TISIMU

1 Wa tsaka a munhu loyi a nga fambiko hi wusungukati ga vakubiha,

Loyi a nga yimiko ndleleni ya vawonhi,+

Ne hambu ku tshama zvin’we ni* vatseketseli.+

 2 Kanilezvi i tsakela a nayo wa Jehovha,+

A wu lera hi gezu ga lahasi* mumu ni wusiku.+

 3 I ta fana ni sinya yi byalilweko kusuhani ni congo wa mati,

Leyi yi pswalako mihandzu hi nguva ya yona,

Leyi a matluka ya yona ma nga wuniko.

 4 A vakubiha a va tshamisangi lezvo,

Va fana ni mungu* lowu wu kukuletwako hi moya.

 5 Hi cigelo leco, a vakubiha va nga ta yima kulamulweni,+

Ne hambu vawonhi va nga ta yima hlengeletanweni ya valulamileko.+

 6 Hakuva Jehovha wa yi tiva a ndlela ya valulamileko,+

Kanilezvi a ndlela ya vakubiha yi ta lova.+

2 Hikuyini a matiko ma mahako a gujeguje,

Ni mifumo yi xuxako cikungo ca* zvilo zvi nga nyawuliko?+

 2 A tihosi ta misava ti sukile ti yima,

Ni tihosana ti bohene+

Ti vhukela Jehovha ni a totilweko* wakwe,+

 3 Tiku: “A hi phewuleni a machini yabye,

Hi hoxa a tingoti tabye!”

 4 Loyi a tshamileko citshan’wini ca wuhosi le matilweni i ta hleka;

Jehovha i ta va poyila.

 5 Ka cikhati leco, i ta wulawula navo zangeni yakwe,

A va chavisa zangeni yakwe yi vhurako,

 6 Aku: Hi mina ndzi yimisileko a hosi ya mina+

Le Ziyoni,+ citsungeni ca mina co basa.”

 7 Ndzi ta huwelela a nayo wa Jehovha;

I te ngalo ka mina: “Wena u n’wana wa mina;+

Nyamutlha ndzi mahile papayi wa wena.+

 8 Ndzi kombele, ndzi ta ku nyika a matiko mava tshomba ya wena,

Ni magemeta-musi ya misava mava ya wena.+

 9 U ta va pandzelela hi nhonga ya simbi ya wuhosi,+

U va fayetela a ku fana ni cibya ca wumba.”+

10 Makunu, n’wina tihosi, tlharihani;

Vhumelani ku kawukiwa,* n’wina valamuli va misava.

11 Tirelani Jehovha hi kuchava,

Mu tsaka hi ku rurumela.

12 Dzundzani* a n’wana+ kasi Nungungulu* a nga zangari,

Mu lova ndleleni,+

Hakuva a zanga yakwe ya vhutsuka hi kuhatlisa.

 3 Kanilezvi wena Jehovha u citlhangu matlhelweni ya mina,+

U wudzundzo ga mina+ niku hi wena u tlakusako a hloko ya mina.+

 4 Ndzi ta vitana Jehovha hi gezu ga hombe,

Na yena i ta ndzi hlamula hi le citsungeni cakwe co basa.+ (Sela)

 5 Ndzi ta ti lata, ndzi etlela;

Ndzi ta vhuka kuruleni,

Hakuva Jehovha wa simama ku ndzi seketela.+

 6 A ndzi chavi a makume ya makume ya mazana

Ma ndzi randzeleko matlhelweni wontlhe.+

Hakuva u taba a tihlaya ta valala va mina vontlhe,

U tshova a matino ya vakubiha.+

 3 Tivani lezvaku Jehovha i ta mu khoma hi ndlela yo hlawuleka a tsumbekileko wakwe.*

Jehovha i ta ndzizwa loku ndzi mu vitana.

 5 Nyikelani a miphahlo ya kululama,

Mu tsumba Jehovha.+

 7 U tatile a mbilu ya mina hi kutsaka ka hombe

A ku hundza lava va nga ni tshovelo wa hombe wa timbewu ni vhinyo yiswa.

 8 Ndzi ta ti lata, ndzi etlela hi kurula,+

Hakuva hi wena wece Jehovha u ndzi mahako ndzi hanya kuruleni.+

5 O Jehovha, ingisela magezu ya mina,+

Kangatela ndleve uzwa kuketa ka mina.

 2 Demba ndleve, uzwa a kurila ka mina ka ku lava ku vhuniwa,

Wena Hosi ya mina ni Nungungulu wa mina, hakuva ndza khongela ka wena.

 3 O Jehovha, u tazwa a gezu ga mina ni mixo;+

Ni mixo ndzi ta chulula a kukarateka ka mina ka wena,+ ndzi tshama ndzi rindzela.

 4 Hakuva wena a wu Nungungulu a tsakiswako hi zvakubiha;+

A ku na wakubiha a to tshama na wena.+

U venga vontlhe va mahanyela ya kubiha;+

 6 U ta lovisa lava va wulawulako mawunwa.+

 7 Kanilezvi ndzi ta nghena ndlwini ya wena+ hi kota ya lirandzo la wena la hombe li nga mbheliko;+

Ndzi ta ku khizamela tempeleni ya wena yo basa* hi cichavo ca hombe.+

 8 O Jehovha, ndzi rangele kululameni ka wena hi kota ya valala va mina;

Ndzi basisele a ndlela ya wena.+

 9 Hakuva ci hava va wulako ci tsumbekileko;

Ndzeni kabye vova ni kubiha ntsena;

A nkolo wabye cilahla ci ahlamileko;

Va fayelisela hi lirimi labye.*+

10 Kanilezvi Nungungulu i ta va nyika nandzu;

Va ta wisiwa hi zvikungo zva vona venyi.+

Ngha va hlongoliwa hi kota ya zvigoho zvabye zvo tala,

Hakuva va ku hluwukele.

11 Kanilezvi vontlhe lava va chavelako ka wena va ta tsaka;+

Va ta kulungela hi kutsaka contlhe cikhati.

U ta va vhikela,

Niku lava va randzako a vito ga wena va ta tsaka hi kota ya wena.

12 Hakuva wena Jehovha u ta katekisa lava va lulamileko;

U ta va randzela hi wuxinji* a ku khwatsi citlhangu ca hombe.+

6 O Jehovha, u nga ndzi kawuki zangeni ya wena,

Ne u nga ndzi luleki khulweni ga wena.+

 3 Ina, ndza* karateka nguvhu.+

O Jehovha, ndza ku wutisa: Kasi zvi ta simama kala rini?+

 4 Wuya, Jehovha, u ta ndzi tlhatlhisa;*+

Ndzi ponise hi kota ya lirandzo la wena li nga mbheliko.+

 5 Hakuva kufeni a wu kumbukiwi;*

Himani a to ku dhumisa le Cilahleni* ke?+

 6 Ndzi karele hi kuketa;+

Gontlhe wusiku ndzi khulungelisa a mubhedhi wa mina hi mihloti,

Ndzi khulungelisa a mubhedhi wa mina hi kurila.+

 7 A matihlo ya mina ma karele hi hlomulo wa mina;+

Ma firimela hi kota ya vontlhe lava va ndzi xanisako.

 8 Sukani ka mina, n’wina n’wentlhe va mahanyela yo biha,

Hakuva Jehovha i tazwa a guwa ga kurila ka mina.+

 9 Jehovha i tazwa cikombelo ca mina ca ku lava ku mahelwa wuxinji;+

Jehovha i ta amukela a mukhongelo wa mina.

10 Vontlhe a valala va mina va ta wisiwa tingana va mbhela ntamu;

Va ta hlehla, va ku koyo tingana hi citshuketi.+

 2 Hakuva va nga ndzi pfhemulela* a ku khwatsi hi lezvi a nghala yi mahako,+

Va ndzi khoma, ndzi nga kumi wa ku ndzi tlhatlhisa.

 3 O Jehovha, Nungungulu wa mina, loku ndzi hi ni nandzu,

Ni loku ndzi mahile kubiha;

 4 Loku ndzi wonhele a munhu a nga ndzi mahela wunene,+

Kutani loku ndzi phangile a nala wa mina mahala,*

 5 Loku zvi tshamisile lezvo, tsika a nala a ndzi hlongolisela a ndzi kuma;*

I wa kandzihetele a wutomi ga mina lahasi

A tlhela a lovisa a wudzundzo ga mina ntshurini. (Sela)

 6 Vhuka zangeni ya wena, O Jehovha;

Suka u yima, u vhukela a kuleva ka valala va mina;+

Vhuka u ndzi vhuna, u laya lezvaku ku mahiwa kululama.+

 7 Ngha a matiko ma ku randzela;

Niku u talwa nawo na u hi le hehla.

O Jehovha, ndzi lamule hi kuya hi kululama ka mina,

Ni kutsumbeka ka mina.+

Kanilezvi tiyisa lava va lulamileko,+

Hakuva wena u Nungungulu a lulamileko,+ loyi a hlolako timbilu+ ni maalakanyo ma etileko.*+

11 Nungungulu Mulamuli wo lulama;+

Nungungulu i huwelela* a kulamula kakwe siku ni siku.

12 Loku a munhu a nga ti soli,+ Nungungulu i lota a cipadha cakwe;+

I kondla a wura gakwe, gi tshama na gi longile.+

13 I longisela a matlhari yakwe ma dayako,

A longisela a mipaxa yakwe yi vhurako.+

14 Hi nga wonani munhu a xurileko nyimba ya zvilo zva kubiha;

I xura nyimba ya zvikarato, a pswala mawunwa.+

15 I kelile a nkele, a wu etisa,

Kanilezvi i wela ka nkele walowu a wu kelileko.+

16 A zvikarato lezvi a zvi vangako zvi ta wela hlokweni yakwe;+

Ni tihanyi takwe ti ta wela ka cidlodlo* ca hloko yakwe.

17 Ndzi ta dhumisa Jehovha hi kota ya kululama kakwe;+

Ndzi ta yimbelela a tisimu ta ku dhumisa a* vito ga Jehovha,+ Loyi a Tlakukileko ku Hundza Vontlhe.+

8 O Jehovha, Hosi ya hina, a vito ga wena a gi no ku tlakuka misaveni yontlhe;

U tlakusile a wukulu ga wena gi hundza ni matilo!*+

 2 Hi non’wini wa vanana ni tinyamani,*+ u yimisile ntamu

Hi kota ya valala va wena,

Kasi u miyeta a nala ni muphoteli.

 3 Loku ndzi cuwuka a matilo, a ntiro wa titiho ta wena,

A hweti ni tinyeleti, lezvi u zvi mahileko,+

 4 Cini munhu wa ku wafa loyi wena u mu alakanyako,

Ni n’wana wa munhu loyi wena u mu khatalelako ke?+

 5 U mu mahile ava mutsongwaninyana ka tingilozi,

U mu bohisile a cidlodlo* ca kungangamela ni wudzundzo.

 6 U no mu nyika ku fumela a mitiro ya mandla ya wena,+

U veka a zvilo zvontlhe lahasi ka mikondzo yakwe:

 7 A tiyivhu tontlhe, ni timbuti, ni tihomu,+

Ni zvihari zva khwati,

 8 Ni zvinyanyani zva tilo, ni tinjhanjhi ta bimbi,

Zvontlhe lezvi zvi fambako hi tindlela ta mabimbi.

9 O Jehovha, ndzi ta ku dhumisa hi mbilu ya mina yontlhe;

Ndzi ta hlawutela mitiro ya wena yontlhe yo hlamalisa.+

 2 Ndzi ta tsaka ndzi nengela ka wena;

Ndzi ta yimbelela a tisimu ta ku dhumisa a* vito ga wena, wena Loyi u Tlakukileko ku Hundza Vontlhe.+

 3 Laha a valala va mina va to hlehla,+

Va tawa, va lova mahlweni ka wena.

 4 Hakuva wena wa yimela a mhaka ya mina yo lulama;

U tshama citshan’wini ca wena ca wuhosi u lamula hi kululama.+

 5 U kawukile a matiko,+ u lovisa a vakubiha,

U vhinya mavito yabye kala kupindzuka ni kupindzuka.

 6 A nala i loviselwe magumo;

U khungumulele a madhoropa yabye;

Niku contlhe a cialakanyiso cabye ci ta lova.+

 7 Kanilezvi Jehovha i tshamile citshan’wini ca wuhosi kala kupindzuka;+

I yimisile a citshamu cakwe ca wuhosi ci tiya kasi a maha kululama.+

 8 I ta lamula misava hi kululama;+

I ta tsema timhaka ta matiko hi kululama.+

 9 Jehovha i tava wuchavelo go tiya* ka lava va xanisiwako,+

A wuchavelo go tiya zvikhatini zva zvikarato.+

10 Lava va tivako a vito ga wena va ta ku tsumba;+

O Jehovha, u nga ta tshuka u tsika lava va ku hlotako.+

11 Yimbelelani a tisimu ta ku dhumisa Jehovha, loyi a tshamako Ziyoni;

Tivisani a mitiro yakwe cikari ka matiko.+

12 Hakuva Loyi a photelako a nkhata wabye wa va alakanya;+

A nga ta rivala a kurila ka loyi a xanisekako.+

13 O Jehovha, ndzi mahele wuxinji; cuwuka a kuxaniseka loku ndzi vangelwako hi lava va ndzi vengako,

Wena loyi u ndzi humesako tinyangweni ta kufa,+

14 Kasi ndzi huwelela a mitiro ya wena yo dzundzeka lomu tinyangweni ta nhanyana wa Ziyoni,+

Ndzi tlhela ndzi tsaka hi mitiro ya wena ya kuhanyisa.+

15 A matiko ma wele nkeleni lowu ma wu kelileko;

A nenge wabye wu phasilwe hi ntlhamu* lowu va wu dembileko.+

17 A vakubiha va ta hlehla vaya Cilahleni,*

Wontlhe a matiko lawa ma rivalako Nungungulu.

18 Kanilezvi a cisiwana ci nga ta rivaliwa contlhe cikhati;+

Ni kutsumba ka lava va kurula ku nga ta tshuka ku fuva.+

20 O Jehovha, bana matiko hi kuchava,+

A matiko ma wa zvi tive lezvaku mova vanhu ntsena va ku vafa. (Sela)

 2 Matshandzeni yakwe, a wakubiha i xanisa loyi a nga hava muyimeli,+

Kanilezvi i ta phasiwa hi zvikungo zva yena n’winyi.+

 3 Hakuva a wakubiha i ti kukumukisa hi kunavela kakwe ka makangwa,*+

A tlhela a katekisa a munhu wa makangwa;*

נ [nune]

I kanyisa Jehovha.

 4 Matshandzeni yakwe, a wakubiha a nga hloli nchumu;

Leci a ci alakanyako basi ku: “A ku na Nungungulu.”+

 5 A tindlela takwe ti simama ku vhuvhuma,+

Kanilezvi a kulamula ka wena ka hundza kuzwisisa kakwe;+

I poyila a valala vakwe vontlhe.

