Taimi-Tēpile ki he Fakataha Ngāué

Uike Kamata Nōvema 14

Hiva 29 (222)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Ngāueʻaki ʻa e ngaahi fokotuʻu ʻi he peesi 4 (kapau ʻoku feʻungamālie ki ho feituʻú) ke fakahāhaaʻi ʻa e founga ke tuʻuaki ai ʻa e Taua Leʻo ʻo Nōvema 15 pea mo e Awake! ʻo Nōvema 22. ʻE ngāueʻaki nai ʻa e ngaahi tuʻuaki ʻaonga kehé. ʻI he fakahāhā taki taha, fakahaaʻi ha founga kehe ʻo e fakafeangai ki ha taʻofiʻanga ʻo e fetalanoaʻakí “ʻOku ʻikai ke u mahuʻingaʻia au ʻi he lotú.”​—Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, p. 9.

15 min: Ngaahi Tokoni ʻOku Fakamāfanaʻi Ai ʻa e Loto ʻo e ʻOtuá. Malanga ke fai ʻe ha tokotaha mātuʻa ʻo makatuʻunga ʻi he Taua Leʻo ʻo Nōvema 1, 2005 peesi 26-​30.

20 min: “Talaki ʻa e Lāngilangi ʻo Sihová.”a ʻI he lāulea ki he palakalafi 4, fakaafeʻi ʻa e kau fanongó ke nau fakamatala ki he ngaahi meʻa nounou naʻe hokosia ʻo fakahaaʻi ʻa e founga ʻe lava ke fakaava ai ʻe he ʻulungāanga leleí ʻa e faingamālie ke fai ai ha fakamoʻoní.

Hiva 9 (37) mo e lotu tuku.

Uike Kamata Nōvema 21

Hiva 21 (191)

10 min: Ngaahi fanongonongo fakalotofonua.

20 min: ʻAi ʻa Sihova ko Ho ʻOtuá Ia. Malanga ke fai ʻe ha tokotaha mātuʻa ʻo makatuʻunga ʻi he Taua Leʻo ʻo ʻEpeleli 1, 2005 peesi 25-8. Ngāueʻaongaʻaki ʻa e ngaahi lēsoni ʻe lava ke tau maʻu mei he faʻifaʻitakiʻanga ʻa ʻĒpalahame, Tēvita pea mo ʻIlaisiaá.

15 min: “Fakahāhā ʻa e Mahuʻingaʻia Fakafoʻituitui​—ʻAki ʻa e Hoko ʻo Fakatokanga Meʻa.”b Fakakau ki ai ha fakahāhā ʻo ha tokotaha malanga ʻokú ne fakatokangaʻi ha meʻa ʻa ia ʻoku fakahaaʻi ai ʻa e ngaahi meʻa ʻoku mahuʻingaʻia ai ʻa e tokotaha-ʻapí pea feliliuaki leva ʻa ʻene ngaahi fakamatalá ke feʻungamālie mo ia.

Hiva 7 (51) mo e lotu tuku.

Uike Kamata Nōvema 28

Hiva 17 (187)

12 min: Ngaahi fanongonongo fakalotofonua. Lau ʻa e ngaahi fakamatala paʻangá pea mo hono fakamālōʻiaʻi ʻa e ngaahi tokoní. Fakamanatu ki he kau malangá ke ʻomai ʻenau līpooti malaʻe ngāue ki Nōvemá. ʻI hono ngāueʻaki ʻa e ngaahi fokotuʻu ʻi he peesi 4 (kapau ʻoku feʻungamālie ki ho feituʻú), fakahāhā ʻa e founga ke tuʻuaki ai ʻa e Taua Leʻo ʻo Tīsema 1 pea mo e Awake! ʻo Tīsema 8. ʻE ngāueʻaki nai ʻa e ngaahi tuʻuaki ʻaonga kehé. Fakakau ki ai ʻa e lave ki he fokotuʻutuʻu tokoní.

