June

Jehova wakabalongezya maKkristu bamumwaanda wakusaanguna kweendelana azyiimo zyakaliwo. Bakali kukkala kabapenzegwa alubo chimwi chiindi bakali kupenzegwa kabatalangilili pe. Amubone zyakachitikila Bbanabbasi amwaapostoli Pawulu chiindi nibakali kukambawuka kuListra. Chiindi nibakasika mumuunzi ooyu, bakabatambula kabotu akubaswiilila. Pesi nikwakayinda chiindi, basikukazya “bakasungilizya bantu” alubo bamwi babantu aabo bakatulula Pawulu amabwe akumusiya kababonaanga wafwa. (Mil. 14:19) Pesi Bbanabbasi aPawulu bakakukambawuka kumbi. Bakajana mpinduunzi? Bakagwasya “bantu biingi kuti babe basikwiiya” alubo majwi aabo azikozyano zyabo zyakagwasya bakombinyina. (Mil. 14:​21, 22) Bantu biingi bakagwasigwa nkaambo Bbanabbasi aPawulu teebakaleka pe kukambawuka nikuba kuti bakali kupenzegwa. Andiswe kuti teetwaleka pe kuchita mulimu Jehova ngwaakatulayilila kuti tuchite, tuyoojana zilongezyo. w23.04 16-17 ¶13-14

Davida wakaswaanana aabasinkondonyina mubuumi bwakwe boonse alubo wakali kukkala kakomba kuli Jehova kuti amugwasye. Davida wakali aachoonzyo chakuti Jehova ulazimvwa alubo ulazisandula nkombyo zyakwe. Anduwe ulakonzya kuba aachoonzyo chakuti ulakonzya kuzisandula ankombyo zyako. Bbayibbili litondeezya kuti Jehova utupa busongo amanguzu ngituyandikana kuti tulisimye. Ulakonzya kubelesya bakombima naakuti bantu batamukombi kuti batugwasye. Nikuba kuti chimwi chiindi Jehova tasanduli nkombyo zyesu munzila njituyeeyela pesi tuli aachoonzyo chakuti ulazisandula. Ulatupa nzituyanda aachiindi cheelede. Nkinkaako, yinkilila kunembo kukomba kuli Jehova kuli aalusyomo lwakuti uyookulangania akuti uyookkutya “cilenge coonse cipona” munyika mpya.—Int. 145:16. w23.05 8 ¶4; 13 ¶17-18

Kulayandikana kuti tubikkile maanu kububotu bukonzya kuba kuti wazuzikizya zipeekezyo zyako. Mbuubuli bubotu mbukonzya kubikkila maanu? Kuti walibikkila chipeekezyo chakubala Bbayibbili naakuti chakukomba, yeeya mbuzikonzya kusimya bweenzinyokwe aJehova. (Int. 145:​18, 19) Kuti walibikkila chipeekezyo chakubelekela bumwi buntu bwachiKkristu, bikkila maanu kunzila mbubukonzya kukugwasya kuti umvwanane aabamwi. (Kol. 3:14) Zilembe aansi zintu zyoonse zipa kuti uyande kuzuzikizya chipeekezyo chako. Mpawo chiindi achiindi, langa kuti kuli nchwaakazuzikizya na. Alubo mvwanana aabantu bakusungwaazya kuti uzuzikizye chipeekezyo chako. (Tus. 13:20) Chimwi chiindi ngatwalimvwa katutakwe chiyandisyo pe. Eezi zyaamba kuti nga tatuchikonzyi na kubelekela kuzuzikizya chipeekezyo chesu? Peepe. Andiswe chiindi nitutakwe chiyandisyo tulakonzya kuyanduula imwi nzila yakuzuzikizya chipeekezyo chesu. Nikuba kuti kuchita oobo teekuuba pe pesi tulabotelwa kuti twazwidilila kuzuzikizya chipeekezyo chesu. w23.05 27-28 ¶5-8

Kuziba kuti tujana mpindu akaambo kakusala kwesu kulakonzya kutugwasya kuti tulyaambilile zibi zyesu, tubambulule mputupambanisya akuti tutachiindululi lubo pe chintu nchitwapambanisya. Kubweza ntaamu zili boobu kutugwasya kuti tukkale katuli mumuzundaano wabuumi. Kuti kutakonzyi kubambulula zintu nzwaakapambanisya, chitambule chiimo chako. Utamaninsyi chiindi amanguzu kuli kuyanda kulisalazya, kulisola naakuti kusola bamwi. Pesi zumina kulubizya nkwaakachita akuti ubambulule kuchitila kuti muchiindi chitobela uzoosale kabotu. Kuti moyo wako kuli kukupa mulandu, libombye kuli Jehova kwiinda mukukomba kulinguwe, umubuzye kuti wakabisya alubo umukumbile kuti akulekelele. (Int. 25:11; 51:​3, 4) Kumbila lulekelelo kuli baabo mbwaakabisizya alubo kuti kakuyandikana kumbila baalu kuti bakugwasye. (Jak. 5:​14, 15) Yiya kuzwa kukulubizya kwako alubo utazooyindululi lubo pe. Kuti wachita oobo, baachoonzyo chakuti Jehova uyookufwida luzyalo akuti uyookugwasya.—Int. 103:​8-13. w23.08 28-29 ¶8-9

