻo e ngaahi ʻató ʻa ia kuo māngia tupu mei he matangi hahaké.
28 Ka ʻoku ou ʻiloʻi lelei ʻa e taimi ʻokú ke nofo hifo aí, mo hoʻo ʻalu atú, mo hoʻo hū maí,+
Mo e taimi ʻokú ke tōlili mai ai kiate aú,+
29 Koeʻuhi ko hoʻo tōlili mai kiate au+ pea aʻu mai ʻa hoʻo kalangá ki hoku telingá.+
Ko ia te u ʻai ai ʻa ʻeku mātaʻú ki ho ihú mo ʻeku pití+ ki he vahaʻa ʻo ho loungutú,
Pea te u taki fakafoki koe ʻi he hala naʻá ke haʻu aí.”
30 “‘Pea ko eni ʻa e fakaʻilonga kiate koé:* ʻI he taʻú ni te ke kai ai ʻa e meʻa ʻoku tupu ʻiate ia peé;* pea ʻi he taʻu hono uá te ke kai ai ʻa e uite ʻoku huli hake mei aí; ka ʻi he taʻu hono tolú te mou tūtuuʻi ai ʻa e tengá pea tuʻusi, pea te mou tō ʻa e ngaahi ngoue kālepi pea kai ʻa honau fuá.+ 31 Ko e faʻahinga ko ia ʻo e fale ʻo Siutá ʻa ia ʻoku haó, ʻa e faʻahinga ʻoku toé,+ te nau faiaka ʻi lalo pea laku fua ʻi ʻolunga. 32 He ʻe ʻalu atu ha toenga mei Selusalema mo e kau hao mei Moʻunga Saione.+ Ko e faivelenga ʻa Sihova ʻo e ngaahi kau taú te ne fai ai ení.+
33 “‘Ko ia ko e meʻa eni ʻoku folofolaʻaki ʻe Sihova fekauʻaki mo e tuʻi ʻo ʻAsīliá:+
“ʻE ʻikai te ne hū mai ki he koló ni+
Pe fanaʻi ha foʻi ngahau ki ai
Pe fakafetaulaki ki ai mo ha pā
Pe fokotuʻu ha fakatafunga kelekele ke ʻohofi ia.”’+
34 ‘ʻI he hala naʻá ne haʻu aí te ne toe foki atu ai;
ʻE ʻikai te ne hū mai ki he koló ni,’ ko e fakahaaʻi ia ʻe Sihová.
35 ‘Te u maluʻi ʻa e koló ni+ pea fakahaofi ia koeʻuhí ko hoku huafá+
Pea koeʻuhí ko ʻeku sevāniti ko Tēvitá.’”+
36 Pea naʻe ʻalu atu ʻa e ʻāngelo ʻa Sihová ʻo taaʻi ʻa e kau tangata ʻe toko 185,000 ʻi he ʻapitanga ʻo e kau ʻAsīliá. ʻI he tuʻu pongipongia hake ʻa e kakaí, naʻa nau sio atu ki he kotoa ʻo e ngaahi ʻangaʻangá.+ 37 Ko ia naʻe mavahe ai ʻa Tuʻi Senakalipe ʻo ʻAsīliá peá ne foki ki Ninive+ ʻo ne nofo ai.+ 38 Pea ʻi heʻene punou hifo ʻi he fale* ʻo hono ʻotua ko Nisilokí, ko hono ongo foha tonu ko ʻAtalameleki mo Salesá naʻá na taaʻi ia ʻaki ʻa e heletā+ peá na hola leva ki he fonua ko ʻAlalaté.+ Pea naʻe hoko ʻa hono foha ko ʻEsa-hātoní+ ko e tuʻi ʻo fetongi ia.
38 ʻI he ngaahi ʻaho ko iá naʻe puke ai ʻa Hesekaia ʻo ne meimei mate.+ Naʻe haʻu ʻa e palōfita ko ʻAiseá,+ ʻa e foha ʻo ʻĀmosí ʻo pehē ange kiate ia, “Ko e meʻa eni ʻoku folofolaʻaki ʻe Sihová: ‘Fai ha fakahinohino ki ho falé, he ko koé te ke mate; ʻe ʻikai te ke toe sai.’”+ 2 Ko ia naʻe hanga ai ʻa Hesekaia ki he holisí pea kamata ke ne lotu kia Sihova: 3 “ʻOku ou kōlenga atu kiate koe, ʻe Sihova, ke ke manatuʻi+ muʻa ʻa ʻeku ʻaʻeva ʻi he anga-tonu ʻi ho ʻaó ʻi he loto kakató,+ pea kuó u fai ʻa e meʻa naʻe lelei ʻi hoʻo vakaí.” Pea naʻe kamata ke tangi lahi ʻa Hesekaia.
4 Pea naʻe hoko mai ʻa e folofola ʻa Sihová kia ʻAisea, ʻo pehē: 5 “Foki ʻo lea kia Hesekaia,+ ‘Ko e meʻa eni ʻoku folofolaʻaki ʻe Sihova ko e ʻOtua ʻo Tēvita ko hoʻo kuí: “Kuó u fanongo ki hoʻo lotú.+ Kuó u mamata ki ho loʻimatá.+ Ko eni ʻoku ou tānaki atu ʻa e taʻu ʻe 15 ki hoʻo moʻuí,*+ 6 pea te u fakahaofi koe pea mo e koló ni mei he nima ʻo e tuʻi ʻo ʻAsīliá, pea te u maluʻi ʻa e koló ni.+ 7 Ko e fakaʻilonga eni meia Sihova ke fakahaaʻi atu ai kiate koe ʻe fakahoko ʻe Sihova ʻa e folofola kuó ne folofolaʻakí:+ 8 Ko eni te u ʻai ʻa e ʻata ʻoku fakaʻau ke siʻi hifo ʻo e laʻaá ʻa ia ʻoku ʻi he sitepu* ʻa ʻĀhasí ke foki ʻaki ʻa e manga ʻe hongofulu.”’”+ Ko ia naʻe foki ʻa e ʻata ʻo e laʻaá ʻaki ʻa e manga ʻe hongofulu ʻi he sitepú ʻa ia naʻe ʻosi ʻalu hifo aí.
9 Ko ha tohi ʻa Tuʻi Hesekaia ʻo Siutá ʻi heʻene hoko ʻo puke pea toe sai ʻa hono puké.
10 Naʻá ku pehē: “ʻI he vaeuaʻanga ʻo ʻeku moʻuí
Kuo pau ke u hū ʻi he ngaahi matapā ʻo Faʻitoká*
ʻE toʻo meiate au ʻa hoku ngaahi taʻu ʻoku toé.”
11 Naʻá ku pehē: “ʻE ʻikai te u sio kia Iā,* kia Iā ʻi he fonua ʻo e kau moʻuí.+
ʻE ʻikai te u toe mamata ki he faʻahinga ʻo e tangatá
ʻI he taimi te u fakataha ai mo e faʻahinga ʻi he feituʻu ʻa ia ʻoku ngata ai ʻa e meʻa kotoa pē.
12 Kuo taʻaki ʻa hoku nofoʻangá ʻo toʻo meiate au+
ʻO hangē ko e tēniti ʻo ha tauhi-sipí.
Kuó u takatakai ʻa ʻeku moʻuí hangē ko ia ʻoku fai ʻe ha tokotaha ʻoku ngāue ʻi he meʻa lalangá;
ʻOkú ne tuʻusi au hangē ko hono tuʻusi ʻo e filo lalanga fakalōloá.
Mei he hopo ʻa e laʻaá ʻo aʻu ki he poʻulí ʻokú ke hanganaki tuku atu au ki haku ngataʻanga.+
13 ʻOku ou ʻai au ke u nonga ʻo aʻu ki he pongipongí.
ʻI he hangē ko ha laioné, ʻokú Ne hanganaki maumauʻi ʻa e kotoa ʻo hoku ngaahi huí;
Mei he hopo ʻa e laʻaá ʻo aʻu ki he poʻulí ʻokú ke hanganaki tuku atu au ki haku ngataʻanga.+
14 Hangē ko ha kiʻi foʻi manupuná, ʻoku pehē ʻa ʻeku hanganaki tangi mamahí;+
ʻOku ou hanganaki tangi hangē ko e lupé.+
ʻOku mafasia ʻa hoku matá ʻi heʻeku sio ki he feituʻu māʻolungá:+
15 Ko e hā ʻe lava ke u leaʻakí?
Kuó ne folofola mai kiate au pea kuó ne fakaai.
Te u ʻaʻeva anga-fakatōkilalo* ʻi he kotoa ʻo hoku ngaahi taʻú
Koeʻuhí ko e lahi ʻo ʻeku mamahí.
16 ‘ʻE Sihova, ʻi he ngaahi meʻá ni,* ʻoku moʻui ai ʻa e tangata kotoa pē,
Pea ʻoku tuʻunga ai ʻa e moʻui ʻa hoku laumālié.
Te ke fakafoki au ke u moʻui lelei pea fakatolonga ʻa ʻeku moʻuí.+
17 Vakai! Naʻá ku maʻu ha mamahi lahi, kae ʻikai ko e fiemālie;
Ka ʻi hoʻo ʻofeina aú,
Naʻá ke fakahaofi au mei he luo ʻo e fakaʻauhá.+
Kuó ke lī ʻa ʻeku ngaahi angahalá kotoa ki mui ki ho tuʻá.*+
18 He ʻoku ʻikai lava ʻe Faʻitoka* ke ne fakalāngilangiʻi koe,+
ʻOku ʻikai lava ʻe mate ke ne fakahīkihikiʻi koe.+
Ko kinautolu ʻoku ʻalu hifo ki he luó ʻoku ʻikai lava ke nau ʻamanaki ki hoʻo faitōnungá.+
19 Ko e tokotaha moʻuí, ʻa e tokotaha ʻoku moʻuí ʻe lava ke ne fakahīkihikiʻi koe,
ʻO hangē tofu pē ko ia ʻoku lava ke u fai ʻi he ʻaho ní.
ʻOku lava ʻe ha tamai ke ne ʻoange ki hono ngaahi fohá ʻa e ʻilo ʻo fekauʻaki mo hoʻo faitōnungá.+
20 ʻE Sihova, ke ke fakahaofi au,
Pea te mau tā atu ʻa ʻeku ngaahi hivá ʻi he ngaahi meʻalea filó+
ʻI he ngaahi ʻaho kotoa ʻo ʻemau moʻuí ʻi he fale ʻo Sihová.’”+
21 Naʻe pehē ange leva ʻe ʻAisea: “ʻOmi ha takaonga fiki mōmoa ʻo ʻai ki he hangatāmakí, koeʻuhí ke ne sai.”+ 22 Naʻe ʻeke ange ʻe Hesekaia: “Ko e hā ʻa e fakaʻilonga te u ʻalu hake ki he fale ʻo Sihová?”+
39 ʻI he taimi ko iá ko e tuʻi ʻo Pāpilone, ko Melotaki-palatani ko e foha ʻo Palataní, naʻá ne fai ha ngaahi tohi ʻo ʻave mo ha meʻaʻofa kia Hesekaia,+ he naʻá ne fanongo naʻá ne puke pea kuó ne sai.+ 2 Naʻe talitali fiefia kinautolu ʻe* Hesekaia peá ne fakahā kiate kinautolu ʻa hono fale tukuʻanga koloá+—ko e siliva, mo e koula, ko e lolo paʻame* mo e lolo mahuʻinga kehe, ko ʻene ngaahi meʻataú kotoa, mo e meʻa kotoa naʻe maʻu ʻi heʻene ngaahi tukuʻanga koloá. Naʻe ʻikai ha meʻa naʻe taʻefakahaaʻi ʻe Hesekaia kiate kinautolu ʻi hono falé* tonu pea ʻi he feituʻu kotoa naʻá ne pule ki aí.
3 ʻI he hili iá, naʻe haʻu ʻa ʻAisea ko e palōfitá kia Tuʻi Hesekaia ʻo ʻeke ange kiate ia: “Ko e hā ʻa e meʻa naʻe leaʻaki ʻe he kau tangatá ni, pea naʻa nau haʻú mei fē?” Ko ia naʻe pehē ange ʻe Hesekaia: “Naʻa nau haʻu mei ha fonua mamaʻo, mei Pāpilone.”+ 4 Ko hono hokó naʻá ne ʻeke ange: “Ko e hā ʻa e meʻa naʻa nau sio ki ai ʻi ho falé?”* Naʻe tali ange ʻe Hesekaia: “Naʻa nau sio ki he meʻa kotoa pē ʻi hoku falé.* Naʻe ʻikai ha meʻa te u taʻefakahaaʻi ange kiate kinautolu ʻi heʻeku ngaahi tukuʻanga koloá.”
5 Naʻe pehē ange leva ʻe ʻAisea kia Hesekaia: “Fanongo mai ki he folofola ʻa Sihova ʻo e ngaahi kau taú, 6 ‘Vakai! ʻOku hoko mai ʻa e ngaahi ʻaho, pea ko e meʻa kotoa ʻoku ʻi ho falé* mo e meʻa kotoa naʻe tuku tauhi ʻe hoʻo fanga kuí ʻo aʻu mai ki he ʻaho ní ʻe ʻave ia ki Pāpilone. ʻE ʻikai ke toe ha meʻa ʻe taha,’+ ko e folofola ia ʻa Sihová.+ 7 ‘Pea ko e niʻihi ʻo ho ngaahi foha ʻa ia te ke hoko ko ʻenau tamaí ʻe ʻave kinautolu pea te nau hoko ko e kau ʻōfisa ʻo e lotoʻā ʻi he palasi ʻo e tuʻi ʻo Pāpiloné.’”+
8 Ko ia naʻe pehē ai ʻe Hesekaia kia ʻAisea: “Ko e folofola ʻa Sihova ʻa ia kuó ke leaʻakí ʻoku lelei.” Pea naʻá ne hoko atu: “Koeʻuhí ʻe ʻi ai ʻa e melino mo e maʻumaʻuluta* ʻi he lolotonga ʻo ʻeku moʻuí.”*+
40 “Mou fakafiemālieʻi, mou fakafiemālieʻi ʻa hoku kakaí,” ko e folofola ia ʻa homou ʻOtuá.+
2 “Lea ke aʻu ki he loto ʻo Selusalemá,*
Pea fakahā kiate ia kuo lava ʻa ʻene ngāue fakapōpulá,
Kuo totongi ʻosi ʻa ʻene hiá.+
Kuó ne maʻu ʻa e totongi kakato* ki heʻene angahalá kotoa mei he nima ʻo Sihová.”+
3 ʻOku ʻi ai ha leʻo ʻo ha taha ʻoku kalanga ʻi he toafá:
Fakaʻataʻatā* ʻa e ʻalunga ʻo Sihová!+
ʻAi ke hangatonu ʻa e hala lahi+ ʻi he toafá maʻa hotau ʻOtuá.+
4 Tuku ke tanu ʻa e teleʻa kotoa pē,
Pea ke holoki hifo ʻa e moʻunga mo e foʻi māʻolunga kotoa pē.
Ko e kelekele tafungofungá kuo pau ke fakatokalelei,
Pea ko e kelekele tokakoví ke hoko ko ha teleʻa lautoka.+
5 ʻE fakaeʻa ʻa e lāngilangi ʻo Sihová,+
Pea ko e kakano kotoa pē* te nau sio kotoa ki ai,+
He kuo folofolaʻaki ia ʻe Sihova.”
6 Fanongo! ʻOku pehē ʻe ha tokotaha: “Fai ha fanongonongo!”
ʻOku ʻeke ʻe ha tokotaha: “Ko e hā te u fanongonongó?”
“Ko e kakano kotoa pē* ko e mohuku lanu mata.
Ko e kotoa ʻo ʻenau ʻofa mateakí ʻoku hangē ko e fisi ʻo e ʻakau ʻo e vaó.+
7 ʻOku mōmoa ʻa e mohuku lanu matá,
ʻOku mae ʻa e fisí,+
Ko e moʻoni ko e kakaí ko e mohuku lanu mata pē.
8 ʻOku mōmoa ʻa e mohuku lanu matá,
ʻOku mae ʻa e fisí,
Ka ko e folofola ʻa hotau ʻOtuá ʻoku tolonga ʻo taʻengata.”+
9 ʻAlu hake ki ha moʻunga māʻolunga,
ʻA koe fefine ʻokú ke ʻomi ʻa e ongoongo lelei ki Saioné.+
Hiki hake ho leʻó ke mālohi,
ʻA koe fefine ʻokú ke ʻomi ʻa e ongoongo lelei ki Selusalemá.
Hiki hake ia, ʻoua ʻe ilifia.
Fanongonongo ki he ngaahi kolo ʻo Siutá: “Ko eni ʻa homou ʻOtuá.”+
Vakai! ʻOku ʻiate ia ʻa ʻene palé,
Pea ko e totongi te ne ʻoatú ʻoku ʻi hono ʻaó.+
11 Te ne tokangaʻi* ʻa ʻene tākangá ʻo hangē ha tauhi-sipí.+
Te ne tānaki fakataha ʻa e fanga lamí ʻaki hono nimá,
Pea te ne fua kinautolu ʻi hono fatafatá.
Te ne taki fakaalaala ʻa e fanga manu ʻoku toutamá.+
12 Ko hai kuó ne fua ʻa e ngaahi vaí ʻi hono ʻaofinimá+
Peá ne fua ʻa e* ngaahi langí ʻaki ʻa e hanga ʻo hono nimá?*
Ko hai kuó ne tānaki ʻi ha ipu ʻa e efu ʻo e māmaní+
Pe fua ʻa e ngaahi moʻungá ʻi he meʻafua tautaú
Pea mo e ngaahi foʻi māʻolungá ʻi he meʻafuá?
13 Ko hai kuó ne fua* ʻa e lahi ʻo e laumālie ʻo Sihová,
Pea ko hai ʻe lava ke ne fakahinohinoʻi ia ʻi he tuʻunga ko ʻene tokotaha faleʻi?+
14 Ko hai ia naʻá ne kumi faleʻi ki ai ke ne maʻu ʻa e mahinó,
Pe akoʻi kiate ia ʻa e hala ʻo e fakamaau totonú,
Pe akoʻi kiate ia ʻa e ʻiló,
Pe fakahā kiate ia ʻa e hala ʻo e mahino moʻoní?+
15 Vakai! Ko e ngaahi puleʻangá ʻoku nau hangē ha tulutā vai mei ha kané,
Pea ʻoku vakai kiate kinautolu ʻoku nau hangē ha meʻi efu ʻi ha meʻafuá.+
Vakai! ʻOkú ne hiki hake ʻa e ngaahi motú ʻo hangē ha meʻi efu valevalé.
16 Naʻa mo e ʻuluʻakau ʻo Lepanoní ʻoku ʻikai lahi feʻunga ia ke tafu ʻaki ha afi ke ulo ai pē,*
Pea ko ʻene fanga manu kaivaó ʻoku ʻikai lahi feʻunga ia ki ha feilaulau tutu.
17 Ko e kotoa ʻo e ngaahi puleʻangá ko ha foʻi noa pē ia ʻi hono ʻaó;+
ʻOkú ne vakai ki ai ko e koto halaʻatā, ko ha koto ngeʻesi.+
18 Ko hai ʻe lava ke mou fakahoa ki ai ʻa e ʻOtuá?+
Ko e hā te mou lava ke fakatatau ia ki aí?+
19 Ko e tangata nima-meaʻá ʻokú ne ngaohi ha ʻaitoli,*
Ko e tokotaha tuki ukameá ʻokú ne kofuʻaki ia ʻa e koula,+
Pea ʻokú ne tuki ha ngaahi sēini siliva.
20 ʻOku fili ʻe ha tokotaha ha fuʻu ʻakau ko ʻene meʻa foaki,+
Ha fuʻu ʻakau ʻa ia ʻe ʻikai popó.
ʻOkú ne kumi ki ha tangata nima-meaʻa pōtoʻi
Ke ne ngaohi ha ʻīmisi kuo tongi ʻa ia ʻe ʻikai ke tō ki lalo.+
21 ʻOku ʻikai koā ke mou ʻilo?
Kuo ʻikai koā te mou fanongo ai?
Kuo ʻikai koā ke tala atu kiate kimoutolu talu mei he kamataʻangá?
Kuo ʻikai koā ke mou mahinoʻi talu mei he tanupou ʻo e māmaní?+
22 ʻOku ʻi ai ʻa e Tokotaha ʻoku ʻafio ʻi ʻolunga ʻi he takatakai* ʻo e māmaní,+
Pea ko hono kakaí ʻoku nau hangē ko e fanga heʻé.
ʻOkú ne falō atu ʻa e ngaahi langí ʻo hangē ha tupenu manifí,
Pea ʻokú ne folahi atu ia ʻo hangē ha tēniti ke nofo aí.+
23 ʻOkú ne tuku hifo ʻa e kau māʻolungá ke nau hoko ko e meʻa noa pē
Peá ne ʻai ʻa e kau fakamaau* ʻo e māmaní ko ha koto ngeʻesi.
24 Ko e tuai pē ke tō hifo kinautolú,
Ko e tuai pē ke tūtuuʻi kinautolú,
Ko e tuai pē ke faiaka honau vaʻá ʻi he kelekelé,
Kuo puhiʻi kinautolu ʻo nau mōmoa.
Pea ʻave kinautolu ʻe he matangí ʻo hangē ha kafukafú.+
25 “Ko hai ʻe lava ke mou fakatatau au ki ai ke ʻai au ke ma tataú?” Ko e folofola ia ʻa e Tokotaha Māʻoniʻoní.
26 “Hanga hake homou matá ki he langí pea vakai.
Ko hai kuó ne fakatupu ʻa e ngaahi meʻá ni?+
Ko e Tokotaha ia ʻokú ne ʻomi ʻa honau kongakaú ʻi honau tokolahí;
ʻOkú ne ui kinautolu kotoa ʻaki honau hingoá.+
Koeʻuhí ko e lahi ʻo hono fuʻu iví mo hono mālohi fakaofó,+
ʻOku ʻikai ha taha ʻo kinautolu ʻe tō.
27 Ko e hā ʻokú ke pehē ai, ʻe Sēkope, ko e hā ʻokú ke fanongonongo ai, ʻe ʻIsileli,
‘ʻOku fufū ʻa hoku halá meia Sihova,
Pea ʻoku ʻikai te u maʻu ha fakamaau totonu mei he ʻOtuá’?+
28 ʻOku ʻikai koā ke ke ʻilo? Kuo ʻikai koā ke ke fanongo ai?
Ko Sihova, ʻa e Tokotaha-Fakatupu ʻo e ngaahi ngataʻanga ʻo e māmaní, ko ha ʻOtua ia ʻi he kotoa ʻo ʻitānití.+
ʻOku ʻikai ʻaupito te ne helaʻia pe ongosia.+
Ko ʻene mahinó ʻoku ʻikai ala fakatotoloa.*+
29 ʻOkú ne foaki ʻa e mālohi ki he tokotaha helaʻiá
Mo e mālohi kakato ki he faʻahinga ʻoku ʻikai hanau mālohí.*+
30 ʻE helaʻia ʻa e tamaiki tangatá pea nau ongosia,
Pea ko e kau talavoú te nau humu pea tō,
31 Ka ko kinautolu ʻoku ʻamanaki kia Sihová te nau maʻu ʻa e mālohi.
Te nau puna ʻo hangē ʻoku nau maʻu ha kapakau ʻo e fanga ʻīkalé.+
Te nau lele pea ʻe ʻikai te nau ongosia;
Te nau lue ʻo ʻikai ke helaʻia.”+
41 “Mou fakalongolongo ʻo fanongo mai kiate au,* ʻa kimoutolu ʻa e ngaahi motú;
Tuku ki he ngaahi puleʻangá ke nau fakafoʻou honau iví.
Tuku ke nau fakaofiofi mai; pea tuku ke nau fai ha lea.+
Tau fakatahataha ke fai ha fakamaau.
2 Ko hai kuó ne fokotuʻu hake ha tokotaha mei he hopoʻanga laʻaá,*+
ʻO Ne ui ia ʻi he māʻoniʻoni ke muimui ʻiate Ia ʻi Heʻene laká,*
Ke tuku atu kiate ia ha ngaahi puleʻanga
Pea ke ʻai ia ke ne ikuʻi ha ngaahi tuʻi?+
Ko hai ʻokú ne laiki kinautolu ke nau efuefu ʻi he ʻao ʻo ʻene heletaá,
ʻO hangē ko e vilingia ʻa ha kafukafu ʻi he ʻao ʻo ʻene kaufaná?
3 ʻOkú ne tulimui kiate kinautolu, ʻo ne ʻalu atu ʻo ʻikai ha fakafeʻātungia
ʻI ha ngaahi hala naʻe ʻikai ʻalu ai ʻa hono vaʻé.
4 Ko hai ia kuó ne ngāue mo fakahoko ʻa e meʻá ni,
ʻO ne fai ha ui ki he ngaahi toʻutangatá mei he kamataʻangá?
Ko au ia, Sihova, ʻa e ʻUluaki Tokotahá;+
Pea ʻoku ou tatau ai pē ʻo aʻu ki he ngaahi toʻutangata fakamuimui tahá.”+
5 Kuo mamata ki ai ʻa e ngaahi motú pea nau hoko ʻo ilifia.
Ko e ngaahi ngataʻanga ʻo māmaní naʻe kamata ke nau tetetete.
Naʻa nau fakatahataha ʻo nau laka mai.
6 ʻOku tokoni ʻa e tokotaha taki taha ki hono kaungāmeʻá
ʻO ne pehē ki hono tokouá: “Loto-toʻa.”
7 Ko ia ʻoku fakaivimālohiʻi ʻe he tangata nima-meaʻá ʻa e tokotaha tuki ukameá;+
Ko e tokotaha ʻokú ne tuki ʻaki ʻa e hāmala tuki ukameá ke lafalafá
ʻOkú ne fakaivimālohiʻi ʻa e tokotaha ʻokú ne fai ʻa e tuki ʻi he meʻa tuki ukameá.
ʻOkú ne lea ʻo fekauʻaki mo e meʻa kuo fakapipiki fakatahaʻí: “Kuo lelei ia.”
Pea ʻoku tuki fakamaʻu leva ia ʻaki ha ngaahi faʻo ke ʻoua ʻe tō ki lalo.
8 “Ka ko koe, ʻe ʻIsileli, ʻa ʻeku sevānití,+
ʻA koe, ʻe Sēkope, ʻa ia kuó u filí,+
ʻA e hako ʻo ʻĒpalahame ko hoku kaumeʻá,+
9 ʻA koe, naʻá ku toʻo mei he ngaahi ngataʻanga ʻo e māmaní,+
Pea ko koe, naʻá ku ui mai mei hono ngaahi feituʻu mamaʻo tahá.
10 ʻOua ʻe ilifia, he ʻoku ou kau mo koe.+
ʻOua ʻe loto-moʻua, he ko au ʻa ho ʻOtuá.+
Te u fakaivimālohiʻi koe, ʻio, te u tokoniʻi koe,+
Te u piki maʻu kiate koe ʻaki ʻa hoku nima toʻomataʻu ʻo e māʻoniʻoní.’
11 Vakai! Ko e faʻahinga kotoa ʻoku ʻita tōlili kiate koé ʻe fakamaaʻi mo fakahāeaʻi.+
Ko e faʻahinga ʻoku faitau kiate koé te nau ʻauha pea mole atu.+
12 Te ke kumi ki he kau tangata ʻoku fepaki mo koé, ka ʻe ʻikai te ke maʻu kinautolu;
Ko e kau tangata ʻoku nau faitau mo koé te nau hoko ʻo ʻikai ʻi ai, ko e koto noa pē.+
13 He ko au Sihova ko ho ʻOtuá, ʻoku ou puke ho nima toʻomataʻú,
ʻA e Tokotaha ʻoku lea atu kiate koe, ‘ʻOua ʻe ilifia. Te u tokoniʻi koe.’+
14 ʻOua ʻe ilifia, ʻa koe Sēkope ko e kiʻi kelemutu pē,*+
ʻA kimoutolu kau tangata ʻIsileli, te u tokoniʻi koe,” ko e folofola ia ʻa Sihova, ko ho Tokotaha-Huhuʻí,+ ko e Tokotaha Māʻoniʻoni ʻo ʻIsilelí.
15 “Vakai! Kuó u ngaohi koe ko ha papa ʻauʻau uite,+
Ko ha meʻangāue ʻauʻau uite foʻou ʻoku fakatou mata.
Te ke tāmalaki ʻa e ngaahi moʻungá ʻo laiki kinautolu
Pea ʻai ʻa e ngaahi foʻi māʻolungá ke hangē ha kafukafú.
16 Te ke ʻauʻau kinautolu,
Pea ʻe ʻave kinautolu ʻe he matangí;
ʻE fakamovetevete atu kinautolu ʻe ha fuʻu matangi.