 6 Mbilwini yakwe i ngalo: “Ndzi nga ta tshuka ndzi tsekatsekiswa;*

Kusukela ka cizukulwana cin’we kala ka cin’wani cizukulwana

Ndzi nga ta tshuka ndzi welwa hi khombo.”+

 7 A nomu wakwe wu tele hi zviruko, ni mawunwa, ni kudzukisela;+

Lahasi ka lirimi lakwe ku na ni zvikarato ni kubiha.+

 8 I tshama a lavelela kusuhani ni zvidhoropana;

I huma hi lomu a fihleleko kona a daya munhu wo kala nandzu.+

10 Loyi a khomilweko i gandliwa a hoxiwa lahasi.

A va makhombo va wela tin’waleni takwe to tiya.

Loyi a nga hava muvhuni i tsutsumela ka wena;+

Wena u muvhuni wa n’wanana wo kala papayi.*+

15 Tshova a woko ga wakubiha ni ga munhu wa xapi,+

Kasi ku laha u to lavetela a kubiha kakwe

U nga ha ku kumi kambe.

18 U ta va mahela kululama lava va nga hava papayi ni lava va xanisiwako,+

Kasi va nga ha chavisiwi hi munhu wa laha misaveni wa ku wafa.+

 2 Hi nga wona lezvi a vakubiha va kondlisako zvona a wura;

Va vekela a mipaxa yabye laha ka lisinga la wura,

Kasi, na va hi munyameni, va fula lava va timbilu ti lulamileko.

 3 Loku a zviseketelo* zvi khungumulwa,

A wakululama a nga maha yini?”

 5 Jehovha wa hlola a valulamileko ni vakubiha;+

Wa* venga loyi a randzako tihanyi.+

 6 I ta nisa a mitlhamu* hehla ka vakubiha;

A ndzilo, ni solufa,*+ ni moya wo hisa zvi tava ciavelo ca kopo yabye.

12 O Jehovha, ndzi ponise, hakuva a ka ha hi na munhu wo tsumbeka;

A vanhu vo tsumbeka va fuvile cikari ka vanhu.

 2 Va hembelana mawunwa;

Va fayelisela hi minomu yabye, ni ku wulawula hi timbilu ti kanganyisako.+

 3 Jehovha i ta tsema a minomu yontlhe yi fayeliselako,

Ni lirimi li ti kulisako nguvhu,+

 4 Lava va nge: “Hi ta hlula hi tirimi ta hina,

Hi maha kurandza hi minomu ya hina;

Himani a tova hosi ya hina ke?”+

 5 “Kota lezvi a vavhumali va xanisiwako,

Ni lezvi a zvisiwana zvi ketako,+

Ndzi ta suka ndzi maha cokari”, ku wula Jehovha.

 6 A timhaka ta Jehovha ti basile;+

Ti fana ni prata yi hlutilweko lomu ka ndzhimbo wa wumba,* yi basisiwa a 7 wa makhati.

 7 O Jehovha, wena u ta va hlayisa;+

U ta vhikela a mun’we ni mun’wani wabye kusukela ka cizukulwana leci kala kupindzuka.

 8 A vakubiha va fambafamba kontlhe na va tlhatlhekile

Hakuva a vana va vanhu va vhuvhumisa a zvilo zva tingana.+

 2 Kala rini na ndza* ha karateka,

Ndzi bayiseka mbilwini ya mina siku ni siku?

Woningela a matihlo ya mina kasi ndzi nga etleli kufeni,

 4 Kasi a nala wa mina a nga wuli, aku: “Ndzi mu hlulile!”

 5 Kanilezvi mina ndzi tsumba a lirandzo la wena li nga mbheliko;+

A mbilu ya mina yi tsakela a mitiro ya wena ya kuhanyisa.+

A mitiro yabye yi bolile, ni mahanyela yabye ma nyenyeza;

A nga kona a mahako zvazvinene.+

 2 Kanilezvi Jehovha i cuwuka lahasi, ka vana va vanhu na a hi le tilweni

Kasi ku wona lezvaku i kona a nga ni wutlhari kutani a hlotako Jehovha ke.+

 3 Vontlhe va hambukile;+

Vontlhe vakanganyisi.

I hava a mahako zvazvinene,

A ku kala ni mun’we.

 5 Kanilezvi va ta tala hi kuchava ka hombe,+

Hakuva Jehovha i zvin’we ni cizukulwana ca valulamileko.

 6 N’wina vakubiha mu zama ku thinda a makungo ya cisiwana,

Kanilezvi Jehovha wuchavelo ga cona.+

Laha Jehovha a to tlhelisa a vanhu vakwe va khomilweko,

Ngha Jakobe a tsaka, na Izrayeli i wa kulungele.

 2 Hi loyi a fambako hi kutsumbeka,+

A mahako zvakululama+

A tlhela a wulawula lisine mbilwini yakwe.+

 3 A nga lumbeti hi lirimi lakwe,+

A nga mahi zvakubiha ka muakelani wakwe,+

Ne hambu ku wulawula kubiha hi* vanghana vakwe;+

 4 I nyenya ni wihi wakubiha,+

Kanilezvi i dzundza lava va chavako Jehovha;

 5 A nga pembisi a mali yakwe hi majuro,+

Ne hambu ku vhumela kuxavelelwa kasi ku mu kumisa nandzu loyi a nga hava nandzu.+

 3 A vakubasa va nga laha misaveni,

A vahombe, va ndzi nehela litsako la hombe.”+

Ndzi nga ta tshuka ndzi chulula a minyikelo yabye ya zvakunwa ya nkhata,

Ne hambu a nomu wa mina wu nga ta kumbuka a mavito yabye.+

Mahlweni ka wena ku tele hi litsako;+

Ku na ni litsako reveni ga wena ga cinene kala kupindzuka.

17 O Jehovha, zwana a kukhongotela ka mina, u ndzi mahela kululama;

Demba ndleve uzwa a kurila ka mina ka ku lava ku vhuniwa;

Zwana a mukhongelo wa mina wu nga hiko wo xengetela.+

 2 Tsema a mhaka ya mina hi kululama;+

A matihlo ya wena ngha ma wona lezvi zvi lulamileko.

 3 U hlolile a mbilu ya mina, u ndzi hlolisisa ni wusiku;+

U ndzi hlutile;+

U ta kuma lezvaku a ndzi xuxangi cikungo ca kubiha,

Niku a nomu wa mina a wu gohangi.

 4 Xungetano hi mitiro ya vanhu,

Hi kuyelana ni mhaka ya nomu wa wena, ndza potsa a tindlela ta zvigevenga.+

 5 A mazambo ya mina ma wa simame tindleleni ta wena

Kasi a mikondzo ya mina yi nga khunguvanyeki.+

 7 Kombisa lirandzo la wena li nga mbheliko hi ndlela yo hlamalisa,+

O wena Muhanyisi wa lava va hlotako wuchavelo reveni ga wena ga cinene,

Hi kota ya lava va ku vhukelako.

 8 Ndzi hlayise a ku fana ni ndzololwani ya tihlo ga wena,+

U ndzi fihla lomu ndzhutini wa tipapa ta wena.+

 9 Ndzi vhikele ka vakubiha lava va ndzi vhukelako,

Ka valala va mina va ku vafa lava va ndzi randzelako.+

10 Va tlanyele;

Hi nomu wabye va wulawula timhaka ta matshandza;

11 Makunu va hi randzele;+

Va tshama na va dembetele kasi va hi wisa* lahasi.

12 I fana ni nghala yi lambileko ku phatlulela leci yi khomileko,

Ni cinghalana ci baramileko ci juma.

13 O Jehovha, suka u yima, ulwa naye,+ u mu wisa lahasi;

Ndzi tlhatlhise* ka wakubiha hi cipadha ca wena;

14 O Jehovha, ndzi tlhatlhise hi canja ga wena

Ka vanhu va tiko legi, lava a ciavelo cabye ci nga kuhanyeni loku,+

Lava u va tatileko hi zvilo zva zvinene lezvi u va nyikako+

Ni lava va va siyelako tshomba a vana vabye vo tala.

15 Kanilezvi mina, ndzi ta wona a nghohe ya wena hakuva ndzi munhu wa kululama;

Ndza xalala hi ku khindlimuka mahlweni ka wena.+

A Nungungulu wa mina i ribye ga mina,+ loyi ndzi chavelako ka yena,

Citlhangu ca mina ni limhondzo* la mina la kuhanyiswa,* a wuchavelo ga mina go tiya.*+

 3 Ndza khongela ka Jehovha, loyi a ringanelwako hi kudhumiswa,

Niku ndzi ta ponisiwa ka valala va mina.+

 4 A tingoti ta kufa ti ndzi tsondzele;+

Ni tindambi ta vanhu va nga vhuniko nchumu ti ndzi chavisile.+

 5 A tingoti ta Cilahla* ti ndzi tsondzelele;

Ndzi kumene ni mitlhamu ya kufa.+

 6 Kukaratekeni ka mina, ndzi no khongela ka Jehovha;

Ndzi no simama ku rila ka Nungungulu wa mina na ndzi lava ku vhuniwa.

I nozwa a gezu ga mina+ hi le tempeleni yakwe;

Ni kurila ka mina ka ku lava ku vhuniwa ku no chikela tindleveni takwe.+

 7 Makunu a misava yi no sangula ku tsekatseka yi rurumela;+

Ni zviseketelo zva zvitsunga zvi no ninganika

Zvi tsekatseka hakuva i wa vhindlukile hi zanga.+

 8 Ku no tuvika musi hi lomu tinhovhini takwe,

Ku huma ndzilo wu lovisako hi lomu non’wini wakwe;+

Ku no huma ni makhala ma vhurako hi ka yena.

 9 I no koramisa a matilo a chika;+

Ni munyama wo tshisa wu wa hi lahasi ka mikondzo yakwe.+

11 I no ti fenengeta hi munyama,+

Kontlhe lomu matlhelweni yakwe kota chacha,

Ku wa hi ni mati yo phuma ni marefu yo phuma.+

12 Hi lomu kuwonekeleni ku nga mahlweni kakwe,

Ku nowa maralala ni makhala ya ndzilo hi lomu marefini.

13 Makunu Jehovha i no sangula kudzindza le matilweni;+

Loyi a Tlakukileko ku Hundza Vontlhe i no zwata a gezu gakwe+

Na ku hi ni maralala ni makhala ma vhurako.

14 I no phanda a mipaxa yakwe a va hangalasa,+

A hoxela a kuhatima kakwe, a va vhilinganyisa.+

15 A minonga ya mati yi no woneka kubaseni;+

Ni zviseketelo zva tiko zvi no funungulwa hi kukawuka ka wena, O Jehovha,

Hi kota ya moya wa ntamu wu humako hi lomu tinhovhini takwe.+

16 I no nawuluta a canja gakwe na a hi le hehla;

I no ndzi khoma a ndzi humesa matini yo eta.+

17 I no ndzi tlhatlhisa ka nala wa mina wa ntamu,+

Ka lava va nga ndzi venga, lava va nga ndzi hundza hi ntamu.+

18 Va no ndzi vhukela sikwini ga khombo ga mina,+

Kanilezvi Jehovha i no ndzi vhunetela.

19 I no ndzi yisa wutshan’wini go rula;*

I no ndzi tlhatlhisa, hakuva i wa xalala hi mina.+

20 Jehovha wa ndzi chachazela maringano ni kululama ka mina;+

Wa ndzi tlhelisela maringano ni kubasa* ka mandla ya mina.+

21 Hakuva ndza hlayisa a tindlela ta Jehovha,

A ndzi mahangi a ciwonho ca ku fularela Nungungulu wa mina.

22 Kontlhe a kulamula kakwe ku mahlweni ka mina;

Ndzi nga ta tsika a milayo yakwe.

23 Ndzi nga tava ni nandzu mahlweni kakwe;+

Ndzi ta fambela kule ni cigoho.+

24 Jehovha i wa ndzi tlhelisele maringano ni kululama ka mina,+

A ndzi tlhelisela maringano ni kubasa ka mandla ya mina mahlweni kakwe.+

25 Ka loyi a tsumbekako, wena wa tsumbeka kakwe;+

Loyi a nga hava nandzu, u mu mahela kululama;+

26 Ka loyi a basileko, u kombisa a kubasa ka wena,+

Kanilezvi ka loyi a gombonyekileko, u komba ku u tlharihile.+

27 Hakuva u ponisa lava va ti koramisako,*+

Kanilezvi u tsongahata lava va ti kulisako.*+

28 Hakuva hi wena u lumekako a kandiya ya mina, O Jehovha,

Nungungulu wa mina, loyi a woningelako munyama wa mina.+

29 Hi ku vhuniwa hi wena, ndzi nga dhumela ntlawa wa vaphangi;+

Hi ntamu wa Nungungulu, ndzi nga kandziha muro.+

30 A ndlela ya Nungungulu wa lisine yi mbhelele;+

A mhaka ya Jehovha yi basile.*+

32 A Nungungulu wa lisine hi yena a ndzi ambexako a ntamu,+

Niku i ta mbhelelisa a ndlela ya mina.+

33 I maha minenge ya mina yi fana ni leyi ya hlangu;

I ndzi yimisa matshan’wini ma tlakukileko.+

34 I gondzisa a mandla ya mina a kulwa yimpi;

A mandla ya mina ma nga kondla a wura ga kobre.

35 Wena wa ndzi nyika a citlhangu ca wena ca kuhanyisa;+

A canja ga wena ga cinene ga ndzi vhunetela*

Ni kutikoramisa ka wena ka ndzi kulisa.+

36 U anamisile a ndlela ya mazambo ya mina;

A mikondzo* ya mina yi nga ta retemuka.+

37 Ndzi ta hlongolisela a valala va mina ndzi va kuma;

Ndzi nga ta wuya kala va chindziwa va ku bhi.

38 Ndzi ta va gandla va tsandzeka ni ku vhuka;+

Va tawa lahasi ka mikondzo ya mina.

39 U ta ndzi hlomisa a ntamu wa kuya yimpini;

U ta maha a valala va mina vawa mahlweni ka mina.+

40 U ta maha a valala va mina va hlehla mahlweni ka mina,*

Niku ndzi ta fuvisa* lava va ndzi vengako.+

41 Va rila va kombela ku vhuniwa, kanilezvi i hava a va ponisako;

Vaza va rilela na Jehovha, kanilezvi a nga va hlamuli.

42 Ndzi ta va sila va ku khwatsi i ntshuri wu kukuletwako hi moya,

Ndzi va hoxa handle a ku khwatsi madhaka lomu maruweni.

44 Va ta ndzi ingisa hi kuzwa lungu basi;

A vamatiko va tata mahlweni ka mina na va khanyene hi kuchava.+

45 A vamatiko va ta tsemeka hlanha;

Va ta huma lomu makhokholeni yabye na va rurumela.

47 A Nungungulu wa lisine wa ndzi photela;+

Wa khozisa a matiko lahasi ka mina.

48 Wa ndzi tlhatlhisa ka valala va mina va zangarileko.

Wena wa ndzi tlakusa ndziva hehla ka lava va ndzi vhukelako,+

U ndzi ponisa ka munhu wa tihanyi.

49 Hikwalaho, ndzi ta ku dhumisa, wena Jehovha, cikari ka matiko;+

Ndzi ta yimbelela a tisimu ta ku dhumisa a* vito ga wena.+

50 I yi mahela mitiro ya hombe ya kuhanyisa* a hosi yakwe;+

I kombisa a lirandzo lakwe li nga mbheliko ka a totilweko wakwe,+

Ka Dhavhidha ni ka pswalo* wakwe kala kupindzuka.+

19 A matilo ma huwelela a kungangamela ka Nungungulu;+

A ndengelenge yi kanela a ntiro wa mandla yakwe.+

 2 Siku ni siku a timhaka ta wona ta khulunga ku fana ni mati;

Wusiku ni wusiku ma kombisa a wutivi.

