ʻAi ke Kau Maʻu Pē ʻi he Ngāue Fakamalangá

¹ ʻOku tau fakapapauʻi ke kau maʻu pē ki he ngāue fakamalanga? ʻOku tau fakamātoato ke ʻoatu ʻi he taimi totonu ʻetau lipooti ngāue fakamalangá ki he Kingdom Hall he māhina taki taha? Ko e meʻa ia ʻoku totonu ke tau feinga ke fai ʻe kitautolu kotoa pē, ʻo ʻoua naʻa tuku ke hala ha māhina kae kau ʻi ha faʻahinga founga ki hono fakahāhā atu ʻetau tuí.​—Loma 10:​9, 10.

² Tukukehe ʻetau kau maʻu pē ʻa kitautolú, ʻoku totonu ke tau tokanga ke tokoni ki ha niʻihi kehe ke kau maʻu pē ʻi he ngāue fakamalangá. (Fili. 2:4) ʻE anga-fēfē haʻatau fai ʻa e meʻá ni? Te tau fakaafeʻi nai ʻa e kau malanga taʻepapitaiso ʻa ia ko ʻenau toki kamata foʻou ʻi he ngāue fakamalangá ke ngāue fakataha mo kitautolu. Ko ha taimi-tēpile ki he ngāué ʻoku huʻufataha hono faí ʻe tokoni ia ke fokotuʻu maʻu ʻa e moʻoní ʻi honau lotó.

³ ʻAi ke kau maʻu pē ki he ngāue fakamalangá. ʻOmi maʻu pē hoʻo lipooti ki hoʻo ngāue fakamalangá he māhina taki taha. Tokoni ki ha niʻihi kehe ke kau maʻu pē ki he ngāue fakamalangá. Fakahā ʻa e “ofa ki he kaiga lotu.”​—1 Pita 2:​17, PM.