17 “Ko e tuʻutāmakí mo e masivá ʻokú na kumi ki ha vai, ka ʻoku halaʻatā.
Ko honau ʻeleló ʻoku pakupaku tupu mei he fieinuá.+
Ko au Sihova, te u fai ha tali kiate kinautolu.+
Ko au, ʻa e ʻOtua ʻo ʻIsilelí, ʻe ʻikai te u liʻaki kinautolu.+
18 Te u ʻai ha ngaahi vaitafe ke tafe ʻi he ngaahi foʻi māʻolunga tekeleí+
Mo ha ngaahi matavai ʻi he ngaahi teleʻa lautoká.+
Te u ngaohi ʻa e vaotaá ke hoko ko ha vai kahoʻia
Mo e fonua ʻoku ʻikai ʻi ai ha vaí ke ʻi ai ʻa e ngaahi matavai.+
19 ʻI he toafá te u tō ai ʻa e sita,
Mo e sitimi mo e maile mo e paini.+
ʻI he toafa tokaleleí te u tō ai ʻa e siunipa,
Fakataha mo e tītaʻa pea mo e saipalesi,+
20 Koeʻuhí ke sio mo ʻilo ʻe he kakai kotoa pē
Pea ke nau tokanga pea mahinoʻi
Ko e nima ʻo Sihová kuó ne fai ʻa e meʻá ni,
Pea ko e Tokotaha Māʻoniʻoni ʻo ʻIsilelí kuó ne ʻai ia ke hokó.”+
21 “Fai mai hoʻomou fakamatalá,” ko e folofola ia ʻa Sihová.
“ʻOmai hoʻomou ngaahi fakaʻuhingá,” ko e folofola ia ʻa e Tuʻi ʻo Sēkopé.
22 “ʻOmai ha fakamoʻoni pea tala mai kiate kimautolu ʻa e ngaahi meʻa ʻe hokó.
Fakamatala mai kiate kimautolu ʻo fekauʻaki mo e muʻaki* ngaahi meʻá,
Koeʻuhí ke mau fakakaukau ki ai* pea ʻilo ʻa honau ikuʻangá.
Pe fakahaaʻi mai kiate kimautolu ʻa e ngaahi meʻa ʻe hoko maí.+
23 Tala mai kiate kimautolu ʻa e meʻa ʻe hoko ʻi he kahaʻú,
Koeʻuhí ke mau ʻilo ko e ngaahi ʻotua kimoutolu.+
ʻIo, fai ha meʻa, ha meʻa lelei pe kovi,
Koeʻuhí ke mau ofo ʻi heʻemau sio ki aí.+
24 Vakai! Ko e koto noa pē kimoutolu,
Pea ko e koto ngeʻesi ʻa hoʻomou lavameʻá.+
Ko ha meʻa fakalielia ia ha taha pē ʻokú ne fili kimoutolu.+
25 Kuó u fokotuʻu hake ha tokotaha mei he tokelaú, pea te ne haʻu,+
Ko ha tokotaha mei he hopoʻanga laʻaá*+ ʻa ia te ne ui ki hoku hingoá.
Te ne tāmalaki ha kau pule* ʻo hangē ha ʻumeá,+
Hangē ha tokotaha tufunga-ʻumea ʻokú ne molomoloki ʻa e ʻumea hauhaú.
26 Ko hai kuó ne fakamatala ʻo fekauʻaki mo e meʻá ni mei he kamataʻangá, koeʻuhí ke mau ʻiloʻi,
Pe mei he kuohilí, koeʻuhí ke mau pehē ai, ‘ʻOkú ne moʻoni’?+
Ko e moʻoni, naʻe ʻikai ha taha naʻá ne talaki ia!
Naʻe ʻikai ha taha naʻá ne fakahā mai ia!
Naʻe ʻikai fanongo ha taha ki ha meʻa ʻe taha meiate kimoutolu!”+
27 Ko au ʻa e fuofua tokotaha ne u pehē ki Saione: “Vakai! Ko e ngaahi meʻá ena!”+
Pea ki Selusalema te u fekauʻi atu ki ai ha tokotaha tala ongoongo lelei.+
28 Ka naʻá ku hanganaki fakasio, pea naʻe ʻikai ha taha;
Naʻe ʻikai ha taha ʻiate kinautolu te ne ʻomi ha faleʻi.
Pea naʻá ku hanganaki kole kiate kinautolu ke nau ʻomi ha tali.
29 Vakai! Ko kinautolu kotoa ko ha ʻataʻi meʻa pē.
Ko e foʻi noa pē ʻenau ngaahi ngāué.
Ko ʻenau ngaahi ʻīmisi mētalé* ko ha matangi pē mo e koto ngeʻesi.+
42 Vakai! Ko ʻeku sevānití eni,+ ʻa ia ʻoku ou tokoniʻí!
Ko ʻeku tokotaha kuó u fili,+ ʻa ia ʻoku ou hōifua ai!+
2 Heʻikai te ne kalanga pe hiki hake hono leʻó,
Pea heʻikai te ne ʻai hono leʻó ke ongona ʻi he halá.+
3 Heʻikai te ne maumauʻi ha kaho kuo laiki,
Pea heʻikai te ne tāmateʻi ha vavae maama ʻoku tamatemate.+
Te ne fakahoko ʻa e fakamaau totonú ʻi he faitōnunga.+
4 Heʻikai te ne tamatemate hifo pea ʻe ʻikai ke laiki ia kae ʻoua kuó ne fokotuʻu ʻa e fakamaau totonú ʻi he māmaní;+
Pea ʻoku hanganaki tatali ʻa e ngaahi motú ki heʻene laó.*
5 Ko e meʻa eni ʻoku folofolaʻaki ʻe he ʻOtua moʻoní, ʻe Sihova,
Ko e Tokotaha-Fakatupu ʻo e ngaahi langí pea ko e Tokotaha Maʻongoʻonga ia naʻá ne falō atu iá,+
ʻA e Tokotaha kuó ne folahi atu ʻa e māmaní mo e meʻa ʻoku tupu ʻi aí,+
ʻA e Tokotaha ʻokú ne foaki ʻa e mānava ki he kakai ʻoku ʻi aí+
Mo e laumālie ki he faʻahinga ʻoku ʻaʻeva aí:+
6 “Ko au Sihova, kuó u ui mai koe ʻi he māʻoniʻoni;
Kuó u puke ho nimá.
Te u maluʻi koe pea te u tuku atu koe ko ha fuakava ki he kakaí+
Pea ko ha maama ki he ngaahi puleʻangá,+
7 Ke ke fakaʻā ʻa e mata ʻoku kuí,+
Ke fakahū ki tuʻa ʻa e pōpulá mei he pilīsone ʻi lolofonuá
Mo e faʻahinga ʻoku nofo ʻi he fakapoʻulí ke nau hū ki tuʻa mei he pilīsoné.+
8 Ko au Sihova. Ko hoku hingoá ia;
ʻOku ʻikai te u ʻoange ʻa hoku lāngilangí ki ha toe taha kehe,*
Pe ko hoku fakahīkihikí ki ha ngaahi ʻīmisi kuo tongi.+
9 Vakai, ko e ʻuluaki ngaahi meʻá kuo hoko ia;
ʻOku ou fanongonongo he taimí ni ha ngaahi meʻa foʻou.
Ki muʻa ke nau fisiki haké, te u fakahā atu kinautolu.”+
10 Hivaʻi kia Sihova ha hiva foʻou,+
ʻA hono fakahīkihikí mei he ngataʻanga ʻo māmaní,+
ʻA kimoutolu ʻoku ʻalu hifo ki he tahí mo e meʻa kotoa ʻoku fonu aí,
ʻA kimoutolu ngaahi motú mo honau kakaí.+
11 Tuku ke hiki hake ʻe he toafá mo hono ngaahi koló ʻa honau leʻó,+
ʻA e ngaahi nofoʻanga ʻoku nofo ai ʻa Ketá.+
Tuku ke kalanga fiefia ʻa e kau nofo ʻi he makatuʻú;
Tuku ke nau kaila mei he tumutumu ʻo e ngaahi moʻungá.
12 Tuku ke nau ʻoatu ʻa e fakalāngilangi kia Sihova
Mo talaki ʻa hono fakahīkihikí ʻi he ngaahi motú.+
13 ʻE ʻalu atu ʻa Sihova ʻo hangē ha tangata toʻá.+
ʻOkú ne vēkeveke ke fai ha meʻa ʻo hangē ha tokotaha pāteʻi taú.+
Te ne kaila, ʻio, te ne fai ha kaila ʻo e tau;
Te ne fakahaaʻi ʻokú ne toʻa ange ʻi hono ngaahi filí.+
14 “Kuó u hanganaki fakalongolongo ʻi ha taimi fuoloa.
Naʻá ku nofo fakalongo ai pē mo taʻotaʻofi au.
ʻI he hangē ha fefine ʻoku teu ke fāʻelé,
Te u toʻe, mo hōhō mo fakatau ʻeku mānavá ʻi he taimi pē taha.
15 Te u fakaʻauha ʻa e ngaahi moʻungá mo e ngaahi foʻi māʻolungá
Pea ʻai ke mae ʻa e kotoa honau ʻuluʻakaú.
Te u liliu ʻa e ngaahi vaitafé ke hoko ko e fonua mōmoa*
Pea ʻai ke pakupaku ʻa e ngaahi vai kahoʻiá.+
16 Te u taki ʻa e kuí ʻi ha hala ʻoku ʻikai te nau ʻilo ki ai+
Pea ʻai kinautolu ke nau ʻalu ʻi ha ngaahi halanga ʻoku ʻikai ke nau maheni mo ia.+
Te u ʻai ʻa e fakapoʻuli ʻi honau ʻaó ke hoko ʻo maama+
Pea ʻai ʻa e fonua tokakoví ke hoko ko e fonua tokalelei.+
Ko e meʻa eni te u fai maʻanautolú, pea heʻikai te u liʻaki kinautolu.”
17 Te nau holomui pea ʻe ʻai kinautolu ke nau mā,
ʻA e faʻahinga ʻoku nau falala ki he ngaahi ʻīmisi kuo tongí,
ʻA e faʻahinga ʻoku nau pehē ki he ngaahi ʻīmisi mētalé:* “Ko kimoutolu ʻa homau ngaahi ʻotuá.”+
18 Fanongo, ʻa kimoutolu ʻoku tulí;
Sio mo tokanga, ʻa kimoutolu ʻoku kuí.+
19 Ko hai ia ʻoku kuí tuku kehe ʻa ʻeku sevānití,
Pea mātuʻaki tuli ʻo hangē ko e tokotaha talafekau ʻoku ou fekauʻi atú?
Ko hai ʻoku mātuʻaki kui ʻo hangē ko e tokotaha kuó u fakapaleʻí,
Pea mātuʻaki kui ʻo hangē ko e sevāniti ʻa Sihová?+
20 ʻOkú ke sio ki he ngaahi meʻa lahi, ka ʻoku ʻikai te ke hanganaki tokanga.
ʻOkú ke fakaava ho telingá, ka ʻoku ʻikai te ke fanongo.+
21 Koeʻuhí ko ʻene māʻoniʻoní,
Kuo fiefia ai ʻa Sihova ʻi hono hakeakiʻi mo hono ʻai ke lāngilangiʻia ʻa e laó.*
22 Ka ko ha kakai eni ne ʻave fakamālohi mo kaihaʻasia ʻenau koloá;+
Ko kinautolu kotoa ʻoku nau fihia ʻi he ngaahi luo mo fufū ʻi he ngaahi pilīsone.+
Kuo ʻave fakamālohi kinautolu ʻo ʻikai ha taha ke ne fakahaofi kinautolu,+
Pea kaihaʻasia ʻo ʻikai ha taha ke ne pehē atu: “Fakafoki mai kinautolu!”
23 Ko hai ʻiate kimoutolu te ne fanongo ki he meʻá ni?
Ko hai ʻe tokanga mo fanongo ʻi he fekauʻaki mo e kahaʻú?
24 Ko hai kuó ne tuku atu ʻa Sēkope ke kaihaʻasiá
Mo ʻIsileli ki he kau ʻave fakamālohi ʻo ʻenau koloá?
ʻIkai ko Sihova ia, ʻa e Tokotaha ko ia naʻa tau faiangahala ki aí?
25 Ko ia naʻá Ne hanganaki huaʻi kiate ia ʻa ʻene houhaú,
ʻA ʻene tuputāmakí mo e kakaha ʻo e taú.+
Naʻe keina ai ʻa e meʻa kotoa pē naʻe takatakai kiate iá, ka naʻe ʻikai te ne tokanga ki ai.+
Naʻe kakaha ia kiate ia, ka naʻe ʻikai tokanga ki ai ʻa hono lotó.+
43 Pea ko e meʻa eni ʻoku folofolaʻaki ʻe Sihová,
ʻA ho Tokotaha-Fakatupú, ʻe Sēkope, ʻa e Tokotaha naʻá ne ngaohi koé, ʻe ʻIsileli:+
“ʻOua naʻá ke ilifia, he kuó u huhuʻi koe.+
Kuó u ui koe ʻaki ho hingoá.
ʻOku ʻaʻaku koe.
2 ʻI hoʻo fou atu ʻi he ngaahi vaí, te u ʻiate koe,+
Pea ʻi he ngaahi vaitafé, ʻe ʻikai te nau lōmakiʻi koe.+
ʻI hoʻo ʻalu ʻi he afí, ʻe ʻikai te ke vela,
Pea ʻe ʻikai te ke māngia ʻi he ulo ʻo e afí.
3 He ko au Sihova ko ho ʻOtuá,
Ko e Tokotaha Māʻoniʻoni ʻo ʻIsilelí, ko ho Fakamoʻuí.
Kuó u tuku atu ʻa ʻIsipite ke hoko ko ha huhuʻi kiate koe,
ʻA ʻItiopea mo Sapa ke fakafetongiʻaki koe.
Ko ia te u tuku atu ha kakai ke fetongiʻaki koe
Mo e ngaahi puleʻanga ke fakafetongiʻaki hoʻo moʻuí.
5 ʻOua naʻá ke ilifia, he ʻoku ou ʻiate koe.+
Te u ʻomi ho hakó mei he hahaké
Pea tānaki mai koe mei he hihifó.+
6 Te u pehē ki he tokelaú, ‘Tuku ange kinautolu!’+
Pea ki he tongá, ‘ʻOua naʻa taʻofi kinautolu.
ʻOmi ʻa hoku ngaahi fohá mei he mamaʻó, mo hoku ngaahi ʻofefiné mei he ngaahi ngataʻanga ʻo e māmaní,+
7 ʻA e tokotaha kotoa pē ʻa ia ʻoku uiʻaki hoku hingoá+
Pea naʻá ku fakatupu ke u lāngilangiʻia aí,
ʻA ia kuó u faʻu mo ngaohí.’+
8 ʻOmai ha kakai ʻa ia ʻoku nau kui, neongo ʻoku ʻi ai honau mata,
Pea ʻoku nau tuli, neongo ʻoku ʻi ai honau telinga.+
9 Tuku ke fakatahataha ʻa e ngaahi puleʻangá kotoa ʻi he feituʻu ʻe taha,
Pea tuku ke fakatahatahaʻi mai ʻa e ngaahi kakaí.+
Ko hai ia ʻi honau lotolotongá ʻe lava ke ne tala ʻa e meʻá ni?
Pe ʻe lava koā ke nau ʻai ke tau fanongo ʻi he ʻuluaki ngaahi meʻá?*+
Tuku ke nau ʻomi haʻanau kau fakamoʻoni ke fakamoʻoniʻi ʻoku nau tonu,
Pe tuku ke nau fanongo pea nau pehē, ‘Ko e moʻoní ia!’”+
10 “Ko kimoutolú ko ʻeku kau fakamoʻoni,”+ ko e fanongonongo ia ʻa Sihová,
“ʻIo, ko ʻeku sevāniti ʻa ia kuó u fili,+
Koeʻuhí ke mou ʻiloʻi pea tui mai kiate au*
Pea mahino kiate kimoutolu ko e Tokotaha tatau pē au.+
Naʻe ʻikai ke faʻu ha ʻOtua ʻi muʻa ʻiate au,
Pea kuo ʻikai ha taha ʻi he hili aú.+
11 Ko au—ko au Sihova,+ pea ʻoku ʻikai ha fakamoʻui tuku kehe au.”+
12 “Ko au ia ʻa e Tokotaha naʻá ku fanongonongo mo faifakahaofi mo ʻai ke ʻiloa
ʻI he taimi naʻe ʻikai ke ʻi ai ai ha ʻotua muli ʻi homou lotolotongá.+
Ko ia ko kimoutolú ko ʻeku kau fakamoʻoni,” ko e fanongonongo ia ʻa Sihová, “pea ko au ʻa e ʻOtuá.+
13 Pehē foki, ko e Tokotaha tatau maʻu ai pē au;+
Pea heʻikai lava ke hamusi ʻe ha taha ha meʻa mei hoku nimá.+
ʻI heʻeku fai ha meʻá, ko hai ia ʻe lava ke ne taʻofi ia?”+
14 Ko e folofola eni ʻa Sihová, ʻa homou Tokotaha-Huhuʻí,+ ʻa e Tokotaha Māʻoniʻoni ʻo ʻIsilelí:+
“Koeʻuhi ko kimoutolu te u fekau atu ki Pāpilone ʻo ʻohifo ʻa e ngaahi meʻa fakamaʻu kotoa ʻo e ngaahi matapaá,+
Pea ko e kau Kalitiá, ʻi honau ngaahi vaká, te nau tangi ʻi he mamahi.+
15 Ko au Sihova, ko hoʻomou Tokotaha Māʻoniʻoní,+ ko e Tokotaha-Fakatupu ʻo ʻIsilelí,+ ʻa homou Tuʻí.”+
16 Ko e folofola eni ʻa Sihová,
ʻA e Tokotaha ʻokú ne tofa ha hala ʻi he tahí
Mo ha ʻaluʻanga naʻa mo e ʻi he ngaahi vai houtuʻú,+
17 ʻA e Tokotaha ʻokú ne taki mai ʻa e saliote taú mo e hōsí,+
ʻA e kau taú fakataha mo e kau toʻa ʻi he taú:
“Te nau tākoto ʻo ʻikai tuʻu hake.+
ʻE tāmateʻi kinautolu, ʻo hangē ko hono tāmateʻi ha vavae maama ʻoku uló.”
18 “ʻOua ʻe manatu ki he ngaahi meʻa ʻi muʻá,
Pea ʻoua ʻe nōfoʻi ʻi he kuohilí.
19 Vakai! ʻOku ou fai ha meʻa foʻou;+
Naʻa mo e taimí ni ʻoku fisiki hake ia.
ʻOku ʻikai koā te mou ʻiloʻi ia?
20 ʻE fakalāngilangiʻi au ʻe he manu fekai ʻo e vaó,
ʻA e fanga siakalí mo e fanga ʻositalesí,
He ʻoku ou tokonaki ʻa e vai ki he potu lalá,
ʻA e ngaahi vaitafe ki he toafá,+
Ki hoku kakaí, ʻa hoku kakai kuó u filí,+ ke nau inu,
21 ʻA e kakai ʻa ia naʻá ku ngaohi maʻakú
Koeʻuhí ke nau fanongonongo ʻa hoku fakahīkihikí.+
23 Kuo ʻikai te ke ʻomi kiate au ha fanga sipi ki hoʻo ngaahi feilaulau tutu kakató
Pe fakalāngilangiʻi au ʻaki hoʻo ngaahi feilaulaú.
Kuo ʻikai te u fakamālohiʻi koe ke ke ʻomai ha meʻaʻofa kiate au,
Pea kuo ʻikai te u ʻai koe ke ke ongosia ʻaki hano kounaʻi ke ke ʻomi ha ʻinisēnisi hinehina.+
24 Naʻe ʻikai te ke fakatau mai maʻaku ha kaho namu-kakala ʻaki hoʻo paʻangá,
Pea naʻe ʻikai te ke fakafiemālieʻi au ʻaki ʻa e ngako ʻo hoʻo ngaahi feilaulaú.+
ʻI hono kehé, naʻá ke fakamafasiaʻi au ʻaki hoʻo ngaahi angahalá
Pea ʻai au ke u ongosia ʻi hoʻo ngaahi faihalá.+
25 Ko au, ko au ʻa e Tokotaha ʻoku ou tāmateʻi ʻa hoʻo ngaahi laka halá*+ koeʻuhi ko hoku hingoá,+
Pea ʻe ʻikai te u manatu ki hoʻo ngaahi angahalá.+
26 Fakamanatu mai kiate au; tau ʻomi ʻetau meʻá ke fai hano fakamāuʻi;
Fakahaaʻi ʻa hoʻo tafaʻakí ke fakamoʻoniʻi ʻokú ke tonu.
28 Ko ia te u vakai ki he ngaahi houʻeiki ʻo e feituʻu toputapú ʻoku nau taʻemaʻa,
Pea te u tuku atu ʻa Sēkope ke fakaʻauha
Pea fakamoʻulaloaʻi ʻa ʻIsileli ke fai ki ai ha laukovi.+
44 “Ko eni ke ke fanongo, ʻe Sēkope ko ʻeku sevānití,
Pea mo koe, ʻe ʻIsileli, ʻa ia kuó u filí.+
2 Ko e folofola eni ʻa Sihová,
ʻA ho Tokotaha-Ngaohí mo e Tokotaha naʻá ne faʻu koé,+
ʻA ia naʻá ne tokoniʻi koe talu mei manavá:*
3 He te u lilingi atu ha vai ke inu ʻe he tokotaha fieinuá*+
Pea mo e vai ke tafe atu ʻi he kelekele mōmoá.
5 ʻE pehē ʻe ha tokotaha: “ʻOku ou kau kia Sihova.”+
ʻE ui ʻe ha tokotaha ʻa ia tonu ʻaki ʻa e hingoa ʻo Sēkopé,
Pea ʻe hiki ʻe ha toe tokotaha ʻi hono nimá: “ʻOku ʻa Sihova au.”
Pea te ne ngāueʻaki ʻa e hingoa ʻo ʻIsilelí.’
6 Ko e folofola eni ʻa Sihová,
Ko e Tuʻi ʻo ʻIsileli+ pea ko hono Tokotaha-Huhuʻí,+ ʻa Sihova ʻo e ngaahi kau tau:
‘Ko au ʻa e kamataʻangá pea ko au ʻa e ngataʻangá.+
ʻOku ʻikai ha ʻOtua ka ko au pē.+
7 Ko hai ha taha ʻe tatau mo au?+
Tuku ke ne lea mo tala mai mo fakamoʻoniʻi mai ia kiate au!+
Mei he taimi naʻá ku fokotuʻu ai ʻa e kakaí ʻi he kuohilí,
Tuku ke nau tala fakatouʻosi ʻa e ngaahi meʻa ʻe hoko maí
Mo e ngaahi meʻa ʻe toki hokó.
ʻIkai naʻá ku tala ki muʻa ki he tokotaha taki taha ʻo kimoutolu pea fanongonongo ia?
Ko kimoutolu ʻa ʻeku kau fakamoʻoní.+
ʻOku toe ʻi ai ha ʻOtua tuku kehe au?
ʻIkai, ʻoku ʻikai ha toe Makatuʻu kehe;+ ʻoku ʻikai te u ʻiloʻi ha taha.’”
9 Ko kinautolu kotoa ʻoku nau faʻu ʻa e ngaahi ʻīmisi kuo tongí ko e koto taʻeʻaonga pē kinautolu,
Pea ko e ngaahi meʻa ʻoku nau koloaʻakí ʻe ʻikai hano ʻaonga.+
ʻI he tuʻunga ko ʻenau kau fakamoʻoní, ʻoku ʻikai te nau* sio ki ha meʻa mo ʻilo ha meʻa,+
Ko ia ko e faʻahinga naʻa nau ngaohi kinautolú ʻe fakamaaʻi.+
11 Vakai! ʻE fakamaaʻi ʻa hono ngaahi takangá kotoa!+
Ko e kau nima-meaʻá ko e kau tangata pē kinautolu.
Tuku ke nau fakatahataha kotoa pea ke nau tuʻu.
Te nau manavahē pea ʻe fakamaaʻi kotoa kinautolu.
12 Ko e tokotaha tuki ukameá ʻokú ne ʻai ʻa e ukameá ki he malalá ʻaki ʻene meʻangāué.*
ʻOkú ne fakafuo ia ʻaki ʻa e hāmalá,
ʻO ne fai ha ngāue ki ai ʻaki hono nima mālohí.+
Pea ʻokú ne fiekaia pea ʻosi ai ʻa hono iví;
ʻOku ʻikai te ne inu ha vai pea ʻokú ne helaʻia.
13 Ko e tokotaha tā-tongitongí ʻokú ne falō ʻa e afo fuá, ʻo ne fakaʻilongaʻi ʻa e sīpingá ʻaki ha sioka kulokula.
ʻOkú ne ngāueʻaki ki ai ha tele papa ʻo ne fakaʻilongaʻi ia ʻaki ha kāpasa.
ʻOkú ne fakasīpinga ia ki he ʻīmisi ʻo ha tangata,+
Ki he fakaʻofoʻofa ʻo ha tangata,
14 ʻOku ʻi ai ha tokotaha ko ʻene ngāué ke tā hifo ha ʻulu sita.
ʻOkú ne fili ha faʻahinga ʻo e ʻakaú, ko e ʻoke,
Peá ne tuku ia ke tupu ʻāfaʻafa ʻi he lotolotonga ʻo e ʻuluʻakau ʻo e vaotaá.+
ʻOkú ne tō ha fuʻu ʻakau,* pea ʻoku ʻai ia ʻe he ʻuhá ke tupu.
15 Pea ʻoku hoko ia ko ha fefie maʻá e tangatá ke tafuʻaki ha afi.
ʻOkú ne toʻo hano konga ke fakamāfanaʻi ʻaki ia;
ʻOkú ne tafuʻaki ha afi pea taʻo ai ha mā.
Ka ʻokú ne toe ngaohiʻaki foki ha ʻotua pea lotu ki ai.
ʻOkú ne ngaohiʻaki ia ha ʻīmisi kuo tongi, peá ne punou hifo ki ai.+
16 ʻOkú ne tafuʻaki hano vaeua ha afi;
Pea ko e vaeua ko iá ʻokú ne tunu ai ʻa e kakanoʻi-manu ke ne kai, pea ʻokú ne mākona ai.
ʻOkú ne toe fakamāfana foki ai ʻo ne pehē:
“ʻOi! ʻOku ou māfana ʻi heʻeku sio ki he afí.”
17 Ka ko e toenga ʻo iá ʻokú ne ngaohiʻaki ia ha ʻotua, ko ʻene ʻīmisi kuo tongi.
ʻOkú ne punou hifo ki ai pea lotu ki ai.
ʻOkú ne lotu ki ai mo pehē:
“Fakahaofi au, he ko koe ʻa hoku ʻotuá.”+
18 ʻOku ʻikai ke nau ʻilo ha meʻa, ʻoku ʻikai ke mahino kiate kinautolu ha meʻa,+
Koeʻuhi he kuo tāpuni maʻu honau matá pea ʻoku ʻikai lava ke nau sio,
Pea ko honau lotó ʻoku ʻikai ke ʻi ai ha ʻiloʻilo.
19 ʻOku ʻikai ha taha ʻe fakakaukau ʻi hono lotó
Pe ʻokú ne maʻu ʻa e ʻilo pe mahino ke ne pehē:
“Ko hano vaeua naʻá ku tafuʻaki ha afi,
Pea ko hono malalá naʻá ku taʻo ai ʻa e mā pea tunu ai ʻa e kakanoʻi-manu ke u kai.
ʻOku totonu leva ke u ngaohiʻaki ʻa e toengá ha meʻa fakalielia?+
ʻOku totonu ke u lotu ki ha kupuʻi ʻakau?”*
20 ʻOkú ne kai ʻa e efuefu.
Ko hono loto kuo kākāʻí kuó ne takiheeʻi ia.
ʻOku ʻikai malava ke ne fakahaofi ʻa ia tonu, pea ʻoku ʻikai ke ne pehē:
“ʻIkai ʻoku ʻi ai ha loi ʻi hoku nima toʻomataʻú?”
21 “Manatu ki he ngaahi meʻá ni, ʻe Sēkope, pea mo koe, ʻe ʻIsileli,
He ko koe ʻa ʻeku sevānití.
Naʻá ku faʻu koe, pea ko koe ʻa ʻeku sevānití.+
ʻE ʻIsileli, ʻe ʻikai te ke ngalo ʻiate au.+
22 Te u tāmateʻi ʻa hoʻo ngaahi laka halá ʻo hangē ʻoku ʻufiʻufiʻaki ha konga ʻaó+
Mo hoʻo ngaahi angahalá ʻo hangē ʻoku ʻufiʻufiʻaki ha konga ʻao matolú.
