Xana Vukhongeri Bya Wena Hakunene Byi Tsakisa Xikwembu ke?

‘XIKWEMBU a hi Xikwembu xa mpfilumpfilu kambe i xa ku rhula.’ (1 Vakorinto 14:33) Kunene ke, vukhongeri byo tala ni tidyondzo ta byona leti himpfilitanaka byi nga ka byi nga vi hinkwabyo byi amukeriwaka hi Xikwembu. Kutani ke, ku ta va ni vukhongeri byin’we ntsena lebyi fikelelaka swilaveko swa vugandzeri bya ntiyiso. Xana vukhongeri byebyo byin’we lebyi hakunene byi tsakisaka Xikwembu hi nga byi kumisa ku yini?

Handle ko tipfinyinga, vo tala va vona onge ku lavisisa ko tano swi fana ni ku lava neleta enhulwini ya byanyi. Ku lavisisa eka yona wu ta va ntirho lowukulu! Hambi swi ri tano ku ni ndlela yo olova—i ku tirhisa xikoka-nsimbhi (magnet) xa matimba. Xi ta koka neleta ya nsimbhi ivi xi yi hambanisa ni mavivi. Hi ku fanana, Bibele yi nga tirhisiwa tanihi xikoka-nsimbhi ku hambanisa ntiyiso ni xihoxo. Kambe Bibele yi swi endlisa ku yini sweswo ke? Hi ku hlamusela vugandzeri lebyi amukelekaka emalangutelweni ya Xikwembu.

Muapostola Pawulo u tsarile a ku: “MatsaIwa hinkwawo ma huhutiwile hi Xikwembu, ma pfuna ku dyondzisa, ni ku laya, ni ku ololoxa, ni ku tolovetisa leswo lulama, leswaku mutirheli wa Xikwembu a va la hetisekeke a tilulamisela ku endla ntirho wun’wana ni wun’wana lowunene.” (2 Timotiya 3:16, 17) Vutivi lebyinene bya Bibele bya laveka loko hi ta papalata xihoxo xa ku ringanisela ku tinyiketa ka vukhongeri eka leswi swi olovaka kumbe leswi tsakisaka hina ntsena.

Tlhandla-kambirhi, Yesu Kriste, N’wana wa Xikwembu, u te: “Xikwembu i moya; kutani lava xi gandzelaka, va fanele ku xi gandzela hi moya ni ntiyiso.” (Yohane 4:24) Xana hi nga ‘gandzerisa ku yini hi moya ni ntiyiso’? Hi ku landzela vukongomisi bya ntiyiso lebyi Xikwembu xi byi nyikeleke eRitweni ra xona, Bibele leyo Kwetsima, hi ku yi huhutela.

Vagandzeri va ntiyiso va kombisa rirhandzu

Xana Rito ra Xikwembu ri hi vangela ku langutela yini eka vugandzeri bya ntiyiso? Hi ni ntila lowunene eka marito manharhu: “Xikwembu i rirhandzu.” (1 Yohane 4:16) Hikwalaho ke, vugandzeri lebyi tsakisaka Xikwembu byi fanele byi seketeriwe hi rirhandzu ra ntiyiso.

Hi ku olova, sweswo swi vula yini xana? Vukhongeri lebyi tsakisaka Xikwembu byi nga ka byi nga byali kumbe ku pfumelela rivengo ra vanhu-kulorhi. Xileriso lexi olovaka xa Bibele xi ri, “U ta rhandza munhukuloni, kukota loko u tirhandza.” (Matewu 22:39) Sweswo swi vula ku tihambanisa ni rivengo, ku langutela van’wana ehansi, ni mimpfilumpfilu ya misava leyi. Swi vula ku ka u nga ha dyondzi ku Iwa ni ku landzelela ku rhula.—Esaya 2:2-4.

Ku kombisa yinhla leyi: Xana hi nga anakanya hi ku famba ka muapostola Pawulo wa “Mufurwa” a ya dlaya muapostola Petro wa “Mujarimani” hi leswi matiko ya ka vona ma Iwaka? Kambe, hi nkarhi wa nyimpi ya vumbirhi ya misava vukhongeri byo tala a byi nghenile hi vundzeni eka matshalatshala ya nyimpi ya matiko ya byona lerova byi kala byi lunghiselela vafundhisi lava rhangelaka mavuthu! Hi nkarhi lowu fanaka, vafundhisi va “Vukriste” va matlhelo lama Iwisanaka va khongele Xikwembu xin’we leswaku va hlula. Kambe Xikwembu xa Iwisana hi xoxe ke? Xana xi nga kokeriwa eka leswi Profesa Albert Einstein a swi hlamuseleke tanihi “vuvabyi bya vuhlangi” bya vutiko, “tinhlungu ta vumunhu”? Kavula a swi tano! Hi yo mhaka leyi vagandzeri lava hakunene va tsakisaka Xikwembu va faneleke ku tshama va nga teki tlhelo ni ku tirhisa rirhandzu ra ntiyiso. (Yohane 13:34, 35; 17:16) ‘A va lwi nyimpi hi ku landza leswi va nga xiswona enyameni.’—Ringanisa 2 Vakorinto 10:3,4.