 3 A ma wulawuli, ne a ma humesi magezu;

A gezu ga wona a gi zwali.

 4 Kanilezvi, a guwa ga wona gi* hangalakile misaveni yontlhe,

Ni mahungu ya wona kala magemeta-musi ya misava.+

I gi gwimbele tenda a gambo le matilweni;

 5 Gi fana ni noivho yi humako hi lomu ndlwini ya yona.

Ga tsaka a ku fana ni nhenha yi tsutsumako hi ndlela ya yona.

 6 Gi tsuwuka hi le magemeta-musi ya matilo,

Gi rendzeleka kala ka man’wani magemeta-musi;+

A ci kona ci fihlalako ka kuhisa ka gona.

 8 A zvileletelo zva Jehovha zvi lulamile, zvi tsakisa mbilu;+

A nayo wa Jehovha wu basile, wu woningela matihlo.+

10 Zvi na ni lisima a ku hundza ouro,

A ku hundza a ouro yo tala yi hlutilweko,+

Zva tsombela a ku hundza a wulombe,+ a wulombe gi donadonako hi lomu ka zvihahla.

11 A nandza ga wena ga tlharihiswa hi zvona;+

Loyi a zvi hlayisako i na ni nchachazelo wa hombe.+

13 Betela a nandza ga wena a ku maha zvilo zva matshandza;+

U nga va tsiki va ndzi hlula,+

Kasi ndzi mbhelela,+

Ndzi ngavi ni nandzu wa zviwonho* zva hombe.

14 A timhaka ta nomu wa mina ni kuehleketa ka mbilu ya mina

Zvi wa ku tsakise,+ wena Jehovha, wena Ribye ga mina+ ni Mutlhatlhisi wa mina.+

 2 I wa ku vhune na a hi le wutshan’wini gakwe go basa,+

A ku tiyisa na a hi le Ziyoni.+

 3 I wa alakanye a minyikelo ya wena yontlhe;

I wa amukele na a xalele* a munyikelo wa wena wa kuhiswa. (Sela)

 4 I wa ku nyike a mixuvo ya mbilu ya wena,+

A katekisa a makungo* ya wena wontlhe.

 5 Hi ta kulungela hi kutsaka hi kota ya mitiro ya wena ya kuhanyisa;+

Hi ta tlakusa a mabhandera ya hina vitweni ga Nungungulu wa hina.+

I mu hlamula na a hi kwale matilweni yakwe yo basa

A mu ponisa hi ntamu wa canja gakwe ga cinene.+

 7 A vokari va tsumba a tikareta, ni van’wani va tsumba mahaxi,+

Kanilezvi hina hi khongela vitweni ga Jehovha, a Nungungulu wa hina.+

 8 Va ti gumulile vawa,

Kanilezvi hina hi vhukile hi yima hi tiya.+

21 O Jehovha, a hosi ya tsaka hi ntamu wa wena;+

A yo ku tsaka nguvhu hi mitiro ya wena ya kuhanyisa!+

 2 U yi nyikile a kuxuva ka mbilu ya yona,+

A wu yi alelangi a cikombelo ca minomu ya yona. (Sela)

 3 Hakuva u yi khingile ni zvikatekiso zva hombe;

U yi tlhateka a cidlodlo* ca ouro ya yinene* hlokweni ya yona.+

 4 Yi ku kombele wutomi, wena u yi nyika wutomi,+

Ina, a wutomi go leha,* ga kala kupindzuka ni kupindzuka.

 6 U yi maha yi kateka kala kupindzuka;+

U yi tata hi litsako la kuvakona ka wena.*+

 7 Hakuva a hosi yi tsumba Jehovha;+

Hi kota ya lirandzo li nga mbheliko la Loyi a Tlakukileko ku Hundza Vontlhe, yi nga ta tshuka yi tsekatsekiswa.*+

 8 A canja ga wena gi ta khoma a valala va wena vontlhe;

A canja ga wena ga cinene gi ta khoma lava va ku vengako.

 9 Hi cikhati ci yimisilweko u ta va maha va ku khwatsi i ndzhimbo* wu vhurako, a cikhati leci u to va alakanya.

Jehovha i ta va mita zangeni yakwe, ni ndzilo wu ta va khadamula.+

10 A vana* vabye u ta va lovisa laha misaveni,

Ni pswalo wabye cikari ka vana va vanhu.

11 Hakuva va xuva ku ku mahela zvakubiha;+

Va xuxile zvikungo zvi to kala ku pasa.+

12 Hakuva u ta va maha va hlehla+

Laha u to va kwayela a wura* ga wena tinghoheni tabye.

Hikuyini u nga kule ni ku ndzi ponisa?

Hikuyini u yimako kule ni miketo ya mina ke?+

 2 Nungungulu wa mina, ndzi tshama hi ku vitana ni hlikanhi, kanilezvi wena a wu hlamuli;+

Ni wusiku a ndzi miyeli.

 3 Kanilezvi wena u basile,+

U randzelwe hi* wudzundzo ga Izrayeli.

 4 A vapapayi va hina va wa ku tsumba;+

Va ku tsumbile, wena u va tlhatlhisa.+

 5 Va ku rilele, va ponisiwa;

Va ku tsumbile; a va wisiwangi tingana.+

 6 Kanilezvi mina ndzi ciwungwani, a ndzi munhu.

Ndza chepetiwa hi* vanhu, ndzi kanyisiwa hi tiko.+

 7 Vontlhe lava va ndzi wonako vo ndzi hleka;+

Va monya, va ninginisa a tihloko tabye va ndzi chepeta,+ vaku:

 9 Hi wena u ndzi humesileko khwirini ga mamani,+

U ndzi hlayisa maveleni ya mamani wa mina.

10 Cima ndzi pswaliwa ndzi lomu mandleni ya wena;

U Nungungulu wa mina kusukela khwirini ga mamani wa mina.

11 U nga tshameli kule na mina hakuva a zvikarato zvi laha kusuhani+

Kuveni a ndzi na mun’wani muvhuni.+

12 Ndzi randzelwe hi zvidhunana zvo tala zva tihomu;+

A tikuzi ta ntamu ta Bhaxani ti ndzi randzele.+

13 Va ndzi ahlamele minomu,+

A ku khwatsi i nghala yi bhongako yi phatlulela leci yi nga khoma.+

14 Ndza chululiwa a ku fana ni mati;

A marambu ya mina wontlhe ma gudlagudla.

A mbilu ya mina yi fana ni sera;+

Ya nyeka ndzeni ka mina.+

15 A ntamu wa mina wu womile a ku fana ni cipalavati ca wumba;+

A lirimi la mina li namarele lomu kanwini ka mina;+

Wa ndzi relelisa ntshurini wa kufa.+

16 Hakuva a timbyana ti ndzi randzele;+

Ti ndzi randzele a ku khwatsi i ntlawa wa vanhu va kubiha;+

A ku khwatsi i nghala, ti mandleni ni mikondzweni ya mina.+

18 Va avelene a tinguwo ta mina,

Vaba tihlolo va bela a nguwo ya mina.+

20 Ndzi ponise* ka cipadha,

U ponisa a wutomi ga mina ga lisima canjeni ga timbyana;+

21 Ndzi ponise non’wini wa nghala+ ni timhondzweni ta tihomu ta khwati;

Ndzi hlamule, u ndzi ponisa.

22 Ndzi ta kanela a vito ga wena ka vamakabye va mina;+

Ndzi ta ku dhumisa cikari ka bandla.+

24 Hakuva a nga chepetangi ne hambu ku nyenya a kuxaniseka ka loyi a xanisiwako;+

A nga mu fihlelangi a nghohe yakwe.+

25 Ndzi ta ku dhumisa lomu bandleni ga hombe;+

Ndzi ta tatisa a zvifungo zva mina mahlweni ka lava va mu chavako.

26 A vakurula va taga va xura;+

Lava va hlotako Jehovha va ta mu dhumisa.+

28 Hakuva a wuhosi gi lumba Jehovha;+

Hi yena a fumelako matiko.

29 Vontlhe lava va ganyileko* laha misaveni va taga va tlhela va khizama;

Vontlhe lava va relelako ntshurini va ta khizama mahlweni kakwe;

I hava cikari kabye a to ponisa a wutomi* gakwe.

30 A pswalo* wabye wu ta mu tirela;

A cizukulwana ca ha tako ci ta hlawutelwa ha Jehovha.

 2 Wa ndzi lata lomu ka byanyi go nyuka,

A ndzi yisa ka matshamu yo humula ma nga ni mati.*+

 4 Hambu loku ndzi famba ndzhelelweni wa munyama wo tshisa,+

Ndzi nga ta chava nchumu wa kubiha,+

Hakuva u na na mina;+

A nhonga ya wena ni chetengelo wa wena zva ndzi tiyisa.*

Wa ndzi tota mafura lomu hlokweni;+

A kopo ya mina yi tele khwatsi.+

 6 A wunene ni lirandzo li nga mbheliko zvi ta ndzi landzisela wontlhe masiku ya kuhanya ka mina;+

Ndzi ta tshama ndlwini ya Jehovha wontlhe masiku ya kuhanya ka mina.+

24 A misava ni zvontlhe zvi nga ka yona zvi lumba Jehovha,+

A tiko ni lava va hanyako ka gona.

 2 Hakuva i yi vekile yi tiya hehla ka mabimbi,+

A tlhela a yi yimisa yi tiya hehla ka micongo.

 3 Himani a nga kandzihako aya citsungeni ca Jehovha ke?+

Kona himani a nga yimako wutshan’wini gakwe go basa ke?

 4 Hi loyi a nga ni mandla ma hlazvekileko ni mbilu yi basileko,+

Loyi a nga kala ku hlambanya a mawunwa hi wutomi ga Mina,*

Ne hambu ku maha cihlambanyo kasi ku kanganyisa.+

 5 I ta amukela a makatekwa hi ka Jehovha,+

Ni kululama* hi ka Nungungulu wa kuhanyiswa kakwe.+

 6 Leci cizukulwana ca lava va mu hlotako,

Ca lava va hlotako a nghohe ya wena, wena Nungungulu wa Jakobe. (Sela)

 7 Tlakusani a tihloko ta n’wina, n’wina tinyangwa;+

Vhululekani,* n’wina mikotsa ya kaleloko,

Kasi ku nghena a Hosi ya kungangamela!+

Jehovha, a nyamintamu ni nhenha,

Jehovha, loyi a nga nhenha kulweni.+

 9 Tlakusani a tihloko ta n’wina, n’wina tinyangwa;+

Vhululekani, n’wina mikotsa ya kaleloko,

Kasi ku nghena a Hosi ya kungangamela!

 2 Nungungulu wa mina, ndzi tsumba wena;+

U nga ndzi tsiki ndzi wisiwa tingana.+

 3 Hakunene a ku na munhu a ku tsumbako a to wisiwa tingana,+

Kanilezvi a tingana ti lavelela lava va kanganyisako handle ka cigelo.+

 4 O Jehovha, ndzi kombe a tindlela ta wena,+

U ndzi gondzisa a tisoko ta wena.+

 5 Ndzi fambise lisineni la wena, u ndzi gondzisa,+

Hakuva wena u Nungungulu wa kuhanyiswa ka mina.

 6 O Jehovha, alakanya a wuxinji ga wena ni lirandzo la wena li nga mbheliko, +

Lezvi u zvi kombisako contlhe cikhati.*+

Ndzi alakanye maringano ni lirandzo la wena li nga mbheliko,+

Hi kota ya wunene ga wena, O Jehovha.+

 9 I ta rangela a vakurula ka lezvi zvi lulamileko,*+

Niku i ta gondzisa a vakurula a ndlela yakwe.+

10 Tontlhe a tindlela ta Jehovha lirandzo li nga mbheliko ni kutsumbeka

Ka lava va hlayisako a civhumelwano+ cakwe ni zvikhumbuxeto zvakwe.+

11 O Jehovha, hi kota ya vito ga wena,+

Tsetselela a cigoho ca mina, hambu lezvi ci nga ca hombe.

13 I* ta ti buza hi zvilo zva zvinene,+

Ni pswalo* wakwe wu taga tshomba ya misava.+

14 A wunghana ga hombe na Jehovha gi lumba lava va mu chavako,+

Niku wa va tivisa a civhumelwano cakwe.+

15 A matihlo ya mina ma cuwukela Jehovha contlhe cikhati,+

Hakuva i ta tlhatlhisa a mikondzo ya mina ntlhan’wini.*+

16 Hundzuluka u ndzi cuwuka, u ndzi mahela wuxinji,

Hakuva ndzi ndzoce, a ndzi na wa ku ndzi vhuna.

17 A zvikarato zva mbilu ya mina zvi pswalelene;+

Ndzi tlhatlhise kukaratekeni ka mina.

18 Cuwuka a kuxaniseka ka mina ni hlomulo wa mina,+

U tsetselela a zviwonho zva mina zvontlhe.+

19 Hi nga wona a kutala ka valala va mina,

Ni kukula ka livengo leli va ndzi vengako hi lona!

21 Ngha a kutsumbeka ni kululama zvi ndzi hlayisa,+

Hakuva ndzi tsumba wena.+

26 O Jehovha, ndzi lamule hakuva ndzi famba hi kutsumbeka ka mina;+

Ndzi tsumba Jehovha na ndzi nga kanakani.+

 2 O Jehovha, ndzi hlole u ndzi ringa;

Hluta a maalakanyo ya mina ma etileko* ni mbilu ya mina.+

 3 Hakuva a lirandzo la wena li nga mbheliko li mahlweni ka mina contlhe cikhati;

Ndzi famba lisineni la wena.+

 4 A ndzi tshami* ni vanhu va ku hemba;+

Ndza potsa lava va ti fihlako lezvi va nga tshamisa zvona.*

 5 Ndza venga ku famba ni vawonhi,+

Ndzi ala a ku tshama* ni vakubiha.+

 6 Ndzi ta hlazva a mandla ya mina kubaseni ka mina;

O Jehovha, ndzi ta rendzelekela a alati ga wena

 7 Kasi ndzi zwata a gezu ga kubonga,+

Ni ku huwelela a mitiro ya wena yontlhe yo hlamalisa.

 8 Jehovha, ndza yi randza a yindlu leyi u hanyako ka yona,+

A wutshamu legi ku tshamako a kungangamela ka wena.+

 9 U nga ndzi lovisi* zvin’we ni vawonhi+

Ne u nga susi a wutomi ga mina zvin’we ni vanhu va tihanyi,*

10 Lava a mandla yabye ma khomekileko hi mahanyela ya tingana,

Ni lava a canja gabye ga cinene gi teleko hi kuxavelelwa.*

12 A nkondzo wa mina wu yimile ka wutshamu go lulama;+

Ndzi ta dhumisa Jehovha lomu bandleni ga hombe.*+

 2 Laha a vakubiha va nga ndzi dhumela kasi va khadamula a nyama ya mina,+

Lava va ndzi vengako ni valala va mina hi vona va nga ti phinganyeta vawa.