Foki mai kiate au, he te u huhuʻi koe.+
23 Kalanga ʻi he fiefia, ʻa kimoutolu ʻa e ngaahi langí,
He kuo fai ʻe Sihova ha ngāue!
Kalanga ʻi he ikuna, ʻa kimoutolu ʻa e ngaahi feituʻu māʻulalo ʻo e māmaní!
Kalanga ʻi he fiefia, ʻa kimoutolu ʻa e ngaahi moʻungá,+
ʻA koe vaotā, mo e kotoa ʻo ho ʻuluʻakaú!
He kuo huhuʻi ʻe Sihova ʻa Sēkope,
Pea ʻokú ne fakahāhā ʻa hono ngeiá ʻi ʻIsileli.”+
24 Ko e folofola eni ʻa Sihova, ko ho Tokotaha-Huhuʻí,+
ʻA ia naʻá ne faʻu koe talu mei hoʻo ʻi manavá:
“Ko au Sihova, naʻá ku ngaohi ʻa e meʻa kotoa.
Ko hai naʻe kau mo aú?
25 ʻOku ou veuki ʻa e ngaahi fakaʻilonga ʻa e kau talanoa launoá,*
Pea ko au ʻa e Tokotaha ʻoku ou ʻai ke hangē ha seselé ʻa e kau vavaló;+
ʻA e Tokotaha ʻokú ne ʻai ke puputuʻu ʻa e kau tangata potó
Pea liliu ʻenau ʻiló ke hoko ko e koto sesele;+
26 ʻA e Tokotaha ʻokú ne ʻai ke hoko moʻoni ʻa e lea ʻa ʻene sevānití
Pea fakahoko kakato ʻa e ngaahi meʻa naʻe tomuʻa tala ʻe heʻene kau talafekaú;+
ʻA e Tokotaha ʻokú ne pehē ʻo fekauʻaki mo Selusalema, ‘ʻE nofoʻi ia,’+
Pea fekauʻaki mo e ngaahi kolo ʻo Siutá, ‘ʻE toe langa ia,+
Pea te u toe fokotuʻu ʻa hono ngaahi maumaú’;+
27 ʻA e Tokotaha ʻokú ne pehē ki he ngaahi vai lolotó, ‘Ke ke mōmoa,
Pea te u fakamātuʻu ʻa ho ngaahi vaitafé kotoa’;+
28 ʻA e Tokotaha ʻokú ne pehē fekauʻaki mo Kōlesi,+ ‘Ko ʻeku tauhi-sipi ia,
Pea te ne fakahoko kakato ʻa e kotoa ʻo hoku lotó’;+
ʻA e Tokotaha ʻokú ne pehē ʻo fekauʻaki mo Selusalema, ‘ʻE toe langa ia,’
Pea fekauʻaki mo e temipalé, ‘ʻE toe fakatoka ho fakavaʻé.’”+
45 Ko e folofola eni ʻa Sihova ki heʻene tokotaha paní, kia Kōlesi,+
ʻA ia kuó u puke ʻa hono nima toʻomataʻú+
Ke ikunaʻi ha ngaahi puleʻanga ʻi hono ʻaó,+
Ke toʻo ʻa e mālohi* ʻo e ngaahi tuʻí,
Ke fakaava ʻi hono ʻaó ʻa e ongo laumatapaá,
Koeʻuhí ke ʻoua ʻe tāpuni ʻa e ngaahi matapā ʻo e koló:
Te u laiki ʻa e ngaahi matapā kopá,
Pea te u motuhi ʻa e ngaahi meʻa fakamaʻu ukameá.+
3 Te u foaki kiate koe ʻa e ngaahi koloa ʻoku ʻi he fakapoʻulí
Pea mo e ngaahi koloa fufū ʻoku ʻi he ngaahi feituʻu fakapulipulí,+
Koeʻuhí ke ke ʻilo ai ko Sihova au,
Ko e ʻOtua ʻo ʻIsilelí, ʻa ia ʻokú ne ui koe ʻaki ho hingoá.+
4 Koeʻuhi ko ʻeku sevāniti ko Sēkopé pea mo ʻIsileli ko e tokotaha kuó u filí,
ʻOku ou ui ai koe ʻaki ho hingoá.
ʻOku ou foaki kiate koe ha hingoa lāngilangiʻia, neongo naʻe ʻikai te ke ʻiloʻi au.
5 Ko au Sihova, pea ʻoku ʻikai mo ha toe taha kehe.
ʻOku ʻikai ha ʻOtua tuku kehe au.+
Te u fakaivimālohiʻi koe,* neongo naʻe ʻikai te ke ʻiloʻi au,
6 Koeʻuhí ke ʻiloʻi ʻe he kakaí
Mei he hopo ʻa e laʻaá ki heʻene toó*
ʻOku ʻikai ha toe tokotaha tuku kehe au.+
Ko au Sihova, pea ʻoku ʻikai mo ha toe taha kehe.+
7 ʻOku ou faʻu ʻa e māmá+ pea fakatupu ʻa e fakapoʻulí,+
ʻOku ou ʻai ke hoko ʻa e melinó+ pea fakatupu ʻa e faingataʻá;+
Ko au Sihova, ʻoku ou fai ʻa e ngaahi meʻá ni kotoa.
8 ʻA kimoutolu ʻa e ngaahi langí, ke mou ʻuha hifo mei ʻolunga;+
Tuku ke tō hifo mei he ngaahi ʻaó ʻa e māʻoniʻoní.
Tuku ke fakamanga ʻa e māmaní peá ne fua mai ʻaki ʻa e fakamoʻuí,
Pea ke ne ʻai ke fisiki mai ʻi he taimi tatau pē ʻa e māʻoniʻoní.+
Ko au, Sihova, kuó u fakatupu iá.”
9 ʻOiauē ʻa e tokotaha ʻokú ne fakafekiki* mo hono Tokotaha-Ngaohí,*
He ko iá ko ha konga ʻumea pē
ʻI he lotolotonga ʻo e ngaahi konga ʻumea kehe ʻoku laku ʻi he kelekelé!
ʻE pehē koā ʻe he ʻumeá ki he Tokotaha Tufunga-ʻUmeá:* “Ko e hā ʻa e meʻa ʻokú ke ngaohí?”+
Pe ʻe pehē koā ʻe he meʻa ʻokú ke ngaohí: “ʻOku ʻikai ʻi ai hano nima”?*
10 ʻOiauē ʻa e tokotaha ʻokú ne pehē ki ha tamai: “Ko e hā ʻa e faʻahinga tama ko eni kuo tupu meiate koé?”
Pea ki ha fefine: “Ko e hā eni kuó ke fāʻeleʻi maí?”*
11 Ko e folofola eni ʻa Sihova ko e Tokotaha Māʻoniʻoni ʻo ʻIsilelí,+ ʻa e Tokotaha naʻá ne ngaohi iá:
“Te ke fakafehuʻi koā au ʻo fekauʻaki mo e ngaahi meʻa ʻe hoko maí
Pea faituʻutuʻuni mai kiate au ʻo fekauʻaki mo hoku ngaahi fohá+ mo e ngaahi ngāue ʻa hoku nimá?
12 Ko au naʻá ku ngaohi ʻa e māmaní+ mo fakatupu ʻa e tangata ʻoku ʻi aí.+
Naʻá ku falō atu ʻa e ngaahi langí ʻaki ʻa hoku nimá tonu,+
Pea ʻoku ou faituʻutuʻuni ki honau kongakaú kotoa.”+
13 “Kuó u fokotuʻu hake ha tangata ʻi he māʻoniʻoni,+
Pea te u ʻai ke hangatonu ʻa hono ngaahi halá kotoa.
Ko ia ʻa e tokotaha te ne langa ʻa hoku koló+
Pea fakatauʻatāinaʻi ʻa hoku kakai kuo ʻave fakamālohí+ ʻo ʻikai ha totongi pe ko ha totongi fufū,”+ ko e folofola ia ʻa Sihova ʻo e ngaahi kau tau.
14 Ko e folofola eni ʻa Sihová:
“Ko e tupu fakapaʻanga* ʻa ʻIsipité mo e koloa* ʻa ʻItiopeá mo e kau Sepeaní, ko e kakai lalahi,
Te nau ʻalu atu kiate koe pea te nau hoko ko hoʻo meʻa.
Te nau muimui ʻiate koe kuo haʻi sēini kinautolu.
Te nau ʻalu atu ʻo punou kiate koe.+
Te nau pehē atu kiate koe ʻi he lotu, ‘Ko e moʻoni ʻoku ʻiate koe ʻa e ʻOtuá,+
Pea ʻoku ʻikai mo ha toe taha kehe; ʻoku ʻikai mo ha toe ʻOtua kehe.’”
15 Ko e moʻoni ko koé ko ha ʻOtua ʻoku ʻikai te ne fakaeʻa maʻu pē ʻa e meʻa ʻokú ne faí,
ʻA e ʻOtua ʻo ʻIsileli, ko e Fakamoʻuí.+
16 ʻE fakamaaʻi kotoa kinautolu mo ʻai ke nau matahoa;
Ko e faʻahinga ʻoku nau ngaohi ʻa e ngaahi ʻaitolí te nau ʻalu atu kuo nau ngalivale.+
17 Ka ko koe, ʻe ʻIsileli, ʻe fakahaofi ʻe Sihova ʻo taʻengata.+
ʻE ʻikai ke fakamaaʻi kimoutolu pe fakangalivaleʻi ʻi he kotoa ʻo ʻitānití.+
18 He ko e folofola eni ʻa Sihová,
ʻA e Tokotaha-Fakatupu ʻo e langí,+ ʻa e ʻOtua moʻoní,
ʻA e Tokotaha naʻá ne faʻu ʻa e māmaní, ʻa hono Tokotaha-Ngaohi naʻá ne fokotuʻu maʻu iá,+
ʻA ia naʻe ʻikai te ne fakatupu ia ke hoko ko e koto taʻeʻaonga,* ka naʻá ne faʻu ia ke nofoʻi:+
“Ko Sihova au, pea ʻoku ʻikai mo ha toe taha kehe.
19 Naʻe ʻikai te u lea ʻi ha feituʻu fakapulipuli,+ ʻi ha fonua fakapoʻuli;
Naʻe ʻikai te u lea ki he hako ʻo Sēkopé,
‘Kumi kiate au, ka ko hoʻomou ngaahi feingá ʻe hoko ia ko e koto taʻeʻaonga.’*
Ko au Sihova ʻoku ou leaʻaki ʻa e meʻa ʻoku māʻoniʻoní mo talaki ʻa e meʻa ʻoku totonú.+
20 Mou fakatahataha pea mou omi.
ʻUnuʻunu fakataha mai, ʻa kimoutolu naʻe hao mai mei he ngaahi puleʻangá.+
ʻOku ʻikai te nau ʻiloʻi ha meʻa, ʻa kinautolu ʻoku nau fata takai holo ʻa e ngaahi ʻīmisi kuo tongí
Pea ʻoku nau lotu ki ha ʻotua heʻikai lava ke ne fakahaofi kinautolu.+
21 Fai hoʻomou fakamatalá pea fakahaaʻi ʻa hoʻomou meʻá.
Tuku ke nau alēlea fakataha.
Ko hai naʻá ne tomuʻa tala ʻa e meʻá ni talu mei muʻá?
Pea fanongonongo ia mei he kuohilí?
ʻIkai ko au ia, Sihova?
ʻOku ʻikai ha toe ʻOtua kehe ka ko au pē;
Ko ha ʻOtua māʻoniʻoni pea ko ha Fakamoʻui,+ ʻoku ʻikai mo ha toe taha tuku kehe au.+
22 Mou hanga mai kiate au pea ʻe fakahaofi ai kimoutolu,+ ʻa e ngaahi ngataʻanga kotoa ʻo e māmaní,
He ko au ʻa e ʻOtuá, pea ʻoku ʻikai mo ha toe taha kehe.+
23 Kuó u fai ha fuakava ʻiate au pē;
Kuo ʻalu atu ʻa e lea mei hoku ngutú ʻi he māʻoniʻoni,
Pea ʻe ʻikai ke toe foki mai ia:+
ʻE tūʻulutui ʻa e tui kotoa pē kiate au,
ʻE fai ʻe he ʻelelo kotoa pē ha fuakava ʻo e mateaki+
24 ʻO nau pehē, ‘Ko e moʻoni ʻoku ʻia Sihova ʻa e māʻoniʻoni moʻoní mo e mālohí.
Ko e faʻahinga kotoa ʻoku ʻita kiate iá te nau omi ʻi he mā ki hono ʻaó.
25 ʻIa Sihova ʻe fakamoʻoniʻi ai ʻoku moʻoni ʻa e hako kotoa ʻo ʻIsilelí,+
Pea ʻiate ia te nau pōlepole ai.’”
46 ʻOku mapelu hifo ʻa Pēlī,+ ʻoku punou ʻa Nipo.*
ʻOku fakaheka ʻa hona ngaahi ʻaitolí ʻi he fanga manu, ʻi he fanga monumanu ngāué.+
ʻO hangē ha ʻū meʻa ʻokú ne fakamafasiaʻi ʻa e fanga manu kuo helaʻiá.
2 ʻOkú na punou mo mapelu hifo fakataha;
ʻOku ʻikai malava ke na fakahaofi ʻa ʻena utá,*
Pea ʻokú na ʻalu atu ke nofo pōpula.
3 “Fanongo mai kiate au, ʻa e fale ʻo Sēkope, pea mo kimoutolu kotoa ʻa e toenga ʻo e fale ʻo ʻIsilelí,+
ʻA kimoutolu kuó u tokoniʻi talu mei homou fanauʻí mo fua talu mei hoʻomou kei ʻi manavá.+
4 Te u kei tatau ai pē ʻo aʻu ki hoʻo motuʻa;+
Te u kei fata ai pē koe ʻo aʻu ki he hinā ho ʻulú.
Hangē ko ia kuó u faí, te u fua koe mo fata koe pea fakahaofi koe.+
5 Ko hai te mou fakatatau au ki ai pe ʻai ke ma tatau pe fakahoa au ki ai,+
Koeʻuhí ke ma vāvātatau?+
6 ʻOku ʻi ai ʻa e faʻahinga ʻoku nau huhua atu ʻa e koula mei heʻenau pēsí;
ʻOku nau fua ʻa e siliva ʻi he meʻafuá.
ʻOku nau totongiʻi mai ha tokotaha tuki ukamea, pea ʻokú ne ngaohiʻaki ia ha ʻotua.+
ʻOku nau fakatōmapeʻe atu leva ki ai, ʻio, ʻoku nau lotu ki ai.*+
7 ʻOku nau hiki hake ia ki honau umá;+
ʻOku nau fua atu ia ʻo tuku ʻi hono feituʻú, pea ʻokú ne tuʻu maʻu ai pē.
ʻOku ʻikai te ne ngaʻunu mei hono feituʻú.+
ʻOku nau tangi ki ai, ka ʻoku ʻikai te ne fai mai ha tali;
ʻOku ʻikai te ne malava ke ne fakahaofi ha taha mei he faingataʻá.+
8 Manatuʻi ʻa e meʻá ni, pea mou loto-toʻa.
ʻAi ia ki homou lotó, ʻa kimoutolu kau faihala.
9 Manatuʻi ʻa e muʻaki* ngaahi meʻa talu mei muʻá,
ʻA ia ko au ʻa e ʻOtuá, pea ʻoku ʻikai mo ha toe taha kehe.
Ko au ʻa e ʻOtuá, pea ʻoku ʻikai ha taha ʻe tatau mo au.+
10 ʻOku ou tomuʻa tala mei he kamataʻangá ʻa e meʻa ʻe hokó,
Pea mei he kuonga muʻá ʻa e ngaahi meʻa kuo teʻeki ke faí.+
11 ʻOku ou ui ha manupuna fekai mei he hopoʻanga laʻaá,*+
ʻA e tangata mei ha fonua mamaʻo ke ne fakahoko ʻa ʻeku tuʻutuʻuní.*+
Kuó u lea, pea te u fakahoko ia.
Kuó u fokotuʻu ha taumuʻa, pea te u fakahoko foki ia.+
12 Fanongo mai kiate au, ʻa kimoutolu ʻoku loto-fefeká,*
ʻA kimoutolu ʻoku mou mamaʻo mei he māʻoniʻoní.
13 Kuó u ʻomi ke ofi ʻa ʻeku māʻoniʻoní;
ʻOku ʻikai ke mamaʻo ia,
Pea ko ʻeku fakamoʻuí ʻe ʻikai toloi.+
Te u tuku ha fakamoʻui ki Saione, ʻa hoku ngeiá ki ʻIsileli.”+
47 ʻAlu hifo ʻo nofo ʻi he efú,
ʻE ʻofefine kei nofo anga-maʻa ʻo Pāpilone.+
Tangutu ʻi he kelekelé ʻa ia ʻoku ʻikai ha taloni,+
ʻE ʻofefine ʻo e kau Kalitiá,
Koeʻuhí heʻikai ʻaupito ke toe lau ʻe he kakaí ʻoku tokangaʻi lelei koe mo fakapelepeleʻi.
2 Toʻo ha maka momosi-nima pea momosi ʻa e mahoaʻá.
Toʻo hifo ho pūloú.
Vete ho kofu tōtōlofá, ʻai ke ʻasi ho vaʻé.
Kolosi atu ʻi he ngaahi vaitafé.
3 ʻE ʻasi hoʻo telefuá.
ʻE fakaeʻa ʻa hoʻo maá.
Te u fai ha sāuni,+ pea ʻe ʻikai ha tangata te ne taʻofi au.*
4 “Ko e Tokotaha ʻokú ne huhuʻi kitautolú
—Ko Sihova ʻo e ngaahi kau tau ʻa hono huafá—
ʻA e Tokotaha Māʻoniʻoni ʻo ʻIsilelí.”+
5 Tangutu fakalongolongo ʻi ai pea ʻi he fakapoʻuli,
ʻE ʻofefine ʻo e kau Kalitiá;+
ʻE ʻikai ke nau toe ui koe ko e Pule* ʻo e ngaahi Puleʻangá.+
6 Naʻá ku ʻita ki hoku kakaí.+
Ka naʻe ʻikai te ke fakahaaʻi ha meesi kiate kinautolu.+
Naʻa mo e tokotaha taʻumotuʻá naʻá ke hilifaki ki ai ha ʻioke mamafa.+
7 Naʻá ke pehē: “Te u hoko maʻu ai pē ko e Pule,* ʻo taʻengata.”+
Naʻe ʻikai te ke ʻai ki ho lotó ʻa e ngaahi meʻá ni;
Naʻe ʻikai te ke fakakaukau ki he ikuʻanga ʻo e meʻá ni.
8 Ko eni fanongo ki he meʻá ni, ʻa e tokotaha ʻoku ʻofa ʻi he mālié,+
ʻA ia ʻoku nofo ʻi he malu, ʻa ia ʻokú ne pehē ʻi hono lotó:
“Ko au toko taha pē, pea ʻoku ʻikai mo ha toe taha kehe.+
ʻE ʻikai te u hoko ko ha uitou.
ʻE ʻikai ʻaupito te u hokosia ha mole ʻa ʻeku fānaú.”+
9 Ka ko e ongo meʻá ni te na hoko fakafokifā atu kiate koe, ʻi he ʻaho pē ʻe taha:+
ʻA e mole ʻa e fānaú mo e hoko ko e uitoú.
Te na hoko kakato atu kiate koe+
Koeʻuhi ko e* lahi ʻa hoʻo faifakalouʻakaú mo e kotoa ʻo hoʻo faimana mālohí.+
10 Naʻá ke falala ki hoʻo tōʻonga fulikivanú.
Naʻá ke pehē: “ʻOku ʻikai ha taha ʻe sio mai kiate au.”
Ko ho potó mo hoʻo ʻiló ʻa ia naʻá na takiheeʻi koé,
Pea ʻokú ke pehē ʻi ho lotó: “Ko au toko taha pē, pea ʻoku ʻikai mo ha toe taha kehe.”
11 Ka ʻe hoko mai ʻa e fakatamaki kiate koe,
Pea heʻikai ke taʻofi ia ʻe ha taha ʻo hoʻo ngaahi faimaná.*
ʻE tō ʻa e kovi kiate koe; heʻikai te ke malava ke kalofi ia.
ʻE hoko fakafokifā mai ʻa e ʻauha kiate koe ʻa ia naʻe ʻikai ʻaupito te ke hokosia.+
12 Ko ia, hoko atu ʻa hoʻo ngaahi faimaná mo hoʻo faifakalouʻakau lahí,+
ʻA ia naʻá ke ngāueʻaki talu mei hoʻo kei talavoú.
Mahalo pē ʻe lava ke ke maʻu ʻaonga mei ai;
Mahalo pē te ke taaʻi ʻaki ai ʻa e kakaí ʻa e manavahē.
13 Kuó ke hoko ʻo ongosia ʻi he tokolahi ʻa hoʻo kau faleʻí.
Tuku ke nau tuʻu hake he taimí ni ʻo fakahaofi koe,
ʻA kinautolu ʻoku nau lotu ki he ngaahi langí,* ʻoku nau sio fakamamaʻu ki he ngaahi fetuʻú,+
ʻA kinautolu ʻoku nau ʻoatu ʻa e ʻilo ʻi he sio ki he ngaahi māhina foʻoú
ʻO fekauʻaki mo e ngaahi meʻa ʻe hoko mai kiate koé.
14 Vakai! ʻOku nau hangē ha mohukú.
ʻE tutu kinautolu ʻe ha afi.
Heʻikai ke nau lava ʻo fakahaofi kinautolu mei he mālohi ʻo e ulo ʻa e afí.
ʻOku ʻikai ko ha malala eni ke fai ai ha fakamāfana,
Pea ʻoku ʻikai ko ha afi eni ke tangutu ʻi muʻa ai.
15 Ko ia ʻe hoko ʻo pehē ʻa hoʻo kau faimaná,
ʻA kinautolu naʻá ke ngāue mo ia talu mei hoʻo kei talavoú.
Te nau ʻalu fano holo, ʻa e tokotaha taki taha ʻi hono hala* pē ʻoʻona.
ʻE ʻikai ha taha ke ne fakahaofi koe.+
48 Fanongo mai ki he meʻá ni, ʻa e fale ʻo Sēkopé,
ʻA kimoutolu ʻoku mou uiʻaki kimoutolu ʻa e hingoa ʻo ʻIsilelí+
Pea ko hoʻomou haʻú mei he ngaahi vai* ʻo Siutá,
ʻA kimoutolu ʻoku mou fai ha fakapapau ʻi he huafa ʻo Sihová+
Pea ʻoku mou ui ki he ʻOtua ʻo ʻIsilelí,
Neongo ʻoku ʻikai ke mou fai ia ʻi he moʻoni mo e māʻoniʻoni.+
2 He ʻoku nau uiʻaki kinautolu ʻa e kolo tapú+
Pea kumi ki he poupou ʻa e ʻOtua ʻo ʻIsilelí,+
ʻA ia ko hono huafá ko Sihova ʻo e ngaahi kau tau.
3 “Ko e muʻaki* ngaahi meʻá naʻá ku tala atu ia ʻi he kuohilí.
Naʻe ʻalu atu ia mei hoku ngutú tonu,
Pea naʻá ku ʻai ia ke ʻiloa.+
Naʻe fakafokifā ʻeku ngāue ki aí, pea naʻe hoko ia.+
4 Koeʻuhí naʻá ku ʻilo ʻa hoʻo loto-fefeká
—ʻA ia ko ho kiá ko ha uoua ukamea pea ko ho foʻi laʻé ko ha kopa+—
5 Naʻá ku tala atu ia ʻi he kuohilí.
ʻI he ki muʻa ke hoko iá, naʻá ku ʻai koe ke ke fanongo ki ai,
Koeʻuhí ke ʻoua naʻa malava ai ke ke pehē, ‘Ko ʻeku ʻaitolí naʻá ne fai ʻa e meʻá ni;
Ko ʻeku ʻīmisi kuo tongí mo ʻeku ʻīmisi mētalé* naʻá na tuʻutuʻuni ʻa e meʻá ni.’
6 Kuó ke fanongo pea vakai ki he kotoa ʻo e meʻá ni.
ʻE ʻikai koā te mou talaki ia?+
Mei he taimí ni ʻo faai atu ʻoku ou fanongonongo ha ngaahi meʻa foʻou kiate koe,+
Ha ngaahi fakalilolilo kuo maluʻi ʻa ia kuo teʻeki ai ke ke ʻilo ki ai.
7 Ko hono toki fakatupú pē eni, ʻo ʻikai ʻi he kuohilí,
Ko e ngaahi meʻa kuo ʻikai ʻaupito te ke fanongo ai ki muʻa ʻi he ʻahó ni,
Ke ʻoua naʻa malava ai ke ke pehē, ‘Vakai! Naʻá ku ʻosi ʻiloʻi ia.’
8 ʻIkai, kuo teʻeki ai ke ke fanongo ai,+ kuo teʻeki ai ke ke ʻilo ia,
Pea ʻi he kuohilí naʻe ʻikai ke fakaava ho telingá.
9 Ka koeʻuhí ko hoku hingoá te u fakamaʻumaʻu ʻa ʻeku ʻitá;+
Te u taʻotaʻofi au meiate koe koeʻuhí ke fakahīkihikiʻi ai au,
Pea heʻikai te u fakaʻauha koe.+
10 Vakai! Kuó u sivi koe, ka ʻe ʻikai hangē ko e fai ki he silivá.+
Kuó u ʻahiʻahiʻi* koe ʻi he fōnise hakaʻanga mētale ʻa ia ko e faingataʻaʻiá.+
11 Koeʻuhí ko au, koeʻuhí ko au te u fai ha ngāue,+
He ʻe lava fēfē ke u tuku au ke taʻefakamāʻoniʻoniʻi?+
ʻOku ʻikai te u ʻoange ʻa hoku lāngilangí ki ha toe taha kehe.*
12 Fanongo kiate au, ʻe Sēkope, pea mo ʻIsileli, ʻa ia kuó u uí.
Ko e Tokotaha tatau pē au.+ Ko au ʻa e kamataʻangá; pea ko au foki ʻa e ngataʻangá.+
13 Ko hoku nimá naʻá ne fakatoka ʻa e makatuʻunga ʻo e māmaní,+
Pea ko hoku nima toʻomataʻú naʻá ne falō atu ʻa e langí.+
ʻI heʻeku ui kinauá, ʻokú na tuʻu fakataha hake.
14 Mou fakatahataha mai, ʻa kimoutolu kotoa, pea fanongo.
Ko hai ʻiate kinautolu kuó ne fanongonongo ʻa e ngaahi meʻá ni?
Kuo ʻofeina ia ʻe Sihova.+
15 Ko au kuó u leá, pea kuó u ui ia.+
Kuó u ʻomai ia, pea ko hono halá ʻe lavameʻa.+
16 Mou omi ke ofi mai kiate au, pea fanongo ki he meʻá ni.
Mei he kamatá pē kuo ʻikai te u fufū ʻa ʻeku leá.+
Mei he taimi naʻe hoko aí naʻá ku ʻi ai.”
Pea ko eni ko e ʻEiki Hau ko Sihová kuó ne fekauʻi mai au, pea* mo hono laumālié.
17 Ko e folofola eni ʻa Sihova, ko ho Tokotaha-Huhuʻí, ʻa e Tokotaha Māʻoniʻoni ʻo ʻIsilelí:+
“Ko au Sihova, ko ho ʻOtuá,
ʻA e Tokotaha ʻokú ne akoʻi koe ke ke maʻu ʻaonga aí,*+
ʻA e Tokotaha ʻokú ne tataki koe ʻi he hala ʻoku totonu ke ke fou aí.+
18 Pehē ange mai te ke tokanga ki heʻeku ngaahi tuʻutuʻuní!+
ʻE hoko leva ai ʻa hoʻo nongá ʻo hangē ko ha vaitafé+
Pea ko hoʻo māʻoniʻoní ʻe hangē ko e ngaahi peau ʻo e tahí.+
19 Ko hoʻo fānaú mo ho hakó ʻe hangē honau tokolahí ko e ʻoneʻoné+
Ko honau hingoá ʻe ʻikai ʻaupito ke tuʻusi pe fakaʻauha ʻosi mei hoku ʻaó.”
20 Mou mavahe mei Pāpilone!+
Hola mei he kau Kalitiá!