15 min: “ʻE Lava Fēfē Ke Mau Tokoni Atu?” Ko ha malanga. Lave ki ha ngaahi faʻifaʻitakiʻanga ʻe niʻihi ʻo e ngaahi feinga naʻe fai ʻe he kau sevāniti ʻa Sihová ke ʻoatu ai ʻa e tokoni maʻá e kaungātui ne nau fiemaʻu ʻa e tokoni fakavavevavé. (Sio ki he ngaahi ʻīsiu ʻo e Awake! ʻo ʻAokosi 8, 2003, p. 10-​15; Nōvema 22, 2002, p. 19-​24; mo ʻOkatopa 22, 2001, p. 23-​7. ʻE lava foki ke ngāueʻaki ha ngaahi maʻuʻanga fakamatala kehe.) Lāulea leva ki he ngaahi poini tefito mei he kupu ʻi he peesi 3 ʻo ʻEtau Ngāue Fakafaifekau ʻo e Puleʻanga. Fakamamafaʻi ʻo pehē kapau ʻoku loto ha taha pē ke fai ha tokoni maʻá e ngaahi foaki fakaetangatá mo e foaki tokoní, ʻoku lelei ange ke nau fai ʻeni ʻaki hono ʻave ʻa e paʻangá ki he “Ngāue ʻo e Puleʻanga.”

18 min: Ko Hono Malangaʻi ʻa e Ongoongo Leleí ʻi Tīsemá. Malanga mo e fetalanoaʻaki pea mo e kau fanongó. ʻI ha malanga fakahāhā miniti ʻe nima, fakamanatu nounou ʻa e ngaahi poini hokó mei he “Founga ke Ngāueʻaki Ai ʻa e Ngaahi Sīpinga Tuʻuakí,” ʻa ia ʻoku hā ʻi he peesi 8 ʻo ʻEtau Ngāue Fakafaifekau ʻo e Puleʻanga ʻo Sanuali 2005: (1) Te tau ola lelei ange maʻu pē kapau te tau leaʻaki ʻa e ngaahi tuʻuakí ʻi he ngaahi lea pē ʻa kitautolú. (2) Kuo pau ke tau ngāueʻaki ʻa e fakafuofua leleí pea ke feliliuaki ʻetau tuʻuakí ke feʻunga mo e meʻa ʻoku tali lelei fakalotofonuá. (3) ʻOku fiemaʻu ke tau fakakaukau ki he puipuituʻa mo e fakakaukau ʻa e kakai ʻi hotau feituʻu ngāué. (4) ʻOku totonu ke tau lau fakalelei ʻa e vahe ʻa ia ʻoku tau palani ke fakahāʻí pea sio ki he ngaahi poini te ne langaʻi nai ai ʻa e mahuʻingaʻiá. (5) ʻOku ʻikai fakangatangata kitautolu ʻi hono ngāueʻaki ʻa e ngaahi fakaofiofi ʻoku ʻomai ʻi he ngaahi sīpinga tuʻuakí. Lāulea leva ki he founga ke ngāueʻaki ai ʻa e ngaahi poini ko iá ʻi hono tuʻuaki atu ʻa e tohi ʻoku tuʻuaki ʻi Tīsemá. ʻE lava ke ke ngāueʻaki ʻa e ngaahi sīpinga tuʻuaki ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2005 pe ko ha toe ngaahi tuʻuaki kehe ʻa ia ʻoku ola lelei fakalotofonuá. Fakahāhā ha tuʻuaki ʻe taha pe ua.

Hiva 4 (43) mo e lotu tuku.

Uike Kamata Tīsema 5

Hiva 23 (200)

10 min: Ngaahi fanongonongo fakalotofonua.

15 min: Ngaahi fiemaʻu fakalotofonua.

20 min: “Meʻa ʻOku Lavaʻi ʻe Heʻetau Ngāue Fakafaifekaú.”c ʻI he lāulea ki he palakalafi 5, fakakau ki ai ʻa e ngaahi fakamatala ʻi he Taua Leʻo ʻo Fepueli 15, 2004, peesi 32.

Hiva 7 (51) mo e lotu tuku.

[Fakamatala ʻi lalo]