 3 Hambu loku a butho go gova gi ndzi randzela

A mbilu ya mina yi nga ta chava.+

Hambu loku ko vhuka yimpi yilwa na mina,

Ndzi ta simama ndziva ni kutsumba.

 4 Cilo cin’we ndzi kombelako ka Jehovha

— Hi caleco ndzi to ci lava —

Ku nga lezvaku ndzi tshama ndlwini ya Jehovha wontlhe a masiku ya kuhanya ka mina,+

Kasi ndzi wona a kusaseka ka Jehovha

Ndzi tlhela ndzi nyanga a tempeli yakwe.*+

 5 Hakuva i ta ndzi fihla lomu chacheni wakwe sikwini ga khombo;+

I ta ndzi fihla wutshan’wini ga cihundla ga tenda gakwe;+

I ta ndzi yimisa hehla, laha ribyeni.+

 6 Makunu a hloko ya mina yi le hehla ka valala va mina lava va ndzi randzelako;

Ndzi ta nyikela miphahlo ya mina tendeni gakwe na ndzi nengela hi kutsaka;

Ndzi ta yimbelela a tisimu ta ku dhumisa* Jehovha.

 7 Jehovha, zwana a kurila ka mina;+

Ndzi mahele wuxinji u ndzi hlamula.+

Wena u muvhuni wa mina;+

U nga ndzi rivali ne u nga ndzi tsiki, O Nungungulu wa kuhanyiswa ka mina.

10 Hambu loku a papayi wa mina ni mamani wa mina vo ndzi tsika,+

Jehovha i ta ndzi rola.*+

11 O Jehovha, ndzi gondzise ndleleni ya wena,+

U ndzi rangela ndleleni ya kululama hi kota ya valala va mina.

12 U nga ndzi nyikeli canjeni ga valala va mina,+

Hakuva a vakustumunyu va mawunwa va ndzi vhukela,+

Niku va ndzi dzukisela hi tihanyi.

13 Na ndzi hi kwihi mina loku ndzi wa nga kholwangi

Lezvaku ndzi ta wona a wunene ga Jehovha tikweni ga vahanyako?*+

14 Rindzela Jehovha;+

Tiya hlanha, u tiya mbilwini.+

28 O Jehovha, Ribye ga mina, ndza rila ka wena;+

U nga ndzi vhaleli a ndleve ya wena.

Loku u ndzi miyelela,

Ndzi ta ku khwatsi hi lava va relelako nkeleni.*+

 2 Zwana a kukhongotela ka mina a cikhati ndzi ku rilelako na ndzi kombela ku vhuniwa,

Laha ndzi tlakusako a mandla ya mina ma kongoma kwartwini ya lomu cikari ka wutshamu ga wena go basa.+

 3 U nga ndzi kukuleti zvin’we ni vawonhi ni vamahi va kubiha,+

Lava va wulawulako a timhaka ta kurula ka vanghana vabye kuveni a kubiha ku timbilwini tabye.+

 4 Va tlhelisele mitiro yabye,+

Maringano ni zvimaho zvabye zva kubiha.

Va chachazele hi kuya hi mitiro ya mandla yabye,

Maringano ni lezvi va zvi mahileko.+

 5 Hakuva a va cheli kota hi mitiro ya Jehovha,+

Hambu hi ntiro wa mandla yakwe.+

 6 Jehovha i wa dhumiswe,

Hakuva i zwile a kukhongotela ka mina ka ku lava ku vhuniwa.

 7 Jehovha i ntamu wa mina+ ni citlhangu ca mina;+

A mbilu ya mina yi tsumba yena.+

I ndzi vhunile, niku a mbilu ya mina ya tsaka;

Hikwalaho, ndzi ta mu dhumisa hi lisimu la mina.

 8 Jehovha i ntamu wa vanhu vakwe;

I khokhola gi nehako kuhanyisa ka hombe ka a totilweko wakwe.+

29 Nyikani Jehovha lezvi zvi mu fanelako, n’wina vana va tinhenha;

Nyikani Jehovha lezvi zvi mu fanelako hi kota ya kungangamela kakwe ni ntamu wakwe.+

 3 A gezu ga Jehovha ga zwiwa le hehla ka mati;

A Nungungulu wa kungangamela wa dzindza.+

 4 A gezu ga Jehovha gi na ni ntamu;+

A gezu ga Jehovha ga ngangamela.

 5 A gezu ga Jehovha ga tshoveletela a misedhare;

Ina, Jehovha wa gangandzela a misedhare ya Lebhanoni.+

 6 I maha ku Lebhanoni* a khana a ku khwatsi i role,

Ni Siriyoni+ a ku khwatsi cihon’wana ca khwati.

 7 A gezu ga Jehovha giba hi malangavi ya ndzilo;+

 8 A gezu ga Jehovha gi rurumelisa a ciwula.+

Jehovha i rurumelisa a ciwula ca Kadhexe.+

 9 A gezu ga Jehovha gi rurumelisa a hlangu yi pswala,

Gi hahlulela a makhwati.+

10 Jehovha i tshamile citshan’wini ca wuhosi hehla ka mati ya ndambi;*+

Jehovha i tshamile citshan’wini ca wuhosi kota Hosi kala kupindzuka.+

30 O Jehovha, ndzi ta ku kulisa hakuva u ndzi tlakusile;

A wu tsikangi a valala va mina va giyagiya ha mina.+

 4 Yimbelelani a tisimu ta ku dhumisa* Jehovha, n’wina vatsumbekileko vakwe;+

Bongani a vito gakwe go basa;+

 5 Hakuva a kuva zangeni yakwe zva cikhatana ntsena,+

Kanilezvi a kuva tipswalweni takwe zva wutomi gontlhe.+

 8 O Jehovha, ndzi tshama hi ku ku vitana;+

Ndzi tshama hi ku khongotela wena Jehovha, lezvaku u ndzi mahela wuxinji.

11 U hundzulile a cirilo ca mina civa kukina;

U ndzi tlhatlhile a tisakwa, u ndzi ambexa a kutsaka,

12 Kasi ndzi yimbelela ndzi ku dhumisa, ndzi nga miyeli.

Ngha uva khokhola ga mina gi nga laha citsungeni,

Uva wutshamu gi bhiyelweko kasi ku ndzi ponisa.+

 3 Hakuva u ribye ga mina ni khokhola ga mina;+

Hi kota ya vito ga wena+ u ta ndzi rangela u ndzi fambisa.+

 4 U ta ndzi tlhatlhisa ntlhan’wini* lowu va ndzi dembeleko kufihlaleni,+

Hakuva wena u khokhola ga mina.+

 6 Ndza va venga lava va khozelako zvifananiso zvi nga vhuniko nchumu ni zvi nga nyawuliko,

Kanilezvi mina ndzi tsumba Jehovha.

 7 Ndzi ta tsaka nguvhu hi kota ya lirandzo la wena li nga mbheliko,

Hakuva u wonile a hlomulo wa mina;+

Wa ku tiva a kukarateka ka mina ka hombe.*

 8 A wu ndzi nyikelangi canjeni ga nala,

Kanilezvi u ndzi yimisile wutshan’wini go rula.*

10 A wutomi ga mina ga mbhela hi kubayiseka,+

Ni malembe ya mina ma mbhela hi miketo.+

A ntamu wa mina wa mbhela hi kota ya kugoha ka mina,

Ni marambu ya mina ma mbhela ntamu.+

11 Ndza poyiliwa hi valala va mina vontlhe,+

Nguvhunguvhu hi vaakelani va mina.

Lava ndzi tivanako navo va ndzi chava,

Loku va ndzi wona lahandle, vo ndzi tsutsuma.+

12 Ndzi humesilwe timbilwini* tabye ndzi rivaliwa a ku khwatsi ndzi nofa;

Ndzi fana ni fuko yi fayekileko.

13 Ndzi zwile a mavalivali yo tala ya kubiha;

A kuchava ka ndzi randzela.+

A cikhati va tlhanganako kasi ku ndzi vhukela,

Va xuxa cikungo ca ku susa wutomi* ga mina.+

A vakubiha va wa wisiwe tingana;+

Va wa miyetiwe Cilahleni.*+

18 Ngha a minomu leyi yi hembako yi vhaleka,+

Leyi yi wulawulako hi matshandza yi vhukela a vakululama, hi kutikulisa ni kuchepeta.

U gi vekele lava va ku chavako,+

U gi kombisa mahlweni ka vanhu vontlhe, na u mahela lava va chavelako ka wena.+

20 U ta va fihla wutshan’wini ga cihundla gi nga mahlweni ka wena+

Kule ni zvikungo zva vanhu;

U ta va fihla wuchavelweni ga wena

Kule ni zvisolo zva kubiha.*+

21 I wa dhumiswe Jehovha,

Hakuva i ndzi kombisile a lirandzo lakwe li nga mbheliko+ hi ndlela yo hlamalisa dhoropeni gi randzelweko.+

Jehovha i vhikela lava va tsumbekileko,+

Kanilezvi i mu tlhelisela hi ndlela yo bava nguvhu loyi a ti kulisako.+

24 Tiyani hlanha, mu tiyisa timbilu,+

N’wina n’wentlhe mu rindzelako Jehovha.+

 2 Wa tsaka a munhu loyi Jehovha a nga mu hlayeliko nandzu,+

Loyi a moya wakwe wu nga hiko na kukanganyisa.

 5 Hi kugumesa, ndzi no wulela a ciwonho ca mina ka wena;

A ndzi fihlangi a cigoho ca mina.+

 6 Hikwalaho, ni wihi a tsumbekileko i ta khongela ka wena+

Na wa ha kumeka.+

 7 Wena u wutumbelo ga mina;

U ta ndzi vhikela ka zvikarato.+

 9 U nga fani ni haxi kutani mula zvi nga hava kupimisisa,+

Lezvi a kani ya zvona yi fumelwako hi matomu kutani hi mukhalo

Kasi zvi ingisa.”*

10 A wakubiha i na ni zvixaniso zvo tala.

Kanilezvi loyi a tsumbako Jehovha i randzelwa hi lirandzo lakwe li nga mbheliko.+

11 Tsakelani Jehovha mu nengela, n’wina vakululama;

Kulungelani hi kutsaka, n’wentlhe n’wina va timbilu ti lulamileko.

 2 Bongani Jehovha hi citende;

Yimbelelani a tisimu ta ku mu dhumisa* hi cichaya-chaya ca 10 wa tingoti.

 3 Mu yimbeleleni lisimu liswa;+

Chayani tingoti ti nandziha na mu kulungela hi kutsaka.

 4 Hakuva a mhaka ya Jehovha yi lulamile,+

Niku zvontlhe a mahako zvi tsumbekile.

 6 A matilo ma mahilwe hi gezu ga Jehovha,+

Ni zvontlhe zvi nga ka wona* hi moya wa* nomu wakwe.

 7 I wungeletela a mati ya bimbi a ku khwatsi i dhamu;*+

I veka a mati ma vhindlukileko lomu matshaleni.

 9 Hakuva i wulile, zvi maheka;+

I no laya, zvontlhe zvi yima zvi tiya.+

10 Jehovha i thindile a zvikungo* zva matiko,+

A hohlola a makungo* ya mifumo.+

11 Kanilezvi a zviboho* zva Jehovha zvi ta tiya kala kupindzuka;+

Ni maalakanyo ya mbilu yakwe ma simama ka cizukulwana ni cizukulwana.

12 Ga tsaka a tiko legi Jehovha a nga Nungungulu wa gona,+

A vanhu lava a va hlawulileko lezvaku vava tshomba yakwe.+

13 Jehovha i cuwuka lahasi na a hi le tilweni;

I wona vontlhe a vana va vanhu.+

14 Na a hi kwale a tshamako kona,

I cuwuka a vahanyi va misava.

15 Hi yena a wumbako a timbilu ta vontlhe;

I hlola a mitiro yabye yontlhe.+

16 A ku na hosi yi ponisiwako hi kuva ni butho ga hombe,+

Ni nhenha a yi ponisiwi hi ntamu wa yona wa hombe.+

17 A ku tsumba ku hanyiswa* hi haxi kutsumba ka mahala;+

Ni ntamu wa gona wa hombe a hi citiyisekiso ca kupona.

18 A matihlo ya Jehovha ma cuwukisela lava va mu chavako,+

Lava va rindzelako a lirandzo lakwe li nga mbheliko,

19 Kasi a va tlhatlhisa* kufeni

Ni ku va hlayisa cikhatini ca ndlala.+

21 A timbilu ta hina ti tsakela yena,

Hakuva hina hi tsumba a vito gakwe go basa.+

22 O Jehovha, a lirandzo la wena li nga mbheliko li wa tshame hehla ka hina,+

Laha hi simamako ku rindzela wena.+

34 Ndzi ta dhumisa Jehovha contlhe cikhati;

A wudzundzo gakwe gi tava minon’wini ya mina contlhe cikhati.

 2 Ndzi* ta ti dzundza hi Jehovha;+

A vakurula va ta zvizwa va tsaka.

 3 Dhumisani Jehovha zvin’we na mina;+

A hi gi kuliseni zvin’we a vito gakwe.

 5 Lava va nga mu cuwuka va no ngangamela hi kutsaka;

A tinghohe tabye ti wa nga hi na ku wisiwa tingana.

 7 A ngilozi ya Jehovha yi gova yi randzela lava va mu chavako,+

Yi va ponisa.+

 8 Ringani mu wona lezvaku Jehovha mu nene;+

Wa tsaka a munhu loyi a chavelako kakwe.

 9 Chavani Jehovha, n’wina n’wentlhe vabasileko vakwe;

Hakuva lava va mu chavako a va vhumali nchumu.+

10 Hambu a zvinghalana* zva ntamu zva sokola hi ndlala,

Kanilezvi lava va hlotako Jehovha va nga ta vhumala nchumu wa wunene.+

11 Tanani vana vanga, ndzi ingiseleni;

Ndzi ta mu gondzisa a kuchava Jehovha.+

12 Himani cikari ka n’wina a tsakisiwako hi wutomi,

Loyi a navelako ku wona a masiku yo tala ya manene ke?+

13 Makunu hlayisa a lirimi la wena ka zvakubiha,+

Ni minomu ya wena ka ku wulawula magezu ya kukhohlisa.+

14 Fularela zvakubiha, u maha zvazvinene;+

Hlota kurula, u ku landzela.+

15 A matihlo ya Jehovha ma hehla ka valulamileko,+

Ni tindleve takwe ti ingisela a kurila kabye ka ku lava ku vhuniwa.+

16 Kanilezvi a nghohe ya Jehovha yi vhukela lava va mahako zvakubiha,

Kasi ku vhinya a cialakanyiso cabye contlhe laha misaveni.+

17 Va* no rila, Jehovha a vazwa;+

I no va tlhatlhisa kuxanisekeni kabye kontlhe.+

18 Jehovha i kusuhani ni lava va pandzekileko timbilu;+

I hanyisa lava va nga ni moya wu tshovekileko.*+

19 A zvikarato* zva loyi a lulamileko zvi tele,+

Kanilezvi Jehovha wa mu tlhatlhisa ka zvontlhe.+

20 Wa hlayisa a marambu yakwe wontlhe;

A ku na rambu ni gin’we gi tshovilweko.+

21 A khombo gi ta daya a munhu wa kubiha;

Lava va vengako a vanhu va kululama va ta koniwa.

