Тынычлык саклаучы оешмалар бөтен дөнья буенча тынычлык урнаштыра алырмы?

Бүгенге көндә сугышлар һәм конфликтлар бөтен дөньяны тетрәтә. Шуңа күрә БМО һәм башка тынычлык саклаучы оешмалар андый җирләрдә киеренкелекне киметер өчен я тынычлык урнаштырыр өчен тырышлыклар куя, мәсәлән, үз кешеләрен җибәрә. БМОның Генераль секретаре Антониу Гутерриш болай дип әйткән: «БМОның тынычлык саклаучылары бөтен дөнья буенча тынычлык урнаштыруда иң зур роль уйный».

Шуны әйтергә кирәк: тынычлык саклаучы оешмалар кайбер уңышларга ирешкән. Мәсәлән, алар күп кенә очракларда сугыш барган җирдә яшәүче халыкны яклаган, качакларга туган илләренә кайтырга булышкан, гуманитар ярдәм оештырган һәм инфраструктураны торгызырга ярдәм иткән. Шулай да кайбер җитди авырлыклар аларның мөмкинлекләрен чикли. Алайса, бөтен дөньяда тынычлык урнаштыру мөмкинме соң? Изге Язмаларда моның турында нәрсә әйтелә?

Авырлыклар һәм Изге Язмалардагы хәл итү юллары

Авырлык: уртак фикергә килә алмау. Хәрби һәм хәрби булмаган оешмаларга, аеруча алар төрле илләрдән булсалар, хезмәттәшлек итү авыр. Моңа приоритетларының аерылып торуы һәм төрле аңлашылмаучанлыклар комачаулый.

Изге Язмалардагы хәл итү юлы: «Күкләр Аллаһысы... патшалык урнаштырачак. [...] Ул барлык шушы патшалыкларны [кеше хөкүмәтләрен] җимереп, аларны юкка чыгарачак, ә үзе мәңге торачак» (Даниял 2:44).

Авырлык: мөмкинлекләрнең һәм ресурсларның чикле булуы. Кешеләр, акча һәм башка ресурслар җитмәгәнгә, тынычлык саклаучы оешмаларның мөмкинлекләре чикле. Өстәвенә, аларга бик куркыныч, киеренке хәл-шартларда эш итәргә туры килә.

Изге Язмалардагы хәл итү юлы: «Хуҗабыз Гайсә Мәсихнең Аллаһысы... [Гайсәне] күкләрдә үзенең уң ягына утыртты... Ул аны бу дөнья төзелешендә һәркайсы хөкүмәт, хакимият, кодрәттән... югарырак утыртты» (Эфеслеләргә 1:17, 20, 21).

Аллаһы Тәгалә Йәһвәa Гайсәгә — Аллаһы Патшалыгының Патшасына — чиксез мөмкинлекләр биргән (Даниял 7:13, 14b). Гайсәнең кодрәте, белеме, зирәклеге теләсә нинди хөкүмәтнекеннән дә бөегрәк (Ишагыя 11:2). Аның шулай ук фәрештәләрдән торган куәтле гаскәре дә бар (Ачылыш 19:14). Шуңа күрә ул чишә алмаган авырлык юк.

Авырлык: юридик киртәләр. Тынычлык саклаучы оешмаларга кайвакыт төрлечә аңлап булган күрсәтмәләр бирелә яисә бу күрсәтмәләр аларның ил буйлап хәрәкәт итүен һәм эш итүен чикләргә мөмкин. Шуңа күрә алар үз максатларына тулысынча ирешә алмый.

Изге Язмалардагы хәл итү юлы: «Күктә дә, җирдә дә бөтен хакимлек... [Гайсәгә] бирелде» (Маттай 28:18).

Аллаһы, Гайсәгә ачык күрсәтмәләр биреп, аңа бөтен дөнья буенча тынычлык урнаштырырга кушкан һәм моның өчен кирәкле вәкаләт биргән (Яхъя 5:22). Гайсә беркайчан да гаделсез эш итмәячәк (Ишагыя 11:3—5). Изге Язмаларда ул «Тынычлык мирзасы» дип атала, чөнки аның хакимлеге «гаделлек һәм тәкъвалыкка» нигезләнгән (Ишагыя 9:6, 7).

Аллаһы Патшалыгы чын тынычлык урнаштырачак

Тынычлык саклаучы оешмалар берәр регионда күп дигәндә чагыштырмача тынычлык урнаштыра ала я конфликтны туктата ала. Әмма алар җәбер-золымның төп сәбәбен — кеше йөрәгендә тамыр җәйгән нәфрәт хисен бетерә алмый.

«Хикмәт шунда ки: булмаган тынычлыкны саклап буламы соң?» (АКШның элекке илчесе Деннис Джетт)

Кеше оешмаларыннан аермалы буларак, Аллаһы Патшалыгы чын тынычлык урнаштыра алачак, чөнки ул кешеләргә йөрәкләрендәге нәфрәт хисеннән арынырга булыша. Мәсәлән, Гайсә, җирдә яшәгәндә, үз сүзләре һәм үрнәге белән шәкертләрен тынычлык булдырырга һәм бер-берсен яратырга өйрәткән:

Гайсә шулай ук Аллаһы Патшалыгының гражданнарын бер-берсенә карата эчкерсез яратулары буенча танып белерләр дип әйткән. Изге Язмалардан күренгәнчә, Аллаһы Патшалыгы идарә иткән дөньяда башкаларны нәфрәт итүче кешеләргә урын булмаячак.

Кешеләрне Барлыкка Китерүче Йәһвә Аллаһы тынычлык урнаштырыр өчен иң яхшы бердәнбер юлны белә. Әйе, Аллаһы Патшалыгы кеше оешмалары булдыра алмаганны эшләячәк.