Taimi-Tēpile ki he Fakataha Ngāué

Uike Kamata Sune 14

Hiva 28 (224)

10 min: Ngaahi fanongonongo fakalotofonua. Ngaahi fanongonongo kuo filifili mei he ʻEtau Ngāue Fakafaifekau ʻo e Puleʻanga. Ngāueʻaki ʻa e ngaahi fokotuʻu ʻi he peesi 4 (kapau ʻoku feʻungamālie ki ho feituʻu ngāué) ke fakahāhā ʻaki ʻa e founga ke tuʻuaki ai ʻa e Taua Leʻo ʻo Sune 15 mo e Awake! ʻo Sune 22. ʻI he tuʻuaki ʻe taha, fakahaaʻi ai ko e tokotaha-malangá ʻoku faifakamoʻoni ʻi he feituʻu pisinisí. ʻE lava ke ngāueʻaki ha ngaahi tuʻuaki moʻoni kehe.

20 min: “ʻOku Tokoniʻi ʻe Sihova ʻa e Faʻahinga ʻOku Falala Kiate Iá.”a ʻI he lāulea ki he palakalafi 4, fakakau ai ʻa e ngaahi fakamatala ʻi he Our Kingdom Ministry ʻo Mē 2000, peesi 4, palakalafi 6-7, mo e tohi Ako Fakafaifekau, peesi 67, palakalafi 2.

15 min: Ko e Hā ke Fakaʻehiʻehi Ai mei Hono Ngāuekoviʻaki ʻa e Faitoʻo Kona Tapú? Fetalanoaʻaki mo e kau fanongó makatuʻunga ʻi he tohi Reasoning, peesi 106-9. ʻOku anga-maheni ʻaki hono ngāueʻaki ʻi he tuʻunga “fakafiefiá” ʻa e ngaahi faitoʻo kona tapú. ʻOku tuʻukāivi ʻa e tokolahi ko hono ngāueʻaki pehē ʻa e ngaahi faitoʻo kona tapú ʻoku ʻikai ke ʻi ai hano maumau; ʻoku aʻu ʻo taukapoʻi ʻe he niʻihi ke fakalaoʻi ia. Lāulea ki ha founga ʻe lava ke tau fakaʻuhinga ai mo e faʻahinga peheé. Fakakau ai ʻa e ngaahi fakamatala ʻi he puha he peesi 10 ʻo e Awake! ʻo Nōvema 8, 1999.

Hiva 13 (124) mo e lotu tuku.

Uike Kamata Sune 21

Hiva 4 (43)

10 min: Ngaahi fanongonongo fakalotofonua.

15 min: “ʻOku Tokoniʻi Kitautolu ʻe he Kau ʻĀngeló.”b Fakaafeʻi ʻa e kau fanongó ke nau fakamatala ki he ngaahi konga Tohi Tapu ʻoku haá ʻo fakatatau ki he taimí.

20 min: Ko e Poto mei ʻOlungá ʻOku Fakaʻatuʻi. (Sem. 3:​17) Malanga mo e fetalanoaʻaki mo e kau fanongó makatuʻunga ʻi he tohi Ako Fakafaifekau, peesi 251-2. ʻOku ʻuhinga ki he hā ʻa e pehē ke fakaʻatuʻí? Ko e hā ʻoku mahuʻinga ai ia ʻi heʻetau ngāue fakafaifekaú? Ko e hā ʻoku lava ke tau ako mei he faʻifaʻitakiʻanga ʻa e ʻapositolo ko Paulá? ʻE lava fēfē ke tokanga ʻa e kau malangá ki he puipuituʻa ʻo e kakai ʻi he feituʻu ngāue fakalotofonuá? ʻE lava fēfē ke tau tokoniʻi ʻa e kau ako Tohi Tapú ke nau fakahāhā ʻa e fakaʻatuʻí? Fokotuʻutuʻu ki muʻa ki ha toko taha pe toko ua ke na fakamatala ki he ngaahi meʻa naʻe hokosia ʻoku fakahaaʻi ai ʻa e ngaahi ʻaonga ʻo ha fakaofiofi ʻi he tuʻunga fakaʻatuʻí.

Hiva 8 (53) mo e lotu tuku.

