Taimi-Tēpile ki he Fakataha Ngāué

Fakatokanga: ʻE fakataimitēpileʻi ʻi he ʻEtau Ngāue Fakafaifekau ʻo e Puleʻanga ha Fakataha Ngāue ki he uike taki taha lolotonga ʻa e māhina ʻe tolu ka hoko maí. ʻE lava ke fai ʻe he ngaahi fakatahaʻangá ha ngaahi feʻunuʻaki ʻoku fiemaʻu ke fakaʻatā ai ke kau ki he Fakataha-Lahi Fakavahe “ʻAʻeva mo e ʻOtuá.” ʻI heʻene feʻungamālié, ngāueʻaki ʻa e miniti ʻe 15 ʻi he Fakataha Ngāue fakamuimui ki muʻa ke maʻu ʻa e fakataha-lahí ke toe lau ai ki he akonaki ko ia ʻoku feʻungamālie fakalotofonuá mei he fakalahi ʻo e māhina ní. Ki mui aí, ʻe fokotuʻutuʻu ha Fakataha Ngāue kakato ke fakamanatu ai ʻa e ngaahi meʻa mahuʻinga mei he polokalama ʻo e fakataha-lahí. ʻI he teuteu ki he lāulea ko iá, ko kitautolu kotoa ʻe lava ke tau hiki ha ngaahi nouti mohu ʻuhinga ʻi he fakataha-lahí, ʻo kau ai ha lisi ʻo e ngaahi poini pau ʻa ia ʻoku tau fakaʻamu ke ngāueʻaki fakafoʻituitui ʻi heʻetau moʻuí tonu pea ʻi he malaʻe fakafaifekaú. ʻE lava leva ke tau fakalotolahiʻi ʻa e niʻihi kehé ʻaki hono fakamatalaʻi ʻa e founga kuo tau ngāueʻaki ai ʻa e ngaahi fokotuʻu ko iá.

Uike Kamata ʻAokosi 9

Hiva 21 (191)

10 min: Ngaahi fanongonongo fakalotofonua mo e Fanongonongo kuo filifili mei he ʻEtau Ngāue Fakafaifekau ʻo e Puleʻanga. Kapau ʻoku ʻaonga ʻa e ngaahi fokotuʻu ʻi he peesi 8 ki ho feituʻu fakatahaʻangá, ngāueʻaki kinautolu ke fakahāhaaʻi ʻa e founga ke tuʻuaki ai ʻa e Taua Leʻo ʻo ʻAokosi 15 pea mo e Awake! ʻo ʻAokosi 22. ʻE ngāueʻaki nai ha ngaahi tuʻuaki kehe. Fakakau ai ʻa e lave ki he fokotuʻutuʻu ki ha meʻaʻofá. Fakamanatu ki he kau fanongó ke ʻomai ha tatau ʻo e polosiua Fiemaʻu ki he uike hoko maí.

15 min: “ʻOku Fakapaleʻi ʻa e Kātakí.”a Fakakau ai ha fakamatala nounou mei he Taua Leʻo ʻo Tīsema 15, 2000, peesi 22-3, palakalafi 15-18.

20 min: “Fai ʻa e Ngaahi Ako Tohi Tapu Fakalakalaká—Konga 2.”b Fakakau ai ha fakahāhā miniti ʻe nima. Ko ha tokotaha malanga ʻokú ne ʻeke ki ha tokotaha mātuʻa ʻa e founga ke tokoniʻi ai ha tokotaha ako Tohi Tapu ke fakalakalaka. ʻOku pehē ʻe he tokotaha mātuʻá ko ha tōʻanga failahia ko hono fakamoleki ʻa e taimi lahi he lolotonga ʻa e akó ʻi he fetalanoaʻaki ki he ngaahi fakaikiiki īkí mo e ngaahi poini takatakaí. ʻI hono ngāueʻaki ʻa e lēsoni 9 ʻi he polosiua Fiemaʻu, ʻokú ne fakahaaʻi ai ki he tokotaha malangá ʻa e founga ke (1) tokangataha ai ki he ngaahi poini tefito ʻi he fakamatalá, (2) ngāueʻaki ola lelei ʻa e ngaahi konga Tohi Tapu ʻoku lave ki aí, pea (3) feʻunuʻaki ʻa e lēsoní ki he ngaahi fiemaʻu ʻa e tokotaha akó. ʻOkú ne fakahaaʻi ʻoku fiemaʻu ʻa e teuteu leleí ʻi he taimi taki taha ʻoku fai ai ha ako.

