Ngaahi Fakataha Ngāue ki ʻOkatopa

Uike Kamata ʻOkatopa 2

Hiva 149

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakalototoʻaʻi kotoa ke tauhi ʻenau tatau ʻo e “Fakahokohoko ʻa e Akoʻanga Fakafaifekau Fakateokalati ki he 1996” ʻa ia ʻoku fakakau ʻi he tatau ko ʻeni ʻo ʻEtau Ngāue Fakafaifekau ʻo e Puleʻanga. ʻOku totonu ke tauhi ia ʻi ha feituʻu ʻoku ʻilongofua ke vakai ki ai ʻi he lolotonga ʻo e 1996.

15 min: “Fakahīkihikiʻi Maʻu Pē ʻa Sihova.” Fehuʻi mo e tali. Fakamamafaʻi ʻa hono ngāueʻaki ʻo e ngaahi konga Tohitapu ʻoku hā mo hiki mai aí.

20 min: “Tuʻuaki ʻa e Ngaahi Makasiní ʻi he Taimi Kotoa Pē.” Fetalanoaʻaki ʻi he ngaahi poini tefitó, pea toki fakamanatu ʻa e ngaahi kaveinga ʻi he ngaahi tatau fakamuimuí ʻa ia ʻe lava ke ngāueʻaki ki hono tuʻuaki kinautolú. Fai ha fakahāhā ʻo ha tuʻuaki ʻe ua pe tolu. ʻAi ke fakapapauʻi ke fakakau atu ki ai mo e ngaahi fokotuʻu ʻo hono ʻai ke ʻilo ʻe he kakaí ʻa e founga ke nau fai ai ha tokoni ki he ngāue ʻi māmani lahí.

Hiva 84 mo e lotu tuku.

Uike Kamata ʻOkatopa 9

Hiva 114

10 min: Ngaahi fanongonongo fakalotofonua. Fakamatala paʻanga.

15 min: Ngaahi fiemaʻu fakalotofonua. Pe malanga ke fai ʻe ha tokotaha mātuʻa, “Ko e Tuʻusí​—Ko ha Tokonaki Anga-ʻOfa?” ʻo makatuʻunga ʻi he Watchtower ʻo Siulai 15, 1995, peesi 25-27.

20 min: “ʻOku Tau ʻĀʻā​—ʻO Fakaʻehiʻehi mei he Ngaahi Fakahohaʻá?” Fehuʻi mo e tali. Fakatatau ki he taimí, toe tānaki atu ha ngaahi fakamatala ʻo makatuʻunga ʻi he Taua Leʻo ʻo Sanuali 1, 1993, peesi 20-22.

Hiva 123 mo e lotu tuku.

Uike Kamata ʻOkatopa 16

Hiva 120

10 min: Ngaahi fanongonongo fakalotofonua. Fai ha tokanga ki he kiʻi tohi ko e Good News for All Nations, ʻa ia ʻokú ne ʻomai ha meʻa ke tuʻuaki ʻi he matapā-ki-he-matapaá ʻi he ngaahi lea kehekehe ʻe 59. ʻOku toe ala maʻu mo ha fakalahi ki he kiʻi tohí ʻoku maʻu ʻi he ngaahi lea kehe ʻe 7 ʻo e ʻotu motu Pasifikí ʻa ia ʻe lava ke ngāueʻaki ʻi he feituʻú ni. Fakalototoʻaʻi ke ngāueʻaki ʻa e kiʻi tohí ni ʻi he taimi ʻoku tau fetaulaki ai ʻi ha feituʻu mo e faʻahinga ʻoku nau lea ʻi ha lea muli.

15 min: “Ngāueʻaki ʻa ʻEtau Lelei Tahá ʻi Heʻetau Ngaahi Makasiní.” Fetalanoaʻaki mo e kau fanongó ʻi he palakalafi 14 ki he 17 ʻo e fakalahi ʻi he ʻEtau Ngāue Fakafaifekau ʻo e Puleʻanga ʻo Sepitema 1995. Sio ki he Fakataha Ngāue, Uike Kamata Sepitema 25, ki ha ngaahi fakahinohino lahi ange.

20 min: “Ngaahi Toe ʻAʻahi mo ha Taumuʻa.” Fetalanoaʻaki ki heʻetau ngaahi kolo ko hono fai ʻo e ngaahi toe ʻaʻahí. Fokotuʻutuʻu ke ʻai ha kau malanga pōtoʻi ke nau fakahāhā ʻa e ongo tuʻuaki kehekehe ʻe ua. ʻAi ha tokotaha malanga ke ne fakamatalaʻi ʻa e founga hono fakapaʻanga ʻa e ngāué ni.

Hiva 130 mo e lotu tuku.

Uike Kamata ʻOkatopa 23

Hiva 48

10 min: Ngaahi fanongonongo fakalotofonua. Ongoongo Fakateokalati.

15 min: “ʻOku Fiemaʻu Kiate Kitautolu ʻa e Fakatahaʻangá.” Fehuʻi mo e tali.