Jehoyada wakamugwasya loko Mwaami Jehoyashi kuti abe muntu uulikabotu. Eezi zyakapa kuti mwaami ooyu wakachili muniini, achite zintu zibotezya Jehova. Pesi Jehoyada naakafwa, Jehoyashi wakasaanguna kuswiilila basilutwe basiluleyo. (2 Mak. 24:​4, 17, 18) Nikuba kuti zyakamuchisa Jehova, pesi “wakazumanana kubatumina basinsimi kutegwa babapilusye kuli Jehova. . . , pele bakakaka kuswiilila.” Teebakamuswiilila pe mwana waJehoyada, Zekkariya. Zekkariya wakali mupolofita waJehova, wakali mupayizi alubo wakali bbululu waJehoyashi. Nikuba boobo, Mwaami Jehoyashi wakalayilila kuti Zekkariya ajayigwe. (2 Mak. 22:11; 24:​19-22) Jehoyashi taakakkala kayoowa Jehova pe. Jehova wakaambide kuti: “Aabo bandisampaula ndiyoobasampaula.” (1 Sam. 2:30) Mukuya kwachiindi, masoja mache aakuSiriya akazunda “mpi yabasikalumamba mpati” yaJehoyashi alubo “bakamucisa kapati.” (2 Mak. 24:​24, 25) Jehoyashi wakajayigwa ababelesi bakwe akaambo kakuti wakajaya Zekkariya. w23.06 18-19 ¶16-17

Mwaapostoli Pawulu wakali wakkala kwachiindi chilamfu kali mu-Efeso kakambawuka akuyiisya bantu makani mabotu. (Mil. 19:​1, 8-10; 20:​20, 21) Wakali kubayanda loko bakombinyina alubo wakali kuyanda kuti bakkale kabasyomeka kuli Jehova. MaKkristu baku-Efeso kabatanayiya kasimpe akuba maKkristu, bakali mubukombi bwakubeja alubo bakali kusyoma zyamasalamusi. Bantu baku-Efeso bakazibikene aampuwo yakuchita bwaamu bwamisyobo yoonse akuchita michito iitondwa. Zintu nzibakali kuchita kabasaana mumabuwa aamudolopo amuzikombelo, chiindi chiingi, zyakali atala akoonana. (Ef. 5:3) Bantu biingi bamu-Efeso ‘teebakachili kutilimuka pe nibabisya,’ nkukwaamba kuti “teebakachili kumvwa kuchisa pe.” (Ef. 4:​17-19) Bantu baku-Efeso kabatanayiya musiyano uuliwo aakati kachibotu achibi, myoyo yabo teeyakali kubapa mulandu pe. Akaambo katwaambo ootu, Pawulu wakaamba kuti “mizeezo yabo ili mumudima alubo balaanzaanisidwe kubuumi buzwa kuli Leza.” Bamwi bantu baku-Efeso teebakakkala kabali mudima pe. w24.03 20 ¶2, 4; 21 ¶5-6

Gidiyoni wakeelede kubeleka changuzu chiindi naakali mubetesi. MaMidiyani nibakachija kunkondo mansiku, Gidiyoni wakabaandila kuzwa kuKkuti lyaJezreyeli kusikila kuMulonga waJordani. (Bab. 7:22) Gidiyoni taakajinkila aaMulonga waJordani pe, nikuba kuti wakalikatede kalaamwi amasoja aakwe bali 300 bakazubuka. Alubo wakayinkilila kunembo kubaandila basinkondonyina. Wakazoobeenzya maMidiyani mpawo wakabazunda. (Bab. 8:​4-12) Gidiyoni wakasyoma Jehova kuti ulamupa manguzu alubo taakwe naakamulekelezya pe. (Bab. 6:​14, 34) Chiindi Gidiyoni amasoja aakwe nibakali kwaandila baami babili bamaMidiyani amawulu, kuyeeyelwa kuti baami aabo bakagadide aankamela. (Bab. 8:​12, 21) Leza wakagwasya ma-Israyeli aaba kuti babeenzye baami aabo, alubo bakabazunda. Baalu ambabo beelede kusyoma Jehova nkaambo “takatali pe nokuba kuwizuka.” Uyoobapa manguzu chiindi nibayandikana kugwasigwa.—Is. 40:​28, 29. w23.06 6 ¶14, 16

Tulakonzya kuba aamoyo uukkalikene nikuba kuti twaswaana mapenzi aalibiyeni mubuumi. Syoma Jehova. Bbarakki wakazunda akaambo kakuti wakasyoma malayilile aaJehova. Aachiindi eecho, ma-Israyeli teebakalibambilide pe kuya kunkondo. Alubo teebakalikwe zilwanisyo pe. Pesi Jehova wakabuzya Bbarakki kuti ayinke akalwane silutwe wamasooja wakuKkenani uutegwa Sisera amasooja aakwe nikuba kuti bakali aazilwanisyo zyiingi. (Bab. 5:8) Mupolofita wachanakazi Debbora wakabuzya Bbarakki kuti aseluke aachilundu mpaakabede ayinke aanyika iitendebede akalwane Sisera amasooja akali kweenzya ngolo zyankondo zili 900. Nikuba kuti Bbarakki wakalizi kuti kwakali kuyumu loko kuti ma-Israyeli balwane ngolo zyankondo zyaSisera zyakali kuchijaanisya loko aanyika iitendebede, wakaswiilila nzyaakabuzigwa. Chiindi masooja nibakali kuseluka aachilundu chaTabbori, Jehova wakawisya mvula. Nkalaki zyaSisera zyakabbaja mumadaka alubo Jehova wakapa kuti Bbarakki azunde. (Bab. 4:​1-7, 10, 13-16) Munzila iikozyene, Jehova ulakonzya kutupa manguzu aakuti tuzunde kuti twamusyoma akutobela malayilile ngatupa kabelesya mbunga yakwe. w23.07 19 ¶17-18

