Kakalitachuwinaw Dios “kaxati kawaj” latamanin

1. ¿La tatalakxtumi chutum tiku lichuwinan Dios chu chatum xwakna?

¹ Chatum xwakna ni kaj watiya kgalhi lhuwa herramientas, na katsini tuku kilhtamaku nalimaklakaskin chu la nalimaklakaskin. Nachuna, akinin kgalhiyaw lhuwa likgalhtawakga nema nalimaklakaskinaw xlakata tlan nalichuwinanaw xalakwan xalaksasti. Akgtum liʼakxilhtit, xlakata tlan nakalitachuwinanaw «kaxati kawaj» latamanin, kgalhiyaw lhuwa folletos nema lhuwa tuku lichuwinan (1 Cor. 9:22). Xtatakgatsin uma likgalhtawakga limin akgtum lista xla folletos nema kgalhiyaw, wan tiku katlawanika uma folletos chu kinkawaniyan la natlawayaw akxni namakgpitsiyaw niku lichuwinanaw Dios.

2. Akxni lichuwinanaw Dios, ¿la tlan nalimaklakaskinaw folletos?

² Tuku kilhtamaku nalimaklakaskinaw folletos. Tiku tlan xwakna putum kilhtamaku liwana laksaka tuku herramienta nalimaklakaskin. Nachuna, akxni wi tiku litachuwinamaw Dios chu akxilhaw pi tlakg tlan xwa komo xmaxkiw folleto chuna katlawaw maski niwa makgpitsimaw uma papaʼ. Akgtum liʼakxilhtit, komo tuku tamakgpitsima wa libro ¿Tuku xlikana masiyay Biblia? Chu lamaw niku latamanin ni kanajlanikgo Cristo chu ni katsiputunkgo xlakata Biblia, max tlakg tlan nawan nakamaxkiyaw maktum folleto umakgo latamanin chu chuna nakamakgtayayaw tlakg nakatsiputunkgo akxni nina kamaxkinitaw libro.

3. ¿Tuku xlakata liwana kilikatsitkan la nalimaklakaskinaw likgalhtawakga akxni nalichuwinanaw Dios?

³ Anta kBiblia lu tlan kalichuwinankan tiku katsinikgo tlawakgo xtaskujutkan (Pro. 22:29). La uku ni anan atanu taskujut nema tlakg xlakaskinka la akxni “makatsininanaw xatlan xtamakatsinin Dios” (Rom. 15:16). Xlakata akinin nalitaxtuyaw «skujni nti ni kgalhiy ntu nalimaxanan», liwana kakatsiniw la nalimaklakaskinaw likgalhtawakga akxni nalichuwinanaw Dios (2 Tim. 2:15).