Uike Kamata Sune 28

Hiva 17 (187)

12 min: Ngaahi fanongonongo fakalotofonua. Fakamatala paʻanga. Fakamanatu ki he kau malangá ke ʻomai ʻenau ngaahi līpooti malaʻe ngāue ki Suné. ʻI hono ngāueʻaki ʻa e ngaahi fokotuʻu ʻi he peesi 4 (kapau ʻoku feʻungamālie ki ho feituʻu ngāué), fakahāhā ʻa e founga ke tuʻuaki ai ʻa e Taua Leʻo ʻo Siulai 1 mo e Awake! ʻo Siulai 8. ʻI he tuʻunga taki taha, ʻai ʻa e tokotaha malangá ke ne fai ha fakamatala nounou mo anga-fakakaumeʻa ʻi he kamatá pē. Fakahaaʻi ko e fai peheé ʻe lava ke ne ʻai ʻa e tokotaha-ʻapí ke ne ongoʻi fiemālie.

15 min: Ngaahi fiemaʻu fakalotofonua.

18 min: “Ko e Ako Tohi ʻa e Fakatahaʻangá—ʻUhinga ʻOku Tau Fiemaʻu Ai Iá.”c Ngāueʻaki ʻa e ngaahi fehuʻi ʻoku ʻoatú. Fakakau ai ʻa e ngaahi fakamatala ʻi he kupu ko e “Tokoni ki Hoʻo ʻOvasia ʻi he Ako Tohi ʻa e Fakatahaʻangá,” ʻa ia naʻe hā ʻi he peesi 1 ʻo ʻEtau Ngāue Fakafaifekau ʻo e Puleʻanga ʻo Nōvema 2002.

Hiva 22 (130) mo e lotu tuku.

Uike Kamata Siulai 5

Hiva 12 (113)

10 min: Ngaahi fanongonongo fakalotofonua.

15 min: Ko e Hā Te Ke Leaʻakí? Malanga mo e fetalanoaʻaki mo e kau fanongó. Lolotonga ʻa Siulai mo ʻAokosí, te tau tuʻuaki ai ʻa e ngaahi polosiuá. Ko fē ʻa e ngaahi polosiua kuo ʻiloʻi ʻe he kau malangá ʻoku ola lelei ʻi he feituʻu ngāue fakalotofonuá? Fakamanatu ʻa e ngaahi tuʻuaki kuo fokotuʻu mai ʻi he ʻEtau Ngāue Fakafaifekau ʻo e Puleʻanga ʻo Siulai 1998, peesi 8, pe mei he ngaahi ʻīsiu kehe kuohilí. Fakamamafaʻi ko e tuʻuaki taki taha ʻoku kau ai (1) ha fehuʻi, (2) ha konga Tohi Tapu, mo e (3) ha poini ke fakaʻaliʻali mei he tohí. Fakahāhā ha tuʻuaki ʻe taha pe ua. Fakalototoʻaʻi ʻa e tokotaha kotoa ke ngāueʻaki ʻa e Tohi Tapú ʻi hono tuʻuaki ʻa e ongoongo leleí.

20 min: Meʻa ʻOku Fiemaʻu ʻe he Fānaú mei he Ngaahi Mātuʻá. Malanga mo e fetalanoaʻaki mo e kau fanongó makatuʻunga ʻi he Ako mei he Faiako Lahí, peesi 6-7. ʻOku mātuʻaki mahuʻinga ki he fānaú ke nau ako ʻa e ngaahi tefitoʻi moʻoni Fakatohitapu ʻokú ne puleʻi ʻa e lotu moʻoní pea ke mahinoʻi ʻa e ngafa tefito ʻoku fakahoko ʻe he ngaahi mātuʻá ʻi he founga akoʻí. Lāulea ki he ngaahi fokotuʻu kuo fai ki hono ako ʻa e tohí. Fakaafeʻi ʻa e ngaahi mātuʻá ke nau fakamatala ki he founga kuo nau ngāueʻaki ai ʻa e tohi tokoni fakaeakó. ʻAi ha fānau ʻe toko taha pe toko ua ke na fakamatala ki he ʻuhinga ʻokú na saiʻia ai ʻi he tohi ko ení.

Hiva 15 (127) mo e lotu tuku.

[Fakamatala ʻi lalo]