22 Jehovha wa tlhatlhisa a wutomi* ga malandza yakwe;

I hava a chavelako kakwe a to koniwa.+

35 O Jehovha, yimela a mhaka ya mina ka lava va ndzi vhukelako;+

Lwana ni lava va lwako na mina.+

 2 Teka a citlhangu ca wena leci ca citsongwani* ni leci ca hombe,+

U suka u ndzi yimela.+

 5 Va wa fane ni mungu* wu kukuletwako hi moya;

A ngilozi ya Jehovha yi wa va hlongole.+

 6 A ndlela yabye yi wa phume yi tlhela yi retemuka

Laha a ngilozi ya Jehovha yi va hlongoliselako.

 7 Hakuva va ndzi dembele ntlhamu* mahala kasi va ndzi phasa;

Va ndzi kelele nkele mahala.

 8 Ngha a khombo gi va wela hi citshuketi;

Va wa phasiwe hi ntlhamu* lowu va nga demba;

Va wa wele ka wona va lova.+

 9 Kanilezvi mina ndzi* ta tsakela Jehovha,

Ndzi nengela a mitiro yakwe ya kuhanyisa.

Wa tlhatlhisa a muxaniseki mandleni ya lava va ntamu,+

U tlhatlhisa a muxaniseki ni cisiwana ka lava va va yivelako.”+

11 A vakustumunyu va kubiha vata+

Va ta ndzi wutisela zvilo zva ku a ndzi zvi tivi.

12 Va ndzi tlhelisela a wunene hi kubiha,+

Va ndzi maha ndzi ku khwatsi ndzi no felwa.*

13 Kanilezvi laha va nga kari va babya, ndzi wa boha a tisakwa;

Ndzi wa ti xanisa* hi kupfhunga,*

Ni loku a mukhongelo wa mina wu nga hlamuliwi,

14 Ndzi wa famba na ndzi rila a ku khwatsi ndzo rila a munghana wa mina kutani makabye wa mina;

Ndzi wa korama hi kubayiseka, a ku khwatsi munhu a rilako a mamani wakwe.

15 Kanilezvi a cikhati leci ndzi nga khunguvanyeka, va no tsaka va tsombana;

Va no tsombana kasi va ndzi juma, va ndzi vhukela;

Va no ndzi phatlulela niku a va miyelangi.

16 A vakubiha va ndzi poyila va tlhela va ndzi chepeta,*

Va ndzi getselela matino.+

Ndzi tlhatlhise* ka kuvhukela kabye,+

U tlhatlhisa a wutomi ga mina ga lisima ka zvinghalana.*+

18 Andzhako ka lezvo, ndzi ta ku bonga lomu bandleni ga hombe,+

Ndzi ku dhumisa cikari ka citshungu ca hombe.

19 U nga va tsiki va giyagiya ha mina lava va nga valala va mina na ku nga hi na cigelo;

U nga tsiki lava va ndzi vengako mahala+ va copeta matihlo yabye hi zvakubiha.+

20 Hakuva a va wulawuli timhaka ta kurula,

Kanilezvi, hi kukanganyisa, va luka cikungo ca ku vhukela a vanhu va kurula va lomu tikweni.+

21 Va ahlama a minomu yabye va ndzi lumbeta,

Vaku: “Ehe! Khawula! A matihlo ya hina ma zvi wonile.”

23 Vhuka, u suka u ndzi lwela,

O Jehovha, Nungungulu wa mina, yimela a mhaka ya mina.

24 O Jehovha, Nungungulu wa mina, ndzi lamule maringano ni kululama ka wena;+

U nga va tsike va giyagiya ha mina.

26 Vontlhe va wa wisiwe tingana, va dhana,

Lava va giyagiyako hi kota ya khombo legi gi ndzi weleko.

27 Kanilezvi lava va tsakelako a kululama ka mina va wa kulungele hi kutsaka;

Contlhe cikhati va wa wule, vaku:

28 Makunu a lirimi la mina li ta hlawutela* a kululama ka wena+

Li tlhela li ku dhumisa gontlhe siku.+

36 A cihambunyeto ca wulawula mbilwini ya wakubiha;

A ku na kuchava Nungungulu matihlweni yakwe.+

 2 Hakuva kuwoneni kakwe i ti wona na a hi wa lisima nguvhu,

Laha ka kuza a nga poli a cigoho cakwe, a ci venga.+

 3 A magezu ya nomu wakwe ma tlhava ni ku kanganyisa;

A nga na wutlhari ga ku maha zvazvinene.

I ti hlawulele ndlela yo kala yi nga hi yinene;

A nga vengi zvakubiha.

 5 O Jehovha, a lirandzo la wena li nga mbheliko la chikela le matilweni,+

Ni kutsumbeka ka wena le marefini.

 6 A kululama ka wena ku fana ni zvitsunga zva hombe,*+

Ni kulamula ka wena ku fana ni mati yo tala ma etileko.+

 8 Va xura hi zvakuga zvo nona* zva yindlu ya wena,+

U tlhela u va nwisa a micongo ya kutsaka ka wena.+

 9 A cibuka ca wutomi ci le ka wena;+

Hi kota ya kuwonekela ka wena ha wona kuwonekela.+

10 Simama ku va kombisa a lirandzo li nga mbheliko lava va ku tivako,+

Ni kululama ka wena, ka lava va timbilu ti lulamileko.+

11 U nga tsiki a nkondzo wa munhu wa matshandza wu ndzi kandzihetela,

Kutani canja ga wakubiha gi ndzi hlongola.

12 A vamahi va kubiha va wele laho;

Va wisilwe lahasi, va nga ta ha vhuka.+

37 U nga zangari hi kota ya vakubiha

Hambu ku lusela a vamahi va kubiha.+

 2 Va ta hatla va woma a ku fana ni byanyi,+

Va wuna a ku fana ni byanyi go nyuka.

 3 Tsumba Jehovha, u maha zvazvinene;+

Hanya laha misaveni,* u tsumbeka.+

 4 Kuma litsako la hombe ka Jehovha;

Yena i ta ku nyika a kuxuva ka mbilu ya wena.

 5 Nyikela a ndlela ya wena* ka Jehovha;+

Mu tsumbe, i ta ku vhuna.+

 6 I ta maha a kululama ka wena ku woninga a ku fana ni kuca,

Ni nongameto wa wena a ku fana ni gambo ga laha hlikanhini.

 7 Miyela mahlweni ka Jehovha+

U mu rindzela hi lihlazva-mbilu.

U nga zangari hi kota ya munhu

Loyi a humelelako ka zvikungo zvakwe zva kubiha.+

 8 Tsika zanga, u fularela khulo;+

U nga zangari, u hundzuluka u maha zvakubiha.*

 9 Hakuva a vakubiha va ta lovisiwa,+

Kanilezvi lava va rindzelako ka Jehovha va taga tshomba ya misava.+

10 Ka ha hi cikhatanyana, a vakubiha va nga ta hava kona;+

U ta cuwuka lomu va nga tshama kona,

Kanilezvi va nga tava kona.+

11 Kanilezvi a vakurula va taga a tshomba ya misava,+

Va ti buza hi litsako la hombe kuruleni ka hombe.+

12 A wakubiha i luka mano ya ku vhukela a wakululama,+

A mu getselela matino.

13 Kanilezvi Jehovha wa mu hleka,

Hakuva wa zvi tiva lezvaku a siku gakwe gata.+

14 A vakubiha va hlomula a zvipadha zvabye, va kondla* a mawura yabye

Kasi va wisa a muxaniseki ni cisiwana,

Ni ku daya lava a ndlela yabye yi lulamileko.

15 Kanilezvi a cipadha cabye ci ta tlhava a timbilu ta vona venyi;+

Ni mawura yabye ma ta tshoveletelwa.

16 I chukwana zvilo zvi tsongwani zva munhu wa kululama,

A ku hundza zvilo zvo tala zva vanhu vo tala va kubiha.+

17 Hakuva a mawoko ya vakubiha ma ta tshoviwa,

Kanilezvi Jehovha i ta seketela a valulamileko.

18 Jehovha wa zvi tiva lezvi zvi humelelako lava va nga solekiko,*

Ni tshomba yabye yi ta tshama kala kupindzuka.+

19 Va nga ta wisiwa tingana cikhatini ca khombo;

Cikhatini ca ndlala va tava ni zvakuga zvo tala.

20 Kanilezvi a vakubiha va ta lova;+

A valala va Jehovha va ta nyamalala a ku khwatsi wuriselo ga ginene;

Va ta nyamalala a ku fana ni musi.

21 A wakubiha i pemba a nga tlhelisi,

Kanilezvi a wakululama wa hana* a tlhela a nyika.+

22 Lava va katekisilweko hi Nungungulu va taga a tshomba ya misava,

Kanilezvi lava va rukatelweko hi Nungungulu va ta lovisiwa.+

23 Jehovha wa rangela* a mazambo ya munhu+

Loku a tsakiswa hi ndlela yakwe.+

24 Hambu loku awa, a nga ta hoxiwa lahasi,+

Hakuva Jehovha wa mu khoma hi canja.*+

25 Ndzi wa hi jaha, makunu ndzi khosahele,

Kanilezvi a ndzi se tshuka ndzi wona a wakululama na a tsikilwe,+

Ne hambu a vana vakwe na va kombela pawa.*+

26 I pembisa hi matsenya contlhe cikhati,+

Ni vana vakwe va ta katekiswa.

27 Fularela zvakubiha u maha zvazvinene,+

U ta hanya kala kupindzuka.

28 Hakuva Jehovha wa randza kululama,

A nga ta tshuka a tsika a vatsumbekileko vakwe.+

Contlhe cikhati va ta vhikelwa;+

Kanilezvi a pswalo wa vakubiha wu ta lovisiwa.+

29 A valulamileko va taga tshomba ya misava,+

Va hanya ka yona kala kupindzuka.+

30 A nomu wa munhu a lulamileko wu humesa wutlhari,*

Ni lirimi lakwe li wulawula hi kululama.+

31 A nayo wa Nungungulu wakwe wu lomu mbilwini yakwe,+

Ni mikondzo yakwe yi nga ta dhedhereka.+

32 A wakubiha i cuwukela a wakululama,

A hlota ku mu daya.

33 Kanilezvi Jehovha a nga ta mu tsika a wela canjeni gakwe+

Hambu ku mu nyika nandzu kulamulweni.+

34 Rindzela Jehovha u landzela a ndlela yakwe,

I ta ku tlakusa kasi uga a tshomba ya misava.

35 Ndzi wonile a munhu wa kubiha ni wa xapi

Na a nava a ku fana ni sinya yo tlhuma yi nga ka misava leyi yi nga milela ka yona.+

36 Kanilezvi i no nyamalala hi citshuketi, a lova;+

Ndzi no simama ku mu lavetela, kanilezvi a ndzi mu kumangi.+

37 Cuwuka loyi a nga solekiko,*

U cuwukisisa a munhu wa kululama,+

Hakuva a wumandziko ga munhu loye gi tava ni kurula.+

38 Kanilezvi vontlhe a vahambunyeti va ta lovisiwa;

A magumo ya vakubiha kuloviswa.+

39 A kuhanyiswa ka valulamileko kuta hi ka Jehovha;+

I khokhola gabye cikhatini ca zvikarato.+

I ta va tlhatlhisa ka loyi wakubiha, a va ponisa,

Hakuva va chavele kakwe.+

38 O Jehovha, u nga ndzi kawuki zangeni ya wena,

Ne u nga ndzi luleki khulweni ga wena.+

 2 Hakuva a mipaxa ya wena yi ndzi tlhavile yi nghena ndzeni ka mina,

Ni canja ga wena ga ndzi bindza.+

 4 A zvigoho zva mina zvi hundza ni hloko ya mina;+

A ku fana ni ndzhwalo wo bindza, zvi tele nguvhu kasi ku zvi rwala.

 5 A zvilondza zva mina zva nuha ni ku huma wubovhu

Hi kota ya wupumbu ga mina.

 6 Ndzi karatekile, ndzi xukuvala nguvhu;

Ndzi fambafamba na ndzi bayisekile gontlhe siku.

 7 Lomu ndzeni ka mina ka vhura;*

A miri wa mina wontlhe wa babya.+

 8 Ndzi rerekile ndzi pfotloka;

Ndza keta nguvhu* hi kota ya kupandza ka mbilu ya mina.

 9 O Jehovha, kontlhe a kuxuva ka mina ku mahlweni ka wena,

Ni miketo ya mina a yi ku fihlaleli.

10 A mbilu ya mina ya bhikitana; a ntamu wa mina wu mbhelile,

Ni kuwona ka matihlo ya mina ku ndzi tsikile.+

11 A vanghana va mina ni maxaka ya mina va ndzi venga hi kota ya ntungu wa mina,

Ni vaakelani va mina va yima hi le kule.

12 Lava va hlotako a wutomi* ga mina va demba mitlhamu;

Lava va zamako ku ndzi vangela mhango va wulawula kubiha;+

Gontlhe siku, va tshama hi ku alakanyela ku kanganyisa.

13 Kanilezvi a ku fana ni munhu wa kufa tindleve, a ndzi ingiseli;+

A ku fana ni munhu wo kala ku wulawula, a ndzi vhululi a nomu wa mina.+

14 Ndzi fana ni munhu wo kala kuzwa,

Loyi a nomu wakwe wu nga hava gezu ga ku ti yimela hi gona.

15 O Jehovha, ndzi no rindzela wena;+

Wena u ndzi hlamula, O Jehovha, Nungungulu wa mina.+

16 Hakuva ndzi te ngalo: “Ngha va nga giyagiyi ha mina,

Hambu ku ti kulisa ha mina loku a mikondzo ya mina yi retemuka.”

17 Hakuva kutsongwani ndzi wa lava kuwa,

Niku ndzi wazwa kubayisa contlhe cikhati.+

18 Ndzi no wulela a cigoho ca mina;+

Ndzi wa xaniswa hi ciwonho ca mina.+

19 Kanilezvi a valala va mina va tiyile* niku va na ni ntamu;*

Va tele lava va ndzi vengako ahandle ka cigelo.

20 Va ndzi tlhelisele a wunene hi kubiha;

Va lwile na mina hi lezvi ndzi hlotako zvazvinene.

22 Hatlisa u ndzi vhuna,

O Jehovha, wena kuhanyiswa ka mina.+

39 Ndzi te ngalo: “Ndzi ta wonelela a mazambo ya mina

Kasi ndzi nga wonhi hi lirimi la mina.+

Ndzi ta boha matomu non’wini wa mina+

Loku ku hi ni wakubiha mahlweni ka mina.”

 2 Ndzi wa nga wulawuli niku ndzi wa miyele;+

Ndzi wa nga wulawuli ne hambu hi zvilo zva zvinene,

Kanilezvi a kubayisa ka mina ku wa hi ka hombe.*

 4 “O Jehovha, ndzi vhune ku tiva lezvi a magumo ya mina ma to tshamisa zvona,

Ni ntsengo wa masiku ya mina,+

Kasi ndzi tiva a kukoma ka wutomi ga mina.*

 5 Hakunene a masiku u ndzi nyikileko ma tsongwani,*+

Ni cikhati ca kuhanya ka mina a hi nchumu mahlweni ka wena.+

 9 Ndzi no miyela;

A ndzi vhululangi nomu wa mina,+

Hakuva hi wena u nga zvi maha.+

11 Wena wa kawuka munhu, u mu tsayisa hi kota ya cigoho cakwe;+

Waga a zvilo lezvi a zvi nyikako lisima a ku khwatsi hi lezvi a muhlwa wu mahako.