Fanongonongo ia ʻaki ha kalanga fiefia! Talaki fakahāhā ia!+
ʻAi ke ʻiloa ia ʻo aʻu ki he ngaahi ngataʻanga ʻo e māmaní.+
Mou pehē: “Kuo huhuʻi ʻe Sihova ʻa ʻene sevāniti ko Sēkopé.+
21 Naʻe ʻikai ke nau fieinua ʻi heʻene taki kinautolu ʻi he ngaahi potu lalá.+
Naʻá ne ʻai ha vai ke tafe atu mei he maká kiate kinautolu;
Naʻá ne fahiʻi ʻa e maká pea ʻai ke puna mei ai ha vai.”+
22 “ʻOku ʻikai ha nonga,” ko e folofola ia ʻa Sihová, “ki he kau fulikivanú.”+
49 Fanongo mai kiate au, ʻa kimoutolu ʻa e ngaahi motú,
Pea tokanga mai, ʻa kimoutolu ʻa e ngaahi puleʻanga mamaʻó.+
Kuo ui au ʻe Sihova ki muʻa ʻi hoku fanauʻí.*+
Mei he taimi naʻá ku ʻi he manava ai ʻo ʻeku faʻeé naʻá ne leaʻaki ʻa hoku hingoá.
2 Naʻá ne ngaohi ʻa hoku ngutú ke hangē ha heletā māsilá;
Kuó ne fufū au ʻi he malu ʻo hono nimá.+
Naʻá ne ngaohi au ko ha foʻi ngahau kuo fakamata;
Naʻá ne fufū au ʻi heʻene faʻoʻanga ngahaú.
3 Naʻá ne folofola mai kiate au: “Ko koe ʻa ʻeku sevānití, ʻe ʻIsileli,+
ʻA ia te u fakahā ai ʻa hoku lāngilangí.”+
4 Ka naʻá ku pehē: “Kuo taʻeʻaonga ʻa ʻeku fakaongosiá.
Naʻe mole noa mo kulanoa ʻa hoku iví.
5 Pea ko eni ko Sihova, ʻa e Tokotaha naʻá ne ngaohi au ʻi manava ko ʻene sevānití,
Kuó ne folofola mai ke u fakafoki kiate ia ʻa Sēkope,
Koeʻuhí ke fakatahataha kiate ia ʻa ʻIsileli.+
ʻE fakalāngilangiʻi au ʻi he ʻao ʻo Sihová,
Pea ko hoku ʻOtuá te ne hoko ko hoku mālohinga.
6 Pea naʻá ne folofola: “ʻOku ʻikai feʻunga ʻa hoʻo hoko ko ʻeku sevāniti
Ke toe fokotuʻu ʻa e ngaahi matakali ʻo Sēkopé
Pea ke fakafoki mai ʻa e faʻahinga ʻo ʻIsileli naʻe fakahaofí.
Kuó u toe tuku atu koe ke ke hoko ko ha maama ki he ngaahi puleʻangá,+
Koeʻuhí ke aʻu ʻa ʻeku fakamoʻuí ki he ngaahi ngataʻanga ʻo e māmaní.”+
7 Ko e folofola eni ʻa Sihova, ko e Tokotaha-Huhuʻi ʻo ʻIsilelí, ko ʻene Tokotaha Māʻoniʻoní,+ ki he tokotaha kuo taʻetokaʻí,+ ki he tokotaha ʻoku fehiʻanekinaʻi ʻe he puleʻangá, ki he sevāniti ʻa e kau pulé:
“ʻE sio ʻa e ngaahi tuʻí pea te nau tuʻu hake,
Pea ʻe punou ʻa e houʻeikí
Koeʻuhí ko Sihova, ʻa ia ʻoku faitōnungá,+
ʻA e Tokotaha Māʻoniʻoni ʻo ʻIsilelí, ʻa ia kuó ne fili koé.”+
8 Ko e folofola eni ʻa Sihová:
“ʻI ha taimi fakahōifua naʻá ku fai ha tali kiate koe,+
Pea ʻi ha ʻaho ʻo e fakamoʻuí naʻá ku tokoniʻi koe;+
Naʻá ku hanganaki maluʻi koe ke tuku atu koe ko ha fuakava ki he kakaí,+
Ke toe fakafoʻou ʻa e fonuá,
Ke ʻai kinautolu ke nau maʻu ʻa honau ngaahi tofiʻa kuo lalá,+
9 Ke lea ki he kau pōpulá, ‘Mou hū mai ki tuʻa!’+
Pea ki he faʻahinga ʻi he fakapoʻulí,+ ‘Mou omi!’
Te nau kai ʻi he ngaahi halá ʻo hangē ha fanga sipí,
ʻI he ngaahi hala kotoa kuo lahi hono ʻaluʻí* ʻe ʻi ai honau ngaahi kaikaiʻangá.
10 Heʻikai te nau fiekaia, pea heʻikai te nau fieinua,+
Pe taaʻi kinautolu ʻe he ʻafu vevelá pe ko e laʻaá.+
He ko e Tokotaha ʻoku meesi kiate kinautolú te ne taki kinautolu,+
Pea te ne tataki kinautolu ʻi ha ngaahi veʻe vai.+
11 Te u ngaohi ʻa hoku ngaahi moʻungá kotoa ke hoko ko ha hala,
Pea ke tanu ke mahiki hake ʻa hoku ngaahi hala lalahí.+
12 Vakai! ʻOku haʻu ʻa e faʻahingá ni mei he mamaʻó,+
Pea vakai, ko e faʻahingá ni ʻoku mei he tokelaú pea mo e hihifó,
Pea ko e faʻahingá ni ko ʻenau haʻu mei he fonua ko Sinimí.”+
13 Kaila ʻi he fiefia, ʻa kimoutolu ʻa e ngaahi langí, pea mavava, ʻa koe ʻa e māmaní.+
Tuku ke tomeʻe ʻa e ngaahi moʻungá ʻi ha kaila fiefia.+
He ko Sihova kuó ne fakafiemālieʻi ʻa hono kakaí,+
Pea ʻokú ne fakahāhā ʻa e meesi ki he faʻahinga ʻaʻana kuo faingataʻaʻiá.+
14 Ka naʻe toutou pehē ʻe Saione:
“Kuo liʻaki au ʻe Sihova,+ pea kuo fakangaloʻi au ʻe Sihova.”+
15 ʻE malava koā ke ngalo ʻi ha fefine ʻa ʻene tama kei huhú
Pe ʻikai koā ke ne manavaʻofa ki he tama ʻo hono manavá?
Neongo kapau ʻe ngalo ʻi he kau fefiné, ʻe ʻikai ʻaupito te ke ngalo ʻiate au.+
16 Vakai! Kuó u tongi ho hingoá ʻi hoku ʻaofinimá.
Ko ho ngaahi ʻaá ʻoku ʻi hoku ʻaó maʻu ai pē.
17 Ko ho ngaahi fohá ʻoku nau haʻu fakavave.
Ko e faʻahinga naʻa nau holoki mo fakaʻauha koé te nau mavahe meiate koe.
18 Hanga hake ho matá ʻo sio takai holo.
ʻOku nau fakatahataha kotoa mai.+
ʻOku nau haʻu kiate koe.
“ʻOku ou fuakava ʻiate au,”* ko e fanongonongo ia ʻa Sihová,
“Te ke fakateunga ʻaki koe ʻa kinautolu kotoa ʻo hangē ha meʻa-teuteú,
Pea te ke nonoʻo kinautolu kiate koe ʻo hangē ko ia ʻoku fai ʻe ha taʻahine malí.
19 Neongo ko ho ngaahi feituʻú naʻe ʻauha mo maomaonganoa pea maumau ho fonuá,+
Ko eni ʻe hoko ia ʻo fuʻu ʻefiʻefi ki he faʻahinga ʻoku nofo aí,+
Pea ko e faʻahinga naʻa nau folofua koé+ te nau ʻi he mamaʻó.+
20 Ko e ngaahi foha naʻe fanauʻi hili ʻa e mole ʻa hoʻo fānaú te nau lea ʻo ke fanongo ki ai,
‘ʻOku fuʻu ʻefiʻefi ʻa e feituʻú ni kiate au.
Fakaʻataʻatā ha feituʻu moʻoku ke u nofo ai ʻi heni.’+
21 Pea te ke pehē ʻi ho lotó,
‘Ko hai ʻa e tamai kuó ne tokangaʻi ʻa kinautolú ni maʻakú,
He ko aú ko ha fefine naʻe mole ʻeku fānaú peá u paʻa,
Naʻe ʻave fakamālohi mo taki pōpula?
Ko hai naʻá ne tauhi hake ʻa kinautolú ni?+
22 Ko e folofola eni ʻa e ʻEiki Hau ko Sihová:
“Vakai! Te u hiki hake ʻa hoku nimá ki he ngaahi puleʻangá,
Pea te u hiki hake ʻa ʻeku fakaʻilongá* ki he ngaahi kakaí.+
23 Ko e ngaahi tuʻí te nau hoko ko ho kau tauhi,+
Pea ko ʻenau kau pilinisesí te nau hoko ko ho kau fefine tauhi.
Te nau punou kiate koe mo hanga honau matá ki he kelekelé+
Pea ʻemo ʻa e efu ʻi ho vaʻé,+
Pea te ke toki ʻilo ai ko au Sihova;
Ko e faʻahinga ʻoku nau ʻamanaki kiate aú ʻe ʻikai ke fakamaaʻi.”+
24 ʻE lava koā ke ʻave ʻa e faʻahinga kuo puke pōpulá mei ha tangata toʻa,
Pe ʻe lava koā ke fakahaofi ʻa e kau pōpula ʻa e tokotaha pule kakahá?
25 Ka ko e folofola eni ʻa Sihová:
“Naʻa mo e kau pōpula ʻa ha tangata toʻa ʻe ʻave kinautolu,+
Pea ko e faʻahinga naʻe puke pōpula ʻe he tokotaha pule kakahá ʻe fakahaofi.+
Te u fakafepakiʻi ʻa e faʻahinga ʻoku nau fakafepakiʻi koé,+
Pea te u fakahaofi ho ngaahi fohá.
26 Te u ʻai ʻa e faʻahinga ʻoku nau ngaohikoviʻi koé ke nau kai honau kakano ʻonautolú,
Pea te nau hoko ʻo konā ʻi honau totó ʻo hangē ko e konā ʻi he uaine melié.
Pea ʻe toki ʻilo ai ʻe he kakai* kotoa pē ko Sihova au,+
Ko ho Fakamoʻuí+ mo ho Tokotaha-Huhuʻí,+
ʻA e Tokotaha Mālohi ʻo Sēkopé.”+
50 Ko e folofola eni ʻa Sihová:
“Ko fē ʻa e tohi vete+ ʻa hoʻomou faʻeé, ʻa ia naʻá ku kapusí?
Pe ko hai ʻi heʻeku kau tali fakamoʻuá naʻá ku fakatau atu kimoutolu ki aí?
Vakai! Naʻe fakatau atu kimoutolú koeʻuhí ko hoʻomou ngaahi faihalá,+
Pea naʻe kapusi ʻa hoʻomou faʻeé koeʻuhí ko hoʻomou ngaahi laka halá.+
2 Ko e hā leva naʻe ʻikai ai ke ʻi heni ha taha ʻi heʻeku haʻú?
Ko e hā naʻe ʻikai ke fai mai ai ʻe ha taha ha tali ʻi heʻeku uí?+
ʻOku fuʻu nounou koā ʻa hoku nimá ke ne fai ha huhuʻi,
Pe ʻoku ʻikai koā ha mālohi ʻiate au ke u fai ha fakahaofi?+
ʻOku kovi ʻenau iká ko e ʻikai ʻi ai ha vaí,
Pea ʻoku nau mate koeʻuhí ko e hala ha vaí.
3 ʻOku ou fakakofu ʻa e ngaahi langí ʻaki ʻa e fakapoʻuli,+
Pea ʻoku ou ʻai ʻa e vala tauangaʻá ke ʻufiʻufiʻaki kinautolu.”
4 Ko e ʻEiki Hau ko Sihová kuó ne ʻomi kiate au ʻa e ʻelelo ʻo e faʻahinga kuo akoʻí,*+
Koeʻuhí ke u ʻilo ʻa e founga ke fai ai ha tali* ki he tokotaha ʻoku ongosiá ʻaki ʻa e lea totonu.*+
ʻOkú ne fafangu au ʻi he pongipongi ki he pongipongi;
ʻOkú ne ueʻi ʻa hoku telingá ke fanongo ʻo hangē ko e faʻahinga kuo akoʻí.+
Naʻe ʻikai te u ʻalu ʻi ha hala kehe.+
6 Naʻá ku tuku atu hoku tuʻá ki he faʻahinga ʻoku nau taaʻi aú
Pea mo hoku kouʻahé ki he faʻahinga naʻa nau fusi ʻa e kavá.
Naʻe ʻikai te u fufū hoku matá mei he ngaahi meʻa fakamaá mo e ʻanuhí.+
7 Ka ko e ʻEiki Hau ko Sihová te ne tokoniʻi au.+
Ko e ʻuhinga ia ʻe ʻikai ai te u ongoʻi maá.
Ko e ʻuhinga ia kuó u ʻai ai hoku matá ke hangē ha maka fefeká,+
Pea ʻoku ou ʻiloʻi heʻikai ke fakamaaʻi au.
8 Ko e Tokotaha ʻokú ne lau ʻoku ou māʻoniʻoní ʻoku ofi mai.
Ko hai ʻe lava ke ne tukuakiʻi* aú?+
Tuku ke mau tuʻu fehangahangai.
Ko hai ia ʻoku ʻi ai haʻane lāunga fekauʻaki mo aú?
Tuku ke ne fakaofiofi mai.
9 Vakai! Ko e ʻEiki Hau ko Sihová te ne tokoniʻi aú.
Ko hai te ne fakahalaiaʻi aú?
Vakai! Te nau popo hono kotoa ʻo hangē ha kofú.
ʻE kai kinautolu ʻe he ané.
10 Ko hai ʻiate kimoutolu ʻoku manavahē kia Sihová
Mo fanongo ki he leʻo ʻo ʻene sevānití?+
Ko hai kuó ne laka ʻi he fakapoʻulilōloó, ʻo ʻikai ha maama ʻe tahá?
Tuku ke ne falala ki he huafa ʻo Sihová peá ne maʻu ha poupou mei* hono ʻOtuá.
11 “Vakai! Ko kimoutolu kotoa ʻoku mou tutu ha afi,
ʻO mou ʻai ke tupu mei ai ha mofisiʻi afi,
Mou ʻaʻeva ʻi he maama mei hoʻomou afí,
ʻI he ngaahi mofisiʻi afi kuo mou tutú.
Ko e meʻa eni te mou maʻu mei hoku nimá:
Te mou tokoto hifo ʻi he mamahi lahi.
51 “Fanongo mai kiate au, ʻa kimoutolu ʻoku tuli ki he māʻoniʻoní,
ʻA kimoutolu ʻoku kumi kia Sihová.
Vakai ki he maka naʻe tā kimoutolu mei aí
Pea ki he keliʻanga maka naʻe keli kimoutolu mei aí.
He naʻá ne toko taha pē ʻi he taimi naʻá ku ui ai iá,+
Pea naʻá ku tāpuakiʻi ia pea ʻai ia ke ne tokolahi.+
3 He ʻe fakafiemālieʻi ʻe Sihova ʻa Saione.+
Te ne ʻomai ha fakafiemālie ki he kotoa ʻo hono ngaahi maumaú,+
Pea te ne ngaohi ʻa hono toafá ke hangē ko ʻĪtení+
Pea mo hono toafa tokaleleí ke hangē ko e ngoue ʻa Sihová.+
ʻE ʻilo ʻiate ia ʻa e mavavá mo e fiefiá,
ʻA e fakamāloó pea mo e hiva mālié.+
4 Tokanga kiate au, ʻa hoku kakai,
Pea tuku telinga mai kiate au, ʻa hoku puleʻanga.+
He ko e laó ʻe ʻalu atu ia meiate au,+
Pea te u fokotuʻu ʻa ʻeku fakamaau totonú ko ha maama ki he ngaahi kakaí.+
5 Ko ʻeku māʻoniʻoní ʻoku fakaofi mai.+
6 Mou hanga hake ki he ngaahi langí,
Pea vakai ki he māmaní ʻi lalo.
He ʻe movete ʻa e ngaahi langí ʻo hangē ha kohú;
ʻE popo ʻa e māmaní ʻo hangē ha kofú,
Pea ʻe mate ʻa e kakai ʻoku nofo aí ʻo hangē ha namú.
7 Fanongo mai kiate au, ʻa kimoutolu ʻoku ʻilo ki he māʻoniʻoní,
ʻOua ʻe ilifia ki he luma ʻa e kau tangata ko e meʻa noa peé,
Pea ʻoua ʻe manavahē koeʻuhí ko ʻenau laukoví.
8 He ʻe kai kinautolu ʻe he ané ʻo hangē pē ha kofú;
Ko e ané* te ne keina kinautolu ʻo hangē ha fulufuluʻisipí.+
Ka ko ʻeku māʻoniʻoní ʻe tolonga ʻo taʻengata,
Mo ʻeku fakamoʻuí ʻo aʻu ki he ngaahi toʻutangata kotoa.”+
9 ʻĀ hake! ʻĀ hake! Fakateunga koe ʻaki ʻa e mālohi,
ʻA e nima ʻo Sihová!+
ʻĀ hake ʻo hangē ko ia ko hoʻo ʻā hake ʻi he ngaahi ʻaho ʻi he kuohilí, ʻo hangē ko ia ʻi he ngaahi toʻutangata kuo mahili atú.
10 ʻIkai ko koe ʻa e tokotaha naʻá ke fakamaha ʻa e tahí, ʻa e ngaahi vai ʻo e lolotó?+
ʻA e tokotaha naʻá ne ngaohi ʻa e loloto ʻo e tahí ko ha hala ke kolosi ai ʻa e faʻahinga kuo huhuʻí?+
11 ʻE toe foki mai ʻa e faʻahinga kuo huhuʻi ʻe Sihová.+
Te nau haʻu mo e kalanga fiefia ki Saione,+
Ko e mavavá mo e fiefiá ʻe ʻanautolu ia,
Pea ʻe mole atu ʻa e mamahí mo e māpuhoí.+
12 “Ko au ia ʻa e Tokotaha ʻokú ne fakafiemālieʻi kimoutolú.+
Ko e hā ke ke ilifia ai ki ha tangata ko e meʻa noa pē ʻa ia ʻe maté+
Pea ki ha foha ʻo e tangatá ʻa ia ʻe mae ʻo hangē ko e mohuku lanu matá?
13 Ko e hā ʻokú ke fakangaloʻi ai ʻa Sihova ko ho Tokotaha-Ngaohí,+
ʻA e Tokotaha naʻá ne falō atu ʻa e ngaahi langí+ mo fakatoka ʻa e makatuʻunga ʻo e māmaní?
Pea naʻá ke hanganaki ilifia ʻi he ʻahó kotoa ki he ʻita ʻa e tokotaha fakafeʻātungiá,*
ʻO hangē ia naʻá ne ʻi ha tuʻunga ke fakaʻauha koé.
Ko fē leva ai ʻa e ʻita ʻa e tokotaha fakafeʻātungiá?
14 ʻE vavé ni ke vete ange ʻa e tokotaha ʻoku hanoku kuo haʻi sēiní;+
Heʻikai te ne mate pea ʻalu ki he luó,
Pe te ne hala ʻi ha foʻi mā.
15 Ka ko au Sihova ko ho ʻOtuá,
ʻA ia ʻokú ne ueʻi ʻa e tahí pea ʻai ke ʻuʻulu ʻa hono ngaahi peaú+
—Ko Sihova ʻo e ngaahi kau tau ʻa hono huafá.+
16 Te u ʻai ʻeku ngaahi leá ki ho ngutú,
Pea te u ʻufiʻufi koe ʻaki ʻa e malu ʻo hoku nimá,+
Koeʻuhí ke u fokotuʻu ʻa e ngaahi langí pea mo fakatoka ʻa e makatuʻunga ʻo e māmaní+
Pea ke u pehē ki Saione, ‘Ko koe ʻa hoku kakaí.’+
17 ʻĀ hake! ʻĀ hake! Tuʻu hake, ʻe Selusalema,+
ʻA koe kuó ke inu mei he nima ʻo Sihová ʻa e ipu ʻo ʻene houhaú.
Kuó ke inu ʻa e ipu uainé;
Kuó ke inu ʻo maha ʻa e ipu ʻokú ne fakatupunga ʻa e tāsipá.+
18 ʻOku ʻikai ha taha ʻi he kotoa ʻo hono ngaahi foha naʻá ne fanauʻí ʻoku ʻi ai ke ne tataki ia,
Pea ʻoku ʻikai ha taha ʻi he kotoa ʻo hono ngaahi foha naʻá ne tauhi haké kuó ne puke ʻa hono nimá.
19 Ko e ongo meʻa ko ení kuó na tō kiate koe.
Ko hai ʻe kaungāmamahi mo koé?
Ko e fakaʻauha mo e haveki, ko e fiekaia mo e heletā!+
Ko hai te ne fakafiemālieʻi koé?+
20 Ko ho ngaahi fohá kuo nau pongia.+
ʻOku nau tākoto ʻi he tuliki hala kotoa pē*
ʻO hangē ha fanga sipi hehengi ʻi he kupengá.
ʻOku nau fonu ʻi he houhau ʻa Sihová, ʻi he valoki ʻa ho ʻOtuá.”
21 Ko ia fanongo muʻa ki he meʻá ni,
ʻE fefine tuʻutāmaki mo konā, neongo ʻoku ʻikai ko e konā ʻi he uaine.
22 Ko e folofola eni ʻa ho ʻEiki ko Sihová, ko ho ʻOtua ʻokú ne taukapoʻi ʻa hono kakaí:
“Vakai! Te u toʻo mei ho nimá ʻa e ipu ʻokú ne fakatupunga ʻa e tāsipá,+
ʻA e ipu uainé, ʻa e ipu ʻo ʻeku houhaú;
ʻE ʻikai ʻaupito te ke toe inu ia.+
23 Te u ʻai ia ki he nima ʻo ho kau fakamamahí,+
ʻA e faʻahinga naʻa nau pehē kiate koe, ‘Foʻohifo ka mau lue atu ʻi ho tuʻá!’
Ko ia naʻá ke ʻai ho tuʻá ʻo hangē ha kelekelé,
ʻO hangē ha hala kiate kinautolu ke nau ʻalu aí.”
52 ʻĀ hake! ʻĀ hake! Fakakofu koe ʻaki ʻa e mālohi,+ ʻe Saione!+
Tui ho ngaahi kofu fakaʻofoʻofá,+ ʻe Selusalema, ʻa e kolo tapú!
Koeʻuhí ʻe ʻikai toe hū atu kiate koe ʻa e tokotaha taʻekamu mo taʻemaʻá.+
2 Tupeʻi ʻa e efú, mālanga hake ʻo tangutu ʻi ha nofoʻanga fakalāngilangi, ʻe Selusalema.
Vete ʻa e ngaahi haʻi ʻi ho kiá, ʻe ʻofefine pōpula ʻo Saione.+
3 He ko e folofola eni ʻa Sihová:
“Naʻe fakatau atu kimoutolu ʻo ʻikai ki ha totongi,+
Pea ʻe huhuʻi kimoutolu ʻo ʻikai ʻaki ha paʻanga.”+
4 He ko e folofola eni ʻa e ʻEiki Hau ko Sihová:
“ʻI he ʻuluaki taimí naʻe ʻalu hifo ʻa hoku kakaí ki ʻIsipite ke nau nofo ai ko e kau muli;+
Pea naʻe fakafeʻātungiaʻi tuʻungaʻa pē kinautolu ʻe ʻAsīlia.”
5 “Ko e hā leva ʻoku totonu ke u fai ki he meʻá ni?” Ko e fakahā ia ʻe Sihová.
“He kuo ʻave hoku kakaí ʻo ʻikai ha totongi.
Ko e faʻahinga ʻoku pule kiate kinautolú ʻoku nau hanganaki kalanga ʻi he ikuna,”+ ko e fakahā ia ʻe Sihová,
“Pea ʻi he ʻahó kotoa, ʻoku hokohoko atu hono taʻefakaʻapaʻapaʻi ʻa hoku hingoá.+
6 ʻI he ʻuhinga ko iá ʻe ʻilo ai ʻe hoku kakaí ʻa hoku hingoá;+
ʻI he ʻuhinga ko iá te nau ʻilo ai ʻi he ʻaho ko iá ko au ʻa e Tokotaha ʻoku leá.
Vakai, ko au ia!”
7 He fakaʻofoʻofa ē ʻi he ngaahi moʻungá ko e vaʻe ʻo e tokotaha ʻokú ne ʻomai ʻa e ongoongo leleí,+
ʻA e tokotaha ʻokú ne fanongonongo ʻa e melinó,+
ʻA e tokotaha ʻokú ne ʻomai ʻa e ongoongo lelei ʻo e meʻa ʻoku lelei ange,
ʻA e tokotaha ʻokú ne fanongonongo ʻa e fakamoʻuí,
ʻA e tokotaha ʻokú ne pehē ki Saione: “Kuo Tuʻi ho ʻOtuá!”+
8 Fanongo! ʻOku hiki hake ʻe hoʻo kau tangata leʻó honau leʻó.
ʻOku nau kalanga fiefia fakataha,
He te nau sio lelei* ʻi he taimi ʻe toe fakatahatahaʻi mai ai ʻe Sihova ʻa Saioné.
9 Mou mavava, pea kalanga fiefia fakataha, ʻa kimoutolu ngaahi fokotuʻunga maumau ʻo Selusalemá,+
He kuo fakafiemālieʻi ʻe Sihova ʻa hono kakaí;+ kuó ne huhuʻi ʻa Selusalema.+
10 Kuo ʻai ʻe Sihova ke ʻasi ʻa hono nima māʻoniʻoní ʻi he ʻao ʻo e ngaahi puleʻangá kotoa;+
Ko e ngaahi ngataʻanga kotoa ʻo e māmaní te nau sio ki he ngaahi faifakamoʻui* ʻa hotau ʻOtuá.+
11 Tafoki, tafoki, hū ki tuʻa mei ai,+ ʻoua ʻe ala ki ha meʻa taʻemaʻa!+
Hū ki tuʻa mei hono lotolotongá,+ ʻai kimoutolu ke mou maʻa,
ʻA kimoutolu ʻoku mou toʻo ʻa e ngaahi naunau ʻa Sihová.+
12 Heʻikai te mou mavahe atu ʻi he manavahē,
Pea ʻe ʻikai te mou hola,
He ko Sihova ʻe ʻalu muʻomuʻa ʻiate kimoutolú,+
Pea ko e ʻOtua ʻo ʻIsilelí te ne hoko ko e maluʻi mei homou tuʻá.+
13 Vakai! Ko ʻeku sevānití+ te ne ngāue ʻi he ʻiloʻilo.
ʻE hiki hake ia ʻo māʻolunga,
ʻE hakeakiʻi ia pea ʻe fakahīkihikiʻi lahi.+
14 Hangē pē ko e tokolahi ʻa e faʻahinga naʻe mamata kiate ia mo e ʻohovalé
—He ko hono fōtungá naʻe fakameleʻi ʻo laka ange ia ʻi ha toe tangata
Pea mo hono sino fakaʻofoʻofá ʻo laka ange ia ʻi he faʻahinga ʻo e tangatá—
15 ʻE pehē pē ʻa ʻene fakaʻohovaleʻi ʻa e ngaahi puleʻanga lahi.+
ʻE tāpuni ʻe he ngaahi tuʻí honau ngutú* ʻi hono ʻaó,+
Koeʻuhí te nau sio ki ha meʻa naʻe ʻikai ke fakahā ange kiate kinautolu
Mo fakakaukau ki he meʻa naʻe ʻikai te nau fanongoa.+
53 Ko hai ia kuo tui ki he meʻa kuo nau fanongo ai meiate kimautolú?*+
Pea ko e meʻa ki he toʻukupu ʻo Sihová,+ ko hai kuo fakahaaʻi ia ki aí?+
2 Te ne tupu hake ʻo hangē ha huli+ ʻi hono* ʻaó, hangē ha aka ʻoku ʻalu hake ʻi he fonua pakukaá.
ʻOku ʻikai te ne maʻu ha sino fakaʻofoʻofa, pe ko ha lāngilangiʻia ʻe taha;+
Pea ʻi heʻemau sio kiate iá, ʻoku ʻikai ke tohoakiʻi kimautolu kiate ia ʻe hono fōtungá.*
3 Naʻe taʻetokaʻi ia pea naʻe fakaʻehiʻehi mei ai ʻa e tangatá,+
Ko ha tangata naʻe pau ke ne mamahi* pea naʻe maheni mo e mahamahakí.
Naʻe hangē ia ne fufū ʻa hono fofongá meiate kimautolú.*
Naʻe taʻetokaʻi ia, pea naʻa mau vakai kiate ia ʻoku ʻikai hano mahuʻinga.+
Ka naʻa mau vakai kiate ia ko ha tokotaha naʻe tauteaʻi,* mo taaʻi ʻe he ʻOtuá pea ngaohikoviʻi.
