Ngaahi Fakataha Ngāue ki Nōvema
Uike Kamata Nōvema 4
Hiva 56
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamatala ki he līpooti ngāue fakamalanga ʻo ʻAokosí ki he fonuá mo e fakatahaʻanga ʻi he koló.
15 min: “ʻOkú Ke Ngāueʻaki Totonu ʻa e Folofola ʻa e ʻOtuá?” Fehuʻi mo e tali. Fakakau atu ki ai ʻa e fakamatala ʻi he “Ngaahi ʻuhinga ki hono vakaiʻi ʻa e Tohitapú,” mei he tohi Reasoning, peesi 58-60.
20 min: “Ko Eni Ia ʻa e Moʻui Taʻengata.” (Palakalafi 1-5) ʻI he hili ha fakamatala kamata nounou ʻi he palakalafi 1, ʻai ha ongo malanga taau ʻe toko ua ke fakahāhaaʻi ʻa e ngaahi tuʻuaki ʻi he palakalafi 2-5. Fakakau atu ki ai ha fakamanatu ke lave ki he fokotuʻutuʻu ʻo e tokoní ʻi he taimi ʻoku tuku ai ha ngaahi tohi. Fakamamafaʻi ʻa e taumuʻa ʻo hono kamata ha ako Tohitapu.
Hiva 204 mo e lotu tuku.
Uike Kamata Nōvema 11
Hiva 51
10 min: Ngaahi fanongonongo fakalotofonua. Fakamatala paʻangá.
20 min: Ko e Hā ke Foaki Ai kia Sihová? Fetalanoaʻaki ʻa ha ongo mātuʻa ʻe toko ua, fakaeʻa ʻa e ngaahi poini tefito ʻi he kupu he peesi 28-31 ʻo e The Watchtower ʻo Nōvema 1, 1996. Pe ha fakamatala ke fai nai ʻi ha malanga ʻe ha tokotaha mātuʻa.
15 min: “Ko Eni Ia ʻa e Moʻui Taʻengata.” (Palakalafi 6-8) Fetalanoaʻaki ki he ngaahi ʻaonga ʻo hono ngāueʻaki ha tuʻuaki hangatonu ke kamata ha ngaahi ako. ʻAi ha ongo malanga taukei ke fakahāhaaʻi ʻa e ngaahi tuʻuaki ʻi he palakalafi 6-7. Fakaafeʻi ʻa e kau fanongó ke lave ki ha ngaahi fakatātā ʻi hano kamata ha ako ʻi he ʻuluaki ʻaʻahí. ʻI he taimi ʻoku tuʻuaki hangatonu ai ha ako, naʻe tali ʻe ha tangata ʻe taha: “ʻIo. Hū mai. Te u saiʻia ke fai ha ako.” Naʻe kamata ʻa e akó mo ia, ʻi he uike hono hokó naʻe kau mai leva ki ai mo hono fāmilí kotoa, pea vave ʻenau maʻu kotoa ʻa e ngaahi fakatahá pea kau ʻi he ngāue fakaefakamoʻoní. Fakalototoʻaʻi kotoa ke ʻomai ʻenau tatau ʻo e fakalahi ʻo ʻEtau Ngāue Fakafaifekau ʻo e Puleʻanga ʻo Sune 1996 ki he Fakataha Ngāue ʻo e uike hoko maí.
Hiva 129 mo e lotu tuku.
Uike Kamata Nōvema 18
Hiva 212
10 min: Ngaahi fanongonongo fakalotofonua.
15 min: “ʻOku Tau Maʻu ha Fekau.” Fehuʻi mo e tali. Fakamatala nounou ʻi he palakalafi 13-16 ʻi he peesi 28-29 ʻo e Taua Leʻo ʻo Mē 1, 1988.
20 min: Ko Hono Fai ha Ngaahi Ako Tohitapu Laka ki Muʻa. Malanga ke fai ʻe he ʻovasia ngāué. Kuo tau ngāueʻaki mai ʻeni ʻa e tohi ko e ʻIlo ʻi he ako Tohitapú ʻi ha ngaahi māhina ʻe niʻihi. Ngalingali ko e kau ako ʻe niʻihi kuo nau ngāueʻaki ʻa e konga lahi ʻi he tohí. ʻOku fakalototoʻaʻi kitautolu ke tokangataha ki hono fai ha ngaahi ako ʻa ia ʻe fiemaʻu ai ke tokoniʻi ʻa e faʻahinga foʻoú ke nau ako vave ange ʻa e moʻoní, ʻo ngāueʻaki ia ʻi heʻenau moʻuí, pea hoko ko e konga ʻo e fakatahaʻangá. Naʻe tokonaki mai ʻe he fakalahi ʻo ʻEtau Ngāue Fakafaifekau ʻo e Puleʻanga ʻo Sune 1996 ha ngaahi fokotuʻu lelei ke tokoniʻi kitautolu ke hoko ʻo lavameʻa ʻi he tuʻunga ko e kau faiako. Fakamanatu nounou ʻa e niʻihi ʻo e ngaahi meʻa te tau lava ʻo fai ke akoʻi lelei ai ʻa e kau akó, ʻo hangē ko ia ʻoku ʻomai ʻi he palakalafi 3-13 ʻo e fakalahi ko iá. Ko hono hokó, tokangataha ki he meʻa ʻoku fiemaʻu ke fai ke tokoniʻi kinautolu ke pau ʻenau tuʻú, ʻo hangē ko ia ʻoku hā ʻi he palakalafi 14-22. Lau ʻa e palakalafi 15, 17, 20-21. Fakamanatu ʻa e ngaahi līpooti pau ʻe niʻihi ʻoku hā ai ʻa e ngaahi ola lelei kuo maʻu ʻe he kau malanga fakalotofonuá. Fakalototoʻaʻi ha tokolahi ange ke kau ʻi he ngāue ako Tohitapú.
Hiva 135 mo e lotu tuku.
Uike Kamata Nōvema 25
Hiva 149
5 min: Ngaahi fanongonongo.
15 min: “Vahevahe mo e Niʻihi Kehé ʻo Fakatatau ki Heʻenau Ngaahi Fiemaʻú.” Malanga ke fai ʻe ha tokotaha mātuʻa.
10 min: Puha Fehuʻi. Fetalanoaʻaki mo e kau fanongó.
15 min: Fakamanatu ʻa e Tohi ʻE Tuʻuaki ʻi Tīsemá. Tuʻuaki ʻa e Ko ʻEku Tohi ʻo e Ngaahi Talanoa Faka-Tohitapú. Fakamatalaʻi pea mo fakahāhā ha ngaahi tuʻuaki nounou, ʻo ngāueʻaki ʻa e ngaahi fakakaukau ʻi he konga 8, ʻo e talanoa fika 114-116. ʻI he hā mai ha mahuʻingaʻia, ʻoku totonu ke fai ha ngaahi fokotuʻutuʻu pau ki ha toe ʻaʻahi.
Hiva 168 mo e lotu tuku.