Tweelede kuba amoyo mulamfu kuchitila kuti tuzoofutuke. Mbuli bakombi baJehova bachiindi basyomeka, tweelede kuba aamoyo mulamfu chiindi nitulindila kuti Jehova azoozuzikizye zisyomezyo zyakwe. (Heb. 6:​11, 12) Bbayibbili likozyanisya chiimo chesu achamulimi. (Jak. 5:​7, 8) Mulimi nga ubeleka changuzu chiindi nabyala akutiliila mbuto yakwe, pesi ngatazi pe kuti mbuto eeyo izoomena lili. Nkinkaako, mulimi ulalindila kalaamoyo mulamfu alubo kasyoma kuti uzootebula. Munzila iikozyenie, tukkala katujisikini mumilimu yabukombi nikuba kuti tatuzi pe ‘buzuba mwaami wesu mbwatazoosike.’ (Mt. 24:42) Tulalindila katuli aamoyo mulamfu alubo katusyoma kuti nichazookkwana chiindi chakwe, Jehova uzoozuzikizya zisyomezyo zyakwe zyoonse nzyaakasyomezya. Kuti teetwaba aamoyo mulamfu, tulakonzya kukatala kulindila mpawo tusiye kasimpe. Alubo tulakonzya kusaanguna kuyanduula zintu zipa kuti tubotelwe kwachiindi chifwiifwi lino. Pesi kuti twaba aamoyo mulamfu, tulakonzya kulisimya kusikila kumamanino alubo tuzoofutulwa.—Mik. 7:7. w23.08 22 ¶7

Kuti twalanga-langa bupolofita buli muli Daniyele 2:​41-43 abumwi buli mubbuku lyaDaniyele aChiyubunuzyo, tubona kuti zituta eezyo zyiiminina Britain a-America, mfulumende iilaanguzu loko mazubaano. Kaliikwaamba mfulumende eeyi iilaanguzu loko, Daniyele wakaamba kuti “bwami oobo bunooli buyumu aciindi nciconya bunooli buteteete mbuli bulongo bupwaika buyo.” Nkamboonzi mfulumende eeyi nitasimide pe? Nkaambo bantu bayimininwa aabulongo butete bapa kuti bwaami oobu butasimi pe mbuli nsimbi. Twiiya zintu zyiingi kuzwa kuzintu zyakapandululwa aaDaniyele atala achibumbwa. Chakusaanguna, mfulumende yaBritain a-America yakatondeezya kuti ilaanguzu. Muchikozyano, mfulumende eeyi yakazunda muNkondo Yanyika Yoonse Yakusaanguna amuNkondo Yabili Yanyika Yoonse. Nikuba oobo, mfulumende eeyi tayisimide pe alubo iyooyinkilila kunembo kayili oobo akaambo kakuti bantu mbiyendelezya balikukazyaniaayo. Chachibili, mfulumende yaBritain a-America njiyo yakumamanino ilaanguzu itanoyendelezye kusikila Bwaami bwaLeza buzoonyonyoone mfulumende zyabantu zyoonse. w23.08 10-11 ¶12-13

Chimwi chiindi, Davida wakali kukataazikana akaambo kamapenzi amasunko ngaakali kuswaana. (Int. 18:​4, 5) Pesi luyando lwaJehova lupati anzila njaakali kumulangania aayo zyakamukatalusya. Jehova wakatola Davida ‘kumacelelo aamweemvwe’ ‘akumasena aakulyookezyela aajisi maanzi’ naakamanide manguzu. Eezi zyakapa kuti Davida abe aamanguzu lubo akuti ayinkilile kunembo kubelekela Jehova kabotelwa. (Int. 18:​28-32; 23:2) Munzila iikozyenie, mazubaano “nduyando lutamani lwa Jehova ilwapa kuti tutalobi,” chiindi nitwaswaana mapenzi mubuumi. (Malo. 3:22; Kol. 1:11) Chiindi chiingi, buumi bwaDavida bwakali mungoozi alubo wakali aabasinkondonyina biingi bakali aanguzu. Nikuba oobo, luyando lwaJehova lwakapa kuti alimvwe kakwabililidwe. Davida wakabona kuti Jehova wakali aanguwe kufumbwa muchiimo nchaakabede alubo wakaba aachoonzyo chakuti unoomugwasya. Nkinkaako, wakayimba kati: “[Jehova] wakandivwuna kuzintu zyoonse izyakali kundiyoosya.” (Int. 34:4) Nikuba kuti chimwi chiindi Davida wakali kuyoowa, pesi wakazunda kuyoowa ooko akaambo kakuti Jehova wakali kumuyanda. w24.01 30 ¶15-17

