Ngaahi Fakataha Ngāue ki Sepitema
Uike Kamata Sepitema 4
Hiva 168
10 min: Ngaahi fanongonongo fakalotofonua mo e fanongonongo kuo filifili mei he ʻEtau Ngāue Fakafaifekau ʻo e Puleʻanga.
20 min: “Fanongonongo ha Ui Loto-Māfana ʻe he Fakataha-Lahi Fakavahé!—Fakahīkihikiʻi Fiefia ʻa Sihova ʻi he ʻAho ki he ʻAho!” Fehuʻi mo e tali.
15 min: “Tokoniʻi ke Maʻu ʻa e ʻAongá ʻe he Niʻihi Kehé.” Fakamanatu ʻa e ngaahi tuʻuaki naʻe ʻosi fokotuʻu maí, pea toki fai ʻa e ongo fakahāhā nounou ʻe ua.
Hiva 204 mo e lotu tuku.
Uike Kamata Sepitema 11
Hiva 163
5 min: Ngaahi fanongonongo fakalotofonua. Fakamatala paʻanga.
20 min: “Siviʻi ʻe Sihova—Ko e Hā ʻOku ʻAonga Aí?” Malanga fakalototoʻa ke fai ʻe ha mātuʻa.
20 min: “Ko e Hā ʻa e Ngaahi Kolo ʻOkú Ke Fokotuʻu ki Hoʻo Fānaú?” Fehuʻi mo e tali. ʻAi ha talavou ʻe taha pe toko ua ʻoku alafaʻifaʻitakiʻanga pe niʻihi ʻoku taʻumotuʻa ange ʻa ia kuo nau tauhi ʻa Sihova mei heʻenau kei siʻí ke nau fakamatala nounou ki he anga ʻo hono tokoniʻi kinautolu ʻe heʻenau ngaahi mātuʻá ke nau fili ki ha ngaahi kolo ʻaonga ʻa ia ʻoku fakatefito ʻi he ngaahi meʻa mahuʻinga ʻo e Puleʻanga.
Hiva 195 mo e lotu tuku.
Uike Kamata Sepitema 18
Hiva 168
10 min: Ngaahi fanongonongo fakalotofonua.
15 min: “Ngāueʻaki ʻa ʻEtau Lelei Tahá ʻi Heʻetau Ngaahi Makasiní.” Malanga longomoʻui ke fai ʻe he ʻovasia ngāué ʻo fakatefito ʻi he palakalafi 1 ki he 13 ʻo e fakalahí.
20 min: “Fetuʻutaki ki he Mahuʻingaʻia Kotoa ke ʻAonga ki he Niʻihi Kehé.” Fakamanatu ʻa e ngaahi tuʻuaki naʻe ʻosi fokotuʻu mai ki he ngaahi toe ʻaʻahí. Ke fetalanoaʻaki ʻa e tokoua ʻokú ne fai ʻa e konga ko ʻení mo ha kau malanga ʻe toko ua pe tolu ʻo kau ki he meʻa te nau leaʻakí pea toki kole ke nau fakahāhā ʻenau ngaahi tuʻuakí.
Hiva 162 mo e lotu tuku.
Uike Kamata Sepitema 25
Hiva 51
5 min: Ngaahi fanongonongo fakalotofonua.
20 min: “Fai ʻa e Meʻa Kotoa Pē ke Lāngilangiʻia Ai ʻa e ʻOtua.” Malanga mo e fetalanoaʻaki mo e kau fanongó ke fai ʻe ha mātuʻa. Fakatatau ki he taimí, fakalahi atu ki ai ʻa e ngaahi fakamatala fakatuʻunga ʻi he Taua Leʻo ʻo ʻEpeleli 1, 1993, ʻi he peesi 26-31.
20 min: “Ngāueʻaki ʻa ʻEtau Lelei Tahá ʻi Heʻetau Ngaahi Makasiní.” Fetalanoaʻaki mo e kau fanongó ʻi he palakalafi 14 ki he 17 ʻo e fakalahí. Fakamamafaʻi ke fai ha feinga makehe ke tufa ʻa e Taua Leʻo mo e Awake! ʻi he lolotonga ʻo ʻOkatopá. Koeʻuhi ko hono pulusi ʻo e ngaahi makasiní ʻi ha ngaahi lea kehekehe, ʻoku totonu ke tau fakahā ki he faʻahinga-lea-mulí ʻoku ala maʻu ʻa e ngaahi makasiní ʻi heʻenau leá. (ʻOku totonu ke fakahā ki he fakatahaʻanga fakalotofonua lea-muli kuo vaheʻi ki he kauhala ko iá.) Ko hono tufa ʻo ʻetau ngaahi makasiní, ʻi he kauhala ʻoku toutou ngāueʻí ʻe lava ke hoko ia ko e founga ola lelei taha ʻo hono fakatupu ʻo e mahuʻingaʻiá, koeʻuhi ʻoku ʻoatu ai ʻa e fakamatala foʻou fakauike. ʻI hono maʻu ha mahuʻingaʻia ʻi he ngaahi toe ʻaʻahí, tuʻuaki ha tukuhau. ʻAi ha fāmili ke nau fakahāhā ʻa ʻenau ʻahiʻahiʻi ʻenau tuʻuakí, hangē ko ia ʻoku fakamatalaʻi ʻi he palakalafi 14. Pehē foki, ke fakahaaʻi ʻa e niʻihi ʻo e ngaahi fokotuʻu ʻaonga ke fakalahi ai ʻa hono tufá.
Hiva 151 mo e lotu tuku.