Ngaahi Fakataha Ngāue ki Fepueli
Uike Kamata Fepueli 5
Hiva 48
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Ongoongo Fakateokalati.
15 min: “Fanongonongo Fakaʻaho ʻa e Moʻoní ʻi he Faʻifaʻitaki kia Sīsū.” Fehuʻi mo e tali. Lau ʻa e palakalafi 5.
20 min: “Ngāueleleiʻaki ʻa e Polosiua Foʻoú ʻi Fepueli.” Fetalanoaʻaki ki he ngaahi tuʻuaki kuo fokotuʻu maí, pea ʻai ha fakahāhā ʻe taha pe ua. Fakamanatu ki he kau malangá ke fakamatalaʻi ʻa e founga ʻe lava ke fai ai ha meʻaʻofa ki he ngāue ʻi māmani lahí.
Hiva 14 mo e lotu tuku.
Uike Kamata Fepueli 12
Hiva 42
10 min: Ngaahi fanongonongo fakalotofonua. Fakamatala paʻanga.
13 min: “Teuteu ki he Ngāue Makasini ʻi ʻEpeleli.” Fakaeʻa ʻa e mahuʻinga ʻo e Taua Leʻo mo e Awake! ʻi hono ʻai ke ʻiloa ʻa e ongoongo leleí. Lau ʻa e kupu ʻoku palakalafi pē ʻe ua, pea fakamatala nounou ki he meʻa ʻe fai ʻe he fakatahaʻanga fakalotofonuá ke ʻai ʻa ʻEpeleli ko ha māhina makehe ki hono tufaki ʻo e ngaahi makasiní.
22 min: “ʻE Lava Fēfē ke u Maʻu ha Taha ke Fanongo?” Fehuʻi mo e tali. ʻAi ha ongo malanga ke na fetalanoaʻaki ki he founga te na feinga ai ke fakahāhā ʻa e loto-māfana ange ʻi he taimi te na lea ai ʻi he ngaahi matapaá, ʻo ngāueʻaki ʻa e ngaahi fokotuʻu ʻe niʻihi ʻi he School Guidebook, peesi 165-167, palakalafi 10-21.
Hiva 133 mo e lotu tuku.
Uike Kamata Fepueli 19
Hiva 130
10 min: Ngaahi fanongonongo fakalotofonua.
15 min: “Ko Hono Maʻu ʻa e ʻAonga mei he Akoʻanga Fakafaifekau Fakateokalati ki he 1996—Konga 2.” Malanga ke fai ʻe he ʻovasia ʻo e akoʻangá. Fakamamafaʻi ʻa e fiemaʻu ke lau fakaʻaho ʻa e Folofola ʻa e ʻOtuá.
20 min: “Tokoniʻi Kinautolu ke Ngāueʻaki ʻa e Polosiua Foʻoú.” Fakamanatu ʻa e ngaahi tuʻuaki kuo fokotuʻu mai ki hono fai ʻa e ngaahi toe ʻaʻahí. Fetalanoaʻaki ha tokotaha mātuʻa mo e kau malanga ʻe toko ua pe tolu ki he ngaahi meʻa ʻi he polosiua Laumālie ʻo e Kau Maté pea mo e founga ʻo hono fakaeʻa ʻa e ngaahi meʻa ko iá. Fakahāhaaʻi ha taha pe ua ʻo e ngaahi tuʻuakí. ʻAi ha ngaahi fokotuʻu ki he founga ke fakatupu ai ʻa e mahuʻingaʻia ki he tuʻunga ʻe lava ʻo kamata ai ha ako Tohitapu ʻi he tohi Moʻui Taʻengata pe ko e Knowledge That Leads to Everlasting Life, kapau ʻoku mahino ki he tokotaha ko iá ʻa e lea faka-Pilitāniá.
Hiva 133 mo e lotu tuku.
Uike Kamata Fepueli 26
Hiva 113
10 min: Ngaahi fanongonongo fakalotofonua.
15 min: Teuteu ha Ngaahi Tuʻuaki Fakamānako. Ko e ʻovasia ngāué pe ko ha tokotaha mātuʻa kehe ʻokú ne fetalanoaʻaki mo e kau malanga ʻe toko ua pe tolu ki he ʻaonga ʻo hono fai ha ngaahi tuʻuaki ʻi he matapā-ki-he-matapā ʻa ia ʻoku fakaeʻa ai ʻa e ngaahi meʻa ʻoku fakatupu tokanga ʻi ho feituʻú. Ko e fakatātaá, ngaahi fakamatala fakalotofonua mei he ongoongó ʻo kau ki he ngaahi feinga lolotonga ke fakalakalaka ʻa e moʻuí; tupulaki ʻa e ʻalunga ʻo e ngaahi palopalema ʻi he nofo malí, fānau anga-kovi, pe ngaahi faingataʻa ʻi hono maʻu ha ngāué; pe ngaahi meʻa mei he ongoongó ʻa ia ʻoku hā ai ʻa e ʻuhinga ko e kakaí ʻoku nau hoko ʻo puputuʻu lahi ange ʻo kau ki he ngaahi fakaleleiʻanga ʻoku fokotuʻu mai ʻe he kau taki fakapolitikalé mo e haʻa faifekaú. Lave ki ha ngaahi meʻa ʻi he ongoongó ʻoku lolotonga hoko ʻi ho koló, pea fetalanoaʻaki ki he founga ʻe lava ke ngāueʻaki ai ia ke kamata ha fetalanoaʻakí.
20 min: Tuʻuaki ʻa e Tohi Te ke Malava ʻo Moʻui Taʻengata he Palataisi ʻi he Māmaní Lolotonga ʻo Maʻasí. Lave ki ha ngaahi meʻa mahuʻinga ʻi he tohí ʻe lava ke ngāueʻaki ke kamata ha fetalanoaʻaki. (1) Fakahanga ʻa e tokangá ki he ngaahi fakatātā fakaʻofoʻofá, ʻo hangē ko ia ko e niʻihi ʻi he peesi 11-13, 156-158, 161-162, 254. (2) Lave ki he peesi 150-153, pea ʻoange ha ngaahi fokotuʻu ʻoku hā ai ʻa e founga ʻe lava ke ngāueʻaki ai ʻa e ngaahi meʻa ʻe niʻihi ʻo e ngaahi ʻaho fakaʻosí ke langaʻi ha mahuʻingaʻia. (3) Fakamamafaʻi ʻa e founga naʻe fakataumuʻa tefito ai ʻa e tohí ki hono fai ai ha ngaahi ako ola lelei. Ko e fakamatalá ʻoku faingofua ke mahino, ʻoku hiki ai ʻa e ngaahi konga Tohitapu ʻoku maongo, pea mo e ngaahi fehuʻi taki ʻoku fakahanga ki he ngaahi poini tefitó. Fakaʻaiʻai kotoa ke tuʻuaki ʻa e tohí mo e taumuʻa ke kamata ha ngaahi ako.
Hiva 151 mo e lotu tuku.