Vugandzeri Bya Ntiyiso Byi Tlakusa Vito Ra Xikwembu

Muapostola Pawulo u kombe mfungho wun’wana wa vukhongeri lebyi tsakisaka Xikwembu loko a vula leswaku hambi loko swi tele leswi vuriwaka swikwembu ni tihosi, exikarhi ka vagandzeri va ntiyiso ku na “Xikwembu xin’we ntsena, Tatana.” (1 Vakorinto 8:5, 6) Kunene ke, lava tsakisaka Xikwembu va fanele ku tiva ni ku tirhisa vito ra xona

Bibele, eka tindzimi ta yona to sungula, yi vula vito ra Xikwembu hi laha ku hlawulekeke makhamba ya 7 000. Hi xikombiso, Psalma 83:18 yi ri: “V̌a ta tiv̌a leŝaku wena loyi v̌ito ra yena a nga Yehova, u tlakukile henhla ka misav̌a hikwayo.” Manuku hikwalaho ka yini swirho swa vukhongeri byo tala swi gandzela Xikwembu lexi nga hava vito? Naswona hikwalaho ka yini va susa vito ra xona eku hundzuluxeleni ka vona ka Bibele? Sweswo hakunene a hi yona ndlela yo tsakisa Xikwembu, hikuva Yesu u khongerile a ku: “Vito ra wena a ri hlawuleke.”—Matewu 6:9.

Vukhongeri Lebyi Tsakisaka Xikwembu

Xana wu kona ntlawa wa vukhongeri wa misava hinkwayo lowu hetisisaka swilaveko leswi swimbirhi swa masungulo swa vugandzeri bya ntiyiso leswi ha ha ku swi hlamuselaka? Xana byi kona vukhongeri lebyi hakunene byi tirhisaka rirhandzu leri Kriste a ri dyondziseke? Nakona xana vagandzeri volavo hi ntiyiso va dzunisa Xikwembu ni ku xixima vito ra xona eka lembe xidzana leri ra vu-20 ke?

I mhaka leyi twisisekaka leswaku Timbhoni ta Yehova ti hlayisa vukala-tlhelo eka tinyimpi ta matiko. Hikwalaho ka leswi, va xanisekile etinkambheni ta nxaniso ni le makhotsweni. Ematshan’wini yo landzula misinya ya milawu ya vona leyi seketeriweke hi Bibele, va hlawurile ndlela yo fela ripfumelo leyi landziweke hi Vakriste vo sungula. Xiyimo lexi xi susumetiwile hi rirhandzu ra vona ra Xikwembu ni vanhu-kulobye. Rirhandzu ro tano i mfungho wun’wana wa vugandzeri bya ntiyiso lebyi tsakisaka Xikwembu.

Vo tala va xiyile xiviko lexinene xa Timbhoni ta Yehova emhakeni leyi. Hi xikombiso, malembe ma nga ri mangani lama hundzeke mukandziyisi wa phepha-hungu ra le South America u vule leswaku Timbhoni “ta ala ku ya evusocheni hi mhaka ya ripfalo.” U ye emahlweni a ku: ‘Ni loko ta ha ri vana, Timbhoni ta Yehova ta swi tiva leswaku loko ti fike emalembeni ya khume nhungu hi vukhale ti ta fanela ku tirha nkarhi wo leha ekhotsweni hikwalaho ka vukala-tlhelo bya tona. Ti teka nkhavi lowu tanihi xiphemu xa ripfumelo ra vukhongeri bya tona. Ta olova naswona ti rhurile.’

Ku vuriwa yini hi xilaveko xin’wana xa vukhongeri lebyi tsakisaka Xikwembu xana? Hakunene, i vamani lava xiximaka vito ra Xikwembu, ra Yehova? Swa tikomba leswaku i Timbhoni ta Yehova leti endlaka leswi emisaveni hinkwayo hi ku chumayela ka tona na hi mahanyelo ya tona.—Varhoma 10:13-15.

Hikwalaho ka yini u nga tolovelani ku antswa ni Timbhoni ta Yehova ke? Chati leyi nga laha yi longoloxa swin’wana swa leswi va swi pfumelaka, kun’we ni swisekelo swa swona swa Matsalwa. Kambela muxaka wa vugandzeri bya Timbhoni hi ndlela leyi yo olova: Xana byi fikelela swiringanyeto swa ntiyiso hi laha swi andlariweke ha kona eBibeleni? Byi humesa muhandzu wa ku rhula wa rirhandzu leri faneleke ku vumba xiphemu xa vugandzeri bya ntiyiso ke? Xana bya ri xixima vito ra Xikwembu? Loko u kuma leswaku bya swi endla leswi hinkwaswo, u ta va u tshuburile vukhongeri lebyi hakunene byi tsakisaka Xikwembu.

[Bokisi eka tluka 6]

LESWI PFUMERIWAKA HI TIMBHONI TA YEHOVA

LESWI PFUMERIWAKA XISEKELO XABIBELE

Yehova i vito ra Xikwembu Eksoda 6:3; Psalma 83:18

Kriste i N’wana wa Xikwembu Matewu 3:17; Yohane 14:28

Munhu a nga davukanga kambe u vumbiwile Genesa 1:27; 2:7

Rifu ra vanhu ri vangiwa hi xidyoho xa Adamu Varhoma 5:12

[Swifaniso eka tluka 5]

Xana u nga byi kumisa ku yini vukhongeri bya ntiyiso?

Xana u nga yi kumisa ku yini neleta enhulwini ya byanyi?