Naʻá ne fua ʻa e tautea ke mau maʻu ai ʻa e melinó,+
Pea koeʻuhí ko hono ngaahi laveá naʻe fakamoʻui ai kimautolu.+
6 Kuo mau hē holo kotoa ʻo hangē ha fanga sipí,+
ʻO taki taha ʻalu ʻi hono hala ʻoʻona,
Pea kuo ʻai ʻe Sihova ke hilifaki kiate ia ʻa ʻemau faihalá kotoa.+
7 Naʻe lōmekina ia+ pea naʻá ne tuku atu ia ke ngaohikoviʻi,+
Ka naʻe ʻikai te ne leaʻaki ha foʻi lea ʻe taha.
Naʻe ʻomi ia ʻo hangē ha sipi ke tāmateʻí,+
Hangē ha sipi fefine ʻoku fakalongomate ʻi he ʻao ʻo hono kau kosí,
Pea naʻe ʻikai te ne leaʻaki ha foʻi lea ʻe taha.+
8 Naʻe lōmekina ia pea naʻe ʻave ʻo ʻikai fai ha fakamaau totonu kiate ia;
Pea ko hai ia ʻe tokanga ki he ngaahi fakaikiiki ʻo hono tupuʻangá?*
He naʻe tuʻusi ia mei he fonua ʻo e kau moʻuí;+
9 Pea naʻe foaki kiate ia ha tanuʻanga* ʻi he tanuʻanga ʻo e kau fulikivanú,+
Pea fakataha mo e koloaʻiá* ʻi heʻene maté,+
Neongo naʻe ʻikai te ne fai ha hala*
Pea naʻe ʻikai ha kākā ʻi hono ngutú.+
10 Ka ko e finangalo ia ʻo Sihová* ke laiki ia, peá ne fakaʻatā ia ke ne puke.
Kapau te ke ʻoatu ʻa ʻene moʻuí ko ha feilaulau halaia,+
Te ne mamata ki hono hakó, te ne fakalōloa ʻa hono ngaahi ʻahó,+
Pea fakafou ʻiate ia ʻe lavameʻa ai ʻa e finangalo ʻo Sihová.+
11 Koeʻuhi ko ʻene mamahí, te ne fiemālie ʻi he meʻa te ne sio ki aí.
Fakafou ʻi heʻene ʻiló, ko e tokotaha māʻoniʻoní, ʻa ʻeku sevānití,+
Te ne ʻomi ha tuʻunga māʻoniʻoni ki he kakai tokolahi,+
Pea te ne fua ʻa ʻenau ngaahi faihalá.+
12 ʻI he ʻuhinga ko iá te u vaheʻi ai hano ʻinasi ʻi he lotolotonga ʻo e tokolahi,
Pea te ne vahevahe mo e kau toʻá ʻa e koloa veté,
Koeʻuhí naʻá ne lilingi atu ʻa ʻene moʻuí ʻo aʻu ki heʻene mate+
Pea naʻe lau ia ʻi he lotolotonga ʻo e kau laka halá;+
Naʻá ne ʻave ʻa e angahala ʻa e kakai tokolahi,+
Pea naʻá ne fakalaloa maʻá e kau laka halá.+
54 “Kaila fiefia, ʻa koe fefine paʻa ʻa ia kuo ʻikai te ke fāʻelé!+
Mavava mo kalanga ʻi he fiefia,+ ʻa koe naʻe ʻikai ʻaupito te ke langaá,+
He ko e fānau ʻa e tokotaha liʻekiná ʻoku tokolahi ange ia
ʻI he fānau ʻa e fefine ʻokú ne maʻu ha husepānití,”*+ ko e folofola ia ʻa Sihová.
2 “ʻAi ʻa e feituʻu ʻo ho tēnití ke ʻataʻatā ange.+
Fakalahi atu ʻa e ngaahi tupenu tēniti ʻo ho tāpanekale fisifisimuʻá.
ʻOua ʻe taʻofi, fakalōloa atu ʻa e ngaahi afo ʻo ho tēnití,
Pea ʻai ke mālohi ʻa e ngaahi pine ʻo ho tēnití.+
3 He ʻe aʻu atu ho ngaahi ngataʻangá ki he toʻomataʻú pea ki he toʻohemá.
ʻE maʻu ʻe ho hakó ʻa e ngaahi puleʻangá,
Pea te nau nofoʻi ʻa e ngaahi kolo maomaonganoá.+
4 ʻOua te ke ilifia,+ heʻikai ke fakamaaʻi koe;+
Pea ʻoua ʻe ongoʻi mā, koeʻuhi heʻikai siva ʻa hoʻo ʻamanakí.
He ʻe ngalo ʻiate koe ʻa e mā ʻi hoʻo kei talavoú,
Pea ko e matahoa ʻi ho tuʻunga ko e uitoú ʻe ʻikai te ke toe manatua.”
5 “He ko ho Tokotaha-Ngaohi Maʻongoʻongá+ ʻoku hangē ia hao husepānití,*+
Ko Sihova ʻo e ngaahi kau tau ʻa hono huafá,
Pea ko e Tokotaha Māʻoniʻoni ʻo ʻIsilelí ko ho Tokotaha-Huhuʻí ia.+
ʻE ui ia ko e ʻOtua ʻo e māmaní kātoa.+
6 He naʻe ui koe ʻe Sihova ʻo hangē ha uaifi ne liʻaki mo tofanga ʻi he mamahí,*+
Hangē ha uaifi ne mali ʻi heʻene kei finemuí pea toki liʻakí,” ko e folofola ia ʻa ho ʻOtuá.
7 “He naʻá ku liʻaki koe ʻi ha mōmeniti siʻi pē,
Ka ʻi he lahi ʻo ʻeku mēsí te u toe fakatahatahaʻi mai koe.+
8 ʻI he mahua atu ʻo ʻeku ʻitá* naʻá ku fufū ai hoku fofongá meiate koe ʻi ha kiʻi mōmeniti,+
Ka ʻi heʻeku ʻofa mateaki taʻengatá te u meesi kiate koe,”+ ko e folofola ia ʻa ho Tokotaha-Huhuʻí,+ ʻa Sihova.
9 “ʻOku hangē eni kiate au ko e ngaahi ʻaho ʻo Noá.+
Hangē pē ko ʻeku fuakava heʻikai ke toe ʻufiʻufi ʻa e māmaní ʻe he ngaahi vai ʻo e ʻaho ʻo Noá,+
ʻOku pehē pē ʻa ʻeku fuakava heʻikai te u toe ʻita kiate koe pe valokiʻi koe.+
10 He ʻe lava ke hiki ʻa e ngaahi moʻungá
Pea ʻe lava ke luluʻi ʻa e ngaahi foʻi māʻolungá,
Ka ko ʻeku ʻofa mateakí ʻe ʻikai ke hiki ia meiate koe,+
Pea ʻe ʻikai ke luluʻi ʻa ʻeku fuakava ʻo e melinó,”+ ko e folofola ia ʻa Sihová, ʻa e Tokotaha ʻoku meesi kiate koé.+
11 “ʻA e fefine ngaohikovia,+ afāngia, mo ʻikai maʻu ha fiemālie,+
ʻOku ou fakatoka ho ngaahi maká ʻaki ha sima ʻumea mālohi
Pea mo ho fakavaʻé ʻaki ha sāfaia.+
12 Te u ngaohi ʻa ho ngaahi funga ʻaá ʻaki ʻa e lupi,
Mo ho ngaahi matapaá ʻaki ʻa e ngaahi maka fetapaki,*
Pea mo e kotoa ʻo ho ngaahi ngataʻangá ʻaki ʻa e ngaahi maka mahuʻinga.
14 ʻE fokotuʻu maʻu koe ʻi he māʻoniʻoni.+
Te ke mātuʻaki mamaʻo ʻaupito mei he fakafeʻātungiá,+
ʻE ʻikai ha meʻa te ke manavahē ki ai pea ʻe ʻikai ha ʻuhinga ke ke ilifia ai,
Koeʻuhí ʻe ʻikai ofi mai ia kiate koe.+
15 Ka ʻohofi koe ʻe ha taha,
ʻE ʻikai tupu ia mei haʻaku tuʻutuʻuni.
ʻIlonga ʻa ia te ne ʻohofi koé te ne tō koeʻuhí ko koe.”+
16 “Vakai! Ko au tonu naʻá ku fakatupu ʻa e tokotaha tuki ukameá,
ʻA ia ʻokú ne puhi ʻa e malalaʻi afí,
Pea ko ʻene ngāué ʻoku faʻu ai ha meʻatau.
Ko au tonu naʻá ku toe fakatupu ʻa e tangata faifakaʻauhá ke ne fai ʻa e maumaú.+
17 ʻOku ʻikai ha meʻatau kuo faʻu ke faiʻaki ha kovi kiate koe ʻe teitei lavameʻa,+
Pea te ke fakahalaiaʻi ha ʻelelo pē ʻoku tuʻu hake ke faifakamaau mo koe.
Ko e tofiʻa* eni ʻo e kau sevāniti ʻa Sihová,
Pea ko ʻenau māʻoniʻoní ʻoku meiate au,” ko e fanongonongo ia ʻa Sihová.+
55 Haʻu, ʻa kimoutolu kotoa ʻoku fieinuá,+ mou haʻu ki he vaí!+
ʻA kimoutolu ʻoku ʻikai haʻamou paʻangá, haʻu, ʻo toʻo pea kai!
ʻIo, mou haʻu, ʻo toʻo ʻa e uaine mo e huʻakau+ ʻo ʻikai ha paʻanga pea ʻikai ha totongi.+
2 Ko e hā ʻoku mou hanganaki totongi ai ʻa e paʻanga ki he meʻa ʻoku ʻikai ko e maá,
Pea ko e hā ke fakamole ai hoʻomou paʻanga naʻe ngāueʻí* ki he meʻa ʻoku ʻikai ke fai ai ha mākoná?
Fanongo tokanga mai kiate au, pea kai ʻa e meʻakai ʻoku leleí,+
Pea te mou maʻu ai ʻa e fiefia lahi ʻi he meʻakai lelei moʻoní.*+
3 Fokotuʻu telinga mai pea mou haʻu kiate au.+
Fanongo mai, pea te mou moʻui ai pē,
Pea te u fai moʻoni ha fuakava taʻengata mo kimoutolu+
ʻO fehoanaki mo e fakahaaʻi ʻo e ʻofa mateaki kia Tēvita, ʻa ia ʻoku pau moʻoní.*+
5 Vakai! Te ke ui ha puleʻanga ʻoku ʻikai te ke ʻiloʻi,
Pea ko e faʻahinga ʻi ha puleʻanga kuo ʻikai te nau ʻiloʻi koe te nau lele mai kiate koe
Koeʻuhi ko Sihova ko ho ʻOtuá,+ ʻa e Tokotaha-Māʻoniʻoni ʻo ʻIsilelí,
Koeʻuhí te ne fakalāngilangiʻi koe.+
6 Kumi kia Sihova lolotonga ʻoku ala maʻú.+
Ui kiate ia lolotonga ʻene ofi maí.+
7 Tuku ke liʻaki ʻe he tangata fulikivanú ʻa ʻene foungá+
Pea mo e tangata koví ʻa ʻene ngaahi fakakaukaú;
Tuku ke ne foki kia Sihova, ʻa ia te ne meesi kiate ia,+
8 “He ko ʻeku ngaahi fakakaukaú ʻoku ʻikai ko hoʻomou ngaahi fakakaukaú ia,+
Pea ko hoʻomou ngaahi foungá ʻoku ʻikai ko ʻeku ngaahi foungá ia,” ko e fanongonongo ia ʻa Sihová.
9 “He hangē ko e māʻolunga ange ʻa e langí ʻi he māmaní,
ʻOku pehē ʻa e māʻolunga ange ʻa ʻeku ngaahi foungá ʻi hoʻomou ngaahi foungá
Pea mo ʻeku ngaahi fakakaukaú ʻi hoʻomou ngaahi fakakaukaú.+
10 He hangē ko e ʻalu hifo mei he langí ʻa e ʻuhá mo e sinoú
Pea ʻikai te na foki ki ai kae ʻoua ke na fakaviviku ʻa e māmaní, ʻo ʻai ia ke talamuka mo laku fua maí,
ʻO ne ʻoange ʻa e tenga ki he tokotaha tūtūʻí mo e mā ki he tokotaha kaí,
11 Ko ia ʻe pehē pē* ʻa ʻeku lea ʻoku ʻalu atu mei hoku ngutú.+
ʻE ʻikai foki mai ia kiate au taʻeʻiai hano ola,+
Ka te ne fakahoko moʻoni ha meʻa pē ʻoku ou hōhōʻia ai,*+
Pea ʻe lavameʻa moʻoni ʻi ha meʻa ʻoku ou fekauʻi atu ia ke faí.
ʻE mavava ʻi ha kalanga fiefia ʻa e ngaahi moʻungá mo e ngaahi foʻi māʻolungá ʻi homou ʻaó,+
Pea ʻe pasipasi ʻa e ʻuluʻakau kotoa ʻo e vaó.+
13 ʻE tupu hake ʻa e fuʻu siunipa kae ʻikai ko e talatalaʻāmoa,+
Pea ʻe tupu hake ʻa e fuʻu maile kae ʻikai ko e ʻakau talatala.
Pea ʻe ʻai ai ke ongoongoa ʻa* Sihova,+
Ko ha fakaʻilonga taʻengata ʻa ia ʻe ʻikai ʻaupito ke ʻauha.”
56 Ko e meʻa eni ʻoku folofolaʻaki ʻe Sihová:
“Pouaki ʻa e fakamaau totonú,+ pea fai ʻa e meʻa ʻoku māʻoniʻoní,
He ʻoku vave ke hoko mai ʻa ʻeku fakamoʻuí
Pea ko ʻeku māʻoniʻoní ʻe fakaeʻa ia.+
2 ʻOku fiefia ʻa e tangata ʻokú ne fai ʻa e meʻá ni
Pea mo e foha ʻo e tangata ʻokú ne puke maʻu ki aí,
ʻA ia ʻokú ne tauhi ʻa e Sāpaté pea ʻikai te ne maumauʻi iá+
Pea ʻokú ne taʻofi ʻa hono nimá mei ha faʻahinga faikovi pē.
3 Ko e muli ʻoku kau kia Sihová+ ʻoku ʻikai totonu ke ne pehē,
‘ʻE fakamavaheʻi moʻoni au ʻe Sihova mei heʻene kakaí.’
Pea ko e ʻiunoké ʻoku ʻikai totonu ke ne pehē, ‘Vakai! Ko aú ko ha fuʻu ʻakau mōmoa pē.’”
4 He ko e meʻa eni ʻoku folofolaʻaki ʻe Sihova ki he kau ʻiunoke ʻoku nau tauhi ʻa ʻeku ngaahi Sāpaté mo fili ki he meʻa ʻoku ou fiefia aí pea ʻoku nau puke maʻu ʻa ʻeku fuakavá:
5 “Te u ʻoange kiate kinautolu ha fakamanatu pea mo ha hingoa ʻi hoku falé pea ʻi hoku lotoʻaá,
Ko ha meʻa ʻoku lelei ange ʻi ha ngaahi foha mo ha ngaahi ʻofefine.
Te u ʻoange kiate kinautolu ha hingoa taʻengata,
Ko e taha ʻe ʻikai ʻauha.
6 Pea ki he kau muli ʻoku nau kau kia Sihova ke tauhi kiate iá,
Ke ʻofa ki he huafa ʻo Sihová+
Pea ke hoko ko ʻene kau sevānití,
ʻA e faʻahinga kotoa ʻoku nau tauhi ʻa e Sāpaté ʻo ʻikai te nau taʻefakaʻapaʻapaʻi iá
Pea ʻoku nau puke maʻu ʻa ʻeku fuakavá,
7 Te u ʻomai foki mo kinautolu ki hoku moʻunga tapú+
Pea ʻai kinautolu ke nau fiefia ʻi loto ʻi hoku fale faiʻanga lotú.
Ko ʻenau ngaahi feilaulau tutu kakató mo ʻenau ngaahi feilaulaú ʻe tali ia ʻi hoku ʻōlitá.
He ko hoku falé ʻe ui ia ko e fale faiʻanga lotu maʻá e ngaahi kakai kotoa pē.”+
8 Ko e ʻEiki Hau ko Sihová, ʻa ia ʻokú ne fakatahatahaʻi ʻa e faʻahinga ʻo ʻIsileli kuo movete atú,+ ʻokú ne folofola:
“Te u fakatahatahaʻi kiate ia ha niʻihi kehe fakataha mo e faʻahinga kuo ʻosi fakatahatahaʻí.”+
9 ʻA kimoutolu kotoa fanga manu kaivao ʻo e vaó, mou haʻu ʻo kai,
ʻA kimoutolu kotoa fanga manu kaivao ʻi he vaotaá.+
10 Ko ʻene kau tangata leʻó ʻoku nau kui,+ ʻo ʻikai ha taha ʻiate kinautolu te ne fakatokangaʻi ha meʻa.+
Ko e kotoa ʻo kinautolú ko e fanga kulī ʻoku ʻikai hanau leʻo, ʻo ʻikai lava ke nau kālou.+
ʻOku nau tāngulu mo tātākoto; ʻoku nau manako pē ke mohe.
11 Ko e fanga kulī kinautolu ʻoku nau ʻuakai;
ʻOku ʻikai ʻaupito te nau mākona.
Ko e kau tauhi-sipi kinautolu ʻoku ʻikai te nau maʻu ha mahino.+
Kuo nau taki taha ʻalu kotoa ʻi hono hala pē ʻoʻona;
Ko e tokotaha taki taha ʻo kinautolu ʻokú ne kumi ke maʻu haʻane koloa ʻi he taʻefaitotonu peá ne pehē:
12 “Mou haʻu, ka u ʻomi haʻatau uaine,
Pea tuku ke tau inu ʻo fonu ʻi he ʻolokaholo.+
Pea ko ʻapongipongí ʻe hangē pē ko e ʻaho ní, ʻo toe fuʻu lelei ange!”
57 Kuo mole atu ʻa e tokotaha māʻoniʻoní,
Ka ʻoku ʻikai ke tokanga ki ai ha taha.
Kuo ʻave* ʻa e kau tangata mateakí,+
ʻO ʻikai ha taha te ne ʻiloʻi kuo ʻave ʻa e tokotaha māʻoniʻoní
Koeʻuhí ko e* faingataʻá.
2 ʻOkú ne hū ki he fiemālie.
ʻOku nau mālōlō ʻi honau mohengá,* ʻa kinautolu kotoa ʻoku ʻaʻeva ʻi he anga-tonú.
3 “Ka ko kimoutolu, mou ʻunuʻunu mai ke ofi,
ʻA kimoutolu ko e fānau ʻa e fefine faimaná,
ʻA kimoutolu ko e fānau ʻa e tokotaha tonó mo e tokotaha feʻauakí:
4 Ko hai ʻoku mou fakakataʻakí?
Ko hai ʻoku fakamanga lahi ki ai homou ngutú mo mou fakateʻelelo ki aí?
ʻIkai ko e fānau kimoutolu ʻa e angahalá,
Ko e fānau ʻa e kākaá,+
5 ʻA e faʻahinga ʻoku nau tafunaki ʻenau holi pangó ʻi he lotolotonga ʻo e ʻuluʻakau lalahí,+
ʻI he lalo ʻakau tupu ʻāfaʻafa kotoa pē,+
ʻA kinautolu ʻoku nau tāmateʻi ʻa e fānaú ʻi he ngaahi teleʻá,*+
ʻI lalo ʻi he ngaahi avaʻi maká?
6 Ko e ngaahi maka molemole ʻo e teleʻá* ʻa ho ʻinasí.+
ʻIo, ko e ngaahi meʻá ni ʻa ho tofiʻá.
ʻOku aʻu ʻo ke lilingi atu ki ai ha ngaahi feilaulau inu pea ʻoatu ki ai mo ha ngaahi meʻaʻofa.+
Te u fiemālie koā ʻi he ngaahi meʻá ni?
7 Naʻá ke ngaohi ho mohengá ʻi ha funga moʻunga māʻolunga mo fakatuputupulangi,+
Pea naʻá ke ʻalu hake ki ai ke ʻoatu ai hoʻo feilaulaú.+
8 Kuó ke fokotuʻu hoʻo fakaʻilonga fakamanatú ʻi he tuʻa matapaá mo e tuʻa pou matapaá.
Naʻá ke liʻaki au peá ke vete ho kofú;
Naʻá ke ʻalu hake ʻo ʻai ke ʻatā ange ho mohengá.
Peá ke fai ha fuakava mo kinautolu.
9 Naʻá ke ʻalu hifo kia Meleki* fakataha mo e lolo
Pea mo e meʻa namu-kakala lahi ʻaupito.
Naʻá ke fekauʻi atu hoʻo kau talafekaú ki he mamaʻó,
ʻO ke fakamāʻulaloʻi ai koe ʻo aʻu ki Faʻitoka.*
10 Kuó ke ongosia ʻi hoʻo muimui ʻi ho ngaahi ʻalunga lahí,
Ka naʻe ʻikai te ke pehē, ‘Ko e koto taʻeʻaonga eni!’
Naʻá ke ʻilo naʻe fakaivifoʻou ai koe.
Ko e ʻuhinga ia ʻoku ʻikai ai te ke tuku iá.*
11 Ko hai naʻá ke ilifia mo manavahē ki aí
ʻO ke kamata ai ke loí?+
Naʻe ʻikai te ke manatuʻi au.+
Naʻe ʻikai tokanga ho lotó ki ha meʻa ʻe taha.+
ʻIkai kuó u fakalongolongo pē peá u holomui?*+
Ko ia naʻe ʻikai ai haʻo manavahē ʻe taha kiate au.
12 Te u ʻai ke ʻiloa ʻa hoʻo ‘māʻoniʻoní’+ mo hoʻo ngaahi ngāué,+
Pea ʻe ʻikai hanau ʻaonga kiate koe.+
13 ʻI hoʻo tangi ki ha tokoní,
ʻE ʻikai fakahaofi koe ʻe hoʻo fokotuʻunga ʻaitolí.+
ʻE ʻave kotoa atu ia ʻe ha matangi,
Ko ha momoʻi mānava pē te ne puhiʻi atu iá,
Ka ko e tokotaha ʻoku hūfanga kiate aú te ne maʻu ʻa e fonuá
Pea te ne maʻu ʻa hoku moʻunga tapú.+
14 ʻE leaʻaki ʻo pehē, ‘Tanu hake, tanu hake ha hala! Teuteu ʻa e halá!+
Toʻo ha tūkiaʻanga pē mei he hala ʻo hoku kakaí.’”
15 He ko e folofola eni ʻa e Tokotaha Māʻolungá,
ʻA ia ʻokú ne moʻui* taʻengata+ pea ʻoku māʻoniʻoni ʻa hono huafá:+
“ʻOku ou nofo ʻi he feituʻu māʻolunga mo toputapu,+
Ka ʻoku ou toe ʻi he faʻahinga kuo lōmekina mo anga-fakatōkilaló,
Ke fakamoʻui hake ʻa e laumālie ʻo e faʻahinga ʻoku māʻulaló
Pea ke fakamoʻui hake ʻa e loto ʻo e faʻahinga kuo lōmekiná.+
16 Koeʻuhí ʻe ʻikai te u fakafepakiʻi kinautolu ʻo taʻengata
Pe te u ʻita maʻu ai pē;+
He ʻe hoko ʻo vaivai ʻa e laumālie ʻo ha tangata koeʻuhí ko au+
ʻO aʻu ki he ngaahi meʻamoʻui kuó u ngaohi ʻa ia ʻoku mānavá.
17 Naʻá ku ʻita ʻi heʻene faiangahala ʻo tuli ke maʻu ʻa e koloa ʻi he taʻefaitotonú,+
Ko ia naʻá ku taaʻi ia, naʻá ku fufū hoku fofongá, pea naʻá ku ʻita.
Ka naʻá ne hanganaki ʻaʻeva ko ha tokotaha fakafepaki,+ ʻo muimui ʻi he ʻalunga ʻo hono lotó.
18 Kuó u mamata ki hono ngaahi ʻalungá,
Ka te u fakamoʻui+ mo taki ia+
Pea toe fakafoki* ʻa e fiemālié kiate ia+ pea ki he faʻahinga ʻaʻana ʻoku mamahí.”+
19 “ʻOku ou fakatupu ʻa e ngaahi lea ʻo e fakahīkihikí.*
Ko e melino hokohokó ʻe foaki ia ki he tokotaha ʻoku ʻi he mamaʻó mo e tokotaha ʻoku ofi maí,”+ ko e folofola ia ʻa Sihová,
“Pea te u fakamoʻui ia.”
20 “Ka ko e kau fulikivanú ʻoku nau hangē ko e tahi hou ʻoku ʻikai lava ke nongá,
Pea ʻoku hanganaki ʻohake ʻe he tahí ʻa e limú mo e kelé.
21 ʻOku ʻikai ha nonga,” ko e folofola ia ʻa hoku ʻOtuá, “ki he kau fulikivanú.”+
58 “Kaila leʻo-lahi; ʻoua ʻe taʻofi!
Hiki hake ho leʻó ʻo hangē ha meʻaifí.
Talaki ki hoku kakaí ʻenau angatuʻú,+
Ki he fale ʻo Sēkopé ʻa ʻenau angahalá.
2 ʻOku nau kumi kiate au ʻi he ʻaho ki he ʻaho,
Pea ʻoku nau fakahaaʻi ʻa e fiefia ʻi he ʻilo ki heʻeku ngaahi foungá,
ʻO nau hangē ha puleʻanga naʻa nau tōʻongaʻaki ʻa e māʻoniʻoní
Pea naʻe ʻikai te nau siʻaki ʻa e fakamaau totonu ʻa honau ʻOtuá.+
ʻOku nau kole kiate au ha fakamaau māʻoniʻoni,
ʻO nau fiefia ke ʻunuʻunu ofi ki he ʻOtuá:+
3 ‘Ko e hā ʻoku ʻikai te ke ʻafio mai ai ʻi he taimi ʻoku mau ʻaukai aí?+
Pea ko e hā ʻoku ʻikai te ke fakatokangaʻi ai ʻa e taimi ʻoku mau fakamamahi aí?’+
Koeʻuhí ʻi he ʻaho ʻoku mou ʻaukai aí, ʻoku mou tuli ai ki he ngaahi meʻa* pē ʻamoutolú,
Pea mou ngaohikoviʻi ʻa e faʻahinga ʻoku ngāue kiate kimoutolú.+
4 ʻOku iku ʻa hoʻomou ngaahi ʻaukaí ki he ngaahi felāuaki mo e kē,
Pea ʻoku mou tuki anga-fulikivanu ʻaki homou tuké.
Heʻikai lava ke mou ʻaukai ʻo hangē ko ia ʻoku mou fai he ʻaho ní pea ongona ai homou leʻó ʻi hēvani.
5 ʻE peheni koā ʻa e ʻaukai ʻoku ou filí,
Ko ha ʻaho ke fakamamahi ai ha taha,
Ke mapelu hono ʻulú hangē ha kutá,
Ke ne mohenga ʻaki ʻa e tauangaʻa mo e efuefu?
Ko e meʻa eni ʻokú ke ui ko e ʻaukai mo ha ʻaho ʻoku fakahōifua kia Sihová?
6 ʻIkai, ko e ʻaukai eni ia ʻoku ou filí:
Ke toʻo ʻa e meʻa-kiiʻi ʻo e fakamaau taʻetotonú,
Ke vete ʻa e ngaahi haʻi ʻo e vaʻakau ʻo e ʻioké,+
Ke tuku ange ʻa e lōmekiná ke ne tauʻatāina,+
Pea ke fesi-ua ʻa e vaʻakau ʻo e ʻioke kotoa pē;
7 Ke ke vahevahe hoʻo maá mo e tokotaha fiekaiá,+
Ke ʻomai ʻa e masivá mo e tukuhāusiá ki ho falé,
Ke fakakofu ha taha ʻoku telefua ʻi hoʻo sio kiate iá,+
Pea ʻoua te ke sītuʻa mei ho kakanó tonu.
8 ʻE ulo atu leva hoʻo māmá ʻo hangē ko e mafoa ʻa e atá,+
Pea ʻe vave ʻa e ʻasi mai kuó ke moʻui leleí.
ʻE ʻalu muʻomuʻa ʻiate koe ʻa hoʻo māʻoniʻoní,
Pea ko e lāngilangi ʻo Sihová ʻe hoko ko ha maluʻi mei ho tuʻá.+
9 Pea te ke toki ui, pea ʻe tali mai ʻe Sihova;
Te ke tangi ki ha tokoni, pea te ne folofola mai, ‘Ko au eni!’
