Fokotuʻu ki he Fekumí

Ngāue Maʻá e Fānaú

ʻOku maʻu ʻe he ngaahi mātuʻá ʻa e fatongia mafatukituki ke akoʻi ʻenau fānaú fekauʻaki mo Sihova. (ʻEf. 6:4) Ke tokoni ki he ngaahi mātuʻá, kuo faʻu ʻe he kautaha ʻa Sihová ʻa e ngaahi fakamatala kehekehe. ʻE lava fēfē ke ke ngāueʻaki ia ke akoʻiʻaki hoʻo fānaú?

• Fekumi ki he fakamatalá. ʻOku maʻu ʻi he jw.org ʻa e naunau kotoa kuo faʻu maʻá e fānaú, kau ai ʻa e ngaahi vitiō mo e ngaahi ngāue kuo hiki.a Ke maʻu ení, taipeʻi ʻa e “Fānau” pe “Toʻutupu” ʻi he puha fekumí.

• Fili ʻa e naunau feʻungamālié. Ko e meʻa ʻoku hā ʻi he konga “Fānau” ʻe lava ke ne tokoniʻi koe ke fili ʻa e ngaahi ngāue ʻoku feʻungamālie ki hoʻo kiʻi tamá. Ke maʻu iá, fekumi ki he “Poloseki Lotu Fakafāmili.”

• Kau ki ai. Fakaʻehiʻehi mei hono ngāueʻaki ʻetau ngaahi vitioó pe ngaahi ngāue kuo pulusí ke hanganoa ai hoʻo fānaú. ʻI hono kehé, lāulea ki ai mo hoʻo kiʻi tamá pea tokoniʻi ia ke langa hake ʻene kaumeʻa mo Sihová.