Yiiya kuzwa kukusala kubi nkwaakachita Jehowashi. Kuzwa naakafwa Mupayizi Mupati Jehoyada, Jehowashi wakasala beenzinyina batali kabotu. (2 Mak. 24:​17, 18) Wakasala kuti aswiilile basilutwe bachiJuda bakatali kuyanda Jehova. Amwi ulakonzya kulibuzya kuti ani wakabonaayi kutantamuka bantu aabo bakamunjizya mumapenzi? Zilawusisya kuti Jehowashi wakaswiilila bantu mbaakali kubonaanga mbeenzinyina balikabotu. Chiindi bbululu waJehowashi, Zekkariya, naakeezya kumululamika, Jehowashi wakalayilila kuti ajayigwe. (2 Mak. 24:​20, 21; Mt. 23:35) Oobu mbufuba-fuba! Jehowashi wakasaanguna kali mwaami uulikabotu pesi wakazooba muntu uupapila alubo mujayi. Kumamanino, babelesi bakwe bakazoomujaya. (2 Mak. 24:​22-25) Kaansinga Jehowashi wakayinkilila kunembo kuswiilila Jehova abaabo bayanda Jehova, nikuli zintu zyakamweendela kabotu mubuumi. w23.09 9 ¶6

Jesu wakalizi kuti mwaapostoli Petro ulakonzya kukkala kasyomeka kuli Jehova, nkinkaako, Jesu wakamufwida luzyalo Petro mpawo wakamubuzya kuti “utayoowi pe.” Kweelede kuti majwi aaJesu akamugwasya loko Petro muchiindi chakazootobela. Petro amwanikaakwe Andreya bakazoosiya mulimu wakuteya baswi mpawo bakaba batobeli baMesiya. Kusala nkubakachita kwakapa kuti bajane zilongezyo. (Mk. 1:​16-18) Petro wakabona zintu zigambya loko akaambo kakuba mutobeli waKkristu. Wakabona Jesu kalikuponia bachiswa, kwaanda madimoni akubusya bantu bakafwide. (Mt. 8:​14-17; Mk. 5:​37, 41, 42) Alubo Petro wakabona chilengaano chaJesu kali Mwaami waBwaami bwaLeza. Chilengaano eechi taakachiluba pe Petro. (Mk. 9:​1-8; 2 Pet. 1:​16-18) Petro wakabona zintu nzyaakatali kukonzya kubona pe kaansinga wakakaka kuba mutobeli waJesu. Kweelede Petro wakabotelwa loko akaambo kakuti taakazumizya maboneno aatali kabotu kuti ape kuti akachilwe kujana zilongezyo nzyaakajana! w23.09 21 ¶4-5

Mulugwalo lwakwe lwakusaanguna, mwaapostoli Petro wakabelesya majwi aakuti “amuyandane loko.” Luyando luli boobu taluvimbi zibi ziche luzutu pesi luvumba “zibi zyiingi.” (1 Pet. 4:8) Kweelede kuti Petro wakayeeya chiiyo nchaakayiisigwa aaJesu muminyaka yakali yayinda chakali atala akulekelela. Aachiindi eecho, kweelede kuti Petro wakali kubonaanga wakali muntu uulekelela chiindi naakaamba kuti wakali kuzoolekelela mukombinyina kwaziindi “zili musanu azibili.” Pesi Jesu wakamuyiisya kuti alekelele kusikila “kuziindi zili 77,” nkukwaamba kuti wakeelede kulekelela chiindi choonse. (Mt. 18:21) Kuti kakukuyumina kubelesya malayilile aaya, utamani manguzu pe. Chimwi chiindi bakombi baJehova boonse ngakwabayumina kuti balekelele bamwi akaambo kakuti tabamaninide pe. Chintu chiyandikana loko nchakuti ubweze ntaamu yakuti ulekelele mukombinyokwe akuti ubambe luumuno anguwe. w23.09 29 ¶12

Naakali mwida lyamuswi, Jona wakachili aachoonzyo chakuti Jehova ulayiswiilila nkombyo yakwe nkaambo wakalibombya alubo wakasanduka. Alubo chakuti Jehova wakali kuyoomugwasya. Jona wakazooba aanyika njumu alubo wakalilibambilide kutambula akuchita mulimu ngwaakazoopegwa. (Jon. 2:10–3:4) Chiindi nuswaana sunko, ngawakataazikana loko na zyakuti nga wakachilwa kukomba kuli Jehova? Naakuti ngawalimvwa kukatede zyakuti ngatuchiyandi pe kubala? Utalubi kuti Jehova ulachimvwisisisya chiimo chako munzila iimaninide. Nikuba kuti wakomba mumajwi mache biyo, Jehova ulakupa zintu nzuyanda kuti ulisimye. (Ef. 3:20) Kuti kakukuyumina kubala akukomba akaambo kakuchiswa, kulimvwa kukatede naakuti kukataazikene, ulakonzya kuswiilizya Bbayibbili lyakalekkoodwa naakuti mabbuku eesu akalekkoodwa. Alubo ulakonzya kugwasigwa kuti waswiilizya miimbo eesu naakuti kweebela mavidiyo aali ajw.org. Jehova ulakonzya kukusimya kuti wakomba kulinguwe akuyanduula nsandulo zyankombyo zyako muBbayibbili amuli zimwi zintu zyabukombi nzyatupede. w23.10 13 ¶6; 14 ¶9