20 min: Fakahanga ʻa e Kau Mahuʻingaʻiá ki he Kautahá. ʻE fai ʻe he ʻovasia ngāué ha fetalanoaʻaki mo e kau malanga ʻe toko ua pe tolu, ʻo ngāueʻaki ʻa e polosiua Ko e Kau Fakamoʻoni ʻa Sihova​—ʻOku Ngāue Fāʻūtaha ki he Finangalo ʻo e ʻOtua ʻi Māmani Lahi. Fakamatalaʻi ʻa e ʻuhinga ʻoku ʻaonga ke ʻai ai ʻa e kau mahuʻingaʻiá ke nau ʻilo ʻa e founga hono fakalele ʻa e kautahá, founga hono fokotuʻutuʻu ʻa e ngaahi ngāue kehekehe, mo e founga ʻe lava ke nau hoko ʻo kau ai ki aí. Fakamanatu ʻa e ngaahi poini mei he peesi 14 mo e 15 ʻi he “Ngaahi Fakataha ke Fefakaʻaiʻaiʻaki ki he Feʻofaʻaki mo e Ngāue Lelei.” Ko e kau malanga ʻe toko ua pe tolu ke nau fakahāhā nounou ʻa e founga ʻe lava ke fakakau ai ʻa e fakamatalá ni ʻi ha fetalanoaʻaki ʻi ha toe ʻaʻahi pe ako Tohitapu ke tokoniʻi ha tokotaha mahuʻingaʻia ke houngaʻia ʻi he fiemaʻu ke ne haʻu ki ai.

Hiva 133 mo e lotu tuku.

Uike Kamata ʻOkatopa 30

Hiva 163

10 min: Ngaahi fanongonongo fakalotofonua. Fekauʻaki mo e ngaahi ʻaho mālōlō ʻoku ʻamanaki ke hoko ʻi Nōvema mo Tīsemá, fakalototoʻaʻi kotoa ke fakakaukau ki he tohi kole ke kau ʻi he kau tāimuʻa tokoní.

20 min: Kuó Ke ʻAhiʻahi Lave Holo? Ko ha malanga. Ko e kau malanga ʻe niʻihi kuo nau kamata ha ngaahi ako Tohitapu foʻou ʻi he foungá ni: Hili ha ako mo ha tokotaha mahuʻingaʻia ʻi ha vahaʻa taimi, ʻoku nau ʻeke ange ki he tokotahá pe ʻokú ne ʻilo ha niʻihi kehe ʻi hono ngaahi kaumeʻá, ngaahi kāingá, pe ngaahi mahení te nau mahuʻingaʻia nai ʻi he ako Tohitapú. ʻOku faʻa talamai ʻa e ngaahi hingoa ʻe niʻihi. ʻEke ange pe te ke ngāueʻaki hono hingoá ʻi he taimi te ke ʻaʻahi ai ki he faʻahinga tāutahá ni. ʻI hono fai ʻa e ʻaʻahí, te ke lea pehē ni nai “Ko meʻá kuó ne fiefia lahi ʻi hono ako ʻa e Tohitapú ʻa ia ʻokú ne fakakaukau te ke fiefia mo koe foki ke maʻu ʻa e ʻaonga mei heʻemau polokalama ako Tohitapu taʻetotongí.” ʻE lava ke maʻu heni ha lisi ʻo e ngaahi toe ʻaʻahi ʻa ia ʻe fakatupulekina nai ai ha ngaahi ako Tohitapu fua lelei. Fakakau ki ai ha ngaahi meʻa naʻe hoko ʻe taha pe ua mei ha kau malanga ʻa ia naʻa nau maʻu ha faʻahinga mahuʻingaʻia pe kamata ha ngaahi ako foʻou ʻi he foungá ni.

15 min: Ko Hono Tuʻuaki ʻa e tohi Fāʻūtaha ʻi he Lotu ki he ʻOtua Moʻoni Pē Taha he lolotonga ʻo Nōvemá. Takatakai ʻi he kolopé ʻoku ʻi ai ʻa e laka ki muʻa fakatupu-fiefia fekauʻaki mo e fāʻūtaha ʻi he lotú. ʻOku fakafāʻūtahaʻi ai ʻa e kakai mei he ngaahi puleʻanga mo e ngaahi matakali mo e ngaahi lea. Ko hono fakahoko ia ʻo e kikite ʻa ia naʻe hiki ki muʻa ʻi he taʻu ʻe 2,700 nai kuo maliu atú ʻe he palōfita ko Maiká. (Mai. 4:​1, 2) Ko e meʻa ia ʻoku fai ʻe he tokotaha taki taha ʻi he ngaahi puleʻanga kotoa pē. ʻI heʻenau ako ʻo kau ki he taumuʻa anga-ʻofá pea mo e ngaahi ʻulungaanga fakamānako ʻo Sihova ko e ʻOtuá, ʻoku ueʻi ai honau lotó. ʻI he anga-fakatōkilaló ʻoku nau fekumi ke ʻilo pe ko e hā ʻa e ngaahi fiemaʻu ʻa e ʻOtuá meiate kinautolú. ʻOku nau hangē ko Tēvitá, ʻa ia naʻá ne pehē: “Ako au ke u fai ho finangalo; he ko hoku ʻOtua ʻa hoʻo ʻAfio.” (Sāme 143:10) ʻAi ha tokotaha malanga pōtoʻi ke ne fakahāhā ha tuʻuaki nounou ʻo e tohí, ʻo ngāueʻaki nai ʻa e peesi 27 ke fakaeʻa ʻa e ngaahi meʻa ʻe nima ke fakakaukau ki ai ʻi hono lau ʻa e Tohitapú. Fokotuʻutuʻu ke fai ha toe ʻaʻahi ki he faʻahinga naʻa nau tali ʻa e tohí mo e taumuʻa ke kamata ha ako Tohitapu ʻi ʻapi.

Hiva 51 mo e lotu tuku.