FATATUSI I TE ITANETI a te Faleleoleo Maluga
Faleleoleo Maluga
FATATUSI I TE ITANEI
Tuvalu
  • TUSI TAPU
  • TUSI
  • MEETINGS
  • km 12/13 itu. 2
  • Ke Tauloto Mai te Kau Pelofeta​—Hosea

E seai se vitio penei

Fakatoese atu, e isi se fakalavelave ki te peiga o te vitio

  • Ke Tauloto Mai te Kau Pelofeta​—Hosea
  • Te ‵Tou Galuega Talai—2013
  • Mataupu
  • E Fesoasoani Mai te Valoaga a Hosea ke Sa‵sale Fakatasi Tatou mo te Atua
    Te Faleleoleo Maluga e Folafola Atu ei te Malo o Ieova—2005
  • Manatu Tāua Mai te Tusi ko Hosea
    Te Faleleoleo Maluga e Folafola Atu ei te Malo o Ieova—2007
  • Tau a Mea ‵Lei Mai te Sa‵sale Fakatasi mo te Atua
    Te Faleleoleo Maluga e Folafola Atu ei te Malo o Ieova—2005
  • ‘E Amio‵tonu a Auala Katoa o Ieova’
    Te Faleleoleo Maluga e Folafola Atu ei te Malo o Ieova—2005
Nisi Mea
Te ‵Tou Galuega Talai—2013
km 12/13 itu. 2

Ke Tauloto Mai te Kau Pelofeta​—Hosea

1. Se a te fesili e mafai ne koe o fesili ifo ki a koe eiloa?

1 ‘Ne a mea fai‵gata e loto fiafia au o fai mō Ieova?’ Kāti e mafai o fesili ifo ne koe a te fesili tenā i te taimi e mafaufau ‵loto ei koe ki te lasi o tena ‵lei mo tena alofa fakamagalo. (Sala. 103:​2-4; 116:12) Ne loto fiafia eiloa a Hosea o fai a mea kolā ne fakatonu atu a Ieova ke fai ne ia, faitalia eiloa a te faigata ki a ia. E mafai pefea o fakaakoako atu tatou ki a Hosea?

2. E mafai pefea o tau‵tali atu tatou ki te fakaakoakoga ‵lei a Hosea i te tumau i te galuega talai?

2 Talai Atu i Taimi o Fakalavelave: Ne fakasino atu muamua eiloa te fekau a Hosea ki te malo o matakāiga e sefulu o Isalaelu, telā toeitiiti ko fakaseai katoatoa atu i ei a te tapuakiga tonu. Ne fai ne te tupu ko Ielopoamo II a mea ma‵sei i mua o Ieova mai te tumau i te tapuaki atu ki te pulumakau telā ne fakatu muamua ne Ielopoamo I. (2 Tupu 14:​23, 24) Ne tumau eiloa a tupu mai tua ifo i tulaga sē ‵lei i te feitu faka-te-agaga i te malo o matakāiga e toko sefulu ke oko eiloa ki te taimi ne fakaseai fakamuli atu ei i te 740 T.L.M. Kae faitalia te malosi o tapuakiga ‵se, ne tavini atu eiloa a Hosea mo te fakamaoni e pelā me se pelofeta mō tausaga e 59. E mata, e maua foki ne tatou a te vaegā loto finafinau penā ke tumau eiloa i te talai atu i tausaga katoa, faitalia me e se fia‵fia io me e ‵teke mai a tino ki a tatou?​— 2 Timo. 4:2.

3. Ne fakaata atu pefea a te alofa fakamagalo o Ieova i te olaga o Hosea?

3 Ke Saga Tonu Atu ki te Alofa Fakamagalo o Ieova: Ne fakatonu atu a Ieova ki a Hosea ke ‘fai sena avaga telā ka se fakamaoni.’ (Ho. 1:2) E tiga eiloa ne fanau mai ne tena avaga, ko Komeli, se tamaliki tagata mai i a ia, ne toe fanau fakamuli mai ne ia a tamaliki e tokolua mai i se isi tagata. A te loto fiafia o Hosea o fakamagalo tena avaga ne fakaasi atu ei te lasi o te alofa fakamagalo o Ieova ki te kau Isalaelu sē faka‵logo māfai e sala‵mo latou. (Ho. 3:1; Loma 9:​22-26) E mata, e loto fia‵fia tatou ke fakatafa malie aka a mea kolā e fia‵fia malosi tatou ki ei ko te mea ke fakasalalau atu a te alofa fakamagalo o Ieova ki tino katoa?​—1 Koli. 9:​19-23.

4. Ne a nisi mea faiga‵ta kolā e mafai o fai ne tatou mō Ieova?

4 Ko oti eiloa ne tiakina ne nisi tavini a Ieova a galuega ‵togi ‵lasi ko te mea ke fakamāumāu ne latou a taimi e uke atu i te galuega talai. Ko oti eiloa ne tumau a nisi tino i te olaga taka io me e aunoa mo ne tama‵liki ko te mea ke kausaki atu ki manakoga o te Malo. Kafai e mafau‵fau ki te olaga o Hosea, e mafai o fai ifo tatou penei, ‘E se mafai lele eiloa ne au o fai a te mea ne fai ne ia.’ Kae kafai e gasolo aka te ‵tou loto fakafetai ki te alofa tauanoa o Ieova kae fakalagolago malosi ki tena agaga tapu mō te malosi, e mafai eiloa o fakaaoga tatou ne ia i auala kolā ne seki mafau‵fau eiloa tatou ki ei, e pelā mo Hosea.​—Mata. 19:26; Fili. 2:13.

    Tusi Tuvalu (1981-2026)
    Log Out
    Log In
    • Tuvalu
    • Share
    • Nisi Manakoga
    • Copyright © 2025 Watch Tower Bible and Tract Society of Pennsylvania
    • Auala ki te Fakaaogaga
    • Saolotoga Faka-te-Tulafono
    • Privacy Settings
    • JW.ORG
    • Log In
    Share