Mulongo Wa Miswaangano Ya Mulimo

Nsondo Iitalika mu December 11

Lwiimbo 174

10 min: Zyakwaambilizya zyambungano. Kubelesya nzila zili apeeji 8 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya January 1 alimwi a Awake! ya December. Mucitondezyo cimwi, amutondezye mbotukonzya kumwiingula cabupampu sikutyompya mubandi waamba kuti “Nsiyandi.”—Amubone bbuku lya Kukambitsirana, p. 16.

15 min: Cikolo Camulimo Weendelezyegwa a Leza Camu 2007. Makani akubuzya-buzya aatibandikwe amulangizi wacikolo. Amubandike twaambo tuli mupepa lyamukati lya Mulimo Wesu wa Bwami wa October 2006 tukonzya kugwasya kumbungano yanu. Amupandulule kuti mulangizi wacikolo kunyina naambilizya kakucili ciindi cibeela cakukanana ncalangwa-langwa sicikolo. Mbokunga mbungano ziyoomanizya kubala Magwalo aa Cihebrayo kuzwa kubbuku lya Isaya 24 kusika kumamanino aabbuku lya Malaki mumwaka wa 2007, mwaka ooyu unooli ciindi cibotu kubakwesu bapedwe kulibambila kunomoona twaambo tupati-pati twamu Bbaibbele alimwi abaabo baingula kuyoobelesya mabbuku eesu aapandulula mabbuku aabusinsimi aaya. Amubuzye-buzye basikumwaya bobile naa botatwe akati kabaaba batobela: sicikolo mupya, sicikolo uucili mwana walo uuya ambele kapati, alimwi asicikolo uusimide. Amubalombe kwaamba mbocibagwasya cikolo mumulimo wabo wabukambausi alimwi akumuuya. Amubakulwaizye boonse kuba basungu mukuzuzikizya mikuli yabo, kutola lubazu mukunomoona twaambo tupati-pati twamu Bbaibbele alimwi amukubelesya malailile aapegwa ansondo kuzwa mubbuku lya Amugwasyigwe Alwiiyo Lujanwa mu Cikolo Camulimo Weendelezyegwa a Leza.

20 min: “Mutaleki Luyando Lwanu Lwakusaanguna.”a Ikuti ciindi kaciciliko, amubalombe baswiilizi kwaamba zili mumagwalo aabikkidwe.

Lwiimbo 193 amupailo wakujala.

Nsondo Iitalika mu December 18

Lwiimbo 150

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Amulange-lange Kabbokesi Kamubuzyo. Amwaambe bubambe bwaalubazu bwamulimo wamumuunda mubuzuba bwa December 25 alimwi a January 1.

15 min: “Amupilukile Kubantu Boonse Batondezya Luyandisyo Noluceya.”b Amubalombe baswiilizi kwaamba mbobacikonzya kubuzya nkobakkala bantu bajisi luyandisyo mbobayaanya nobali mubukambausi bwamukwiizya naa bwamumugwagwa alimwi amubalombe kwaamba zyakuluula zikkomanisya zyakacitika mukupilukila kubantu aaba. Inga mwabambila limwi cakuluula comwe naa zyobile kakucili ciindi.

20 min: “Muuya Wakulyaaba Uletela Zilongezyo.”c Amubuzye-buzye sikumwaya omwe naa bobile aabo bazizilwe akaambo kamuuya wabo wakulyaaba. Ino mbuti mbobautondezya muuya wakulyaaba? Ino nkucinca kuli buti kwakali kuyandika, alimwi ino mbuti mbobakacikonzya kukucita? Ino nzilongezyo nzi nzyobajana akaambo kakucita boobu?

Lwiimbo 108 amupailo wakujala.

Nsondo Iitalika mu December 25

Lwiimbo 210

10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Kubelesya nzila zili apeeji 8 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya January 1 alimwi a Awake! ya January. Kumamanino aacitondezyo acimwi, sikumwaya abuzye mubuzyo uupa kukkala ansi kuyeeya uuyooingulwa mukuswaya kutobela kwiinda mukubelesya bbuku lya Bbaibbele Ncoliyiisya.

15 min: Ziyandika zyambungano.

20 min: “Sena Mulijisi Cilawo Cimugeme?”d Amubikkilizye atwaambo mubufwaafwi kuzwa kumulangizi wamulimo kujatikizya bupati bwacilawo mbungano ncoipedwe, bunji bwaziindi cilawo mbocibelekwa alimwi abunji bwazilawo zitakwe bamukamwini.

Lwiimbo 219 amupailo wakujala.

Nsondo Iitalika mu January 1

Lwiimbo 158

8 min: Zyakwaambilizya zyambungano. Amubayeezye basikumwaya kuti bape malipooti aamulimo wamumuunda aamu December. Amulange-lange kabbokesi kakuti “Amujane Lwiiyo Lulibedelede” kali apeeji 5.

12 min: Kulipoota Mbuuyaambele Mulimo. Makani amubandi abaswiilizi kuzwa mubbuku lya Bakamantene Mukucita Kuyanda kwa Jehova, kuzwa akatwe kamakani kali apeeji 83 kuyoosika kumamanino aacibalo.

25 min: “Mbomukonzya Kuzwidilila Mumulimo Wabupainiya.”e Akananwe amulangizi wamulimo. Mincali ilakonzya kubalwa ikuti ciindi kacizumizya. Nomubandika muncali 12, amubuzye-buzye mupainiya waciindi coonse. Amubuzye kuti: Ino ncinzi cakamugwasya kusisya amweelwe wamawoola uuyandika amwaka mumwaka wamulimo wamana? Ino mapenzi nzi ngomwakajana? Ino mbungano yakamugwasyilizya buti? Ooko kunyina mupainiya waciindi coonse, amulange-lange zyeelelo zyamulimo wabupainiya bwaciindi coonse.—od 113.

Lwiimbo 65 amupailo wakujala.

Bupanduluzi buyungizidwe