Kapau te ke toʻo mei ho lotolotongá ʻa e vaʻakau ʻo e ʻioké
Pea tuku hoʻo tuhu takai holo mo lea fakatupu koví,+
10 Kapau te ke ʻoange ki he tokotaha ʻoku fiekaiá ʻa e meʻa ʻokú ke manako aí+
Pea fakafiemālieʻi ʻa e faʻahinga ʻoku faingataʻaʻiá,
ʻE ulo atu leva hoʻo māmá ʻo aʻu ki he fakapoʻulí,
Pea ko hoʻo poʻuli lōloó ʻe hangē ha hoʻatā mālié.+
11 ʻE taki maʻu pē koe ʻe Sihova
Mo fakafiemālieʻi koe naʻa mo e ʻi ha fonua pakukā;+
Te ne fakaivimālohiʻi ho ngaahi huí,
Pea te ke hoko ʻo hangē ha ngoue mohu vaí,+
Hangē ha matavai ʻoku ʻikai ʻaupito maha ʻa hono vaí.
12 Te nau toe langa ʻa e ngaahi maumau he kuohilí koeʻuhí ko koe,+
Pea te ke fakafoʻou ʻa e ngaahi fakavaʻe ʻa ia kuo maumau ʻi he laui toʻutangata he kuohilí.+
ʻE ui koe ko e tokotaha monomono ʻo e ngaahi ʻā kuo maumaú,*+
Ko e tokotaha fakafoʻou ʻo e ngaahi hala ke fai ai ʻa e nofó.
13 Kapau ʻokú ke fakaʻehiʻehi* koeʻuhi ko e Sāpaté mei hoʻo tuli ki hoʻo ngaahi meʻa* pē ʻaʻaú ʻi hoku ʻaho tapú+
Peá ke ui ʻa e Sāpaté ko ha ʻaho fakafiefia lahi, ko ha ʻaho tapu ʻa Sihova, ko ha ʻaho ke fakalāngilangiʻi,+
Peá ke fakalāngilangiʻi ia kae ʻikai ke ke tuli ki hoʻo ngaahi meʻa pē ʻaʻaú mo leaʻaki ʻa e ngaahi lea launoa,
14 Te ke toki maʻu ai ʻa e fiefia lahi ʻia Sihova,
Pea te u ʻai koe ke ke pule ʻi he ngaahi feituʻu māʻolunga ʻo e māmaní.+
Te u ʻai koe ke ke kai mei he* tofiʻa ʻo Sēkope ko hoʻo kuí,+
He kuo folofolaʻaki ia mei he fofonga ʻo Sihová.”
59 Vakai! ʻOku ʻikai ke fuʻu nounou ʻa e nima ʻo Sihová ke faifakamoʻui,+
2 ʻIkai, ko hoʻomou ngaahi faihalá kuó ne fakamavaheʻi kimoutolu mei homou ʻOtuá.+
Ko hoʻomou ngaahi angahalá kuó ne ʻai ia ke ne fufū hono fofongá meiate kimoutolu,
Peá ne fakafisi ke fanongo mai kiate kimoutolu.+
3 He ko homou ʻaofinimá kuo ʻuliʻi ia ʻe he totó+
Mo homou louhiʻinimá ʻe he faihalá.
ʻOku leaʻaki ʻe homou loungutú ʻa e loi,+ pea ʻoku fanafanaʻaki ʻe homou ʻeleló ʻa e taʻemāʻoniʻoni.
4 ʻOku ʻikai ha taha ʻe ui ʻo taukapoʻi ʻa e māʻoniʻoní,+
Pea ʻoku ʻikai ha taha ʻe ʻalu ki he fakamaauʻangá ʻo leaʻaki ʻa e meʻa ʻoku moʻoní.
ʻOku nau falala ki he meʻa ʻoku ʻikai moʻoní*+ pea leaʻaki ʻa e meʻa ko e koto taʻeʻaonga.
ʻOku nau tuʻituʻiaʻi ʻa e faingataʻá pea fanauʻi ʻa e meʻa ʻoku fakatupu maumau.+
5 ʻOku nau fofoaʻi ʻa e fua ʻo ha ngata kona,
Pea ʻoku nau lalanga ʻa e matamatakupenga ʻo ha hina.+
Ko ha taha pē ʻokú ne kai ʻa honau fuá te ne mate,
Pea ko e fua ʻa ia ʻoku fahiʻí ʻoku fofoaʻi mai ai ha ngata huhu kona.
6 Ko ʻenau matamatakupengá ʻe ʻikai ke hoko ko ha kofu,
Pea heʻikai ke nau ʻufiʻufi kinautolu ʻaki ʻa e meʻa ʻoku nau ngaohí.+
Ko ʻenau ngaahi ngāué ʻoku fakatupu maumau,
Pea ʻoku ʻi honau nimá ʻa e ngaahi ngāue fakamālohi.+
7 Ko honau vaʻé ʻoku lele ke faikovi,
Pea ʻoku nau fakavave ke lingi ʻa e toto taʻehalaia.+
Ko ʻenau ngaahi fakakaukaú ko e ngaahi fakakaukau fakatupu maumau;
Ko e maumaú mo e mamahí ʻoku ʻi honau ngaahi halá.+
8 Kuo ʻikai te nau ʻilo ʻa e hala ʻo e melinó,
Pea ʻoku ʻikai ha fakamaau totonu ʻi honau ʻaluʻangá.+
ʻOku nau ʻai ke pikopiko ʻa honau ngaahi ʻalungá;
ʻOku ʻikai ha taha ʻe ʻalu ai te ne ʻilo ʻa e melinó.+
9 Ko e ʻuhinga ia ʻoku mamaʻo ai meiate kimautolu ʻa e fakamaau totonú,
Pea ʻoku ʻikai ke maʻu ai kimautolu ʻe he māʻoniʻoní.
ʻOku mau hanganaki ʻamanaki ki ha maama, kae vakai, tā ko e fakapoʻuli pē;
Ki ha maama ʻahoʻaho, ka ʻoku mau hanganaki ʻalu ʻi he fakapoʻulilōlō.+
10 ʻOku mau taufā holo ki he holisí ʻo hangē ha kau tangata kuí;
ʻOku mau hanganaki taufā ʻo hangē ha faʻahinga ʻoku ʻikai te nau sió.+
ʻOku mau humu ʻi he hoʻatā mālié ʻo hangē ʻi ha fakapoʻuli ʻi he efiafí;
ʻI he lotolotonga ʻo e kau mālohí ʻoku mau hangē tofu pē ha kau maté.
11 ʻOku mau hanganaki ngungulu kotoa ʻo hangē ha fanga peá
Pea tangi ʻi he mamahi hangē ha fanga lupé.
ʻOku mau ʻamanaki ki ha fakamaau totonu, ka ʻoku halaʻatā;
Ki ha fakamoʻui, ka ʻoku mamaʻo ia meiate kimautolu.
12 He ʻoku lahi ʻa ʻemau angatuʻú ʻi ho ʻaó;+
Ko ʻemau ngaahi angahala taki taha ʻokú ne ʻoatu ʻa e fakamoʻoni ʻo kimautolu.+
He ʻoku mau feʻao mo ʻemau angatuʻú;
ʻOku mau ʻiloʻi lelei ʻa ʻemau ngaahi faihalá.+
13 Kuo mau laka hala pea fakaʻikaiʻi ʻa Sihova;
Kuo mau sītuʻa ki homau ʻOtuá.
Kuo mau alea ʻo fekauʻaki mo e fakafeʻātungia mo e angatuʻu;+
Kuo mau faʻufaʻu ʻa e loi pea fanafanaʻaki ʻa e lea loi mei he lotó.+
14 ʻOku tekeʻi ki mui ʻa e fakamaau totonú,+
Pea ʻoku tuʻu mai ʻa e māʻoniʻoní mei he mamaʻó;+
He kuo tūkia ʻa e moʻoní* ʻi he malaʻe fakakoló,*
Pea ʻoku ʻikai lava ke hū ki ai ʻa e meʻa ʻoku totonú.
Naʻe vakai mai ʻa Sihova ki he meʻá ni pea naʻe ʻikai te ne hōifua ai,*
He naʻe ʻikai ha fakamaau totonu.+
16 Naʻá ne vakai naʻe ʻikai ʻi ai ha tangata ke tokoni,
Pea naʻá ne ʻohovale ʻi he ʻikai ha taha ʻe fakalaloá,
Ko ia naʻe ʻomai ʻe hono nima ʻoʻoná ha fakamoʻui,*
Pea naʻe poupou kiate ia ʻa ʻene māʻoniʻoni pē ʻaʻaná.
Naʻá ne tui ʻa e ngaahi kofu ʻo e sāuní ko hono valá ia+
Peá ne kofuʻaki ʻa e faivelengá ʻo hangē ha kofu tuʻá.*
18 Te ne totongi kiate kinautolu ʻa e meʻa kuo nau faí:+
Ko e houhau ki hono kau fakafepakí, mo e tautea ki hono ngaahi filí.+
Pea te ne totongi fakafoki ki he ngaahi motú ʻa e meʻa ʻoku tuha mo kinautolú.
19 Mei he tō ʻa e laʻaá te nau manavahē ki he huafa ʻo Sihová
Pea ki hono lāngilangí mei he hopo ʻa e laʻaá,
He te ne hāʻele mai ʻo hangē ha vaitafe ʻoku vave ʻene tafé,
ʻA ia ko e laumālie ʻo Sihová ʻokú ne teke maí.
20 “ʻE haʻu+ ki Saione ʻa e Tokotaha-Huhuʻí,+
Ki he faʻahinga ʻia Sēkope ʻoku nau tafoki mei he laka halá,”+ ko e fanongonongo ia ʻa Sihová.
21 “Ko e meʻa kiate aú, ko ʻeku fuakava eni mo kinautolú,”+ ko e folofola ia ʻa Sihová. “Ko hoku laumālié ʻa ia ʻoku ʻiate koé mo ʻeku ngaahi lea kuó u ʻai ki ho ngutú—ʻe ʻikai ke mahuʻi ia mei ho ngutú, mei he ngutu ʻo hoʻo fānaú,* pe mei he ngutu ʻo ho fanga makapuná,”* ko e folofola ia ʻa Sihová, “mei he taimí ni ʻo taʻengata.”
60 “Tuʻu hake, ʻe fefine,+ ʻo ulo atu, he kuo hoko mai ʻa hoʻo māmá.
Ko e lāngilangi ʻo Sihová ʻokú ne ulo atu kiate koe.+
2 He vakai, ʻe ʻufiʻufi ʻa māmani ʻe he fakapoʻulí
Pea mo ha poʻuli matolu ʻa e ngaahi puleʻangá;
Ka ʻe ulo atu ʻa Sihova kiate koe,
Pea ko hono lāngilangí ʻe hā atu ia ʻiate koe.
4 Hanga hake ho matá peá ke vakai takatakai kiate koe!
Kuo nau fakatahataha hono kotoa; ʻoku nau ʻalu atu kiate koe.
5 ʻI he taimi ko iá te ke sio peá ke hoko ʻo fiefia,+
Pea ko ho lotó ʻe mapunopuna pea fonu mahuohua ʻi he fiefia,
Koeʻuhí ko e koloa ʻo e tahí ʻe fakahanga atu ia kiate koe;
Ko e koloa ʻo e ngaahi puleʻangá ʻe ʻalu atu kiate koe.+
6 Ko ha fanga kāmeli tokolahi te nau ʻufiʻufi ho fonuá,*
Ko e fanga kiʻi kāmeli tangata ʻo Mitiani mo ʻEfá.+
Ko e kakai kotoa ʻo Sipá—te nau omi;
Te nau ōmai mo e koula mo e ʻinisēnisi hinehina.
Te nau fanongonongo ʻa e fakahīkihiki ʻo Sihová.+
7 Ko e ngaahi tākanga sipi kotoa ʻo Ketá+ ʻe fakatahatahaʻi kiate koe.
Ko e fanga sipi tangata ʻo Nēpaioté+ ʻe faiʻaki ʻa e tauhi kiate koe.
ʻE fakahōifua ʻa hono ʻohake kinautolu ʻi hoku ʻōlitá,+
8 Ko hai ʻa e faʻahinga ko eni ʻoku nau puna ʻo hangē ha ngaahi ʻaó,
ʻO hangē ha fanga lupe ʻoku nau puna ki honau ngaahi nofoʻangá?*
9 He ko au ʻe tuʻu ai ʻa e ʻamanaki ʻa e ngaahi motú;+
ʻOku takimuʻa* ʻa e ngaahi vaka ʻo Tāsisí,
Ke ʻomai ho ngaahi fohá mei he mamaʻó,+
Fakataha mo ʻenau silivá mo e koulá,
Ki he huafa ʻo Sihova ko ho ʻOtuá pea ki he Tokotaha Māʻoniʻoni ʻo ʻIsilelí,
10 ʻE langa ho ngaahi ʻaá ʻe ha kau muli,
Pea ko honau ngaahi tuʻí te nau tauhi kiate koe,+
He naʻá ku taaʻi koe ʻi heʻeku ʻitá,
11 Ko ho ngaahi matapaá ʻe fakaava maʻu ai pē;+
ʻE ʻikai ke tāpuni ia ʻi he ʻahó pe ʻi he poʻulí,
Koeʻuhí ke ʻomi kiate koe ʻa e koloa ʻa e ngaahi puleʻangá,
Pea ko honau ngaahi tuʻí te nau takimuʻá.+
12 He ʻilonga ha fonua mo ha puleʻanga ʻe ʻikai tauhi kiate koe ʻe ʻauha,
Pea ʻe fakaʻauha ʻosi ʻa e ngaahi puleʻangá.+
13 Ko e lāngilangi ʻo Lepanoní ʻe haʻu kiate koe,+
ʻA e ʻakau ko e siunipá, tītaʻá, pea fakataha mo e saipalesí,+
Ke fakateungaʻaki ʻa hoku feituʻu toputapú;
Te u fakalāngilangiʻi ʻa e feituʻu ʻoku tuʻu ai hoku vaʻé.+
14 Ko e ngaahi foha ʻo e faʻahinga naʻa nau fakafeʻātungiaʻi koé te nau haʻu ʻo punou atu kiate koe;
Ko e faʻahinga kotoa ʻoku nau taʻefakaʻapaʻapa kiate koé kuo pau ke nau punou atu ʻi ho veʻe vaʻé,
Pea te nau ui koe ko e kolo ʻo Sihová,
Ko Saione ʻa e Tokotaha Māʻoniʻoni ʻo ʻIsilelí.+
15 Neongo naʻe liʻekina mo fehiʻanekinaʻi koe, ʻo ʻikai ke fou atu ai ha taha,+
Te u ngaohi koe ko ha matavai ʻo e pōlepoleʻanga taʻengata,
Ko ha tupuʻanga ʻo e fiefia ʻi he ngaahi toʻutangatá kotoa.+
16 Pea ko e moʻoni te ke inu ʻa e huʻakau ʻo e ngaahi puleʻangá+
Te ke huhu ʻi he huhu ʻo e ngaahi tuʻí;+
Pea te ke ʻilo moʻoni ko au Sihova ʻa ho Fakamoʻuí,
Pea ko ho Tokotaha-Huhuʻí ʻa e Tokotaha Mālohi ʻo Sēkopé.+
17 Te u ʻomai ʻa e koula ko e fetongi ʻo e kopa,
Pea te u ʻomai ʻa e siliva ko e fetongi ʻo e ukamea,
ʻA e kopa ko e fetongi ʻo e ʻakau,
Mo e ukameá ko e fetongi ʻo e maka;
Pea te u fakanofo ʻa e melinó ko ho kau tauhi
Pea ko e māʻoniʻoní ko ho kau vahe fatongia.+
18 ʻE ʻikai ke toe fanongoa ʻa e fakamālohí ʻi ho fonuá
Pe ko e fakaʻauhá mo e maumaú ʻi ho ngaahi ngatangataʻangá.+
Pea te ke ui ho ngaahi ʻaá ko Fakamoʻui+ pea ko ho ngaahi matapaá ko Fakahīkihiki.
19 ʻE ʻikai ke toe hoko ʻa e laʻaá ko hoʻo maama ʻi he ʻahó,
Pea ʻe ʻikai ke toe huhulu ʻa e māhiná kiate koe,
He ʻe hoko ʻa Sihova ko e maama taʻengata kiate koe,+
Pea ʻe hoko ho ʻOtuá ko ho fakaʻofoʻofaʻanga.+
20 ʻE ʻikai ke toe tō ʻa hoʻo laʻaá,
Pea ʻe ʻikai ke holo ʻa e ulo ʻo hoʻo māhiná,
He ʻe hoko ʻa Sihova ko ha maama taʻengata kiate koe,+
Pea ko e ngaahi ʻaho ʻo hoʻo mamahí ʻe ngata.+
21 Pea ko e kotoa ho kakaí te nau māʻoniʻoni;
Te nau maʻu ʻa e fonuá ʻo taʻengata.
22 Ko e kiʻi siʻí ʻe hoko ko e toko afe
Pea ko e momoʻi meʻá ʻe hoko ko ha puleʻanga mālohi.
Ko au Sihova, te u fakavaveʻi ia ʻi hono taimi.”
61 ʻOku ʻiate au ʻa e laumālie ʻo e ʻEiki Hau ko Sihová,+
Koeʻuhi naʻe pani au ʻe Sihova ke u talaki ʻa e ongoongo leleí ki he kau anga-vaivaí.+
Naʻá ne fekauʻi mai au ke u haʻihaʻi ʻa e kau loto-mafesí,
Ke u fanongonongo ha tauʻatāina ki he pōpulá
Pea ke ʻai ke mātuʻaki ʻā ʻa e mata ʻo e nofo pilīsoné,+
2 Ke fanongonongo ʻa e taʻu ʻo e hōifua* ʻa Sihová
Mo e ʻaho ʻo e sāuni ʻa hotau ʻOtuá,+
Ke fakafiemālieʻi ʻa kinautolu kotoa ʻoku mamahí,+
3 Ke fai ha tokonaki maʻá e faʻahinga ʻoku mamahi koeʻuhi ko Saioné,
Ke ʻoange kiate kinautolu ha pūlou ke fetongiʻaki ʻa e efuefú,
Ko e lolo ʻo e fiefia ke fetongiʻaki ʻa e mamahí,
Ko e kofu ʻo e fakahīkihiki ke fetongiʻaki ʻa e laumālie mafasiá.
Pea ʻe ui kinautolu ko e ʻuluʻakau lalahi ʻo e māʻoniʻoní,
Ko e ʻakau naʻe tō ʻe Sihova, koeʻuhí ke fakalāngilangiʻi ai ia.*+
4 Te nau toe langa ʻa e ngaahi maumau ʻo e kuonga muʻá;
Te nau fokotuʻu ʻa e ngaahi feituʻu naʻe maomaonganoa ʻi he kuohilí,+
Pea te nau toe fakafoʻou ʻa e ngaahi kolo kuo maumaú,+
ʻA e ngaahi feituʻu naʻe tuʻu maomaonganoa mei he toʻutangata ki he toʻutangata.+
5 “ʻE tuʻu hake ha kau sola ʻo tauhi ʻa hoʻomou fanga sipí,
Pea ko e kau mulí+ te nau hoko ko hoʻomou kau ngoue mo hoʻomou kau tauhi ngoue kālepi.+
6 Ka ko kimoutolu, ʻe ui kimoutolu ko e kau taulaʻeiki ʻa Sihova;+
Te nau ui kimoutolu ko e kau tauhi ʻa hotau ʻOtuá.
7 ʻE fetongi ʻa e fakamaá ʻaki hoʻomou maʻu ʻa e ʻinasi lōua,
Pea ʻe fetongi ʻa e ongoʻi maá ʻaki ʻenau kaila fiefia koeʻuhí ko honau ʻinasí.
ʻIo, te nau maʻu ha ʻinasi lōua ʻi honau fonuá.+
ʻE ʻanautolu ʻa e fiefia taʻengatá.+
8 He ko au Sihova ʻoku ou manako ki he fakamaau totonú;+
ʻOku ou fehiʻa ʻi he kaihaʻá mo e taʻemāʻoniʻoní.+
Te u faitotonu ʻo ʻoange kiate kinautolu ʻa ʻenau totongí,
Pea te u fai ha fuakava taʻengata mo kinautolu.+
9 ʻE ʻiloʻi ʻa ʻenau fānaú* ʻi he lotolotonga ʻo e ngaahi puleʻangá+
Pea mo honau ngaahi hakó ʻi he lotolotonga ʻo e ngaahi kakaí.
Ko e faʻahinga kotoa te nau sio kiate kinautolú te nau ʻiloʻi,
10 Te u mātuʻaki mavava ʻia Sihova.
ʻE fiefia ʻa ʻeku moʻuí kotoa ʻi hoku ʻOtuá.+
He kuó ne fakakofu au ʻaki ʻa e ngaahi kofu ʻo e fakamoʻuí;+
Kuó ne fakatui ʻiate au ʻa e pulupulu* ʻo e māʻoniʻoní,
ʻO hangē ha tangata mali ʻokú ne ʻai ha faʻufaʻu hangē ko e faʻufaʻu ʻo ha taulaʻeikí,+
Pea hangē ha taʻahine mali ʻokú ne teuteuʻaki ʻa ʻene ngaahi meʻa-teuteú.
11 He hangē pē ko e tupu hake ʻi he māmaní ʻa hono hulí
Pea hangē ko hono ʻai ʻe he ngoué ʻa e meʻa kuo tūtuuʻi aí ke tupu maí,
ʻE pehē pē ʻa e hanga ʻe he ʻEiki Hau ko Sihová
ʻO ʻai ʻa e māʻoniʻoní+ mo e fakahīkihikí ke tupu mai+ ʻi he ʻao ʻo e ngaahi puleʻangá kotoa.
62 Koeʻuhi ko Saione heʻikai te u fakalongolongo,+
Pea koeʻuhi ko Selusalema heʻikai te u mālōlō
Kae ʻoua ke ulo atu ʻene māʻoniʻoní ʻo hangē ha maama ngingilá+
Pea ulo atu ʻene fakamoʻuí ʻo hangē ha tūhulú.+
2 “ʻE sio ʻa e ngaahi puleʻangá ki hoʻo māʻoniʻoní, ʻe fefine,+
Pea mo e ngaahi tuʻí kotoa ki ho lāngilangí.+
Pea ʻe uiʻaki koe ha hingoa foʻou,+
ʻA ia ʻe fakahaaʻi mei he ngutu tonu ʻo Sihová.
3 Te ke hoko ko ha kalauni fakaʻofoʻofa ʻi he nima ʻo Sihová,
Ko ha tatā faʻufaʻu fakatuʻi ʻi he ʻaofinima ʻo ho ʻOtuá.
Ka ʻe ui koe ʻo pehē Ko ʻEku Hōifuá ʻOku ʻIate Ia,+
Pea ko ho fonuá ʻe ui ko e Tokotaha Mali.
He ʻe hōifua ʻa Sihova kiate koe,
Pea ko ho fonuá ʻe hangē ha tokotaha malí.
5 He hangē ko e mali ʻa ha kiʻi talavou mo ha finemui kei nofo anga-maʻá,
ʻE mali ʻa ho kakaí mo koe.
Hangē ko e fiefia ʻa ha tangata mali ʻi ha taʻahine malí,
ʻE fiefia ʻa ho ʻOtuá ʻiate koe.+
6 Kuó u fekauʻi atu ha kau tangata leʻo ki ho ngaahi funga ʻaá, ʻe Selusalema.
Pea hokohoko atu ʻi he ʻahó kotoa mo e poó kotoa, ʻoku ʻikai totonu ke nau fakalongolongo.
Ko kimoutolu ʻoku mou lea ʻo fekauʻaki mo Sihová,
ʻOua ʻe mālōlō,
7 Pea ʻoua ʻe tuku ke ne mālōlō kae ʻoua kuó ne fokotuʻu maʻu ʻa Selusalema,
ʻIo, kae ʻoua kuó ne ʻai ia ke fakahīkihikiʻi ʻe he māmaní.”+
8 Kuo fai ʻe Sihova ha fuakava ʻaki hono nima toʻomataʻú, ʻaki hono nima mālohí:
“Heʻikai te u toe foaki hoʻo uité ki ho ngaahi filí ko haʻanau meʻakai,
Pea heʻikai ke inu ʻe he kau mulí hoʻo uaine foʻoú, ʻa ia kuó ke fakaongosia aí.+
9 Ka ko e faʻahinga ʻoku nau tānaki ʻa e uité te nau kai ia pea te nau fakahīkihikiʻi ʻa Sihova;
Pea ko kinautolu ʻoku nau tānaki ʻa e uainé te nau inu ia ʻi hoku ongo lotoʻā toputapú.”+
10 Laka atu, laka atu ʻi he ngaahi matapaá.
Fakaʻataʻatā ʻa e halá ki he kakaí.+
Tanu hake, tanu hake ʻa e hala lahí.
Toʻo mei ai ʻa e ngaahi maká.+
Fokotuʻu ha fakaʻilonga* ki he ngaahi kakaí.+
11 Vakai! Kuo fanongonongo ʻe Sihova ʻo aʻu ki he ngaahi ngataʻanga ʻo e māmaní:
“Lea ki he ʻofefine ʻo Saioné,
‘Vakai! ʻOku haʻu homou fakamoʻuí.+
Vakai! ʻOku ʻiate ia ʻa ʻene palé,
Pea ko e totongi te ne ʻoatú ʻoku ʻi hono ʻaó.’”+
12 ʻE ui kinautolu ko e kakai māʻoniʻoni, ko e faʻahinga naʻe huhuʻi ʻe Sihova,+
Pea ʻe ui koe ko e Kolo Naʻe Kumi ki Ai, ko ha Kolo Kuo ʻIkai Liʻaki.+
63 Ko hai eni ʻoku haʻu mei ʻĪtomí,+
Mei Pōsila+ ʻi he ngaahi kofu lanu mataʻāʻaá,*
ʻA e tokotaha ko eni mo e vala fakaʻofoʻofá,
ʻOku laka mai ʻi hono fuʻu mālohí?
“Ko au ia, ʻa e Tokotaha ʻoku lea ʻi he māʻoniʻoní,
ʻA e Tokotaha ʻoku ʻi ai hono fuʻu mālohi ke faifakamoʻuí.”
2 Ko e hā ʻoku lanu kulokula ai ho kofú,
Pea ko e hā ʻoku hangē ai ho ngaahi kofú ko e kofu ʻo ha taha ʻokú ne molomoloki ʻa e tataʻoʻanga uainé?+
3 “Kuó u molomoloki toko taha pē ʻa e fuʻu ʻaiʻanga uainé.
Naʻe ʻikai ʻiate au ha taha mei he ngaahi kakaí.
Naʻá ku hanganaki tāmalaki kinautolu ʻi heʻeku ʻitá,
Pea naʻá ku hanganaki tāmalaki kinautolu ʻi heʻeku tōlilí.+
Naʻe tau ʻi hoku ngaahi kofú ʻa honau totó,
Pea kuó u ʻai ʻo ʻuli ʻa hoku valá kotoa.
4 He ʻoku ʻi hoku lotó ʻa e ʻaho ʻo e sāuní,+
Pea kuo hoko mai ʻa e taʻu ʻo hono huhuʻi ʻo e faʻahinga ʻoku ʻaʻakú.
5 Naʻá ku fakasio, ka naʻe ʻikai ha taha ke tokoni mai kiate au;
Naʻá ku fakatumutumu ʻi he ʻikai ha taha ʻe fietokoní.
6 Naʻá ku tāmalaki ʻa e ngaahi kakaí ʻi heʻeku ʻitá,
Naʻá ku ʻai ke nau konā ʻi heʻeku tōlilí+
Pea lilingi atu ʻa honau totó ki he kelekelé.”
7 Te u fakahaaʻi ʻa e ngaahi ngāue ʻa Sihova ʻo e ʻofa mateakí,
ʻA e ngaahi ngāue ʻa Sihova ʻoku taau ke fakahīkihikiʻí,
Koeʻuhí ko e meʻa kotoa kuo fai ʻe Sihova maʻatautolú,+
ʻA e ngaahi meʻa lelei lahi kuó ne fai maʻá e fale ʻo ʻIsilelí,
ʻO fakatatau ki heʻene mēsí mo e lahi ʻo ʻene ʻofa mateakí.
