Yehovha A Pfune Eliya

Nkama lowu Jezabele a nga tiva leswi nga yendleka hi vaprofeta va Bali, a nga swi tsakelanga ni katsongo. Yena a te a ta dlaya Eliya ku fana ni leswi Eliya a nga va dlayisa xiswona vaprofeta va Bali. Eliya a sungule ku chava hintamu, a baleka a ya mananga. Yena a khongele ka Yehovha a ku:

— Yehovha Xikwembu xa mina, a na ha gwenti ni kombela u ni dlaya.

Eliya a a karhalile hintamu, hi mhaka leyo a fike a yetlela hansi ka nsinya. Se Yehovha a rhume ntsumi leswaku yi ya ka Eliya. Yona yi fike yi ku:

— Eliya, pfuka u dla.

Se Eliya a vone pawu la redondu la ku hisa ni jaru la mati. Se a dla, a phuza mati a gama a yetlela. Se ntsumi yi tlhele yi mu pfuxa yi ku:

— Pfuka u dla leswaku u ta kuma ntamu hikusa lomu u yaka kona ka ha li kule.

Nkama a nga gama ku dla, Eliya a fambe 40 wa masiku anze a fika ka Ntshava ya Horebi. A fike a nghena ka ndhawu leyi a yi ni maribye ya makulu a yetlela. Kambe Yehovha a a karhatekile hi Eliya, se a mu vutisa swaku hi mhaka muni a a kwatile naswona a a baleka hi mhaka muni. Eliya a hlamule a ku:

— Yehovha, Vayisrayele va tshembise ku ku gandzela kambe a va ha swi yendli leswo. Vona va dlaye vaprofeta va wena naswona swoswi va lava ku dlaya na mina.

Kambe Yehovha a kombele Eliya leswaku a huma hi lomu a a yetlele kona a nyima ka ntshava. Se Yehovha a mu kombe ntamu wa yena. Ku sungula a yendle leswaku moya wu ba hintamu, wu hundza hi lomu Eliya a a yetlele kona a gama a yendla leswaku maribye ma tsekatseka ku tlhela ku va ni ndzilu. Se loko swi helile leswo, Eliya a game a twa rito la ku rhula leli a li twalela hansi. Yena a funengete kara la yena a gama a huma hi lomu a a yetlele kona. Se Yehovha a gama a mu vutisa a ku:

— Hi mhaka muni u balekile Eliya?

Yena a ku:

— Ni balekile hikusa a ka ha na vanhu van’wani lava va ku gandzelaka, o va mina ntsena.

Yehovha a mu hlamula a ku:

— Nada Eliya, a wu wexe. Ka ha ni 7.000 wa vanhu aIsrayele lava va ni gandzelaka.

Yehovha a rhume Eliya a ya vitana Elixa leswaku a ta va muprofeta a mu pfaleta. Eliya a nga hlwelanga, a tekele ku famba a ya vitana Elixa. Hi djondza yini ka hinkwaswu leswi nga yendlekela Eliya? Hi djondza swaku loko minkama hinkwayu hi mu yingisa Yehovha, hi yendla leswi a hi byelaka swona, yena a ta hi hlayisa. Ka xitoriya lexi landzelaka hi ta vona leswi Eliya a nga swi yendla nkama lowu a ku ni ndlala ka tiko la Israyele.