“Te U Toʻo Hoʻo Tohí Kapau Te Ke ʻAve ʻEku Tohí”

Ko e fokotuʻu ia ʻa e niʻihi ʻi he ngaahi ʻapí. Koeʻuhi ʻoku ʻikai te tau fakafetongi ʻa ʻetau ʻū tohi tokoni ako Tohi Tapú ki ha ngaahi tohi fakalotu ʻa ia ʻoku fakamafola hala, ʻe lava fēfē nai ke tau fai ha tali fakapotopoto? (Loma 1:25) ʻE lava ke tau pehē: “Mālō ʻaupito hoʻo fokotuʻú. Ko e hā ʻoku lau heni fekauʻaki mo e fakaleleiʻanga ki he ngaahi palopalema ʻa e faʻahinga ʻo e tangatá? [Tuku ke ne tali. Kapau te ne fakaafeʻi koe ke ke lau ʻene tohí ke maʻu ai ʻa e talí, ʻe lava ke ke fakamanatu ange ʻoku ʻikai te ke tuʻuaki ha tohi ʻo ʻikai tala ange kiate ia ʻa e ngaahi meʻa ʻoku hā ʻi lotó. Lau leva pe lave ki he Mātiu 6:9, 10.] Naʻe fakahaaʻi ʻe Sīsū ko e Puleʻanga ʻo e ʻOtuá te ne fakahoko mai ʻa e finangalo ʻo e ʻOtuá ki he māmaní. Ko ia ai, ko e ʻū tohi fakalotu pē ʻoku ou laú ʻa ia ʻokú ne fakamamafaʻi ʻa e Puleʻanga ʻo e ʻOtuá. ʻE lava nai ke u fakahaaʻi atu mei he Tohi Tapú ha ngaahi meʻa pau ʻe fakahoko ʻe he Puleʻanga ʻo e ʻOtuá?”