12 O Jehovha, zwana mukhongelo wa mina,

Uzwa a kurila ka mina ka ku lava ku vhuniwa.+

Hakuva ka wena, mina ndzi muluveli ntsena,+

Ndzi muendzi a hundzako a ku khwatsi hi vontlhe a vakokwani va mina.+

13 Tsika ku ndzi swola kasi ndzi tangala

Na ndzi nga se hundza ndzi n’walala.”

40 Ndzi rindzele ka Jehovha na ndzi hi ni kutsumba;*

I ndzi vhululele a ndleve yakwe,* azwa a kurila ka mina ka ku lava ku vhuniwa.+

 2 I ndzi humesile lomu hloweni ya mati ma vhindlukileko,

Ni lomu citivaneni ca madhaka.

I yimisile a mikondzo ya mina hehla ka ribye,

A tiyisa a mazambo ya mina.

 3 Andzhako ka lezvo, i no chela a lisimu liswa non’wini wa mina,+

A lisimu la ku dhumisa a Nungungulu wa hina.

A vanhu vo tala va ta zvi wona na va hlamala,

Va tsumba Jehovha.

 4 Wa tsaka a munhu loyi a tsumbako Jehovha,

Ni loyi a nga tsutsumeliko ka vahluwuki kutani ka vahembi.

 5 O Jehovha, Nungungulu wa mina,

A zvi no ku tala a zvilo lezvi u zvi mahileko,

Ina, a mitiro ya wena yo hlamalisa ni maalakanyo ya wena hi hina.+

I hava a nga fananiswako na wena;+

Loku ndzi wo zama ku yi hlawutela ni ku wulawula hi yona,

Yi wa ta ndzi tsandza ku hlawutela hi kutala!+

 6 A wu lavangi* miphahlo ni minyikelo,+

Kanilezvi u vhululile a tindleve ta mina kasi tizwa.+

 8 O Nungungulu wa mina, zva ndzi tsakisa* a ku maha kurandza ka wena,+

Ni nayo wa wena wu lomu mbilwini ya mina.+

A ndzi vhali a minomu ya mina,+

O Jehovha, kota lezvi u zvi tivako khwatsi.

A zvigoho zva mina zvo tala zva ndzi rera laha ka ku a ndzi zvi koti ku wona ndlela ya mina;+

Zvi tele a ku hundza a misisi ya hloko ya mina;

A mbilu ya mina yi rerekile.

14 Ngha vontlhe lava va hlotako ku susa a wutomi* ga mina

Va wisiwa tingana, va dhana.

Ngha lava va tsakako hi khombo ga mina

Va hlehla na va ku koyo tingana.

16 Kanilezvi lava va ku hlotako+

Va wa tsake va nengela ka wena.+

17 Kanilezvi mina ndzi muxaniseki ni cisiwana;

Jehovha i wa chele kota hi mina.

Wena u muvhuni wa mina ni mutlhatlhisi wa mina;+

O Nungungulu wa mina, u nga hlweli.+

41 Wa tsaka a munhu loyi a zwelako cisiwana;+

Jehovha i ta mu tlhatlhisa sikwini ga khombo.

I ta wuliwa loyi a tsakileko laha misaveni.+

U nga ta tshuka u mu nyikela ka kurandza* ka valala vakwe.+

 3 Jehovha i ta mu tiyisa laha mubhedhini wakwe wa kubabya;+

U ta wu hundzulusa hi kumbhelela a mubhedhi wakwe loku a kari a babya.

I hlengeletela zvilo zva kubiha kasi a wula,

A gumesa a huma a ya zvi hangalasa.

 7 Vontlhe lava va ndzi vengako va hlevelana;

Va xuxa cikungo ca kubiha hi mina, vaku:

 8 “I welwe hi khombo go tshisa;

Lezvi a wileko, a nga ta ha vhuka kambe.”+

 9 Hambu loyi a nga hi kuruleni na mina, loyi ndzi nga mu tsumba,+

Loyi a ngaga pawa ya mina, i ndzi jikele.*+

10 Kanilezvi wena Jehovha, ndzi mahele wuxinji u ndzi tlakusa

Kasi ndzi fela ku va tlhelisela.

12 Kanilezvi wena wa ndzi seketela hi kota ya kutsumbeka ka mina;+

U ta ndzi veka mahlweni ka wena kala kupindzuka.+

13 Ngha Jehovha, a Nungungulu wa Izrayeli, a dhumiswa,

Kusukela kupindzukeni kala kupindzuka.*+

42 A ku fana ni hlangu yi xuvako a micongo ya mati,

Mina ndzi* xuva wena Nungungulu.

 3 A mihloti ya mina kuga ka mina mumu ni wusiku;

Gontlhe siku, a vanhu va ndzi poyila, vaku: “I kwihi a Nungungulu wa wena?”+

 4 Ndza alakanya a zvilo lezvi, ndzi chulula a muhefemulo* wa mina,

Hakuva ndzi wa famba ni citshungu,

Ndzi famba hi kunonoka mahlweni kabye kala ndlwini ya Nungungulu,

Na ku biwa mikulungwani ya kutsaka ni kubonga

Ya citshungu ci mahako mubuzo.+

Rindzela Nungungulu,

Hakuva ndza ha ta mu dhumisa kota Muhanyisi wa mina wa Hombe.+

Hikwalaho, ndza ku alakanya,+

Na ndzi hi tikweni ga Jordhani ni le madembeleni ya Hermoni,

Citsungeni ca Mizare.*

 7 A mati yo eta ma vitana a mati yo eta

Hi guwa ga mati ya wena ma chikako hi le zvitsungeni.

 8 Ni hlikanhi, Jehovha i ta ndzi kombisa lirandzo lakwe li nga mbheliko;

Ni wusiku, a lisimu lakwe li tava na mina — a mukhongelo ka Nungungulu wa wutomi ga mina.+

10 A valala va mina va no ndzi rukatela hi livengo la hombe;*

Gontlhe siku va ndzi poyila, vaku: “I kwihi a Nungungulu wa wena?”+

Rindzela Nungungulu,

Hakuva ndza ha ta mu dhumisa kota Muhanyisi wa mina wa Hombe ni Nungungulu wa mina.+

43 O Nungungulu, ndzi lamule,+

Yimela a mhaka ya mina+ leyi ndzi nga nayo ni tiko gi nga tsumbekiko.

Ngha zvi ndzi rangela;+

Ngha zvi ndzi rangela ndziya citsungeni ca wena co basa ni tabhernakelini ga wena ga hombe.+

 4 Makunu ndzi taya alatini ga Nungungulu,+

Ka Nungungulu wa kutsaka ka mina ka hombe.

Ndzi ta rindzela Nungungulu,+

Hakuva ndza ha ta mu dhumisa kota Muhanyisi wa mina wa Hombe ni Nungungulu wa mina.+

44 O Nungungulu, hi zvi zwile hi tindleve ta hina.

A vakokwani va hina va hi hlawutele+

A zvilo lezvi u zvi mahileko masikwini yabye,

Masikwini ya kaleloko.

 2 U hlongolile matiko hi canja ga wena,+

U veka a vakokwani va hina lomo.+

 3 A va tekangi a tiko hi cipadha ca vona venyi+

Ne a va hlulangi hi woko ga vona venyi.+

Kanilezvi kuve hi canja ga wena ga cinene, ni woko ga wena,+ ni kuwonekela ka nghohe ya wena;

Hakuva u wa xalala hi vona.+

 4 O Nungungulu, wena u Hosi ya mina;+

Laya lezvaku Jakobe a hlula hi kumbhelela.*

 5 Hi ntamu wa wena, hi ta hlongola valala va hina;+

Vitweni ga wena, hi ta kandzihetela lava va hi vhukelako.+

 6 Hakuva a ndzi tsumbi a wura ga mina,

Ne a cipadha ca mina a ci nge ndzi ponisi.+

 7 Hi wena u hi ponisileko ka valala va hina.+

Hi wena u nga va wisa tingana lava va hi vengako.

 8 Hi ta dhumisa Nungungulu a siku gontlhe,

Hi tlhela hi bonga a vito gakwe kala kupindzuka. (Sela)

 9 Kanilezvi makunu u hi hoxile, u hi wisa tingana,

A wa ha humi zvin’we ni mabutho ya hina.

10 U hi maha hi hlehla mahlweni ka valala va hina.+

Lava va hi vengako va hi phanga ni cihi va ci lavako.

11 Wena wa hi nyikela kasi hi khadamuliwa a ku fana ni tiyivhu;

U hi hangalasile cikari ka matiko.+

12 U xavisile a vanhu va wena hi ntsengo wu nga siziko nchumu;+

A wu bhindzulangi nchumu hi kuxavisa loko.*

13 U hi maha ciruko ka vaakelani va hina,

Hi hlekiwa hi tlhela hi poyilelwa hi vontlhe lava va hi randzeleko.

14 U hi maha cihlekiso* cikari ka matiko,+

Hiva nchumu wa ku a mifumo yi wu ninginisela a tihloko.

15 Gontlhe siku ndzi tshama na ndzi tsakamile hi tingana;

Ndzi fenengetilwe hi tingana ta mina,

16 Hi kota ya gezu ga loyi a ndzi poyilako ni ku ndzi rukatela,

Hi kota ya nala wa hina loyi a ti photelako.

17 Zvontlhe lezvi zvi hi wele, kanilezvi a hi ku rivalangi,

Ne a hi tshovangi a civhumelwano ca wena.+

18 A timbilu ta hina a ti hambukangi,

Ni mazambo ya hina a ma humangi ndleleni ya wena.

19 Kanilezvi wena u hi pfotlosile lomu ku hanyako makhanga;

U hi fenengetile hi munyama wo tshisa.

20 Loku hi rivele a vito ga Nungungulu wa hina

Ni loku hi nawulutile a mandla ya hina hi khongela ka nungungulu wa matiko,

21 Nungungulu a nga ta zvi tiva ke?

22 Hi kota ya wena ha dawa gontlhe siku;

Hi woniswa ku khwatsi hi tiyivhu ti yako kudaweni.+

25 Hakuva hi* wisilwe lahasi ntshurini;

A mimiri ya hina ya tshikelelwa lahasi.+

 3 Wena nhenha,+ tlhomeka a cipadha ca wena nyongeni ya wena,+

U ambala a wudzundzo ni kungangamela.+

 4 Huma hi kungangamela ka wena, uya kuhluleni;+

Khilela a haxi ga wena hi kota ya lisine, ni kutikoramisa, ni kululama;+

Ni canja ga wena ga cinene gi ta maha* a mitiro yo hlamalisa.

 5 A mipaxa ya wena ya kariha, yi wisa matiko mahlweni ka wena;+

Ya tlhava a timbilu ta valala va hosi.+

 6 Nungungulu citshamu ca wena ca wuhosi kala kupindzuka ni kupindzuka;+

A nhonga ya wuhosi ya mufumo wa wena i nhonga ya wuhosi ya kululama.*+

 8 Tontlhe a tinguwo ta wena ti nuhela a mira, ni mhangani, ni kasiya;

U tsakisiwa hi zvichaya-chaya zva tingoti lomu ndlwini ya hombe ya wuhosi yi sasekiselweko hi matino ya ndlovhu.

10 O nhanyana, ingisela, u demba ndleve, u kangatela a ndleve ya wena;

Rivala va ka n’wina ni va yindlu ya papayi wa wena.

11 A hosi yi ta kokiwa hi kusaseka ka wena,

Hakuva yona i hosi ya wena,

Hikwalaho, yi khizamele.

12 A nhanyana wa le Tire i tata ni cinyikiwo;

A zviganyi zvi ta lava ku kuma thomo ka wena.*

13 A nhanyana wa hosi wa ngangamela lomu ndlwini ya wuhosi.

A tinguwo takwe ti sasekiselwe hi ouro.

15 Va ta tisiwa na va kulungela hi kutsaka;

Va ta nghena lomu ndlwini ya wuhosi.

46 Nungungulu wuchavelo ga hina ni ntamu wa hina,+

Civhuno ci tekelako ku kumiwa zvikhatini zva zvikarato.+

 2 Hikwalaho, hi nga ta chava nchumu hambu loku a misava yi hundzuluka,

Ni loku a zvitsunga zvi wela kueteni ka bimbi.+

 3 Hambu loku a mati ya gona ma dzindza, ma hlata khuvi,+

Ni loku a kuvhindluka ka gona ku tsekatsekisa a zvitsunga. (Sela)

 4 Ku na ni congo lowu a minonga ya kona yi tsakisako a dhoropa ga Nungungulu,+

A tabhernakeli ga hombe go basa ga Loyi a Tlakukileko ku Hundza Vontlhe.

 6 A matiko ma wa hi ka gujeguje, a mifumo yi hahlulilwe;

I tlakusile a gezu gakwe, a misava yi nyeka.+

 7 Jehovha wa mabutho i na hina;+

A Nungungulu wa Jakobe wuchavelo ga hina go tiya.* (Sela)

 8 Tanani mu ta kustumunya a mitiro ya Jehovha,

Lezvi a nga mahisa zvona a zvilo zvo hlamalisa laha misaveni.

Wa tshova a wura, a phatlulela a tlhari;

I hisa a tikareta* ta yimpi ndzilweni.

Ndzi ta tlakusiwa cikari ka matiko;+

Ndzi ta tlakusiwa laha misaveni.”+

11 Jehovha wa mabutho i na hina;+

Nungungulu wa Jakobe wuchavelo ga hina go tiya.+ (Sela)

 2 Hakuva Jehovha, Loyi a Tlakukileko ku Hundza Vontlhe, wa chavisa;+

Hi yena Hosi ya hombe misaveni yontlhe.+

 3 I khozisa a mifumo lahasi ka hina,

A veka matiko lahasi ka mikondzo ya hina.+

 4 I hi hlawulela a tshomba ya hina,+

A wudzundzo ga Jakobe, loyi a mu randzako.+ (Sela)

 5 Nungungulu i kandzihile na ku zwala a mikulungwani ya kutsaka;

Jehovha i kandzihile na ku biwa linanga.*

 7 Hakuva Nungungulu i Hosi ya misava yontlhe;+

Yimbelelani a tisimu ta kudhumisa, mu kombisa wutlhari.

 9 A varangeli va matiko va tsombene

Zvin’we ni vanhu va Nungungulu wa Abrahama.

48 Jehovha wa hombe niku wa ringanelwa nguvhu hi ku dhumisiwa

Dhoropeni ga Nungungulu wa hina, citsungeni cakwe co basa.

 2 A kutlakuka ka cona ku sasekile, a kutsaka ka misava yontlhe,+

Leco Citsunga ca Ziyoni ci nga tlhelweni ga n’walungu,*

A dhoropa ga Hosi ya Hombe.+

 3 Lomu tikhokholeni* ta gona ti tiyisilweko khwatsi,

Nungungulu i kombile lezvaku yena wuchavelo go tiya.*+

 4 Hakuva a tihosi ti tsombene;*

Ti fambile zvin’we.

