Taimi-Tēpile ki he Fakataha Ngāué

Uike Kamata ʻOkatopa 11

Hiva 20 (93)

12 min: Ngaahi fanongonongo fakalotofonua. Ngaahi fanongonongo kuo filifili mei he ʻEtau Ngāue Fakafaifekau ʻo e Puleʻanga.

18 min: “Ongo Makasini ʻOku Fanongonongo Ai ʻa e Puleʻangá.” Fetalanoaʻaki ha mātuʻa mo ha kulupu ʻo e kau malanga ʻe toko tolu pe toko fā ʻa ia ʻoku nau ola lelei ʻi hono tufa ʻa e ngaahi makasiní. Lāulea ki he ngaahi tafaʻaki fakamānako ʻo e ngaahi kupu fakamuimuí, ʻo fokotuʻu ʻa e ngaahi founga ʻe lava ke ngāueʻaki ai ʻa e ngaahi poini ko ení ʻi heʻetau ngaahi tuʻuakí. Fetalanoaʻaki ki he founga ʻe lava ke fakalahi ai ʻa e tufa makasiní ʻi he feituʻu ngāue fakalotofonuá. ʻI hono ngāueʻaki ʻa e ngaahi ʻīsiu fakamuimuí, tuhu ki he ngaahi kupu ʻokú ne langaʻi ʻa e mahuʻingaʻiá, hangē ko e ngaahi kupu ko ia ʻoku fekauʻaki mo e ngaahi palopalema fakasōsialé, fakafāmilí pe fakakoló. ʻAi ke fakahāhā ha tuʻuaki nounou ʻe taha pe ua. ʻI he taimi taki taha, lave ki he meʻa fekauʻaki mo e ngaahi tokoni ki he ngāue ʻo e Puleʻangá.

15 min: Maʻu ʻa e Fiefia ʻi Hono Tokoniʻi ʻa e Niʻihi Kehé. (Sione 4:​34) Fakaʻekeʻeke. Ko ha meʻa fakafiefia ia ke sio ki he ulo ʻa e mata ʻo ha taha ʻi heʻene ako ʻa e ngaahi moʻoni mei he Folofola ʻa e ʻOtuá. (w94-E 3/1 p. 29 pal. 6-7) Fakaʻekeʻeke ha kau malanga ʻe toko ua pe toko tolu pe ko e kau tāimuʻa ʻa ia ʻoku ola lelei ʻenau ngāueʻaki ʻa e Tohi Tapú ʻi he ngāue fakafaifekaú pea ʻi hono kamata mo hono fai ʻa e ngaahi ako Tohi Tapú. ʻOku anga-fēfē ʻenau fakatupulekina ʻa e mahuʻingaʻia ʻoku nau maʻú? Ko e hā ʻa e fiefia ʻoku nau maʻu ʻi hono fai iá? ʻAi ke nau fakamatala pe fakatātaaʻi ʻa e ngaahi hokosia mei heʻenau ngāue fakafaifekaú.

Hiva 9 (37) mo e lotu tuku.

Uike Kamata ʻOkatopa 18

Hiva 15 (127)

10 min: Ngaahi fanongonongo fakalotofonua.

20 min: Ko Hono Ngāueʻaki ʻo e Ngaahi Tulekí ke Kamataʻaki ha Ngaahi Ako Tohi Tapú. Malanga mo e fetalanoaʻaki mo e kau fanongó makatuʻunga ʻi he ʻEtau Ngāue Fakafaifekau ʻo e Puleʻanga ʻo Nōvema 2001, peesi 3-4. Fakamamafaʻi ʻoku tau loto-lelei ke feʻunuʻaki ki he ngaahi tuʻunga ʻo e tokotaha ako taki taha, hangē ko ia ʻoku fakahaaʻi ʻi he palakalafi 5. Fakakau ai ha fakahāhā nounou ʻe taha pe ua makatuʻunga ʻi he palakalafi 8-10. Kapau ʻoku ola lelei fakalotofonua ha toe fakaofiofi ʻe taha, fakamatalaʻi pea fakahāhā ʻa e tuʻuaki ko iá. Fakaafeʻi ʻa e kau fanongó ke nau fakamatala ki he ngaahi meʻa naʻa nau hokosia ʻi hono ngāueʻaki ʻa e tuleki Te Ke Saiʻia ke ʻIlo Lahi Ange ki he Tohitapú?

15 min: Ngāueʻaki ʻa e Ngaahi Taumuʻa Fakalaumālié ke Fakalāngilangiʻi ʻa Ho Tokotaha-Fakatupú. Malanga fakalototoʻa makatuʻunga ʻi he Taua Leʻo ʻo Siulai 15, 2004, peesi 21-23.

Hiva 26 (212) mo e lotu tuku.

Uike Kamata ʻOkatopa 25

Hiva 4 (43)

12 min: Ngaahi fanongonongo fakalotofonua. Fakamatala paʻanga. ʻI hono ngāueʻaki ʻa e ngaahi fokotuʻu ʻi he peesi 8 (kapau ʻoku feʻungamālie ki ho feituʻú), fakahāhā ʻa e founga ke tuʻuaki ai ʻa e Taua Leʻo ʻo Nōvema 1 mo e Awake! ʻo Nōvema 8. Fakahaaʻi ʻi he tuʻuaki taki taha ha founga kehekehe ke tali pōtoʻi ai ki he taʻofiʻanga ʻo e fetalanoaʻaki, “ʻOku ʻikai ke u mahuʻingaʻia au ʻi he Kau Fakamoʻoni ʻa Sihová.”​—Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, peesi 9-​10.