Tente lyakukombela amatempele aakazooyakwa muJerusalema akayakidwe munzila iikozyenie. Mukati mwakali ndawu zibili, “Ndawu Iisalala” ‘aNdawu Iisalalisya’ alubo ndawu eezi zyakaanzaanisidwe aakketeni. (Heb. 9:​2-5; Kul. 26:​31-33) MuNdawu Iisalala mwakali chibikkilo chamalambe changolida, chipayililo chakuumpila tununkilizyo atebbulu lyazinkwa zyazitondeezyo. “Ibapaizi bakananikidwe” kupela mbabo bakali kuzumizigwa kuti banjile muNdawu Iisalala kuti bachite milimu yabo iisalala. (My. 3:​3, 7, 10) MuNdawu Iisalalisya mwakali bbokesi lyangolida lyachizuminano alubo lyakali kwiiminina kubawo kwaJehova. (Kul. 25:​21, 22) Mupayizi mupati kupela nguwe wakali kuzumizigwa kunjila muNdawu Iisalalisya muBuzuba Bwakumania Milandu munyaka amunyaka. (Lev. 16:​2, 17) Mupayizi wakali kunjila aaganzi lyabanyama kuti amaninsye zibi zyakwe azyachisi choonse chama-Israyeli. Mukuya kwachiindi, Jehova wakazoozibikka aantanganana kuti zintu zyakali mutente lyakukombela zyakali kwiimininaanzi.—Heb. 9:​6-7.w23.10 27 ¶12

Kwaziindi zyiingi, muJwi lyaLeza tujana mulawu wakuti ‘tuyandane.’ (Joh. 15:12; Rom. 13:8; 1 Tes. 4:9; 1 Pet. 1:22; 1 Joh. 4:11) Nikuba oobo, luyando mbuntu buli mumyoyo yesu naakuti mbuntu bwamuntu wamukati alubo taakwe muntu pe uukonzya kubona myoyo yesu. Nkinkaako, kujana twachita biyeni kuti bamwi bantu babone kuti tulayandana? Tulakonzya kuzitondeezya eezi kwiinda muzintu nzitwaambuula anzituchita. Kuli nzila zyiingi mutukonzya kutondeezya kuti tulabayanda bakwesu abachizi. Nzezi zimwi zikozyano: “Amwaambilane zyamasimpe umwi amweenzinyina.” (Zek. 8:16) “Mubambe luumuno aakati kanu.” (Mk. 9:50) “Kumakani aakulemekana, amube kunembo.” (Rom. 12:10) “Amutambulane.” (Rom. 15:7) “Amwiinkilile kunembo . . . kamulekelelana.” (Kol. 3:13) “Amwiinkilile kunembo kunyampuzyania mikuli iilema.” (Gal. 6:2) “Amwiinkilile kunembo kuumbulizyania.” (1 Tes. 4:18) “Amwiinkilile kunembo . . . kuyakana.” (1 Tes. 5:11) “Amukombelane.”—Jak. 5:16. w23.11 9 ¶7-8

Buzuba abuzuba tusala zintu ziyanda kuti tutondeezye kuti tuli aalusyomo lusimide. Muchikozyano, nga twasala bantu bakumvwananaabo, zyakulikondelezya, lwiiyo, muntu wakukwataanaawe, kusala kuba aabana amulimu. Kulayandikana kulibuzya kuti: ‘Kusala nkundichita kutondeezya kuti ndili aachoonzyo na chakuti nyika eeyi mbi yaba aafwiifwi kunyonyoonwa akuti lino-lino Leza uleeta nyika mpya? Ndisala zintu kweendelana aambubasala na bantu batasyomi pe kuti tuzoopona kukabe kutamani?’ (Mt. 6:​19, 20; Lk. 12:​16-21) Tulakonzya kusala munzila yabusongo kuti twasimya lusyomo lwesu akuba aachoonzyo chakuti nyika mpya yaba aafwiifwi. Kuli mapenzi ngituswaana ayanda kuti tutondeezye kuti tuli aalusyomo lusimide. Tulakonzya kupenzegwa, kuchiswa bulwazi butasilikiki naakuti kuswaana bumwi buyumu-yumu bupa kuti tumane manguzu. Kumasaangunino, tulakonzya kuba aamanguzu aakuti tulisimye kupenzi eelyo. Pesi kuti penzi eelyo lyakkala kwachiindi chilamfu, ngazyayanda kuti tube aalusyomo lusimide kuchitila kuti tulisimye akuti twiinkilile kunembo katukomba Jehova katubotelwa.—1 Pet. 1:​6, 7. w23.04 27 ¶4-5

Jehova uyanda kuti tuchite kweendelana ankombyo zyesu. Muchikozyano, mukwesu ulakonzya kukomba kuli Jehova kuti amugwasye kuti ajane ofu kumulimu kuchitila kuti anjile muswaangano wabbooma. Jehova nga ulayisandula biyeni nkombyo yakwe? Ulakonzya kupa kuti mukwesu ooyu abe aachibindi chakuti akaambuule aabbosi wakwe. Pesi mukwesu ooyu weelede kuti ayinke akakumbile kuli bbosi wakwe. Ulakonzya kukumbila kwaziindi zyiingi kusikila amuzumizye. Mukwesu ulakonzya kukumbila kuti achinchaane awumwi ngwabelekaawe naakuti kukumbila ofu mpawo abuzye bbosi wakwe kuti atazoomubbadali pe mumazuba ngatanooli aamulimu. Jehova uyanda kuti tukombe kulinguwe chiindi choonse atala azintu nzituyanda. Jesu wakaamba kuti chimwi chiindi nkombyo zyesu zilakonzya kutola chiindi kuti zizoosandulwe. (Lk. 11:9) Utamani manguzu pe! Kkala kukomba kazizwa aansi aamoyo. (Lk. 18:​1-7) Kuchita oobo kupa kuti Jehova abone kuti zintu nzituli kukombela zilayandikana. Alubo nga tulikutondeezya kuti tuli aalusyomo lwakuti ulatugwasya. w23.11 22 ¶10-11

