DJONDZO 11

Kuhiseka

Varhoma 12:11

U FANELE U YENDLA YINI? Pfuxa manyawu u tlhela u yendla vayingiseli va tsakela rungula la wena hi kuvulavula hi kuhiseka.

Rhanga u khumbeka ambilwini ya wena. U fanele u yanakanyisisa swinene hi lisima la mhaka leyi ungata vulavula hi yona na waha lunghiselela nkulumi ya wena. U fanele uyi tiva kahle nkulumi ya wena, yiku nghena, leswaku u kota kuvulavula swi huma mbilwini.
Yanakanya hi vayingiseli va wena. Yanakanyisisa hi ndlela leyi mhaka leyi ungatayi lerha kumbe kuyi djondzisa yingata pfuna vayingiseli va wena hi yona. Hlawula kahle tindlela leti ungatati tirhisa leswaku u veka mhaka ya wena hi ndlela leyingata yendla vayingiseli vayi tsakela swinene.
Yendla nkulumi ya wena yi hanya. Vulavula hi kuhiseka. Tirhisa mavoko hi ndlela ya ntumbuluku loko u vulavula naswona kombisa mintlhaveko ya wena hi nghohe.

Tivonele leswaku unga tirhisi mavoko hi ndlela yin’we ntsena leswaku vayingiseli va wena vanga kolwi hi kuphindaphinda koloko. Tirhisa kuvulavula hi mavoko hi ndlela leyi twisisekaka. Kombisa kuhiseka loko u djondzisa timhakankulu ni loko u khutaza vayingiseli va wena leswaku va yendla swiboho. Unga karhalisi vayingiseli va wena hi kuvulavula hi kuhiseka kutlula mpimo ka nkulumi ya wena hinkwayo.