Hiva 11 (85) mo e lotu tuku.

Uike Kamata ʻAokosi 16

Hiva 4 (43)

10 min: Ngaahi fanongonongo fakalotofonua.

15 min: Fakahūhū ʻa e Moʻoní ki Hoʻo Fānaú. Malanga makatuʻunga ʻi he tohi Fāmili Fiefiá, peesi 55-9. Lāulea ki he founga ʻe fā ʻe lava ke tokoniʻi ai ʻe he ngaahi mātuʻá ʻenau fānaú ke fakatupulekina ha vahaʻangatae fakafoʻituitui vāofi mo Sihova, ʻo ngāueʻaongaʻaki ai ʻa e fakamatalá.

20 min: “Tau Hakeakiʻi Hono Huafa Fakataha.”c Ke fai ʻe he sekelitali ʻa e fakatahaʻangá, ʻo ngāueʻaki ʻa e ngaahi fehuʻi kuo tokonaki maí. Lave ki he fakataha-lahi ʻa ia ʻoku vaheʻi ki ai ʻa e fakatahaʻangá. Ko e ngaahi taimi ki he polokalamá ʻoku fakahokohoko ia ʻi he fakalahi ʻo ʻEtau Ngāue Fakafaifekau ʻo e Puleʻanga ʻo ʻEpeleli 2004. ʻE fiemaʻu ke fakaeʻa nai ha ngaahi poini kehe mei he fakalahi ko iá. Fakaʻosi ʻaki hono ʻeke ha fehuʻi ʻe ua pe tolu mei he kupu “Meʻakai Fakalaumālie ʻi he Taimi Totonu,” ʻa ia ʻe lāulea ki ai ʻi he Fakataha Ngāue ʻo e uike ka hoko maí.

Hiva 11 (85) mo e lotu tuku.

Uike Kamata ʻAokosi 23

Hiva 20 (93)

10 min: Ngaahi fanongonongo fakalotofonua. Fakamatala paʻangá. Fakahāhaaʻi ʻa e founga ke tuʻuaki ai ʻa e Taua Leʻo ʻo Sepitema 1 mo e Awake! ʻo Sepitema 8. ʻI he taha ʻo e ongo fakahāhaá, fakahāhaaʻi ʻa e faifakamoʻoni ki ha faiako.

20 min: “Meʻakai Fakalaumālie ʻi he Taimi Totonu.”d Ngāueʻaki ʻa e ngaahi fehuʻi kuo tokonaki maí. ʻI hono fakamatalaʻi ʻa e palakalafi 2, ʻai ha toko taha pe toko ua ʻi he kau fanongó ke na fakamatala nounou ki ha fakataha-lahi fakangalongataʻa naʻá na kau ki aí. Fakaʻosi ʻaki hono ʻeke ha fehuʻi ʻe ua pe tolu mei he kupu “Hoko ʻo Māʻoniʻoni ʻi Ho ʻUlungāanga Kotoa Pē,” ʻa ia ʻe lāulea ki ai ʻi he Fakataha Ngāue ʻo e uike ka hoko maí.

15 min: Tuʻuaki ʻa e Tohi Fāmili Fiefiá he Lolotonga ʻo Sepitemá. Malanga mo e fakahāhā. Fakatouʻosi ʻi he matapaá mo e halá, te ke feinga nai ke ngāueʻaki ʻa e tuleki “Fiefia ʻi he Moʻui Fakafāmilí” ke kamata ʻaki ha fetalanoaʻaki. ʻE lava ke ke ʻeke: “ʻI he kotoa ʻo e ngaahi loto-moʻua ʻoku ʻomai kiate kitautolu ʻe he moʻui ʻi onopōní, ʻokú ke ongoʻi ʻoku malava ke maʻu ha moʻui fakafāmili fiefia moʻoni? [Tuku ke ne tali.] ʻOku fakapapauʻi mai kiate kitautolu ʻe he tuleki ko ʻení ʻe malava ia. Te ke saiʻia ke lau ia?” Kapau ʻe tali ia, te ke lava ke hoko atu ʻaki hoʻo pehē: “Koeʻuhi ko hoʻo mahuʻingaʻia ʻi he kaveinga ko ʻení, te ke toe fiefia nai ʻi he tohí ni ʻa ia ʻoku tokonaki mai ai ʻa e faleʻi fakaikiiki ki he founga ke maʻu ai ʻa e fiefia ʻi he siakale ʻo e fāmilí.” Fakahā ange ʻa e fakahokohoko ʻo e meʻa ʻi loto ʻi he tohi Fāmili Fiefiá. Tuhu ki ha ngaahi kaveinga ʻo ha ngaahi vahe fakamānako. Huke ki he peesi 10, pea lau mei he sētesi fakaʻosi ʻo e palakalafi 17 ki he ngataʻanga ʻo e palakalafi 18. Tuʻuaki ʻa e tohí, pea lave ki he fokotuʻutuʻu ki ha meʻaʻofá. Fakamatalaʻi ʻokú ke maʻu ʻa e meʻa lahi ange ke vahevahe, pea ʻeke ʻa e taimi ʻe lava ke ke toe ʻaʻahi ange aí.