Jehova wakasyomezya mweenzinyina Abbrahamu kuti zisi zyoonse zili aanyika zyakali kuyoolongezegwa kwiinda mumwanaakwe. (Matl. 15:5; 22:18) Akaambo kakuti Abbrahamu wakali aalusyomo lusimide muli Leza, wakali aachoonzyo chakuti chisyomezyo chaLeza chakali kuyoozuzikizigwa. Nikuba oobo, Abbrahamu naakaba aaminyaka iili 100 mpawo mwanakazi wakwe naakali aaminyaka iili 90, taakwe nibakaba aamwana pe. (Matl. 21:​1-7) Pesi Bbayibbili lyaamba kuti: “Akaambo kabulangilizi, wakali aalusyomo lwakuti uzooba wisi wazisi zyiingi mbuli mbukwakaambwa.” (Rom. 4:18) Zintu nzyaakali kulangilila Abbrahamu zyakazoozuzikizigwa. Wakaba aamwana ngwaakali kulangilila kwachiindi chilamfu uutegwa Izakka. Niinzi chakapa kuti Abbrahamu abe aachoonzyo chakuti Jehova wakali kuzoochizuzikizya chisyomezyo chakwe? Akaambo kakuti Abbrahamu wakali aabweenzinyina busimide aJehova, “wakali aachoonzyo chimaninide chakuti, eezyo Leza nzyaakasyomezya, wakali kuzoozichita.” (Rom. 4:21) Jehova wakamuyanda Abbrahamu alubo wakamwaamba kuti uliluleme akaambo kalusyomo lwakwe.—Jak. 2:23. w23.12 8 ¶1-2

Mukwesu wachiniini upa kuti bamwi bamusyome kwiinda mukubeleka changuzu kuti achite milimu yakwe yoonse. Yeeya atala achikozyano chimaninide chaJesu. Jesu takali mukandu pe naakuti kuchita zintu katayeeyede pe kuti zizoomweendela biyeni kunembo. Pesi wakachita milimu yakwe njaakapegwa aaJehova nikuba nikwakali kuyumu kuchita oobo. Wakali kubayanda bantu ikapati basikwiiya bakwe alubo wakalipeda kupa buumi bakwe akaambo kambabo. (Joh. 13:1) Chiindi nutobelezya Jesu, beleka changuzu kuti uchite milimu yoonse njupegwa. Kuti kutakwe luzibo atala awumwi mulimu, libombye alubo ukumbile bakwesu bakomena kuti bakugwasye. Utabi mukandu kwiinda mukusiila mulimu wako munzila. (Rom. 12:11) Pesi maninsya mulimu wako, uchite oobo mbuli kuti ‘ubelekela Jehova kutali bantu.’ (Kol. 3:23) Nisimpe kuti anduwe ulaachibi, nkinkaako, libombye alubo uzumine kuti wapambanisya.—Tus. 11:2. w23.12 26 ¶8

Tulabotelwa chiindi nitwabbabbatizigwa akuba mumpuli yaJehova. Nchilongezyo chipati kuba aabweenzuma buli aafwiifwi aJehova. Tuzuminana asintembawuzyo Davida naakati: “Ulikkomene muntu ngosala akuswenya kulinduwe kuti akkale mumabuwa aako.” (Int. 65:4) Jehova takweli kufumbwa muntu kuti aze mumabuwa aakwe. Jehova ukwela aabo batondeezya kuti bayanda kuba aabweenzuma buli aafwiifwi anguwe. (Jak. 4:8) Nkinkaako, kuti walipeda kuli Jehova akubbabbatizigwa, baachoonzyo chakuti chiindi nwaabbabbatizigwa, Jehova ‘ulakupoomweda zileleko zinji kapati cakuti tukoobulizya cintu cili coonse.’ (Malk. 3:10; Jer. 17:8) Kubbabbatizigwa masaangunino biyo. Kulayandikana kuti ubeleke changuzu kuti upone kweendelana achikonke chako nikuba chiindi nwaaswaana masunko aasunka lusyomo lwako. (Muk. 5:​4, 5) Mbuli sikwiiya waJesu, weelede kweezya kutobela chikozyano chakwe amilawu yakwe.—Mt. 28:​19, 20;1 Pet. 2:21. w24.03 8 ¶1-3

Niinzi nzukonzya kuchita kuti kutabotelwi chiindi nimulaamwi angukwetenaawe? Muzyiimo zili boobu, niinzi nzweelede kuchita? Yeeya chikozyano chamulilo. Nuuchisaanguna kuyaka mulilo, tusaanguni kawuli mupati pe. Pesi uyanda kusoselwa alubo nuuyabuyaka nga uyanda kubikkwa nkuni mpati. Munzila iikozyenie, mulakonzya kusaanguna kulibikkila chiindi chiche chakubaamwi buzuba abuzuba. Alubo amusaangune kuchita zintu nzimuyandisya moonse. (Jak. 3:18) Kusaanguna kuchita zintu ziniini kulakonzya kupa kuti luyando lwanu lukomene. Kulemekana kulayandikana mulukwatano. Kuli mbuli moya ngutuyoya uutegwa oxygen uupa kuti mulilo uyake loko. Kuti kakutakwe moya ooyu, mulilo ulazima chakufwambaana. Munzila iikozyenie, kuti bantu bakwetene kabatalemekani, luyando lwabo lulakonzya kutontola chakufwambaana. Pesi kuti babeleka changuzu kuti balemekane, luyando lwabo lunoosimide. Mutalubi kuti, nkani iiliwo teeyakuti ubonaanga ulamuleka muntu ngukwetenaawe, pesi njakuti muntu ngukwetenaawe ulimvwa kuti ulamulemeka na. w23.05 22 ¶9; 24 ¶14-15

