Ngaahi Fakataha Ngāue ki Sepitema
Uike Kamata Sepitema 7
Hiva 204
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamanatu ʻa e puha “Ko ha Fokotuʻu.”
15 min: “ʻOku Lava ke Tau Fai ʻa e Ngaahi Ngāue Lahi Ange.” Fehuʻi mo e tali. Fakalototoʻaʻi ʻa e tokotaha kotoa pē ke ne fokotuʻu ʻa e ngaahi taumuʻa ʻuhinga lelei ki he taʻu fakangāue foʻoú pea ngāue mālohi ke lavaʻi kinautolu.—Sio ki he Our Ministry, peesi 116-118.
20 min: “Tokoniʻi ʻe he Kau Tāimuʻá ʻa e Niʻihi Kehé.” Fakamatalaʻi ʻe ha tokotaha mātuʻa ʻo tānaki atu ki he ako ʻoku tokonaki mai ʻi he Akoʻanga Fakafaifekau Fakateokalatí, ngaahi fokotuʻutuʻu kuo fai maʻá e kau tāimuʻá ke nau tokoniʻi fakafoʻituitui ʻa e niʻihi kehe ʻi he ngāue fakafaifekaú. ʻOkú ne langaʻi hake ʻa e ngaahi fehuʻi ʻoku makatuʻunga ʻi he kupú pea fakaafeʻi ha ngaahi tali mei he kau fanongó, tautautefito mei he kau tāimuʻa mo e kau malanga ʻoku nau kau ki he polokalamá. Fakakaukau ki he founga ke maʻu ai ʻa e ngaahi ola lelei taha mei aí. ʻE lave nai ʻa e kau tāimuʻá ki he founga ʻoku nau fiefia aí pea maʻu mo e ʻaonga mei hono tokoniʻi ʻa e niʻihi kehé. ʻE fakahā mai nai ʻe he kau malanga kuo tokoniʻí ʻa e founga ʻoku nau houngaʻia ai ʻi he tokonaki anga-ʻofa ko ʻení pea lave ki he ngaahi poini naʻá ne tokoniʻi kinautolu ke nau maʻu ai ʻa e lavameʻa lahi ange mo e fiefia ʻi he ngāue fakafaifekaú.
Hiva 172 mo e lotu tuku.
Uike Kamata Sepitema 14
Hiva 151
10 min: Ngaahi fanongonongo fakalotofonua. Fakamatala paʻangá.
15 min: Ngaahi fiemaʻu fakalotofonua.
20 min: Naʻe Anga-Fēfē ʻEtau Ngāue ʻi he Taʻu Kuo ʻOsí? Ko e sekelitalí mo e ʻovasia ngāué te na vakai ki he līpooti ngāue ʻa e fakatahaʻangá mo e ngaahi fika ki he kau maʻu fakatahá ki he taʻu kuo ʻosí. ʻOkú na ʻohake ʻa e ngaahi tafaʻaki pau ʻo e līpōtí pea fakahanga ʻa e tokangá ki ha ngaahi tafaʻaki ʻe lava ke fai hano fakaleleiʻi. Naʻe ʻi ai ha peseti ʻe 100 naʻa nau kau ki he ngāue fakamalangá he lolotonga ʻo ʻAokosí? Lave ki he ngaahi kolo ʻe tokanga ki ai ʻa e kau mātuʻá ʻi he ngaahi māhina ka hoko maí, kau ki ai mo hono tokoniʻi ʻa e tokotaha kotoa pē ke hoko ko e kau malanga tuʻumaʻu. Fakahā mo ha ngaahi poini feʻungamālie mei he līpooti fakamuimui mei he ʻovasia fakafeituʻú.
Hiva 98 mo e lotu tuku.
Uike Kamata Sepitema 21
Hiva 42
10 min: Ngaahi fanongonongo fakalotofonua. Ongoongo Fakateokalati.
