MOʻUI KO HA KALISITIANE
ʻOku Tokoniʻi Kitautolu ʻe Sihova ʻi Hotau Ngaahi ʻAhiʻahí
Lolotonga ʻa e ngaahi ʻaho fakaʻosi ko ení, ʻoku tau fehangahangai mo e ngaahi ʻahiʻahi faingataʻa. ʻI he taimi ʻe niʻihi, te tau ongoʻi nai ko ʻetau ngaahi ʻahiʻahí ʻoku fuʻu lahi ke tau kātekina. Kae kehe, kapau te tau hokohoko atu ke ʻunuʻunu ofi kia Sihova, te ne tokoniʻi kitautolu ke tau kātekina naʻa mo e ngaahi ʻahiʻahi fakalotomamahi tahá. (ʻAi. 43:2, 4) ʻE lava fēfē ke tau ʻunuʻunu ofi kia Sihova ʻi heʻetau fekuki mo e ngaahi ʻahiʻahí?
Lotu. ʻI heʻetau huaʻi atu hotau lotó kia Sihová, te ne ʻomai ʻa e nonga mo e mālohi fakaeongo ke kātekina ia.—Fil. 4:6, 7; 1 Tes. 5:17.
Ngaahi fakataha. ʻOku tau fiemaʻu ʻa e meʻakai fakalaumālie mo e feohi ʻoku tokonaki ʻe Sihova ʻi heʻetau ngaahi fakatahá ʻo laka hake ʻi ha toe taimi. (Hep. 10:24, 25) ʻI heʻetau teuteu, maʻu, pea kau ʻi he ngaahi fakataha ʻa e fakatahaʻangá, ʻoku tau maʻu ʻaonga ai mei he tokoni ʻa e laumālie ʻo Sihová.—Fkh. 2:29.
Ngāue fakafaifekau. Kapau te tau fai ʻa e meʻa kotoa ʻoku tau malavá ke hanganaki longomoʻui ʻi he ngāue fakafaifekaú, ʻe faingofua ange ai ke tau tokangataha ki he ngaahi meʻa ʻoku leleí. Te tau toe fakaivimālohiʻi ange ai hotau vahaʻangatae mo Sihova mo hotau kaungāngāué.—1 Kol. 3:5-10.
SIO ʻI HE VITIŌ ‘E ‘OMI KOE ‘E SIHOVA KIATE IA, PEA TALI LEVA ‘A E NGAAHI FEHUʻI KO ENÍ:
Ko e hā naʻá ne tokoniʻi ʻa Malu ke nofo ofi kia Sihova lolotonga hono ngaahi ʻahiʻahí?
Hangē ko Malu, ʻoku anga-fēfē hono ʻomai ʻe he Saame 34:18 ʻa e fakafiemālie lolotonga hotau ngaahi ʻahiʻahí?
ʻOku anga-fēfē hono fakahaaʻi ʻe he hokosia ʻa Malu ʻoku ʻomai ʻe Sihova ʻa e “mālohi ʻoku mahulu atu ia ʻi he tuʻunga anga-mahení” ʻi heʻetau hokosia ʻa e ngaahi ʻahiʻahí?—2 Kol. 4:7