Minhlangano Ya Ntirho Ya November

Vhiki Leri Sungulaka Hi November 3

Risimu 48

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. “Mahungu Lamanene Eka Internet.” Hlamusela xiviko xa ntirho wa nsimu xa sweswinyana xa tiko hinkwaro ni xa vandlha ra ka n’wina. Tsundzuxa vahuweleri leswaku va vika ntirho wa vona wa nsimu wa October hi ku hatlisa.

15 min: “Nyangwa Lowukulu Wa Ntirho Wu Pfulekile.” Nkulumo hi nkulu, ku katsa ni ku hlanganyela ka vayingiseri. Khutaza hinkwavo lava nga kotaka ku hlanganyela entirhweni wo chumayela hi xitalo. Katsa ni switsundzuxo swin’wana leswi kumekaka eka Xihondzo xo Rindza xa August 15, 1988, tluka 22.

20 min: “Landzelela Ku Tsakela Loku Kombisiweke Hikwalaho Ka Xiphephana Xa Kingdom News.” Swivutiso ni tinhlamulo. Endla minkombiso ya swingheniso leswi nga eka ndzimana 6. Eka wun’wana ni wun’wana wa yona, kombisa ku sunguriwa ka dyondzo ya Bibele.

Risimu 144 ni xikhongelo xo pfala.

Vhiki Leri Sungulaka Hi November 10

Risimu 51

10 min: Switiviso swa vandlha. Xiviko xa timali. Tivisa vandlha leswaku i nsimu yihi leyi nga sala leyi nga ta hlanganisiwa hi xiphephana xa Kingdom News No. 35. Khutaza hinkwavo leswaku va hlanganyela hi xitalo evhikini leri ro hetelela ra tsima leri ro hlawuleka.

15 min: Swilaveko swa vandlha.

20 min: “Pfunani Vanghana Va Vukati Lava Nga Riki Timbhoni.” Bulo ra vakulu vambirhi lava khumbekaka malunghana ni ku tiva vo tala va vanghana va vukati lava nga riki vapfumeri hi ku ya hi xiyimo xa munhu wa kona. Va tlhela va kambisisa swiringanyeto leswi nga eka Xihondzo xo Rindza xa May 15, 1989, matluka 17-18, tindzimana 6-9. Katsa ni mintokoto leyi kumekaka eka Xihondzo xo Rindza xa October 1, 1995, matluka 10-11, tindzimana 11-12.

Risimu 148 ni xikhongelo xo pfala.

Vhiki Leri Sungulaka Hi November 17

Risimu 53

10 min: Switiviso swa vandlha. Hlamusela yin’wana ya mintokoto ya kwala vandlheni malunghana ni tsima ra xiphephana xa Kingdom News No. 35.

20 min: Amukela Lunghelo Leri Ro Hlawuleka! Nkulumo leyi sekeriweke eka Xihondzo xo Rindza xa November 15, 1996, matluka 21-3.

15 min: “Xana Ndzi Ta Vula Yini?” Ku hlanganyela ka vayingiseri. Hlaya ndzimana yo sungula eka tluka 8 ra buku leyi nge Ku Hlamulana, leyi hlamuselaka ndlela leyi buku leyi yi endliweke ha yona leswaku yi hi pfuna ku nyikela vumbhoni hilaha ku humelelaka hi ku tirhisa tinhloko-mhaka to hambana-hambana ta Bibele. Endla xikombiso hi nkombiso wun’we kumbe mimbirhi leyi lunghiseleriweke kahle.

Risimu 151 ni xikhongelo xo pfala.

Vhiki Leri Sungulaka Hi November 24

Risimu 56

10 min: Switiviso swa vandlha. Nyika xiviko xa tsima ra nsimu leyi nga aviwangiki.

15 min: Mikhuva Leyinene eDyondzweni Ya Buku Ya Vandlha. Hi tlangela malwandla ya mindyangu leyi pfulaka makaya ya yona leswaku ku khomeriwa dyondzo ya buku eka wona. Leswi swi nga ha katsa ku lunghiselela swinene ni ku kavanyeteka ko karhi. Loko se hi ri kwale, hi fanele hi va ni mikhuva leyinene ni ku kombisa xichavo ni ku anakanyela, leswi nga ta katsa leswi landzelaka: (1) Hi fanele hi sula milenge ya hina hi vukheta hi nga si nghena, leswaku hi nga thyakisi filoro kumbe khapete. (2) Vatswari va fanele va langutela vana va vona, va tiyiseka leswaku va tikhoma kahle ni ku tshama endhawini leyi endleriweke dyondzo ya buku. (3) Hambiloko ntlawa lowu wu ri wutsongo naswona hi titwa hi ntshunxekile, lowu i nhlangano wa vandlha naswona hi fanele hi ambala hilaha hi endlaka hakona loko hi ya eHolweni ya Mfumo. (4) Mabulo ya le ndzhaku ka minhlangano ma fanele ma komisiwa leswaku vini va muti va ta sala va kuma nkarhi wa vona vini. (5) Hambiloko vini va muti laha dyondzo yi khomeriwaka eka vona va nga ha hlawulaka ku nyika vaendzi swo tima torha nkarhi na nkarhi endzhaku ka dyondzo, hinkwerhu hi fanele hi swi tiva leswaku swilo swo tano a swi bohi naswona a hi fanelanga hi swi langutela.

20 min: Endlani Vadyondzisiwa, Mi Va Dyondzisa. Nkulu u fambisa bulo ni ntlawa wa vahuweleri vanharhu kumbe mune, va hlamula swivutiso leswi sekeriweke ebukwini leyi nge Vutirheli Bya Hina, matluka 88-92: (1) Ha yini ku endla maendzo yo vuyela swi ri swa nkoka leswaku hi ta humelela evutirhelini? Xana hi nga hlangavetana njhani ni ntlhontlho wo endla riendzo ro vuyela? (2) Ha yini hi kandziyisa ngopfu mhaka ya ku sungula tidyondzo ta Bibele? Xana hi nga va ni vutshila hi ndlela yihi eku fambiseni ka tidyondzo? (3) Ha yini swi ri swa nkoka ku kongomisa swichudeni enhlengeletanweni? Xana hi nga swi endlisa ku yini leswi? Nakambe ntlawa wa vahuweleri wu hlamusela ndlela leyi swiengetelo swa Vutirheli Bya Hina Bya Mfumo bya sweswinyana bya June 1996 na March na April 1997 swi va pfuneke ha yona eka swiyimo leswi.

Risimu 160 ni xikhongelo xo pfala.