8 He naʻá ne folofola: “Ko e moʻoni ko kinautolú ko hoku kakai, ko e ngaahi foha ʻa ia ʻe ʻikai te nau taʻemateaki.”*+
Ko ia naʻá ne hoko ai ko honau Fakamoʻui.+
9 ʻI he lolotonga ʻa ʻenau mamahí kotoa naʻe fakalotomamahi ia kiate ia.+
Pea ko ʻene talafekau ʻaʻaná* naʻá ne fakahaofi kinautolu.+
ʻI heʻene ʻofá mo e manavaʻofá naʻá ne huhuʻi kinautolu,+
Pea naʻá ne hiki hake kinautolu ʻo fua ʻi he ngaahi ʻaho kotoa ʻi he kuohilí.+
10 Ka naʻa nau angatuʻu+ pea fakamamahiʻi ʻa hono laumālie māʻoniʻoní.+
11 Pea naʻa nau manatuʻi ʻa e ngaahi ʻaho ʻi he kuohilí,
ʻA e ngaahi ʻaho ʻo Mōsese ko ʻene sevānití:
“Ko fē ʻa e Tokotaha naʻá ne ʻomai kinautolu mei he tahí+ fakataha mo e kau* tauhi ʻo ʻene tākangá?+
Ko fē ʻa e Tokotaha naʻá ne ʻai kiate ia ʻa Hono laumālie māʻoniʻoní,+
12 ʻA e Tokotaha naʻá ne ʻai ʻa Hono nima lāngilangiʻiá ke kau mo e nima toʻomataʻu ʻo Mōsesé,+
ʻA e Tokotaha naʻá ne fakamavaeua ʻa e ngaahi vaí ʻi honau ʻaó+
Ke ʻai ai ha huafa taʻengata moʻoná,+
13 ʻA e Tokotaha naʻá ne ʻai kinautolu ke nau fou atu ʻi he ngaahi vai āké,*
Ko ia naʻa nau ʻalu ai ʻo ʻikai humu,
ʻO hangē ha hoosi ʻi he manafá?*
14 ʻO hangē pē ko e fanga manú ʻi heʻenau ʻalu hifo ki he teleʻa lautoká,
Naʻe ʻai kinautolu ʻe he laumālie ʻo Sihová ke nau mālōlō.”+
15 Hanga hifo mei hēvani pea vakai
Mei ho ʻafioʻanga māʻolunga ʻo e māʻoniʻoni mo e lāngilangí.*
Kuo taʻofi ia meiate au.
16 He ko koe ʻa ʻemau Tamaí;+
Neongo ʻoku ʻikai nai ʻiloʻi kimautolu ʻe ʻĒpalahame
Pea ʻikai nai ke fakatokangaʻi kimautolu ʻe ʻIsileli,
Ko koe, ʻe Sihova, ʻa ʻemau Tamaí.
Ko homau Tokotaha-Huhuʻi ʻi he kuohilí ʻa ho huafá.+
17 ʻE Sihova, ko e hā ʻokú ke tuku* ai ke mau hē mei hoʻo ngaahi foungá?
Ko e hā ʻokú ke tuku* ai ke hoko ʻo fefeka ʻa homau lotó, ʻo ʻikai ai te mau manavahē atu kiate koé?+
Foki mai, koeʻuhí ko hoʻo kau sevānití,
ʻA e ngaahi matakali ʻo ho tofiʻá.+
18 Naʻe maʻu ia ʻe hoʻo kakai tapú ʻi ha taimi nounou.
Kuo tāmalaki ʻe homau ngaahi filí ʻa ho feituʻu toputapú.+
19 He kuo fuʻu fuoloa ʻa ʻemau hoko ʻo hangē ko e faʻahinga naʻe ʻikai ʻaupito te ke pule ki aí,
ʻO hangē ko e faʻahinga naʻe ʻikai ʻaupito ke uiʻaki ho huafá.
64 Taumaiā naʻá ke fakamavaeua ʻa e ngaahi langí peá ke hāʻele hifo,
Ko ia ʻe ngalulu ai ʻa e ngaahi moʻungá koeʻuhí ko koe,
2 ʻO hangē ko e tutu ʻe he afí ʻa e fefié,
Mo e ʻai ʻe he afí ke lili ʻa e vaí,
ʻE toki ʻilo ai ʻe ho ngaahi filí ʻa ho huafá,
Pea ʻe tetetete ʻa e ngaahi puleʻangá ʻi ho ʻaó!
3 ʻI hoʻo fai ʻa e ngaahi meʻa fakaofo ʻa ia naʻe ʻikai te mau teitei ʻamanaki ki aí,+
Naʻá ke hāʻele hifo, pea naʻe ngalulu ʻa e ngaahi moʻungá ʻi ho ʻaó.+
4 He talu mei muʻa kuo ʻikai ha taha te ne fanongoa pe ongona,
Pea kuo ʻikai ha mata ʻe sio ki ha ʻOtua kehe, tuku kehe koe,
ʻA ia ʻokú ke fai ha ngāue maʻá e faʻahinga ʻoku nau nofo ʻamanaki* kiate koé.+
5 Kuó ke fakafetaulaki ki he faʻahinga ʻoku nau fiefia ʻi hono fai ʻa e meʻa ʻoku totonú,+
ʻA kinautolu ʻoku nau manatu kiate koe pea muimui ʻi hoʻo ngaahi foungá.
Vakai! Naʻá ke hoko ʻo houhau, lolotonga ia ʻa e hokohoko atu ʻemau faiangahalá,+
Naʻa mau fai pehē ʻo fuoloa.
ʻOku totonu koā ke fakahaofi kimautolu ʻi he taimí ni?
6 Pea kuo mau hoko kotoa ʻo hangē ha taha ʻoku taʻemaʻá,
Pea ko e kotoa ʻo ʻemau ngaahi ngāue māʻoniʻoní ʻoku hangē ia ha tupenu ʻoku tau ai ha puke fakamāhiná.+
Te mau mae kotoa ʻo hangē ha lauʻiʻakaú,
Pea ko ʻemau ngaahi faihalá te nau ʻave kimautolu ʻo hangē ko hono ʻave ʻe he matangí.
7 ʻOku ʻikai ha taha ʻe ui ki ho huafá,
ʻOku ʻikai ha taha ʻokú ne ueʻi ʻa ia tonu ke ne piki maʻu kiate koe,
He kuó ke fufū ho fofongá meiate kimautolu,+
8 Ka ko eni, ʻe Sihova, ko koe ʻa ʻemau Tamaí.+
Ko kimautolú ko e ʻumea, pea ko koe ʻa homau Tufunga-ʻUmeá;*+
Ko kimautolú kotoa ko e ngāue ʻa ho nimá.
9 ʻOua naʻá ke hoko ʻo houhau lahi, ʻe Sihova,+
Pea ʻoua naʻá ke manatu ki heʻemau faihalá ʻo taʻengata.
Vakai mai muʻa kiate kimautolu, he ko ho kakai kotoa kimautolu.
10 Ko ho ngaahi kolo tapú kuo nau hoko ko ha toafa.
Kuo hoko ʻa Saione ko ha toafa,
Pea ko Selusalema ko ha feituʻu lala.+
11 Ko homau fale* toputapu mo lāngilangí,*
ʻA ia naʻe fakahīkihikiʻi ai koe ʻe heʻemau fanga kuí,
Kuo tutuʻaki ia ʻa e afi,+
Pea ko e kotoa ʻo e ngaahi meʻa naʻa mau ʻofa aí ko e koto ʻauha pē.
12 ʻI he vakai atu ki he meʻá ni, te ke kei taʻotaʻofi koā koe, ʻe Sihova?
Te ke kei fakalongo ai pē pea tuku kimautolu ke mau faingataʻaʻia lahi?+
65 “Kuó u tuku ke kumi kiate au ʻa e faʻahinga naʻe ʻikai te nau ʻeke aú;
Kuó u tuku ke maʻu au ʻe he faʻahinga naʻe ʻikai te nau kumi kiate aú.+
Naʻá ku pehē, ‘Ko au eni, ko au eni,’ ki ha puleʻanga naʻe ʻikai te nau ui ki hoku hingoá.+
2 Kuó u folahi atu hoku nimá mo kōlenga ʻi he ʻahó kotoa ki ha kakai loto-fefeka,+
Ki he faʻahinga ʻoku nau ʻaʻeva ʻi he hala ʻoku ʻikai leleí,+
ʻO nau muimui ʻi heʻenau ngaahi fakakaukau ʻanautolú;+
3 Ko ha kakai ʻoku nau fakamamahiʻi maʻu pē au ʻi hoku fofongá,+
ʻO nau faifeilaulau ʻi he ngaahi ngoue+ mo ʻoatu ha ngaahi feilaulau fakakohu ʻi he ngaahi funga piliki.
4 ʻOku nau tangutu ʻi he ngaahi faʻitoká,+
Pea ʻoku nau mohe ʻi he ngaahi feituʻu fakapulipuli,*
ʻO kai ʻa e kakano ʻo e fanga puaká,+
Pea ko e huhuʻa ʻo e ngaahi meʻa ʻoku koví* ʻoku ʻi heʻenau ngaahi ʻaiʻanga meʻá.+
5 ʻOku nau pehē, ‘Fakamamaʻo; ʻoua te ke fakaofiofi mai kiate au,
He ʻoku ou māʻoniʻoni ange au ʻiate koe.’*
Ko e meʻá ni ko ha kohu ia ʻi hoku ihú, ko ha afi ʻoku ulo ʻi he ʻahó kotoa.
6 Vakai! Kuo hiki ia ʻi hoku ʻaó;
ʻE ʻikai te u kei tuʻu ai pē,
Ka te u fai ha totongi kiate kinautolu,+
Te u totongi kakato kiate kinautolu*
7 Koeʻuhi ko ʻenau faihalá pea pehē ki he faihala ʻa ʻenau fanga kuí,”+ ko e folofola ia ʻa Sihová.
“Koeʻuhi ko ʻenau fai ʻa e feilaulau fakakohu ʻi he ngaahi moʻungá
Pea nau fakamaaʻi au ʻi he ngaahi foʻi māʻolungá,+
Te u ʻuluaki ʻoatu kakato* ʻa ʻenau totongí.”
8 Ko e folofola eni ʻa Sihová:
“Hangē pē ko hono maʻu ha uaine foʻou ʻi ha fuhinga kālepí
Pea pehē atu ʻe ha taha, ‘ʻOua ʻe fakaʻauha ia, he ʻoku ʻi ai ha meʻa ʻoku lelei,’*
ʻE pehē ʻa ʻeku fai ki heʻeku kau sevānití;
ʻE ʻikai te u fakaʻauha kotoa kinautolu.+
9 Te u ʻomi meia Sēkope ha hako
Pea meia Siuta ʻa e tokotaha te ne maʻu ʻa hoku ngaahi moʻungá;+
ʻE maʻu ia ʻe he faʻahinga kuó u filí,
Pea ʻe nofo ai ʻa ʻeku kau sevānití.+
10 ʻE hoko ʻa Sāloni+ ko ha kaikaiʻanga ʻo e fanga sipí
Pea mo e Teleʻa* ko ʻĀkolí+ ko ha mālōlōʻanga ʻo e fanga pulú,
Maʻa hoku kakai ʻoku nau kumi kiate aú.
11 Ka ʻoku mou kau ʻi he lotolotonga ʻo e faʻahinga ʻoku nau liʻaki ʻa Sihová,+
ʻA e faʻahinga ʻoku ngalo ʻiate kinautolu ʻa hoku moʻunga tapú,+
ʻA e faʻahinga ʻoku nau teuteu ha tēpile maʻá e ʻotua ʻo e Monuú,
Pea mo e faʻahinga ʻoku nau fakafonu ha ngaahi ipu uaine kuo huʻi maʻá e ʻotua ʻo e Tufakangá.
12 Ko ia te u tuku atu kimoutolu ki he heletaá ko homou tufakanga,+
Pea ko kimoutolu kotoa te mou punou ke tāmateʻi,+
Koeʻuhí naʻá ku ui, ka naʻe ʻikai te mou fai mai ha tali,
Naʻá ku lea, ka naʻe ʻikai te mou fanongo;+
Naʻa mou hanganaki fai ʻa e meʻa naʻe kovi ʻi heʻeku vakaí,
Pea naʻa mou fili ʻa e meʻa naʻe ʻikai te u leleiʻia aí.”+
13 Ko ia ko e folofola eni ʻa e ʻEiki Hau ko Sihová:
“Vakai! Ko ʻeku kau sevānití te nau kai, ka ko kimoutolú te mou fiekaia.+
Vakai! Ko ʻeku kau sevānití te nau inu,+ ka ko kimoutolú te mou fieinua.
Vakai! Ko ʻeku kau sevānití te nau fiefia,+ ka ko kimoutolú te mou mā.+
14 Vakai! Ko ʻeku kau sevānití te nau kaila fiefia koeʻuhi ko e tuʻunga lelei ʻo honau lotó,
Ka te mou tangi koeʻuhí ko e mamahi ʻa homou lotó
Pea te mou tangilāulau koeʻuhí ko ha laumālie mafesi.
15 Te mou tuku mai ha hingoa ʻa ia ʻe ngāueʻaki ʻe he faʻahinga kuó u filí ʻi ha talatuki,
Pea ʻe tāmateʻi ʻe he ʻEiki Hau ko Sihová ʻa e tokotaha taki taha ʻo kimoutolu,
Ka ko ʻene kau sevānití te ne uiʻaki kinautolu ha hingoa ʻe taha;+
16 Koeʻuhí ke ʻilonga ha taha te ne kumi ki ha tāpuaki maʻana ʻi he māmaní
ʻE faitāpuekina ia ʻe he ʻOtua ʻo e moʻoní.*
17 He vakai, ʻoku ou fakatupu ha ngaahi langi foʻou mo ha māmani foʻou;+
Pea ʻe ʻikai toe manatua ʻa e ngaahi meʻa muʻá,
Pea ʻe ʻikai ke ʻalu hake ia ʻi he lotó.+
18 Ko ia mou mavava pea fiefia ʻo taʻengata ʻi he meʻa ʻoku ou fakatupú.
He vakai, ʻoku ou fakatupu ʻa Selusalema ko e tupuʻanga ʻo ha fiefia
Pea mo hono kakaí ko e tupuʻanga ʻo e mavava.+
19 Pea te u fiefia ʻi Selusalema pea mavava ʻi hoku kakaí;+
ʻE ʻikai ke toe ongona ʻiate ia ha leʻo ʻo e tangi pe ko ha tangi ʻi he mamahi.”+
20 “ʻE ʻikai toe ʻi ai ha valevale ʻi he feituʻu ko iá ʻe siʻi ʻa e ngaahi ʻaho ʻo ʻene moʻuí,
Pea ko e tangata taʻumotuʻá ʻe moʻui aʻuaʻu.
He ʻilonga ha taha ʻe mate ʻi hono taʻu teaú ʻe lau ia ko ha tamasiʻi pē,
Pea ko e tokotaha angahalá neongo ʻa ʻene taʻu teaú te ne mate ʻi ha mala.*
22 ʻE ʻikai te nau langa ke nofo ai ha tokotaha kehe,
Pea ʻe ʻikai te nau tō ke kai ʻe ha niʻihi kehe.
He ko e ngaahi ʻaho ʻo hoku kakaí ʻe hangē ko e ngaahi ʻaho ʻo ha fuʻu ʻakau,+
Pea ko e ngāue ʻa honau nimá ʻe fiefia kakato ai ʻa e faʻahinga kuó u filí.
23 ʻE ʻikai taʻeʻaonga* ʻa ʻenau fakaongosiá,*+
Pea ʻe ʻikai te nau fanauʻi ha fānau ki he mamahi,
Koeʻuhí ko e fānau* kinautolu kuo faʻuʻaki ʻa e faʻahinga kuo faitāpuekina ʻe Sihova,+
Pea fakataha mo kinautolu ʻa honau hakó.+
24 Naʻa mo e ki muʻa ke nau uí, te u fai ha tali;
Lolotonga ʻenau kei leá, te u ongoʻi.
25 Ko e ulofí mo e lamí te na kai fakataha,
Ko e laioné te ne kai kauʻi uite ʻo hangē pē ko e pulú,+
Pea ʻe hoko ʻa e efú ko e meʻakai ʻa e ngatá.
ʻE ʻikai te nau fai ha kovi pe ha maumau ʻi he kotoa ʻo hoku moʻunga tapú,”+ ko e folofola ia ʻa Sihová.
66 Ko e folofola eni ʻa Sihová:
“Ko hēvani ʻa hoku taloní, pea ko e māmaní ʻa hoku tuʻunga-vaʻé.+
2 “Ko hoku nimá kuó ne ngaohi ʻa e ngaahi meʻá ni kotoa,
Pea naʻe peheni ʻa e anga ʻo ʻenau hoko kotoa maí,” ko e fakahaaʻi ia ʻe Sihová.+
“Ko e tokotaha leva eni te u vakai ki aí,
Ko e tokotaha ʻoku anga-fakatōkilalo mo laumālie mafesi ʻa ia ʻokú ne tetetete ʻi heʻeku* leá.+
3 Ko e tokotaha ʻokú ne tāmateʻi ʻa e pulú ʻoku hangē ia ha tokotaha ʻokú ne taaʻi ha tangata.+
Ko e tokotaha ʻokú ne feilaulauʻaki ha sipi ʻoku hangē ia ha tokotaha ʻokú ne motuhi ʻa e kia ʻo ha kulī.+
Ko e tokotaha ʻokú ne foaki ha meʻaʻofa—ʻoku hangē ia ko e toto ʻo ha puaká!+
Ko e tokotaha ʻokú ne ʻoatu ha ʻinisēnisi hinehina+ ko ha feilaulau fakamanatú ʻoku hangē ia ko ha taha ʻokú ne fai ha tāpuaki ʻaki ha ngaahi lea fakafaimana.*+
Kuo nau fili ʻa honau ʻalunga pē ʻonautolu,
Pea ʻoku nau fiefia ʻi he meʻa ʻoku palakuú.
4 Ko ia te u fili ha ngaahi founga ke tautea ai kinautolu,+
Pea ko e ngaahi meʻa tofu pē ko ia ʻoku nau manavahē ki aí te u ʻomai kiate kinautolu.
Koeʻuhi ʻi he taimi naʻá ku ui aí, naʻe ʻikai tali mai ʻe ha taha;
ʻI he taimi naʻá ku lea aí, naʻe ʻikai ha taha ʻe fanongo.+
Naʻa nau hanganaki fai ʻa e meʻa naʻe kovi ʻi heʻeku vakaí,
Pea naʻa nau fili ke fai ʻa e meʻa naʻe ʻikai te u leleiʻia aí.”+
5 Mou fanongo ki he lea ʻa Sihová, ʻa kimoutolu ʻoku tetetete ʻi heʻene* leá:
“Ko homou fanga tokoua ʻoku fehiʻa kiate kimoutolu mo ʻikai te nau tali kimoutolu koeʻuhi ko hoku hingoá naʻa nau lea ʻi he mālualoi, ‘ʻOfa ke fakalāngilangiʻi ʻa Sihova!’+
Ka te Ne hā mai ʻo ne ʻomai ha fiefia kiate kimoutolu,
Pea ko kinautolu ia ʻa e faʻahinga ʻe fakamāʻí.”+
6 ʻOku ongo mai ha uatau mei he koló, ko ha ongo ʻoku haʻu mei he temipalé!
Ko e ongo mai ia ʻo hono totongi ʻe Sihova ki hono ngaahi filí ʻa e meʻa ʻoku nau tuha mo iá.
7 Ki muʻa ke langā ʻa e fefiné, naʻá ne fāʻele.+
Ki muʻa ke hoko kiate ia ʻa e langa mamahi ʻo e fāʻelé, naʻá ne fanauʻi ha tama tangata.
8 Ko hai kuo faifai ange peá ne fanongo ʻi ha meʻa pehē?
Ko hai kuó ne sio ʻi ha ngaahi meʻa pehē?
ʻE fāʻeleʻi mai koā ha fonua ʻi he ʻaho pē ʻe taha?
Pe ʻe fanauʻi fakaʻangataha mai pē ha puleʻanga?
Ka ʻi he langā pē ʻa Saioné, naʻá ne fāʻeleʻi mai hano ngaahi foha.
9 “Te u ʻai koā ke fāʻeleʻi mai ʻa e kiʻi tamá pea hili iá pea ʻikai te u ʻomai ia ki tuʻa?” ko e folofola ia ʻa Sihová.
“Pe te u fakatupunga koā ke ne fāʻele pea hili iá peá u tāpuni ʻa e manavá?” ko e folofola ia ʻa ho ʻOtuá.
10 Fiefia fakataha mo Selusalema pea mavava fakataha mo ia,+ ʻa kimoutolu kotoa ʻoku ʻofa ʻiate iá.+
Mou mātuʻaki hākailangitau fakataha mo ia, ʻa kimoutolu kotoa ʻoku mou mamahi koeʻuhi ko iá,
11 He te mou huhu mei hono huhú ʻo mou mātuʻaki mākona mo fiemālie,
Pea te mou mātuʻaki inu pea maʻu ʻa e fiefia ʻi he lahi ʻo hono lāngilangí.
12 He ko e folofola eni ʻa Sihová:
“Ko eni ʻoku ou fakaaʻu atu kiate ia ʻa e melino ʻo hangē ha vaitafé+
Pea mo e lāngilangi ʻo e ngaahi puleʻangá ʻo hangē ha vai ʻoku tafe mālohí.+
Te mou huhu pea ʻe fua kimoutolu,
Pea ʻe lulululu kimoutolu ʻi he funga tuí.
13 Hangē ha faʻē ʻokú ne fakafiemālieʻi ʻa ʻene tamá,
ʻE pehē ʻa ʻeku hanganaki fakafiemālieʻi kimoutolú;+
Pea ʻe fakafiemālieʻi kimoutolu ʻi he fekauʻaki mo e meʻa kuo hoko ki Selusalemá.+
14 Te mou mamata ki he meʻá ni, pea ʻe fiefia homou lotó,
ʻE tupu homou ngaahi huí ʻo hangē ha musie foʻoú.
Pea ʻe hoko ʻo ʻiloʻi ʻa e nima* ʻo Sihová ʻe heʻene kau sevānití,
Ka te ne fakahalaiaʻi ʻa hono ngaahi filí.”+
15 “He ʻe hāʻele mai ʻa Sihova ʻo hangē ha afí,+
Pea ko ʻene ngaahi salioté ʻoku hangē ha matangi mālohí,+
Ke fai ha totongi ʻi he ʻita kakaha,
Ke fai ha valoki ʻaki ʻa e ngaahi uloʻi afi.+
16 He ʻe fakahoko mai ʻe Sihova ʻa e fakamāú ʻaki ʻa e afi,
ʻIo, ʻaki ʻene heletaá ki he kakano kotoa pē;*
Pea ʻe tokolahi ʻa e faʻahinga ʻe tāmateʻi ʻe Sihová.
17 “Ko e faʻahinga ʻoku nau fakamāʻoniʻoniʻi kinautolu mo fakamaʻa kinautolu ka nau hū ki he ngaahi ngoué*+ ʻo muimui ki he ʻaitoli ʻoku ʻi loto-mālié, ʻa e faʻahinga ʻoku nau kai ʻa e kakano ʻo e fanga puaká+ mo e ngaahi meʻa palakuú mo e fanga kumaá,+ te nau hoko kotoa ki honau ngataʻangá,” ko e fakahaaʻi ia ʻe Sihová. 18 “Koeʻuhi ʻoku ou ʻiloʻi ʻenau ngaahi ngāué mo ʻenau ngaahi fakakaukaú, te u ʻalu atu ʻo fakatahatahaʻi ʻa e kakai ʻo e ngaahi puleʻanga kotoa mo e ngaahi lea, pea te nau haʻu ʻo sio ki hoku lāngilangí.”
19 “Te u fokotuʻu ha fakaʻilonga ʻi honau lotolotongá, pea te u fekauʻi atu ʻa e niʻihi ʻo e faʻahinga ʻe haó ki he ngaahi puleʻangá—ki Tāsisi,+ Puli, mo Luti,+ pea ki he faʻahinga ʻoku nau fusi ʻa e kaufaná ʻi Tūpale mo Savaní,+ pea ki he ngaahi motu mamaʻó—ʻa ia kuo ʻikai te nau fanongo ʻi ha fakamatala fekauʻaki mo au pe sio ʻi hoku lāngilangí; pea te nau talaki hoku lāngilangí ʻi he lotolotonga ʻo e ngaahi puleʻangá.+ 20 Te nau ʻomai homou fanga tokouá kotoa mei he kotoa ʻo e ngaahi puleʻangá+ ko ha meʻaʻofa kia Sihova, ʻi ha fanga hoosi, ʻi ha ngaahi saliote, ʻi ha ngaahi saliote fakafale, ʻi ha fanga miuli, pea ʻi ha fanga kāmeli veʻe-vave, ʻo ʻohake ki hoku moʻunga tapú, ki Selusalema,” ko e folofola ia ʻa Sihová, “ʻo hangē tofu pē ko e taimi ʻoku ʻomai ai ʻe he kakai ʻo ʻIsilelí ʻenau meʻaʻofá ʻi ha ʻaiʻanga meʻa ʻoku maʻa ki he fale ʻo Sihová.”
21 “Te u toʻo foki ha niʻihi ke nau hoko ko ha kau taulaʻeiki mo ha niʻihi ke nau hoko ko e kau Līvai,” ko e folofola ia ʻa Sihová.
22 “He hangē tofu pē ko e tuʻuloa ʻi hoku ʻaó ʻa e ngaahi langi foʻou mo e māmani foʻou+ ʻoku ou ngaohí,” ko e fakahaaʻi ia ʻe Sihová, “ʻe pehē pē ʻa e tuʻuloa homou hakó mo homou hingoá.”+
23 “Pea mei he māhina foʻou ki he māhina foʻou pea mei he Sāpate ki he Sāpate,
ʻE haʻu ʻa e kakano kotoa* ʻo punou* ʻi hoku ʻaó,”+ ko e folofola ia ʻa Sihová.
24 “Pea te nau ʻalu atu ʻo mamata ki he ngaahi ʻangaʻanga ʻo e kau tangata naʻa nau angatuʻu kiate aú;
Koeʻuhi ʻe ʻikai ke mate ʻa e fanga ʻuanga ʻiate kinautolú,
Pea ʻe ʻikai ke mate ʻa e afi ʻokú ne keina kinautolú,+
Pea te nau hoko ko e meʻa ke fakaliliʻa ki ai ʻa e kakai kotoa.”*
ʻOku ʻuhingá ko e “Fakamoʻui ʻa Sihová.”
Pe “ʻa hono ʻeikí.”
Fakafoʻilea, “fakatetenga.”
Pe “kau pule.”
Pe “fakahinohino.”
Pe “feilaulau uite.” Sio ki he fakamatala ʻi lalo ʻi he Liv 2:1.
Sio ki he Lea mo Hono ʻUhinga.
Pe “paeá.”
Pe “pia uité.”
Pe “kau paeá.”
Ko e “fakamaʻá” ʻi heʻene hā ʻi he veesi ko ení ʻoku ʻuhinga ia ki hono haka ʻo e ukameá ke siví.
ʻOku hā ngali ko e ʻuluʻakaú mo e ngaahi ngoué naʻe fekauʻaki ia mo e lotu ʻaitolí.
Ko ha afo hangē ha maeá ʻa ia ʻoku velangofua.
Pe “ʻI he ngaahi ʻaho fakaʻosí.”
Pe “fakahinohinó.”
Pe “fakavaivaiʻi.”
Pe “fakavaivaiʻi.”
Ko e fanga kiʻi manu maumau.
Pe “tokotaha faitoʻo.”
Fakafoʻilea, “ʻi hono fofonga lāngilangiʻiá.”
Fakafoʻilea, “Te nau kai ʻa e fua ʻo ʻenau ngaahi ngāué.”
Fakafoʻilea, “mo fakakiakekeva.”
Pe “fanga kiʻi teuteu ʻo e haú.”
Pe “ngaahi āfeí.”
Pe “fanga kiʻi ngeʻesi fingota teuteú.”
Pe “ngaahi kofu lotó.”
Sio ki he Lea mo Hono ʻUhinga.
ʻA ia, ko ha fakaʻilonga naʻe tutu ʻi he sino ʻo ha tamaioʻeiki pe pōpula.
ʻA ia, ko e fakamā ʻo e taʻemalí mo e ʻikai ha fānaú.
Fakafoʻilea, “kinohaʻa.”
Pe “laumālie fakamaʻá.”
Pe “ʻakau naʻe tō.”
Sio ki he Fakamatala Fakalahi E14.
Sio ki he Fakamatala Fakalahi E14.
Sio ki he Fakamatala Fakalahi E14.
Pe “ʻe Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe “ko ʻene kau māʻolungá.”
Pe “fakamaau totonú.”
Pe “tuʻutuʻuni; faleʻi.”
Pe “fakahinohino.”
Pe “fuʻu pou fakaʻilonga.”
Pe “mateuteu ke fanaʻi.”
Fakafoʻilea, “Naʻá ne ʻufiʻufi.”
Fakafoʻilea, “ʻi he leʻo ʻo e tokotaha ʻoku kailá.”
Fakafoʻilea, “Kuo ʻohifo au ki he fakalongo pē.”
ʻI he lea faka-Hepeluú, ko e “maʻamautolú” ʻe lava ke ʻuhinga ia ki he toko ua pe tokolahi ange.
Pe ngalingali, “ke nau.”
ʻOku ʻuhingá “Ko ha Toenga Pē ʻE Toe Fokí.”
Pe “takinga vai.”