MuBbayibbili, bakombi baLeza basyomeka bakaamba atala azimwi ziindi nibakali kulimvwa kabakataazikene alubo kabayoowede akaambo kamapenzi ngibakali kuswaana akuti basinkondonyina bakali kuyanda kubalwana. (Int. 18:4; 55:​1, 5) Munzila iikozyenie, tulakonzya kukazigwa kuchikolo, kumulimu, mumpuli naakuti kukazigwa aamfulumende. Tulakonzya kuyoowa kufwa kuti twajatwa aabumwi bulwazi. Muziindi zili boobu, tulakonzya kulimvwa katutachigwasyi pe mbuli mwana muniini. Jehova utugwasya biyeni muzyiimo zili boobu? Jehova ulatuumbulizya alubo ulatutontozya. Chiindi choonse, ambuula aaJehova kwiinda munkombyo akubala Jwi lyakwe. (Int. 77:​1, 12-14) Kuti wakkala kuchita oobo, uzoosaanguna kuyanduula Jehova kuti akugwasye chiindi nwaaswana chiimo chiyumu. Buzya Jehova zintu zipa kuti uyoowe alubo zipa kuti ukataazikane. Muzumizye kuti aambuule aanduwe akuti akuumbulizye kabelesya Magwalo.—Int. 119:28. w24.01 24-25 ¶14-16

Kuba aachiyandisyo kulayandikana kuti uzuzikizye zipeekezyo zyamubukombi. Muntu uuli aachiyandisyo ubeleka changuzu kuti azuzikizye chipeekezyo chakwe. Alubo kuti twaba amanguzu aachiyandisyo chakuchita zimwi zintu, tulakonzya kuzuzikizya zipeekezyo zyesu. Niinzi nchukonzya kuchita kuti ube aachiyandisyo? Kombela kuba aachiyandisyo. Jehova kabelesya muuya uusalala, ulakonzya kutugwasya kuti tube aachiyandisyo chakuzuzikizya chipeekezyo chesu. Chimwi chiindi nga twalibikkila chipeekezyo akaambo kakuti tweelede kuchita oobo, kuchita oobo kulikabotu. Pesi kulakonzeka kuti ngatatukwe chiyandisyo pe chakuzuzikizya chipeekezyo eecho. Yeeyesesya atala anzyaakakuchitila Jehova. (Int. 143:5) Mwaapostoli Pawulu wakayeeyesesya atala aluzyalo lupati ndwaakatondeezegwa aaJehova alubo zyakapa kuti abeleke changuzu mumulimu waJehova. (1 Kor. 15:​9, 10; 1 Tim. 1:​12-14) Munzila iikozyenie, kuyeeyesesya atala aJehova nzyaakatuchitila kupa kuti tube aachiyandisyo chakuti tuzuzikizye chipeekezyo chesu.—Int. 116:12. w23.05 27 ¶3-5

Tubotezya Taateesu wakujulu chiindi nitutembawula zina lyakwe. (Int. 119:108) Eezi zyaamba kuti Leza singuzuzyoonse uli mbuli bantu batamaninide na bayanda kutembawulwa akaambo kakuti nzizyo nzibafwabilila? Peepe. Chiindi nitutembawula Taateesu wakujulu, nga tulikutondeezya kuti nzyaakaamba Saatani atala abantu nzyamanwa. Saatani wakaamba kuti taakwe muntu pe uukonzya kwiiminina zina lyaLeza chakusyomeka. Alubo wakaamba kuti taakwe muntu pe uukonzya kukkala kasyomeka kuli Jehova kuti waswaana mapenzi. Saatani wakaamba kuti bantu boonse balakonzya kuleka kukomba Leza kuti babona kuti talikubagwasya pe. (Job. 1:​9-11; 2:4) Pesi Jobu wakatondeezya kuti nzyaakaamba Saatani nzyakubeja. Aniwe utyeni? Toonse tulaachilongezyo chakwiiminina zina lyaTaateesu akuchita zintu zimubotezya kwiinda mukukkala katusyomeka kulinguwe. (Tus. 27:11) Nchilongezyo chipati loko nchitulaacho chakwiiminina Jehova! w24.02 8-9 ¶3-5