Hiva 29 (222) mo e lotu tuku.

Uike Kamata ʻAokosi 30

Hiva 16 (143)

8 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki ʻAokosí.

17 min: “Hoko ʻo Māʻoniʻoni ʻi Ho ʻUlungāanga Kotoa Pē.”e Ngāueʻaki ʻa e ngaahi fehuʻi kuo tokonaki maí. Fakaafeʻi ʻa e kau fanongó ke nau fakamatala ki he founga kuo nau fakatokangaʻi ʻoku ʻomai ʻe he ʻulungāanga lelei ʻi he ngaahi fakataha-lahí ʻa e fakahīkihiki kia Sihova. Fakaʻosi ʻaki hono ʻeke ha fehuʻi ʻe ua pe tolu mei he kupu “Fōtunga Fakafoʻituitui Maʻa mo Taau,” ʻa ia ʻe lāulea ki ai ʻi he Fakataha Ngāue ʻo e uike ka hoko maí.

20 min: Kuó Ke Maʻu ʻAonga? Fetalanoaʻaki mo e kau fanongó. Fakamanatu ʻa e ngaahi fokotuʻu ko ʻeni naʻe hā ʻi he ʻEtau Ngāue Fakafaifekau ʻo e Puleʻanga lolotonga ʻa e taʻu fakangāue kuohilí: Hikiʻi hoʻo talateú ʻi ha lauʻipepa. (km 10/03 p. 8) Fai ha fakaongoongolelei fakafoʻituitui, fakahangatonu mo moʻoni. (km 11/03 p. 1) Faifakamoʻoni ʻi he taimi ʻoku hā ngalingali lahi ange ke ʻi ʻapi ai ʻa e kakaí. (km 12/03 p. 1) Fokotuʻu ha ngaahi taimi pau ki he lau Tohi Tapú, teuteu ki he fakatahá pea mo e malaʻe fakafaifekaú. (km 1/04 p. 4) Ngāueʻaki ʻa e polosiua “Good Land” ʻi hono fai ʻa e ako mo e lau Tohi Tapu fakafoʻituituí. (km 3/04 p. 2) Fokotuʻu ha taumuʻa ke lau ai ʻa e Tohi Tapú fakakātoa. (km 4/04 p. 1) Faifakamoʻoni ʻi he feituʻu pisinisí. (km 7/04 p. 4) Fakaafeʻi ʻa e kau fanongó ke nau lave ki he ngaahi ʻaonga naʻa nau maʻu mei hono ngāueʻaki ʻa e ngaahi fokotuʻu ko ʻení.

Hiva 7 (51) mo e lotu tuku.

Uike Kamata Sepitema 6

Hiva 6 (45)

5 min: Ngaahi fanongonongo fakalotofonua.

20 min: “Fōtunga Fakafoʻituitui Maʻa mo Taau.”f Ngāueʻaki ʻa e ngaahi fehuʻi kuo tokonaki maí. Fakatatau ki he taimí, lau pea fakamatalaʻi ʻa e ngaahi konga Tohi Tapu ʻoku haá.

20 min: “Fakahāhā ʻa e Laumālie Tāimuʻá.”g Fakaʻekeʻeke nounou ha tāimuʻa ʻe taha pe ua. ʻAi kinaua ke na fakamatala ki he founga naʻe fakalototoʻaʻi ai kinaua ʻe he faʻifaʻitakiʻanga ʻa e ongo mātuʻá, kau mātuʻá, pe ko e niʻihi kehé ke na tuli ki he ngāue fakafaifekau taimi-kakató.

Hiva 17 (187) mo e lotu tuku.

[Fakamatala ʻi lalo]