15 min: Ko e Hā ʻOku Fiemaʻu ʻe he ʻOtuá Meiate Kitautolú? Ko ha malanga. Te tau kamata ke ako ʻa e polosiua ko ʻení ʻi he uike hono hoko maí ʻi he ako tohí. Fakalototoʻaʻi ʻa e tokotaha kotoa pē ke ne teuteu ki muʻa pea kau ki he ako kotoa pē koeʻuhí ke ne alāanga mo e polosiuá pea ako ai ki he founga ke ako ai ia mo e niʻihi kehé. Lau ʻa e palakalafi ʻi he kaveinga “Founga ke Ngāueʻaki Ai ʻa e Polosiua Ko ʻEní.” Ngāueʻaki ʻa e fakamatala ʻi he Taua Leʻo ʻo Fepueli 1, 1997, peesi 11-13, ke fakamamafaʻi ʻa e mahuʻinga ʻo e faiakoʻaki ʻa e ngaahi fehuʻí, ngaahi konga Tohitapú, pea mo e ngaahi fakatātā ʻi he polosiuá. ʻOku totonu ki he kau faiako ʻi he ako Tohí ke nau fokotuʻu ha faʻifaʻitakiʻanga lelei ki he faʻahinga ʻoku nau fai ha ngaahi ako Tohitapú, ʻaki ʻa e ʻoua ʻe fuʻu talanoa lahi pea ʻikai tānaki mai ha ngaahi fakaikiiki kehe.—Sio ki he ʻEtau Ngāue Fakafaifekau ʻo e Puleʻanga ʻo Sune 1996, peesi 3, palakalafi 5.
20 min: “ʻAi ke Ke ʻIlo Ho Ngaahi Tokouá.” Fehuʻi mo e tali. Fakakau atu ki ai mo e ngaahi fakamatala mei he Taua Leʻo ʻo ʻAokosi 1, 1989, peesi 28-29. Fakalototoʻaʻi ʻa e tokotaha kotoa pē ke nau tomuʻa fai ha meʻa ke ʻai ke nau maheni lelei ange ai mo e tokotaha taki taha.
Hiva 51 mo e lotu tuku.
Uike Kamata Sepitema 28
Hiva 51
12 min: Ngaahi fanongonongo fakalotofonua. Fakamanatu ki he kau malangá ke ʻomai ʻa e ngaahi līpooti ngāue fakamalanga ki Sepitemá. Fakalototoʻaʻi ʻa e tokotaha kotoa pē ke nau fai ha ngaahi palani ke ngāue lahi ange ʻi he ngāue fale-ki-he-falé ʻi ʻOkatopa ke fakatupulekina ʻa hono tufa ʻo e makasiní. Lave ki he ʻEtau Ngāue Fakafaifekau ʻo e Puleʻanga ʻo ʻOkatopa 1996, peesi 8, ki ha ngaahi fokotuʻu ki he founga ke teuteu ai ʻa e ngaahi tuʻuakí. Fakahāhaaʻi ha tuʻuaki ʻo e ngaahi makasini lolotongá, pea fakahā ʻa e founga ke lave ai ki he tokotaha-ʻapí ki he fokotuʻutuʻu ʻo e tokoní. ʻAve ha ngaahi makasini ki he ngāue ʻi he fakaʻosinga ʻo e uiké.
20 min: “Takimuʻa ʻa e Kau ʻOvasiá—Ko e ʻOvasia Ngāué.” Ko ha malanga ke fai ʻe he ʻovasia ngāué. ʻI he hili hono fakamanatu ʻa hono ngaahi fatongiá, te ne fakamatalaʻi ʻa e ngaahi founga pau ʻe lava ai ʻa e fakatahaʻangá ke fengāueʻaki fakataha ke fakatupulekina ʻa e faingamālie mo e ola lelei ʻo e ngāue fakafaifekau fakalotofonuá.
13 min: Ko e Hā ʻOku Kaunga ki ha Tokotaha Malanga Lelei ʻi he Fakatahaʻangá? Malanga, fakataha mo e kau mai ki ai ʻa e kau fanongó. ʻOku ʻikai ke fiemaʻu ke tau maʻu ha ngaahi poto māʻolunga pe ngaahi tufakanga; ka, ko e fiemaʻu lahi tahá ko kitautolu kotoa pē ke maʻu ha fakakaukau loto-lelei ʻoku tapua mai ai ʻa e ʻofa, anga-fakatōkilalo, faivelenga, mo e houngaʻia. Fakaafeʻi ʻa e kau fanongó ke nau ʻomai ha ngaahi ʻuhinga ki he ʻuhinga ʻoku fiemaʻu ai ʻa e ngaahi meʻa ʻoku hoko haké: (1) ko ha laumālie fiefia, (2) maʻu pea kau maʻu pē ki he ngaahi fakatahá, (3) loto-lelei ke tali pea fakahoko ha ngaahi vāhenga-ngāue, (4) ngāue fakataha mo e kau mātuʻá pea mo e ngaahi fokotuʻutuʻu ʻoku fai maʻá e fakatahaʻangá, (5) mahuʻingaʻia loto-moʻoni ʻi hono fai ha tokoni ki he niʻihi kehé, pea mo e (6) kau maʻu pē ki he ngāue fakamalangá pea līpooti vave ʻi he māhina kotoa pē.
Hiva 84 mo e lotu tuku.