18 min: ʻOatu ʻa e Fakamoʻoni ke Poupouʻi ʻAki ʻa e Folofola ʻa e ʻOtuá. Fetalanoaʻaki mo e kau fanongó makatuʻunga ʻi he tohi Ako Fakafaifekau, peesi 256-7. ʻE lava fēfē ke tau ngāueʻaki ʻa e fakamoʻoni mei he ngaahi maʻuʻanga fakamatala ʻi tuʻa mei he Tohi Tapú ke tokoniʻi ʻaki ʻa e kakaí ke nau mahuʻingaʻia ʻi he ʻuhinga lelei ʻa e ngaahi Konga Tohi Tapú? Fakaafeʻi ʻa e kau fanongó ke nau fakamatala ki he ngaahi fehuʻi hokó: Ko e hā ʻa e ngaahi fakatātā mei he ʻuniveesi fakamatelié ʻe lava ke tau lave ki ai ko e fakamoʻoni fekauʻaki mo ha Tokotaha-Fakatupú? (rs-E 85-6) ʻE lava fēfē ke tau ngāueʻaki ʻa e ngaahi fakamatala ʻa e kau mataotaó pe ko e kau taukeí ke tokoniʻi ʻaki ʻa e niʻihi kehé ke nau sio ko e Tohi Tapú ʻoku moʻoni ko e Folofola ia ʻa e ʻOtuá? (rs-E 62-4) Ko e hā ʻa e fakatātā pe ko e fakafehoanaki ʻe lava ke tau ngāueʻaki ke tokoniʻi ʻaki ʻa e niʻihi kehé ke nau sio ki he ʻuhinga ʻoku fakangofua ai ʻe he ʻOtuá ʻa e fulikivanú? (rs-E 429) Ko e hā ʻa e ngaahi hokosia pe fakatātā kuó ke ngāueʻaki ke tokoniʻi ʻaki ʻa e niʻihi kehé ke nau fakamahuʻingaʻi ʻa e fakapotopoto ʻo e muimui ki he akonaki ʻa e Tohi Tapú?

15 min: Ngaahi fiemaʻu fakalotofonua.

Hiva 23 (200) mo e lotu tuku.

Uike Kamata Nōvema 1

Hiva 2 (15)

12 min: Ngaahi fanongonongo fakalotofonua. Fakamanatu ki he tokotaha kotoa ke ʻomai ʻenau ngaahi līpooti malaʻe ngāué. Lolotonga ʻa Nōvemá te tau tuʻuaki ai ʻa e Ako mei he Faiako Lahí. Fakamanatu nounou ʻa e ngaahi fokotuʻu ki hono tuʻuaki ʻo e tohí ʻi he ʻEtau Ngāue Fakafaifekau ʻo e Puleʻanga ʻo Mē 2004, peesi 3, pea fakahāhā ʻa e taha ʻo e ngaahi tuʻuakí. Kapau ʻe ola lelei ange ha founga kehe ʻi he feituʻu ngāue fakalotofonuá, ʻe lava ke lāulea ki ai pea fakahāhaaʻi. Fakatatau ki he taimí, fakaafeʻi ʻa e kau fanongó ke nau fakamatala ki he founga kuo nau malava ai ke ngāueʻaki ʻa e tohí ni ʻi he ngāue fakafaifekaú.

15 min: “Ko Sihova ko Hoku Tokoni.” Malanga fakalotomāfana mo fakalototoʻa ke fai ʻe ha mātuʻa.

18 min: Kātaki ʻi he Ngaahi Ngāue Leleí. (Kal. 6:10) Fakaʻekeʻeke ha toko ua pe toko tolu ʻa ia ko e kau tāimuʻa tuʻumaʻu pe tāimuʻa tokoni ʻi he taimi ki he taimi. Ko e hā ʻa e ngaahi fakafaingataʻaʻiaʻanga kuo nau fetaulaki mo ia ʻi heʻenau ngāue kia Sihová, pea naʻe anga-fēfē ʻenau ikuʻi iá? Ko e hā kuó ne tokoniʻi kinautolu ke nau kātaki ʻi he failelei ki he niʻihi kehé? Kuo anga-fēfē ʻenau maʻu ʻaonga pea mo e niʻihi kehé ʻi heʻenau ngaahi feinga ʻi he ngāue fakafaifekau faka-Kalisitiané? Kapau ʻe feʻungamālie, fakakau ai ʻa e ngaahi fakamatala ki he meʻa kuo fai fakalotofonua ke aʻu ai mo e ongoongo leleí ki he faʻahinga ʻoku nau lea ʻi he ngaahi lea kehé. Fakaongoongoleleiʻi ʻa e tokotaha kotoa ʻi ‘heʻenau ngaue ʻo ʻenau tuí mo ʻenau fakafitefitaʻa ʻo ʻenau ʻofá mo ʻenau kīkītakí.’​—1 Tes. 1:​2, 3.

Hiva 5 (46) mo e lotu tuku.