 6 Ti no khon’wa hi kuchava laho,

Tizwa kubayisa ko khwatsi ka wasati a pswalako.

 8 Lezvi hi nga kari hi zvizwa, makunu hi zvi wonile ha hoce

Lomu dhoropeni ga Jehovha wa mabutho, dhoropeni ga Nungungulu wa hina.

 9 O Nungungulu, hi ehleketa hi lirandzo la wena li nga mbheliko+

Lomu tempeleni ya wena.

10 O Nungungulu, a ku fana ni vito ga wena, a wudzundzo ga wena

Gi chikela ni le magemeta-musi ya misava.+

11 A Citsunga ca Ziyoni+ ci wa tsake,

Ni madhoropa* ya Judha ma wa tsake hi kota ya kulamula ka wena.+

12 Rendzelekelani Ziyoni; gi rendzelekeleni gontlhe;

Hlayani a tikhokhola* ta gona.+

Hlolisisani a tikhokhola* ta gona ti tiyisilweko khwatsi,

Kasi mu ta hlawutela a zvizukulwana zva ha tako.

Dembani ndleve, n’wina n’wentlhe vahanyi va tiko,

 2 A vatsongwani ni vahombe,*

A zviganyi ni zvisiwana.

 3 A nomu wa mina wu ta wulawula wutlhari,

Ni kuehleketa ka mbilu ya mina+ ku ta kombisa a kupimisisa.

 4 Ndzi ta demba ndleve ka vingu,

Ndzi landzula a litekatekani la mina hi citende.

 5 Ndzi ta chavela yini zvikhatini zva zvikarato,+

A cikhati leci ndzi to randzelwa hi kubiha* ka lava va zamako ku ndzi wisa ke?

 6 Lava va tsumbako a titshomba tabye,+

Ni lava va ti kulisako hi titshomba tabye to tala,+

 7 I hava ni mun’we wabye a nga tlhatlhisako a makabye

Kutani ku mu humesela a hakhelo ya kutlhatlhisa mahlweni ka Nungungulu,+

 8 (A ntsengo wa hakhelo ya ku tlhatlhisa a wutomi* gabye wa lisima nguvhu,

Laha ka ku va nga ta tshuka va zvi kota ku wu humesa);

 9 Kasi a hanya kala kupindzuka, a nga woni nkele.*+

10 Hakuva a munhu wa zvi wona lezvaku hambu a titlhari tafa;

A cipumbu ni munhu a nga hava kupimisisa va lova zvin’we,+

Va va siyela titshomba tabye van’wani.+

11 A timbilu tabye ti navela ku a tiyindlu tabye ti tshama kala kupindzuka,

A matenda yabye ma simama ka cizukulwana ni cizukulwana.

12 Kanilezvi hambu loku a munhu a dzundziwa a nga ta pindzuka;+

A nga zvi hundzi hi nchumu a zvihari lezvi zvi lovako.+

13 Leyi i ndlela ya zvipumbu+

Ni ya lava va zvi landzelako, lava va tsakisiwako hi timhaka tabye ti nga vhuniko nchumu. (Sela)

A kufa ku ta va risa;

Loyi a lulamileko i ta va fumela+ ni mixo.

Yontlhe a mimiri yabye yi ta lova;+

A Cilahla*+ hi cona ci tova muti wabye, na ku nga hi yindlu ya wuhosi.+

15 Kanilezvi Nungungulu i ta ndzi tlhatlhisa* canjeni* ga Cilahla,*+

Hakuva i ta ndzi wokola. (Sela)

16 U nga chavi loku a munhu a ganya,

Ni loku a wudzundzo ga yindlu yakwe gi andza,

17 Hakuva a cikhati a tofa a nga ta teka nchumu;+

A wudzundzo gakwe gi nga ta relela naye.+

20 A munhu a nga yi zwisisiko a mhaka leyi, hambu loku a dzundziwa,+

A nga zvi hundzi hi nchumu a zvihari lezvi zvi lovako.

50 Jehovha, a Nungungulu wa vanungungulu,+ i wulawulile;

I vitanisa misava

Kusukela mutsuwuka-gambo kala mupela-gambo.

Mahlweni kakwe ku na ni ndzilo wu hisako,+

Ni matlhelweni yakwe, ku na ni bhubhutsa ga hombe.+

 4 I vitanisa a matilo le hehla ni misava+

Kasi a lamula vanhu vakwe:+

 5 “Ndzi tsombaniseleni a vatsumbekileko va mina,

Lava va mahako a civhumelwano na mina hi muphahlo.”+

 6 A matilo ma huwelela a kululama kakwe,

Hakuva Nungungulu wutsumbu Mulamuli.+ (Sela)

 7 “N’wina vanhu va mina, ndzi ingiseleni, ndzi ta wulawula;

Wena Izrayeli ndzi ta kustumunya ndzi ku vhukela.+

 8 A ndzi ku kawuki hi kota ya miphahlo ya wena,

Ne hambu hi kota ya minyikelo ya wena ya kuhiswa ya mirumba leyi yi nga mahlweni ka mina contlhe cikhati.+

 9 A ndzi lavi ku teka a homu mutini wa wena,

Ne hambu timhongo lomu mitlhambini ya wena.+

10 Hakuva zvontlhe a zvihari zva khwati zva mina,+

Hambu ni zvihari lezvi zvi nga hehla ka 1000 wa zvitsunga.

11 Zvontlhe a zvinyanyani zva lomu zvitsungeni ndza zvi tiva;+

A zvihari zva khwati zva tsandza-vahlayi zva mina.

12 Loku ndzi wozwa ndlala, ndzi wa nga ta ku byela,

Hakuva a misava ni zvontlhe zvi nga ka yona zva mina.+

13 Xana ndzi taga a nyama ya tihomu,

Ndzinwa a nkhata wa timbuti ke?+

14 Nyikela a muphahlo wa kubonga ka Nungungulu,+

U tatisa a zvifungo zva wena ka Loyi a Tlakukileko ku Hundza Vontlhe;+

15 Ndzi vitane zvikhatini zva zvikarato,+

“I fanelo muni u nga nayo ya ku hlawutela a milayo ya mina+

Ni ku wulawula hi civhumelwano ca mina ke?+

17 Hakuva wa venga a kulayiwa,*

U fularela a timhaka ta mina.*+

18 Loku u wona a muyivi, u yima naye,*+

U maha wunghana ni zvibhayi.

19 U tirisa a nomu wa wena kasi ku hangalasa zvakubiha,

Ni kukanganyisa ku namarele lirimini la wena.+

20 U tshama hasi u wulawula kubiha hi makabye wa wena;+

U paluxa a zvihoxo zva* n’wana wa mamani wa wena.

21 A cikhati u nga maha zvilo lezvi, ndzi no miyela,

Hikwalaho, u wa alakanya lezvaku ndzi ta fana na wena.

Kanilezvi zvezvi ndzi ta ku kawuka,

Ndzi wula a mhaka leyi ndzi nga nayo na wena.+

22 Chelani kota hi mhaka leyi, n’wina mu riveleko Nungungulu,+

Kasi ndzi nga mu phatluleli, na mu nga hi na wa ku mu tlhatlhisa.

23 Loyi a nyikelako a muphahlo wa kubonga wa ndzi dhumisa,+

Ni loyi a landzako a ndlela yo lulama,

Ndzi ta mu wonisa a kuhanyisa ka Nungungulu.”+

 2 Ndzi hlazve hi kumbhelela cigohweni ca mina,+

U ndzi basisa ciwonhweni ca mina.+

 3 Hakuva ndza zvi tiva khwatsi a zvihambunyeto zva mina,

Ni ciwonho ca mina ci mahlweni ka* mina contlhe cikhati.+

 4 Ndzi ku wonhele, ina, ndzi wonhele wena a ku hundza vontlhe;*+

Ndzi mahile lezvi zvi bihileko mahlweni ka wena.+

Hikwalaho, u lulamile loku u wulawula,

U lulamile kulamuleni ka wena.+

 5 Ndzi pswalilwe na ndzi hi ni nandzu wa cigoho,

Ni mamani wa mina i xurile nyimba ya mina ciwonhweni.*+

 6 U tsakisiwa hi lisine mbilwini ya munhu;+

Gondzisa a mbilu ya mina a wutlhari ga lisine.

 7 Ndzi basise ciwonhweni ca mina hi hisope* kasi ndzi basa;+

Ndzi hlazve kasi ndzi basa a ku hundza ni gapongo.+

 8 Ndzi tsike ndzizwa a guwa ga litsako ni mikulungwani,

Kasi a marambu lawa u ma fayeteleko ma tsaka.+

 9 Hambukisa* a nghohe ya wena ka zviwonho zva mina,+

U vhinya* zvontlhe a zvigoho zva mina.+

10 O Nungungulu, ndzi vangele a mbilu yi basileko,+

U chela ndzeni ka mina a moya wuswa,+ a moya wa kutiya.

11 U nga ndzi hoxi kule na wena,

Ne u nga ndzi suseli a moya wa wena wo basa.

12 Ndzi vhuxele a litsako la kuhanyisa ka wena;+

U hlanganyetela ndzeni ka mina a moya wa ku ku ingisa.*

13 Ndzi ta va gondzisa a tindlela ta wena a vahambunyeti,+

Kasi a vawonhi va hundzuluka va wuya ka wena.

14 O Nungungulu, ndzi ponise ka nandzu wa nkhata,+ wena Nungungulu wa kuhanyiswa ka mina,+

Kasi a lirimi la mina li hlawutela a kululama ka wena hi kutsaka.+

15 O Jehovha, vhulula a minomu ya mina,

Kasi a nomu wa mina wu huwelela a kudhumiswa ka wena.+

16 Hakuva a wu lavi muphahlo, loku zvi wa nga hi lezvo, ndzi wa ta ku nyika wona;+

A wu tsakiswi hi munyikelo wa kuhiswa wa murumba.+

17 A miphahlo yi tsakisako Nungungulu i moya wu tshovekileko;

O Nungungulu, u nga ta nyenya* a mbilu yi tshovekileko ni leyi yi pandzekileko.+

18 Wuneneni ga wena maha lezvi zvi nga zvinene ka Ziyoni;

Aketa a makhurisi ya Jerusalema.

19 Makunu u ta xalaliswa hi miphahlo ya kululama,

A miphahlo ya kuhiswa ni minyikelo ya murumba;

Makunu, a tihomu ti ta nyikelwa alatini ga wena.+

 2 A lirimi la wena, li lotilweko a ku fana ni likari,*+

Li xuxa cikungo ca kubiha li tlhela li kanganyisa.+

 3 U randza nguvhu zvakubiha a ku hundza zvazvinene,

U randza a ku hemba a ku hundza ku wulawula zvakululama. (Sela)

 4 U randza a timhaka tontlhe ti lovisako,

Wena lirimi lo kanganyisa!

 5 Hikwalaho, Nungungulu i ta ku lovisa kala kupindzuka;+

I ta ku khoma a ku susa tendeni ga wena,+

A ku tsuwula tikweni ga vahanyako.+ (Sela)

 6 A valulamileko va ta zvi wona va hlamala,+

Niku va ta mu hleka, vaku:+

 7 “Hi nga wona a munhu loyi a nga kala ku maha Nungungulu ava wuchavelo* gakwe,+

Loyi a tsumbileko a titshomba takwe to tala+

A tlhela a tsumba a* zvikungo zvakwe zva kubiha.”

 8 Kanilezvi mina ndzi ta fana ni olivha wo tlhuma ndlwini ya Nungungulu;

Mina ndzi tsumba a lirandzo li nga mbheliko la Nungungulu,+ kala kupindzuka ni kupindzuka.

 9 Ndzi ta ku dhumisa kala kupindzuka hakuva u mahile cokari.+

Mahlweni ka vatsumbekileko va wena,

Ndzi ta tsumba vito ga wena,+ hakuva gi nene.

A mitiro yabye yi nga lulamangiko yi bolile yi tlhela yi nyenyeza;

A nga kona a mahako zvazvinene.+

 2 Kanilezvi Nungungulu i cuwuka hasi na a hi le tilweni, a cuwuka a vana va vanhu,+

Kasi ku wona lezvaku i kona a nga ni wutlhari kutani a hlotako Jehovha ke.+

 3 Vontlhe va hambukile;

Vontlhe vakanganyisi.

I hava a mahako zvazvinene,

A ku kala ni mun’we.+

 5 Kanilezvi va ta tala hi kuchava ka hombe,

A kuchava ka ku va wa nga se tshuka vava nako,*

Hakuva Nungungulu i ta hangalasa a marambu ya lava va ku dhumelako.*

Laha Jehovha a to tlhelisa a vanhu vakwe va khomilweko,

Ngha Jakobe a tsaka, na Izrayeli i wa kulungele.

54 O Nungungulu, ndzi ponise hi vito ga wena,+

U ndzi yimela*+ hi ntamu wa wena.

 2 O Nungungulu, zwana mukhongelo wa mina;+

Demba ndleve ka timhaka ta nomu wa mina.

 3 Hakuva a vamatiko va ndzi vhukela,

Ni vanhu va tihanyi va hlota wutomi* ga mina.+

 4 Hi nga wonani! Nungungulu muvhuni wa mina;+

Jehovha i zvin’we ni lava va ndzi seketelako.*

 5 I ta tlhelisela valala va mina+ hi mitiro yabye ya kubiha;

Nungungulu wa mina va lovise,* hakuva u tsumbekile.+

 7 Hakuva yena wa ndzi tlhatlhisa mihlomulweni ya mina yontlhe,+

Ndzi ta giyagiya laha ndzi to wona a valala va mina na va wile.+

55 O Nungungulu, ingisela a mukhongelo wa mina,+

U nga ti vhali tindleve ka cikombelo ca mina ca ku lava ku mahelwa wuxinji.*+

A kukarateka ka mina a ku ndzi nyiki kurula,+

Ndzi jujekile kupima

 3 Hi kota ya lezvi a nala a zvi wulako

Ni lezvi a vakubiha va ndzi karatako.

Hakuva va wungeletela zvikarato hehla ka mina,

Va ndzi vekela civiti na va zangarile.+

 4 A mbilu ya mina ya bayisa ndzeni ka mina,+

Ni kuchava kufa ka ndzi bindza.+

 5 A kuchava ni kururumela zvi wela hehla ka mina,

Ni kururumela ka ndzi fenengeta.

 8 Ndzi wa ta hatlisa ndziya wuchavelweni,

Ndziya kule ni moya wa hombe, kule ni cingulo.”

 9 O Jehovha, va vhilinganyise, u thinda makungo yabye,*+

Hakuva ndzi wonile tihanyi ni tiholova lomu dhoropeni.

10 Mumu ni wusiku va rendzelekela a makhurisi ya gona;

Ndzeni ka gona ku na ni kubiha ni zvikarato.+

11 Lomu ndzeni ka gona ku na ni khombo;

A kuxanisiwa ni kukanganyisa a zvi tshuki zvi suka lomu maprasa* ya gona.+

12 Hakuva loyi a ndzi rukako a hi nala;+

Loku i wa hi nala, ndzi wa ta zvi timisela.

Loyi a ndzi vhukelako a hi nala;

Loku i wa hi nala, ndzi wa ta mu fihlala.

