Lakatum kawili

¿Maklakaskimpat umakgolh folletos?

Biblia chu tuku lichuwinan

Tlawaka xlakata nakamakgtaya tiku ni lu katsikgo xlakata Biblia, pero tlakg nakamakgtaya tiku ni kanajlanikgo Cristo

La namastayaw. «Kkatsiputunaw tuku lakpuwana xlakata tuku wan unu kBiblia [kalikgalhtawakga Salmo 37:11, nema lichuwinan sección 11]. ¿La lakpuwana pi nawan Katiyatni akxni nakgantaxtu uma tuku lichuwinankanit? [Kamaxki talakaskin nakgalhtinan.] Tuku likgalhtawakgaw kaj akgtum liʼakxilhtit tuku namakglhtinankgo putum latamanin nema lichuwinan Biblia.» Kalikgalhtawakga xapulana párrafo xla página 3 chu kawani pi makgxtakgniputuna folleto.

Uma namakgtayayan. Komo limakgalhtawakgapat libro ¿Tuku xlikana masiyay Biblia? chatum tiku ni kanajlani Cristo, kalimaklakaskinti tsinu kilhtamaku, akxni namatsukiyatit o akxni namakgalhsputuyatit takgalhtawakga, xlakata na nalikgalhtawakgayatit akgtum sección xla uma folleto xlakata nakatsi tsinu tuku lichuwinan Biblia.

Tlan xʼamigo Dios nawana

Tlawaka xlakata nakamakgtaya tiku ni lu ankgonit k’escuela o nila kgalhtawakgakgo

La namastayaw. «¿Lakpuwana wix pi tlan xʼamigo Dios nawanaw? [Kamaxki talakaskin nakgalhtinan, chu alistalh kalikgalhtawakgani Santiago 2:23.] Uma folleto tlawakanit xlakata tlan xʼamigo Dios nawanaw chuna la Abrahán xala makgasa.»

Uma namakgtayayan. Akxni xlimakgtumku natachuwinana o akxni nalakgpimparaya, akxtum natalikgalhtawakgaya putum sección 1 (o kaj tsinu) xlakata namasiyaniya la tlawakan akgtum takgalhtawakga xalak Biblia.