Pe ngalingali, “fakamanavaheeʻi.”
Pe “avangi ʻa hono ʻaá.” Fakafoʻilea, “fahi.”
Pe “ko Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe “taʻahiné.”
ʻOku ʻuhingá “ʻOku ʻIate Kitautolu ʻa e ʻOtuá.”
Sio ki he Lea mo Hono ʻUhinga.
ʻA ia, ko e Vaitafe ʻIufaletesí.
Ngalingali ʻoku ʻuhingá ko e “Fakatoʻotoʻo ki he Koloa Veté, Haʻu Fakavave ki he Koloa Veté.”
Pe “ke u ʻai ke fakamoʻoni ki ai ha.”
Pe “fehokotaki fakasino mo e.” Fakafoʻilea, “ʻunuʻunu ofi ki he.”
ʻA ia, ko e uaifi ʻo ʻAiseá.
Sio ki he Lea mo Hono ʻUhinga.
Ko e Siloahá ko ha fakatafenga vai.
ʻA ia, ko e Vaitafe ʻIufaletesí.
Sio ki he ʻAi 7:14.
Pe “ʻAi homou noʻó.”
Ko e lea faka-Hepelū ki he “ʻoku ʻiate kimautolu ʻa e ʻOtuá” ko e ʻImānuela. Sio ki he ʻAi 7:14; 8:8.
Pe “fakahinohinó.”
Pe “tatali vēkeveke.”
Fakafoʻilea, “ke mafoa ʻa e atá.”
Pe “founga-pule; pule ʻa ha ʻeiki.”
Pe “Tokotaha Fakaʻotua Māfimafi,” ʻi he faka-Hepeluú ko e El Gibbohr’. ʻOku ʻikai ko e “ʻOtua Māfimafi-Aoniú,” ʻa ia ʻi he faka-Hepeluú ko e El Shaddai’, hangē ko ia ʻi he Sēn 17:1.
Pe “founga-pulé; ʻo ʻene pule ko ha ʻeikí.”
Fakafoʻilea, “mei mui.”
Pe ngalingali, “ʻa e vaʻa pāmé mo e kahó.”
Pe “ki heʻenau kau paeá.”
Pe “Mo e kau paeá.”
Pe “tauteá.”
Pe “lāngilangí.”
Fakafoʻilea, “te u.”
ʻA ia, ko e “ʻAsīlia” ʻoku lave ki ai ʻi he veesi 5 mo e 24.
ʻA ia, ko e “ʻAsīlia” ʻoku lave ki ai ʻi he veesi 5 mo e 24.
Pe “tauteá.”
Pe “ʻAi.”
Pe “ha toki.”
Pe “māʻoniʻoni.”
Pe “laumālie.”
Pe “nofo fakataha ʻi ha taimi.”
Pe ngalingali, “Pea ko e ʻuhikiʻi pulú mo e laioné te na kai fakataha.”
Pe “fuʻu pou fakaʻilonga.”
Pe “ʻE kumi kiate ia ʻa e ngaahi puleʻangá.”
ʻA ia, ko Papilōnia.
Pe “fuʻu pou fakaʻilonga.”
Pe “aʻu atu honau mālohí.”
Pe ngalingali, “ʻai ke mōmoa.”
ʻA ia, ko e Vaitafe ʻIufaletesí.
Pe ngalingali, “taaʻi ia ke hoko ko e.”
Pe “hono laumālie.”
Ko e “Iā” ko ha faʻunga fakanounou ia ʻo e huafa Sihová.
Pe “Tā fasi.”
Fakafoʻilea, “fefine ʻoku nofo,” ʻo lave ai ki he tuʻunga fakalūkufua ʻo e kakaí ko e fefine.
Pe “fuʻu pou fakaʻilonga.”
Fakafoʻilea, “ki he faʻahinga kuó u fakatoputapuʻí.”
Fakafoʻilea, “mo honau ngaahi Kēsilí,” ʻo ʻuhinga nai ki ʻOlioni mo e ngaahi pupunga fetuʻu takatakaí.
Pe “ʻa e teunga.”
Pe ngalingali, “Pea ko e fanga tēmeniō hangē ha kosí.”
Pe “foaki ange kiate kinautolu ʻa e mālōlō.”
Pe “pule ki honau kau taki ngāué.”
Pe “manuki.”
Pe “tokotaha taki ngāue.”
Pe “mo Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Fakafoʻilea, “fanga kosi tangata.”
Pe “ki Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe “ki Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Fakafoʻilea, “fale.”
Pe “vaʻa.”
Fakafoʻilea, “Ko e tuʻutuʻuni eni ʻa ia kuo tuʻutuʻuni ʻaki.”
Pe “ʻoku mateuteu ke ne taaʻi ʻa e.”
Pe “ko ha ngata huhu kona ʻoku vave ʻene ʻoho atú.”
Pe “Temipalé.”
ʻA ia, ko ha feituʻu faiʻanga meʻa tefito ia ʻo e koló ki he kakaí.
Sio ki he Lea mo Hono ʻUhinga.
ʻOku ʻiloa ko e uilou ʻo ʻIufaletesi.
ʻOku ʻuhinga eni ki he kālepi tauaki kuo fakafuo ʻo hangē ha keké.
Pe “hono ngaahi vaʻa ʻoku fuhi ai ʻa e kālepi kulokulá.”
Pe ngalingali, “Koeʻuhí kuo hōloa ʻa e kaila ʻo e tau ʻi hoʻomo fuaʻiʻakau ʻi he faʻahitaʻu māfaná mo hoʻomo ʻutu-taʻú.
Pe “hangē ko hono lau fakalelei ʻo e ngaahi taʻú ʻe ha tokotaha ngāue totongi”; ʻa ia, ko e taʻu pē ʻe tolu.
Fakafoʻilea, “ngaahi foha ʻo ʻIsilelí.”
Fakafoʻilea, “ko e ngako ʻo hono kakanó.”
Pe “Talalo.”
Sio ki he Lea mo Hono ʻUhinga.
Pe “matamataleleí.”
Pe “ʻo ha ʻotua muli.”
Fakafoʻilea, “puleʻanga kuo falō pea kuo olo.”
Pe “puleʻanga ʻokú ne matuʻuaki ʻa e faingataʻá pea ʻokú ne fai ʻa e tāmalakí.”
Pe “fuʻu pou fakaʻilonga.”
Pe ngalingali, “mei.”
Fakafoʻilea, “puleʻanga kuo falō pea kuo olo.”
Pe “puleʻanga ʻokú ne matuʻuaki ʻa e faingataʻá pea ʻokú ne fai ʻa e tāmalakí.”
Pe “Memifisí.”
Pe ngalingali, “ʻa e vaʻa pāmé pe ko e kahó.”
Pe “ʻeikitaú.”
Pe “vala maʻamaʻa.”
Pe “fakamāʻanga.”
Pe “ʻa ia naʻa nau leleiʻia ʻi hono fakaʻofoʻofá.”
ʻOku hā ngali ko e ʻuhingá ki he vahefonua ʻo Papilōnia motuʻá.
Fakafoʻilea, “ʻoku felāngaaki lahi ai hoku kongalotó.”
Fakafoʻilea, “Ko e foha.”
ʻOku ʻuhingá ko e “Fakalongolongo.”
Pe “hangē ko hono lau fakalelei ʻo e ngaahi taʻú ʻe ha tokotaha ngāue totongi”; ʻa ia, ko e taʻu pē ʻe taha.
ʻOku hā mahino ko e ʻuhinga ki Selusalema.
Ko hono fakalea fakaemaau ʻi he tuʻunga ko ha tokotahá, ʻoku fakahaaʻi nai ai ʻa e fakaʻofaʻia pe kaungāongoʻi.
Pe “kau tangata heka hoosi.”
Pe “teuteu ʻe Kili ʻa e.”
Pe “ngaahi talalo.”
Pe “kau tangata heka hōsí.”
Pe “ʻufiʻufi.”
Pe “palasí.”
Fakafoʻilea, “nofoʻanga.”
Pe “hoʻo pulé.”
Fakafoʻilea, “mamafa.”
Pe “ngaahi huli.”
Fakafoʻilea, “tengaʻi ʻakau.”
ʻA ia, ko ha mangaʻivai ʻo e Vaitafe Nailá.
Fakafoʻilea, “kau fefine kei nofo anga-maʻa.”
Pe ngalingali, “ha taulanga.”
Ngalingali ʻoku ʻuhingá ki Tāia.
Fakafoʻilea, “mo e ngaahi ʻaho ʻo ha.”
Pe “foʻi māmaní.”
Pe “ʻOkú ne mioʻi ʻa e fōtunga ʻo iá.”
Pe ngalingali, “mōmoa.”
Pe “motuʻá.”
Pe ngalingali, “mōmoa.”
Pe “hihifó.”
Pe “ʻi he hahaké.”
Pe “Ke nāunauʻia.”
Fakafoʻilea, “ʻi he ʻao ʻo ʻene kau mātuʻá.”
Pe “tuʻutuʻuni.”
Pe “uaine kuo tuku ke tasilo.”
Fakafoʻilea, “folofua.”
Pe “pūlou.”
Pe “toʻo atu.”
Pe ngalingali, “faʻahinga ʻa ia ʻoku ʻikai toe ala ueʻia ʻa e meʻa ʻoku nau hehema ki aí.”
Ko e “Iā” ko ha faʻunga fakanounou ia ʻo e huafa Sihová.
Pe “tokalelei.”
ʻA ia, ke manatuʻi mo ʻai ke ʻiloa ʻa e ʻOtuá mo hono huafá.
Pe “faitotonú.”
Fakafoʻilea, “Ko ha ʻangaʻanga ʻaʻaku te ne.”
Pe ngalingali, “hahau ʻo e fanga kiʻi ʻakau īkí.”
Pe “te ne fāʻeleʻi mai ʻa e faʻahinga kuo mole honau mālohí ʻi he maté.”
Pe “fakahalaiá.”
Sio ki he Lea mo Hono ʻUhinga.
ʻOku hangehangē ko e ʻuhingá ki ʻIsileli, ʻoku ngāueʻaki heni ko ha fefine pea ʻoku fakatatau ia ki ha ngoue kālepi.
Sio ki he Lea mo Hono ʻUhinga.
ʻA ia, ko e Vaitafe ʻIufaletesí.
Sio ki he Lea mo Hono ʻUhinga.
ʻOku hangehangē ko e ʻuhinga ki he kolomuʻá, ʻa Samēlia.
Pe “hīkisia; pōlepole.”
Pe “ʻuha-maká.”
Pe “hīkisia; pōlepole.”
Pe “ʻa e afo fua mo e afo fua, ʻa e afo fua mo e afo fua.”
Fakafoʻilea, “honau loungutú.”
Pe “ʻA e afo fua mo e afo fua, ʻa e afo fua mo e afo fua.”
Pe ngalingali, “fakahoko ha vīsone.”
Pe “mo Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe “palamu.”
Pe “mo Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe ngalingali, “ʻI he taimi te nau mahinoʻi aí, te nau ongoʻi mātuʻaki manavahē.”
Pe “talalo.”
Pe “māmaní.”
Ko e foʻi lea faka-Hepeluú ʻoku ʻuhinga ia ki ha faʻahinga uite ʻikai loko mahuʻinga naʻe tō ʻi ʻIsipite ʻo e kuonga muʻá.
Pe “akonakiʻi ia ʻi he; tautea ia ʻi he.”
Pe “taumuʻá.”
Pe “Pea ʻoku lahi ʻa hono poto ʻaongá.”
Ngalingali ʻoku ʻuhingá ko e “Tafuʻanga Afi ʻo e ʻŌlita ʻo e ʻOtuá,” ʻo hā ngali ko e ʻuhingá ki Selusalema.
Fakafoʻilea, “ko e kau solá.”
Pe “akonakí.”
Pe “He ʻalu kehe ē ko kimoutolu!”
Fakafoʻilea, “ki he tokotaha ʻokú ne fai ʻa e valoki.”
ʻA ia, koeʻuhi ko e maá mo e siva ʻa e ʻamanakí.
Fakafoʻilea, “huaʻi atu ha inu ko ha feilaulau,” ʻo hā mahino ko e ʻuhinga iá ki hano fai ha aleapau.
Pe “ʻikai fai mai ha fehuʻi ki haʻaku lau.”
Fakafoʻilea, “ʻi he maluʻanga ʻo.”
Pe “mo e ngata huhu kona ʻoku vave ʻene ʻoho atú.”
Pe “fakahinohino.”
Fakafoʻilea, “momole-ʻolunga.”
Pe ngalingali, “mei ha lepa.”
Pe “hanganaki ʻamanaki.”
Pe “tatali vēkeveke.”
Pe “ngaahi ʻīmisi mētale kuo haká.”
Pe ngalingali, “pea lau kinautolu ʻoku nau palakū.”
Fakafoʻilea, “ngako mo lolololo.”
Pe “fasi.”
Pe “Ko ʻene mānavá.”
Fakafoʻilea, “meʻa-sivi ʻo e meʻa ʻoku taʻeʻaongá.”
Pe “fakamāʻoniʻoniʻi koe.”
Pe “ki he ongo mai.”
Ko “Tōfetí” ʻoku ngāueʻaki ia heni ko ha feituʻu tutuʻanga meʻa fakaefakatātā, ʻo ne fakafofongaʻi ʻa e fakaʻauha.
Pe “ki he kau tangata heka hōsí.”
Pe “afí.”
Pe “ko ha fakaū.”
Pe “Ko ha hūfangaʻanga.”
Pe “fai ha tōʻonga taʻefakaʻapaʻapa.”
Pe “leleí.”
Pe “vete.”
Pe “mālohi.”
ʻOku ʻuhinga eni ki he filí.
Pe ngalingali, “mōmoa.”
Pe “feituʻu malu māʻolungá.”
Pe “fakalaulauloto.”
Fakafoʻilea, “loloto.”
Pe “ʻe tafe hifo ai ʻa.”
ʻOku hā mahino ko e ʻuhingá ki Pōsila, ko e kolomuʻa ʻo ʻĪtomí.
Fakafoʻilea, “ngaahi maka.”
Pe ngalingali, “ʻa e tēmeniō hangē ha kosí.”
Ko ha manupuna ʻoku meimei tatau mo e lulú.
Fakafoʻilea, “kuó ne vahevahe ia kiate kinautolu ʻaki ha afo fua.”
Pe “pule tauhi-inú.”
Pe “palasí.”
Pe “faka-Sīliá.”
Fakafoʻilea, “Fai mo au ha aleapau pea mou haʻu kiate au.”
Pe “palasí.”
Pe “palasí.”
Pe “fakahāeaʻi.”
Fakafoʻilea, “kuo haʻu ki he hūʻanga mei manavá.”
Fakafoʻilea, “ha laumālie kiate ia.”
Fakafoʻilea, “ia.”
Pe ngalingali, “ʻi he vahaʻa ʻo e.”
Pe “ʻa e ngaahi mangaʻivai ʻo Naila.”
Fakafoʻilea, “fai ia.”
Pe “faʻu.”
ʻA ia, ko Hesekaia.
Pe “ʻa e meʻa naʻe tupu mei he tengaʻi uite naʻe nganganá.”
Pe “temipale.”
Fakafoʻilea, “ki ho ngaahi ʻahó.”
Mahalo ko e ngaahi sitepu ko ení naʻe ngāueʻaki ia ki hono lau ʻa e taimí, hangē ko ia ʻi he uasi laʻaá.
Pe “ʻo Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Ko e “Iā” ko ha faʻunga fakanounou ia ʻo e huafa Sihová.
Fakafoʻilea, “hoko ko hoku maluʻi.”
Pe “anga-molumalu.”
ʻA ia, ko e ngaahi folofola mo e ngaahi ngāue ʻa e ʻOtuá.
Pe “toʻo ʻeku ngaahi angahalá kotoa mei ho ʻaó.”
Pe “ʻe Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Fakafoʻilea, “fiefia ʻiate kinautolu ʻa.”
Sio ki he Lea mo Hono ʻUhinga.
Pe “palasí.”
Pe “palasí.”
Pe “palasí.”
Pe “palasí.”
Pe “moʻoni.”
Fakafoʻilea, “hoku ngaahi ʻahó.”
Pe “Lea fakafiemālie ki Selusalema.”
Pe “totongi liunga ua.”
Pe “Teuteu.”
Pe “faʻahinga kotoa pē ʻo e tangatá.”
Pe “Ko e faʻahinga kotoa pē ʻo e tangatá.”
Pe “laumālie ʻo.”
Pe “tauhi.”
Pe “fua ʻa e lahi ʻo e.”
Ko e mamaʻo ʻi he vahaʻa ʻo e ngataʻanga ʻo e motuʻa-tuhú mo e louhiʻinima siʻisiʻí ʻi he taimi ʻoku mafola ai ʻa e nimá. Sio ki he Fakamatala Fakalahi E14.
Pe ngalingali, “makupusi.”
Pe “ʻikai lava ke maʻu ai ha fefie lahi feʻunga.”
Pe “ha ʻīmisi kuo haka.”
Pe “fuopotopoto.”
Pe “kau pule.”
Pe “ʻikai lava ke maaʻusia.”
Pe “te nau ivi lahí.”
Pe “Hanganaki fakalongo ʻi hoku ʻaó.”
Pe “mei he hahaké.”
ʻA ia, ke ne fai ha ngāue kiate Ia.
ʻA ia, ʻoku māʻulalo mo ʻikai hano maluʻi.
Fakafoʻilea, “ʻuluaki.”
Pe “ʻai ia ki homau lotó.”
Pe “mei he hahaké.”
Pe “kau tokoni pule.”
Pe “ngaahi ʻīmisi mētale kuo haká.”
Pe “fakahinohinó.”
Pe “ʻOku ʻikai te u vahevahe hoku lāngilangí mo ha toe taha kehe.”
Fakafoʻilea, “ngaahi motu.”
Pe “ngaahi ʻīmisi mētale kuo haká.”
Pe “fakahinohinó.”
Pe “fakahinohinó.”
Ngalingali ʻoku ʻuhingá ki he ʻuluaki ngaahi meʻa ʻe hoko ʻi he kahaʻú.
Pe “pea falala mai kiate au.”
Pe “angatuʻú.”
Ngalingali ʻoku ʻuhingá ki he kau faiako ʻo e Laó.
Pe “mei ho fanauʻí.”
ʻOku ʻuhingá ko e “Tokotaha Anga-Tonu,” ko ha hingoa fakalāngilangi ki ʻIsileli.
Pe “fonua fieinuá.”
Fakafoʻilea, “ki ho hakó.”
ʻOku ʻiloa ko e uilou ʻo ʻIufaletesi.
ʻA ia, ko e ngaahi ʻīmisí.
Pe “ʻīmisi mētale kuo haka.”
Pe “hele ʻauhaní.”
Pe “fale toputapu.”
Pe hab-al-ghar.
Pe “kupuʻi ʻakau mōmoa.”
Pe “kau palōfita loí.”
Fakafoʻilea, “vete ʻa e noʻo ʻi he kongaloto.”
Fakafoʻilea, “fakamaʻu ke maʻu ho noʻó.”
Pe “Mei he hahaké ki he hihifó.”
Pe “fakakikihi.”
Pe “mo e Tokotaha naʻá ne faʻu iá.”
Pe “Tokotaha naʻá ne faʻu iá.”
Pe ngalingali, “Pe ʻe pehē koā ʻe he ʻumeá: ‘Ko e meʻa ʻokú ke ngaohí ʻoku ʻikai hano ongo kau’?”
Pe “Ko e hā ʻa e meʻa ko eni ʻokú ke langā aí?”
Pe ngalingali, “kau ngāue.”
Pe ngalingali, “kau mēsianiti.”
Pe ngalingali, “ʻikai te ne fakatupu ia ke maomaonganoa.”
Pe “ko e koto kulanoa.”
Ko ha ʻotua Pāpilone.
ʻA ia, ko e ngaahi ʻaitoli kuo uta ʻi he fanga manú.
Fakafoʻilea, “punou ki ai.”
Fakafoʻilea, “ʻuluaki.”
Pe “taumuʻá; palaní.”
Pe “hahaké.”
Pe “taumuʻá; palaní.”
Fakafoʻilea, “loto-mālohí.”
Pe ngalingali, “pea ʻe ʻikai te u fakafetaulaki ki ha taha ʻi he anga-ʻofa.”
Pe “Kuini.”
Pe “Kuini.”
Pe ngalingali, “Neongo ʻa e.”
Pe “Pea heʻikai te ke ʻiloʻi ʻa e founga ke faimanaʻi ʻaki ke ʻoua ʻe hokó.”
Pe ngalingali, “ʻA kinautolu ʻoku nau vahevahe ʻa e ngaahi langí; ʻA e kau vavalo fakaʻasitalolosiá.”
Fakafoʻilea, “ki hono feituʻu.”
Pe ngalingali, “ko e hako kimoutolu.”
Fakafoʻilea, “ʻuluaki.”
Pe “ʻīmisi mētale kuo haká.”
Pe “sivisiviʻi.” Pe ngalingali, “fili.”
Pe “ʻOku ʻikai te u vahevahe hoku lāngilangí mo ha toe taha kehe.”
Pe “fakataha.”
Pe “ki ha lelei pē maʻau.”
Fakafoʻilea, “mei manava.”
Pe “ʻE fai mai ʻe Sihova ʻa e fakamaau totonu kiate au.”
Pe “ko hoku palé.”
Pe ngalingali, “ʻI he ngaahi foʻi māʻolunga tekeleí kotoa.”
Fakafoʻilea, “Hangē pē ko ʻeku moʻuí.”
Pe “fuʻu pou fakaʻilongá.”
Fakafoʻilea, “fatafatá.”
Fakafoʻilea, “kakano.”
Pe “ha ʻelelo kuo akoʻi lelei.”
Pe ngalingali, “fakaivimālohi.”
Fakafoʻilea, “ʻaki ha lea.”
Pe “fetakai mo.”
Pe “fakafalala ki.”
Pe “fanauʻi kimoutolu ʻi he langaá.”
Pe “mālohí.”
Pe “ʻe ʻikai ke ʻauha.”
Pe “fakahinohinó.”
Pe ngalingali, “Ko e ʻuangá.”
Sio ki he Lea mo Hono ʻUhinga.
Fakafoʻilea, “ʻe hilifaki ki honau ʻulú.”
Pe “ʻa e tokotaha naʻá ne fakafihiaʻi koé.”
Fakafoʻilea, “ʻi he ʻulu ʻo e ngaahi halá kotoa.”
Pe “sio mata ki he mata.”
Pe “ikuna.”
Pe “fakalongolongo ʻa e ngaahi tuʻí.”
Pe ngalingali, “ki he meʻa naʻa mau fanongoá.”
Ko e “hono” ʻoku lava ke ʻuhinga fakalūkufua ia ki ha tokotaha mamata, pe ki he ʻOtuá.
Pe “ʻoku ʻikai ke makehe ʻa hono fōtungá ke mau fiemaʻu ai ia.”
Pe “naʻá ne mahinoʻi ʻa e mamahí.”
Pe ngalingali, “Naʻá ne hangē ha tokotaha naʻe hanga kehe mei ai ʻa e kakaí.”
Pe “puke.”
Pe “ʻo ʻene founga moʻuí?”
Pe “naʻe taaʻi ai ia ʻo ne mate.”
Pe “Pea ʻe foaki ange ʻe ha taha ʻa hono tanuʻanga.”
Fakafoʻilea, “mo ha tangata koloaʻia.”
Pe “ʻikai te ne fai ha fakamālohi.”
Pe “Ka naʻe hōhōʻia ʻa Sihova.”
Pe “ʻoku ʻi ai hano pulé.”
Pe “pulé.”
Fakafoʻilea, “mamahi ʻi hono laumālié.”
Pe “ʻI ha fuʻu lōmaki ʻitá.”
Pe “ngaahi maka lanu uloulo hangē ha afí.”
Pe “hoʻo fānaú.”
Pe “hoʻo fānaú.”
Pe “tofiʻa tukufakaholo.”
Pe “paʻanga naʻa mou ngāue mālohi ke maʻú.”
Fakafoʻilea, “ʻi he ngakó.”
Pe “taau ke falala ki aí; alafalalaʻangá.”
Pe “fakamolemole loto-lelei.”
Pe “ʻa e hoko moʻoni.”
Pe “finangalo ki aí.”
Pe “ʻai ai ke ʻiloa ʻa e huafa ʻo.”
ʻA ia, ʻi he maté.
Pe ngalingali, “Mei he.”
ʻA ia, ʻi he faʻitoká.
Sio ki he Lea mo Hono ʻUhinga.
Sio ki he Lea mo Hono ʻUhinga.
Ngalingali ʻoku ʻuhinga ki he lotu ʻaitolí.
Pe ngalingali, “ki he tuʻí.”
Pe “ki Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Fakafoʻilea, “ongosia aí.”
Pe “mo fufū ʻa e ngaahi meʻá?”
Pe “nofo ʻo.”
Pe “ke fai ha totongi fakafoki ʻaki.”
Fakafoʻilea, “fua ʻo e loungutú.”
Pe “manako.”
Fakafoʻilea, “ngaahi avá.”
Fakafoʻilea, “ʻoku foki ho vaʻé.”
Pe “manako.”
Pe “fiefia ʻi he.”
Fakafoʻilea, “mamafa.”
Pe “ʻoku ngeʻesí.”
Pe “faitotonú.”
ʻA ia, ko ha feituʻu faiʻanga meʻa tefito ia ʻo e koló ki he kakaí.
Pe “faitotonú.”
Fakafoʻilea, “pea naʻe kovi ia ʻi heʻene vakaí.”
Pe “ikuna kiate ia.”
Pe “ikuná.”
Pe “kofu tuʻa taʻenimá.”
Fakafoʻilea, “ʻo ho hakó.”
Fakafoʻilea, “ʻo e hako ʻo ho hakó.”
Pe “ki he maamangia ʻo hoʻo hopo haké.”
Fakafoʻilea, “koe.”
Pe “ʻa hoku fale fakaʻofoʻofá.”
Pe “ki he ngaahi foʻi ava ʻi he fale manupuná?”
Pe “muʻomuʻa.”
Pe “ʻai koe ke ke fakaʻofoʻofa.”
Pe “loto-leleí.”
Pe “leleiʻia.”
Pe “ke teuteuʻi ʻaki ia.”
Pe “ʻenau koloá.”
Fakafoʻilea, “honau hakó.”
Fakafoʻilea, “hako.”
Pe “kofu taʻenima.”
Pe “fuʻu pou fakaʻilonga.”
Pe ngalingali, “lanu kulokula māmá.”
Pe “ikuná.”
Pe “ʻikai te nau taʻefaitōnunga.”
Pe “ko e ʻāngelo ʻi hono ʻaó.”
Pe “mo e ongo.”
Pe “ʻi he moaná.”
Pe “ʻi he toafá?”
Pe “fakaʻofoʻofa.”
Pe “pea mo fakaʻofoʻofá.”
Fakafoʻilea, “ʻA e hohaʻatuʻu ʻi ho fatú.”
Pe “fakatupunga.”
Fakafoʻilea, “ʻai.”
Pe “tatali anga-kātaki.”
Fakafoʻilea, “vaia.”
Fakafoʻilea, “ko e nima ʻo.”
Pe “ʻa e Tokotaha naʻá ne faʻu kimautolú.”
Pe “temipale.”
Pe “fakaʻofoʻofá.”
Pe ngalingali, “ʻi he fanga kiʻi fale leʻó.”
Pe “taʻemaʻá.”
Pe ngalingali, “He te u tuku atu ʻa ʻeku māʻoniʻoní kiate koe.”
Fakafoʻilea, “totongi atu ki honau fatafatá.”
Fakafoʻilea, “ki honau fatafatá.”
Fakafoʻilea, “ha tāpuaki.”
Pe “Talalo.”
Pe “falalaʻangá.” Fakafoʻilea, “ʻĒmeni.”
Pe “falalaʻangá.” Fakafoʻilea, “ʻĒmeni.”
Pe “ngaahi faingataʻa.”
Pe ngalingali, “Pea ko e tokotaha ʻoku ʻikai aʻu ʻo taʻu teaú ʻe lau ia ko e malaʻia.”
Pe “kulanoa.”
Pe “ngāue mālohí.”
Fakafoʻilea, “hako.”
Pe “hohaʻa ʻo fekauʻaki mo ʻeku.”
Pe ngalingali, “ko ha taha ʻokú ne fakahīkihikiʻi ha ʻaitolí.”
Pe “hohaʻa ʻo fekauʻaki mo ʻene.”
Pe “mālohi.”
Pe “faʻahinga kotoa ʻo e tangatá.”
ʻA ia, ko e ngaahi ngoue makehe naʻe ngāueʻaki ʻi he lotu ʻaitolí.
Pe “faʻahinga kotoa ʻo e tangatá.”
Pe “lotu.”
Fakafoʻilea, “kakano kotoa.”