13 Kanilezvi hi wena, a munhu wo khwatsi hi mina,+

A munghana wa mina loyi ndzi mu tivako khwatsi.+

14 Hi wa ti buza hi wunghana go tsakisa;

Hi wa famba zvin’we ni citshungu hiya ndlwini ya Nungungulu.

Va wa relele Cilahleni* na va ha hanya;

Hakuva a kubiha ku tshama cikari kabye ni ndzeni kabye.

16 Kanilezvi mina ndzi ta rila ka Nungungulu,

Na Jehovha i ta ndzi ponisa.+

17 Laha wusikwini, ni laha mixweni, ni laha hlikanhini ndza karateka ndzi keta,+

Na yena wazwa a gezu ga mina.+

18 I ta ndzi tlhatlhisa,* a ndzi nyika kurula mahlweni ka lava va lwako na mina,

Hakuva va tele lava va ndzi vhukelako.+

19 Nungungulu i ta zvizwa, a va hlamula,+

Loyi cima ka kale a tshamileko citshan’wini ca wuhosi.+ (Sela)

Va ta ala ku cica,

Lava va nga chaviko Nungungulu.+

20 I* vhukele lava va nga hi ni kurula naye,+

A tshova a civhumelwano cakwe.+

21 A magezu yakwe ma olova a ku hundza matega,+

Kanilezvi mbilwini yakwe ku na ni tiholova.

A magezu yakwe ma olova a ku hundza mafura,

Kanilezvi wona zvipadha zvi hlomulilweko.+

22 Hoxela* a ndzhwalo wa wena ka Jehovha,+

I ta ku seketela.+

 2 Gontlhe siku a valala va mina va ndzi khadamula;

A votala valwa na mina hi matshandza.

 4 Ndzi tsumba Nungungulu, loyi ndzi dhumisako a mhaka yakwe,

Ndzi tsumba Nungungulu; a ndzi chavi nchumu.

 5 Gontlhe siku valwa ni kuxuva ka mina;

Leci ntsena va ci alakanyako ku ndzi mahela kubiha.+

 6 Va fihlala kasi va ndzi dhumela;

Va cuwukela a mazambo ya mina wontlhe,+

Na va hlota a wutomi* ga mina.+

10 Ndzi tsumba Nungungulu, loyi ndzi dhumisako a mhaka yakwe,

Ina, ndzi tsumba Jehovha, loyi ndzi dhumisako a mhaka yakwe,

11 Ndzi tsumba Nungungulu; a ndzi chavi nchumu.+

12 O Nungungulu, ndzi bohilwe ka wena hi zvifungo zva mina;+

Ndzi ta ku nyika minyikelo ya kubonga.+

13 Hakuva u ndzi tlhatlhisile* kufeni,+

U vhikela a mikondzo ya mina lezvaku yi nga phinganyetiwi+

Kasi ndzi famba mahlweni ka Nungungulu kuwonekeleni ka vahanyako.+

57 Ndzi mahele wuxinji, O Nungungulu, ndzi mahele wuxinji,+

Hakuva ndzi* chavela ka wena,

Ndzi chavela ndzhutini wa tipapa ta wena kala a zvikarato zvi hundza.+

 2 Ndza rila ka Nungungulu, Loyi a Tlakukileko ku Hundza Vontlhe,

Ka Nungungulu wa lisine loyi a fuvisako zvikarato hi kota ya mina.

 4 Ndzi* randzelwe hi tinghala;+

Ndzi etlela cikari ka vanhu va lavako ku ndzi khadamula,

Lava a matino yabye ma nga matlhari ni mipaxa,

Ni lava a lirimi labye li nga cipadha co kariha.+

 5 O Nungungulu, ngha u tlakuswa hehla ka matilo;

Ngha a wudzundzo ga wena giva hehla ka misava yontlhe.+

 6 Va dembile ntlhamu* kasi va phasa mikondzo ya mina;+

Ndzi* koramile hi kota ya kukarateka.+

Va kelile nkele mahlweni ka mina,

Kanilezvi hi vona venyi

va nga wela ka wona.+ (Sela)

 7 O Nungungulu, a mbilu ya mina yi tiyile,+

Ina, a mbilu ya mina yi tiyile.

 9 O Jehovha, ndzi ta ku dhumisa cikari ka mifumo;+

Ndzi ta yimbelela a tisimu ta ku ku dhumisa* cikari ka matiko.+

10 Hakuva a lirandzo la wena li nga mbheliko la hombe, li chikela ni matilweni,+

Ni kutsumbeka ka wena ku chikela ni le marefini.

11 O Nungungulu, ngha u tlakuswa hehla ka matilo;

Ngha a wudzundzo ga wena giva hehla ka misava yontlhe.+

 2 Wutshan’wini ga lezvo, mu xuxa a kungalulami timbilwini ta n’wina,+

Ni mandla ya n’wina ma hangalasa a tihanyi lomu tikweni.+

 3 A vakubiha va hambuka* na va ha hi khwirini;

Vona zvitlula-milayo ni vahembi kusukela kupswaliweni kabye.

 4 A wuxungu gabye gi fana ni wuxungu ga tinyoka;+

Zviwiri a ku fana ni vhuwumati yi ti vhalako madema.

 5 Yi nga tazwa a gezu ga vasalamusi,

Hambu loku vo ma mahisa kuyini a masalamuso yabye.

 8 Ngha va fana ni halavhumba yi nyekako loku yi famba;

Va fana ni n’wanana a pswaliwako na a file, a nga tshukiko a wona a gambo.

 9 A timbita na ti nga sezwa a ndzilo wa mavivi ya mimizwa,

I ta swiyela a zvidhavana zvo tsakama ni lezvi zvi vhurako, a ku khwatsi hi loku zvi kukuletwa hi moya wa hombe.+

10 Loyi a lulamileko i ta tsaka hakuva i wonile kuphotelwa;+

A minenge yakwe yi ta cabwatana lomu nkhateni wa vakubiha.+

59 O Nungungulu wa mina, ndzi tlhatlhise ka valala va mina;+

Ndzi vhikele ka lava va ndzi vhukelako.+

 2 Ndzi tlhatlhise ka vamahi va kubiha,

U ndzi ponisa ka vanhu va tihanyi.*

 3 Va tshama va ndzi xiyelela;*+

A vavanuna va ntamu va ndzi vhukela

Kuveni a ndzi hambunyetangi nchumu hambu ku wonha nchumu,+ O Jehovha.

 6 Siku ni siku va wuya laha gi phumako;+

Va wukulela a ku fana ni timbyana,+ va rendzelekela a dhoropa.+

 7 Hi nga wona lezvi a minomu yabye yi zvi chululako;*

A minomu yabye yi fana ni zvipadha,+

Hakuva ve ngalo: “Himani a zvi zwako?”+

 8 Kanilezvi wena Jehovha u ta va hleka;+

U ta poyila a matiko wontlhe.+

 9 Wena Ntamu wa mina, ndzi ta rindzela wena;+

Hakuva Nungungulu wuchavelo ga mina go tiya.*+

10 A Nungungulu loyi a ndzi kombisako lirandzo li nga mbheliko i tata a ta ndzi vhuna;+

Nungungulu i ta ndzi maha ndzi cuwuka a valala va mina hi migiyo.+

Va pepetsekise hi ntamu wa wena;

Va wise, O Jehovha, citlhangu ca hina.+

12 Hi kota ya ciwonho ca nomu wabye, a timhaka ta minomu yabye,

Ngha va phasiwa hi matshandza yabye,+

Hi kota ya tihlamba ni mawunwa lawa va ma wulako.

13 Va lovise zangeni ya wena;+

Va lovise kasi va nga havi kona kambe;

Va mahe va zvi tiva lezvaku Nungungulu wa fuma hehla ka Jakobe kala ni le magemeta-musi ya misava.+ (Sela)

14 Va wa wuye laha gi phumako;

Va wa wukulele a ku fana ni timbyana, va rendzelekela a dhoropa.+

15 Va wa pepetseke va lavetela zvakuga;+

U nga va tsiki va xura hambu ku kuma wutshamu go etlela kona.

16 Kanilezvi mina ndzi ta yimbelela xungetano hi ntamu wa wena;+

Ni mixo, ndzi ta hlawutela a lirandzo la wena li nga mbheliko hi kutsaka.

Hakuva wena u wuchavelo ga mina go tiya+

Ni wutshamu ga mina go tsutsumela kona cikhatini ca mina ca zvikarato.+

17 O Ntamu wa mina, ndzi ta yimbelela a tisimu ta ku ku dhumisa,*+

Hakuva Nungungulu wuchavelo ga mina go tiya, a Nungungulu loyi a ndzi kombisako lirandzo li nga mbheliko.+

 4 Va nyike* cikombiso lava va ku chavako,

Kasi va tsutsuma va vhika wura. (Sela)

 5 Kasi a varandzekako va wena va tlhatlhiswa,

Hi ponise hi canja ga wena ga cinene niku hi hlamule.+

“Ndzi ta kulungela, ndzi nyikela Xekemi ava tshomba,+

Niku ndzi ta pima a Nkova wa Sukote.+

 7 Gileyadhe wa mina, a ku khwatsi hi Manase,+

Na Efrayime i kapasete* ga hloko ya mina;

Judha i nhonga ya mina ya wukomandante.+

10 A hi wena Nungungulu, wena loyi u hi tsikileko,

A Nungungulu wa hina, loyi a nga ha humiko zvin’we ni mabutho ya hina ke?+

11 Hi vhune hlomulweni wa hina

Hakuva a kuhanyisa ka munhu a ku vhuni nchumu.+

12 Hi ta kuma ntamu hi ka Nungungulu,+

Niku yena i ta kandzihetela a valala va hina.+

 2 Ndzi ta rila ka wena na ndzi hi le magemeta-musi ya misava

Laha a mbilu ya mina yi tova kukaratekeni.*+

Ndzi yise ribyeni legi gi tlakukileko ku ndzi hundza.+

 3 Hakuva wena u wuchavelo ga mina,

A likhokhola* lo tiya li ndzi vhikelako ka nala.+

 4 Ndzi tava mupfhumba tendeni ga wena kala kupindzuka;+

Ndzi ta chavela ndzhutini wa tipapa ta wena.+ (Sela)

 5 Hakuva wena Nungungulu u zwile a zvifungo zva mina.

U ndzi nyikile a tshomba ya lava va chavako a vito ga wena.+

 6 U ta engetela a masiku ya wutomi ga hosi,+

Ni malembe ya yona ma ta simama ka cizukulwana ni cizukulwana.

 7 Yi ta tshama citshan’wini ca wuhosi kala kupindzuka mahlweni ka Nungungulu;+

Yi nyike a lirandzo li nga mbheliko ni kutsumbeka kasi zvi yi vhikela.+

 8 Ndzi ta yimbelela a tisimu ta ku dhumisa* a vito ga wena kala kupindzuka+

Laha ndzi tatisako a zvifungo zva mina siku ni siku.+

 2 Hakunene yena i ribye ga mina ni kuhanyiswa ka mina, a wuchavelo ga mina go tiya;*+

Ndzi nga ta tshuka ndzi tsekatsekiswa nguvhu.+

 4 Hakuva va xuxa cikungo ca ku mu susa citshan’wini cakwe ci tlakukileko;

Va randza ku hemba.

 5 Ndzi* rindzela ntsena ka Nungungulu hi lihlazva-mbilu*+

Hakuva a kutsumba ka mina kuta hi ka yena.+

 6 Hakunene yena i ribye ga mina ni kuhanyiswa ka mina, a wuchavelo ga mina go tiya;

Ndzi nga ta tshuka ndzi tsekatsekiswa.+

 9 A vana va vanhu kuhefemula ntsena,

A vana va vanhu a va nyawuli.+

10 Mu nga tsumbi a kuphanga;

Mu nga ti kalaveli mu tsumba kuyiva.

12 O Jehovha, a lirandzo li nga mbheliko lonawu la wena,+

Hakuva u tlhelisela a mun’we ni mun’wani maringano ni zvimaho zvakwe.+

Ndza* mbhela ntamu hi ku ku xuva

Lomu tikweni ga ku woma ni ga cihala, lomu ku nga hava mati.+

 2 Hikwalaho, ndzi ku cuwukele le wutshan’wini go basa;

Ndzi wonile ntamu wa wena ni kungangamela ka wena.+

 3 Hakuva a lirandzo la wena li nga mbheliko li chukwana a ku hundza wutomi;+

A minomu ya mina yi ta ku dhumisa.+

 4 Hikwalaho, ndzi ta ku dhumisa wutomini ga mina gontlhe;

Ndzi ta tlakusa a mandla ya mina vitweni ga wena.

 5 Ndza* ti buza hi ciavelo ca chukwana ni ca cinene nguvhu,*

Hikwalaho, a nomu wa mina wu ta ku dhumisa hi minomu yi tsakileko.+

 6 Ndza ku alakanya na ndzi hi mubhedhini wa mina,

Ndzi ehleketa hi wena ni wusiku.+

 7 Hakuva wena u muvhuni wa mina,+

Ndza kanyuluka hi kutsaka ndzhutini wa tipapa ta wena.+

 8 Ndza* namarela ka wena;

A canja ga wena ga cinene ga ndzi khoma zvi tiya.+

 9 Kanilezvi lava va hlotako ku lovisa a wutomi ga mina*

Va ta relela kueteni ka misava.

10 Va ta nyikelwa ntan’wini wa cipadha;

Va tava zvakuga zva makhanga.

Ni wihi munhu a hlambanyako hi yena i ta tsaka,*

Hakuva a nomu wa lava va wulawulako mawunwa wu ta miyetiwa.

 2 Ndzi vhikele ka zvikungo zva vakubiha lezvi va zvi xuxako cihundleni+

Ni ka citshungu ca vamahi va kubiha.

 3 Va lota a tirimi tabye a ku khwatsi cipadha;

Va phanda a magezu yabye ya tihanyi a ku khwatsi mipaxa,

 4 Kasi va fula loyi a nga hava nandzu na va hi lomu va fihlalako kona;

Va mu fula hi citshuketi, na va nga chavi nchumu.

 5 Va womelela ka maalakanyo yabye ya kubiha;*

Va bhula hi lezvi va to yi fihlisa zvona a mitlhamu yabye,

 6 Va hlota tindlela tiswa ta ku maha zvakubiha;

Va xuxa a mano yabye ya kubiha cihundleni;+

A maalakanyo ya mbilu ya mun’we ni mun’wani wabye a ma na kupimiwa.

 7 Kanilezvi Nungungulu i ta va fula;+

Va ta bayisiwa hi paxa hi citshuketi.

 8 Va ta wisiwa hi lirimi la vona venyi;+

Vontlhe lava va to zvi wona va ta ninginisa tihloko tabye.

 9 Makunu a vanhu vontlhe va ta chava,

Va huwelela lezvi Nungungulu a zvi mahileko;

Va ta zwisisa a mitiro yakwe.+

10 Loyi a lulamileko i ta tsakela Jehovha, a chavela kakwe;+

Vontlhe lava va timbilu ti lulamileko va ta tsaka.*

65 O Nungungulu, a kudhumiswa ku rindzela wena le Ziyoni;+

Hina hi ta tatisa a zvifungo zva hina ka wena.+

 3 A zvigoho zva mina zva ndzi bindza;+