La namaklakaskinaw folleto ¿Tiku tlawakgo xtalakaskin Jehová la uku?
Tlawakanit xlakata tiku limakgalhtawakgemaka Biblia tlakg nalakgapaskgo xkachikin Dios
1. ¿Tuku xlakata tlawaka folleto ¿Tiku tlawakgo xtalakaskin Jehová la uku?
1 Nina makgas kinkamaxkikan folleto ¿Tiku tlawakgo xtalakaskin Jehová la uku? ¿Maklakaskinitawa? Uma likgalhtawakga tlawaka xlakata nakalimakgtayayaw tiku likgalhtawakgamakgolh Biblia xlakata: 1) nalakgapaskgo xkachikin Dios, 2) tlakg nalakgapaskgo taskujut nema tlawayaw chu 3) naʼakxilhkgo la skujma xkachikin Dios. Folleto ¿Tiku tlawakgo xtalakaskin Jehová la uku?, kaj maktum página kgalhi xlakata tlan na likgalhtawakgakan akgtum lección kaj akgkitsis o akgkaw minuto akxni namakgalhtawakgenankgoya.
2. Kawanti tuku kgalhi uma folleto chu la tlawakanit.
2 La tlawakanit uma folleto. Kgalhi pulaktutu sección niku tanu tanu tuku lichuwinan xlakata xkachikin Jehová la akxilhwi kxapulana párrafo. Limin 28 lecciones xtítulos tlawakanit la takgalhskinin, chu subtítulos nema xatsitsakga mastakgo xtakgalhtin. Putum likgalhtawakga limin fotografías xalak liwaka tipuxamakaw países chu wan niku maxtuka, uma liwana masiya pi uma taskujut tatlawa kputum katiyatni. Lhuwa lecciones liminkgo akgtum recuadro nema wanikan «Xlakata tlakg nakatsiya», unu kawani tuku xlitlawatkan tiku kgalhtawakgamakgolh.
3. ¿La tlan nakatalikgalhtawakgayaw uma folleto tiku kamakgalhtawakgayaw?
3 La namaklakaskinaw. Kalikgalhtawakgani takgalhskinin xla título xlakata nalimatsukiya akgtum lección. Alistalh, akxni nalikgalhtawakgatilhaya párrafos tlakg kalichuwinanti subtítulos. Awatiya, katlawani takgalhskinin nema wilakgolh niku sputa página. Tlan makgtum nalikgalhtawakgayatit akgtum lección, o komo lakaskinatit, akgatunu párrafo nalichuwinanatit. Kalakkaxwili tukuya textos nalikgalhtawakgayatit chu na naʼakxilhatit dibujos chu recuadros «Xlakata tlakg nakatsiya». Lu tlan nawan komo nalikgalhtawakgayatit folleto niku tsuku asta niku lisputa. Pero nachuna lu tlan nawan komo pulana nalikgalhtawakgayatit atanu lección nema naʼakxilha komo talakaskin. Akgtum liʼakxilhtit, komo talakatsuwima akgtum lanka tamakxtumit, tlan xlikgalhtawakgatit lección 11.
4. ¿Tuku xlakata paxuwayaw xlakata kgalhiyaw uma xasasti folleto?
4 Akxni makgalhtawakgananaw, kamakgtayayaw latamanin nalakgapaskgo kinTlatkan xalak akgapun. Pero, na tlan nakamakgtayayaw tlakg nalakgapaskgo xkachikin Jehová (Prov. 6:20). ¡Paxuwayaw pi kgalhiyaw uma folleto nema tlawaka xlakata tlan nakalimakgtayayaw tiku kamakgalhtawakgeyaw!