Nikwakayinda minyaka myiingi Mozesi aJoshuwa kabali bafwa, Jehova wakabelesya babetesi kuti bazulwide bakombi bakwe. Alubo, muchiindi chakali kweendelezya baami, Jehova wakasala bapolofita kuti bazulwide bakombi bakwe. Baami basyomeka bakali kuswiilila malayilile ngibakali kubuzigwa aabapolofita. Muchikozyano, Mwaami Davida wakalibombya kwiinda mukuzumina kululamikwa aamupolofita Natani. (2 Sam. 12:​7, 13; 1 Mak. 17:​3, 4) Mwaami Jehoshafati wakasyoma malayilile ngaakabuzigwa aamupolofita Jahaziyeli alubo wakasungwaazya maJuda kuti ‘basyome basinsimi baLeza.’ (2 Mak. 20:​14, 15) Chiindi Mwaami Hezekkiya naakakataazikene, wakakumbila mupolofita Isaya kuti amugwasye. (Is. 37:​1-6) Baami nibakali kutobela malayilile aaJehova chiindi choonse, bakali kulongezegwa alubo chisi chakali kukwabililwa. (2 Mak. 20:​29, 30; 32:22) Bantu bakali kubona kuti Jehova wakali kuzulwida bakombi bakwe kabelesya bapolofita. w24.02 21 ¶8

Saatani uyanda kuti tuliswaanizye aabantu bapa kuti kutuyumine kupona kweendelana amilawu yaJehova. Kuliswaanizya aabantu aaba takugoleli aakujana chiindi chakubaamwi kupela katubwenene ambabo. Pesi kuswaanizya kwaambuulaabo katubelesya nzila zyakwaambuuzyania zyamazubaano, alubo tweelede kuchenjelela kapati kunzila eeyi nkaambo mazubaano tuli aa-intanenti. Tweelede kubeleka changuzu kuti tugwisye mizeezo yanyika yakuti kutalijata kulatambulika. Iswe tulizi kuti kuchita oobo takuli kabotu pe. (Ef. 4:​19, 20) Kulayandikana kuti tulibuzye kuti: ‘Ndileezya na kuti nditaliswaanizyi aabantu batali kabotu mbindibelekaabo, mbindiiyaabo kuchikolo naakuti bamwi batalemeki milawu yaJehova iiluleme? Ndilatondeezya na kuti ndili aachibindi kuti ndiswiilile milawu yaJehova nikuba kuti bamwi balakonzya kundifubaazya kuti ndachita oobo?’ Mbuli mbukulembedwe muli 2 Timoti 2:​20-22, kulayandikana kuti tuchenjelele bantu mbitusala kumvwananaabo nimuba mumbungano yachiKkristu. Tweelede kuyeeya kuti teeboonse pe bakonzya kutugwasya kuti tukkale katusyomeka kuli Jehova. w24.03 22-23 ¶11-12

Kuli nwaakali weezya kuyeeyela mbabede na Jehova? Niinzi nzuyeeya chiindi nwaambuulaawe munkombyo? Nikuba kuti Jehova taboneki, pesi Bbayibbili limupandulula munzila zisiyene-siyene. Jehova waambwa kuti “ndizuba alimwi nintobo” alubo “mulilo uumpa cakumaninina.” (Int. 84:11; Heb. 12:29) Ezekkiyele wakapandulula mbaboneka Jehova muchilengaano nchaakabona, wakaamba kuti Jehova uli mbuli bbwe lyasafire, nsimbi iimweka afulichoongo. (Ezk. 1:​26-28) Akaambo kakuti Jehova tatumuboni pe, kulakonzya kutuyumina kusyoma kuti Jehova ulatuyanda. Bamwi babonaanga Jehova tazoobayandi pe akaambo kazintu zyakachitika mubuumi bwabo. Kulakonzeka kuti bakakomena kabatakwe wisi uubatondeezya luyando pe. Jehova ulamvwisisisya mbutulimvwa alubo ulizi kuti nkamboonzi nikutuyumina kusyoma kuti ulatuyanda. Kuti atugwasye, wakatupa Jwi lyakwe Bbayibbili kuchitila kuti tuzibe buntu bwakwe. Bbayibbili lyaamba kuti Jehova nduyando. (1 Joh. 4:8) Zintu zyoonse nzyachita Jehova, uzichita akaambo kaluyando. Luyando lwaLeza talusaluuli pe alubo luli aanguzu zyakuti ubatondeezya luyando aabo batamuyandi pe.—Mt. 5:​44, 45. w24.01 26 ¶1-3

Jehova wakasala Mozesi kuti azulwide ma-Israyeli kuzwa mu-Ijipita. Alubo wakabikka bukamboni bwakali aantanganana bwakuti sikati wakali kubazulwida kabelesya musumpuululu wajoba mpawo mansiku wakali kubelesya musumpuululu wamulilo. (Kul. 13:21) Mozesi kalaamwi ama-Israyeli bakali kutobela musumpuululu kusikila nibakasika kuLwizi Lusalala. Ma-Israyeli bakayoowa nkaambo bakali balibona kabali aakati kaLwizi Lusalala amasooja aaku-Ijipita aakali kubatobela. Pesi Mozesi taakapambanisya pe. Jehova nguwe wakapa kuti Mozesi azulwide ma-Israyeli kuti batozye kuLwizi Lusalala. (Kul. 14:2) Leza wakabanununa munzila yachigambyo. (Kul. 14:​26-28) Kwaminyaka iili 40, Mozesi wakayinkilila kunembo kusyoma kuti Jehova wakali kubelesya musumpuululu wajoba kuti azulwide bakombi bakwe munkanda. (Kul. 33:​7, 9, 10) Jehova wakali kwaambuula aaMozesi kali mumusumpuululu wajoba mpawo Mozesi wakali kubuzya ma-Israyeli malayilile ngaakali kubuzigwa aaJehova. Ma-Israyeli bakali aabukamboni bwiingi bwakali kutondeezya kuti Jehova wakali kubazulwida kabelesya Mozesi. w24.02 21 ¶4-5